{"collection":"Bible & Christianity","html_url":"https://unchartedknowledge.5gfusion.net/browse/bib/vul/ch1025.htm","path":"bib/vul/ch1025.htm","source_url":"https://sacred-texts.com/bib/vul/ch1025.htm","text":"1 Igitur David et magistratus exercitus segregaverunt in ministerium filios Asaph, et Heman, et Idithun, qui prophetarent in citharis, et psalteriis, et cymbalis secundum numerum suum, dedicato sibi officio servientes.\n2 De filiis Asaph: Zachur, et Joseph, et Nathania, et Asarela, filii Asaph: sub manu Asaph prophetantis juxta regem.\n3 Porro Idithun: filii Idithun, Godolias, Sori, Jeseias, et Hasabias, et Mathathias, sex, sub manu patris sui Idithun, qui in cithara prophetabat super confitentes et laudantes Dominum.\n4 Heman quoque: filii Heman, Bocciau, Mathaniau, Oziel, Subuel, et Jerimoth, Hananias, Hanani, Eliatha, Geddelthi, et Romemthiezer, et Jesbacassa, Mellothi, Othir, Mahazioth:\n5 omnes isti filii Heman videntis regis in sermonibus Dei, ut exaltaret cornu: deditque Deus Heman filios quatuordecim, et filias tres.\n6 Universi sub manu patris sui ad cantandum in templo Domini distributi erant, in cymbalis, et psalteriis, et citharis, in ministeria domus Domini juxta regem: Asaph videlicet, et Idithun, et Heman.\n7 Fuit autem numerus eorum cum fratribus suis, qui erudiebant canticum Domini, cuncti doctores, ducenti octoginta octo.\n8 Miseruntque sortes per vices suas, ex \u00e6quo tam major quam minor, doctus pariter et indoctus.\n9 Egressaque est sors prima Joseph, qui erat de Asaph. Secunda Godoli\u00e6, ipsi et filiis ejus, et fratribus ejus duodecim.\n10 Tertia Zachur, filiis et fratribus ejus duodecim.\n11 Quarta Isari, filiis et fratribus ejus duodecim.\n12 Quinta Nathani\u00e6, filiis et fratribus ejus duodecim.\n13 Sexta Bocciau, filiis et fratribus ejus duodecim.\n14 Septima Isreela, filiis et fratribus ejus duodecim.\n15 Octava Jesai\u00e6, filiis et fratribus ejus duodecim.\n16 Nona Mathani\u00e6, filiis et fratribus ejus duodecim.\n17 Decima Semei\u00e6, filiis et fratribus ejus duodecim.\n18 Undecima Azareel, filiis et fratribus ejus duodecim.\n19 Duodecima Hasabi\u00e6, filiis et fratribus ejus duodecim.\n20 Tertiadecima Suba\u00ebl, filiis et fratribus ejus duodecim.\n21 Quartadecima Mathathi\u00e6, filiis et fratribus ejus duodecim.\n22 Quintadecima Jerimoth, filiis et fratribus ejus duodecim.\n23 Sextadecima Hanani\u00e6, filiis et fratribus ejus duodecim.\n24 Septimadecima Jesbacass\u00e6, filiis et fratribus ejus duodecim.\n25 Octavadecima Hanani, filiis et fratribus ejus duodecim.\n26 Nonadecima Mellothi, filiis et fratribus ejus duodecim.\n27 Vigesima Eliatha, filiis et fratribus ejus duodecim.\n28 Vigesima prima Othir, filiis et fratribus ejus duodecim.\n29 Vigesima secunda Geddelthi, filiis et fratribus ejus duodecim.\n30 Vigesima tertia Mahazioth, filiis et fratribus ejus duodecim.\n31 Vigesima quarta Romemthiezer, filiis et fratribus ejus duodecim.","title":"Vulgate: 1 Chronicles: 1 Chronicles Chapter 25","type":"page"}