{"collection":"Bible & Christianity","html_url":"https://unchartedknowledge.5gfusion.net/browse/bib/vul/ezr002.htm","path":"bib/vul/ezr002.htm","source_url":"https://sacred-texts.com/bib/vul/ezr002.htm","text":"1 Hi sunt autem provinci\u00e6 filii, qui ascenderunt de captivitate, quam transtulerat Nabuchodonosor rex Babylonis in Babylonem, et reversi sunt in Jerusalem et Judam, unusquisque in civitatem suam.\n2 Qui venerunt cum Zorobabel, Josue, Nehemia, Saraia, Rahelaia, Mardochai, Belsan, Mesphar, Beguai, Rehum, Baana. Numerus virorum populi Isra\u00ebl:\n3 filii Pharos duo millia centum septuaginta duo.\n4 Filii Sephatia, trecenti septuaginta duo.\n5 Filii Area, septingenti septuaginta quinque.\n6 Filii Phahath Moab, filiorum Josue: Joab, duo millia octingenti duodecim.\n7 Filii \u00c6lam, mille ducenti quinquaginta quatuor.\n8 Filii Zethua, nongenti quadraginta quinque.\n9 Filii Zachai, septingenti sexaginta.\n10 Filii Bani, sexcenti quadraginta duo.\n11 Filii Bebai, sexcenti viginti tres.\n12 Filii Azgad, mille ducenti viginti duo.\n13 Filii Adonicam, sexcenti sexaginta sex.\n14 Filii Beguai, duo millia quinquaginta sex.\n15 Filii Adin, quadringenti quinquaginta quatuor.\n16 Filii Ather, qui erant ex Ezechia, nonaginta octo.\n17 Filii Besai, trecenti viginti tres.\n18 Filii Jora, centum duodecim.\n19 Filii Hasum, ducenti viginti tres.\n20 Filii Gebbar, nonaginta quinque.\n21 Filii Bethlehem, centum viginti tres.\n22 Viri Netupha, quinquaginta sex.\n23 Viri Anathoth, centum viginti octo.\n24 Filii Azmaveth, quadraginta duo.\n25 Filii Cariathiarim, Cephira et Beroth, septingenti quadraginta tres.\n26 Filii Rama et Gabaa, sexcenti viginti unus.\n27 Viri Machmas, centum viginti duo.\n28 Viri Bethel et Hai, ducenti viginti tres.\n29 Filii Nebo, quinquaginta duo.\n30 Filii Megbis, centum quinquaginta sex.\n31 Filii \u00c6lam alterius, mille ducenti quinquaginta quatuor.\n32 Filii Harim, trecenti viginti.\n33 Filii Lod Hadid, et Ono, septingenti viginti quinque.\n34 Filii Jericho, trecenti quadraginta quinque.\n35\u00a0Filii Senaa, tria millia sexcenti triginta.\n \n36 Sacerdotes: filii Jadaia in domo Josue, nongenti septuaginta tres.\n37 Filii Emmer, mille quinquaginta duo.\n38 Filii Pheshur, mille ducenti quadraginta septem.\n39 Filii Harim, mille decem et septem.\n40 Levit\u00e6: filii Josue et Cedmihel filiorum Odovi\u00e6, septuaginta quatuor.\n41 Cantores: filii Asaph, centum viginti octo.\n42\u00a0Filii janitorum: filii Sellum, filii Ater, filii Telmon, filii Accub, filii Hatitha, filii Sobai: universi centum triginta novem.\n \n43 Nathin\u00e6i: filii Siha, filii Hasupha, filii Tabbaoth,\n44 filii Ceros, filii Siaa, filii Phadon,\n45 filii Lebana, filii Hagaba, filii Accub,\n46 filii Hagab, filii Semlai, filii Hanan,\n47 filii Gaddel, filii Gaher, filii Raaia,\n48 filii Rasin, filii Necoda, filii Gazam,\n49 filii Aza, filii Phasea, filii Besee,\n50 filii Asena, filii Munim, filii Nephusim,\n51 filii Bacbuc, filii Hacupha, filii Harhur,\n52 filii Besluth, filii Mahida, filii Harsa,\n53 filii Bercos, filii Sisara, filii Thema,\n54 filii Nasia, filii Hatipha,\n55 filii servorum Salomonis, filii Sotai, filii Sophereth, filii Pharuda,\n56 filii Jala, filii Dercon, filii Geddel,\n57 filii Saphatia, filii Hatil, filii Phochereth, qui erant de Asebaim, filii Ami:\n58\u00a0omnes Nathin\u00e6i, et filii servorum Salomonis, trecenti nonaginta duo.\n \n59 Et hi qui ascenderunt de Thelmala, Thelharsa, Cherub, et Adon, et Emer: et non potuerunt indicare domum patrum suorum et semen suum, utrum ex Isra\u00ebl essent.\n60\u00a0Filii Dalaia, filii Tobia, filii Necoda, sexcenti quinquaginta duo.\n \n61 Et de filiis sacerdotum: filii Hobia, filii Accos, filii Berzellai, qui accepit de filiabus Berzellai Galaaditis, uxorem, et vocatus est nomine eorum:\n62 hi qu\u00e6sierunt scripturam genealogi\u00e6 su\u00e6, et non invenerunt, et ejecti sunt de sacerdotio.\n63\u00a0Et dixit Athersatha eis ut non comederent de Sancto sanctorum, donec surgeret sacerdos doctus atque perfectus.\n \n64 Omnis multitudo quasi unus, quadraginta duo millia trecenti sexaginta:\n65 exceptis servis eorum, et ancillis, qui erant septem millia trecenti triginta septem: et in ipsis cantores atque cantatrices ducenti.\n66 Equi eorum septingenti triginta sex, muli eorum, ducenti quadraginta quinque,\n67 cameli eorum, quadringenti triginta quinque, asini eorum, sex millia septingenti viginti.\n68 Et de principibus patrum, cum ingrederentur templum Domini, quod est in Jerusalem, sponte obtulerunt in domum Dei ad exstruendam eam in loco suo.\n69 Secundum vires suas dederunt impensas operis, auri solidos sexaginta millia et mille, argenti mnas quinque millia, et vestes sacerdotales centum.\n70 Habitaverunt ergo sacerdotes, et Levit\u00e6, et de populo, et cantores, et janitores, et Nathin\u00e6i, in urbibus suis, universusque Isra\u00ebl in civitatibus suis.","title":"Vulgate: Ezra: Ezra Chapter 2","type":"page"}