{"collection":"Bible & Christianity","html_url":"https://unchartedknowledge.5gfusion.net/browse/bib/vul/hos003.htm","path":"bib/vul/hos003.htm","source_url":"https://sacred-texts.com/bib/vul/hos003.htm","text":"1 Et dixit Dominus ad me: Adhuc vade, et dilige mulierem dilectam amico et adulteram, sicut diligit Dominus filios Isra\u00ebl, et ipsi respiciunt ad deos alienos, et diligunt vinacia uvarum.\n2 Et fodi eam mihi quindecim argenteis, et coro hordei, et dimidio coro hord\u00e6i.\n3 Et dixi ad eam: Dies multos exspectabis me; non fornicaberis, et non eris viro; sed et ego exspectabo te.\n4 Quia dies multos sedebunt filii Isra\u00ebl sine rege, et sine principe, et sine sacrificio, et sine altari, et sine ephod, et sine theraphim.\n5 Et post h\u00e6c revertentur filii Isra\u00ebl, et qu\u00e6rent Dominum Deum suum, et David regem suum: et pavebunt ad Dominum, et ad bonum ejus, in novissimo dierum.","title":"Vulgate: Hosea: Hosea Chapter 3","type":"page"}