{"collection":"Bible & Christianity","html_url":"https://unchartedknowledge.5gfusion.net/browse/bib/vul/isa012.htm","path":"bib/vul/isa012.htm","source_url":"https://sacred-texts.com/bib/vul/isa012.htm","text":"1\u00a0[Et dices in die illa:\n Confitebor tibi, Domine, quoniam iratus es mihi;\n conversus est furor tuus, et consolatus es me.\n2\u00a0Ecce Deus salvator meus;\n fiducialiter agam, et non timebo:\n quia fortitudo mea et laus mea Dominus,\n et factus est mihi in salutem.\n3\u00a0Haurietis aquas in gaudio de fontibus salvatoris.\n4\u00a0Et dicetis in die illa:\n Confitemini Domino et invocate nomen ejus;\n notas facite in populis adinventiones ejus;\n mementote quoniam excelsum est nomen ejus.\n5\u00a0Cantate Domino, quoniam magnifice fecit;\n annuntiate hoc in universa terra.\n6\u00a0Exsulta et lauda, habitatio Sion,\n quia magnus in medio tui Sanctus Isra\u00ebl.]","title":"Vulgate: Isaiah: Isaiah Chapter 12","type":"page"}