{"collection":"Bible & Christianity","html_url":"https://unchartedknowledge.5gfusion.net/browse/bib/vul/isa020.htm","path":"bib/vul/isa020.htm","source_url":"https://sacred-texts.com/bib/vul/isa020.htm","text":"1 In anno quo ingressus est Thathan in Azotum, cum misisset eum Sargon, rex Assyriorum, et pugnasset contra Azotum, et cepisset eam:\n2 in tempore illo locutus est Dominus in manu Isai\u00e6, filii Amos, dicens: Vade, et solve saccum de lumbis tuis, et calceamenta tua tolle de pedibus tuis. Et fecit sic, vadens nudus et discalceatus.\n3\u00a0Et dixit Dominus: [Sicut ambulavit servus meus Isaias nudus et discalceatus,\n trium annorum signum et portentum erit\n super \u00c6gyptum et super \u00c6thiopiam;\n4\u00a0sic minabit rex Assyriorum captivitatem \u00c6gypti,\n et transmigrationem \u00c6thiopi\u00e6,\n juvenum et senum, nudam et discalceatam, discoopertis natibus, ad ignominiam \u00c6gypti.\n5\u00a0Et timebunt, et confundentur\n ab \u00c6thiopia spe sua,\n et ab \u00c6gypto gloria sua.\n6\u00a0Et dicet habitator insul\u00e6 hujus in die illa:\n Ecce h\u00e6c erat spes nostra,\n ad quos confugimus in auxilium, ut liberarent nos\n a facie regis Assyriorum:\n et quomodo effugere poterimus nos?]","title":"Vulgate: Isaiah: Isaiah Chapter 20","type":"page"}