{"collection":"Bible & Christianity","html_url":"https://unchartedknowledge.5gfusion.net/browse/bib/vul/jos019.htm","path":"bib/vul/jos019.htm","source_url":"https://sacred-texts.com/bib/vul/jos019.htm","text":"1 Et egressa est sors secunda filiorum Simeon per cognationes suas: fuitque h\u00e6reditas\n2 eorum in medio possessionis filiorum Juda: Bersabee et Sabee et Molada\n3 et Hasersual, Bala et Asem\n4 et Eltholad, Bethul et Harma\n5 et Siceleg et Bethmarchaboth et Hasersusa\n6 et Bethlebaoth et Sarohen: civitates tredecim, et vill\u00e6 earum.\n7 Ain et Remmon et Athar et Asan: civitates quatuor, et vill\u00e6 earum:\n8 omnes viculi per circuitum urbium istarum usque ad Baalath Beer Ramath contra australem plagam. H\u00e6c est h\u00e6reditas filiorum Simeon juxta cognationes suas,\n9\u00a0in possessione et funiculo filiorum Juda: quia major erat, et idcirco filii Simeon possederunt in medio h\u00e6reditatis eorum.\n \n10 Ceciditque sors tertia filiorum Zabulon per cognationes suas: factus est terminus possessionis eorum usque Sarid.\n11 Ascenditque de mari et Merala, et pervenit in Debbaseth, usque ad torrentem qui est contra Jeconam.\n12 Et revertitur de Sared contra orientem in fines Ceseleththabor: et egreditur ad Dabereth, ascenditque contra Japhie.\n13 Et inde pertransit usque ad orientalem plagam Gethepher et Thacasin: et egreditur in Remmon, Amthar et Noa.\n14 Et circuit ad aquilonem Hanathon: suntque egressus ejus vallis Jephtha\u00ebl,\n15 et Cateth et Naalol et Semeron et Jerala et Bethlehem: civitates duodecim, et vill\u00e6 earum.\n16\u00a0H\u00e6c est h\u00e6reditas tribus filiorum Zabulon per cognationes suas, urbes et viculi earum.\n \n17 Issachar egressa est sors quarta per cognationes suas:\n18 fuitque ejus h\u00e6reditas Jezra\u00ebl et Casaloth et Sunem\n19 et Hapharaim et Seon, et Anaharath\n20 et Rabboth et Cesion, Abes,\n21 et Rameth, et Engannim, et Enhadda et Bethpheses.\n22 Et pervenit terminus ejus usque Thabor et Sehesima et Bethsames, eruntque exitus ejus Jordanis: civitates sedecim, et vill\u00e6 earum.\n23\u00a0H\u00e6c est possessio filiorum Issachar per cognationes suas, urbes et viculi earum.\n \n24 Ceciditque sors quinta tribui filiorum Aser per cognationes suas:\n25 fuitque terminus eorum Halcath et Chali et Beten et Axaph\n26 et Elmelech et Amaad et Messal: et pervenit usque ad Carmelum maris et Sihor et Labanath,\n27 ac revertitur contra orientem Bethdagon: et pertransit usque Zabulon et vallem Jephtha\u00ebl contra aquilonem in Bethemec et Nehiel. Egrediturque ad l\u00e6vam Cabul,\n28 et Abran et Rohob et Hamon et Cana, usque ad Sidonem magnam.\n29 Revertiturque in Horma usque ad civitatem munitissimam Tyrum, et usque Hosa: eruntque exitus ejus in mare de funiculo Achziba:\n30 et Amma et Aphec et Rohob: civitates viginti du\u00e6, et vill\u00e6 earum.\n31\u00a0H\u00e6c est possessio filiorum Aser per cognationes suas, urbesque et viculi earum.\n \n32 Filiorum Nephthali sexta sors cecidit per familias suas:\n33 et c\u0153pit terminus de Heleph et Elon in Saananim, et Adami, qu\u00e6 est Neceb, et Jebna\u00ebl usque Lecum: et egressus eorum usque ad Jordanem:\n34 revertiturque terminus contra occidentem in Azanotthabor, atque inde egreditur in Hucuca, et pertransit in Zabulon contra meridiem, et in Aser contra occidentem, et in Juda ad Jordanem contra ortum solis:\n35 civitates munitissim\u00e6, Assedim, Ser, et Emath, et Reccath et Cenereth,\n36 et Edema et Arama, Asor\n37 et Cedes et Edrai, Enhasor,\n38 et Jeron et Magdalel, Horem et Bethanath et Bethsames: civitates decem et novem, et vill\u00e6 earum.\n39\u00a0H\u00e6c est possessio tribus filiorum Nephthali per cognationes suas, urbes et viculi earum.\n \n40 Tribui filiorum Dan per familias suas egressa est sors septima:\n41 et fuit terminus possessionis ejus Sara et Esthaol, et Hirsemes, id est, civitas solis.\n42 Selebin et Ajalon et Jethela,\n43 Elon et Themna et Acron,\n44 Elthece, Gebbethon et Balaath,\n45 et Jud et Bane et Barach et Gethremmon:\n46 et Mejarcon et Arecon, cum termino qui respicit Joppen,\n47 et ipso fine concluditur. Ascenderuntque filii Dan, et pugnaverunt contra Lesem, ceperuntque eam: et percusserunt eam in ore gladii, et possederunt, et habitaverunt in ea, vocantes nomen ejus Lesem Dan, ex nomine Dan patris sui.\n48\u00a0H\u00e6c est possessio tribus filiorum Dan, per cognationes suas, urbes et viculi earum.\n \n49 Cumque complesset sorte dividere terram singulis per tribus suas, dederunt filii Isra\u00ebl possessionem Josue filio Nun in medio sui,\n50 juxta pr\u00e6ceptum Domini, urbem quam postulavit Thamnath Saraa in monte Ephraim: et \u00e6dificavit civitatem, habitavitque in ea.\n51 H\u00e6 sunt possessiones, quas sorte diviserunt Eleazar sacerdos, et Josue filius Nun, et principes familiarum ac tribuum filiorum Isra\u00ebl in Silo, coram Domino ad ostium tabernaculi testimonii: partitique sunt terram.","title":"Vulgate: Joshua: Joshua Chapter 19","type":"page"}