{"collection":"Bible & Christianity","html_url":"https://unchartedknowledge.5gfusion.net/browse/bib/vul/mal004.htm","path":"bib/vul/mal004.htm","source_url":"https://sacred-texts.com/bib/vul/mal004.htm","text":"1 Ecce enim dies veniet succensa quasi caminus: et erunt omnes superbi et omnes facientes impietatem stipula: et inflammabit eos dies veniens, dicit Dominus exercituum, qu\u00e6 non derelinquet eis radicem et germen.\n2 Et orietur vobis timentibus nomen meum sol justiti\u00e6, et sanitas in pennis ejus: et egrediemini, et salietis sicut vituli de armento.\n3 Et calcabitis impios, cum fuerint cinis sub planta pedum vestrorum, in die qua ego facio, dicit Dominus exercituum.\n4 Mementote legis Moysi servi mei, quam mandavi ei in Horeb ad omnem Isra\u00ebl, pr\u00e6cepta et judicia.\n5 Ecce ego mittam vobis Eliam prophetam, antequam veniat dies Domini magnus et horribilis.\n6 Et convertet cor patrum ad filios, et cor filiorum ad patres eorum: ne forte veniam, et percutiam terram anathemate.","title":"Vulgate: Malachi: Malachi Chapter 4","type":"page"}