{"collection":"Bible & Christianity","html_url":"https://unchartedknowledge.5gfusion.net/browse/bib/vul/neh010.htm","path":"bib/vul/neh010.htm","source_url":"https://sacred-texts.com/bib/vul/neh010.htm","text":"1 Signatores autem fuerunt Nehemias, Athersatha filius Hachelai, et Sedecias,\n2 Saraias, Azarias, Jeremias,\n3 Pheshur, Amarias, Melchias,\n4 Hattus, Sebenia, Melluch,\n5 Harem, Merimuth, Obdias,\n6 Daniel, Genthon, Baruch,\n7 Mosollam, Abia, Miamin,\n8 Maazia, Belgai, Semeia: hi sacerdotes.\n9 Porro Levit\u00e6, Josue filius Azani\u00e6, Bennui de filiis Henadad, Cedmihel,\n10 et fratres eorum, Sebenia, Odaia, Celita, Phalaia, Hanan,\n11 Micha, Rohob, Hasebia,\n12 Zachur, Serebia, Sabania,\n13 Odaia, Bani, Baninu.\n14 Capita populi, Pharos, Phahathmoab, \u00c6lam, Zethu, Bani,\n15 Bonni, Azgad, Bebai,\n16 Adonia, Begoai, Adin,\n17 Ater, Hezecia, Azur,\n18 Odaia, Hasum, Besai,\n19 Hareph, Anathoth, Nebai,\n20 Megphias, Mosollam, Hazir,\n21 Mesizabel, Sadoc, Jeddua,\n22 Pheltia, Hanan, Anaia,\n23 Osee, Hanania, Hasub,\n24 Alohes, Phalea, Sobec,\n25 Rehum, Hasebna, Maasia,\n26 Echaia, Hanan, Anan,\n27\u00a0Melluch, Haran, Baana.\n \n28 Et reliqui de populo, sacerdotes, Levit\u00e6, janitores, et cantores, Nathin\u00e6i, et omnes qui se separaverunt de populis terrarum ad legem Dei, uxores eorum, filii eorum, et fili\u00e6 eorum,\n29 omnes qui poterant sapere spondentes pro fratribus suis, optimates eorum, et qui veniebant ad pollicendum et jurandum ut ambularent in lege Dei, quam dederat in manu Moysi servi Dei: ut facerent et custodirent universa mandata Domini Dei nostri, et judicia ejus et c\u00e6remonias ejus:\n30 et ut non daremus filias nostras populo terr\u00e6, et filias eorum non acciperemus filiis nostris.\n31 Populi quoque terr\u00e6, qui important venalia, et omnia ad usum, per diem sabbati ut vendant, non accipiemus ab eis in sabbato et in die sanctificato. Et dimittemus annum septimum, et exactionem univers\u00e6 manus.\n32 Et statuemus super nos pr\u00e6cepta, ut demus tertiam partem sicli per annum ad opus domus Dei nostri,\n33 ad panes propositionis, et ad sacrificium sempiternum, et in holocaustum sempiternum in sabbatis, in calendis, in solemnitatibus, et in sanctificatis, et pro peccato: ut exoretur pro Isra\u00ebl, et in omnem usum domus Dei nostri.\n34 Sortes ergo misimus super oblationem lignorum inter sacerdotes, et Levitas, et populum, ut inferrentur in domum Dei nostri per domos patrum nostrorum, per tempora, a temporibus anni usque ad annum: ut arderent super altare Domini Dei nostri, sicut scriptum est in lege Moysi:\n35 et ut afferremus primogenita terr\u00e6 nostr\u00e6, et primitiva universi fructus omnis ligni, ab anno in annum, in domo Domini:\n36 et primitiva filiorum nostrorum et pecorum nostrorum, sicut scriptum est in lege, et primitiva boum nostrorum et ovium nostrarum, ut offerrentur in domo Dei nostri, sacerdotibus qui ministrant in domo Dei nostri:\n37 et primitias ciborum nostrorum, et libaminum nostrorum, et poma omnis ligni, vindemi\u00e6 quoque et olei, afferemus sacerdotibus ad gazophylacium Dei nostri, et decimam partem terr\u00e6 nostr\u00e6 Levitis. Ipsi Levit\u00e6 decimas accipient ex omnibus civitatibus operum nostrorum.\n38 Erit autem sacerdos filius Aaron cum Levitis in decimis Levitarum, et Levit\u00e6 offerent decimam partem decim\u00e6 su\u00e6 in domo Dei nostri ad gazophylacium in domum thesauri.\n39 Ad gazophylacium enim deportabunt filii Isra\u00ebl, et filii Levi, primitias frumenti, vini, et olei: et ibi erunt vasa sanctificata, et sacerdotes, et cantores, et janitores, et ministri: et non dimittemus domum Dei nostri.","title":"Vulgate: Nehemiah: Nehemiah Chapter 10","type":"page"}