{"collection":"Bible & Christianity","html_url":"https://unchartedknowledge.5gfusion.net/browse/bib/vul/psa001.htm","path":"bib/vul/psa001.htm","source_url":"https://sacred-texts.com/bib/vul/psa001.htm","text":"1\u00a0[Beatus vir qui non abiit in consilio impiorum,\n et in via peccatorum non stetit,\n et in cathedra pestilenti\u00e6 non sedit;\n2\u00a0sed in lege Domini voluntas ejus,\n et in lege ejus meditabitur die ac nocte.\n3\u00a0Et erit tamquam lignum quod plantatum est secus decursus aquarum,\n quod fructum suum dabit in tempore suo:\n et folium ejus non defluet;\n et omnia qu\u00e6cumque faciet prosperabuntur.\n4\u00a0Non sic impii, non sic;\n sed tamquam pulvis quem projicit ventus a facie terr\u00e6.\n5\u00a0Ideo non resurgent impii in judicio,\n neque peccatores in concilio justorum:\n6\u00a0quoniam novit Dominus viam justorum,\n et iter impiorum peribit.]","title":"Vulgate: Psalms: Psalms Chapter 1","type":"page"}