{"collection":"Bible & Christianity","html_url":"https://unchartedknowledge.5gfusion.net/browse/bib/vul/psa011.htm","path":"bib/vul/psa011.htm","source_url":"https://sacred-texts.com/bib/vul/psa011.htm","text":"1 In finem, pro octava. Psalmus David.\n2\u00a0[Salvum me fac, Domine, quoniam defecit sanctus,\n quoniam diminut\u00e6 sunt veritates a filiis hominum.\n3\u00a0Vana locuti sunt unusquisque ad proximum suum;\n labia dolosa, in corde et corde locuti sunt.\n4\u00a0Disperdat Dominus universa labia dolosa,\n et linguam magniloquam.\n5\u00a0Qui dixerunt: Linguam nostram magnificabimus;\n labia nostra a nobis sunt.\n Quis noster dominus est?\n6\u00a0Propter miseriam inopum, et gemitum pauperum,\n nunc exsurgam, dicit Dominus.\n Ponam in salutari;\n fiducialiter agam in eo.\n7\u00a0Eloquia Domini, eloquia casta; argentum igne examinatum,\n probatum terr\u00e6, purgatum septuplum.\n8\u00a0Tu, Domine, servabis nos,\n et custodies nos a generatione hac in \u00e6ternum.\n9\u00a0In circuitu impii ambulant:\n secundum altitudinem tuam multiplicasti filios hominum.]","title":"Vulgate: Psalms: Psalms Chapter 11","type":"page"}