{"collection":"Bible & Christianity","html_url":"https://unchartedknowledge.5gfusion.net/browse/bib/vul/psa066.htm","path":"bib/vul/psa066.htm","source_url":"https://sacred-texts.com/bib/vul/psa066.htm","text":"1 In finem, in hymnis. Psalmus cantici David.\n2\u00a0[Deus misereatur nostri, et benedicat nobis;\n illuminet vultum suum super nos, et misereatur nostri:\n3\u00a0ut cognoscamus in terra viam tuam,\n in omnibus gentibus salutare tuum.\n4\u00a0Confiteantur tibi populi, Deus:\n confiteantur tibi populi omnes.\n5\u00a0L\u00e6tentur et exsultent gentes,\n quoniam judicas populos in \u00e6quitate,\n et gentes in terra dirigis.\n6\u00a0Confiteantur tibi populi, Deus:\n confiteantur tibi populi omnes.\n7\u00a0Terra dedit fructum suum:\n benedicat nos Deus, Deus noster!\n8\u00a0Benedicat nos Deus,\n et metuant eum omnes fines terr\u00e6.]","title":"Vulgate: Psalms: Psalms Chapter 66","type":"page"}