{"collection":"Bible & Christianity","html_url":"https://unchartedknowledge.5gfusion.net/browse/bib/vul/psa069.htm","path":"bib/vul/psa069.htm","source_url":"https://sacred-texts.com/bib/vul/psa069.htm","text":"1 In finem. Psalmus David in rememorationem, quod salvum fecerit eum Dominus.\n2\u00a0[Deus, in adjutorium meum intende;\n Domine, ad adjuvandum me festina.\n3\u00a0Confundantur, et revereantur, qui qu\u00e6runt animam meam.\n4\u00a0Avertantur retrorsum, et erubescant, qui volunt mihi mala;\n avertantur statim erubescentes qui dicunt mihi: Euge, euge!\n5\u00a0Exsultent et l\u00e6tentur in te omnes qui qu\u00e6runt te;\n et dicant semper: Magnificetur Dominus, qui diligunt salutare tuum.\n6\u00a0Ego vero egenus et pauper sum;\n Deus, adjuva me.\n Adjutor meus et liberator meus es tu;\n Domine, ne moreris.]","title":"Vulgate: Psalms: Psalms Chapter 69","type":"page"}