{"collection":"Bible & Christianity","html_url":"https://unchartedknowledge.5gfusion.net/browse/bib/vul/psa086.htm","path":"bib/vul/psa086.htm","source_url":"https://sacred-texts.com/bib/vul/psa086.htm","text":"1\u00a0Filiis Core. Psalmus cantici. [Fundamenta ejus in montibus sanctis;\n2\u00a0diligit Dominus portas Sion super omnia tabernacula Jacob.\n3\u00a0Gloriosa dicta sunt de te, civitas Dei!\n4\u00a0Memor ero Rahab et Babylonis, scientium me;\n ecce alienigen\u00e6, et Tyrus, et populus \u00c6thiopum,\n hi fuerunt illic.\n5\u00a0Numquid Sion dicet: Homo et homo natus est in ea,\n et ipse fundavit eam Altissimus?\n6\u00a0Dominus narrabit in scripturis populorum et principum,\n horum qui fuerunt in ea.\n7\u00a0Sicut l\u00e6tantium omnium\n habitatio est in te.]","title":"Vulgate: Psalms: Psalms Chapter 86","type":"page"}