{"collection":"Bible & Christianity","html_url":"https://unchartedknowledge.5gfusion.net/browse/bib/vul/psa092.htm","path":"bib/vul/psa092.htm","source_url":"https://sacred-texts.com/bib/vul/psa092.htm","text":"1\u00a0Laus cantici ipsi David, in die ante sabbatum, quando fundata est terra. [Dominus regnavit, decorem indutus est:\n indutus est Dominus fortitudinem, et pr\u00e6cinxit se.\n Etenim firmavit orbem terr\u00e6, qui non commovebitur.\n2\u00a0Parata sedes tua ex tunc;\n a s\u00e6culo tu es.\n3\u00a0Elevaverunt flumina, Domine,\n elevaverunt flumina vocem suam;\n elevaverunt flumina fluctus suos,\n4\u00a0a vocibus aquarum multarum.\n Mirabiles elationes maris;\n mirabilis in altis Dominus.\n5\u00a0Testimonia tua credibilia facta sunt nimis;\n domum tuam decet sanctitudo, Domine,\n in longitudinem dierum.]","title":"Vulgate: Psalms: Psalms Chapter 92","type":"page"}