{"collection":"Bible & Christianity","html_url":"https://unchartedknowledge.5gfusion.net/browse/bib/vul/psa099.htm","path":"bib/vul/psa099.htm","source_url":"https://sacred-texts.com/bib/vul/psa099.htm","text":"1 Psalmus in confessione.\n2\u00a0[Jubilate Deo, omnis terra;\n servite Domino in l\u00e6titia.\n Introite in conspectu ejus in exsultatione.\n3\u00a0Scitote quoniam Dominus ipse est Deus;\n ipse fecit nos, et non ipsi nos:\n populus ejus, et oves pascu\u00e6 ejus.\n4\u00a0Introite portas ejus in confessione;\n atria ejus in hymnis:\n confitemini illi.\n Laudate nomen ejus,\n5\u00a0quoniam suavis est Dominus,\n in \u00e6ternum misericordia ejus,\n et usque in generationem et generationem veritas ejus.]","title":"Vulgate: Psalms: Psalms Chapter 99","type":"page"}