{"collection":"Bible & Christianity","html_url":"https://unchartedknowledge.5gfusion.net/browse/bib/vul/psa109.htm","path":"bib/vul/psa109.htm","source_url":"https://sacred-texts.com/bib/vul/psa109.htm","text":"1\u00a0Psalmus David. [Dixit Dominus Domino meo:\n Sede a dextris meis,\n donec ponam inimicos tuos scabellum pedum tuorum.\n2\u00a0Virgam virtutis tu\u00e6 emittet Dominus ex Sion:\n dominare in medio inimicorum tuorum.\n3\u00a0Tecum principium in die virtutis tu\u00e6\n in splendoribus sanctorum:\n ex utero, ante luciferum, genui te.\n4\u00a0Juravit Dominus, et non p\u0153nitebit eum:\n Tu es sacerdos in \u00e6ternum\n secundum ordinem Melchisedech.\n5\u00a0Dominus a dextris tuis;\n confregit in die ir\u00e6 su\u00e6 reges.\n6\u00a0Judicabit in nationibus, implebit ruinas;\n conquassabit capita in terra multorum.\n7\u00a0De torrente in via bibet;\n propterea exaltabit caput.]","title":"Vulgate: Psalms: Psalms Chapter 109","type":"page"}