{"collection":"Bible & Christianity","html_url":"https://unchartedknowledge.5gfusion.net/browse/bib/vul/psa112.htm","path":"bib/vul/psa112.htm","source_url":"https://sacred-texts.com/bib/vul/psa112.htm","text":"1\u00a0Alleluja. [Laudate, pueri, Dominum;\n laudate nomen Domini.\n2\u00a0Sit nomen Domini benedictum\n ex hoc nunc et usque in s\u00e6culum.\n3\u00a0A solis ortu usque ad occasum\n laudabile nomen Domini.\n4\u00a0Excelsus super omnes gentes Dominus,\n et super c\u00e6los gloria ejus.\n5\u00a0Quis sicut Dominus Deus noster, qui in altis habitat,\n6\u00a0et humilia respicit in c\u00e6lo et in terra?\n7\u00a0Suscitans a terra inopem,\n et de stercore erigens pauperem:\n8\u00a0ut collocet eum cum principibus,\n cum principibus populi sui.\n9\u00a0Qui habitare facit sterilem in domo,\n matrem filiorum l\u00e6tantem.]","title":"Vulgate: Psalms: Psalms Chapter 112","type":"page"}