{"collection":"Bible & Christianity","html_url":"https://unchartedknowledge.5gfusion.net/browse/bib/vul/psa114.htm","path":"bib/vul/psa114.htm","source_url":"https://sacred-texts.com/bib/vul/psa114.htm","text":"1\u00a0Alleluja. [Dilexi, quoniam exaudiet Dominus\n vocem orationis me\u00e6.\n2\u00a0Quia inclinavit aurem suam mihi,\n et in diebus meis invocabo.\n3\u00a0Circumdederunt me dolores mortis;\n et pericula inferni invenerunt me.\n Tribulationem et dolorem inveni,\n4\u00a0et nomen Domini invocavi:\n o Domine, libera animam meam.\n5\u00a0Misericors Dominus et justus,\n et Deus noster miseretur.\n6\u00a0Custodiens parvulos Dominus;\n humiliatus sum, et liberavit me.\n7\u00a0Convertere, anima mea, in requiem tuam,\n quia Dominus benefecit tibi:\n8\u00a0quia eripuit animam meam de morte,\n oculos meos a lacrimis,\n pedes meos a lapsu.\n9 Placebo Domino in regione vivorum.]","title":"Vulgate: Psalms: Psalms Chapter 114","type":"page"}