{"collection":"Bible & Christianity","html_url":"https://unchartedknowledge.5gfusion.net/browse/bib/vul/psa119.htm","path":"bib/vul/psa119.htm","source_url":"https://sacred-texts.com/bib/vul/psa119.htm","text":"1\u00a0Canticum graduum. [Ad Dominum cum tribularer clamavi,\n et exaudivit me.\n2\u00a0Domine, libera animam meam a labiis iniquis\n et a lingua dolosa.\n3\u00a0Quid detur tibi, aut quid apponatur tibi\n ad linguam dolosam?\n4\u00a0Sagitt\u00e6 potentis acut\u00e6,\n cum carbonibus desolatoriis.\n5\u00a0Heu mihi, quia incolatus meus prolongatus est!\n habitavi cum habitantibus Cedar;\n6\u00a0multum incola fuit anima mea.\n7\u00a0Cum his qui oderunt pacem eram pacificus;\n cum loquebar illis, impugnabant me gratis.]","title":"Vulgate: Psalms: Psalms Chapter 119","type":"page"}