{"collection":"Bible & Christianity","html_url":"https://unchartedknowledge.5gfusion.net/browse/bib/vul/psa121.htm","path":"bib/vul/psa121.htm","source_url":"https://sacred-texts.com/bib/vul/psa121.htm","text":"1\u00a0Canticum graduum. [L\u00e6tatus sum in his qu\u00e6 dicta sunt mihi:\n In domum Domini ibimus.\n2\u00a0Stantes erant pedes nostri\n in atriis tuis, Jerusalem.\n3\u00a0Jerusalem, qu\u00e6 \u00e6dificatur ut civitas,\n cujus participatio ejus in idipsum.\n4\u00a0Illuc enim ascenderunt tribus, tribus Domini:\n testimonium Isra\u00ebl,\n ad confitendum nomini Domini.\n5\u00a0Quia illic sederunt sedes in judicio,\n sedes super domum David.\n6\u00a0Rogate qu\u00e6 ad pacem sunt Jerusalem,\n et abundantia diligentibus te.\n7\u00a0Fiat pax in virtute tua,\n et abundantia in turribus tuis.\n8\u00a0Propter fratres meos et proximos meos,\n loquebar pacem de te.\n9\u00a0Propter domum Domini Dei nostri,\n qu\u00e6sivi bona tibi.]","title":"Vulgate: Psalms: Psalms Chapter 121","type":"page"}