{"collection":"Bible & Christianity","html_url":"https://unchartedknowledge.5gfusion.net/browse/bib/vul/psa124.htm","path":"bib/vul/psa124.htm","source_url":"https://sacred-texts.com/bib/vul/psa124.htm","text":"1\u00a0Canticum graduum. [Qui confidunt in Domino, sicut mons Sion:\n non commovebitur in \u00e6ternum,\n qui habitat\n2\u00a0in Jerusalem.\n Montes in circuitu ejus;\n et Dominus in circuitu populi sui,\n ex hoc nunc et usque in s\u00e6culum.\n3\u00a0Quia non relinquet Dominus virgam peccatorum\n super sortem justorum:\n ut non extendant justi\n ad iniquitatem manus suas,\n4\u00a0benefac, Domine, bonis,\n et rectis corde.\n5\u00a0Declinantes autem in obligationes,\n adducet Dominus cum operantibus iniquitatem.\n Pax super Isra\u00ebl!]","title":"Vulgate: Psalms: Psalms Chapter 124","type":"page"}