{"collection":"Bible & Christianity","html_url":"https://unchartedknowledge.5gfusion.net/browse/bib/vul/psa125.htm","path":"bib/vul/psa125.htm","source_url":"https://sacred-texts.com/bib/vul/psa125.htm","text":"1\u00a0Canticum graduum. [In convertendo Dominus captivitatem Sion,\n facti sumus sicut consolati.\n2\u00a0Tunc repletum est gaudio os nostrum,\n et lingua nostra exsultatione.\n Tunc dicent inter gentes:\n Magnificavit Dominus facere cum eis.\n3\u00a0Magnificavit Dominus facere nobiscum;\n facti sumus l\u00e6tantes.\n4\u00a0Converte, Domine, captivitatem nostram,\n sicut torrens in austro.\n5\u00a0Qui seminant in lacrimis,\n in exsultatione metent.\n6\u00a0Euntes ibant et flebant,\n mittentes semina sua.\n Venientes autem venient cum exsultatione,\n portantes manipulos suos.]","title":"Vulgate: Psalms: Psalms Chapter 125","type":"page"}