{"collection":"Bible & Christianity","html_url":"https://unchartedknowledge.5gfusion.net/browse/bib/vul/psa127.htm","path":"bib/vul/psa127.htm","source_url":"https://sacred-texts.com/bib/vul/psa127.htm","text":"1\u00a0Canticum graduum. [Beati omnes qui timent Dominum,\n qui ambulant in viis ejus.\n2\u00a0Labores manuum tuarum quia manducabis:\n beatus es, et bene tibi erit.\n3\u00a0Uxor tua sicut vitis abundans\n in lateribus domus tu\u00e6;\n filii tui sicut novell\u00e6 olivarum\n in circuitu mens\u00e6 tu\u00e6.\n4\u00a0Ecce sic benedicetur homo\n qui timet Dominum.\n5\u00a0Benedicat tibi Dominus ex Sion,\n et videas bona Jerusalem omnibus diebus vit\u00e6 tu\u00e6.\n6\u00a0Et videas filios filiorum tuorum:\n pacem super Isra\u00ebl.]","title":"Vulgate: Psalms: Psalms Chapter 127","type":"page"}