{"collection":"Bible & Christianity","html_url":"https://unchartedknowledge.5gfusion.net/browse/bib/vul/psa128.htm","path":"bib/vul/psa128.htm","source_url":"https://sacred-texts.com/bib/vul/psa128.htm","text":"1\u00a0Canticum graduum. [S\u00e6pe expugnaverunt me a juventute mea,\n dicat nunc Isra\u00ebl;\n2\u00a0s\u00e6pe expugnaverunt me a juventute mea:\n etenim non potuerunt mihi.\n3\u00a0Supra dorsum meum fabricaverunt peccatores;\n prolongaverunt iniquitatem suam.\n4\u00a0Dominus justus\n concidit cervices peccatorum.\n5\u00a0Confundantur, et convertantur retrorsum\n omnes qui oderunt Sion.\n6\u00a0Fiant sicut f\u0153num tectorum,\n quod priusquam evellatur exaruit:\n7\u00a0de quo non implevit manum suam qui metit,\n et sinum suum qui manipulos colligit.\n8\u00a0Et non dixerunt qui pr\u00e6teribant:\n Benedictio Domini super vos.\n Benediximus vobis in nomine Domini.]","title":"Vulgate: Psalms: Psalms Chapter 128","type":"page"}