{"collection":"Bible & Christianity","html_url":"https://unchartedknowledge.5gfusion.net/browse/bib/vul/psa129.htm","path":"bib/vul/psa129.htm","source_url":"https://sacred-texts.com/bib/vul/psa129.htm","text":"1\u00a0Canticum graduum. [De profundis clamavi ad te, Domine;\n2\u00a0Domine, exaudi vocem meam.\n Fiant aures tu\u00e6 intendentes in vocem deprecationis me\u00e6.\n3\u00a0Si iniquitates observaveris, Domine,\n Domine, quis sustinebit?\n4\u00a0Quia apud te propitiatio est;\n et propter legem tuam sustinui te, Domine.\n Sustinuit anima mea in verbo ejus:\n5\u00a0speravit anima mea in Domino.\n6\u00a0A custodia matutina usque ad noctem,\n speret Isra\u00ebl in Domino.\n7\u00a0Quia apud Dominum misericordia,\n et copiosa apud eum redemptio.\n8\u00a0Et ipse redimet Isra\u00ebl\n ex omnibus iniquitatibus ejus.]","title":"Vulgate: Psalms: Psalms Chapter 129","type":"page"}