{"collection":"Bible & Christianity","html_url":"https://unchartedknowledge.5gfusion.net/browse/bib/vul/psa137.htm","path":"bib/vul/psa137.htm","source_url":"https://sacred-texts.com/bib/vul/psa137.htm","text":"1\u00a0Ipsi David. [Confitebor tibi, Domine, in toto corde meo,\n quoniam audisti verba oris mei.\n In conspectu angelorum psallam tibi;\n2\u00a0adorabo ad templum sanctum tuum,\n et confitebor nomini tuo:\n super misericordia tua et veritate tua;\n quoniam magnificasti super omne, nomen sanctum tuum.\n3\u00a0In quacumque die invocavero te, exaudi me;\n multiplicabis in anima mea virtutem.\n4\u00a0Confiteantur tibi, Domine, omnes reges terr\u00e6,\n quia audierunt omnia verba oris tui.\n5\u00a0Et cantent in viis Domini,\n quoniam magna est gloria Domini;\n6\u00a0quoniam excelsus Dominus, et humilia respicit,\n et alta a longe cognoscit.\n7\u00a0Si ambulavero in medio tribulationis, vivificabis me;\n et super iram inimicorum meorum extendisti manum tuam,\n et salvum me fecit dextera tua.\n8\u00a0Dominus retribuet pro me.\n Domine, misericordia tua in s\u00e6culum;\n opera manuum tuarum ne despicias.]","title":"Vulgate: Psalms: Psalms Chapter 137","type":"page"}