{"collection":"Bible & Christianity","html_url":"https://unchartedknowledge.5gfusion.net/browse/bib/vul/sol002.htm","path":"bib/vul/sol002.htm","source_url":"https://sacred-texts.com/bib/vul/sol002.htm","text":"1\u00a0[Ego flos campi,\n et lilium convallium.\n2\u00a0\n sic amica mea inter filias.\n3\u00a0\n sic dilectus meus inter filios.\n Sub umbra illius quem desideraveram sedi,\n et fructus ejus dulcis gutturi meo.\n4\u00a0Introduxit me in cellam vinariam;\n ordinavit in me caritatem.\n5\u00a0Fulcite me floribus,\n stipate me malis,\n quia amore langueo.\n6\u00a0L\u00e6va ejus sub capite meo,\n et dextera illius amplexabitur me.\n7\u00a0\n per capreas cervosque camporum,\n ne suscitetis, neque evigilare faciatis dilectam,\n quoadusque ipsa velit.\n8\u00a0\n saliens in montibus, transiliens colles.\n9\u00a0Similis est dilectus meus capre\u00e6,\n hinnuloque cervorum.\n En ipse stat post parietem nostrum,\n respiciens per fenestras,\n prospiciens per cancellos.\n10\u00a0En dilectus meus loquitur mihi.\n \n columba mea, formosa mea, et veni:\n11\u00a0jam enim hiems transiit;\n imber abiit, et recessit.\n12\u00a0Flores apparuerunt in terra nostra;\n tempus putationis advenit:\n vox turturis audita est in terra nostra;\n13\u00a0ficus protulit grossos suos;\n vine\u00e6 florentes dederunt odorem suum.\n Surge, amica mea, speciosa mea, et veni:\n14\u00a0columba mea, in foraminibus petr\u00e6, in caverna maceri\u00e6,\n ostende mihi faciem tuam,\n sonet vox tua in auribus meis:\n vox enim tua dulcis, et facies tua decora.\n15\u00a0\n qu\u00e6 demoliuntur vineas:\n nam vinea nostra floruit.\n16\u00a0Dilectus meus mihi, et ego illi,\n qui pascitur inter lilia,\n17\u00a0donec aspiret dies, et inclinentur umbr\u00e6.\n Revertere; similis esto, dilecte mi, capre\u00e6,\n hinnuloque cervorum super montes Bether.]","title":"Vulgate: Song of Solomon: Song of Solomon Chapter 2","type":"page"}