{"collection":"Bible & Christianity","html_url":"https://unchartedknowledge.5gfusion.net/browse/bib/vul/sol003.htm","path":"bib/vul/sol003.htm","source_url":"https://sacred-texts.com/bib/vul/sol003.htm","text":"1\u00a0[In lectulo meo, per noctes,\n qu\u00e6sivi quem diligit anima mea:\n qu\u00e6sivi illum, et non inveni.\n2\u00a0Surgam, et circuibo civitatem:\n per vicos et plateas\n qu\u00e6ram quem diligit anima mea:\n qu\u00e6sivi illum, et non inveni.\n3\u00a0Invenerunt me vigiles qui custodiunt civitatem:\n Num quem diligit anima mea vidistis?\n4\u00a0Paululum cum pertransissem eos,\n inveni quem diligit anima mea:\n tenui eum, nec dimittam,\n donec introducam illum in domum matris me\u00e6,\n et in cubiculum genetricis me\u00e6.\n5\u00a0\n per capreas cervosque camporum,\n ne suscitetis, neque evigilare faciatis dilectam,\n donec ipsa velit.\n6\u00a0\n sicut virgula fumi ex aromatibus myrrh\u00e6,\n et thuris, et universi pulveris pigmentarii?\n7\u00a0En lectulum Salomonis sexaginta fortes ambiunt\n ex fortissimis Isra\u00ebl,\n8\u00a0omnes tenentes gladios, et ad bella doctissimi:\n uniuscujusque ensis super femur suum\n propter timores nocturnos.\n9\u00a0Ferculum fecit sibi rex Salomon\n de lignis Libani;\n10\u00a0columnas ejus fecit argenteas,\n reclinatorium aureum, ascensum purpureum;\n media caritate constravit,\n propter filias Jerusalem.\n11\u00a0Egredimini et videte, fili\u00e6 Sion,\n regem Salomonem in diademate quo coronavit illum mater sua\n in die desponsationis illius,\n et in die l\u00e6titi\u00e6 cordis ejus.]","title":"Vulgate: Song of Solomon: Song of Solomon Chapter 3","type":"page"}