{"collection":"Bible & Christianity","html_url":"https://unchartedknowledge.5gfusion.net/browse/bib/vul/sol005.htm","path":"bib/vul/sol005.htm","source_url":"https://sacred-texts.com/bib/vul/sol005.htm","text":"1\u00a0[Veniat dilectus meus in hortum suum,\n et comedat fructum pomorum suorum.\n \n messui myrrham meam cum aromatibus meis;\n comedi favum cum melle meo;\n bibi vinum meum cum lacte meo;\n comedite, amici, et bibite,\n et inebriamini, carissimi.\n2\u00a0\n Vox dilecti mei pulsantis:\n \n columba mea, immaculata mea,\n quia caput meum plenum est rore,\n et cincinni mei guttis noctium.\n3\u00a0\n lavi pedes meos: quomodo inquinabo illos?\n4\u00a0Dilectus meus misit manum suam per foramen,\n et venter meus intremuit ad tactum ejus.\n5\u00a0Surrexi ut aperirem dilecto meo;\n manus me\u00e6 stillaverunt myrrham,\n et digiti mei pleni myrrha probatissima.\n6\u00a0Pessulum ostii mei aperui dilecto meo,\n at ille declinaverat, atque transierat.\n Anima mea liquefacta est, ut locutus est;\n qu\u00e6sivi, et non inveni illum;\n vocavi, et non respondit mihi.\n7\u00a0Invenerunt me custodes qui circumeunt civitatem;\n percusserunt me, et vulneraverunt me.\n Tulerunt pallium meum mihi custodes murorum.\n8\u00a0Adjuro vos, fili\u00e6 Jerusalem,\n si inveneritis dilectum meum,\n ut nuntietis ei quia amore langueo.\n9\u00a0\n qualis est dilectus tuus ex dilecto, quia sic adjurasti nos?\n10\u00a0\n electus ex millibus.\n11\u00a0Caput ejus aurum optimum;\n com\u00e6 ejus sicut elat\u00e6 palmarum, nigr\u00e6 quasi corvus.\n12\u00a0Oculi ejus sicut columb\u00e6 super rivulos aquarum,\n qu\u00e6 lacte sunt lot\u00e6, et resident juxta fluenta plenissima.\n13\u00a0Gen\u00e6 illius sicut areol\u00e6 aromatum,\n consit\u00e6 a pigmentariis.\n Labia ejus lilia,\n distillantia myrrham primam.\n14\u00a0Manus illius tornatiles, aure\u00e6,\n plen\u00e6 hyacinthis.\n Venter ejus eburneus,\n distinctus sapphiris.\n15\u00a0Crura illius column\u00e6 marmore\u00e6\n qu\u00e6 fundat\u00e6 sunt super bases aureas.\n Species ejus ut Libani,\n electus ut cedri.\n16\u00a0Guttur illius suavissimum,\n et totus desiderabilis.\n Talis est dilectus meus,\n et ipse est amicus meus, fili\u00e6 Jerusalem.\n17\u00a0\n quo declinavit dilectus tuus?\n et qu\u00e6remus eum tecum.]","title":"Vulgate: Song of Solomon: Song of Solomon Chapter 5","type":"page"}