{"collection":"Bible & Christianity","html_url":"https://unchartedknowledge.5gfusion.net/browse/bib/vul/sol007.htm","path":"bib/vul/sol007.htm","source_url":"https://sacred-texts.com/bib/vul/sol007.htm","text":"1\u00a0[\n \n Junctur\u00e6 femorum tuorum sicut monilia\n qu\u00e6 fabricata sunt manu artificis.\n2\u00a0Umbilicus tuus crater tornatilis,\n numquam indigens poculis.\n Venter tuus sicut acervus tritici vallatus liliis.\n3\u00a0Duo ubera tua sicut duo hinnuli,\n gemelli capre\u00e6.\n4\u00a0Collum tuum sicut turris eburnea;\n oculi tui sicut piscin\u00e6 in Hesebon\n qu\u00e6 sunt in porta fili\u00e6 multitudinis.\n Nasus tuus sicut turris Libani,\n qu\u00e6 respicit contra Damascum.\n5\u00a0Caput tuum ut Carmelus;\n et com\u00e6 capitis tui sicut purpura regis\n vincta canalibus.\n6\u00a0\n carissima, in deliciis!\n7\u00a0Statura tua assimilata est palm\u00e6,\n et ubera tua botris.\n8\u00a0Dixi: Ascendam in palmam,\n et apprehendam fructus ejus;\n et erunt ubera tua sicut botri vine\u00e6,\n et odor oris tui sicut malorum.\n9\u00a0Guttur tuum sicut vinum optimum,\n dignum dilecto meo ad potandum,\n labiisque et dentibus illius ad ruminandum.\n10\u00a0\n et ad me conversio ejus.\n11\u00a0Veni, dilecte mi, egrediamur in agrum,\n commoremur in villis.\n12\u00a0Mane surgamus ad vineas:\n videamus si floruit vinea,\n si flores fructus parturiunt,\n si floruerunt mala punica;\n ibi dabo tibi ubera mea.\n13\u00a0Mandragor\u00e6 dederunt odorem\n in portis nostris omnia poma:\n nova et vetera, dilecte mi, servavi tibi.]","title":"Vulgate: Song of Solomon: Song of Solomon Chapter 7","type":"page"}