{"collection":"Bible & Christianity","html_url":"https://unchartedknowledge.5gfusion.net/browse/bib/wb/afr/jdg.htm","path":"bib/wb/afr/jdg.htm","source_url":"https://sacred-texts.com/bib/wb/afr/jdg.htm","text":"1:1 En n\u00e1 die dood van Josua het die kinders van Israel die HERE geraadpleeg en ges\u00ea: Wie van ons moet eerste optrek teen die Kana\u00e4niete om teen hulle te veg?\n1:2 En die HERE het ges\u00ea: Juda moet optrek. Kyk, Ek gee die land in sy hand.\n1:3 Toe s\u00ea Juda aan sy broer S\u00edmeon: Trek saam met my op in my aandeel, dat ons die Kana\u00e4niete kan beveg, dan sal ek ook met jou saam optrek in jou aandeel. En S\u00edmeon het saam met hom getrek;\n1:4 en toe Juda optrek, het die HERE die Kana\u00e4niete en Feresiete in hul hand gegee, sodat hulle tien duisend man van hulle by Besek verslaan het.\n1:5 En hulle het Ad\u00f3ni-Besek aangetref in Besek en teen hom geveg, en die Kana\u00e4niete en Feresiete verslaan.\n1:6 En toe Ad\u00f3ni-Besek wegvlug, het hulle hom agternagejaag en hom gevang en sy duime en sy groottone afgekap.\n1:7 Daarop s\u00ea Ad\u00f3ni-Besek: Sewentig konings met afgekapte duime en groottone het onder my tafel krummels opgetel: soos ek gedoen het, so het God my vergeld. En hulle het hom na Jerusalem gebring, en daar het hy gesterwe.\n1:8 En die kinders van Juda het teen Jerusalem geveg en dit ingeneem en dit met die skerpte van die swaard verslaan en die stad aan die brand gesteek.\n1:9 En daarna het die kinders van Juda afgetrek om te veg teen die Kana\u00e4niete wat op die Gebergte en in die Suidland en in die Laeveld gewoon het.\n1:10 Juda het dan teen die Kana\u00e4niete uitgetrek, die inwoners van Hebron--maar die naam van Hebron was tevore Kirjat-Arba en hulle het Sesai en Ah\u00edman en Talmai verslaan.\n1:11 En daarvandaan het hy uitgetrek teen die inwoners van Debir--maar die naam van Debir was tevore Kirjat-Sefer.\n1:12 En Kaleb het ges\u00ea: Hy wat Kirjat-Sefer verslaan en dit inneem, aan hom sal ek my dogter Agsa as vrou gee.\n1:13 Daarop het Otni\u00ebl, die seun van Kenas, die jonger broer van Kaleb, dit ingeneem; en hy het sy dogter Agsa aan hom as vrou gegee.\n1:14 En toe sy aankom, het sy hom aangespoor om van haar vader 'n stuk grond te vra; en toe sy van die esel afklim, s\u00ea Kaleb vir haar: Wat wil jy h\u00ea?\n1:15 En sy s\u00ea vir hom: Gee my tog 'n geskenk; omdat u my na 'n dor land versit het, moet u my waterfonteine gee. Toe gee Kaleb haar fonteine op die hoogte en fonteine in die laagte.\n1:16 En die kinders van die Keniet, die swaer van Moses, het saam met die kinders van Juda opgetrek uit die Palmstad na die woestyn van Juda wat in die suide van Arad l\u00ea; en hy het heengegaan en met die volk saamgewoon.\n1:17 En Juda het saam met sy broer S\u00edmeon getrek, en hulle het die Kana\u00e4niete verslaan wat in Sefat gewoon het en dit met die banvloek getref; daarom noem hulle die stad Horma.\n1:18 En Juda het Gasa met sy grondgebied en Askelon met sy grondgebied en Ekron met sy grondgebied ingeneem.\n1:19 En die HERE was met Juda, sodat hy die gebergte in besit geneem het; maar die bewoners van die laagte kon hy nie verdrywe nie, omdat hulle ysterwaens gehad het.\n1:20 En hulle het Hebron aan Kaleb gegee, soos Moses gespreek het; en hy het die drie seuns van Enak daaruit verdrywe.\n1:21 En die kinders van Benjamin het die Jebusiete, die inwoners van Jerusalem, nie verdrywe nie, sodat die Jebusiete saam met die kinders van Benjamin in Jerusalem woon tot vandag toe.\n1:22 En die huis van Josef, hulle het ook opgetrek na Bet-el, en die HERE was met hulle.\n1:23 En toe die huis van Josef Bet-el laat bespied--maar die naam van die stad was tevore Lus--\n1:24 sien die spioene 'n man uit die stad uitkom, en hulle s\u00ea vir hom: Wys ons tog 'n plek om in die stad in te kom, dan sal ons jou 'n guns bewys.\n1:25 Hy wys hulle toe 'n plek om in die stad in te kom; en hulle het die stad verslaan met die skerpte van die swaard; maar die man en sy hele geslag het hulle laat gaan.\n1:26 En die man het weggetrek na die land van die Hetiete, en hy het 'n stad gebou en dit Lus genoem; dit is sy naam tot vandag toe.\n1:27 En Manasse het Bet-Sean met sy onderhorige plekke en T\u00e1\u00e4nag met sy onderhorige plekke en die inwoners van Dor met sy onderhorige plekke en die inwoners van J\u00edbleam met sy onderhorige plekke en die inwoners van Meg\u00edddo met sy onderhorige plekke nie verdrywe nie; en die Kana\u00e4niete het verkies om in hierdie land te bly woon.\n1:28 Maar toe Israel sterk word, het hy die Kana\u00e4niete dienspligtig gemaak; hy het hulle egter nie heeltemal verdrywe nie.\n1:29 En Efraim het die Kana\u00e4niete, die inwoners van Geser, nie verdrywe nie; sodat die Kana\u00e4niete in sy midde in Geser bly woon het.\n1:30 S\u00e9bulon het die inwoners van Kitron en die inwoners van N\u00e1halol nie verdrywe nie; sodat die Kana\u00e4niete in sy midde bly woon het; maar hulle het dienspligtig geword.\n1:31 Aser het die inwoners van Akko en die inwoners van Sidon en Aglab en Agsib en Helba en Afik en Rehob nie verdrywe nie;\n1:32 sodat die Aseriete bly woon het onder die Kana\u00e4niete, die bevolking van die land, want hulle het hulle nie verdrywe nie.\n1:33 N\u00e1ftali het die inwoners van Bet-Semes en die inwoners van Bet-Anat nie verdrywe nie, sodat hy bly woon het onder die Kana\u00e4niete, die bevolking van die land; maar die inwoners van Bet-Semes en Bet-Anat het aan hulle dienspligtig geword.\n1:34 En die Amoriete het die kinders van Dan die gebergte in gedruk, want hulle het hul nie toegelaat om na die laagte af te kom nie;\n1:35 sodat die Amoriete verkies het om te bly woon in Har-Heres, in Ajalon en in S\u00e1\u00e4lbim; maar die hand van die huis van Josef was swaar, sodat hulle dienspligtig geword het.\n1:36 En die grens van die Amoriete was van Skerpioen-nek, van die rots af, en verder op.\n2:1 Toe trek die Engel van die HERE van Gilgal op na Bogim en s\u00ea: Ek het julle uit Egipte laat optrek en julle gebring in die land wat Ek julle vaders met 'n eed beloof het, en ges\u00ea: Ek sal my verbond met julle in ewigheid nie verbreek nie;\n2:2 maar julle mag geen verbond met die inwoners van hierdie land maak nie; hulle altare moet julle omgooi. Maar julle het nie na my stem geluister nie. Wat het julle nou gedoen?\n2:3 So s\u00ea Ek dan ook: Ek sal hulle nie voor julle uit verdrywe nie, sodat hulle vyande vir julle sal wees, en hulle gode 'n strik vir julle.\n2:4 En terwyl die Engel van die HERE met hierdie woorde al die kinders van Israel toespreek, het die volk hulle stem verhef en geween;\n2:5 en hulle het di\u00e9 plek Bogim genoem en daar aan die HERE geoffer.\n2:6 Daarna het Josua die volk laat gaan, en die kinders van Israel het elkeen na sy erfdeel getrek om die land in besit te neem.\n2:7 En die volk het die HERE gedien al die dae van Josua en al die dae van die oudstes wat n\u00e1 Josua nog in die lewe was, en al die groot werke van die HERE gesien het wat Hy vir Israel gedoen het.\n2:8 Maar Josua, die seun van Nun, die kneg van die HERE, het gesterwe, honderd en tien jaar oud;\n2:9 en hulle het hom begrawe op die gebied van sy erfdeel in Timnat-Heres, op die gebergte van Efraim, noord van die berg Ga\u00e4s.\n2:10 En toe ook daardie hele geslag by hulle vaders versamel is, staan daar 'n ander geslag n\u00e1 hulle op wat die HERE en ook die werk wat Hy vir Israel gedoen het, nie geken het nie.\n2:11 En die kinders van Israel het gedoen wat verkeerd was in die o\u00eb van die HERE: hulle het die Ba\u00e4ls gedien\n2:12 en die HERE, die God van hulle vaders, verlaat wat hulle uit Egipteland uitgelei het, en hulle het agter ander gode aan geloop, van die gode van die volke wat rondom hulle was, en hulle daarvoor neergebuig en die HERE geterg.\n2:13 Maar toe hulle die HERE verlaat en die Ba\u00e4l en die Astartes dien,\n2:14 het die toorn van die HERE teen Israel ontvlam, en Hy het hulle oorgegee in die hand van rowers wat hulle beroof het; en Hy het hulle verkoop in die hand van hulle vyande rondom, sodat hulle nie meer kon standhou voor hulle vyande nie.\n2:15 Waarheen hulle ook al uittrek, was die hand van die HERE teen hulle ten kwade, soos die HERE gespreek en soos die HERE vir hulle gesweer het. Maar wanneer hulle dan in groot benoudheid raak,\n2:16 verwek die HERE rigters wat hulle verlos uit die hand van hulle berowers.\n2:17 Na hulle rigters het hulle egter ook nie geluister nie, maar agter ander gode aan gehoereer en hulle daarvoor neergebuig; gou het hulle afgewyk van die weg wat hulle vaders bewandel het in gehoorsaamheid aan die gebooie van die HERE: so het hulle nie gedoen nie.\n2:18 En wanneer die HERE vir hulle rigters verwek, was die HERE met die rigter om hulle te verlos uit die hand van hul vyande al die dae van die rigter, omdat die HERE medelyde gehad het vanwe\u00eb hulle gekerm oor hulle verdrukkers en hulle verdringers.\n2:19 Maar wanneer die rigter dood was, het hulle nog erger as hulle vaders gehandel deur agter ander gode aan te loop, om hulle te dien en hulle daarvoor neer te buig: hulle het niks laat vaar van hulle handelinge en van hulle hardnekkige wandel nie.\n2:20 Daarom het die toorn van die HERE teen Israel ontvlam, en Hy het ges\u00ea: Omdat hierdie nasie my verbond wat Ek hulle vaders beveel het, oortree en na my stem nie luister nie,\n2:21 sal Ek ook verder geeneen van die nasies wat Josua by sy dood laat oorbly het, voor hulle uit verdrywe nie--\n2:22 om Israel deur hulle op die proef te stel, of hulle die weg van die HERE sal hou deur daarin te wandel soos hulle vaders dit gehou het, of nie.\n2:23 Daarom het die HERE daardie nasies laat oorbly sonder om hulle dadelik te verdrywe, en hulle nie in die hand van Josua gegee nie.\n3:1 En dit is die nasies wat die HERE laat oorbly het om Israel, almal wat al die oorlo\u00eb van Kana\u00e4n nie geken het nie, deur hulle op die proef te stel--\n3:2 net dat die geslagte van die kinders van Israel dit kan weet--om hulle te leer oorlog voer, ten minste die wat daar vroe\u00ebr nie van geweet het nie:\n3:3 vyf vorste van die Filistyne en al die Kana\u00e4niete en Sidoni\u00ebrs en Hewiete wat in die gebergte L\u00edbanon gewoon het, van die berg Ba\u00e4l-Hermon af tot by die ingang na Hamat.\n3:4 Hulle was dan daar om deur hulle Israel op die proef te stel; om te weet of hulle na die gebooie van die HERE wat Hy hulle vaders deur Moses beveel het, sou luister.\n3:5 So het die kinders van Israel dan onder die Kana\u00e4niete, Hetiete en Amoriete en Feresiete en Hewiete en Jebusiete gewoon,\n3:6 en h\u00fal dogters vir hulle as vroue geneem en hulle eie dogters aan h\u00fal seuns gegee en hul gode gedien.\n3:7 En die kinders van Israel het gedoen wat verkeerd was in die o\u00eb van die HERE en die HERE hulle God vergeet en die Ba\u00e4ls en die heilige boomstamme gedien.\n3:8 Daarop het die toorn van die HERE teen Israel ontvlam, en Hy het hulle verkoop in die hand van Kusan Risat\u00e1im, die koning van Mesopot\u00e1mi\u00eb, en die kinders van Israel het Kusan Risat\u00e1im agt jaar lank gedien.\n3:9 Maar toe die kinders van Israel die HERE aanroep, het die HERE 'n verlosser vir die kinders van Israel verwek, wat hulle verlos het: Otni\u00ebl, die seun van Kenas, die jonger broer van Kaleb.\n3:10 En die Gees van die HERE het op hom gekom, en hy het Israel gerig en uitgetrek om oorlog te voer; en die HERE het Kusan Risat\u00e1im, die koning van Aram, in sy hand gegee, sodat hy die oorhand oor Kusan Risat\u00e1im gekry het.\n3:11 Toe kry die land rus veertig jaar lank. En Otni\u00ebl, die seun van Kenas, het gesterwe.\n3:12 En die kinders van Israel het weer gedoen wat verkeerd was in die o\u00eb van die HERE. Toe maak die HERE Eglon, die koning van Moab, sterk teen Israel, omdat hulle gedoen het wat verkeerd was in die o\u00eb van die HERE;\n3:13 en hy versamel by hom die kinders van Ammon en Amalek. Daarop het hy weggetrek en Israel verslaan, en hulle het die Palmstad in besit geneem.\n3:14 En die kinders van Israel het Eglon, die koning van Moab, agttien jaar lank gedien.\n3:15 Maar toe die kinders van Israel die HERE aanroep, het die HERE vir hulle as verlosser verwek: Ehud, die seun van Gera, die Benjaminiet, 'n man wat links was. Deur hom stuur toe die kinders van Israel die belasting aan Eglon, die koning van Moab.\n3:16 En Ehud het vir hom 'n swaard gemaak, aan twee kante skerp, een el lank, en dit onder sy klere aan sy regterheup vasgegord;\n3:17 en hy het die belasting aan Eglon, die koning van Moab, gebring; en Eglon was 'n baie vet man.\n3:18 En toe hy die belasting volledig afgelewer het, bring hy die mense wat die belasting gedra het, weg;\n3:19 maar hy self het omgedraai by die gesnede beelde wat by Gilgal was, en ges\u00ea: Ek het 'n geheime opdrag aan u, o koning! Di\u00e9 s\u00ea toe: Stil! En almal wat by hom staan, het van hom af weggegaan buitentoe.\n3:20 En toe Ehud by hom inkom, terwyl hy in die koel bo-kamer sit wat vir hom alleen was, s\u00ea Ehud: Ek het 'n woord van God aan u! En toe hy van sy stoel af opstaan,\n3:21 steek Ehud sy linkerhand uit en gryp die swaard van sy regterheup af en steek dit in sy buik,\n3:22 sodat selfs die hef agter die lem ingedring het en die vet, want hy het die swaard nie uit sy buik uitgetrek nie, om die lem toegesluit en by die wond uitgepuil het.\n3:23 Toe gaan Ehud uit op die galery, maar hy het die deure van die bo-kamer agter hom gesluit en gegrendel.\n3:24 Net toe hy uitgegaan het, kom sy dienaars; en toe hulle sien en kyk: die deure van die bo-kamer was gegrendel, s\u00ea hulle: Hy is seker besig om sy voete te bedek in die koel kamer.\n3:25 En hulle het gewag totdat hulle verle\u00eb was; maar--hy het die deure van die bo-kamer nie oopgemaak nie! En toe hulle die sleutel gaan haal en oopsluit, l\u00ea hulle heer daar dood op die grond!\n3:26 Maar terwyl hulle nog talm, het Ehud ontvlug en die gesnede beelde verbygegaan en na Se\u00efra ontsnap.\n3:27 En toe hy aankom, blaas hy op die ramshoring op die gebergte van Efraim, en die kinders van Israel het saam met hom van die gebergte afgetrek, en hy voor hulle uit.\n3:28 Toe s\u00ea hy vir hulle: Volg my, want die HERE gee julle vyande, die Moabiete, in julle hand; en hulle het agter hom aan afgetrek en die Moabiete van die driwwe van die Jordaan afgesny en niemand toegelaat om deur te gaan nie.\n3:29 En hulle het in di\u00e9 tyd van Moab omtrent tien duisend man verslaan, almal goed geboude en almal dapper manne, en niemand het vrygekom nie.\n3:30 So moes Moab dan di\u00e9 dag buig onder die hand van Israel; en die land het tagtig jaar lank gerus.\n3:31 Toe kom n\u00e1 hom Samgar, die seun van Anat, wat van die Filistyne ses honderd man met 'n osdrywerstok verslaan het; en ook hy het Israel verlos.\n4:1 Maar n\u00e1 die dood van Ehud het die kinders van Israel weer gedoen wat verkeerd was in die o\u00eb van die HERE.\n4:2 Daarom het die HERE hulle verkoop in die hand van Jabin, die koning van Kana\u00e4n, wat in Hasor geregeer het; en sy le\u00ebrowerste was S\u00edsera, 'n inwoner van Har\u00f3set van die heidene.\n4:3 En die kinders van Israel het die HERE aangeroep; want hy het nege honderd ysterwaens gehad en die kinders van Israel twintig jaar lank swaar verdruk.\n4:4 En Deb\u00f3ra, 'n profetes, die vrou van L\u00e1ppidot, het in di\u00e9 tyd Israel gerig;\n4:5 en sy het gesit onder die palm van Deb\u00f3ra, tussen Rama en Bet-el, op die gebergte van Efraim; en die kinders van Israel het na haar opgegaan vir regspraak.\n4:6 Toe laat sy Barak, die seun van Abin\u00f3am, uit Kedes in N\u00e1ftali, roep en s\u00ea vir hom: Het die HERE, die God van Israel, nie bevel gegee nie: Gaan, trek na die berg Tabor, en neem tien duisend man van die kinders van N\u00e1ftali en van die kinders van S\u00e9bulon met jou saam?\n4:7 dan sal Ek S\u00edsera, die le\u00ebrowerste van Jabin, met sy strydwaens en sy menigte na jou, na die spruit Kison trek, en Ek sal hom in jou hand gee.\n4:8 Maar Barak s\u00ea vir haar: As u met my saamtrek, sal ek gaan; maar as u nie met my saamtrek nie, gaan ek nie.\n4:9 Toe s\u00ea sy: Ek sal sekerlik met jou saamtrek, maar die eer sal nie joue wees op die pad wat jy sal gaan nie; want die HERE sal S\u00edsera in die hand van 'n vrou verkoop; en Deb\u00f3ra het opgestaan en saam met Barak na Kedes getrek.\n4:10 Daarop het Barak S\u00e9bulon en N\u00e1ftali bymekaargeroep na Kedes toe, en tien duisend man het op sy voetspore opgetrek, en Deb\u00f3ra het saam met hom opgetrek.\n4:11 En Heber, die Keniet, het hom afgeskei van Kain, van die kinders van Hobab, die swaer van Moses, en het sy tente opgeslaan tot by die terpentynboom by Sa\u00e4n\u00e1im, naby Kedes.\n4:12 En toe hulle aan S\u00edsera berig bring dat Barak, die seun van Abin\u00f3am, na die berg Tabor opgetrek het,\n4:13 het S\u00edsera al sy strydwaens, nege honderd ysterwaens, en al die manskappe wat by hom was, uit Har\u00f3set van die heidene na die spruit Kison bymekaargeroep.\n4:14 Daarop s\u00ea Deb\u00f3ra vir Barak: Maak jou klaar, want dit is die dag waarop die HERE S\u00edsera in jou hand gee. Trek die HERE nie voor jou uit nie? Toe trek Barak van die berg Tabor af, en tien duisend man agter hom aan.\n4:15 En die HERE het S\u00edsera met al die waens en die hele le\u00ebr deur die skerpte van die swaard in verwarring gebring voor Barak uit, en S\u00edsera het van sy wa afgeklim en te voet gevlug.\n4:16 Maar Barak het die waens en die le\u00ebr agternagejaag tot by Har\u00f3set van die heidene, en die hele le\u00ebr van S\u00edsera het deur die skerpte van die swaard geval; daar het selfs nie een oorgebly nie.\n4:17 Toe vlug S\u00edsera te voet na die tent van Jael, die vrou van Heber, die Keniet; want daar was vrede tussen Jabin, die koning van Hasor, en die huis van Heber, die Keniet.\n4:18 En Jael het uitgegaan S\u00edsera tegemoet en vir hom ges\u00ea: Draai uit, my heer, draai uit na my! Moenie bang wees nie! En hy het na haar uitgedraai, na die tent, en sy het hom met 'n kombers toegemaak.\n4:19 Daarop s\u00ea hy vir haar: Gee my tog 'n bietjie water om te drink, want ek het dors; sy maak toe die melksak oop en laat hom daaruit drink en maak hom weer toe.\n4:20 En hy s\u00ea vir haar: Gaan staan by die tentdeur, en as iemand kom en jou vra en s\u00ea: Is hier iemand? antwoord dan: Nee.\n4:21 Toe neem Jael, die vrou van Heber, 'n tentpen en vat die hamer in haar hand en gaan stilletjies na hom en dryf die pen terwyl hy vas aan die slaap was dwarsdeur die slaap van sy hoof, sodat dit in die grond indring. So het hy dan bewusteloos geword en gesterwe.\n4:22 En kyk, terwyl Barak S\u00edsera agtervolg, gaan Jael uit hom tegemoet en s\u00ea vir hom: Kom, en ek sal u die man wys wat u soek; en toe hy by haar inkom, l\u00ea S\u00edsera daar dood, met die pen deur die slaap van sy hoof!\n4:23 So het God dan op di\u00e9 dag Jabin, die koning van Kana\u00e4n, voor die kinders van Israel onderwerp.\n4:24 En die hand van die kinders van Israel het al swaarder gaan druk op Jabin, die koning van Kana\u00e4n, totdat hulle Jabin, die koning van Kana\u00e4n, uitgeroei het.\n5:1 Op di\u00e9 dag het Deb\u00f3ra en Barak, die seun van Abin\u00f3am, gesing en ges\u00ea:\n5:2 Omdat aanvoerders aangevoer het in Israel, omdat die volk hom gewillig getoon het--prys die HERE!\n5:3 Hoor, o konings! Luister, o vorste! Ek, tot eer van die HERE wil ek sing, tot eer van die HERE, die God van Israel, wil ek psalmsing.\n5:4 HERE, toe U uitgetrek het uit Se\u00efr, toe U voortgestap het uit die veld van Edom, het die aarde gebeef, ook het die hemel gedrup, ook het die wolke water gedrup.\n5:5 Berge het gewankel voor die aangesig van die HERE uit, hierdie Sinai voor die aangesig van die HERE, die God van Israel.\n5:6 In die dae van Samgar, die seun van Anat, in die dae van Jael, was die paaie verlate, en die reisigers het langs sypaaie gegaan.\n5:7 Leiers het ontbreek in Israel, ontbreek; totdat ek, Deb\u00f3ra, opgestaan het, ek, 'n moeder in Israel, opgestaan het.\n5:8 Kies hulle nuwe gode, dan is daar oorlog in die poorte; was daar skild of spies te sien onder veertig duisend in Israel?\n5:9 My hart is vir die aanvoerders van Israel wat hulle gewillig betoon het onder die volk--prys die HERE!\n5:10 Julle wat op wit eselinne ry, wat op tapyte sit, wandelaars langs die paaie, dink na!\n5:11 Vanwe\u00eb die stem van die boogskutters tussen die drinkplekke, besing hulle daar die regverdige dade van die HERE, die regverdige dade van sy leiding in Israel. Toe het die volk van die HERE afgetrek na die poorte toe.\n5:12 Word wakker, word wakker, Deb\u00f3ra! Word wakker, word wakker, hef 'n lied aan! Staan op, Barak! en voer jou gevangenes weg, seun van Abin\u00f3am!\n5:13 Toe het die oorblyfsel van die vername manne van die volk afgetrek, toe het die HERE vir my afgetrek onder die helde.\n5:14 Uit Efraim, die wat hulle wortel in Amalek het; Benjamin, agter jou aan onder jou manskappe; uit Magir trek die aanvoerders af, en uit S\u00e9bulon die wat met die werwerstaf uittrek;\n5:15 en vorste in Issaskar met Deb\u00f3ra saam; en Issaskar soos Barak: in die dal storm hulle op sy voetspore. In die afdelings van Ruben was die voornemens van die hart groot.\n5:16 Waarom het jy tussen die veekrale bly sit en luister na die fluitspel by die troppe vee? In die afdelings van Ruben was die voornemens van die hart groot.\n5:17 G\u00edlead het rustig oorkant die Jordaan gebly; en Dan, waarom vertoef hy by die skepe? Aser het bly sit aan die seekus en aan sy baaie rustig gebly.\n5:18 S\u00e9bulon is 'n volk wat sy siel gering ag tot die dood toe; ook N\u00e1ftali op die hoogvlaktes.\n5:19 Konings het gekom, geveg; toe het die konings van Kana\u00e4n geveg by T\u00e1\u00e4nag, by die waters van Meg\u00edddo--geen stuk silwer het hulle geneem nie.\n5:20 Uit die hemel het die sterre geveg, uit hulle bane het hulle teen S\u00edsera geveg;\n5:21 die spruit Kison het hulle afgedrywe, die spruit van ontmoeting, die spruit Kison! Tree op, my siel, met mag!\n5:22 Toe het die perdepote geklap van die gejaag, die gejaag van hulle geweldiges.\n5:23 Vloek Meros, s\u00ea die Engel van die HERE; ja, vervloek sy inwoners, omdat hulle die HERE nie tot hulp gekom het nie, die HERE tot hulp onder die helde.\n5:24 Mag bo die vroue gese\u00ebnd wees Jael, die vrou van Heber, die Keniet; gese\u00ebnd wees bo die vroue in die tent!\n5:25 Water het hy gevra, melk het sy gegee, in 'n sierlike skottel het sy dikmelk gebring.\n5:26 Haar hand steek sy uit na die tentpen en haar regterhand na die werksman se hamer; en sy hamer S\u00edsera, verpletter sy kop en verbrysel en deurboor die slaap van sy hoof.\n5:27 Tussen haar voete sak hy inmekaar, val, l\u00ea daar! Tussen haar voete sak hy inmekaar, val; waar hy inmekaarsak, daar l\u00ea hy--morsdood.\n5:28 Deur die venster kyk die moeder van S\u00edsera uit, en sy roep deur die venstertralie: Waarom vertoef sy wa om te kom? Waarom versuim die passe van sy wa-span?\n5:29 Die skranderste van haar vorstinne antwoord haar, ja, sy self antwoord op haar woorde:\n5:30 Hulle het seker buit gevind en verdeel dit: een slavin, twee slavinne vir elke man; 'n buit van bont klere vir S\u00edsera, 'n buit van bont klere, veelkleurige; 'n bont doek, twee veelkleuriges as buit vir my hals.\n5:31 So moet al u vyande, HERE, omkom! Maar die wat Hom liefhet, is soos die opgang van die son in sy krag. En die land het veertig jaar lank gerus.\n6:1 Maar toe die kinders van Israel gedoen het wat verkeerd was in die o\u00eb van die HERE, het die HERE hulle oorgegee in die hand van die Midianiete, sewe jaar lank.\n6:2 En die Midianiete het die oorhand oor Israel gekry; vanwe\u00eb die Midianiete het die kinders van Israel vir hulle die slote gemaak wat op die berge is, en die gate en die bergvestings.\n6:3 Want as Israel gesaai het, dan trek die Midianiete en Amalekiete en die kinders van die Ooste uit, en trek teen hulle op:\n6:4 slaan laers teen hulle op en verwoes die opbrings van die land in die rigting na Gasa, en hulle laat geen lewensmiddele, geen skaap of bees of esel in Israel oorbly nie.\n6:5 Want hulle het met hul vee en hul tente opgetrek en gekom soos sprinkane in menigte, terwyl hulle en hul kamele ontelbaar was; so het hulle dan die land ingekom om dit te verwoes.\n6:6 En Israel het deur die Midianiete baie arm geword, maar die kinders van Israel het die HERE aangeroep.\n6:7 En toe die kinders van Israel die HERE aanroep vanwe\u00eb die Midianiete,\n6:8 het die HERE 'n profeet na die kinders van Israel gestuur, en di\u00e9 het vir hulle ges\u00ea: So spreek die HERE, die God van Israel: Ek self het julle laat optrek uit Egipte en julle uit die slawehuis uitgelei\n6:9 en julle gered uit die hand van die Egiptenaars en uit die hand van al julle verdrukkers en hulle voor julle uit verdrywe en hulle land aan julle gegee.\n6:10 En Ek het aan julle ges\u00ea: Ek is die HERE julle God; julle mag die gode van die Amoriete in wie se land julle woon, nie vrees nie. Maar julle het nie na my stem geluister nie.\n6:11 Toe het die Engel van die HERE gekom en gaan sit onder die terpentynboom wat by Ofra staan, wat aan Joas, die Abi\u00ebsriet, behoort het, terwyl sy seun G\u00eddeon juis koring uitslaan in die parskuip om dit te beveilig teen die Midianiete.\n6:12 En die Engel van die HERE het aan hom verskyn en vir hom ges\u00ea: Die HERE is met jou, dapper held!\n6:13 Toe vra G\u00eddeon Hom: Ag, my heer, as die HERE met ons is, waarom het al hierdie dinge ons dan oorgekom? En waar is al sy wonders waar ons vaders ons van vertel het, deur te s\u00ea: Het die HERE ons nie uit Egipte laat optrek nie? Maar nou het die HERE ons verwerp en ons oorgegee in die hand van die Midianiete.\n6:14 Toe draai die HERE na hom toe en s\u00ea: Gaan in hierdie krag van jou en verlos Israel uit die hand van die Midianiete. Is dit nie Ek wat jou stuur nie?\n6:15 Maar hy vra Hom: Ag, Here, waarmee sou ek Israel verlos? Kyk, my geslag is die swakste in Manasse, en ek self die geringste in my familie.\n6:16 Toe s\u00ea die HERE vir hom: Ek sal met jou wees, sodat jy die Midianiete soos een man sal verslaan.\n6:17 En hy antwoord Hom: As ek dan guns in u o\u00eb gevind het, doen vir my 'n teken, dat U dit is wat met my spreek.\n6:18 Verwyder U tog nie hiervandaan voordat ek by U kom en my gawe uitbring en voor U neersit nie. Hy s\u00ea toe: Ek sal bly totdat jy terugkom.\n6:19 Toe het G\u00eddeon ingegaan en 'n bokkie berei, en van 'n efa meel ongesuurde koeke; die vleis het hy in 'n mandjie gesit en die sous in 'n pot gegooi; en hy het dit na Hom uitgebring onder die terpentynboom en dit naby neergesit.\n6:20 Maar die Engel van God het vir hom ges\u00ea: Neem die vleis en die ongesuurde koeke, en sit dit op hierdie rots neer en gooi die sous daaroor uit. En hy het so gedoen.\n6:21 Daarop steek die Engel van die HERE die punt van die staf wat in sy hand was, uit en raak die vleis en die ongesuurde koeke aan; toe gaan daar vuur op uit die rots en verteer die vleis en die ongesuurde koeke. Intussen het die Engel van die HERE verdwyn uit sy o\u00eb.\n6:22 Toe G\u00eddeon bemerk dat dit die Engel van die HERE was, s\u00ea G\u00eddeon: Ag, Here HERE! want ek het die Engel van die HERE gesien van aangesig tot aangesig!\n6:23 Maar die HERE s\u00ea vir hom: Vrede vir jou! Vrees nie! Jy sal nie sterwe nie.\n6:24 Toe bou G\u00eddeon daar 'n altaar vir die HERE en noem dit: Die HERE is vrede! Dit staan vandag nog daar by Ofra van die Abi\u00ebsriete.\n6:25 En in dieselfde nag het die HERE vir hom ges\u00ea: Neem die bul van jou vader, naamlik die tweede bul van sewe jaar, en breek die altaar van Ba\u00e4l af wat aan jou vader behoort, en kap die heilige boomstam af wat daar langsaan staan.\n6:26 En bou vir die HERE jou God 'n altaar op die top van hierdie vesting deur opstapeling, en neem die tweede bul en bring dit as 'n brandoffer met die hout van die heilige boomstam wat jy moet afkap.\n6:27 Toe het G\u00eddeon tien man van sy dienaars geneem en gedoen soos die HERE aan hom ges\u00ea het; maar omdat hy te bang was vir sy familie en vir die manne van die stad, om dit oordag te doen, het hy dit in die nag gedoen.\n6:28 En toe die manne van die stad die m\u00f4re vroeg opstaan, l\u00ea die altaar van Ba\u00e4l daar omgegooi en die heilige boomstam wat daar langsaan gestaan het, afgekap en die tweede bul geoffer op die altaar wat daar gebou was!\n6:29 Toe s\u00ea hulle, die een vir die ander: Wie het hierdie ding gedoen? En onderwyl hulle ondersoek en uitvra, s\u00ea hulle: G\u00eddeon, die seun van Joas, het hierdie ding gedoen!\n6:30 Toe s\u00ea die manne van die stad vir Joas: Bring jou seun uit, hy moet sterwe, omdat hy die altaar van Ba\u00e4l omgegooi het, en omdat hy die heilige boomstam wat daar langsaan gestaan het, afgekap het.\n6:31 Maar Joas s\u00ea vir almal wat by hom staan: Wil j\u00falle vir Ba\u00e4l veg? Of wil julle hom help? Die wat vir hom veg, sal vanm\u00f4re nog gedood word. As hy 'n god is, laat hy vir homself veg, omdat hy sy altaar omgegooi het.\n6:32 Daarom het hy hom op di\u00e9 dag Jer\u00fabba\u00e4l genoem en ges\u00ea: Laat Ba\u00e4l teen hom veg, omdat hy sy altaar omgegooi het.\n6:33 Toe het al die Midianiete en Amalekiete en die kinders van die Ooste aanmekaargesluit en deurgetrek en in die laagte van J\u00edsre\u00ebl laer opgeslaan.\n6:34 En die Gees van die HERE het G\u00eddeon vervul; en hy het op die ramshoring geblaas, en die Abi\u00ebsriete is agter hom aan opgeroep.\n6:35 Ook het hy boodskappers gestuur in die hele Manasse, en di\u00e9 is ook agter hom aan opgeroep; ook het hy boodskappers gestuur in Aser en in S\u00e9bulon en in N\u00e1ftali, en hulle het opgetrek, hulle tegemoet.\n6:36 Toe het G\u00eddeon met God gespreek: As U werklik deur my hand Israel wil verlos soos U gespreek het--\n6:37 ek sal die wolvlies op die dorsvloer neerl\u00ea: as daar net op die vlies dou is, terwyl die grond oral droog is, dan sal ek weet dat U deur my hand Israel wil verlos soos U gespreek het.\n6:38 En dit was so: toe hy die volgende m\u00f4re vroeg opstaan, het hy die vlies uitgewring en die dou uit die vlies uitgedruk, 'n kom vol water.\n6:39 Toe het G\u00eddeon met God gespreek: Laat u toorn nie teen my ontvlam nie, en laat my net hierdie keer mag spreek; laat my tog net hierdie keer met die vlies 'n proef neem: laat dit op die vlies alleen droog wees terwyl daar op die grond oral dou is.\n6:40 En die HERE het daardie nag so gedoen: op die vlies alleen was dit droog, maar oral op die grond was daar dou.\n7:1 Daarna het Jer\u00fabba\u00e4l, dit is G\u00eddeon, en al die manskappe wat by hom was, vroeg klaargemaak, en hulle het laer opgeslaan by die fontein Harod, terwyl die laer van die Midianiete ten noorde van hom was, van die heuwel More af in die dal.\n7:2 Toe s\u00ea die HERE vir G\u00eddeon: Die manskappe by jou is te veel vir My om die Midianiete in hulle hand te gee; anders kan Israel hom teen My beroem deur te s\u00ea: My eie hand het my verlos.\n7:3 Roep dan nou tog uit voor die ore van die manskappe en s\u00ea: Die wat bang is en bewe, kan teruggaan en wegdraai van die gebergte van G\u00edlead af. Toe het daar van die manskappe twee en twintig duisend omgedraai, en tien duisend het oorgebly.\n7:4 Daarop s\u00ea die HERE vir G\u00eddeon: Die manskappe is nog te veel; bring hulle af na die water, dan sal Ek hulle daar vir jou uitsoek; en van wie Ek aan jou s\u00ea: Hierdie een mag met jou saamgaan--di\u00e9 mag met jou saamgaan; maar elkeen van wie Ek aan jou s\u00ea: Hierdie een mag nie met jou saamgaan nie--di\u00e9 mag nie gaan nie.\n7:5 Hy bring toe die manskappe af na die water; en die HERE s\u00ea vir G\u00eddeon: Elkeen wat met sy tong die water oplek soos 'n hond lek, moet jy eenkant laat staan; en elkeen wat op sy knie\u00eb vooroor buig om te drink, anderkant.\n7:6 En die aantal van die wat gelek het met hul hand na hul mond toe, was drie honderd man; en al die ander manskappe het op hulle knie\u00eb vooroor gebuig om water te drink.\n7:7 Toe s\u00ea die HERE vir G\u00eddeon: Deur die drie honderd man wat gelek het, sal Ek julle verlos en die Midianiete in jou hand gee; maar al die ander manskappe kan elkeen na sy woonplek gaan.\n7:8 Daarop neem hulle die padkos van die manskappe en hulle ramshorings in hul hand; en hy het al die manskappe van Israel laat gaan, elkeen na sy tente toe; maar die drie honderd man het hy agtergehou, terwyl die laer van die Midianiete onderkant hom in die laagte was.\n7:9 En daardie nag het die HERE vir hom ges\u00ea: Staan op, gaan af in die laer, want Ek gee dit in jou hand.\n7:10 En as jy bang is om af te gaan, gaan jy dan saam met jou dienaar Pura af na die laer toe\n7:11 en luister wat hulle praat; en daarna sal jou hande sterk word, en jy sal in die laer aftrek. Hy gaan toe af saam met sy dienaar Pura tot by die buitenste lyn van die gewapendes wat in die laer was.\n7:12 En die Midianiete en Amalekiete en al die kinders van die Ooste het in die laagte gel\u00ea soos sprinkane in menigte, en hulle kamele was ontelbaar soos die sand aan die seestrand in menigte.\n7:13 En toe G\u00eddeon aankom, vertel 'n man aan 'n ander juis 'n droom en s\u00ea: Kyk, ek het 'n droom gehad: Daar rol 'n hard gebakte garsbrood in die laer van die Midianiete en kom tot by die tent en slaan dit dat dit omval en keer dit onderstebo, en toe l\u00ea die tent daar!\n7:14 En die ander een het geantwoord en ges\u00ea: Dit is niks anders nie as die swaard van G\u00eddeon, die seun van Joas, die Israeliet; God het die Midianiete en die hele laer in sy hand gegee.\n7:15 Toe G\u00eddeon dan die verhaal van die droom en sy uitlegging hoor, het hy aanbid; en hy het teruggekeer na die laer van Israel en ges\u00ea: Maak klaar, want die HERE gee die laer van die Midianiete in julle hand.\n7:16 En hy het die drie honderd man verdeel in drie dele en aan hulle almal ramshorings en le\u00eb kruike, met fakkels binne-in die kruike, in die hand gegee\n7:17 en aan hulle ges\u00ea: Kyk na my en maak net so; en kyk, as ek by die buitenste lyn van die laer kom, dan moet julle maak net soos ek maak.\n7:18 En as ek en almal wat by my is, op die ramshoring blaas, moet julle ook op die ramshorings blaas rondom die hele laer, en julle moet s\u00ea: Vir die HERE en vir G\u00eddeon!\n7:19 Toe kom G\u00eddeon en die honderd man wat by hom was, by die buitenste lyn van die laer, met die begin van die middelste nagwaak toe hulle skaars die wagte uitgesit het, en hulle blaas op die ramshorings en slaan die kruike stukkend wat hulle in hul hand gehad het.\n7:20 Toe blaas die drie dele op die ramshorings en breek die kruike en hou met hulle linkerhand die fakkels en met hulle regterhand die ramshorings om te blaas, terwyl hulle uitroep: Die swaard van die HERE en van G\u00eddeon!\n7:21 En hulle het bly staan elkeen op sy plek, rondom die laer. Daarop hardloop die hele laer, en hulle skreeu en vlug.\n7:22 En toe die drie honderd op die ramshorings blaas, het die HERE die swaard van die een teen die ander gerig, ja, in die hele laer; en die laer het gevlug na Bet-Sitta, na Ser\u00e9da toe, tot by die oewer van Abel-Meh\u00f3la by Tabbat.\n7:23 En die manskappe van Israel uit N\u00e1ftali en uit Aser en uit die hele Manasse is opgeroep, en hulle het die Midianiete agternagejaag.\n7:24 Ook het G\u00eddeon boodskappers gestuur in die hele gebergte van Efraim om te s\u00ea: Trek af die Midianiete tegemoet, en sny hulle van die waters af tot by Bet-Bara en die Jordaan. So het dan al die manskappe van Efraim bymekaargekom en die waters beset tot by Bet-Bara en die Jordaan.\n7:25 En hulle het twee vorste van die Midianiete gevang, Oreb en Se\u00ebb; en Oreb het hulle gedood by die rots Oreb, en Se\u00ebb gedood by die parskuip Se\u00ebb, en hulle het die Midianiete agtervolg; en die hoof van Oreb en van Se\u00ebb het hulle na G\u00eddeon gebring, oorkant die Jordaan.\n8:1 Toe s\u00ea die manskappe van Efraim vir hom: Wat is dit wat u ons aangedoen het, dat u ons nie geroep het toe u weggetrek het om teen die Midianiete te veg nie? En hulle het heftig met hom getwis.\n8:2 Maar hy s\u00ea vir hulle: Wat het ek nou gedoen in vergelyking met julle? Is die na-oes van Efraim nie beter as die wynoes van Abi\u00ebser nie?\n8:3 God het die vorste van M\u00eddian, Oreb en Se\u00ebb, in julle hand gegee, maar wat kon ek doen in vergelyking met julle? Toe bedaar hulle opgewondenheid teenoor hom nadat hy hierdie woord gespreek het.\n8:4 En G\u00eddeon het gekom by die Jordaan, en hy en die drie honderd man wat by hom was, het oorgetrek, moeg en besig om te agtervolg.\n8:5 En hy s\u00ea aan die manne van Sukkot: Gee tog broodjies vir die manskappe wat op my voetspore volg, want hulle is moeg, en ek is besig om Seba en S\u00e1lmuna, die konings van die Midianiete, agterna te jaag.\n8:6 Maar die vorste van Sukkot vra: Is die handpalm van Seba en van S\u00e1lmuna nou al in u hand, dat ons aan u le\u00ebr brood moet gee?\n8:7 Toe s\u00ea G\u00eddeon: Daarom, as die HERE Seba en S\u00e1lmuna in my hand gee, sal ek julle vlees met woestyndorings en distels dors.\n8:8 En daarvandaan het hy opgetrek na Pnuel en met hulle net so gespreek; maar die manne van Pnuel het hom geantwoord net soos die manne van Sukkot geantwoord het.\n8:9 Daarop spreek hy ook met die mense van Pnuel en s\u00ea: As ek met vrede terugkom, sal ek hierdie toring omgooi.\n8:10 Seba en S\u00e1lmuna was toe in Karkor, en hul le\u00ebr by hulle, omtrent vyftien duisend, al wat oor was uit die hele le\u00ebr van die kinders van die Ooste; maar die gesneuweldes was honderd en twintig duisend man wat die swaard kon uittrek.\n8:11 En G\u00eddeon het opgetrek met die pad van die tentbewoners, ten ooste van Nobag en J\u00f3gbeha, en hy het die le\u00ebr verslaan terwyl die le\u00ebr gerus was.\n8:12 En Seba en S\u00e1lmuna het gevlug, maar hy het hulle agternagejaag en die twee konings van M\u00eddian, Seba en S\u00e1lmuna, gevang nadat hy die hele le\u00ebr uiteengejaag het.\n8:13 En toe G\u00eddeon, die seun van Joas, terugkom uit die geveg, van die nek Heres af,\n8:14 vang hy 'n seun van die mense van Sukkot en vra hom uit; en di\u00e9 het vir hom die vorste van Sukkot en sy oudstes opgeskrywe, sewe en sewentig man.\n8:15 En toe hy by die mense van Sukkot kom, s\u00ea hy: Hier is Seba en S\u00e1lmuna oor wie julle my gesmaad het deur te s\u00ea: Is die handpalm van Seba en van S\u00e1lmuna nou al in u hand, dat ons aan u vermoeide manskappe brood moet gee?\n8:16 Daarop neem hy die oudstes van die stad saam met die woestyndorings en die distels, en hy het die manne van Sukkot daarmee 'n les geleer.\n8:17 En die toring van Pnuel het hy omgegooi en die manne van die stad gedood.\n8:18 En hy het Seba en S\u00e1lmuna gevra: Wat vir manne was dit wat julle by Tabor gedood het? En hulle antwoord: Soos u, so was hulle: elkeen van gestalte koninklike seuns.\n8:19 Daarop s\u00ea hy: Dit was my broers, seuns van my moeder. So waar as die HERE leef, as julle hulle laat leef het, sou ek julle nie doodmaak nie.\n8:20 En hy s\u00ea aan Jeter, sy eersgeborene: Staan op, maak hulle dood! Maar die seun het sy swaard nie uitgetrek nie, omdat hy bang was; want hy was nog 'n seun.\n8:21 Toe s\u00ea Seba en S\u00e1lmuna: Staan u self op en val op ons aan, want soos die man is, is sy krag. G\u00eddeon het toe opgestaan en Seba en S\u00e1lmuna gedood, en die maantjies wat aan die nekke van hulle kamele was, het hy geneem.\n8:22 Daarop s\u00ea die manne van Israel vir G\u00eddeon: Heers oor ons, u sowel as u seun en u kleinseun, want u het ons verlos uit die hand van die Midianiete.\n8:23 Maar G\u00eddeon antwoord hulle: Ek wil nie oor julle heers nie, en ook my seun mag nie oor julle heers nie: die HERE sal oor julle heers.\n8:24 Verder het G\u00eddeon vir hulle ges\u00ea: Ek wil aan julle 'n versoek doen: Gee nou elkeen vir my die ring uit sy buit! Want hulle het goue ringe gedra, omdat hulle Ismaeliete was.\n8:25 Toe s\u00ea hulle: Ons wil dit graag gee; en hulle het 'n mantel uitgesprei en elkeen 'n ring van sy buit daarop gegooi.\n8:26 En die gewig van die goue ringe wat hy gevra het, was sewentien honderd sikkels goud, behalwe die maantjies en die oorversiersels en purper klere wat die konings van M\u00eddian gedra het, en behalwe die kettings wat aan die nekke van hulle kamele was.\n8:27 En G\u00eddeon het daar 'n skouerkleed van gemaak en dit in sy stad, in Ofra, opgestel; en die hele Israel het dit daar agternagehoereer, en dit het vir G\u00eddeon en sy huis 'n strik geword.\n8:28 So moes die Midianiete dan buig voor die kinders van Israel, en hulle het hul hoof nie meer opgetel nie; en die land het in G\u00eddeon se dae veertig jaar lank gerus.\n8:29 En Jer\u00fabba\u00e4l, die seun van Joas, het in sy huis gaan woon.\n8:30 En G\u00eddeon het sewentig seuns gehad wat uit sy lende voortgekom het, want hy het baie vroue gehad.\n8:31 En sy byvrou wat in Sigem was, het ook vir hom 'n seun gebaar, en hy het hom die naam Abim\u00e9leg gegee.\n8:32 En G\u00eddeon, die seun van Joas, het gesterf in goeie ouderdom en is begrawe in die graf van sy vader Joas, in Ofra van die Abi\u00ebsriete.\n8:33 Maar net toe G\u00eddeon dood was, het die kinders van Israel weer die Ba\u00e4ls agternagehoereer en van Ba\u00e4l-Ber\u00edt vir hulle 'n god gemaak.\n8:34 En die kinders van Israel het nie gedink aan die HERE hulle God wat hulle uit die hand van al hul vyande rondom gered het nie.\n8:35 En hulle het geen guns bewys aan die huis van Jer\u00fabba\u00e4l, dit is G\u00eddeon, vir al die goed wat hy aan Israel gedoen het nie.\n9:1 En Abim\u00e9leg, die seun van Jer\u00fabba\u00e4l, het heengegaan na Sigem, na die broers van sy moeder, en hy het met hulle en met die hele geslag van sy moeder se familie gespreek en ges\u00ea:\n9:2 Spreek tog voor die ore van al die burgers van Sigem: Wat is vir julle beter--dat sewentig man, almal seuns van Jer\u00fabba\u00e4l, oor julle heers, of dat een man oor julle heers? En dink daaraan dat ek julle gebeente en julle vlees is.\n9:3 Toe die broers van sy moeder al hierdie woorde voor die ore van al die burgers van Sigem oor hom spreek, het hulle hart Abim\u00e9leg gevolg; want hulle het ges\u00ea: Hy is ons broer.\n9:4 Hulle het hom toe sewentig sikkels silwer uit die huis van Ba\u00e4l-Ber\u00edt gegee, en daarmee het Abim\u00e9leg ydele en ligsinnige manne gehuur, en hulle het hom gevolg.\n9:5 En hy het in die huis van sy vader gegaan, in Ofra, en sy broers, die seuns van Jer\u00fabba\u00e4l, sewentig man, op een klip vermoor; maar Jotam, die jongste seun van Jer\u00fabba\u00e4l, het oorgebly, want hy het weggekruip.\n9:6 Daarop het al die burgers van Sigem en die hele huis Millo bymekaargekom en Abim\u00e9leg gaan koning maak by die terpentynboom van die gedenkteken wat by Sigem is.\n9:7 Toe hulle dit aan Jotam meedeel, het hy op die top van die berg Ger\u00edsim gaan staan en sy stem verhef en uitgeroep en aan hulle ges\u00ea: Luister na my, burgers van Sigem, sodat God na julle kan luister.\n9:8 Eendag het die bome gegaan om 'n koning oor hulle te salf en aan die olyfboom ges\u00ea: Wees koning oor ons!\n9:9 Maar die olyfboom het vir hulle ges\u00ea: Sou ek my vettigheid opgee wat God en die mense in my prys, en oor die bome gaan swewe?\n9:10 Toe s\u00ea die bome vir die vyeboom: Kom jy, wees koning oor ons.\n9:11 Maar die vyeboom het vir hulle ges\u00ea: Sou ek my soetigheid en my goeie vrugte opgee en oor die bome gaan swewe?\n9:12 Toe s\u00ea die bome vir die wingerdstok: Kom jy, wees koning oor ons.\n9:13 Maar die wingerdstok het vir hulle ges\u00ea: Sou ek my mos opgee wat God en die mense vrolik maak, en oor die bome gaan swewe?\n9:14 Toe s\u00ea al die bome vir die steekdoring: Kom jy, wees koning oor ons!\n9:15 En die steekdoring het vir die bome ges\u00ea: As julle in waarheid my as koning oor julle salf, kom dan, skuil in my skaduwee; maar so nie, laat daar dan vuur uitgaan uit die steekdoring en die seders van die L\u00edbanon verteer.\n9:16 As julle dan nou in waarheid en in opregtheid gehandel het deur Abim\u00e9leg koning te maak, en as julle goed gedoen het aan Jer\u00fabba\u00e4l en sy huis, en as julle aan hom gedoen het na die verdienste van sy hande--\n9:17 julle vir wie my vader geveg en sy lewe gewaag het, en wat hy uit die hand van die Midianiete gered het,\n9:18 maar wat vandag opgestaan het teen die huis van my vader, en sy seuns, sewentig man, op een klip vermoor het en Abim\u00e9leg, die seun van sy slavin, koning gemaak het oor die burgers van Sigem omdat hy julle broer is--\n9:19 as julle dan vandag in waarheid en in opregtheid gehandel het met Jer\u00fabba\u00e4l en sy huis, wees dan vrolik oor Abim\u00e9leg, en mag hy ook vrolik wees oor julle.\n9:20 Maar so nie, laat daar dan vuur uitgaan uit Abim\u00e9leg en die burgers van Sigem en die huis Millo verteer; en laat daar vuur uitgaan uit die burgers van Sigem en uit die huis Millo en Abim\u00e9leg verteer.\n9:21 Daarop het Jotam padgegee en weggevlug en na Be\u00ebr gegaan en daar gebly vanwe\u00eb Abim\u00e9leg, sy broer.\n9:22 Toe Abim\u00e9leg drie jaar oor Israel geheers het,\n9:23 het God 'n bose gees gestuur tussen Abim\u00e9leg en die burgers van Sigem, en die burgers van Sigem het troueloos gehandel teen Abim\u00e9leg,\n9:24 sodat die onreg teen die sewentig seuns van Jer\u00fabba\u00e4l sou uitkom, en Hy hulle bloed sou l\u00ea op hul broer Abim\u00e9leg wat hulle vermoor het, ook op die burgers van Sigem wat sy hande versterk het om sy broers te vermoor.\n9:25 So het die burgers van Sigem dan teen hom hinderlae opgestel bo-op die berge en almal beroof wat op die pad by hulle verbykom. En dit is aan Abim\u00e9leg meegedeel.\n9:26 Toe kom Ga\u00e4l, die seun van Ebed, met sy broers en hulle trek oor na Sigem toe; en die burgers van Sigem het op hom vertrou.\n9:27 En hulle het uitgegaan in die veld en hulle wingerde afgeoes en uitgetrap en oesfees gehou; daarop het hulle in die huis van hulle god ingegaan en ge\u00ebet en gedrink en Abim\u00e9leg gevloek.\n9:28 Toe s\u00ea Ga\u00e4l, die seun van Ebed: Wie is Abim\u00e9leg--en wat is Sigem--dat ons hom sou dien? Is hy nie die seun van Jer\u00fabba\u00e4l, en is Sebul nie sy stadsbestuurder nie? Dien die manne van Hemor, die vader van Sigem, maar waarom moet \u00f3ns hom dien?\n9:29 Ag, was hierdie volk maar in my hand, dan sou ek Abim\u00e9leg wegjaag! En met die oog op Abim\u00e9leg het hy ges\u00ea: Vermeerder maar jou le\u00ebr en trek uit!\n9:30 Toe Sebul, die owerste van die stad, die woorde van Ga\u00e4l, die seun van Ebed, hoor, het hy kwaad geword\n9:31 en listig boodskappers na Abim\u00e9leg gestuur om te s\u00ea: Kyk, Ga\u00e4l, die seun van Ebed, met sy broers, het in Sigem gekom, en kyk, hulle maak die stad teen u op.\n9:32 Maak dan nou in die nag klaar, u met die manskappe wat by u is, en stel 'n hinderlaag op in die veld.\n9:33 Dan kan u in die m\u00f4re vroeg as die son uitkom, u gereed hou en 'n aanval teen die stad maak; en as hy met die manskappe wat by hom is, uittrek na u toe, handel dan met hom na bevind van sake.\n9:34 Daarop het Abim\u00e9leg en al die manskappe wat by hom was, in die nag klaargemaak en hinderlae in vier dele by Sigem opgestel.\n9:35 En Ga\u00e4l, die seun van Ebed, het uitgegaan en by die ingang van die stadspoort gaan staan; en toe Abim\u00e9leg en al die manskappe wat by hom was, opstaan uit die hinderlaag,\n9:36 sien Ga\u00e4l die manskappe en s\u00ea vir Sebul: Kyk, daar kom mense van die bergtoppe af; maar Sebul s\u00ea vir hom: Jy sien die skaduwee van die berge vir mense aan!\n9:37 Maar Ga\u00e4l hou aan en s\u00ea: Kyk, daar kom mense van die hoogste punt van die land af, en een deel kom uit die rigting van die eik van die towenaar.\n9:38 Daarop s\u00ea Sebul vir hom: Waar is nou jou mond waarmee jy ges\u00ea het: Wie is Abim\u00e9leg, dat ons hom sou dien? Is dit nie die manskappe wat jy verag het nie? Trek nou tog uit en veg teen hulle!\n9:39 Toe trek Ga\u00e4l uit voor die burgers van Sigem en veg teen Abim\u00e9leg.\n9:40 Maar Abim\u00e9leg het hom agtervolg, en hy het voor hom uit gevlug, en baie het gesneuwel tot by die ingang van die poort.\n9:41 En Abim\u00e9leg het in Aruma gebly, maar Sebul het Ga\u00e4l en sy broers verjaag, dat hulle nie in Sigem kon bly woon nie.\n9:42 En toe die mense die volgende dag uittrek in die veld, is dit aan Abim\u00e9leg meegedeel.\n9:43 Daarop het hy die manskappe geneem en hulle in drie dele verdeel en 'n hinderlaag opgestel in die veld; en toe hy sien dat die mense die stad uittrek, val hy op hulle aan en verslaan hulle.\n9:44 Want Abim\u00e9leg en die dele wat by hom was, het ingestorm en gaan staan by die ingang van die stadspoort, en die ander twee dele het almal wat in die veld was, bestorm en hulle verslaan.\n9:45 En Abim\u00e9leg het daardie hele dag teen die stad geveg en die stad ingeneem en die mense wat daarin was, gedood en die stad afgebreek en dit met sout besaai.\n9:46 Toe al die burgers van die toring van Sigem dit hoor, gaan hulle in die kelder van die tempel van El-Ber\u00edt in.\n9:47 En toe dit aan Abim\u00e9leg meegedeel is dat al die burgers van die toring van Sigem bymekaargekom het,\n9:48 klim Abim\u00e9leg, hy en al die manskappe wat by hom was, op die berg Salmon; en Abim\u00e9leg het byle met hom saamgeneem en 'n boomtak afgekap en opgetel en dit op sy skouer gesit en aan die manskappe wat by hom was, ges\u00ea: Wat julle my sien doen, doen dit my gou na.\n9:49 Daarop kap al die manskappe ook elkeen sy tak af en hulle volg Abim\u00e9leg en gooi dit op die kelder en steek die kelder bo-op hulle aan die brand, sodat ook al die mense van die Sigemstoring, omtrent duisend manne en vroue, gesterf het.\n9:50 Daarna het Abim\u00e9leg na Tebes getrek en Tebes bele\u00ebr en dit ingeneem.\n9:51 Maar in die middel van die stad was 'n sterk toring; en daarheen het al die manne en vroue en al die burgers van die stad gevlug, en hulle het agter hulle toegesluit en bo-op die dak van die toring geklim.\n9:52 En Abim\u00e9leg het gekom tot by die toring en daarteen geveg; maar toe hy nader kom tot by die ingang van die toring om dit met vuur te verbrand,\n9:53 gooi 'n vrou die boonste meulsteen op die hoof van Abim\u00e9leg en verbrysel sy skedel.\n9:54 Toe roep hy gou die dienaar, sy wapendraer, en s\u00ea vir hom: Trek jou swaard uit en maak my van kant, dat hulle nie van my kan s\u00ea: 'n Vrou het hom gedood nie. Daarop het sy dienaar hom deurboor, en hy het gesterwe.\n9:55 En toe die manne van Israel sien dat Abim\u00e9leg dood was, het hulle elkeen na sy woonplek gegaan.\n9:56 So het God dan die kwaad van Abim\u00e9leg vergelde wat hy sy vader aangedoen het deur sy sewentig broers te vermoor.\n9:57 En al die kwaad van die manne van Sigem het God op hulle eie hoof laat neerkom; en die vloek van Jotam, die seun van Jer\u00fabba\u00e4l, het oor hulle gekom.\n10:1 En n\u00e1 Abim\u00e9leg het Tola, die seun van Pua, die seun van Dodo, 'n man uit Issaskar, opgetree om Israel te verlos; en hy het gewoon in Samir op die gebergte van Efraim.\n10:2 En hy het Israel drie en twintig jaar lank gerig; en hy het gesterwe en is in Samir begrawe.\n10:3 En n\u00e1 hom het Ja\u00efr, die Gileadiet, opgetree, en hy het Israel twee en twintig jaar lank gerig.\n10:4 En hy het dertig seuns gehad, wat op dertig jong esels gery en dertig stede gehad het; di\u00e9 word tot vandag toe die Ja\u00efrsdorpe genoem wat in die land G\u00edlead l\u00ea.\n10:5 En Ja\u00efr het gesterwe en is in Kamon begrawe.\n10:6 En die kinders van Israel het weer gedoen wat verkeerd was in die o\u00eb van die HERE, en hulle het die Ba\u00e4ls en die Astartes gedien, en die gode van Aram en die gode van Sidon en die gode van Moab en die gode van die kinders van Ammon en die gode van die Filistyne, en hulle het die HERE verlaat en Hom nie gedien nie.\n10:7 Daarom het die toorn van die HERE ontvlam teen Israel, en Hy het hulle verkoop in die hand van die Filistyne en in die hand van die kinders van Ammon.\n10:8 En hulle het die kinders van Israel verpletter en verdruk in daardie jaar, agttien jaar lank, al die kinders van Israel wat oorkant die Jordaan gewoon het in die land van die Amoriete, wat in G\u00edlead was.\n10:9 Daarby het die kinders van Ammon die Jordaan oorgetrek om ook teen Juda en Benjamin en die huis van Efraim te veg, sodat Israel dit baie benoud gehad het.\n10:10 Toe roep die kinders van Israel die HERE aan en s\u00ea: Ons het teen U gesondig, want ons het onse God verlaat en die Ba\u00e4ls gedien.\n10:11 Maar die HERE het aan die kinders van Israel ges\u00ea: Het Ek julle nie van die Egiptenaars en van die Amoriete, van die kinders van Ammon en van die Filistyne--\n10:12 en toe die Sidoni\u00ebrs en Amalekiete en Maoniete julle verdruk en julle My aangeroep het--julle uit hulle hand verlos nie?\n10:13 Maar julle het My verlaat en ander gode gedien; daarom sal Ek julle nie meer verlos nie.\n10:14 Gaan heen en roep die gode aan wat julle verkies het; laat di\u00e9 julle verlos in die tyd van julle benoudheid.\n10:15 Toe s\u00ea die kinders van Israel aan die HERE: Ons het gesondig; maak met ons net soos dit goed is in u o\u00eb; verlos ons tog net vandag.\n10:16 En hulle het die vreemde gode uit hulle midde verwyder en die HERE gedien; toe het Hy ongeduldig geword oor die moeite van Israel.\n10:17 En die kinders van Ammon is byeengeroep en het laer opgeslaan in G\u00edlead; maar die kinders van Israel het bymekaargekom en laer opgeslaan by Mispa.\n10:18 Toe s\u00ea die manskappe, die vorste van G\u00edlead, die een aan die ander: Wie is die man wat sal begin om te veg teen die kinders van Ammon? Hy sal hoof wees oor al die inwoners van G\u00edlead.\n11:1 En Jefta, die Gileadiet, was 'n dapper held, maar hy was die seun van 'n hoer; en G\u00edlead was die vader van Jefta.\n11:2 En toe die vrou van G\u00edlead vir hom seuns baar, en die seuns van die vrou groot word, het hulle Jefta weggejaag en vir hom ges\u00ea: Jy mag in ons familie nie erwe nie, want jy is die seun van 'n ander vrou.\n11:3 Daarop vlug Jefta van sy broers af weg en hy gaan woon in die land Tob; en ligsinnige manne het by Jefta aangesluit en saam met hom uitgetrek.\n11:4 En 'n tyd daarna het die kinders van Ammon oorlog gevoer teen Israel.\n11:5 Maar toe die kinders van Ammon oorlog voer teen Israel, het die oudstes van G\u00edlead Jefta gaan haal uit die land Tob;\n11:6 en hulle het vir Jefta ges\u00ea: Kom en wees ons aanvoerder, dat ons kan veg teen die kinders van Ammon.\n11:7 Maar Jefta antwoord die oudstes van G\u00edlead: Het julle my nie gehaat en my uit my vader se huis weggejaag nie? Waarom kom julle dan nou na my, nou dat julle in die benoudheid sit?\n11:8 Toe s\u00ea die oudstes van G\u00edlead vir Jefta: Daarom kom ons nou na jou terug, dat jy met ons kan saamtrek en teen die kinders van Ammon veg, en dat jy ons hoof kan wees oor al die inwoners van G\u00edlead.\n11:9 Daarop antwoord Jefta die oudstes van G\u00edlead: As julle my laat terugkom om teen die kinders van Ammon te veg en die HERE hulle aan my oorgee, dan moet ek julle hoof word.\n11:10 Toe s\u00ea die oudstes van G\u00edlead vir Jefta: Die HERE sal hoorder wees tussen ons. Waarlik, soos jy ges\u00ea het, so sal ons doen.\n11:11 So het Jefta dan met die oudstes van G\u00edlead saamgegaan, en die volk het hom as hoof en aanvoerder oor hulle aangestel, en Jefta het al sy woorde voor die aangesig van die HERE in Mispa gespreek.\n11:12 Toe stuur Jefta boodskappers na die koning van die kinders van Ammon om te vra: Wat het ek met u te doen, dat u na my kom om teen my land te veg?\n11:13 En die koning van die kinders van Ammon s\u00ea aan die boodskappers van Jefta: Israel het my land geneem toe hy opgetrek het uit Egipte, van die Arnon af tot by die Jabbok en tot by die Jordaan; gee dit dan nou in vrede terug.\n11:14 En Jefta het nog weer boodskappers gestuur na die koning van die kinders van Ammon\n11:15 en vir hom ges\u00ea: So s\u00ea Jefta: Israel het die land Moab en die land van die kinders van Ammon nie geneem nie.\n11:16 Want Israel het toe hy uit Egipte opgetrek het, deur die woestyn gegaan tot by die Skelfsee en het by Kades gekom.\n11:17 En Israel het boodskappers gestuur na die koning van Edom om te s\u00ea: Laat my tog deur u land trek; maar die koning van Edom het geen gehoor gegee nie; en na die koning van Moab het hy gestuur, maar hy wou ook nie. Daarom het Israel in Kades gebly.\n11:18 Verder het hy deur die woestyn gegaan en om die land Edom en die land Moab getrek en gekom aan die oostekant van die land Moab; en hulle het laer opgeslaan oorkant die Arnon, maar nie in die gebied van Moab ingekom nie, want die Arnon is die grens van Moab.\n11:19 Daarop het Israel boodskappers gestuur na Sihon, die koning van die Amoriete, die koning van Hesbon, en Israel het vir hom ges\u00ea: Laat ons tog deur u land trek na my plek toe.\n11:20 Maar Sihon het Israel nie vertrou om deur sy gebied te trek nie, en Sihon het al sy manskappe versamel, en hulle het laer opgeslaan in Jahas en teen Israel geveg.\n11:21 Maar die HERE, die God van Israel, het Sihon en sy hele volk in die hand van Israel gegee, en di\u00e9 het hulle verslaan; sodat Israel die hele land van die Amoriete, die inwoners van daardie land, in besit geneem het.\n11:22 En hulle het die hele grondgebied van die Amoriete, van die Arnon af tot by die Jabbok en van die woestyn af tot by die Jordaan, in besit geneem.\n11:23 So het die HERE, die God van Israel, dan die Amoriete voor sy volk Israel uit verdrywe, en wil u dit in besit neem?\n11:24 Sal u dit nie in besit neem wat u god Kamos u as 'n besitting gee, en \u00f3ns alles wat die HERE onse God voor ons uit verdrywe, in besit neem nie?\n11:25 En is u nou soveel beter as Balak, die seun van Sippor, die koning van Moab? Het hy ooit met Israel getwis, of ooit teen hulle geveg?\n11:26 Terwyl Israel in Hesbon met sy onderhorige plekke en in Aro\u00ebr met sy onderhorige plekke en in al die stede wat langs die Arnon l\u00ea, drie honderd jaar lank gewoon het, waarom het julle dit dan nie in di\u00e9 tyd ontset nie?\n11:27 So het \u00e9k dan nie teen u gesondig nie, maar \u00fa handel so sleg met my om teen my oorlog te voer. Mag die HERE, die Regter, vandag oordeel tussen die kinders van Israel en die kinders van Ammon!\n11:28 Maar die koning van die kinders van Ammon het nie geluister na die woorde van Jefta wat hy hom laat weet het nie.\n11:29 Toe het die Gees van die HERE op Jefta gekom, en hy het oorgetrek na G\u00edlead en Manasse en verder deur na Mispe in G\u00edlead; en van Mispe in G\u00edlead het hy deurgetrek na die kinders van Ammon.\n11:30 En Jefta het aan die HERE 'n gelofte gedoen en ges\u00ea: As U werklik die kinders van Ammon in my hand gee,\n11:31 dan sal wat uitkom, wat uit die deure van my huis uitkom my tegemoet, as ek in vrede terugkom van die kinders van Ammon, aan die HERE behoort, en ek sal dit as 'n brandoffer bring.\n11:32 Daarop het Jefta deurgetrek na die kinders van Ammon om teen hulle te veg, en die HERE het hulle in sy hand gegee.\n11:33 En hy het hulle verslaan van Aro\u00ebr af in die rigting na Minnit, twintig stede, en tot by Abel-Ker\u00e1mim--'n baie groot slag; sodat die kinders van Ammon verneder is voor die kinders van Israel.\n11:34 En toe Jefta in Mispa by sy huis kom, gaan sy dogter juis uit hom tegemoet met tamboeryne en koordanse; en sy was die enigste kind: hy het geen seun of dogter buiten haar gehad nie.\n11:35 En net toe hy haar sien, skeur hy sy klere en s\u00ea: Ag, my dogter, jy druk my heeltemal neer, en jy stort my in die ongeluk! Want ek het my mond geopen teenoor die HERE, en ek kan nie terugtrek nie.\n11:36 En sy antwoord hom: My vader, as u u mond geopen het teenoor die HERE, maak met my soos uit u mond uitgegaan het nadat die HERE u volkome wraak verskaf het op u vyande, op die kinders van Ammon.\n11:37 Verder het sy vir haar vader ges\u00ea: Laat d\u00edt my toegestaan word: laat my twee maande vry, dat ek kan weggaan en afdaal na die berge en my maagdelike staat beween, ek en my vriendinne.\n11:38 En hy s\u00ea: Gaan! En hy het haar vir twee maande laat gaan. Sy het toe weggegaan met haar vriendinne en haar maagdelike staat op die berge beween.\n11:39 En aan die end van twee maande het sy na haar vader teruggekom, en hy het die gelofte wat deur hom gedoen is, aan haar voltrek; en sy het geen man beken nie. En dit het 'n gewoonte geword in Israel\n11:40 dat die dogters van Israel jaar vir jaar heengaan om die dogter van Jefta, die Gileadiet, te besing, vier dae in die jaar.\n12:1 En die manne van Efraim is saamgeroep en het oorgetrek na Safon toe en vir Jefta ges\u00ea: Waarom het u deurgetrek om teen die kinders van Ammon te veg en \u00f3ns nie geroep om saam met u te trek nie? Ons sal u huis bo u met vuur verbrand.\n12:2 Maar Jefta s\u00ea vir hulle: Ek en my volk het 'n hewige twis met die kinders van Ammon gehad, en ek het julle opgeroep, maar julle het my nie uit hulle hand verlos nie.\n12:3 En toe ek sien dat jy nie help nie, het ek my lewe gewaag en deurgetrek na die kinders van Ammon; en die HERE het hulle in my hand gegee. Waarom het julle dan vandag teen my opgetrek om teen my oorlog te voer?\n12:4 Daarop versamel Jefta al die manne van G\u00edlead om teen Efraim te veg; en die manne van G\u00edlead het Efraim verslaan, omdat hulle ges\u00ea het: Julle, Gileadiete, is vlugtelinge van Efraim, in die midde van Efraim en Manasse.\n12:5 En G\u00edlead het die Efraimiete van die Jordaan-driwwe afgesny; en as die vlugtelinge van Efraim s\u00ea: Ek wil deurgaan--dan vra die manne van G\u00edlead vir hom: Is jy 'n Efraimiet? As hy s\u00ea: Nee,\n12:6 dan vra hulle hom: S\u00ea bietjie: Sjibbolet! En as hy s\u00ea: Sibbolet! en nie ag gee om dit reg uit te spreek nie, dan gryp hulle hom en maak hom by die Jordaan-driwwe dood. So het daar dan in di\u00e9 tyd van Efraim twee en veertig duisend man geval.\n12:7 En Jefta het Israel ses jaar lank gerig; en Jefta, die Gileadiet, het gesterwe en is begrawe in een van die stede van G\u00edlead.\n12:8 En n\u00e1 hom het Ebsan, uit Betlehem, Israel gerig.\n12:9 En hy het dertig seuns gehad, en dertig dogters het hy uitgehuwelik en van buite af dertig dogters vir sy seuns ingebring; en hy het Israel sewe jaar lank gerig.\n12:10 En Ebsan het gesterwe en is begrawe in Betlehem.\n12:11 En n\u00e1 hom het Elon, die Sebuloniet, Israel gerig; en hy het Israel tien jaar lank gerig.\n12:12 En Elon, die Sebuloniet, het gesterwe en is begrawe in Ajalon, in die land S\u00e9bulon.\n12:13 En n\u00e1 hom het Abdon, die seun van Hillel, die Pireatoniet, Israel gerig.\n12:14 En hy het veertig seuns en dertig kleinseuns gehad wat op sewentig jong esels gery het; en hy het Israel agt jaar lank gerig.\n12:15 En Abdon, die seun van Hillel, die Pireatoniet, het gesterwe en is begrawe in P\u00edreaton, in die land Efraim, op die gebergte van die Amalekiete.\n13:1 En toe die kinders van Israel weer doen wat verkeerd is in die o\u00eb van die HERE, het die HERE hulle oorgegee in die hand van die Filistyne, veertig jaar lank.\n13:2 En daar was 'n man uit S\u00f3rea, uit die geslag van die Daniete, met die naam van Man\u00f3ag; en sy vrou was onvrugbaar en het geen kinders gehad nie.\n13:3 Maar die Engel van die HERE het aan die vrou verskyn en vir haar ges\u00ea: Kyk, jy is onvrugbaar en het geen kinders gehad nie, maar jy sal swanger word en 'n seun baar.\n13:4 Neem jou dan nou tog in ag en drink geen wyn of sterk drank nie en eet niks wat onrein is nie.\n13:5 Want kyk, jy sal swanger word en 'n seun baar, en geen skeermes mag op sy hoof kom nie; want die seun sal van die moederskoot af 'n nasire\u00ebr van God wees, en hy sal Israel begin verlos uit die hand van die Filistyne.\n13:6 Daarop kom die vrou in en spreek met haar man en s\u00ea: 'n Man van God het na my gekom, en sy voorkoms was soos die voorkoms van die Engel van God, baie vreeslik; maar ek het Hom nie gevra waar Hy vandaan was nie, en sy naam het hy my nie meegedeel nie.\n13:7 Maar Hy het vir my ges\u00ea: Kyk, jy sal swanger word en 'n seun baar; drink dan nou geen wyn of sterk drank nie, en eet niks wat onrein is nie; want die seun sal 'n nasire\u00ebr van God wees van die moederskoot af tot die dag van sy dood toe.\n13:8 En Man\u00f3ag het tot die HERE gebid en ges\u00ea: Ag, Here, laat tog die man van God wat U gestuur het, nog 'n keer na ons toe kom, dat hy ons kan leer hoe ons moet maak met die seun wat gebore sal word.\n13:9 En God het geluister na die stem van Man\u00f3ag, sodat die Engel van God nog 'n keer na die vrou gekom het terwyl sy in die veld sit en haar man Man\u00f3ag nie by haar was nie.\n13:10 En die vrou het haastig geloop en haar man dit vertel en vir hom ges\u00ea: Kyk, die man het aan my verskyn wat die ander dag na my gekom het.\n13:11 Toe staan Man\u00f3ag op en loop agter sy vrou aan, en hy kom by die man en vra hom: Is U die man wat met di\u00e9 vrou gespreek het? Toe s\u00ea Hy: Ja.\n13:12 Daarop vra Man\u00f3ag: As u woorde nou uitkom, wat moet die leefwyse en die werk van die seun wees?\n13:13 Toe s\u00ea die Engel van die HERE aan Man\u00f3ag: Vir alles wat Ek aan die vrou ges\u00ea het, moet sy haar in ag neem.\n13:14 Van alles wat van die wingerdstok afkomstig is, mag sy nie eet nie; en geen wyn of sterk drank moet sy drink nie en niks eet wat onrein is nie; alles wat Ek haar beveel het, moet sy onderhou.\n13:15 Man\u00f3ag s\u00ea aan die Engel van die HERE: Laat ons U tog ophou, dat ons 'n bokkie vir U kan berei.\n13:16 En die Engel van die HERE antwoord Man\u00f3ag: Al hou jy My op, Ek sal nie van jou brood eet nie; maar as jy 'n brandoffer wil berei, offer dit dan aan die HERE. Want Man\u00f3ag het nie geweet dat dit die Engel van die HERE was nie.\n13:17 Daarop vra Man\u00f3ag die Engel van die HERE: Wat is u naam, dat ons U kan vereer as u woord uitkom?\n13:18 En die Engel van die HERE s\u00ea vir hom: Waarom vra jy dan na my naam terwyl hy wonderbaar is?\n13:19 Toe neem Man\u00f3ag die bokkie en die spysoffer en offer dit op die rots aan die HERE terwyl Hy wonderbaarlik handel voor die o\u00eb van Man\u00f3ag en sy vrou:\n13:20 toe die vlam van die altaar opstyg na bo, het die Engel van die HERE in die vlam van die altaar opgevaar; en Man\u00f3ag en sy vrou het dit gesien en met hulle aangesig op die grond geval.\n13:21 En die Engel van die HERE het verder nie meer aan Man\u00f3ag en sy vrou verskyn nie. Daarop bemerk Man\u00f3ag dat dit die Engel van die HERE was.\n13:22 En Man\u00f3ag s\u00ea vir sy vrou: Ons sal sekerlik sterwe, omdat ons God gesien het.\n13:23 Maar sy vrou s\u00ea vir hom: As die HERE ons wou laat sterwe, sou Hy nie uit ons hand 'n brandoffer en 'n spysoffer aangeneem en ons al hierdie dinge laat sien en ons nou sulke dinge laat hoor het nie.\n13:24 En die vrou het 'n seun gebaar en hom Simson genoem; en die kind het groot geword, en die HERE het hom gese\u00ebn.\n13:25 En die Gees van die HERE het hom begin drywe in die laer van Dan tussen S\u00f3rea en Est\u00e1ol.\n14:1 Toe Simson afgegaan het na Timna, sien hy in Timna 'n vrou uit die dogters van die Filistyne;\n14:2 en hy het opgegaan en dit aan sy vader en sy moeder vertel en ges\u00ea: Ek het 'n vrou uit die dogters van die Filistyne in Timna gesien; neem haar dan nou as vrou vir my.\n14:3 Maar sy vader en sy moeder s\u00ea vir hom: Is daar onder die dogters van jou broers en onder my hele volk nie 'n vrou, dat jy heengaan om 'n vrou uit die Filistyne, die onbesnedenes, te neem nie? En Simson s\u00ea aan sy vader: Neem haar vir my, want sy geval my.\n14:4 Maar sy vader en sy moeder het nie geweet dat dit van die HERE kom nie; want hy het rede gesoek teen die Filistyne; in di\u00e9 tyd naamlik het die Filistyne oor Israel geheers.\n14:5 En Simson het met sy vader en sy moeder afgegaan na Timna; en toe hulle by die wingerde van Timna kom, storm daar 'n jong leeu brullende op hom af.\n14:6 Maar die Gees van die HERE het oor hom vaardig geword; en hy het dit verskeur soos 'n mens 'n bokkie verskeur sonder dat daar iets in sy hand was; maar hy het sy vader en sy moeder nie vertel wat hy gedoen het nie.\n14:7 Toe gaan hy af en praat met die vrou; en sy het Simson geval.\n14:8 En 'n tyd daarna het hy teruggegaan om haar te gaan haal; en toe hy uitdraai om na die dooie leeu te kyk, was daar 'n swerm bye in die dooie liggaam van die leeu, en heuning.\n14:9 En hy het dit uitgehaal in sy hande en aldeur geloop en eet, en na sy vader en sy moeder gegaan en aan hulle gegee; en hulle het ge\u00ebet, maar dat hy die heuning uit die dooie liggaam van die leeu uitgehaal het, vertel hy hulle nie.\n14:10 Daarop gaan sy vader na die vrou toe af, en Simson het daar 'n maaltyd berei; want so het die jongmanne gewoonlik gedoen.\n14:11 En toe hulle hom sien, neem hulle dertig vriende om by hom te wees.\n14:12 En Simson s\u00ea aan hulle: Laat my tog vir julle 'n raaisel opgee; as julle dit vir my reg uitl\u00ea gedurende die sewe dae van die maaltyd en dit uitvind, dan sal ek julle dertig hemde en dertig stel klere gee;\n14:13 maar as julle dit vir my nie kan uitl\u00ea nie, dan moet j\u00falle my dertig hemde en dertig stel klere gee. Toe s\u00ea hulle vir hom: Gee maar jou raaisel op, dat ons dit hoor.\n14:14 En hy s\u00ea vir hulle: Spys het uit die eter uitgegaan, en soetigheid uit die sterke. En drie dae lank kon hulle die raaisel nie uitl\u00ea nie.\n14:15 En op die vierde dag s\u00ea hulle aan die vrou van Simson: Haal jou man oor dat hy die raaisel vir ons uitl\u00ea, anders verbrand ons jou en die huis van jou vader met vuur; het julle ons genooi om ons te berowe, of hoe?\n14:16 Toe huil die vrou van Simson by hom en s\u00ea: Jy haat my net en het my nie lief nie; jy het my volksgenote die raaisel opgegee, maar vir my het jy dit nie uitgel\u00ea nie. En hy antwoord haar: Kyk, vir my vader en my moeder het ek dit nie uitgel\u00ea nie, sou ek dit dan vir jou uitl\u00ea?\n14:17 Maar sy het die sewe dae wat hulle maaltyd geduur het, by hom gehuil; en op die sewende dag het hy dit vir haar uitgel\u00ea; want sy het hom gepers en so die raaisel vir haar volksgenote uitgel\u00ea.\n14:18 Daarop s\u00ea die manne van die stad aan hom op die sewende dag voor sonsondergang: Wat is soeter as heuning, en wat is sterker as 'n leeu? En hy antwoord hulle: As julle nie met my kalf geploeg het nie, sou julle my raaisel nie geraai het nie.\n14:19 En die Gees van die HERE het oor hom vaardig geword. Toe gaan hy af na Askelon en slaan dertig man van hulle dood, en neem hulle uitrustings en gee die stelle klere aan die wat die raaisel uitgel\u00ea het; en hy het kwaad geword en opgegaan na die huis van sy vader.\n14:20 En sy vriend wat as sy bruidsjonker gedien het, het die vrou van Simson gekry.\n15:1 Maar 'n tyd daarna het Simson in die dae van die koringoes sy vrou besoek met 'n bokkie en ges\u00ea: Laat ek na my vrou in die kamer ingaan; maar haar vader het hom nie toegelaat om in te gaan nie.\n15:2 En haar vader het ges\u00ea: Ek het vir seker gedink dat jy niks om haar gee nie; daarom het ek haar aan jou metgesel gegee; is haar jonger suster nie mooier as sy nie? Laat sy tog joue word in haar plek.\n15:3 Maar Simson het vir hulle ges\u00ea: Hierdie keer is ek onskuldig teenoor die Filistyne as ek hulle kwaad aandoen.\n15:4 Toe gaan Simson weg en vang drie honderd jakkalse; en hy neem fakkels en draai stert teen stert, en sit 'n fakkel in die middel tussen elke twee sterte in;\n15:5 en hy steek die fakkels aan die brand en los hulle in die ongesnyde graan van die Filistyne; en hy het die miede sowel as die ongesnyde graan en die wingerde en olyfbome aan die brand gesteek.\n15:6 Toe vra die Filistyne: Wie het dit gedoen? En hulle s\u00ea: Simson, die skoonseun van die Timniet, omdat di\u00e9 sy vrou geneem en haar aan sy metgesel gegee het. En die Filistyne het opgetrek en haar en haar vader se huis met vuur verbrand.\n15:7 Daarop s\u00ea Simson vir hulle: As julle so maak, sal ek sekerlik nie rus voordat ek my op julle gewreek het nie.\n15:8 En hy het hulle lendelam geslaan, 'n groot slag. En hy het afgegaan en gebly in die rotskloof van Etam.\n15:9 Toe trek die Filistyne nader en slaan laer op in Juda en sprei hulleself uit by Legi.\n15:10 En die manne van Juda vra: Waarom het julle teen ons opgetrek? En hulle s\u00ea: Ons het opgetrek om Simson te bind, om aan hom te doen soos hy aan ons gedoen het.\n15:11 Daarop trek drie duisend man uit Juda af na die rotskloof van Etam en vra vir Simson: Weet jy nie dat die Filistyne oor ons heers nie, en wat het jy ons nou aangedoen? En hy s\u00ea aan hulle: Soos hulle aan my gedoen het, so het ek aan hulle gedoen.\n15:12 Toe s\u00ea hulle vir hom: Ons het afgekom om jou te bind, om jou oor te gee in die hand van die Filistyne. En Simson s\u00ea aan hulle: Sweer vir my dat julle nie self op my sal aanval nie.\n15:13 En hulle antwoord hom: Nee, ons sal jou net vasbind en oorgee in hulle hand, maar doodmaak sal ons jou stellig nie. Daarop bind hulle hom vas met twee nuwe toue en bring hom op uit die rots.\n15:14 Toe hy tot by Legi kom, juig die Filistyne hom tegemoet; maar die Gees van die HERE het oor hom vaardig geword, en die toue wat aan sy arms was, het geword soos linnedrade wat in die vuur brand, en sy bande het versmelt van sy hande af.\n15:15 En hy het 'n vars eselskakebeen gevind en sy hand uitgesteek en dit geneem en daar duisend man mee verslaan.\n15:16 En Simson het ges\u00ea: Met 'n eselskakebeen het ek een klomp, twee klompe, met 'n eselskakebeen het ek duisend man verslaan.\n15:17 En toe hy klaar gespreek het, gooi hy die kakebeen uit sy hand en noem di\u00e9 plek Kakebeenshoogte.\n15:18 Daarop kry hy baie dors en roep die HERE aan en s\u00ea: U het deur die hand van u kneg hierdie groot verlossing gegee, en moet ek nou van dors sterwe en in die hand van die onbesnedenes val?\n15:19 Toe kloof God die holte wat by Legi is, en daar kom water uit; en hy het gedrink, en sy gees het teruggekom, en hy het weer opgelewe. Daarom noem hulle dit Roepersfontein, wat vandag nog by Legi is.\n15:20 En hy het Israel gerig in die dae van die Filistyne, twintig jaar lank.\n16:1 En Simson het na Gasa gegaan en daar 'n hoer gesien en by haar ingegaan.\n16:2 Toe die Gasiete die tyding kry: Simson het hier ingekom, omsingel hulle hom en l\u00ea hom die hele nag voor by die stadspoort, maar die hele nag het hulle hul stilgehou en ges\u00ea: Teen dagbreek sal ons hom doodmaak.\n16:3 En Simson het gel\u00ea tot middernag; maar teen middernag het hy opgestaan en die deure van die stadspoort en die twee deurposte gegryp en di\u00e9 met grendel en al uitgeruk en op sy skouers gesit en dit opgedra na die top van die berg wat teenoor Hebron l\u00ea.\n16:4 Daarna het hy 'n vrou in die dal Sorek liefgekry, wie se naam Del\u00edla was.\n16:5 Toe kom die vorste van die Filistyne na haar op en s\u00ea vir haar: Haal hom oor en vind uit waardeur sy krag so groot is, en waardeur ons hom kan oorweldig en hom kan bind om hom te bedwing; dan sal ons jou elkeen elf honderd sikkels silwer gee.\n16:6 Toe vra Del\u00edla vir Simson: vertel my tog waardeur jou krag so groot is, en waarmee jy gebind kan word om jou te bedwing.\n16:7 En Simson s\u00ea vir haar: As hulle my bind met sewe vars lyne wat nie uitgedroog is nie, dan sal ek swak word en wees soos 'n ander mens.\n16:8 Daarop het die vorste van die Filistyne vir haar sewe vars lyne gebring wat nie uitgedroog was nie, en sy het hom daarmee gebind.\n16:9 En terwyl haar spioene in die kamer klaar sit, s\u00ea sy vir hom: Die Filistyne op jou, Simson! Toe verbreek hy die lyne soos 'n vlasdraad breek as dit vuur ruik; maar sy krag het nie bekend geword nie.\n16:10 Toe s\u00ea Del\u00edla vir Simson: Kyk, jy het my bedrieg en vir my leuens vertel; vertel my nou tog waarmee jy gebind kan word.\n16:11 En hy antwoord haar: As hulle my stewig vasbind met nuwe toue waarmee geen werk gedoen is nie, dan sal ek swak word en wees soos 'n ander mens.\n16:12 Toe het Del\u00edla nuwe toue geneem en hom daarmee gebind en vir hom ges\u00ea: Die Filistyne op jou, Simson! terwyl die spioene in die kamer klaarsit; maar hy het dit soos 'n draad van sy arms af verbreek.\n16:13 En Del\u00edla s\u00ea vir Simson: Tot nou toe het jy my bedrieg en vir my leuens vertel; vertel my waarmee jy gebind kan word. En hy antwoord haar: As jy die sewe haarvlegsels van my hoof met die weefsel saam invleg.\n16:14 Sy druk di\u00e9 toe vas met die pen en s\u00ea vir hom: Die Filistyne op jou, Simson! En hy het wakker geword uit sy slaap en die weefpen met die weefsel uitgeruk.\n16:15 Toe s\u00ea sy vir hom: Hoe kan jy s\u00ea: Ek het jou lief! terwyl jou hart nie met my is nie? Drie maal het jy my nou al bedrieg en my nie meegedeel waardeur jou krag so groot is nie.\n16:16 En omdat sy hom met haar woorde aldae gepers en by hom aangedring het, het hy so ongeduldig geword, dat hy kon sterf.\n16:17 En hy het sy hele hart aan haar bekend gemaak en aan haar ges\u00ea: Daar het nooit 'n skeermes oor my hoof gekom nie, want ek is 'n nasire\u00ebr van God van my moeder se skoot af: as ek geskeer sou word, sou my krag van my wyk en ek swak word en wees soos al die mense.\n16:18 Toe Del\u00edla sien dat hy sy hele hart aan haar bekend gemaak het, laat sy die vorste van die Filistyne roep en s\u00ea: Kom hierdie keer op, want hy het sy hele hart aan my bekend gemaak. Toe kom die vorste van die Filistyne na haar op en bring die geld met hulle saam.\n16:19 En sy het hom op haar skoot aan die slaap gemaak en 'n man geroep en die sewe haarvlegsels van sy hoof afgeskeer. En sy het begin om hom te bedwing, en sy krag het van hom gewyk.\n16:20 Toe s\u00ea sy: Die Filistyne op jou, Simson! En toe hy uit sy slaap wakker word, s\u00ea hy: Ek sal vry uitgaan soos die vorige kere en my losruk. Want hy het nie geweet dat die HERE van hom gewyk het nie.\n16:21 Daarop het die Filistyne hom gegryp en sy o\u00eb uitgesteek en hom afgebring na Gasa en met koperkettings gebind; en hy moes maal in die gevangenis.\n16:22 Maar die hare van sy hoof het weer begin groei sodra dit afgeskeer was.\n16:23 En die vorste van die Filistyne het vergader om 'n groot offer te bring aan hulle god Dagon en om vrolik te wees; en hulle het ges\u00ea: Ons god het ons vyand Simson in ons hand gegee.\n16:24 En toe die volk hom sien, prys hulle hul god; want hulle het ges\u00ea: Ons god het ons vyand en die rinneweerder van ons land, wat ook baie van ons laat sneuwel het, in ons hand gegee.\n16:25 En toe hulle hart vrolik was, s\u00ea hulle: Roep Simson, dat hy vir ons speel; en hulle het Simson uit die gevangenis geroep; en hy het voor hulle gespeel, en hulle het hom tussen die pilare laat staan.\n16:26 Daarop s\u00ea Simson aan die dienaar wat hom aan die hand hou: Laat my staan, en laat my die pilare betas waar die huis op rus, dat ek daarteen kan leun.\n16:27 En die huis was vol manne en vroue, en al die vorste van die Filistyne was daar, en op die dak omtrent drie duisend manne en vroue wat kyk hoe Simson speel.\n16:28 Toe roep Simson die HERE aan en s\u00ea: Here, HERE, dink tog aan my en versterk my tog net hierdie keer, o God, dat ek my oor een van my twee o\u00eb op die Filistyne kan wreek!\n16:29 En Simson slaan sy arms om die twee middelste pilare waar die huis op gerus het, die een met sy regter-- en die ander met sy linkerhand, en leun teen hulle aan.\n16:30 En Simson s\u00ea: Laat my sterwe saam met die Filistyne! En hy buig hom met krag, sodat die huis inval op die vorste en op al die mense wat daarin was. So was dan die dooies wat hy by sy sterwe gedood het, meer as die wat hy in sy lewe gedood het.\n16:31 Sy broers en sy hele familie het toe afgekom en hom opgeneem en opwaarts gebring en hom begrawe tussen S\u00f3rea en Est\u00e1ol in die graf van sy vader Man\u00f3ag. En hy het Israel twintig jaar lank gerig.\n17:1 Daar was 'n man van die gebergte van Efraim met die naam van Miga.\n17:2 Di\u00e9 het aan sy moeder ges\u00ea: die elf honderd sikkels silwer wat van u geneem is en waaroor u 'n vloek uitgespreek het en dit ook voor my ore ges\u00ea het--hier is die geld by my, \u00e9k het dit geneem. Toe s\u00ea sy moeder: Mag jy gese\u00ebnd wees deur die HERE, my seun!\n17:3 En hy het aan sy moeder die elf honderd sikkels silwer teruggegee. Maar sy moeder het ges\u00ea: Ek heilig plegtig die geld aan die HERE; uit my hand is dit vir my seun om 'n gesnede en 'n gegote beeld te maak; ek sal dit dan nou aan jou teruggee.\n17:4 Toe hy dan die geld aan sy moeder teruggegee het, neem sy moeder twee honderd sikkels silwer en gee dit aan 'n goudsmid; en hy het daar 'n gesnede en 'n gegote beeld van gemaak wat in die huis van Miga gekom het.\n17:5 Die man Miga het naamlik 'n godshuis gehad, en hy het 'n skouerkleed en huisgode gemaak en een van sy seuns aangestel om vir hom priester te wees.\n17:6 In di\u00e9 dae was daar geen koning in Israel nie: elkeen het gedoen wat reg was in sy o\u00eb.\n17:7 En daar was 'n jongman van Betlehem-Juda, uit die geslag van Juda; hy was 'n Leviet wat daar as vreemdeling vertoef het.\n17:8 En die man het uit die stad, uit Betlehem-Juda, getrek om te vertoef waar hy plek kon kry; en op sy reis het hy in die gebergte van Efraim gekom tot by die huis van Miga.\n17:9 En Miga vra hom: Waar kom u vandaan? Toe s\u00ea hy vir hom: Ek is 'n Leviet, uit Betlehem-Juda, en ek is op trek om te vertoef waar ek plek kan kry.\n17:10 En Miga s\u00ea vir hom: Bly by my, en wees vir my 'n vader en 'n priester, dan sal ek u jaarliks tien sikkels silwer gee en 'n stel klere en u lewensonderhoud. En die Leviet het gegaan,\n17:11 en die Leviet het ingewillig om by die man te bly; en die jongman was vir hom soos een van sy seuns.\n17:12 En Miga het die Leviet aangestel, sodat die jongman sy priester geword het, en hy was in die huis van Miga.\n17:13 Toe s\u00ea Miga: Nou weet ek dat die HERE aan my goed sal doen, omdat ek 'n Leviet as priester het.\n18:1 In di\u00e9 dae was daar geen koning in Israel nie; en in di\u00e9 dae het die stam van die Daniete vir hom 'n erfdeel gesoek om in te woon, want tot di\u00e9 dag toe het onder die stamme van Israel geen genoegsame erfdeel aan hom toegeval nie.\n18:2 En die kinders van Dan het uit al die dele van hulle geslag vyf man, dapper manne, uit S\u00f3rea en Est\u00e1ol gestuur om die land te verken en dit te deursoek, en vir hulle ges\u00ea: Gaan deursoek die land. En hulle het die gebergte van Efraim ingegaan tot by die huis van Miga en daar die nag oorgebly.\n18:3 Toe hulle by die huis van Miga was en die stem van die jongman, die Leviet, herken, draai hulle daar af en s\u00ea vir hom: Wie het jou hierheen gebring, en wat maak jy hier, en wat soek jy hier?\n18:4 Daarop s\u00ea hy vir hulle: So en so het Miga met my gedoen, en hy het my gehuur, en ek het sy priester geword.\n18:5 Toe vra hulle hom: Raadpleeg God tog, dat ons kan weet of ons pad waarop ons reis, voorspoedig sal wees.\n18:6 En die priester s\u00ea vir hulle: Gaan in vrede; voor die HERE l\u00ea julle pad waar julle langs sal gaan.\n18:7 Toe gaan die vyf manne weg en hulle kom by Lais; en hulle sien dat die volk wat daarin was, veilig woon volgens die gewoonte van die Sidoni\u00ebrs, rustig en onbesorg; en daar was niemand wat in enigiets leed doen in die land deur vermo\u00eb in besit te neem nie; en hulle was ver van die Sidoni\u00ebrs af, terwyl hulle met geen mens gemeenskap gehad het nie.\n18:8 En toe hulle by hul broers kom in S\u00f3rea en Est\u00e1ol, s\u00ea hul broers vir hulle: Wat s\u00ea julle?\n18:9 En hulle antwoord: Maak klaar, en laat ons teen hulle optrek! Want ons het die land gesien, en kyk, dit is baie goed; en julle sit stil! Wees nie traag om te trek, in te gaan, die land in besit te neem nie.\n18:10 As julle daar kom, sal julle by 'n onbesorgde volk kom, en die land is alkante toe wyd; want God gee dit in julle hand, 'n plek waar aan niks op aarde gebrek is nie.\n18:11 Toe het daarvandaan weggetrek, uit die geslag van die Daniete, uit S\u00f3rea en Est\u00e1ol, ses honderd man, omgord met wapens.\n18:12 En hulle het opgetrek en laer opgeslaan by Kirjat-Je\u00e1rim in Juda; daarom noem hulle di\u00e9 plek Dan-se-Laer tot vandag toe; dit l\u00ea daar agter Kirjat-Je\u00e1rim.\n18:13 En daarvandaan het hulle oorgetrek in die gebergte van Efraim en gekom tot by die huis van Miga.\n18:14 Daarop het die vyf man wat gegaan het om die land van Lais te verken, aan hulle broers begin s\u00ea: Weet julle dat in hierdie huise 'n skouerkleed en huisgode en 'n gesnede en 'n gegote beeld is? Weet dan nou wat julle moet doen!\n18:15 Hulle het toe daarheen uitgedraai en gekom by die huis van die jongman, die Leviet, die huis van Miga, en hom na sy welstand gevra.\n18:16 Onderwyl die ses honderd man wat uit die kinders van Dan was, met hulle wapens omgord voor die ingang van die poort gaan staan,\n18:17 het die vyf man wat gegaan het om die land te verken, opgegaan, daar ingekom, die gesnede beeld en die skouerkleed en die huisgode en die gegote beeld geneem, terwyl die priester by die ingang van die poort bly staan saam met die ses honderd man met wapens omgord.\n18:18 Toe daardie manne dan die huis van Miga ingegaan en die gesnede beeld, die skouerkleed en die huisgode en die gegote beeld geneem het, vra die priester vir hulle: Wat maak julle?\n18:19 En hulle s\u00ea vir hom: Bly stil, sit jou hand op jou mond en gaan saam met ons, en wees vir ons 'n vader en 'n priester: is dit beter vir jou om priester te wees vir die huis van een man of om priester te wees vir 'n stam en 'n geslag in Israel?\n18:20 Toe word die priester se hart vrolik, en hy neem die skouerkleed en die huisgode en die gesnede beeld en gaan tussen die manskappe in.\n18:21 En hulle het weggedraai en voortgetrek, met die kinders en die vee en die waardevolle goed op hulle voorpunt.\n18:22 Nadat hulle 'n hele ent weg was van Miga se huis af, is die manne van die huise wat by Miga se huis staan, bymekaargeroep, en hulle het die kinders van Dan agtervolg\n18:23 en na die kinders van Dan geroep. Toe draai di\u00e9 hulle gesigte om en vra vir Miga: Wat is dit met jou dat julle bymekaargeroep is?\n18:24 En hy s\u00ea: My gode wat ek gemaak het, het julle weggeneem saam met die priester, en julle trek weg; wat het ek nou oor? En hoe kan julle dan vir my s\u00ea: Wat is dit met jou?\n18:25 Maar die kinders van Dan s\u00ea vir hom: Moenie jou stem by ons laat hoor nie, sodat nie miskien manne met 'n bitter gemoed op julle aanval en jy jou eie lewe en die lewe van jou huis verloor nie.\n18:26 Daarop gaan die kinders van Dan hulle koers, terwyl Miga, toe hy sien dat hulle sterker was as hy, omdraai en na sy huis teruggaan.\n18:27 Maar hulle het saamgeneem wat Miga gemaak het, en die priester wat hy gehad het; en hulle het Lais, 'n rustige en onbesorgde volk, oorval en di\u00e9 met die skerpte van die swaard verslaan en die stad met vuur verbrand.\n18:28 En daar was geen redder nie, want dit was ver van Sidon af en hulle het met niemand gemeenskap gehad nie: dit het in die dal gel\u00ea wat by Bet-Rehob behoort. Hulle bou toe die stad weer op en woon daarin,\n18:29 en noem die stad Dan, na die naam van hulle vader Dan wat vir Israel gebore is; maar tevore was die naam van die stad Lais.\n18:30 En die kinders van Dan het vir hulle die gesnede beeld opgerig; en J\u00f3natan, die seun van Gersom, die seun van Moses, hy en sy seuns was priesters vir die stam van die Daniete tot op die dag van die ontvolking van die land.\n18:31 En hulle het vir hulle die gesnede beeld van Miga opgerig wat hy gemaak het, al die dae dat die huis van God in Silo was.\n19:1 En in di\u00e9 dae was daar geen koning in Israel nie. En 'n Levitiese man het as vreemdeling vertoef agter in die gebergte van Efraim; en hy het vir hom 'n vrou, 'n byvrou, geneem uit Betlehem-Juda.\n19:2 Maar sy byvrou het by hom gehoereer en van hom weggegaan na haar vader se huis, na Betlehem-Juda; en sy was daar vier maande lank.\n19:3 Daarop maak haar man klaar en gaan haar agterna om na haar hart te spreek en haar terug te bring; sy dienaar was by hom met 'n paar esels. En toe sy hom in die huis van haar vader bring en die vader van die jong vrou hom sien, was hy bly om hom te ontmoet.\n19:4 En sy skoonvader, die vader van die jong vrou, het hom teruggehou, sodat hy drie dae by hom gebly het; en hulle het ge\u00ebet en gedrink en die nag daar oorgebly.\n19:5 Maar terwyl hulle op die vierde dag vroeg in die m\u00f4re opstaan en hy klaarmaak om weg te gaan, s\u00ea die vader van die jong vrou vir sy skoonseun: Versterk jou hart met 'n stukkie brood, en daarna kan julle weggaan.\n19:6 En hulle het gebly, en hulle twee het saam ge\u00ebet en gedrink. Daarop s\u00ea die vader van die jong vrou aan die man: Bly tog asseblief die nag oor, en laat jou hart vrolik wees.\n19:7 Toe die man egter klaarmaak om weg te gaan, het sy skoonvader by hom aangedring, sodat hy weer die nag daar oorgebly het.\n19:8 Terwyl hy op die vyfde dag vroeg in die m\u00f4re klaarmaak om weg te gaan, s\u00ea die vader van die jong vrou: Versterk jou hart tog, en vertoef julle tot agtermiddag. En hulle twee het ge\u00ebet.\n19:9 Maar toe die man klaarmaak om weg te gaan, hy en sy byvrou en sy dienaar, s\u00ea sy skoonvader, die vader van die jong vrou, vir hom: Kyk, die son sak, dit wil aand word; bly julle maar die nag oor: kyk, dit is al laat, bly die nag hier oor, en laat jou hart vrolik wees; dan kan julle m\u00f4re vroeg klaarmaak vir julle reis en na jou tente toe gaan.\n19:10 Maar die man wou nie die nag oorbly nie en het klaargemaak en weggetrek en gekom tot teenoor Jebus--dit is Jerusalem--met 'n paar opgesaalde esels by hom; ook sy byvrou was by hom.\n19:11 En toe hulle by Jebus kom en die son al baie gesak het, s\u00ea die dienaar aan sy heer: Kom tog, laat ons uitdraai na hierdie stad van die Jebusiete en daarin vernag.\n19:12 Maar sy heer s\u00ea aan hom: Ons kan nie uitdraai na 'n vreemde stad waar nie van die kinders van Israel is nie, maar ons moet verbytrek tot by G\u00edbea.\n19:13 Verder s\u00ea hy aan sy dienaar: Trek, laat ons nader kom by een van die plekke en in G\u00edbea of Rama vernag.\n19:14 So het hulle dan verder verbygetrek; en die son het vir hulle ondergegaan by G\u00edbea wat aan Benjamin behoort.\n19:15 Toe draai hulle daar uit om in G\u00edbea te gaan vernag. En hy het ingekom en gebly op die plein van die stad, want daar was niemand wat hulle in sy huis opgeneem het om te vernag nie.\n19:16 Maar kyk, in die aand kom daar 'n ou man uit die veld van sy werk af, en die man was van die gebergte van Efraim afkomstig en het in G\u00edbea as vreemdeling vertoef; maar die manne van die plek was Benjaminiete.\n19:17 En toe hy sy o\u00eb opslaan, sien hy die reisiger op die plein van die stad, en die ou man vra: Waar gaan u heen, en waar kom u vandaan?\n19:18 En hy s\u00ea vir hom: Ons trek deur van Betlehem-Juda tot agter in die gebergte van Efraim; ek kom daarvandaan en het tot by Betlehem-Juda gereis, en ek gaan na die huis van die HERE; maar hier is niemand wat my in sy huis opneem nie,\n19:19 alhoewel ons esels strooi sowel as voer het, en daar ook brood en wyn is vir myself en vir u dienares en vir die bediende wat by u dienaars is; daar is aan geen ding gebrek nie.\n19:20 Toe s\u00ea die ou man: Vrede vir jou! alleenlik, al wat u kortkom, is vir my rekening; u moet net nie op die plein vernag nie.\n19:21 Daarop het hy hom in sy huis ingebring en aan die esels voer gegee; en nadat hulle hul voete gewas het, het hulle ge\u00ebet en gedrink.\n19:22 Terwyl hulle hul hart vrolik maak, omsingel die manne van die stad, slegte manne, meteens die huis en klop hard aan die deur; en hulle spreek met die ou man, die eienaar van die huis, en s\u00ea: Bring die man uit wat in jou huis ingekom het, dat ons hom kan beken.\n19:23 Daarop gaan die man, die eienaar van die huis, uit na hulle en s\u00ea aan hulle: Nee, my broers, moet tog nie kwaad doen nie, aangesien hierdie man in my huis ingekom het; moet nie hierdie skanddaad begaan nie.\n19:24 Hier is my dogter wat 'n jongmeisie is, en sy byvrou; laat ek hulle uitbring, onteer hulle dan en maak met hulle wat goed is in julle o\u00eb, maar aan hierdie man mag julle so 'n skanddaad nie begaan nie.\n19:25 Toe die manne nie na hom wou luister nie, gryp die man sy byvrou en bring haar uit na hulle daarbuite; en hulle het haar beken en die hele nag deur haar mishandel, tot die m\u00f4re toe, en haar laat loop toe die rooidag uitkom.\n19:26 En teen dagbreek het die vrou gekom en neergeval voor die ingang van die man se huis waar haar heer was, totdat dit lig was.\n19:27 En toe haar heer die m\u00f4re opstaan en die huisdeure oopmaak en uitgaan om sy reis voort te sit--kyk, daar l\u00ea die vrou, sy byvrou, voor die ingang van die huis met haar hande op die drumpel.\n19:28 En hy s\u00ea vir haar: Staan op en laat ons trek; maar niemand antwoord nie. Daarop het hy haar op die esel gelaai, en die man het klaargemaak en na sy woonplek getrek.\n19:29 Maar toe hy in sy huis kom, het hy 'n mes geneem en sy byvrou gegryp en haar stukkend gesny volgens haar gebeente in twaalf stukke en dit in die hele grondgebied van Israel rondgestuur.\n19:30 En elkeen wat dit sien, het ges\u00ea: So iets het nie gebeur en is nie gesien van die dag af dat die kinders van Israel uit Egipteland opgetrek het tot vandag toe nie; neem dit tog ter harte, gee raad en spreek!\n20:1 Toe het al die kinders van Israel uitgetrek, en die vergadering het soos een man, van Dan tot Bers\u00e9ba, saam met die land G\u00edlead, byeengekom by die HERE in Mispa;\n20:2 en die hoofde van die hele volk, van al die stamme van Israel, het in die vergadering van die volk van God gaan staan--vier honderd duisend man te voet wat die swaard uittrek.\n20:3 En die kinders van Benjamin het gehoor dat die kinders van Israel opgetrek het na Mispa. Toe s\u00ea die kinders van Israel: Vertel julle hoe hierdie misdaad gepleeg is.\n20:4 Daarop antwoord die Levitiese man, die man van die vermoorde vrou, en s\u00ea: Ek het in G\u00edbea wat aan Benjamin behoort, gekom, ek en my byvrou, om te vernag.\n20:5 En die burgers van G\u00edbea het teen my opgestaan en in vyandskap teen my die huis omsingel in die nag; hulle het gemeen om my dood te maak, en my byvrou het hulle onteer, sodat sy gesterf het.\n20:6 Toe het ek my byvrou gegryp en haar in stukke verdeel en haar rondgestuur in die hele gebied van die erfdeel van Israel, omdat hulle 'n gruwel en 'n skanddaad in Israel begaan het.\n20:7 Hier is julle, kinders van Israel, nou almal: gee julle hier woord en raad!\n20:8 Toe staan die hele volk op soos een man en s\u00ea: Geeneen van ons sal na sy tent toe gaan en geeneen van ons wegdraai na sy huis toe nie;\n20:9 maar dit is nou die ding wat ons G\u00edbea sal aandoen: Op teen hom volgens die lot!\n20:10 Ons sal naamlik tien man neem uit elke honderd van al die stamme van Israel, en honderd uit duisend, en duisend uit tien duisend, om padkos vir die manskappe te gaan haal, om as hulle gekom het, met G\u00edbea-Benjamin te handel volgens die skanddaad wat hy in Israel begaan het.\n20:11 Toe versamel al die manne van Israel by die stad, soos een man saamverbonde.\n20:12 En die stamme van Israel stuur manne deur die hele stam van Benjamin om te s\u00ea: Wat vir 'n misdaad is dit wat onder julle gepleeg is?\n20:13 Lewer dan nou die slegte manne uit wat in G\u00edbea is, dat ons hulle om die lewe kan bring en die kwaad uit Israel kan uitroei. Die Benjaminiete wou egter nie na hulle broers, die kinders van Israel, luister nie;\n20:14 maar die kinders van Benjamin het bymekaargekom uit die stede na G\u00edbea toe, om na die oorlog uit te trek teen die kinders van Israel.\n20:15 En die kinders van Benjamin uit die stede is op di\u00e9 dag getel ses en twintig duisend man wat die swaard uittrek, behalwe die inwoners van G\u00edbea wat getel is: sewe honderd uitgesoekte manne.\n20:16 Uit al hierdie manskappe was daar sewe honderd uitgesoekte manne wat links was; hulle almal het met 'n klip op 'n haar geslinger sonder om te mis.\n20:17 En die manne van Israel, behalwe Benjamin, is getel: vier honderd duisend man wat die swaard uittrek, hulle almal was krygsmanne.\n20:18 En hulle het klaargemaak en opgetrek na Bet-el en God geraadpleeg; en die kinders van Israel het ges\u00ea: Wie van ons moet eerste optrek om te veg teen die kinders van Benjamin? Toe s\u00ea die HERE: Juda eerste.\n20:19 Daarop het die kinders van Israel die m\u00f4re klaargemaak en laer opgeslaan teen G\u00edbea.\n20:20 En die manne van Israel het uitgetrek om te veg teen Benjamin, en die manne van Israel het hulleself in slagorde teen hulle opgestel, na G\u00edbea toe.\n20:21 Toe trek die kinders van Benjamin uit G\u00edbea uit, en hulle het op di\u00e9 dag in Israel twee en twintig duisend man teen die grond vernietig.\n20:22 Maar die manskappe, die manne van Israel, het hulle sterk gehou en hulle weer in slagorde opgestel op die plek waar hulle hul die vorige dag opgestel het.\n20:23 En die kinders van Israel het opgetrek en geween voor die aangesig van die HERE tot die aand toe en die HERE geraadpleeg en ges\u00ea: Moet ek weer nader trek om te veg teen die kinders van Benjamin, my broer? En die HERE s\u00ea: Trek teen hom op!\n20:24 En toe die kinders van Israel die tweede dag nader kom na die kinders van Benjamin,\n20:25 het Benjamin uit G\u00edbea op die tweede dag uitgetrek om hulle te ontmoet en van die kinders van Israel nog agttien duisend man wat almal die swaard uittrek, teen die grond vernietig.\n20:26 Daarop trek al die kinders van Israel, ja, die hele volk weg, en hulle het na Bet-el gekom; en hulle het geween en daar gebly voor die aangesig van die HERE en di\u00e9 dag gevas tot die aand toe en brandoffers en dankoffers voor die aangesig van die HERE gebring.\n20:27 En die kinders van Israel het die HERE geraadpleeg--want die verbondsark van God was in di\u00e9 dae daar,\n20:28 en P\u00ednehas, die seun van Ele\u00e1sar, die seun van A\u00e4ron, het in di\u00e9 dae voor Hom gedien--en ges\u00ea: Moet ek nog weer uittrek om teen die kinders van Benjamin, my broer, te veg, of moet ek ophou? Toe s\u00ea die HERE: Trek op, want m\u00f4re sal Ek hom in jou hand gee.\n20:29 En Israel het rondom teen G\u00edbea hinderlae opgestel.\n20:30 En die kinders van Israel het op die derde dag teen die kinders van Benjamin opgetrek en hulle teen G\u00edbea opgestel soos die vorige kere.\n20:31 En die kinders van Benjamin het uitgetrek, die manskappe tegemoet--hulle is van die stad afgesny--en, soos die vorige kere, het hulle begin om sommige van die manskappe op die grootpaaie te verslaan, waarvan die een opgaan na Bet-el, en die ander deur die veld na G\u00edbea--omtrent dertig man in Israel.\n20:32 Toe dink die kinders van Benjamin: Hulle is voor ons verslaan soos die eerste keer! Maar die kinders van Israel het ges\u00ea: Laat ons vlug en hom van die stad afsny na die grootpaaie toe.\n20:33 En al die manne van Israel het hulle stelling verlaat en hulle by Ba\u00e4l-Tamar opgestel, terwyl die hinderlaag van Israel aanruk uit sy stelling, uit die oop plek by Geba.\n20:34 En tien duisend uitgesoekte manne uit die hele Israel het teenoor G\u00edbea vandaan gekom, en die geveg was hewig; maar Benjamin het nie gemerk dat die onheil hulle sou tref nie.\n20:35 Toe het die HERE Benjamin voor Israel verslaan, en die kinders van Israel het op di\u00e9 dag in Benjamin vyf en twintig duisend een honderd man wat almal die swaard uittrek, vernietig.\n20:36 So het dan die kinders van Benjamin gesien dat hulle verslaan is. En die manne van Israel het aan Benjamin terrein gegee, omdat hulle vertrou het op die hinderlaag wat hulle teen G\u00edbea opgestel het.\n20:37 Toe het die hinderlaag vinnig na G\u00edbea gestorm--en die hinderlaag het getrek en die hele stad met die skerpte van die swaard verslaan.\n20:38 En die manne van Israel het 'n afspraak met die hinderlaag gehad dat hulle 'n groot rookwolk uit die stad moet laat optrek.\n20:39 Daarom het die manne van Israel omgedraai in die geveg; en die Benjaminiete het begin om onder die manne van Israel sommige neer te slaan, omtrent dertig man, want hulle het gedink: Hy is regtig heeltemal voor ons verslaan soos in die vorige geveg.\n20:40 Intussen het die wolk begin optrek uit die stad, 'n rookpilaar; en toe Benjamin agter hom omkyk, trek die hele stad al in rook na die hemel op!\n20:41 Toe die manne van Israel dan nou omdraai, het die manne van Benjamin geskrik, want hulle het gesien dat die onheil hulle gaan tref;\n20:42 en hulle het voor die manne van Israel omgedraai op pad na die woestyn; maar die geveg het hulle ingehaal, terwyl die wat uit die stede kom, hulle daar tussenin vernietig:\n20:43 hulle het Benjamin omsingel, hom agtervolg, hom op die rusplek vertrap tot teenoor G\u00edbea, aan die oostekant.\n20:44 En daar het van Benjamin agttien duisend man geval, en dit almal dapper manne.\n20:45 Toe spring hulle om en vlug na die woestyn, na die rots Rimmon; maar hulle het in die nageveg op die grootpaaie vyf duisend man van hulle gedood en hulle agternagesit tot by G\u00eddeom en twee duisend man van hulle verslaan.\n20:46 En al die gesneuweldes van Benjamin op di\u00e9 dag was vyf en twintig duisend man wat die swaard uittrek, en dit almal dapper manne.\n20:47 Maar ses honderd man het omgedraai en gevlug na die woestyn, na die rots Rimmon en vier maande by die rots Rimmon gebly.\n20:48 Toe gaan die manne van Israel terug na die kinders van Benjamin en verslaan hulle met die skerpte van die swaard, sowel mense as diere en alles wat voorgekom het; ook al die stede wat hulle aangetref het, het hulle aan die brand gesteek.\n21:1 Maar die manne van Israel het al in Mispa gesweer en ges\u00ea: Niemand van ons mag sy dogter aan 'n Benjaminiet as vrou gee nie.\n21:2 En toe die manskappe in Bet-el kom, het hulle daar gebly tot die aand toe voor die aangesig van God en hulle stem verhef en geween met 'n groot geween\n21:3 en ges\u00ea: Waarom, o HERE, God van Israel, het dit in Israel gebeur dat daar vandag een stam uit Israel vermis word?\n21:4 Daarop het die manskappe die volgende dag vroeg klaargemaak en daar 'n altaar gebou en brandoffers en dankoffers gebring.\n21:5 En die kinders van Israel het ges\u00ea: Wie is daar van al die stamme van Israel wat nie opgegaan het na die vergadering, na die HERE toe nie? Want daar was 'n plegtige eed teen die een wat nie opgaan na die HERE in Mispa nie--hy moet sekerlik gedood word.\n21:6 Toe het die kinders van Israel hulle broer Benjamin jammer gekry en ges\u00ea: Daar is vandag een stam uit Israel afgesny.\n21:7 Wat kan ons doen vir hulle wat oorgebly het, wat vroue aanbetref? Want ons het by die HERE gesweer dat ons nie van ons dogters aan hulle as vroue sal gee nie.\n21:8 Toe s\u00ea hulle: Wie is diegene wat van die stamme van Israel nie opgegaan het na die HERE in Mispa nie? En kyk, niemand het uit Jabes in G\u00edlead na die laer, na die vergadering gekom nie.\n21:9 En die volk is getel, en daar was niemand van die inwoners van Jabes in G\u00edlead nie.\n21:10 Toe stuur die vergadering daarheen twaalf duisend man uit die dapper manne en gee hulle bevel en s\u00ea: Gaan heen en slaan die inwoners van Jabes in G\u00edlead met die skerpte van die swaard, ook die vroue en die kinders.\n21:11 En dit is die ding wat julle moet doen: Alles wat manlik is, en al die vroue wat die gemeenskap met die man ken, moet julle met die banvloek tref.\n21:12 En hulle het onder die inwoners van Jabes in G\u00edlead vier honderd meisies aangetref, jongmeisies wat geen gemeenskap met 'n man gehad het nie, en di\u00e9 het hulle na die laer gebring in Silo wat in die land Kana\u00e4n l\u00ea.\n21:13 Toe stuur die hele vergadering en hulle spreek met die kinders van Benjamin wat by die rots Rimmon was, en bied hulle die vrede aan.\n21:14 Daarop het Benjamin in di\u00e9 tyd teruggekom; en hulle het die vroue wat hulle uit die vroue van Jabes in G\u00edlead in die lewe behou het, aan hulle gegee, maar s\u00f3 was daar vir hulle nie genoeg nie.\n21:15 En die volk het Benjamin jammer gekry, omdat die HERE 'n skeuring gemaak het onder die stamme van Israel.\n21:16 Toe s\u00ea die oudstes van die vergadering: Wat kan ons doen vir die wat oorgebly het, wat vroue aanbetref? Want die vroue was uit Benjamin verdelg.\n21:17 Verder s\u00ea hulle: Die besitting van die wat oorgebly het, behoort aan Benjamin, sodat geen stam uit Israel mag uitgedelg word nie.\n21:18 Maar ons self kan hulle geen vroue uit ons dogters gee nie; want die kinders van Israel het gesweer en ges\u00ea: Vervloek is hy wat 'n vrou aan Benjamin gee.\n21:19 Toe s\u00ea hulle: Kyk, daar is jaar vir jaar 'n fees van die HERE in Silo wat noord van Bet-el l\u00ea, oostelik van die grootpad wat opgaan van Bet-el na Sigem, en suid van Leb\u00f3na.\n21:20 En hulle het die kinders van Benjamin bevel gegee en ges\u00ea: Gaan en l\u00ea en loer in die wingerde.\n21:21 En let op, en kyk, as die dogters van Silo uittrek om hulle koordanse uit te voer, dan moet julle uit die wingerde uitkom, en julle moet vir julle, elkeen sy vrou, uit die dogters van Silo vang en na die land Benjamin gaan.\n21:22 En as hulle vaders of hulle broers kom om by ons 'n saak te maak, sal ons vir hulle s\u00ea: Skenk hulle aan \u00f3ns, want ons het nie vir elkeen 'n vrou in die oorlog geneem nie. Julle self het hulle mos nie aan hulle gegee nie; in di\u00e9 geval alleen sou julle skuldig gewees het.\n21:23 Die kinders van Benjamin het toe so gedoen: hulle het vroue volgens hulle getal weggedra uit die danseresse wat hulle geroof het; en hulle het weggegaan en teruggekeer na hul erfdeel toe, en hulle het die stede opgebou en daarin gewoon.\n21:24 En die kinders van Israel het in daardie tyd daarvandaan weggegaan, elkeen na sy stam en na sy geslag, en hulle het daarvandaan uitgetrek, elkeen na sy erfdeel toe.\n21:25 In di\u00e9 dae was daar geen koning in Israel nie: elkeen het gedoen wat reg was in sy o\u00eb.","title":"Afrikaans Bible: Judges","type":"page"}