{"collection":"Bible & Christianity","html_url":"https://unchartedknowledge.5gfusion.net/browse/bib/wb/alb/col.htm","path":"bib/wb/alb/col.htm","source_url":"https://sacred-texts.com/bib/wb/alb/col.htm","text":"1:1 shenjtor\u00ebve dhe v\u00ebllez\u00ebrve besimtar\u00eb n\u00eb Krishtin, q\u00eb jan\u00eb n\u00eb Kolos: hir dhe paqe mbi ju nga Per\u00ebndia, Ati yn\u00eb, dhe nga Zoti Jezu Krisht.\n1:2 E falenderojm\u00eb Per\u00ebndin\u00eb dhe Atin e Zotit ton\u00eb Jezu Krisht, duke u lutur vazhdimisht p\u00ebr ju,\n1:3 sepse mor\u00ebm vesh p\u00ebr besimin tuaj n\u00eb Jezu Krishtin dhe p\u00ebr dashurin\u00eb tuaj ndaj gjith\u00eb shenjtor\u00ebve,\n1:4 p\u00ebr shkak t\u00eb shpres\u00ebs q\u00eb ruhet p\u00ebr ju n\u00eb qiejt, p\u00ebr t\u00eb cil\u00ebn keni d\u00ebgjuar n\u00eb fjal\u00ebt e s\u00eb v\u00ebrtet\u00ebs s\u00eb ungjillit,\n1:5 q\u00eb arriti te ju, sikurse edhe n\u00eb gjith\u00eb bot\u00ebn, dhe po jep fryt e rritet, sikurse edhe nd\u00ebr ju, nga dita q\u00eb d\u00ebgjuat dhe njoh\u00ebt hirin e Per\u00ebndis\u00eb n\u00eb t\u00eb v\u00ebrtet\u00eb,\n1:6 sikurse edhe e m\u00ebsuat nga Epafrai, shoku yn\u00eb i dashur n\u00eb sh\u00ebrbes\u00eb, i cili \u00ebsht\u00eb nj\u00eb sh\u00ebrb\u00ebtor besnik i Krishtit p\u00ebr ju,\n1:7 dhe q\u00eb na ka treguar dashurin\u00eb tuaj t\u00eb madhe n\u00eb Frym\u00ebn.\n1:8 Prandaj edhe ne, nga dita q\u00eb e d\u00ebgjuam k\u00ebt\u00eb, nuk pushojm\u00eb t\u00eb lutemi p\u00ebr ju dhe t\u00eb k\u00ebrkojm\u00eb q\u00eb t\u00eb mbusheni me njohjen e vullnetit t\u00eb tij me \u00e7do urt\u00ebsi dhe m\u00ebn\u00e7uri frym\u00ebrore,\n1:9 q\u00eb t\u00eb ecni n\u00eb m\u00ebnyr\u00eb t\u00eb denj\u00eb p\u00ebr Zotin, q\u00eb t'i p\u00eblqeni atij n\u00eb \u00e7do gj\u00eb, duke sjell\u00eb fryt n\u00eb \u00e7do vep\u00ebr t\u00eb mir\u00eb dhe duke u rritur n\u00eb njohjen e Per\u00ebndis\u00eb,\n1:10 duke u forcuar me \u00e7do fuqi, pas pushtetit t\u00eb lavdis\u00eb s\u00eb tij, p\u00ebr \u00e7do ngulm e durim, me g\u00ebzim,\n1:11 duke e fal\u00ebnderuar Per\u00ebndin\u00eb At, q\u00eb na b\u00ebri t\u00eb denj\u00eb t\u00eb kemi pjes\u00eb trash\u00ebgimin e shenjtor\u00ebve n\u00eb drit\u00eb.\n1:12 Ai na nxori nga pushteti i err\u00ebsir\u00ebs dhe na \u00e7oi n\u00eb mbret\u00ebrin\u00eb e Birit t\u00eb tij t\u00eb dashur,\n1:13 n\u00eb t\u00eb cil\u00ebn ne kemi shpengimin me an\u00eb t\u00eb gjakut t\u00eb tij dhe faljen e m\u00ebkateve.\n1:14 Ai \u00ebsht\u00eb sh\u00ebmb\u00ebllesa e Per\u00ebndis\u00eb s\u00eb paduksh\u00ebm, i par\u00eblinduri i \u00e7do krijese,\n1:15 sepse n\u00eb t\u00eb u krijuan t\u00eb gjitha gj\u00ebrat, ato q\u00eb jan\u00eb n\u00eb qiejt dhe ato mbi dhe, gj\u00ebrat q\u00eb duken dhe ato q\u00eb nuk duken: frone, zot\u00ebrime, principata dhe pushtete; t\u00eb gjitha gj\u00ebrat jan\u00eb krijuar me an\u00eb t\u00eb tij dhe n\u00eb lidhje me t\u00eb.\n1:16 Ai \u00ebsht\u00eb p\u00ebrpara \u00e7do gj\u00ebje dhe t\u00eb gjitha gj\u00ebrat q\u00ebndrojn\u00eb n\u00eb t\u00eb.\n1:17 Ai vet\u00eb \u00ebsht\u00eb kreu i trupit, pra i kish\u00ebs; ai \u00ebsht\u00eb fillimi, i par\u00eblinduri nga t\u00eb vdekurit, p\u00ebrderisa t\u00eb ket\u00eb par\u00ebsin\u00eb n\u00eb \u00e7do gj\u00eb,\n1:18 sepse Atit i p\u00eblqeu q\u00eb n\u00eb t\u00eb t\u00eb banoj\u00eb e gjith\u00eb plot\u00ebsia,\n1:19 dhe, duke b\u00ebr\u00eb paqen me an\u00eb t\u00eb gjakut t\u00eb kryqit t\u00eb tij, duke fituar pas, me an\u00eb t\u00eb tij, t\u00eb gjitha gj\u00ebrat, si ato q\u00eb jan\u00eb mbi dhe si dhe ato q\u00eb jan\u00eb n\u00eb qiejt.\n1:20 Dhe ju vet\u00eb, q\u00eb dikur ishit t\u00eb huaj dhe armiq n\u00eb mendje me veprat tuaja t\u00eb k\u00ebqija,\n1:21 tani ju paqtoi n\u00eb trupin e mishit t\u00eb tij, me an\u00eb t\u00eb vdekjes, q\u00eb t'ju nxjerr\u00eb juve p\u00ebrpara vetes s\u00eb tij shenjtor\u00eb, faqebardh\u00eb dhe t\u00eb pafajsh\u00ebm,\n1:22 n\u00eb qoft\u00eb se q\u00ebndroni n\u00eb besim me themel dhe t\u00eb patundur, dhe t\u00eb mos luani nga shpresa e ungjillit q\u00eb ju keni d\u00ebgjuar dhe q\u00eb i \u00ebsht\u00eb predikuar \u00e7do krijese q\u00eb \u00ebsht\u00eb n\u00ebn qiell; t\u00eb cilit un\u00eb, Pali, iu b\u00ebra sh\u00ebrbenj\u00ebs.\n1:23 Dhe tani g\u00ebzohem p\u00ebr vuajtjet e mia t\u00eb cilat po i heq p\u00ebr shkakun tuaj dhe po e plot\u00ebsoj n\u00eb mishin tim at\u00eb q\u00eb u mungon mundimeve t\u00eb Krishtit p\u00ebr trupin e vet, q\u00eb \u00ebsht\u00eb kisha,\n1:24 sh\u00ebrbenj\u00ebs i s\u00eb cil\u00ebs u b\u00ebra un\u00eb, sipas misionit q\u00eb m\u00eb ngarkoi Per\u00ebndia p\u00ebr ju, q\u00eb t'jua paraqes t\u00eb plot\u00eb fjal\u00ebn e Per\u00ebndis\u00eb,\n1:25 misterin q\u00eb u mbajt i fsheht\u00eb gjat\u00eb shekujve dhe brezave, por q\u00eb tani iu shfaq shenjtor\u00ebve t\u00eb tij,\n1:26 t\u00eb cil\u00ebve Per\u00ebndia deshi t'ua b\u00ebj\u00eb t\u00eb njohur cilat ishin pasurit\u00eb e lavdis\u00eb s\u00eb k\u00ebtij misteri nd\u00ebr johebrenjt\u00eb, q\u00eb \u00ebsht\u00eb Krishti n\u00eb ju, shpres\u00eb lavdie,\n1:27 q\u00eb ne e kumtuam, duke e qortuar dhe duke e m\u00ebsuar \u00e7do njeri me \u00e7do urt\u00ebsi, q\u00eb ta paraqesim \u00e7do njeri t\u00eb p\u00ebrsosur n\u00eb Jezu Krishtin;\n1:28 p\u00ebr k\u00ebt\u00eb mundohem duke u p\u00ebrpjekur me fuqin\u00eb e tij, e cila vepron tek un\u00eb me pushtet\n1:29 Sepse dua q\u00eb t\u00eb dini \u00e7'luft\u00eb t\u00eb ashp\u00ebr m\u00eb duhet t\u00eb b\u00ebj p\u00ebr ju, p\u00ebr ata q\u00eb jan\u00eb n\u00eb Laodice dhe p\u00ebr t\u00eb gjith\u00eb ata t\u00eb cil\u00ebt nuk e kan\u00eb par\u00eb fytyr\u00ebn time personalisht,\n2:1 q\u00eb zemrat e tyre t\u00eb ngush\u00ebllohen, duke u bashkuar n\u00eb dashuri, dhe t\u00eb ken\u00eb t\u00eb gjitha pasurit\u00eb e siguris\u00eb s\u00eb plot\u00eb t\u00eb zgjuar\u00ebsis\u00eb p\u00ebr t\u00eb njohur misterin e Per\u00ebndis\u00eb, e Atit dhe t\u00eb Krishtit,\n2:2 ku jan\u00eb fshehur t\u00eb gjitha thesaret e dituris\u00eb dhe t\u00eb njohjes.\n2:3 Dhe po ju them k\u00ebt\u00eb, q\u00eb askush t\u00eb mos ju g\u00ebnjej\u00eb me fjal\u00eb josh\u00ebse,\n2:4 sepse, edhe pse me trup jam larg jush, me frym\u00ebn jam bashk\u00eb me ju dhe g\u00ebzohem duke par\u00eb rregullin dhe q\u00ebndrueshm\u00ebrin\u00eb e besimit tuaj n\u00eb Krishtin.\n2:5 Ashtu si e keni marr\u00eb Krishtin Jezus, Zotin, ashtu, pra, ecni n\u00eb t\u00eb,\n2:6 duke pasur rr\u00ebnj\u00eb dhe duke u nd\u00ebrtuar n\u00eb t\u00eb, dhe duke u forcuar n\u00eb besim ashtu sikurse ju m\u00ebsuan, duke mbushulluar n\u00eb t\u00eb me falenderim.\n2:7 Tregoni kujdes se mos ndokush ju b\u00ebn pren\u00eb e tij me an\u00eb t\u00eb filozofis\u00eb dhe me mashtrime t\u00eb kota, sipas tradit\u00ebs s\u00eb njer\u00ebzve, sipas elementeve t\u00eb bot\u00ebs dhe jo sipas Krishtit,\n2:8 sepse tek ai banon trup\u00ebrisht gjith\u00eb plot\u00ebsia e Hyjnis\u00eb.\n2:9 Dhe ju keni marr\u00eb plot\u00ebsin\u00eb n\u00eb t\u00eb, sepse ai \u00ebsht\u00eb krye e \u00e7do principate e pushteti,\n2:10 n\u00eb t\u00eb cilin ju edhe u rrethpret\u00eb me nj\u00eb rrethprerje q\u00eb nuk u b\u00eb me dor\u00eb, por me rrethprerjen e Krishtit, me an\u00eb t\u00eb zhveshjes s\u00eb trupit nga m\u00ebkatet e mishit:\n2:11 t\u00eb varrosur bashk\u00eb n\u00eb t\u00eb n\u00eb pag\u00ebzim, ju edhe u ringjall\u00ebt bashk\u00eb n\u00eb t\u00eb, me an\u00eb t\u00eb besimit n\u00eb fuqin\u00eb e Per\u00ebndis\u00eb q\u00eb e ka ringjallur prej s\u00eb vdekurish.\n2:12 Dhe bashk\u00eb me t\u00eb Per\u00ebndia ju dha jet\u00eb ju, q\u00eb kishit vdekur n\u00eb m\u00ebkate dhe n\u00eb parrethprerjen e mishit, duke jua falur t\u00eb gjitha m\u00ebkatet.\n2:13 Ai e zhvler\u00ebsoi dokumentin e urdh\u00ebrimeve, q\u00eb ishte kund\u00ebr nesh dhe ishte kund\u00ebrshtar, dhe e hoqi nga mesi duke e mb\u00ebrthyer n\u00eb kryq;\n2:14 dhe mbasi i zhveshi pushtetet dhe principatat, ua tregoi sheshit njer\u00ebzve, duke ngadhnjyer mbi ata n\u00eb t\u00eb.\n2:15 Prandaj askush t\u00eb mos ju gjykoj\u00eb p\u00ebr ushqime ose pije, p\u00ebr festa o h\u00ebn\u00eb t\u00eb re, o t\u00eb shtuna;\n2:16 k\u00ebto gj\u00ebra jan\u00eb hija e atyre q\u00eb kan\u00eb p\u00ebr t\u00eb ardhur; por trupi \u00ebsht\u00eb i Krishtit.\n2:17 Askush t\u00eb mos p\u00ebrvet\u00ebsoj\u00eb prej jush \u00e7mimin me pretekst p\u00ebrul\u00ebsie dhe kulti t\u00eb engj\u00ebjve, duke u p\u00ebrzier n\u00eb gj\u00ebra q\u00eb nuk i ka par\u00eb, i fryr\u00eb nga nj\u00eb krenari e kot\u00eb p\u00ebr shkak t\u00eb mendjes s\u00eb tij mishore,\n2:18 dhe nuk mbahet te kryet, prej t\u00eb cilit gjith\u00eb trupi, i ushqyer mir\u00eb dhe i lidhur i t\u00ebri me an\u00eb t\u00eb nyjeve dhe t\u00eb gjymtyr\u00ebve rritet me rritjen e Per\u00ebndis\u00eb.\n2:19 Pra, n\u00eb qoft\u00eb se vdiq\u00ebt me Krishtin nga elementet e bot\u00ebs, p\u00ebrse u n\u00ebnshtroheni disa rregullave, a thua se jetoni ende n\u00eb bot\u00eb, si:\n2:20 ''Mos prek, mos shijo, mos merr'',\n2:21 t\u00eb gjitha gj\u00ebrat q\u00eb prishen nga p\u00ebrdorimi, sipas urdh\u00ebrimeve dhe m\u00ebsimeve t\u00eb njer\u00ebzve?\n2:22 K\u00ebto gj\u00ebra kan\u00eb ndonj\u00eb dukje diturie n\u00eb devotshm\u00ebrin\u00eb e zgjedhur vullnetarisht, n\u00eb p\u00ebrunj\u00ebsin\u00eb e rreme dhe n\u00eb trajtimin e ashp\u00ebr t\u00eb trupit, por nuk kan\u00eb asnj\u00eb vler\u00eb kund\u00ebr k\u00ebnaq\u00ebsis\u00eb s\u00eb mishit.\n2:23 N\u00eb qoft\u00eb se ju jeni ringjallur me Krishtin, k\u00ebrkoni ato q\u00eb jan\u00eb lart, ku Krishti \u00ebsht\u00eb ulur n\u00eb t\u00eb djatht\u00eb t\u00eb Per\u00ebndis\u00eb.\n3:1 Kini n\u00eb mend gj\u00ebrat q\u00eb jan\u00eb atje lart, jo ato q\u00eb jan\u00eb mbi tok\u00eb,\n3:2 sepse ju keni vdekur dhe jeta juaj \u00ebsht\u00eb fshehur bashk\u00eb me Krishtin n\u00eb Per\u00ebndin\u00eb.\n3:3 Kur t\u00eb shfaqet Krishti, jeta jon\u00eb, at\u00ebher\u00eb edhe ju do t\u00eb shfaqeni n\u00eb lavdi bashk\u00eb me t\u00eb.\n3:4 B\u00ebni, pra, t\u00eb vdesin gjymtyr\u00ebt tuaja q\u00eb jan\u00eb mbi tok\u00eb: kurv\u00ebrin\u00eb, ndyr\u00ebsin\u00eb, pasionet, d\u00ebshirat e k\u00ebqija dhe lakmin\u00eb, q\u00eb \u00ebsht\u00eb idhujtari;\n3:5 p\u00ebr k\u00ebto gj\u00ebra zem\u00ebrimi i Per\u00ebndis\u00eb vjen p\u00ebrmbi bijt\u00eb e mosbindjes,\n3:6 midis t\u00eb cil\u00ebve dikur ec\u00ebt edhe ju, kur rronit n\u00eb to.\n3:7 Por tani hiqni edhe ju t\u00eb gjitha k\u00ebto gj\u00ebra: zem\u00ebrim, zem\u00ebrat\u00eb, lig\u00ebsi, e mos t\u00eb dal\u00eb sharje e asnj\u00eb e folur e pandershme nga goja juaj.\n3:8 Mos g\u00ebnjeni njeri tjetrin, sepse ju e zhvesh\u00ebt njeriun e vjet\u00ebr me veprat e tij,\n3:9 edhe vesh\u00ebt njeriun e ri, q\u00eb p\u00ebrt\u00ebrihet n\u00eb njohurin\u00eb sipas sh\u00ebmbullit t\u00eb atij q\u00eb e krijoi.\n3:10 K\u00ebtu nuk ka m\u00eb Grek e Jud, rrethprerje dhe parrethprerje, Barbar e Skithas, sh\u00ebrb\u00ebtor e i lir\u00eb, por Krishti \u00ebsht\u00eb gjith\u00e7ka dhe n\u00eb t\u00eb gjith\u00eb.\n3:11 Vishuni, pra, si t\u00eb zgjedhur t\u00eb Per\u00ebndis\u00eb, shenjtor\u00eb dhe t\u00eb dashur, me dhembshuri t\u00eb brendshme, mir\u00ebsin\u00eb, p\u00ebrul\u00ebsin\u00eb, zem\u00ebrbut\u00ebsin\u00eb dhe me durimin,\n3:12 duke duruar njeri tjetrin dhe duke falur njeri tjetrin, n\u00ebqoft\u00ebse dikush ankohet kund\u00ebr nj\u00eb tjetri; dhe sikund\u00ebr Krishti ju ka falur, ashtu b\u00ebni edhe ju.\n3:13 Dhe, p\u00ebrmbi t\u00eb gjitha k\u00ebto gj\u00ebra, vishni dashurin\u00eb, q\u00eb \u00ebsht\u00eb lidhja e p\u00ebrsosm\u00ebris\u00eb.\n3:14 Dhe paqja e Per\u00ebndis\u00eb, p\u00ebr t\u00eb cilin ju u thirr\u00ebt n\u00eb nj\u00eb trup t\u00eb vet\u00ebm, t\u00eb mbret\u00ebroj\u00eb n\u00eb zemrat tuaja; dhe jini mir\u00ebnjoh\u00ebs!\n3:15 Fjala e Krishtit banoft\u00eb n\u00eb ju me begatin\u00eb e vet; n\u00eb \u00e7do dituri, m\u00ebsoni dhe k\u00ebshilloni njeri tjetrin me psalme, himne dhe k\u00ebng\u00eb frym\u00ebrore, duke k\u00ebnduar Zotit me hir n\u00eb zemrat tuaja!\n3:16 Dhe \u00e7do gj\u00eb q\u00eb t\u00eb b\u00ebni, me fjal\u00eb a me vep\u00ebr, t'i b\u00ebni n\u00eb em\u00ebr t\u00eb Zotit Jezus, duke e fal\u00ebnderuar Per\u00ebndin\u00eb At\u00eb n\u00ebp\u00ebrmjet tij.\n3:17 Ju bashk\u00ebshorte, jini t\u00eb n\u00ebnshtruara bashk\u00ebshort\u00ebve tuaj, ashtu si ka hije n\u00eb Zotin.\n3:18 Ju bashk\u00ebshort\u00eb, duaini bashk\u00ebshortet tuaja dhe mos u b\u00ebni t\u00eb ashp\u00ebr ndaj tyre.\n3:19 Ju bij, binduni prind\u00ebrve n\u00eb \u00e7do gj\u00eb, sepse kjo \u00ebsht\u00eb e pranueshme p\u00ebr Zotin.\n3:20 Ju et\u00ebr, mos provokoni p\u00ebr zem\u00ebrim bijt\u00eb tuaj, q\u00eb t\u00eb mos i l\u00ebshoj\u00eb zemra.\n3:21 Ju sh\u00ebrb\u00ebtor\u00eb, binduni n\u00eb \u00e7do gj\u00eb zot\u00ebrinjve tuaj sipas mishit, duke u sh\u00ebrbyer jo vet\u00ebm kur ju shohin, sikurse t\u00eb doni t'u p\u00eblqeni njer\u00ebzve, por me thjesht\u00ebsin\u00eb e zemr\u00ebs, duke druajtur Per\u00ebndin\u00eb.\n3:22 Dhe \u00e7do gj\u00eb q\u00eb t\u00eb b\u00ebni, ta b\u00ebni me d\u00ebshir\u00eb t\u00eb mir\u00eb, si p\u00ebr Zotin dhe jo p\u00ebr njer\u00ebzit,\n3:23 duke ditur se nga Zoti do t\u00eb merrni shp\u00ebrblimin e trash\u00ebgimis\u00eb, sepse ju i sh\u00ebrbeni Krishtit, Zotit.\n3:24 Por ai q\u00eb punon padrejt\u00ebsisht do t\u00eb marr\u00eb shpagimin p\u00ebr gj\u00ebra t\u00eb padrejta q\u00eb ka b\u00ebr\u00eb, dhe nuk do t\u00eb ket\u00eb an\u00ebsi p\u00ebr asnj\u00eb.\n3:25 Zot\u00ebrinj, b\u00ebni \u00e7'\u00ebsht\u00eb e drejt\u00eb dhe arsyeshme ndaj sh\u00ebrb\u00ebtor\u00ebve, duke ditur se edhe ju keni nj\u00eb Zot\u00ebri n\u00eb qiejt.\n4:1 Ngulmoni n\u00eb t\u00eb lutur, duke ndenjur zgjuar n\u00eb t\u00eb me falend\u00ebrim.\n4:2 Dhe duke u lutur n\u00eb t\u00eb nj\u00ebt\u00ebn koh\u00eb edhe p\u00ebr ne, q\u00eb Per\u00ebndia t\u00eb hap\u00eb edhe p\u00ebr ne der\u00ebn e fjal\u00ebs, p\u00ebr t\u00eb shpallur misterin e Krishtit, p\u00ebr shkakun e t\u00eb cili jam edhe i burgosur,\n4:3 n\u00eb m\u00ebnyr\u00eb q\u00eb ta b\u00ebj t\u00eb njohur, duke e folur si\u00e7 duhet.\n4:4 Ecni me urti ndaj t\u00eb jashtm\u00ebve duke shfryt\u00ebzuar koh\u00ebn.\n4:5 T\u00eb folurit tuaj t\u00eb jet\u00eb gjithnj\u00eb me hir, i ndrequr me krip\u00eb, q\u00eb t\u00eb dini si duhet t'i p\u00ebrgjigjeni gjithsecilit.\n4:6 Tikiku, v\u00ebllai i dashur, dhe sh\u00ebrbenj\u00ebs besnik, dhe shoku im i sh\u00ebrbimit n\u00eb Zotin, do t'jua tregoj\u00eb gjith\u00e7ka lidhur me mua;\n4:7 un\u00eb e d\u00ebrgova te ju pik\u00ebrisht p\u00ebr k\u00ebt\u00eb arsye, q\u00eb t\u00eb njoh situat\u00ebn tuaj dhe t\u00eb ngush\u00eblloj\u00eb zemrat tuaja,\n4:8 bashk\u00eb me Onesimin, v\u00eblla besnik dhe i dashur, q\u00eb \u00ebsht\u00eb nga tuajt; ata do t'ju tregojn\u00eb juve t\u00eb gjitha gj\u00ebrat e k\u00ebtushme.\n4:9 Aristarku, i burgosur me mua, ju p\u00ebrsh\u00ebndet bashk\u00eb me Markun, kush\u00ebririn e Barnab\u00ebs (p\u00ebr t\u00eb cilin keni marr\u00eb m\u00ebsimin, po t\u00eb vij\u00eb te ju, ta mir\u00ebprisni),\n4:10 dhe Jezusi, i quajtur Just, t\u00eb cil\u00ebt vijn\u00eb nga rrethprerja; k\u00ebta jan\u00eb t\u00eb vetmit bashk\u00ebpun\u00ebtor\u00eb n\u00eb vepr\u00ebn e mbret\u00ebris\u00eb s\u00eb Per\u00ebndis\u00eb, t\u00eb cil\u00ebt qen\u00eb p\u00ebr mua ngushullim.\n4:11 Epafrai, q\u00eb \u00ebsht\u00eb nga tuajt dhe sh\u00ebrb\u00ebtor i Krishtit, ju p\u00ebrsh\u00ebndet; ai lufton gjithnj\u00eb p\u00ebr ju n\u00eb lutje, q\u00eb ju t\u00eb q\u00ebndroni t\u00eb p\u00ebrsosur dhe t\u00eb p\u00ebrkryer n\u00eb gjith\u00eb vullnetin e Per\u00ebndis\u00eb.\n4:12 N\u00eb fakt un\u00eb d\u00ebshmoj p\u00ebr t\u00eb se ai ka zell t\u00eb madh p\u00ebr ju, p\u00ebr ata q\u00eb jan\u00eb n\u00eb Laodice dhe p\u00ebr ata q\u00eb jan\u00eb n\u00eb Hierapolis.\n4:13 I dashur Lluka, mjeku, dhe Dema ju p\u00ebrsh\u00ebndesin.\n4:14 U b\u00ebni t\u00eb fala v\u00ebllez\u00ebrve q\u00eb jan\u00eb n\u00eb Laodice, Ninf\u00ebs dhe kish\u00ebs q\u00eb \u00ebsht\u00eb n\u00eb sht\u00ebpin\u00eb e tij.\n4:15 Dhe, mbasi t\u00eb jet\u00eb lexuar kjo let\u00ebr nd\u00ebr ju, b\u00ebni q\u00eb t\u00eb lexohet edhe n\u00eb kish\u00ebn e Laodikasve; dhe ju gjithashtu lexoni at\u00eb t\u00eb Laodices.\n4:16 Dhe i thoni Arkipit: ''Ki kujdes sh\u00ebrbes\u00ebn q\u00eb more n\u00eb Zotin, q\u00eb ta plot\u00ebsosh''.\n4:17 P\u00ebrsh\u00ebndetja \u00ebsht\u00eb shkruar me dor\u00ebn time, nga un\u00eb, Pali. Kujtoni prangat e mia. Hiri qoft\u00eb me ju. Amen.\n4:18 Pali, Silvani dhe Timoteu, kish\u00ebs s\u00eb Thesalonikasve n\u00eb Per\u00ebndin\u00eb At\u00eb dhe n\u00eb Zotin Jezu Krisht: pa\u00e7i hir dhe paqe prej Per\u00ebndis\u00eb, Atit ton\u00eb, dhe prej Zotit Jezu Krisht.","title":"Albanian Bible: Colossians","type":"page"}