{"collection":"Bible & Christianity","html_url":"https://unchartedknowledge.5gfusion.net/browse/bib/wb/alb/jam.htm","path":"bib/wb/alb/jam.htm","source_url":"https://sacred-texts.com/bib/wb/alb/jam.htm","text":"1:1 duke e ditur se sprova e besimit tuaj sjell q\u00ebndrueshm\u00ebri.\n1:2 Dhe q\u00ebndrueshm\u00ebria t\u00eb kryej\u00eb n\u00eb ju nj\u00eb vep\u00ebr t\u00eb p\u00ebrsosur, q\u00eb ju t\u00eb jeni t\u00eb p\u00ebrsosur dhe t\u00eb plot\u00eb, pa asnj\u00eb t\u00eb met\u00eb.\n1:3 Por n\u00eb qoft\u00eb se ndonj\u00ebrit nga ju i mungon urtia, le t\u00eb k\u00ebrkoj\u00eb nga Per\u00ebndia, q\u00eb u jep t\u00eb gjith\u00ebve pa kursim, pa qortuar, dhe atij do t'i jepet.\n1:4 Por le ta k\u00ebrkoj\u00eb me besim, pa dyshuar, sepse ai q\u00eb dyshon i ngjan val\u00ebs s\u00eb detit, t\u00eb cil\u00ebn e ngre dhe e p\u00ebrplas era.\n1:5 Dhe ky njeri t\u00eb mos pandeh\u00eb se do t\u00eb marr\u00eb di\u00e7ka nga Zoti,\n1:6 sepse \u00ebsht\u00eb nj\u00eb njeri me dy mendje, i paq\u00ebndruesh\u00ebm n\u00eb gjith\u00eb rrug\u00ebt e veta.\n1:7 Dhe v\u00ebllai m\u00eb i poshtm\u00eb le t\u00eb madh\u00ebshtohet n\u00eb lart\u00ebsimin e tij,\n1:8 dhe i pasuri n\u00eb uljen e tij, sepse do t\u00eb shkoj\u00eb si lule bari.\n1:9 N\u00eb fakt si lindi dielli me t\u00eb nxehtit e tij dhe e thau barin, dhe lulja e tij ra dhe bukuria e pamjes s\u00eb vet humbi: k\u00ebshtu do t\u00eb fishket edhe i pasuri n\u00eb udh\u00ebt e tij.\n1:10 Lum njeriu q\u00eb ngulmon n\u00eb prov\u00eb, sepse kur del i aprovuar, do t\u00eb marr\u00eb kuror\u00ebn e jet\u00ebs, t\u00eb cil\u00ebn Zoti ua premtoi atyre q\u00eb e duan.\n1:11 Askush kur tundohet t\u00eb mos thot\u00eb: ''Jam tunduar nga Per\u00ebndin\u00eb'', sepse Per\u00ebndia nuk mund t\u00eb tundohet nga e keqja, dhe ai vet nuk tundon asnjeri.\n1:12 Por secili tundohet i udh\u00ebhequr dhe i mashtruar nga lakmin\u00eb e vet.\n1:13 Pastaj lakmia, pasi mbarset, pjell m\u00ebkatin dhe m\u00ebkati, si t\u00eb kryhet, ngjiz vdekjen.\n1:14 Mos u mashtroni, v\u00ebllez\u00ebrit e mi shum\u00eb t\u00eb dashur;\n1:15 \u00e7do gj\u00eb e mir\u00eb q\u00eb na jepet dhe \u00e7do dhurat\u00eb e p\u00ebrsosur vjen prej s\u00eb larti dhe zbret nga Ati i dritave, pran\u00eb s\u00eb cilit nuk ka nd\u00ebrrim dhe as hije ndryshimi.\n1:16 Ai na ngjizi me vullnetin e tij me an\u00eb t\u00eb fjal\u00ebs t\u00eb s\u00eb v\u00ebrtet\u00ebs, q\u00eb ne t\u00eb jemi n\u00eb nj\u00eb far\u00eb menyr\u00eb fryti i par\u00eb i krijesave t\u00eb tij.\n1:17 Prandaj, v\u00ebllez\u00ebrit e mi shum\u00eb t\u00eb dashur, \u00e7do njeri t\u00eb jet\u00eb i shpejt\u00eb n\u00eb t\u00eb d\u00ebgjuar, i ngadalsh\u00ebm n\u00eb t\u00eb folur dhe i ngadalsh\u00ebm n\u00eb zem\u00ebrim,\n1:18 sepse zem\u00ebrimi i njeriut nuk kryen drejt\u00ebsin\u00eb e Per\u00ebndis\u00eb.\n1:19 Prandaj, hiqni \u00e7do ndyr\u00ebsi dhe mbeturin\u00eb lig\u00ebsie, pranoni me but\u00ebsi fjal\u00ebn e mbjell\u00eb n\u00eb ju, e cila mund t\u00eb shp\u00ebtoj\u00eb shpirtrat tuaj.\n1:20 Dhe b\u00ebhuni b\u00ebr\u00ebs t\u00eb fjal\u00ebs dhe jo vet\u00ebm d\u00ebgjues, q\u00eb g\u00ebnjejn\u00eb vetveten.\n1:21 Sepse n\u00ebse dikush \u00ebsht\u00eb d\u00ebgjues i fjal\u00ebs dhe jo b\u00ebr\u00ebs, ai i p\u00ebrngjan nj\u00eb njeriu q\u00eb e shikon fytyr\u00ebn e tij natyrale n\u00eb nj\u00eb pasqyr\u00eb;\n1:22 ai e shikon veten dhe pastaj ik\u00ebn, duke harruar menj\u00ebher\u00eb si ishte.\n1:23 Nd\u00ebrsa ai q\u00eb do t\u00eb shikoj\u00eb me vemendje ligjin e p\u00ebrsosur, i cili \u00ebsht\u00eb ligji i liris\u00eb, dhe ngulmon n\u00eb t\u00eb, duke mos qen\u00eb nj\u00eb d\u00ebgjues harraq, por nj\u00eb b\u00ebr\u00ebs i vepr\u00ebs, ai do t\u00eb jet\u00eb i lumtur n\u00eb veprimtarin\u00eb e vet.\n1:24 N\u00eb qoft\u00eb se ndokush nga ju mendon se \u00ebsht\u00eb fetar, edhe nuk i v\u00eb fre gjuh\u00ebs s\u00eb vet, sigurisht ai e mashtron zemr\u00ebn e vet, feja e k\u00ebtij \u00ebsht\u00eb e kot\u00eb.\n1:25 Feja e past\u00ebr dhe pa njoll\u00eb p\u00ebrpara Per\u00ebndis\u00eb dhe Atit \u00ebsht\u00eb kjo: t\u00eb vizitosh jetim\u00ebt dhe t\u00eb vejat n\u00eb pik\u00ebllimet e tyre dhe ta ruash veten t\u00eb past\u00ebr nga bota.\n1:26 V\u00ebllez\u00ebr t\u00eb mi, mos i lidhni preferencat personale me besimin e Zotit ton\u00eb Jezu Krisht, Zoti i lavdis\u00eb.\n1:27 Sepse n\u00eb qoft\u00eb se n\u00eb asamblen\u00eb tuaj hyn nj\u00eb njeri me nj\u00eb unaz\u00eb prej ari, me rroba t\u00eb shk\u00eblqyera, dhe hyn edhe nj\u00eb i varf\u00ebr me nj\u00eb rrob\u00eb t\u00eb f\u00eblliqur,\n2:1 dhe ju i drejtoni syt\u00eb nga ai q\u00eb vesh rroben e shk\u00eblqyer dhe i thoni: ''Ti ulu k\u00ebtu, n\u00eb vendin e mir\u00eb'', dhe t\u00eb varf\u00ebrit i thoni: ''Ti rri atje, n\u00eb k\u00ebmb\u00eb'', ose: ''Ulu k\u00ebtu, af\u00ebr stolit t\u00eb k\u00ebmb\u00ebve t\u00eb mia'',\n2:2 a nuk b\u00ebt\u00eb ju nj\u00eb dallim n\u00eb mes tuaj, duke u b\u00ebr\u00eb k\u00ebshtu gjykat\u00ebs me mendime t\u00eb k\u00ebqija?\n2:3 D\u00ebgjoni, v\u00ebllez\u00ebr t\u00eb mi shum\u00eb t\u00eb dashur, a nuk i zgjodhi Per\u00ebndia t\u00eb varf\u00ebrit e bot\u00ebs, q\u00eb t\u00eb jen\u00eb t\u00eb pasur n\u00eb besim dhe trash\u00ebgimtar\u00eb t\u00eb mbret\u00ebris\u00eb q\u00eb ua premtoi atyre q\u00eb e duan?\n2:4 Po ju i shnderuat t\u00eb varf\u00ebrit! A nuk jan\u00eb vall\u00eb t\u00eb pasurit ata q\u00eb ju shtypin, dhe nuk jan\u00eb k\u00ebta ata q\u00eb ju heqin n\u00ebp\u00ebr gjykata?\n2:5 A nuk jan\u00eb ata q\u00eb blasfemojn\u00eb emrin e lavdish\u00ebm q\u00eb u thirr mbi ju?\n2:6 N\u00eb qoft\u00eb se ju m\u00eb t\u00eb v\u00ebrtet\u00eb e p\u00ebrmbushni ligjin mbret\u00ebror sipas Shkrimit: ''Duaje t\u00eb af\u00ebrmin t\u00ebnd si vetveten'', b\u00ebni mir\u00eb;\n2:7 por n\u00eb qoft\u00eb se b\u00ebni preferenca personale, ju kryeni m\u00ebkat dhe d\u00ebnoheni nga ligji si shkel\u00ebs.\n2:8 Sepse kushdo q\u00eb e zbaton gjith\u00eb ligjin, por e shkel n\u00eb nj\u00eb pik\u00eb, \u00ebsht\u00eb fajtor n\u00eb t\u00eb gjitha pikat.\n2:9 Sepse ai q\u00eb ka th\u00ebn\u00eb: ''Mos shkel kuror\u00ebn'', ka th\u00ebn\u00eb gjithashtu: ''Mos vraj''. Prandaj n\u00ebse ti nuk shkel kuror\u00ebn, por vret, ti je shkel\u00ebs i ligjit.\n2:10 Prandaj t\u00eb flisni e t\u00eb veproni sikurse t\u00eb duhej t\u00eb gjykoheshit nga ligji i liris\u00eb,\n2:11 sepse gjyqi do t\u00eb jet\u00eb pa m\u00ebshir\u00eb p\u00ebr at\u00eb q\u00eb nuk ka treguar m\u00ebshir\u00eb; dhe m\u00ebshira triumfon mbi gjykimin.\n2:12 \u00c7'dobi ka, v\u00ebllez\u00ebr t\u00eb mi, n\u00ebse dikush thot\u00eb se ka besim, por nuk ka vepra? A mund ta shp\u00ebtoj\u00eb at\u00eb besimi?\n2:13 Dhe n\u00eb qoft\u00eb se nj\u00eb v\u00eblla ose nj\u00eb mot\u00ebr jan\u00eb t\u00eb zhveshur dhe u mungon ushqimi i p\u00ebrditsh\u00ebm,\n2:14 dhe dikush nga ju u thoth\u00eb atyre: ''Shkoni n\u00eb paqe! Ngrohuni dhe ngopuni'', dhe nuk u jepni atyre gj\u00ebrat p\u00ebr t\u00eb cilat kan\u00eb nevoj\u00eb p\u00ebr trupin, \u00e7'dobi ka?\n2:15 Po k\u00ebshtu \u00ebsht\u00eb edhe besimi; n\u00eb qoft\u00eb se s'ka vepra, \u00ebsht\u00eb i vdekur n\u00eb vetvete.\n2:16 Po dikush do t\u00eb thot\u00eb: ''Ti ke besimin, dhe un\u00eb kam veprat''; m\u00eb trego besimin t\u00ebnd pa veprat e tua dhe un\u00eb do t\u00eb t\u00eb tregoj besimin tim me veprat e mia.\n2:17 Ti beson se ka vet\u00ebm nj\u00eb Per\u00ebndi. Mir\u00eb b\u00ebn; edhe demon\u00ebt besojn\u00eb dhe dridhen.\n2:18 Po, a d\u00ebshiron t\u00eb kuptosh, o njeri i kot\u00eb, se besimi pa vepra \u00ebsht\u00eb i vdekur?\n2:19 Abrahami, ati yn\u00eb, a nuk u shfaj\u00ebsua me an\u00eb t\u00eb veprave, kur e ofroi birin e vet, Isakun, mbi altar?\n2:20 Ti e sheh se besimi vepronte bashk\u00eb me veprat e tij, dhe se, n\u00ebp\u00ebrmjet veprave, besimi u p\u00ebrsos.\n2:21 K\u00ebshtu u p\u00ebrmbush Shkrimi, q\u00eb thot\u00eb: ''Edhe Abrahami i besoi Per\u00ebndis\u00eb, dhe kjo iu num\u00ebrua p\u00ebr drejt\u00ebsi''; dhe u quajt miku i Per\u00ebndis\u00eb.\n2:22 Ju shikoni, pra, se njeriu shfaj\u00ebsohet nga veprat dhe jo vet\u00ebm nga besimi.\n2:23 Gjithashtu a nuk u shfaj\u00ebsua edhe Rahabi, lavirja, nga veprat, kur i priti t\u00eb d\u00ebrguarit dhe i p\u00ebrcolli nga nj\u00eb udh\u00eb tjet\u00ebr?\n2:24 Sepse, sikurse trupi pa frym\u00ebn \u00ebsht\u00eb i vdekur, ashtu edhe besimi, pa vepra, \u00ebsht\u00eb i vdekur.\n2:25 V\u00ebllez\u00ebr t\u00eb mi, mos u b\u00ebni shum\u00eb m\u00ebsues, duke ditur se do t\u00eb kemi nj\u00eb gjykim m\u00eb t\u00eb ashp\u00ebr,\n2:26 sepse t\u00eb gjith\u00eb gabojm\u00eb n\u00eb shum\u00eb gj\u00ebra. N\u00eb qoft\u00eb se dikush nuk gabon n\u00eb t\u00eb folur, \u00ebsht\u00eb njeri i p\u00ebrsosur, dhe \u00ebsht\u00eb gjithashtu i aft\u00eb t'i v\u00ebr\u00eb fre gjith\u00eb trupit.\n3:1 Ja, u v\u00ebm\u00eb fre n\u00eb goj\u00eb kuajve, q\u00eb t\u00eb na binden, dhe ta drejtojm\u00eb k\u00ebshtu gjith\u00eb trupin e tyre.\n3:2 Ja, edhe anijet, edhe pse jan\u00eb shum\u00eb t\u00eb m\u00ebdha dhe shtyhen nga er\u00ebra t\u00eb forta, drejtohen nga nj\u00eb timon shum\u00eb i vog\u00ebl, atje ku do timonieri.\n3:3 K\u00ebshtu edhe gjuha \u00ebsht\u00eb nj\u00eb gjymtyr\u00eb e vog\u00ebl, por mbahet me t\u00eb madh. Ja, nj\u00eb zjarr i vog\u00ebl \u00e7'pyll t\u00eb madh djeg!\n3:4 Edhe gjuha \u00ebsht\u00eb nj\u00eb zjarr, nj\u00eb bot\u00eb paudh\u00ebsie; ajo \u00ebsht\u00eb vendosur midis gjymtyr\u00ebve tona, gjuha e f\u00eblliq gjith\u00eb trupin, ndez ecjen e natyr\u00ebs dhe ndizet nga Gehena.\n3:5 Sepse \u00e7do lloj bishash, shpend\u00ebsh, zvaranik\u00ebsh e kafsh\u00ebsh t\u00eb detit mund t\u00eb zbuten dhe jan\u00eb zbutur nga natyra njer\u00ebzore,\n3:6 kurse gjuh\u00ebn asnj\u00eb nga njer\u00ebzit s'mund ta zbus\u00eb; \u00ebsht\u00eb nj\u00eb e keqe e pap\u00ebrmbajtshme, plot me helm vdekjeprur\u00ebs.\n3:7 Me at\u00eb ne bekojm\u00eb Per\u00ebndin\u00eb dhe Atin, dhe me t\u00eb ne mallkojm\u00eb njer\u00ebzit q\u00eb jan\u00eb b\u00ebr\u00eb sipas sh\u00ebmb\u00ebllimit t\u00eb Per\u00ebndis\u00eb.\n3:8 Nga e njejta goj\u00eb del bekimi dhe mallkimi. V\u00ebllez\u00ebr t\u00eb mi, nuk duhet t\u00eb ishte k\u00ebshtu.\n3:9 Mos vall\u00eb burimi nxjerr nga e njejta vrim\u00eb uj\u00eb t\u00eb \u00ebmb\u00ebl e t\u00eb hidhur?\n3:10 A mundet t\u00eb prodhoj\u00eb fiku ullinj, ose hardhia fiq? K\u00ebshtu asnj\u00eb burim nuk mund t\u00eb jap\u00eb uj\u00eb t\u00eb kripur dhe t\u00eb \u00ebmb\u00ebl.\n3:11 Kush \u00ebsht\u00eb nd\u00ebr ju i urt\u00eb dhe i ditur? Le t\u00eb tregoj\u00eb me sjellje t\u00eb bukur veprat e tij me zem\u00ebrbut\u00ebsi t\u00eb urt\u00ebsis\u00eb.\n3:12 Por n\u00eb qoft\u00eb se ne zemr\u00ebn tuaj keni smir\u00eb t\u00eb hidhur dhe grindje, mos u mbani me t\u00eb madh dhe mos g\u00ebnjeni kund\u00ebr s\u00eb v\u00ebrtet\u00ebs.\n3:13 Kjo nuk \u00ebsht\u00eb dituri q\u00eb zbret nga lart, por \u00ebsht\u00eb tok\u00ebsore, shtazore, djall\u00ebzore.\n3:14 Sepse atje ku ka smir\u00eb dhe grindje, atje ka trazir\u00eb dhe gjithfar\u00eb veprash t\u00eb k\u00ebqija,\n3:15 Kurse dituria q\u00eb vjen nga lart, m\u00eb s\u00eb pari \u00ebsht\u00eb e past\u00ebr, pastaj pajtuese, e but\u00eb, e bindur, plot m\u00ebshir\u00eb dhe fryte t\u00eb mira, e paanshme dhe jo hipokrite.\n3:16 Dhe fryti i drejt\u00ebsis\u00eb mbillet n\u00eb paqe p\u00ebr ata q\u00eb b\u00ebjn\u00eb paqen.\n3:17 Nga vijn\u00eb luft\u00ebrat dhe grindjet te ju?. A nuk vijn\u00eb, nga pasionet q\u00eb luftojn\u00eb nd\u00ebr gjymtyr\u00ebt tuaja?\n3:18 Ju lakmoni dhe nuk keni, ju vrisni dhe keni smir\u00eb dhe nuk fitoni gj\u00eb; ju ziheni dhe luftoni, por nuk keni, sepse nuk k\u00ebrkoni.\n4:1 Ju k\u00ebrkoni dhe nuk merrni, sepse k\u00ebrkoni keqas q\u00eb t\u00eb shpenzoni p\u00ebr k\u00ebnaq\u00ebsit\u00eb tuaja.\n4:2 O shkel\u00ebs dhe shkel\u00ebse t\u00eb kuror\u00ebs, a nuk e dini se miq\u00ebsia me bot\u00ebn \u00ebsht\u00eb armiq\u00ebsi me Per\u00ebndin\u00eb? Ai, pra, q\u00eb don t\u00eb jet\u00eb mik i bot\u00ebs b\u00ebhet armik i Per\u00ebndis\u00eb.\n4:3 Apo pandehni se Shkrimi thot\u00eb kot: ''Fryma q\u00eb rri n\u00eb ne a lakmon deri n\u00eb smir\u00eb''?\n4:4 Por ai jep hir edhe m\u00eb t\u00eb madh; prandaj thot\u00eb: ''Per\u00ebndia u kund\u00ebrvihet mendjem\u00ebdhenjve dhe u jep hir t\u00eb p\u00ebrulurve''.\n4:5 N\u00ebnshtrojuni, pra, Per\u00ebndis\u00eb, kund\u00ebrshtoni djallin dhe ai do t\u00eb largohet nga ju!\n4:6 Afrohuni te Per\u00ebndia dhe ai do t'ju afrohet juve; pastroni duart tuaja, o m\u00ebkatar\u00eb; dhe pastroni zemrat o njer\u00ebz me dy mendje!\n4:7 Pik\u00ebllohuni, mbani zi dhe qani; t\u00eb qeshurit tuaj le t\u00eb kthehet n\u00eb zi, dhe g\u00ebzimi n\u00eb trishtim.\n4:8 P\u00ebruluni p\u00ebrpara Zotit, dhe ai do t'ju lart\u00ebsoj\u00eb!\n4:9 Mos flisni keq p\u00ebr njeri tjetrin, v\u00eb-llez\u00ebr; ai q\u00eb flet kund\u00ebr v\u00ebllait dhe e gjykon v\u00ebllan\u00eb e vet, flet kund\u00ebr ligjit dhe gjykon ligjin; dhe, po t\u00eb gjykosh ligjin, ti nuk je zbatues i ligjit, por gjykat\u00ebs.\n4:10 Ka vet\u00ebm nj\u00eb Ligjdh\u00ebn\u00ebs, q\u00eb mund t\u00eb t\u00eb shp\u00ebtoj\u00eb ose t\u00eb t\u00eb \u00e7oj\u00eb n\u00eb humbje; por ti kush je q\u00eb gjykon nj\u00eb tjet\u00ebr?\n4:11 Dhe tani, ju q\u00eb thoni: ''Sot ose nes\u00ebr do t\u00eb shkojm\u00eb n\u00eb at\u00eb qytet, dhe do t\u00eb rrijm\u00eb atje nj\u00eb vit, do t\u00eb tregtojm\u00eb dhe do t\u00eb fitojm\u00eb'',\n4:12 nd\u00ebrsa nuk dini p\u00ebr t\u00eb nes\u00ebrmen. Sepse \u00e7'\u00ebsht\u00eb jeta? \u00c9sht\u00eb avull q\u00eb duket p\u00ebr pak, dhe pastaj humbet.\n4:13 N\u00eb vend q\u00eb t\u00eb thoni: ''N\u00eb dasht\u00eb Zoti dhe n\u00eb pa\u00e7im jet\u00eb, ne do t\u00eb b\u00ebjm\u00eb k\u00ebt\u00eb ose at\u00eb gj\u00eb''.\n4:14 Ju, p\u00ebrkundrazi, mburreni n\u00eb arroganc\u00ebn tuaj; \u00e7do mburrje e till\u00eb \u00ebsht\u00eb e keqe.\n4:15 Ai, pra, q\u00eb di t\u00eb b\u00ebj\u00eb t\u00eb mir\u00eb edhe nuk e b\u00ebn, b\u00ebn m\u00ebkat.\n4:16 Dhe tani ju, o pasanik\u00eb: qani dhe vajtoni p\u00ebr t\u00eb k\u00ebqijat q\u00eb do t'ju z\u00ebn\u00eb!\n4:17 Pasuria juaj u kalb dhe rrobat tuaja i brejti tenja.\n5:1 Ari dhe argjendi juaj u ndryshk\u00ebn, dhe ndryshku i tyre do t\u00eb jet\u00eb nj\u00eb d\u00ebshmi kund\u00ebr jush dhe do t'ju p\u00ebrpij\u00eb mish\u00ebrat si zjarr; keni mbledhur thesare n\u00eb dit\u00ebt e fundit.\n5:2 Ja, paga q\u00eb u keni ngr\u00ebn\u00eb puntor\u00ebve q\u00eb ju korr\u00ebn arat, po k\u00eblthet; dhe klithmat e atyre q\u00eb korr\u00ebn, arrit\u00ebn n\u00eb vesh t\u00eb Zotit t\u00eb ushtrive.\n5:3 Jetuat mbi tok\u00eb nd\u00ebr qejfe dhe shkap\u00ebrderdhje; i ushqyet zemrat tuaja si p\u00ebr dit\u00eb t\u00eb t\u00eb therurit.\n5:4 D\u00ebnuat dhe vrat\u00eb t\u00eb drejtin: ai nuk ju kund\u00ebrshtoi.\n5:5 Tani, pra, v\u00ebllez\u00ebr, jini t\u00eb duruesh\u00ebm deri n\u00eb ardhjen e Zotit; shikoni si e pret me durim bujku frytin e \u00e7muar t\u00eb tok\u00ebs, deri sa t\u00eb marr\u00eb shiun e par\u00eb dhe t\u00eb fundit.\n5:6 Jini t\u00eb duruesh\u00ebm edhe ju dhe forconi zemrat tuaja, sepse ardhja e Zotit \u00ebsht\u00eb af\u00ebr.\n5:7 Mos u ankoni nga njeri tjetri, v\u00ebllez\u00ebr, q\u00eb t\u00eb mos d\u00ebnoheni; ja, gjykat\u00ebsi \u00ebsht\u00eb te dera.\n5:8 O v\u00ebllez\u00ebr t\u00eb mi, merrni si shembull vuajtjeje dhe durimi profet\u00ebt, q\u00eb fol\u00ebn n\u00eb em\u00ebr t\u00eb Zotit.\n5:9 Ja, ne shpallim t\u00eb lum ata q\u00eb duruan; ju keni d\u00ebgjuar p\u00ebr durimin e Jobit, dhe e keni par\u00eb fatin p\u00ebrfundimtar q\u00eb Zoti i rezervoi, sepse Zoti \u00ebsht\u00eb plot m\u00ebshir\u00eb e dhembshuri.\n5:10 Dhe, para s\u00eb gjithash, v\u00ebllez\u00ebr t\u00eb mi, mos b\u00ebni be as p\u00ebr qiellin as p\u00ebr dheun, as mos b\u00ebni ndonj\u00eb be tjet\u00ebr; por le t\u00eb jet\u00eb ''po'' -ja juaj ''po'' dhe ''jo'' -ja ''jo'', q\u00eb t\u00eb mos bini n\u00ebn d\u00ebnim.\n5:11 A vuan ndonj\u00eb nga ju? Le t\u00eb lutet. A \u00ebsht\u00eb i g\u00ebzuar ndokush? Le t\u00eb k\u00ebndoj\u00eb psalme!\n5:12 A \u00ebsht\u00eb i s\u00ebmur\u00eb ndonj\u00eb nga ju? Le t\u00eb th\u00ebrras\u00eb pleqt\u00eb e kish\u00ebs dhe ata t\u00eb luten p\u00ebrmbi t\u00eb, dhe le ta lyejn\u00eb me vaj n\u00eb em\u00ebr t\u00eb Zotit,\n5:13 dhe lutja e besimit do ta shp\u00ebtoj\u00eb t\u00eb s\u00ebmurin dhe Zoti do ta m\u00ebk\u00ebmb\u00eb; dhe n\u00ebse ka b\u00ebr\u00eb m\u00ebkate, ato do t'i falen.\n5:14 Rr\u00ebfeni fajet njeri tjetrit dhe lutuni p\u00ebr njeri tjetrin, q\u00eb t\u00eb sh\u00ebroheni; shum\u00eb fuqi ka lutja e t\u00eb drejtit kur b\u00ebhet me gjith\u00eb shpirt.\n5:15 Elia ishte nj\u00eb njeri me t\u00eb nj\u00ebtat pasionet tona, dhe u lut intensivisht q\u00eb t\u00eb mos binte shi, edhe nuk ra shi mbi dhe p\u00ebr tre vjet e gjasht\u00eb muaj.\n5:16 Dhe u lut p\u00ebrs\u00ebri dhe qielli dha shi edhe dheu dha frytin e vet.\n5:17 V\u00ebllez\u00ebr, n\u00eb qoft\u00eb se ndonj\u00eb nga ju del nga rruga e s\u00eb v\u00ebrtet\u00ebs dhe dikush e kthen,\n5:18 le ta dij\u00eb se ai q\u00eb e kthen m\u00ebkatarin nga t\u00eb gabuarit e rrug\u00ebs s\u00eb tij, do t\u00eb shp\u00ebtoj\u00eb nj\u00eb shpirt nga vdekja dhe do t\u00eb mbuloj\u00eb nj\u00eb shumic\u00eb m\u00ebkatesh.\n5:19 Pjetri, apostull i Jezu Krishtit, t\u00eb zgjedhurve q\u00eb rrijn\u00eb n\u00eb diaspor\u00ebn e Pontit, t\u00eb Galatis\u00eb, t\u00eb Kapadokis\u00eb, t\u00eb Azis\u00eb dhe t\u00eb Bitinis\u00eb,\n5:20 t\u00eb zgjedhurve sipas paranjohjes s\u00eb Per\u00ebndis\u00eb, Atit, me an\u00eb t\u00eb shenjt\u00ebrimit t\u00eb Frym\u00ebs, p\u00ebr t'u bindur dhe p\u00ebr t'u sp\u00ebrkatur me gjakun e Jezu Krishtit; hiri dhe paqja u shtoft\u00eb mbi ju.","title":"Albanian Bible: James","type":"page"}