{"collection":"Bible & Christianity","html_url":"https://unchartedknowledge.5gfusion.net/browse/bib/wb/alb/plm.htm","path":"bib/wb/alb/plm.htm","source_url":"https://sacred-texts.com/bib/wb/alb/plm.htm","text":"1:1 motr\u00ebs Apfi, bashk\u00ebluft\u00ebtarit ton\u00eb Arkipit, dhe kish\u00ebs q\u00eb mblidhet n\u00eb sht\u00ebpin\u00eb t\u00ebnde:\n1:2 hir dhe paqe mbi ju prej Per\u00ebndis\u00eb son\u00eb, Atit, dhe Zotit Jezu Krisht.\n1:3 E fal\u00ebnderoj Per\u00ebndin\u00eb tim, duke t\u00eb kujtuar gjithnj\u00eb n\u00eb lutjet e mia,\n1:4 sepse po d\u00ebgjoj p\u00ebr dashurin\u00eb t\u00ebnde dhe p\u00ebr besimin q\u00eb ke ndaj Zotit Jezu Krisht dhe ndaj gjith\u00eb shenjtor\u00ebve,\n1:5 q\u00eb bashk\u00ebsia e besimit t\u00ebnd t\u00eb b\u00ebhet e frytshme n\u00ebp\u00ebrmjet njohjes s\u00eb \u00e7do t\u00eb mire q\u00eb \u00ebsht\u00eb n\u00eb ju p\u00ebr shkak t\u00eb Jezu Krishtit.\n1:6 Sepse ne pat\u00ebm g\u00ebzim t\u00eb madh dhe p\u00ebrd\u00ebllim nga dashuria jote, sepse me an\u00ebn t\u00ebnde, o v\u00eblla, zemrat e shenjtor\u00ebve u p\u00ebrt\u00ebrin\u00eb.\n1:7 Prandaj, edhe pse kam liri t\u00eb plot\u00eb n\u00eb Krishtin t\u00eb t\u00eb urdh\u00ebroj at\u00eb q\u00eb duhet t\u00eb b\u00ebsh,\n1:8 m\u00eb shum\u00eb m\u00eb p\u00eblqen t\u00eb t\u00eb lutem p\u00ebr dashurin\u00eb, k\u00ebshtu si\u00e7 jam un\u00eb, Pali, plak dhe tashti edhe i burgosur i Jezu Krishtit;\n1:9 t\u00eb lutem p\u00ebr birin tim Onesim, q\u00eb m\u00eb lindi n\u00eb prangat e mia,\n1:10 i cili dikur s'kishte fare vler\u00eb p\u00ebr ty, por q\u00eb tani \u00ebsht\u00eb shum\u00eb i vlefsh\u00ebm p\u00ebr ty e p\u00ebr mua,\n1:11 t\u00eb cilin ta d\u00ebrgova p\u00ebrs\u00ebri; dhe ti prite at\u00eb, zemr\u00ebn time.\n1:12 Do t\u00eb desha ta mbaja pran\u00eb vetes q\u00eb t\u00eb m\u00eb sh\u00ebrbente n\u00eb vendin t\u00ebnd n\u00eb prangat p\u00ebr shkak t\u00eb ungjillit;\n1:13 por nuk desha t\u00eb b\u00ebja asgj\u00eb pa mendjen t\u00ebnde q\u00eb e mira t\u00eb cil\u00ebn do t\u00eb b\u00ebsh t\u00eb mos jet\u00eb nga detyrimi, por me dashje.\n1:14 Sepse ndoshta p\u00ebr k\u00ebt\u00eb arsye qe ndar\u00eb prej teje p\u00ebr pak koh\u00eb, q\u00eb ta kesh at\u00eb p\u00ebrgjithmon\u00eb,\n1:15 por jo m\u00eb si skllav, por shum\u00eb m\u00eb tep\u00ebr se skllav, v\u00eblla t\u00eb dashur, sidomos p\u00ebr mua, por aq m\u00eb tep\u00ebr p\u00ebr ty si sipas mishit, ashtu dhe n\u00eb Zotin.\n1:16 n\u00eb qoft\u00eb se ti, pra, m\u00eb konsideron shok, prite si t\u00eb isha vet\u00eb!\n1:17 Dhe n\u00eb qoft\u00eb se t\u00eb ka b\u00ebr\u00eb ndonj\u00eb padrejt\u00ebsi ose t\u00eb ka ndonj\u00eb detyrim, m'i ngarko mua.\n1:18 Un\u00eb, Pali, i shkrova me dor\u00ebn time. Un\u00eb vet\u00eb do t\u00eb paguaj; q\u00eb t\u00eb mos them se ti m\u00eb detyrohesh edhe veten t\u00ebnde!\n1:19 Po, v\u00eblla, ma b\u00ebj k\u00ebt\u00eb nder n\u00eb Per\u00ebndin\u00eb! Ma p\u00ebrt\u00ebri zemr\u00ebn n\u00eb Per\u00ebndin\u00eb!\n1:20 T\u00eb shkrova me plotbesim se do t\u00eb m\u00eb d\u00ebgjosh, sepse e di se ti do t\u00eb b\u00ebsh edhe m\u00eb shum\u00eb nga sa po t\u00eb them.\n1:21 M\u00eb p\u00ebrgatit nj\u00ebkoh\u00ebsht nj\u00eb vend p\u00ebr t\u00eb ndenjur, sepse shpresoj se, p\u00ebr hir t\u00eb lutjeve tuaja, do t'ju dhurohem p\u00ebrs\u00ebri.\n1:22 Epafra, i burgosur bashk\u00eb me mua n\u00eb Jezu Krishtin,\n1:23 Marku, Aristarku, Dema dhe Lluka, bashk\u00ebpun\u00ebtor\u00ebt e mi, t\u00eb b\u00ebjn\u00eb t\u00eb fala.\n1:24 Hiri i Zotit ton\u00eb Jezu Krisht qoft\u00eb me frym\u00ebn tuaj. Amen.\n1:25 Per\u00ebndia, mbasi u foli s\u00eb lashti shum\u00eb her\u00eb dhe n\u00eb shum\u00eb m\u00ebnyra et\u00ebrve me an\u00eb t\u00eb profet\u00ebve,","title":"Albanian Bible: Philemon","type":"page"}