{"collection":"Bible & Christianity","html_url":"https://unchartedknowledge.5gfusion.net/browse/bib/wb/alb/th2.htm","path":"bib/wb/alb/th2.htm","source_url":"https://sacred-texts.com/bib/wb/alb/th2.htm","text":"1:1 pa\u00e7i hir dhe paqe nga Per\u00ebndia, Ati yn\u00eb, dhe nga Zoti Jezu Krisht.\n1:2 Ne e kemi p\u00ebr detyr\u00eb ta fal\u00ebnderojm\u00eb gjithnj\u00eb Per\u00ebndin\u00eb p\u00ebr ju, o v\u00ebllez\u00ebr, sikurse \u00ebsht\u00eb fort e drejt\u00eb, sepse besimi juaj po rritet shum\u00eb dhe dashuria e secilit prej jush p\u00ebr nj\u00ebri-tjetrin po tepron,\n1:3 aq sa ne vet\u00eb po krenohemi me ju n\u00eb kishat e Per\u00ebndis\u00eb, p\u00ebr q\u00ebndres\u00ebn tuaj dhe p\u00ebr besimin n\u00eb t\u00eb gjitha p\u00ebrndjekjet dhe v\u00ebshtir\u00ebsit\u00eb q\u00eb po hiqni.\n1:4 Ky \u00ebsht\u00eb nj\u00eb d\u00ebftim i gjyqit t\u00eb drejt\u00eb t\u00eb P\u00ebrendis\u00eb, q\u00eb ju t\u00eb \u00e7moheni t\u00eb denj\u00eb p\u00ebr mbret\u00ebrin\u00eb e Per\u00ebndis\u00eb p\u00ebr t\u00eb cil\u00ebn edhe vuani,\n1:5 sepse \u00ebsht\u00eb e drejt\u00eb, nga ana e Per\u00ebndis\u00eb, t'u jepet mundim atyre q\u00eb po ju mundojn\u00eb,\n1:6 kurse juve, t\u00eb munduarve, t\u00eb preheni bashk\u00eb me ne, kur Zoti Jezu Krisht t\u00eb shfaqet nga qielli me engj\u00ebjt e pushtetit t\u00eb vet,\n1:7 n\u00eb nj\u00eb zjarr flak\u00ebrues, p\u00ebr t'u hakmarr\u00eb kund\u00ebr atyre q\u00eb nuk njohin Per\u00ebndi, dhe t\u00eb atyre q\u00eb nuk i binden ungjillit t\u00eb Zotit ton\u00eb Jezu Krisht.\n1:8 Ata do t\u00eb nd\u00ebshkohen me shkat\u00ebrrim t\u00eb p\u00ebrjetsh\u00ebm, larg nga fytyra e Zotit dhe nga lavdia e fuqis\u00eb s\u00eb tij,\n1:9 kur ai t\u00eb vij\u00eb, at\u00eb dit\u00eb, p\u00ebr t\u00eb qen\u00eb i lavd\u00ebruar n\u00eb shenjtor\u00ebt e vet, p\u00ebr t\u00eb qen\u00eb i admiruar n\u00eb mes t\u00eb atyre q\u00eb ken\u00eb besuar, sepse d\u00ebshmia jon\u00eb tek ju u besua.\n1:10 Edhe p\u00ebr k\u00ebt\u00eb ne vazhdimisht po lutemi p\u00ebr ju, q\u00eb Per\u00ebndia yn\u00eb t'ju b\u00ebj\u00eb t\u00eb denj\u00eb p\u00ebr k\u00ebt\u00eb thirrje dhe t\u00eb p\u00ebrmbush\u00eb me fuqin\u00eb \u00e7do q\u00ebllim t\u00eb mir\u00eb dhe vepr\u00ebn e besimit,\n1:11 q\u00eb t\u00eb l\u00ebvdohet emri i Zotit ton\u00eb Jezu Krisht n\u00eb ju dhe ju n\u00eb t\u00eb, sipas hirit t\u00eb Per\u00ebndis\u00eb son\u00eb dhe t\u00eb Zotit Jezu Krisht.\n1:12 Ju lutemi, o v\u00ebllez\u00ebr, lidhur me ardhjen e Zotit ton\u00eb Jezu Krisht dhe me tubimin ton\u00eb me t\u00eb,\n2:1 t\u00eb mos lejoni q\u00eb menj\u00ebher\u00eb t'ju prishet mendja ose t\u00eb trazoheni as prej fryme, as prej fjale, as prej ndonj\u00eb letre gjoja t\u00eb shkruar prej nesh, thua se ja, erdhi dita e Krishtit.\n2:2 Askush t\u00eb mos ju g\u00ebnjej\u00eb kursesi, sepse ajo dit\u00eb nuk do t\u00eb vij\u00eb, pa ardhur m\u00eb par\u00eb r\u00ebnia dhe pa u shfaqur njeriu i m\u00ebkatit, i biri i humbjes,\n2:3 kund\u00ebrshtari, ai q\u00eb lart\u00ebson veten mbi \u00e7do gj\u00eb q\u00eb quhet per\u00ebndi ose objekt adhurimi, aq sa t\u00eb shkoj\u00eb e t\u00eb rrij\u00eb n\u00eb tempullin e Per\u00ebndis\u00eb si Per\u00ebndi, duke e paraqitur veten se \u00ebsht\u00eb Per\u00ebndi.\n2:4 A nuk ju bie nd\u00ebr mend se, kur isha akoma nd\u00ebr ju, jua thoja k\u00ebto gj\u00ebra?\n2:5 Tani e dini at\u00eb q\u00eb e ndalon at\u00eb q\u00eb t\u00eb shfaqet vet\u00ebm n\u00eb koh\u00ebn e vet.\n2:6 Misteri i paudh\u00ebsis\u00eb n\u00eb fakt \u00ebsht\u00eb tashm\u00eb n\u00eb veprim, duke pritur vet\u00ebm q\u00eb t\u00eb hiqet nga mesi ai q\u00eb e ndalon tashti.\n2:7 At\u00ebher\u00eb do t\u00eb shfaqet ky i paudh\u00eb, t\u00eb cilin Zoti do ta shkat\u00ebrroj\u00eb me hukatjen e goj\u00ebs s\u00eb tij dhe do ta asgj\u00ebsoj\u00eb me t\u00eb dukurit e ardhjes s\u00eb tij.\n2:8 Ardhja e atij t\u00eb paudhi do t\u00eb b\u00ebhet me an\u00eb t\u00eb veprimit t\u00eb Satanit, bashk\u00eb me \u00e7udira, shenja dhe mrrekullish t\u00eb rreme,\n2:9 dhe nga \u00e7do mashtrim lig\u00ebsie p\u00ebr ata q\u00eb humbin, sepse nuk pranuan ta duan t\u00eb v\u00ebrtet\u00ebn p\u00ebr t\u00eb qen\u00eb t\u00eb shp\u00ebtuar.\n2:10 E prandaj Per\u00ebndia do t'u d\u00ebrgoj\u00eb atyre nj\u00eb g\u00ebnjim q\u00eb do t'i b\u00ebj\u00eb t\u00eb gabojn\u00eb, q\u00eb t'i besojn\u00eb g\u00ebnjeshtr\u00ebs,\n2:11 q\u00eb t\u00eb d\u00ebnohen t\u00eb gjith\u00eb ata q\u00eb nuk i besuan s\u00eb v\u00ebrtet\u00ebs, por p\u00ebrqafuan lig\u00ebsin\u00eb!\n2:12 Por ne duhet ta fal\u00ebnderojm\u00eb vazhdimisht Per\u00ebndin\u00eb p\u00ebr ju, o v\u00ebllez\u00ebr t\u00eb dashur nga Zoti, sepse Per\u00ebndia ju zgjodhi q\u00eb n\u00eb fillim p\u00ebr t'ju shp\u00ebtuar, me an\u00eb t\u00eb shenjt\u00ebrimit t\u00eb Frym\u00ebs dhe t\u00eb besimit n\u00eb t\u00eb v\u00ebrtet\u00ebn;\n2:13 tek e cila ju thirri me an\u00eb t\u00eb ungjillit ton\u00eb, q\u00eb t\u00eb arrini t\u00eb merrni lavdin\u00eb e Zotit ton\u00eb Jezu Krisht.\n2:14 Prandaj, v\u00ebllez\u00ebr, q\u00ebndroni dhe mbani porosit\u00eb q\u00eb m\u00ebsuat, me an\u00eb t\u00eb fjal\u00ebs ose me an\u00eb t\u00eb letr\u00ebs son\u00eb.\n2:15 Dhe vet\u00eb Zoti jon\u00eb Jezu Krisht dhe Per\u00ebndia Ati yn\u00eb, q\u00eb na deshi dhe na dha me an\u00eb t\u00eb hirit nj\u00eb ngush\u00ebllim t\u00eb p\u00ebrjetsh\u00ebm dhe nj\u00eb shpres\u00eb t\u00eb mir\u00eb,\n2:16 ngush\u00eblloft\u00eb zemrat tuaja dhe ju forcoft\u00eb n\u00eb \u00e7do fjal\u00eb e pun\u00eb t\u00eb mir\u00eb.\n2:17 M\u00eb n\u00eb fund, o v\u00ebllez\u00ebr, lutuni p\u00ebr ne, q\u00eb fjala e Zotit t\u00eb p\u00ebrhapet me t\u00eb shpejt\u00eb dhe t\u00eb l\u00ebvdohet, porsi nd\u00ebr ju,\n3:1 dhe derisa t\u00eb shp\u00ebtojm\u00eb nga njer\u00ebzit e \u00e7oroditur dhe t\u00eb k\u00ebqij, sepse jo t\u00eb gjith\u00eb kan\u00eb besim.\n3:2 Por Zoti \u00ebsht\u00eb besnik, dhe ai do t'ju forcoj\u00eb dhe do t'ju ruaj\u00eb nga i ligu.\n3:3 Dhe ne kemi besim p\u00ebr ju te Zoti, se gj\u00ebrat q\u00eb ju porosit\u00ebm po i b\u00ebni dhe do t'i b\u00ebni.\n3:4 Edhe Zoti i drejtoft\u00eb zemrat tuaja te dashuria e Per\u00ebndis\u00eb dhe te q\u00ebndrueshm\u00ebria e Krishtit.\n3:5 Dhe ju porositim, o v\u00ebllez\u00ebr, n\u00eb em\u00ebr t\u00eb Zotit ton\u00eb Jezu Krisht, q\u00eb t\u00eb largoheni nga \u00e7do v\u00eblla q\u00eb ec\u00ebn i \u00e7rregullt dhe jo sipas porosis\u00eb q\u00eb keni marr\u00eb prej nesh.\n3:6 Sepse ju e dini vet\u00eb se si duhet t\u00eb na sh\u00ebmb\u00eblleni, sepse ne nuk u soll\u00ebm n\u00eb m\u00ebnyr\u00eb t\u00eb \u00e7rregullt midis jush,\n3:7 dhe nuk kemi ngr\u00ebn\u00eb falas buk\u00ebn e ndonj\u00ebrit, por punuam me mundim e cfilitje dit\u00eb e nat\u00eb, q\u00eb t\u00eb mos i b\u00ebheshim barr\u00eb asnj\u00ebrit prej jush.\n3:8 Jo se ne nuk e kemi k\u00ebt\u00eb t\u00eb drejt\u00eb, po p\u00ebr t'ju dh\u00ebn\u00eb ne vet\u00eb nj\u00eb sh\u00ebmbull q\u00eb ju t\u00eb na imitonit.\n3:9 N\u00eb fakt, edhe kur ishim n\u00eb mes tuaj, ju porosisnim k\u00ebt\u00eb: se po qe se ndonj\u00eb nuk do t\u00eb punoj\u00eb, as t\u00eb mos haj\u00eb.\n3:10 N\u00eb fakt d\u00ebgjojm\u00eb se disa prej jush q\u00eb ecin n\u00eb m\u00ebnyr\u00eb t\u00eb \u00e7rregullt, nuk b\u00ebjn\u00eb asgj\u00eb dhe merren me gj\u00ebra t\u00eb kota.\n3:11 K\u00ebta i porosisim dhe i b\u00ebjm\u00eb thirrje n\u00eb Zotin ton\u00eb Jezu Krisht, q\u00eb t\u00eb han\u00eb buk\u00ebn e tyre duke punuar shtruar.\n3:12 Dhe sa p\u00ebr ju, o v\u00ebllez\u00ebr, mos u lodhni s\u00eb b\u00ebri t\u00eb mir\u00ebn.\n3:13 Dhe n\u00ebqoft\u00ebse dikush nuk i bindet fjal\u00ebs son\u00eb n\u00eb k\u00ebt\u00eb let\u00ebr, sh\u00ebnojeni at\u00eb dhe mos u shoq\u00ebroni me t\u00eb, q\u00eb ai t\u00eb turp\u00ebrohet.\n3:14 Por mos e mbani at\u00eb si nj\u00eb armik, po k\u00ebshillojeni si v\u00eblla.\n3:15 Dhe vet\u00eb Zoti i paqes ju dh\u00ebnt\u00eb vazhdimisht paqe n\u00eb \u00e7do m\u00ebnyr\u00eb. Zoti qoft\u00eb me ju t\u00eb gjith\u00eb.\n3:16 T\u00eb falat me sh\u00ebndet jan\u00eb nga dora ime, nga mua, Pali; dhe kjo \u00ebsht\u00eb nj\u00eb shenj\u00eb n\u00eb \u00e7do let\u00ebr prej meje; un\u00eb shkruaj k\u00ebshtu.\n3:17 Hiri i Zotit ton\u00eb Jezu Krisht qoft\u00eb me ju t\u00eb gjith\u00eb. Amen.\n3:18 Pali, apostulli i Jezu Krishtit, me urdh\u00ebr t\u00eb Per\u00ebndis\u00eb, Shp\u00ebtimtarit ton\u00eb, dhe t\u00eb Zotit Jezu Krisht, shpres\u00ebs son\u00eb,","title":"Albanian Bible: 2 Thessalonians","type":"page"}