{"collection":"Bible & Christianity","html_url":"https://unchartedknowledge.5gfusion.net/browse/bib/wb/alb/tit.htm","path":"bib/wb/alb/tit.htm","source_url":"https://sacred-texts.com/bib/wb/alb/tit.htm","text":"1:1 n\u00eb shpres\u00ebn e jet\u00ebs s\u00eb p\u00ebrjetshme, t\u00eb cil\u00ebn Per\u00ebndia, q\u00eb nuk g\u00ebnjen, e premtoi para t\u00eb gjitha koh\u00ebrave,\n1:2 dhe q\u00eb n\u00eb koh\u00eb t\u00eb caktuara e shfaqi fjal\u00ebn e tij me an\u00eb t\u00eb predikimit q\u00eb m'u besua me urdh\u00ebr t\u00eb Per\u00ebndis\u00eb, Shp\u00ebtimtarit ton\u00eb,\n1:3 Titit, birit t\u00eb v\u00ebrtet\u00eb n\u00eb besimin e p\u00ebrbashk\u00ebt: hir, m\u00ebshir\u00eb dhe paqe prej Per\u00ebndis\u00eb, Atit, dhe prej Zotit Jezu Krisht, Shp\u00ebtimtarit ton\u00eb.\n1:4 P\u00ebr k\u00ebt\u00eb arsye t\u00eb lash\u00eb n\u00eb Kret\u00eb, q\u00eb ti t\u00eb ndreq\u00ebsh mir\u00eb \u00e7\u00ebshtjet q\u00eb jan\u00eb p\u00ebr t'u b\u00ebr\u00eb dhe q\u00eb, n\u00eb \u00e7do qytet, t\u00eb caktosh pleq, ashtu si\u00e7 t\u00eb porosita;\n1:5 secili prej tyre t\u00eb jet\u00eb i paqortuesh\u00ebm, bashk\u00ebshort i nj\u00eb gruaje t\u00eb vetme, t\u00eb ket\u00eb f\u00ebmij\u00eb besimtar\u00eb, q\u00eb t\u00eb mos p\u00ebrfliten p\u00ebr jet\u00eb t\u00eb shthurur dhe p\u00ebr pand\u00ebgjes\u00eb.\n1:6 Sepse peshkopi, si administrues i sht\u00ebpis\u00eb s\u00eb Per\u00ebndis\u00eb duhet t\u00eb jet\u00eb i paqortuesh\u00ebm, jo arrogant, jo zem\u00ebrak, jo i dh\u00ebn\u00eb pas ver\u00ebs, jo i dhunsh\u00ebm, jo njeri q\u00eb lakmon fitim t\u00eb turpsh\u00ebm,\n1:7 por mikprit\u00ebs, mir\u00ebdash\u00ebs, i urt\u00eb, i drejt\u00eb, i shenjt\u00eb, i p\u00ebrmbajtur,\n1:8 q\u00eb mban fort fjal\u00ebn besnike si\u00e7 i \u00ebsht\u00eb m\u00ebsuar, q\u00eb t\u00eb jet\u00eb n\u00eb gj\u00ebndje me doktrin\u00ebn e sh\u00ebndosh\u00eb t\u00eb k\u00ebshilloj\u00eb dhe bind\u00eb ata q\u00eb kund\u00ebrshtojn\u00eb.\n1:9 Sepse ka, ve\u00e7an\u00ebrisht nd\u00ebrmjet atyre q\u00eb jan\u00eb nga rrethprerja, shum\u00eb t\u00eb pabindur, llafazan\u00eb dhe mashtrues, t\u00eb cil\u00ebve u duhet mbyllur goja;\n1:10 k\u00ebta ngat\u00ebrrojn\u00eb familje t\u00eb t\u00ebra, duke m\u00ebsuar ato q\u00eb s'duhet, p\u00ebr fitim t\u00eb ndyr\u00eb.\n1:11 Nj\u00eb prej tyre, pik\u00ebrisht nj\u00eb profet i tyre, tha: \"Kretasit jan\u00eb gjithnj\u00eb g\u00ebnjeshtar\u00eb, eg\u00ebrsira t\u00eb k\u00ebqija, barkp\u00ebrtac\u00eb!\"\n1:12 Kjo d\u00ebshmi \u00ebsht\u00eb e v\u00ebrtet\u00eb; prandaj qortoji me ashp\u00ebrsi, q\u00eb t\u00eb sh\u00ebndoshen n\u00eb besim,\n1:13 pa u v\u00ebn\u00eb vesh p\u00ebrrallave t\u00eb Judenjve dhe urdh\u00ebrimeve t\u00eb njer\u00ebzve q\u00eb largohen nga e v\u00ebrteta.\n1:14 Gjith\u00e7ka \u00ebsht\u00eb e past\u00ebr p\u00ebr ata q\u00eb jan\u00eb t\u00eb past\u00ebr, por asgj\u00eb nuk \u00ebsht\u00eb e past\u00ebr p\u00ebr t\u00eb ndoturit dhe p\u00ebr ata q\u00eb nuk besojn\u00eb; madje edhe mendja, edhe nd\u00ebrgjegja e tyre jan\u00eb t\u00eb ndotura.\n1:15 Ata pohojn\u00eb se njohin Per\u00ebndin\u00eb, po me vepra e mohojn\u00eb, sepse jan\u00eb t\u00eb neveritsh\u00ebm, t\u00eb pabindur dhe t\u00eb pazot\u00eb p\u00ebr \u00e7far\u00ebdo vepre t\u00eb mir\u00eb.\n1:16 Por ti shpall ato q\u00eb p\u00ebrkojn\u00eb me doktrin\u00ebn e sh\u00ebndosh\u00eb:\n2:1 pleqt\u00eb t\u00eb jen\u00eb t\u00eb p\u00ebrmbajtur, dinjitoz\u00eb, t\u00eb urt\u00eb, t\u00eb sh\u00ebndosh\u00eb n\u00eb besim, n\u00eb dashuri, n\u00eb durim.\n2:2 Gjithashtu edhe grat\u00eb e moshuara t\u00eb ken\u00eb sjellje ashtu si u ka hije shenjtoreve, jo shpif\u00ebse, jo robinja ndaj ver\u00ebs s\u00eb shumt\u00eb, por m\u00ebsuese t\u00eb s\u00eb mir\u00ebs,\n2:3 q\u00eb t'i m\u00ebsojn\u00eb t\u00eb rejat t\u00eb duan burrat e tyre, t\u00eb duan bijt\u00eb e tyre,\n2:4 t\u00eb jen\u00eb fjal\u00ebpak\u00eb, t\u00eb dlira, t'i kushtohen pun\u00ebve t\u00eb sht\u00ebpis\u00eb, t\u00eb mira, t\u00eb bindura ndaj burrave t\u00eb tyre, q\u00eb fjala e Per\u00ebndis\u00eb t\u00eb mos blasfemohet.\n2:5 Nxiti gjithashtu t\u00eb rinjt\u00eb q\u00eb t\u00eb jen\u00eb t\u00eb matur,\n2:6 duke e nxjerr\u00eb n\u00eb \u00e7do gj\u00eb veten t\u00ebnde si shembull veprash t\u00eb mira, duke treguar n\u00eb m\u00ebsim past\u00ebrti, dinjitet, paprishshm\u00ebri,\n2:7 nj\u00eb e folur e sh\u00ebndosh\u00eb e t\u00eb paqortueshme, q\u00eb kund\u00ebrshtari t\u00eb turp\u00ebrohet e t\u00eb mos ket\u00eb t\u00eb flas\u00eb asgj\u00eb t\u00eb keqe p\u00ebr ju.\n2:8 Sh\u00ebrb\u00ebtor\u00ebt t'u binden zot\u00ebrinjve t\u00eb tyre, t\u00eb mundohen t'i k\u00ebnaqin n\u00eb t\u00eb gjitha gj\u00ebrat, t\u00eb mos i kund\u00ebrshtojn\u00eb me fjal\u00eb,\n2:9 t\u00eb mos p\u00ebrvet\u00ebsojn\u00eb gj\u00ebn\u00eb e huaj, por t\u00eb tregojn\u00eb nj\u00eb besnik\u00ebri t\u00eb plot\u00eb, q\u00eb n\u00eb \u00e7do gj\u00eb t\u00eb nderojn\u00eb m\u00ebsimin e Per\u00ebndis\u00eb, Shp\u00ebtimtarit ton\u00eb.\n2:10 Sepse hiri shp\u00ebtues i Per\u00ebndis\u00eb iu shfaq gjith\u00eb njer\u00ebzve,\n2:11 dhe na m\u00ebson t\u00eb mohojm\u00eb pabesin\u00eb dhe lakmit\u00eb e bot\u00ebs, sepse ne rrojm\u00eb me urt\u00ebsi, me drejt\u00ebsi dhe me per\u00ebndishm\u00ebri n\u00eb k\u00ebt\u00eb jet\u00eb,\n2:12 duke pritur shpres\u00ebn e lume dhe t\u00eb shfaqurit e lavdis\u00eb t\u00eb t\u00eb madhit Per\u00ebndi dhe t\u00eb Shp\u00ebtimtarit ton\u00eb Jezu Krisht,\n2:13 i cili e dha veten p\u00ebr ne, p\u00ebr t\u00eb na shpenguar nga \u00e7do paudh\u00ebsi dhe p\u00ebr t\u00eb pastruar p\u00ebr vete nj\u00eb popull t\u00eb ve\u00e7ant\u00eb, t\u00eb zellsh\u00ebm n\u00eb vepra t\u00eb mira.\n2:14 M\u00ebsoju k\u00ebto gj\u00ebra, k\u00ebshillo dhe qorto me \u00e7do pushtet! Askush mos t\u00eb p\u00ebr\u00e7moft\u00eb.\n2:15 U kujto atyre q\u00eb t'u n\u00ebnshtrohen pushtetar\u00ebve dhe autoriteteve, t\u00eb jen\u00eb t\u00eb bindur, gati p\u00ebr \u00e7do vep\u00ebr t\u00eb mir\u00eb,\n3:1 t\u00eb mos flasin keq p\u00ebr asnjeri, t\u00eb jen\u00eb paq\u00ebsor\u00eb dhe t\u00eb but\u00eb, duke treguar mir\u00ebsjellje t\u00eb madhe kundrejt t\u00eb gjith\u00eb njer\u00ebzve.\n3:2 Sepse edhe ne dikur ishim t\u00eb pamend\u00eb, rebel\u00eb, endacak\u00eb, rob\u00ebr t\u00eb lakmive t\u00eb ndryshme dhe t\u00eb qejfeve, duke jetuar n\u00eb lig\u00ebsi dhe n\u00eb smir\u00eb, t\u00eb urryer dhe duke e urryer njeri tjetrin.\n3:3 Po kur u shfaq mir\u00ebsia e Per\u00ebndis\u00eb, Shp\u00ebtimtarit ton\u00eb, dhe dashuria e tij p\u00ebr njer\u00ebzit,\n3:4 ai na shp\u00ebtoi jo me an\u00eb t\u00eb veprave t\u00eb drejta q\u00eb ne b\u00ebm\u00eb, por sipas m\u00ebshir\u00ebs s\u00eb tij, me an\u00eb t\u00eb larjes s\u00eb rilindjes dhe t\u00eb rip\u00ebrt\u00ebritjes s\u00eb Frym\u00ebs s\u00eb Shenjt\u00eb,\n3:5 t\u00eb cil\u00ebn e derdhi me mbush\u00eblli mbi ne, me an\u00eb t\u00eb Jezu Krishtit, shp\u00ebtimtarit ton\u00eb,\n3:6 q\u00eb ne, t\u00eb shfaj\u00ebsuar me an\u00eb t\u00eb hirit t\u00eb tij, t\u00eb b\u00ebhemi trash\u00ebgimtar\u00eb t\u00eb jet\u00ebs s\u00eb p\u00ebrjetshme, sipas shpres\u00ebs q\u00eb kemi.\n3:7 Kjo fjal\u00eb \u00ebsht\u00eb e sigurt, dhe dua q\u00eb ti t\u00eb pohosh me forc\u00eb k\u00ebto gj\u00ebra, q\u00eb ata q\u00eb kan\u00eb besuar n\u00eb Per\u00ebndin\u00eb t\u00eb kujdesen p\u00ebr t\u00eb kryer vepra t\u00eb mira. K\u00ebto gj\u00ebra jan\u00eb t\u00eb mira dhe t\u00eb dobishme p\u00ebr njer\u00ebzit.\n3:8 Por ti shmangu nga diskutimet e ma-rra, nga gjenealogjit\u00eb, nga grindjet dhe debatet rreth ligjit, sepse jan\u00eb t\u00eb padobishme dhe t\u00eb kota.\n3:9 Shmangu nga njeriu sektar, mbasi ta kesh qortuar nj\u00eb her\u00eb e dy her\u00eb,\n3:10 duke ditur se nj\u00eb i till\u00eb \u00ebsht\u00eb \u00e7oroditur dhe m\u00ebkaton, duke d\u00ebnuar vetveten.\n3:11 Kur t\u00eb d\u00ebrgoj Arteman ose Tikikun, b\u00ebj \u00e7mos p\u00ebr t\u00eb ardhur tek un\u00eb n\u00eb Nikopoli, sepse vendosa ta kaloj dimrin aty.\n3:12 P\u00ebrcilli me kujdes p\u00ebr udh\u00ebtim Zen\u00ebn, juristin e ligjit, dhe Apolonin, q\u00eb t\u00eb mos u mungoj\u00eb gj\u00eb.\n3:13 Edhe le t\u00eb m\u00ebsojn\u00eb edhe tan\u00ebt t'u kushtohen veprave t\u00eb mira p\u00ebr nevojat e ngutshme, q\u00eb t\u00eb mos jen\u00eb t\u00eb pafrytsh\u00ebm.\n3:14 T\u00eb gjith\u00eb ata q\u00eb jan\u00eb me mua t\u00eb bejn\u00eb t\u00eb fala. P\u00ebrsh\u00ebndeti ata q\u00eb na duan n\u00eb besim. Hiri qoft\u00eb me ju t\u00eb gjith\u00eb. Amen.\n3:15 Pali, i burgosuri i Jezu Krishtit, dhe v\u00eblla Timoteu, Filemonit t\u00eb dashur dhe bashk\u00ebpun\u00ebtorit ton\u00eb,","title":"Albanian Bible: Titus","type":"page"}