{"collection":"Bible & Christianity","html_url":"https://unchartedknowledge.5gfusion.net/browse/bib/wb/cmr/joh.htm","path":"bib/wb/cmr/joh.htm","source_url":"https://sacred-texts.com/bib/wb/cmr/joh.htm","text":"1:1 Y tutujon\u00f1a gaegue y Finijo, ya y Finijo g\u00fciya yan si Yuus; ya y Finijo g\u00fciya si Yuus.\n1:2 G\u00fciya gaegue gui tutujon\u00f1a yan si Yuus.\n1:3 Todo y g\u00fcinaja sija manmafatinas pot g\u00fciya; yaguin ti pot g\u00fciya, taya ni esta mafatinas, nu y gaegue gui finatinas sija.\n1:4 Y lin\u00e2l\u00e2 gaegue guiya g\u00fciya, ya y lin\u00e2l\u00e2, g\u00fciya y candet y taotao sija.\n1:5 Ya y candet gui jalom jomjom maniina, ya y jemjom ti matungo.\n1:6 Y un taotao ni manafato guine as Yuus, y naan\u00f1a si Juan.\n1:7 G\u00fciya mamaela para testimonio, para ufannae testimonio nu y candet, para ufanmanjonggue todo y taotao pot g\u00fciya.\n1:8 G\u00fciya ti y candet, lao mamaela para ufannae testimonio nu y candet.\n1:9 Ayo y magajet na candet ni maniina y todo taotao, na mamamaela g\u00fcine gui tano.\n1:10 G\u00fciya gaegue gui tano, ya y tano mafatinas pot g\u00fciya, ya y tano ti matungo g\u00fce.\n1:11 G\u00fciya mato gui iyo\u00f1a ya iyo\u00f1a ti marisibe g\u00fce.\n1:12 Lao todo y rumesibe g\u00fce, g\u00fciya janae ninasi\u00f1an\u00f1ija para ufamaguon Yuus; junggan, para todo ni y jumonggue y naan\u00f1a.\n1:13 Sija manmalilis ti guinin y j\u00e2g\u00e2, ya ti guinin y minagof y catne, ya ti guinin minagof y taotao, lao guinin as Yuus.\n1:14 Ya ayo na Finijo mamacatne ya sumaga guiya jita (ya talie y minalag\u00f1a, ayo na minalag taeg\u00fcije y linilisja gui tata), bula y grasia yan y minagajet.\n1:15 Si Juan manae testimonio nu g\u00fciya ya umagang ya ileg\u00f1a: G\u00fciya ayo y jusasangan: y mamaela gui tateco, g\u00fciya dangculo\u00f1a qui guajo, sa g\u00fciya finenena qui guajo.\n1:16 Gui binila\u00f1a manma\u00f1ulijit todo, yan y grasia pot y grasia.\n1:17 Sa y tinago sija pot si Moises esta manae, lao y grasia yan y minagajet, pot si Jesucristo namanmato.\n1:18 Si Yuus, taya taotao lumie, taya na tiempo, ayo na Laji\u00f1a, y linilisja, na gaegue san jalom y pechon tata, g\u00fciya jafanue jit nu g\u00fciya.\n1:19 Ya este y testimonien Juan, anae y Judio sija manafanmato nu y mamale yan Lebita sija, guine Jerusalem, ni manmafasen: Jago, jaye jao?\n1:20 G\u00fciya jaconfesat\u00f1aejon ya ti japune, lao jaconfesat\u00f1aejon, ileg\u00f1a: Guajo ti Jesucristo yo.\n1:21 Ya mafaesen: Jafa nae? Jago si Elias? Ya ileg\u00f1a: Ti guajo yo. Jago ayo na profeta? Ya manope: Aje.\n1:22 Enaomina ileg\u00f1ija nu g\u00fciya: Jaye jao? para si\u00f1ajam infanmanope ni y tumago jam. Jafa ilelegmo nu jago namaesa?\n1:23 Yleg\u00f1a: Guajo inagang yo nu y umaagang gui desierto; natunas y chalan se\u00f1ot, taeg\u00fcije ileg\u00f1a si Esaias profeta.\n1:24 Ya ayo sija ni namanmato ni y guinin Fariseo sija.\n1:25 Ya mafafaesen g\u00fce ya ileg\u00f1ija nu g\u00fciya: Sajafa na managpangejao, yaguin ti jago si Jesucristo, ni si Elias, ni y ayo na profeta?\n1:26 Si Juan manope ileleg\u00f1a: Guajo managpagpange an janom; mas y entalo miyo, guaja uno na ti intingo.\n1:27 Este uje y mamaela gui tateco, y mas dangculo qui guajo, ya guajo ti dignoyo na jupula ni y coreas y sapatos\u00f1a.\n1:28 Este sija finatinas guiya Betania y otra banda gui Jordan, anae managpagpange si Juan.\n1:29 \u00b6 Y siguiente na jaane jalie si Juan si Jesus na mamaela para iya g\u00fciya ya ileg\u00f1a: Estag\u00fce y corderon Yuus na janajanao y isao gui tano.\n1:30 Este yuje ileo, na y tateco mamamaela un laje y dangculo\u00f1a qui guajo, sa g\u00fciya finenena qui guajo.\n1:31 Ya guajo ti jutungo; lao para umafanue y Israel nu g\u00fciya, enao mina mato yo yan managpagpange yo an janom.\n1:32 Si Juan manae testiomonio ileg\u00f1a: Julie y Espiritu ni tumutunog guinin y langet, taeg\u00fcije y paluma ya sumaga gui jilo\u00f1a.\n1:33 Ya guajo ti jutungo g\u00fce, lao y munamamaela yo para ufanagpange an janom, ayo sumangane yo: Sobre ayo na unlie na tumunog y Espiritu ya sumaga guiya g\u00fciya, este uje y managpagpange ni Espiritu Santo.\n1:34 Ya guajo julie ya manae yo testimonio nu y g\u00fciya y Lajin Yuus.\n1:35 \u00b6 Y siguiente na jaane tumalo manmatojgue si Juan yan dos gui disipulu\u00f1a.\n1:36 \u00b6 Ya Jaatan si Jesus ni mamomocat g\u00fcije, ya ileg\u00f1a: Estag\u00fce y Corderon Yuus.\n1:37 Ya majungog ni dos na disipulu\u00f1a comequentos\u00f1a yan madalalag si Jesus.\n1:38 Ya jabira g\u00fce si Jesus ya jalie na madadalalag g\u00fce nu sija ya ileg\u00f1a nu sija: Jafa inaliligao? Ya sija ileg\u00f1ija: Rabi (este finijo comequeileg\u00f1a, gui chamorro, Maestro) manu sagamo?\n1:39 Yleg\u00f1a: mamaela ya unlie. Manmamaela ya jalie manu nae sumaga ya ma\u00f1agaja yan g\u00fciya, g\u00fcije na jaane, sa jijut y ora y mina dies.\n1:40 Si Andres y chelun Simon Pedro, g\u00fciya uno gui dos y jumungog umadingan an Juan, yan madalalag g\u00fce.\n1:41 G\u00fciya jasoda finena y chelu\u00f1a as Simon, ya ileg\u00f1a nu g\u00fciya: Tasoda y Mesias (ni y cumequeileg\u00f1a: g\u00fciya si Cristo).\n1:42 Ya macone guato as Jesus; anae inatan as Jesus ileg\u00f1a: Jago Simon, patgon Jonas: jago mafanaan Sefas (cumequeileg\u00f1a: acho).\n1:43 Y siguiente na jaane, malago si Jesus malag Galilea, ya jasoda si Felipe, taotao Betsaida, gui siudan Andres yan Pedro.\n1:45 Si Felipe jasoda si Nataniel ya ileg\u00f1a nu g\u00fciya: Esta tasoda ayo y jatugue si Moises gui tinago yan y profeta, Jesus, taotao Nasaret y patgon Jos\u00e9.\n1:46 Ya ileg\u00f1a si Nataniel: Guinin Nasaret si\u00f1a jumuyong minauleg? Yleg\u00f1a si Felipe: maela ya unlie.\n1:47 Si Jesus jalie mamaela para iya g\u00fciya, si Nataniel, ya ileg\u00f1a nu g\u00fciya: Estag\u00fce senmagajet iyon Israel, na taya finababa guiya g\u00fciya.\n1:48 Yleg\u00f1a nu g\u00fciya si Nataniel: Guine manu na untungo yo? Manope si Jesus ya ileg\u00f1a nu g\u00fciya: Antes di si Felipe uninagang, na gaegue jao gui papa y ygos, guajo julie jao.\n1:49 Manope si Nataniel ya ileg\u00f1a: Rabi, jago uje y lajin Yuus, jago uje y ray guiya Israel.\n1:50 Manope si Jesus ya ileg\u00f1a nu g\u00fciya: Sa jusangane jao, na julie jao gui papa y ygos, ya unjonggue? Jago unlie mandangculo\u00f1a na g\u00fcinaja qui este.\n1:51 Yleg\u00f1a nu g\u00fciya: Magajet ya magajet jusangane jao, y mamaela na tiempo nae unlie y langet mababa ya y angjet sija guine as Yuus mangajujulo yan manututunog gui jilo y Lajin taotao.\n2:1 Y mina tres na jaane, mafatinas y guipot umasagua, gui Cana, siudan Galilea, ya y nana\u00f1a si Jesus gaegue g\u00fcije.\n2:2 Ya si Jesus yan y disipulu\u00f1a maagange locue para y guipot umasagua.\n2:3 Anae taya y bino, y nana\u00f1a si Jesus ileg\u00f1a nu g\u00fciya: Taya bino\u00f1ija.\n2:4 Ya ileg\u00f1a nu g\u00fciya si Jesus: Pot jafayo na juentalo nu jago, palaoan? trabia ti mafato y orajo.\n2:5 Si nana\u00f1a ileg\u00f1a ni manma\u00f1e\u00f1etbe: Fatinas todo y tinago\u00f1a.\n2:6 Y estaba g\u00fcije saes lauyan acho, parejoja yan y guinasgas\u00f1ija y Judios, na manulat, cada uno, dos pat tres cantaro.\n2:7 Yleg\u00f1a si Jesus nu sija: Nafanbula este sija lauyan janom. Ya manafanbula asta y pachot.\n2:8 Ya ileg\u00f1a nu sija: Chile pago ya innae y maestrosala; ya machule.\n2:9 Ya anae y maestrosala jachague y janom na mafatimas bino, ya ti jatungo guine mano: (lao y manma\u00f1e\u00f1etbe tumungo, na jachule y janom), y maestrosala jaagange y nobio;\n2:10 Ya ileg\u00f1a nu g\u00fciya: Todo y taotao janafofona y mauleg na bino; ya yaguin esta manjaspog, ayo nae y mas manaelaye: lao jago unnanana y mauleg na bino asta pago.\n2:11 Este na tutujon y se\u00f1at\u00f1a sija, jafatinas si Jesus, guiya Cana suidan Galilea, ya janamatungo y minalag\u00f1a; ya y disipulu\u00f1a sija majonggue g\u00fce.\n2:12 Despues di este tumunog guiya Capernaum, g\u00fciya yan y ma\u00f1elu\u00f1a yan y disipulu\u00f1a sija, ya ma\u00f1aga g\u00fcije ti megae na jaane.\n2:13 \u00b6 Y estaba g\u00fcije jijot y pascuan y Judios, ya si Jesus cajulo guiya Jerusalem.\n2:14 Ya jasoda gui guimayuus manmanbebende y nubiyo yan y quinilo, yan y paluma, yan y manmanulalaeca manmatatachong:\n2:15 Ya ma\u00f1aolag ni tale, ya janafanmalago todo gui guimayuus, yan y quinilo, yan y nubiyo; yan y machapon y salape y manmanulalaeca, yan manaalinquin y lamasa,\n2:16 Ya ileg\u00f1a ni manmanbebende ni paluma: Nafanjanao g\u00fcine este sija na g\u00fcinaja, ya chamiyo fumatitinas y guima tata, guima namajan.\n2:17 Entonses manmanjaso y disipulu\u00f1a ni estaba matugue: Ynigo y guimamo cumano yo.\n2:18 \u00b6 Y Judio sija manmanope ya ileg\u00f1ija; Jafa na se\u00f1at unfanuejam taeg\u00fcije ayo, sa jago unfatinas este sija na g\u00fcinaja?\n2:19 Si Jesus manope ya ileg\u00f1a: Yulang este na gumayuus, ya y tres na jaane; junacajulo talo.\n2:20 Ayonae y Judio sija ileg\u00f1ija: Gui cuarentaisaes a\u00f1os manacajulo este na gumayuus, ya jago, gui tres na jaane, unacajulo?\n2:21 Lao g\u00fciya umadingan ni guima tataotao\u00f1a.\n2:22 Enao mina anae cajulo guine manmatae, y disipulu\u00f1a jajaso na munjayan jasangane este, ya manmanjonggue ni tinigue sija yan y sinangan ni jasangan si Jesus.\n2:23 \u00b6 Ya, g\u00fciya gaegue guiya Jerusalem gui pascua, y jaane ni guipot, ya megae manmanjonggue ni naan\u00f1a, anae malie sija y se\u00f1at\u00f1a sija ni jafatinas.\n2:24 Lao si Jesus namaesa, ti jaangoco g\u00fce guiya sija, sa g\u00fciya jatungo todo taotao,\n2:25 Ya taya nesesida na jaye unae testimonio ni taotao, sa g\u00fciya tumungo y guaja gui jalom taotao.\n3:1 YA guaja un taotao Fariseo na naan\u00f1a si Nicodemo, prinsipe y Judiosija.\n3:2 Este mato gui as Jesus gui puenge ya ilegna nu g\u00fciya: Rabi, jame intingo na jago maestro guine as Yuus, sa taya si\u00f1a fumatinas este sija na se\u00f1at, ni unfatitinas, yaguin ti sumisija yan Yuus.\n3:3 Ynepe as Jesus ya ileg\u00f1a nu g\u00fciya: Magajet ya magajet y jusangane jao, na y ti mafa\u00f1ago talo, ti si\u00f1a jalie y raenon Yuus.\n3:4 Yleg\u00f1a nu g\u00fciya si Nicodemo: Jafa muna si\u00f1a y taotao mafa\u00f1ago yaguin este biju; si\u00f1a g\u00fce jumalom dos biaje, talo gui jalom y tiyan nana\u00f1a ya umafa\u00f1ago?\n3:5 Ynepe as Jesus: Magajet ya magajet jusangane jao, na y ti mafa\u00f1ago ni janom yan ni iyon Espiritu, ti si\u00f1a jumalom gui raenon Yuus.\n3:6 Todo y mafa\u00f1ago ni guine catne, catneja g\u00fce; ya y mafa\u00f1ago guine Espiritu, espirituja g\u00fce.\n3:7 Chamo ninamamanman ni jusangane jao: Y nesesita jamyo na mafa\u00f1ago talo.\n3:8 Y manglo manguaefe mano malago\u00f1a, ya unjungog y bengbeng\u00f1a, lao ti untungo guine manu mague, ni tampoco para manu guato. Taeg\u00fcenao todo ayo y manmafa\u00f1ago guine Espiritu.\n3:9 Si Nicodemo manope ya ileg\u00f1a: Jafa muna si\u00f1a este?\n3:10 Ynepe as Jesus ya ileg\u00f1a nu g\u00fciya: Jago un maestro guiya Israel ya ti untungo este?\n3:11 Magajet ya magajet jusangane jao, Y tatungo, tasangan; ya y talie tadeclara, ya ti inresibe y testimoniota.\n3:12 Yaguin jusangane jao g\u00fcinajan tano, ya ti unjonggue, jafa taemano unjonggue yaguin jusangane jao g\u00fcinajan langet?\n3:13 Ya taya cajulo gui langet, g\u00fciyaja y tumunog guine y langet, g\u00fciya matungo, y Lajin taotao ni y gaegue gui langet,\n3:14 Ya jaf taemanoja si Moises janacajulo y serpiente gui desierto, taeg\u00fcijeja na nesesita na y Lajin taotao umanacajulo.\n3:15 Para todo ayo y jumonggue g\u00fce, ti si\u00f1a malingo, ya guaja lin\u00e2l\u00e2\u00f1a na taejinecog.\n3:16 \u00b6 Sa taeg\u00fcenao na jaguaeya si Yuus y tano, janae ni linilisja Laji\u00f1a y para todo ayo y jumonggue g\u00fce, ti si\u00f1a malingo, ya guaja lin\u00e2l\u00e2\u00f1a na taejinecog.\n3:17 Sa ti jatago si Yuus y Laji\u00f1a guato gui tano, para usapit y tano, lao para y tano unalibre pot g\u00fciya.\n3:18 Y jumonggue g\u00fce, ti umasapit; ayo y ti jumonggue g\u00fce ayo umasapit, sa ti manjonggue ni naan unoja na Lajin Yuus.\n3:19 Ya este na sinapit, na y inina malag y tano, ya y taotao sija gaon\u00f1ija y jemjom qui y inina, sa y finatinas\u00f1ija taelaye.\n3:20 Sa todo ayo y fumatinas y taelaye, chatlie y inina, ya ti malag y inina, sa y checho\u00f1a no sea umareprende.\n3:21 Ayo y fumatinas y magajet, malag y inina, para y unamatungo finatinas\u00f1a, sa y finatinas\u00f1a guine as Yuus.\n3:22 \u00b6 Despues di estesija, mato si Jesus yan y disipulu\u00f1a sija, gui un tano Judea ya gaegue g\u00fcije yan sija managpange.\n3:23 Managpapange locue si Juan, guiya Enon, jijot guiya Salim, sa gaegue g\u00fcije megae na janom: ya sija manmamaela, ya manmatagpange.\n3:24 Sa si Juan trabia ti mapopolo gui catset.\n3:25 Ya guaja un inaguaguat entre sija yan y disipulon Juan yan y Judio sija pot y guinasgas.\n3:26 Ya manmato gui as Juan, ya ileg\u00f1ija nu g\u00fciya: Rabi, ayo y gaegue g\u00fcije guinin iya jago, gui otro banda Jordan ni unnae testimonio, estag\u00fce! na jatagpange, yan y todo y taotao manmato guiya g\u00fciya.\n3:27 Manope si Juan ileg\u00f1a: Ti si\u00f1a y taotao manresibe jafa, yaguin ti manae guine y langet.\n3:28 Jamyoja innae testimonio na guinin jusangan: Ti guajo si Jesucristo, lao guajo matago gui mena\u00f1a.\n3:29 Ya guaja asagua\u00f1a, g\u00fciya y nobio locue; lao amigon nobio, ni y tomotojgue ya jajujungogja, ya magof dangculo pot y sinangan y nobio. Taeg\u00fcine pues este minagofjo esta macumple.\n3:30 G\u00fciya siempre, lum\u00e1lamodong; ya guajo manaladiquique.\n3:31 \u00b6 Y guinin jila mague, g\u00fciya mas taquilo qui todo; ya y iyon y tano, tanoja g\u00fce, ya iyon y tanoja jasasangan; ya y mamaela guine langet, g\u00fciya iyajululo.\n3:32 Tanae testimonio, nu y lumie ya jajungog, ya taya rumesibe y testimonio\u00f1a.\n3:33 Ya y rumesibe y testimonio\u00f1a, este sumeyo na si Yuus, g\u00fciya magajet.\n3:34 Sa y tinago as Yuus, y fino Yuus jasangan; sa si Yuus ti mannanae g\u00fce ni y Espiritu pot medida.\n3:35 Sa y tata ya\u00f1a y Laji\u00f1a ya todo y g\u00fcinaja japolo gui canae\u00f1a.\n3:36 Y jumonggue y Laji\u00f1a guaja taejinecog na lin\u00e2l\u00e2; ya ayo y ti manjonggue y Laji\u00f1a, ti ulie lin\u00e2l\u00e2, lao y binibon Yuus gaegue gui jilo\u00f1a.\n4:1 ANAE y Se\u00f1ot jatungo, na Fariseo sija manmanjungog, na si Jesus jafatinas disipulu\u00f1a ya jatagpange megae\u00f1a qui si Juan.\n4:2 (Achogja ti si Jesus namaesa matagpange, lao y disipulu\u00f1aja),\n4:3 Jadingo guiya Judea, ya mapos talo malag Galilea.\n4:4 Ya janesesita na umalofan inanaco Samaria.\n4:5 Mato pues gui un siudan Samaria, na mafanaan Sicar, jijot gui fangualuan na si Jacob janae si Jos\u00e9, lagi\u00f1a.\n4:6 Ya gaegue g\u00fcine y tipo Jacob. Enaomina si Jesus, sa yayas g\u00fce guinin y chalan, matachong gui oriyan y tipo. G\u00fcenao na ora cana a las saes.\n4:7 Mato un palaoan Samaria para ufanlupog janom; ya si Jesus ileg\u00f1a nu g\u00fciya: Naeyo ya juguinem.\n4:8 Sa y disipulu\u00f1a manmapos para y siuda, para ufanmamajan nengcano.\n4:9 Yleg\u00f1a nu g\u00fciya y palaoan Samaria: Jaftaemano na jago y Judio jao, ya untagojit najunaguinemjao, ya guajo palaoan Samaria? (Sa y Judio sija ti manatungo yan y taotao Samaria).\n4:10 Manope si Jesus, ya ileg\u00f1a nu g\u00fciya: Yaguin untungo y ninae\u00f1a si Yuus yan jaye g\u00fce y sumangane jao, naeyo ya juguinem: jago ungagao g\u00fce ya g\u00fciya unninae janom lal\u00e2l\u00e2.\n4:11 Ya y palaoan ileg\u00f1a nu g\u00fciya: Se\u00f1ot, taya si\u00f1a unlupog, sa y tipo tadong: amano pues nae guaja jao ni y janom lal\u00e2l\u00e2.\n4:12 Ada dangculo\u00f1a jao qui y tatanmame as Jacob, ni y numaejam nu este na tupo, ya g\u00fciya gumiguinem yan famaguon\u00f1a, yan y ga\u00f1a g\u00e2g\u00e2 sija?\n4:13 Manope si Jesus, ya ileg\u00f1a nu g\u00fciya: Jaye y guminem nu este na janom, g\u00fciya umajo talo.\n4:14 Lao ayo y guminem uje na janom y junae g\u00fce, para todo y tiempo ti umajo; ya ayo na janom y guajo junae g\u00fce, g\u00fciya y janom tupo, ni jumuyong para lin\u00e2l\u00e2 na taejinecog.\n4:15 Yleg\u00f1a nu g\u00fciya y palaoan: Se\u00f1ot, naeyo nu este na janom para ti si\u00f1ayo majo, ni jutalo mague para jufanlupog.\n4:16 Si Jesus ileg\u00f1a nu g\u00fciya: Janao agange y asaguamo, ya unmamaela g\u00fcine mague.\n4:17 Manope y palaoan ya ileg\u00f1a nu g\u00fciya: Taya asaguajo. Yleg\u00f1a nu g\u00fciya si Jesus: Mauleg sinanganmo na ilegmo. Taya asaguajo.\n4:18 Sa sinco jagas asaguamo; ya pago y gaegue guiya jago, ti g\u00fciya y asaguamo: este unsangan pot minagajet.\n4:19 Ya ileg\u00f1a nu g\u00fciya y palaoan: Se\u00f1ot, pineloco nu jago, profeta jao.\n4:20 Y tatanmame manmanadodora g\u00fcine gui jalomtano, ya jamyo ilegmiyo, na iya Jerusalem, ayo na lugat, siempre nae umafatinas y adorasion.\n4:21 Yleg\u00f1a nu g\u00fciya si Jesus: Palaoan, jonggue yo sa ufato y ora, na ti este na jalomtano, ni iya Jerusalem, inadora jamyo si Yuus Tata.\n4:22 Jamyo inadora ti intingo. Jame inadora y tiningomame, sa y satbasion y Judio sija g\u00fciya.\n4:23 Lao y jaane umamaela, ya g\u00fciya g\u00fce pago, nae y magajet na manmanadododora, uje adodora si Yuus Tata gui espiritu yan y minagajet; sa si Yuus Tata, locue jaaliligao ayo sija y umadodora g\u00fce.\n4:24 Si Yuus, g\u00fciya Espiritu, ya y umadora g\u00fce, siempre jaadora g\u00fce y espiritu yan y minagajet.\n4:25 Yleg\u00f1a nu g\u00fciya y palaoan: Guajo jutungo na y Mesias umamaela (ayo y naan\u00f1a si Cristo); yaguin mato g\u00fce, g\u00fciya ufanag\u00fcejit todo.\n4:26 Yleg\u00f1a nu g\u00fciya si Jesus: Guajoyo, ni umadingangane jao.\n4:27 \u00b6 Ya pot este manmato y disipulu\u00f1a ya ninafanmanman pot y umadingan yan y palaoan: ya ni uno si\u00f1a umalog: Jafa finaesesenmo? pat, pot jafa uncuentutuse g\u00fce?\n4:28 Taeg\u00fcenao y palaoan japolo y batde\u00f1a, ya mapos malag y siuda, jasangane y taotao sija ya ileg\u00f1a:\n4:29 Fanmamaela ya inlie un taotao ni sumangane yo todo y finatinaso! G\u00fciya buente si Cristo?\n4:30 Manmapos gui siuda, ya manmalag as Jesus.\n4:31 Ayo na tiempo magagagao g\u00fce ni disipulo sija, ileg\u00f1ija: Rabi, chocho!\n4:32 Ya g\u00fciya ileg\u00f1a na sija: Guaja najo nengcano na jamyo ti intingo.\n4:33 Enaomina y disipulo sija ileg\u00f1ija entre sija: Buente guaja chumulilie na\u00f1a?\n4:34 Si Jesus ileg\u00f1a nu sija: Y nengcanojo y jufatinas y minalago ayo y tumago yo, ya magpo checho\u00f1a.\n4:35 Ya ti ilegmiyo: Guaja trabia cuatro na meses nae ufato y quineco? Estag\u00fce na jusangane jamyo: Fanalagquilo y matanmiyo ya inatan y fangualuan sija, sa esta manapaca para quineco.\n4:36 Ya y mangoco uresibe y apas\u00f1a, ya uchule y tinegcha para taejinecog na lin\u00e2l\u00e2; para ayo y mangoco, ya ayo y manananom manda\u00f1a gui minagof.\n4:37 Ya pot este macumple y sinangan: uno manananom ya y otro mangongoco.\n4:38 Guajo jamyo tumago para infanmangoco ya ti jamyo chumog\u00fce; otro manmachocho ya jamyo manjalom gui checho\u00f1ija.\n4:39 \u00b6 Ya megae na taotao Samaria, taotao g\u00fcije na siuda, manmanjonggue nu g\u00fciya pot y sinangan y palaoan, sa manae testimonio na ileg\u00f1a: Jasangane yo todo ni y finatinasjo.\n4:40 Enao mina anae y taotao Samaria manmato guiya g\u00fciya, magagao na usaga ya ufanda\u00f1a; ya g\u00fciya sumaga g\u00fcije dos na jaane.\n4:41 Ya y manmanjonggue nu g\u00fciya gofmegae pot y sinangan\u00f1a.\n4:42 Ya ileg\u00f1ija nu y palaoan: Pago ti pot y finomo na injenggue; sa jame mismo injingog g\u00fce, ya intingo na este, g\u00fciya y magajet na Salvadot y tano.\n4:43 \u00b6 Ya depues di dos na jaane, jumanao g\u00fcije ya malag Galilea.\n4:44 Potjafa na si Jesus mismo manae testimonio, na y profeta gui tano\u00f1a taya onra\u00f1a.\n4:45 Ya pot este anae malag Galilea, y taotao Galilea maresibe g\u00fce sa malie todo y finatinas\u00f1a guiya Jerusalem, na jafatinas gui tiempo y guipot; sa sija locue manmalag y guipot.\n4:46 \u00b6 Mato, otro biaje, si Jesus, guiya Cana siuda guiya Galilea, nae y jafatinas bino y janom: ya guaja g\u00fcije un magalaje na y laji\u00f1a malango guiya Capernaum.\n4:47 Ya anae jajungog na si Jesus, jumanao gui Juda ya tumunog para Galilea, mapos g\u00fce malag as Jesus, ya jagagao na utunog guiya Capernaum, ya uamte y laji\u00f1a, sa esta cumequematae.\n4:48 Enao mina si Jesus ileg\u00f1a nu g\u00fciya: Yaguin ti inlie se\u00f1at sija, yan y ninamanman sija, ti injenggue.\n4:49 Ya ileg\u00f1a y magalage nu g\u00fciya: Se\u00f1ot, tunog lasajyao, antes qui umatae y lajijo!\n4:50 Yleg\u00f1a si Jesus nu g\u00fciya: Janao, sa y lajimo l\u00e2l\u00e2! Jajonggue y taotao y sinangan Jesus ni y sinangane g\u00fce, ya mapos.\n4:51 Ya anae g\u00fciya tumutunog, y familia\u00f1a matagam g\u00fce ya masangane na ileg\u00f1ija, Na y lajimo l\u00e2l\u00e2!\n4:52 Mamaesen jafa na ora y laji\u00f1a na mumauleg, ya ileg\u00f1ija: Nigap gui las siete na ora pinelo ni calentura\u00f1a.\n4:53 Jatungo y tata\u00f1a enao na ora nae sinangane g\u00fce as Jesus, Y lajimo l\u00e2l\u00e2; ya g\u00fciya namaesa jajonggue yan todo y familia\u00f1a!\n4:54 Este y mina dos na se\u00f1at, na jafatinas si Jesus, anae jinanao\u00f1a guiya Judea, para Galilea.\n5:1 DESPUES di manmalofan este sija, guaja gupot y Judio sija ya si Jesus cajulo guiya Jerusalem.\n5:2 Ya iya Jerusalem, jijot gui petta quinilo sija, guaja un tangque janom na mafananaan gui fino Hebreo, Betesda, na guaja sinco potta.\n5:3 Ya manestaba g\u00fcije megagae na manmalango: bachet, mangojo, yan mansogsog.\n5:5 Ya gaegue g\u00fcije un taotao na esta malofan treinta y ocho a\u00f1os na malango.\n5:6 Linie as Jesus na umaason, ya anae jatungo na amam na tiempo, ileg\u00f1a nu g\u00fciya: Malago jao na umagong?\n5:7 Ynepe g\u00fce ni y malango: Se\u00f1ot, taya jaye yo unninajalom gui tangque y tiempo nae y janom sigue ni calalamten, ya anae jumajanaoyo, otro tumunog antes qui guajo.\n5:8 Sinanangane as Jesus: Cajulojao, jatsa y camamo ya unjanao!\n5:9 Ya enseguidas magong y chetnot ayo na taotao, ya jajatsa y cama\u00f1a ya mapos. Lao ayo na jaane sabado.\n5:10 \u00b6 Yleg\u00f1ija y Judio sija nu y manamagong: Sabado, este na jaane, ti tunas unchule y camamo!\n5:11 Manope g\u00fce: Ayo y munamagong yo, g\u00fciya namaesa sumangane yo: jatsa y camamo ya unjanao.\n5:12 Entonses mafaesen g\u00fce: Jaye enao na taotao y sumangane jao, na unjatsa y camamo yan unjanao?\n5:13 Ayo y guinin minamagong g\u00fce, ti jatungo jaye; sa si Jesus esta mapos, sa gaegue g\u00fcije na lugat, un linajyan taotao.\n5:14 Sineda g\u00fce despues as Jesus, gui templo, ya ileg\u00f1a: Estag\u00fce esta magong jao; chamo umiisao talo no sea na taelaye\u00f1a qui este ufato guiya jago.\n5:15 Ayo na taotao mapos, ya jasangane Judio sija na si Jesus ninamagong y chetnot\u00f1a.\n5:16 Ya pot este na rason, y Judio sija madulalag si Jesus, sa y jafatinas este na g\u00fcinaja gui sabado na jaane.\n5:17 Entonses si Jesus maninepe: Si tatajo jafatitinas asta pago, yan guajo locue jufatitinas.\n5:18 Ya pot este na rason y Judio sija japrocura mas dangculo para ujapuno, say ti janainaleja y sabado na jaane, lao pot y jasangan locue na si Yuus g\u00fciya y tata\u00f1a; jafatitinas g\u00fciyaja parejo yan si Yuus.\n5:19 \u00b6 Entonses si Jesus manope ileg\u00f1a nu sija: Magajet ya magajet jusangane jamyo: Ti si\u00f1a y Laji\u00f1a jafatinas jafa pot g\u00fciya namaesa, lao jafa y jalie finatinas y tata; sa todo y finatinas\u00f1a, taemanoja y Laji\u00f1a locue fumatinas.\n5:20 Sa y Tata ya\u00f1a y Laji\u00f1a ya jafanue nu g\u00fciya todo ni jafatitinas; ya jafanue nu g\u00fciya y checho ni mandangculo, ya jamyo unfanmanman.\n5:21 Sa taeg\u00fcenao si Tata janafangajulo y manmatae ya jananae lin\u00e2l\u00e2\u00f1ija, taeg\u00fcije locue y Laji\u00f1a janae y lin\u00e2l\u00e2, jaye malago\u00f1a.\n5:22 Sa y Tata taya jaye jajujusga, lao todo y juisio, janae y Laji\u00f1a.\n5:23 Para todo ufanmanonra ni Laji\u00f1a jaf taemanoja jaonra y Tata. Ya y ti umonra y Laji\u00f1a, ti jaonra si Tata ni tumago g\u00fce.\n5:24 Magajet ya magajet jusangane jamyo: Y jumungog y sinanganjo, ya jumonggue ayo y tumago yo, guaja lin\u00e2l\u00e2fia taejinecog; ya ti ufato gui sinapet; lao esta malofan guine y finatae para y lin\u00e2l\u00e2.\n5:25 Magajet ya magajet jusangane jamyo: Y ora mamamaela, ya pago esta; na y manmatae sija ujajungog y inagang Lajin Yuus; ya ayo sija y jumungog, ufanl\u00e2l\u00e2.\n5:26 Sa taeg\u00fcine y Tata guaja lin\u00e2l\u00e2fia guiya g\u00fciyaja; taeg\u00fcineja janae locue y Laji\u00f1a, para uguaja lin\u00e2l\u00e2\u00f1a guiya g\u00fciyaja:\n5:27 Ya janae locue ninasi\u00f1a\u00f1a para ufatinas juisio, sa g\u00fciya y Lajin taotao.\n5:28 Chamiyo ninafanmamanman ni este: sa y ora mamamaela, na todo ayo sija y mangaegue gui naftan, umajungog y inagang\u00f1a,\n5:29 Ya jumanao juyong; y fumatinas mauleg, ufanjuyong gui quinajulo para lin\u00e2l\u00e2; ya ayo sija y fumatinas taelaye, y quinajulo para sinapit.\n5:30 \u00b6 Ti si\u00f1a yo namaesa mamatinas jafa: taemanoja y jiningogco, ayoja jujusga, sa y juisioco tunas, sa ti jualiligao y minalagojo; lao y minalago y tata ni tumago yo.\n5:31 Yaguin mannae yo testimonio nu guajo namaesa, y testimoniojo ti magajet.\n5:32 Guaja otro na mannanae testimonio. nu guajo; ya guajo jutungo na y testimonio\u00f1a, ni y ninai\u00f1a pot guajo, magajet.\n5:33 Jamyo manmatago para as Juan, ya g\u00fciya mannae testimonio ni magajet;\n5:34 Lao y testimonio ni juresibe, ti guinin y taotao: lao jusangane estesija, para jamyo infanlibre.\n5:35 G\u00fciya y l\u00e1mpara ni masonggue ya maniina; ya jamyo infanmalago manmagof didide na tiempo gui candet\u00f1a.\n5:36 Ya y testimonio ni gaegue guiya guajo mas dangculo qui y gaegue gui as Juan; sa y finatinas ni y Tata numaeyo para umacumple, ayo na finatinas na guajo jufatinas; este jatestifica nu guajo, nu y Tata tumago yo.\n5:37 Si Tata locue ni y tumago yo, g\u00fciya namaesa mannae y testimonio nu guajo. Jamyo tat nae injingog bos\u00f1a, ni locue ti inlie jechura\u00f1a.\n5:38 Ya taya sinangan\u00f1a sumaga guiya jamyo; sa ti injenggue na g\u00fciya manago.\n5:39 Aligao y tinigue sija sa y jinasonmiyo iya g\u00fciya nae inguaja y lin\u00e2l\u00e2 na taejinecog; ya sija todo ufanmannae testimonio nu guajo,\n5:40 Ti manmalago jamyo manmamaela guiya guajo, para uguaja lin\u00e2l\u00e2.\n5:41 Ynenra y taotao sija, guajo ti juresibe.\n5:42 Lao guajo jutungo jamyo na taya y g\u00fcinaeyan Yuus ni y gaegueja guiya jamyo.\n5:43 Guajo mato yo pot y naan Tatajo, ya ti inresibe yo; yaguin otro mato pot y naan\u00f1a namaesa, ayo inresibe.\n5:44 Jafa muna si\u00f1a injenggue jamyo ni y rumesibe inenra uno sija yan otro, ya ti inaligao y inenraja na mato guine as Yuus na unoja?\n5:45 Ti injaso na jufaaela jamyo gui as Tata: ya y fumaaela jamyo si y Moises, ayo nae gaegue ininangganmiyo.\n5:46 Pues yaguin injenggue si y Moises, injenggue yo locue: sa iya guajo nae manugue si Moises.\n5:47 Lao yaguin tinigue\u00f1a sija ti injenggue, jafa muna injenggue y sinanganjo?\n6:1 DESPUES di manmalofan estesija, mapos si Jesus malag y otro banda y tasen Galilea, na ayo y tasen Tiberias.\n6:2 Ya madalalag g\u00fce ni y dangculo na linajyan taotao sa jalie sija y megaegae na se\u00f1at ni jafatinas gui manmalango.\n6:3 Ya cajulo si Jesus gui un ogso, ya matachong g\u00fcije yan y disipulu\u00f1a sija.\n6:4 Ya jijot y guipot pascua, guipot y Judio sija.\n6:5 Ya anae tumalag jilo si Jesus, jalie na guaja mamamaela para iya g\u00fciya, un linajyan na taotao, ileg\u00f1a as Felipe: Manu nae tafanmamajan pan para ufa\u00f1ocho este sija?\n6:6 Jasangan este para uchague g\u00fce; sa g\u00fciya tumungo jafa ufatinas.\n6:7 Manope si Felipe: Dosiento na denario na pan, ti ufannajong para cada uno guiya sija ufa\u00f1ule didide.\n6:8 Yleg\u00f1a nu g\u00fciya, uno gui disipulu\u00f1a sija, Andres, chelun Simon Pedro:\n6:9 Un patgon gaegue g\u00fcine na guaja sinco pan sebada yan dos g\u00fcijan na diquique: Lao jafa na estesija, gui entalo y este na minegae?\n6:10 Yleg\u00f1a si Jesus: Nafanason y taotao. Ya megae na chaguan gaegue g\u00fcije na lugat, ya manason y taotao, cana sinco mil na lalaje.\n6:11 Ya jachule si Jesus ayo sija na pan ya anae janae si Yuus grasias, jaipie todo ayo y manaason; taeg\u00fcijija locue ni y g\u00fcijan sija, jaf taemanoja y minalago\u00f1ija.\n6:12 Ya anae manjaspog ileg\u00f1a ni disipulu\u00f1a sija: Joca todo y dinidide ni y tetenjan, sa munga guaja malingo.\n6:13 Ya jajoca todo, ya janabula dose na canastran dangculo ni y dinidide, dinididin y sincoja na pan sebada, y tejnan ayo sija y ma\u00f1ocho.\n6:14 Ayo sija na taotao, anae jalie y se\u00f1at ni jafatinas si Jesus, ileg\u00f1ija: Este senmagajet na g\u00fciya y profeta ni para umamaela gui tano.\n6:15 \u00b6 Ayo na tiempo jatungo si Jesus, na ufanmamaela para umacone pot minetgot, ya jafatinas y ray, tumalo guato gui un jalomtano g\u00fcig\u00fciyaja namaesa.\n6:16 Anae esta pupuenge manunog y disipulu\u00f1a sija gui tase.\n6:17 Ya manjalom gui un sajyan, ya manchinichile ni tase para Capernaum. Ya pago jomjom, ya si Jesus ti manfinatotoe sija.\n6:18 Ya cajulo dangculo na napon pot rason un dangculo na manglo na manguaefe.\n6:19 Ya anae esta manmamogsae gui tase calang bente sinco pot trenta estadio, malie si Jesus na mamomocat gui jilo y tase ya lumalajijot guato gui sajyan: ya manmaa\u00f1ao sija.\n6:20 Lao g\u00fciya ileg\u00f1a nu sija: Guajoyo; chamiyo fanmaa\u00f1ao!\n6:21 Manmagof anae maresibe gui sajyan; ya ensiguidas mato y sajyan gui tano ni y jajananao g\u00fce.\n6:22 \u00b6 Y inagpa\u00f1a na jaane, y linajyan taotao ni gaegue gui otro bandan tase, jalilie na taya g\u00fcije mas na unoja na sajyan diquique, ya jatungo na si Jesus ti jumalom gui sajyan yan y disipulo\u00f1a sija, lao y disipulo\u00f1a sija esta manmapos sijaja;\n6:23 (Ya manmato sija y sajyan diquique guine Tiberias, jijot g\u00fcije na lugat anae ma\u00f1ocho ni pan, despues di y Se\u00f1ot janae si Yuus grasias.)\n6:24 Ya anae jalie y linajyan taotao sija na si Jesus taeg\u00fce g\u00fcije, ni y disipulu\u00f1a sija; manjalom sija locue gui sajyan diquique, ya manmapos para Capernaum, maaliligao si Jesus.\n6:25 Ya anae masoda gui otro bandan tase, ileg\u00f1ija nu g\u00fciya: Rabi Ngaean nae mato jao g\u00fcine?\n6:26 Maninepe as Jesus ileg\u00f1a: Magajet ya magajet jusangane jamyo; na inaliligao yo, ti pot y liniimiyo ni se\u00f1at sija; lao pot y quinanomiyo ni pan, y ninafanjaspog jamyo.\n6:27 Fanmachocho, munga para ayo y fafalingo na nengcano, lao ayo na nengcano y sumaga taejinecog na lin\u00e2l\u00e2, ni y Lajin taotao numae jamyo; sa g\u00fciya sineyo ni Tata, si Yuus.\n6:28 Enao mina ileg\u00f1ija nu g\u00fciya: Jafa tafatinas, para utafatinas y checho Yuus?\n6:29 Si Jesus manope ileg\u00f1a nu sija: Este y checho Yuus, na injenggue ayo y jatago.\n6:30 Entonses ileg\u00f1ija nu g\u00fciya: Jafa na se\u00f1at unfatinas para inlie, ya injenggue jao? Jafa chechomo?\n6:31 Si tatanmame jacano y mana gui desierto, taemanoja y munjayan matugue; pan guine y langet manmanae para u jacano.\n6:32 Ya ileg\u00f1a si Jesus nu sija: Magajet ya magajet jusangane jamyo, na ti si Moises numae jamyo ni pan guine y langet, si Tatajo janae jamyo ni magajet na pan guine y langet.\n6:33 Sa y pan Yuus ayo y tumunog guine y langet, ya jananae lin\u00e2l\u00e2 y tano.\n6:34 Ayo nae ileg\u00f1ija nu g\u00fciya: Se\u00f1ot naejam siempre ni este na pan!\n6:35 Si Jesus ileg\u00f1a nu sija: Guajo y pan lal\u00e2l\u00e2; y mato guiya guajo, ti u\u00f1alang; ya y jumonggue yo, ti umajo para taejinecog.\n6:36 Lao jusangane jamyo; na este inlie yo ya ti injenggue.\n6:37 Todo y janae yo si Tata, ufato guiya guajo; ya ayo y ufanmato guiya guajo, gosmagajet na guajo ti si\u00f1a juyute g\u00fce juyong.\n6:38 Sa tumunog yo guine y langet ti para jufatinas y minalagojo, lao y minalago\u00f1a ayo y tumago yo.\n6:39 Ya este y minalago\u00f1a ayo y tumago yo, na todo y janae yo ti si\u00f1a junafalingo taya, lao junacajulo g\u00fce gui uttimo na jaane.\n6:40 Ya este y minalagon Tata, na todo ayo y jalie y Laji\u00f1a ya jinenggue guiya g\u00fciya, uguaja lin\u00e2l\u00e2\u00f1a taejinecog; ya junacajulo g\u00fce gui uttimo na jaane.\n6:41 \u00b6 Enaomina y Judio sija mamofea g\u00fce anae jasangan: Guajo y pan ni tumunog guine y langet.\n6:42 Ya ileg\u00f1ija: Ada ti g\u00fciya este as Jesus lajin Jos\u00e9? si tata\u00f1a, yan nana\u00f1a tatungoja? Jafa pues muna ileg\u00f1a: Guajo tumunog guine y langet?\n6:43 Si Jesus manope ya ileg\u00f1a nu sija: Chamiyo fanmanmofefea entre jamyo.\n6:44 Taya si\u00f1a mato guiya guajo yaguin si Tata, ni tumago yo, ti quinene g\u00fce; ya guajo junacajulo g\u00fce gui uttimo na jaane.\n6:45 Matugue esta gui profeta sija: Ya todo ayo sija ufanmafanag\u00fce finanag\u00fcen Yuus. Enaomina cada uno ni jumungog y Tata ya jatungo y mafanag\u00fce\u00f1a, ufato guiya guajo.\n6:46 Munga yo na jusangan na guaja na taotao y esta jalie si Tata, lao ayo y mamaela guinin as Yuus, g\u00fciyaja jalie si Tata.\n6:47 Magajet ya magajet jusangane jamyo: Ayo y jumonggue yo guaja lin\u00e2l\u00e2\u00f1a na taejinecog,\n6:48 Guajo y pan y lin\u00e2l\u00e2.\n6:49 Si tatanmiyo, jacano y mana gui jalomtano ya manmatae.\n6:50 Estag\u00fciya y pan ni tumunog guine y langet, para jaye y cumano g\u00fce, ti umatae.\n6:51 Guajo y lal\u00e2l\u00e2 na pan ni tumunog guine y langet: yaguin guaja cumano este na pan, ul\u00e2l\u00e2 para todo y tiempo; junggan ya y pan ni guajo mannae, guiya mismo catneco, na junae para lin\u00e2l\u00e2 y tano.\n6:52 \u00b6 Managuaguat entre sija y Judio sija, ileg\u00f1ija: Jafa muna usi\u00f1a este na taotao unaejit ni catne\u00f1a para utacano?\n6:53 Si Jesus pot an\u00e3o ileg\u00f1a nu sija: Magajet ya magajet jusangane jamyo: Yaguin ti incano y catnen y Lajin taotao, ya ti inguimen y j\u00e2g\u00e2\u00f1a, taya lin\u00e2l\u00e2 guiya jamyo.\n6:54 Y cumano y catneco, ya jaguimen y j\u00e2g\u00e2jo, guaja lin\u00e2l\u00e2\u00f1a taejinecog, ya junacajulo g\u00fce gui uttimo na jaane.\n6:55 Sa y catneco, g\u00fciya y magajet na nengcano; ya y j\u00e2g\u00e2jo, g\u00fciya y magajet na guimen.\n6:56 Ayo y cumano y catneco, y jaguimen y j\u00e2g\u00e2jo, sumaga guiya guajo, ya guajo guiya g\u00fciya.\n6:57 Taeg\u00fcine y Tata, ni lal\u00e2l\u00e2, janamamaela yo, ya guajo lal\u00e2l\u00e2 pot si Tata; taeg\u00fcineja locue y cumano yo, g\u00fciya locue ul\u00e2l\u00e2 pot guajo.\n6:58 Estag\u00fciya y pan ni tumunog guine y langet; ti parejo yan y tatanmiyo ni cumano y mana ya manmatae: y cumano este na pan ul\u00e2l\u00e2 para taejinecog.\n6:59 Este sija jasangan guiya sunagoga, parejoja yan anae mamanag\u00fce guiya Capernaum.\n6:60 \u00b6 Enaomina megae gui disipulu\u00f1a sija anae majungog este, ileg\u00f1ija: Majetog na sinangan este; jaye si\u00f1a umecungog?\n6:61 Si Jesus jatungo pot g\u00fciyaja namaesa, na y disipulu\u00f1a sija mangogonggong pot este, ya ileg\u00f1a nu sija: Ninafa\u00f1atsaga jamyo nu este?\n6:62 Jafa yaguin inlie y Lajin taotao cajulo anae gaegue antes?\n6:63 Y espiritu mannanae lin\u00e2l\u00e2; y catne taya probecho\u00f1a: y sinangan sija ni jusangane jamyo, ayo espiritu, yan ayo lin\u00e2l\u00e2.\n6:64 Lao guajo palo guiya jamyo na ti manmanjonggue. Sa si Jesus desde y finenana jatungoja jaye sija y ti ufanmanjonggue, yan jaye y uinentrega g\u00fce.\n6:65 Ya ileg\u00f1a: Pot este na rason jusangane jamyo: na taya si\u00f1a mato guiya guajo, yaguin ti ninae ni Tatajo.\n6:66 \u00b6 Ayo nae, megae gui disipolu\u00f1a sija manalo tate, ya ti ma\u00f1ija talo manjanao yan g\u00fciya.\n6:67 Ayo nae ileg\u00f1a si Jesus ni dose: Manmalago jamyo manjanao locue?\n6:68 Ynepe as Simon Pedro: Se\u00f1ot, jayejam injanao g\u00fce? Jago nae guaja sija y sinangan ni taejinecog na lin\u00e2l\u00e2.\n6:69 Ya jame injenggue, ya intingo na jago Ayo na Santos na guine as Yuus.\n6:70 Si Jesus jaope sija: Ti juayig jamyo dose, ya y uno guiya jamyo anite?\n6:71 Ya jasangan pot si Judas Iscariote, lajin Simon: sa este y para uinentrega gae, uno gui dose.\n7:1 YA despues di manmalofan estesija, si Jesus jumanao para Galilea: ya ti malago mamocat guiya Judea, sa y Judio sija maaliligao g\u00fce para umapuno.\n7:2 Ya estaba jijot y guipot y Judio sija, na mafanaan gupot tabetnaculo.\n7:3 Y ma\u00f1elu\u00f1a sija pot este na rason ileg\u00f1ija nu g\u00fciya: Falofan g\u00fcine, ya unjanao para Judea, para y disipulumo sija locue ujalie y chechomo sija ni unfatitinas.\n7:4 Sa taya ni uno, mamatitinas jafa na g\u00fcinaja gui secreto, ya g\u00fciyaja mismo ualigao na umatungo gui publico. Yaguin unfatitinas este sija na g\u00fcinaja, fanuejao gui tano.\n7:5 Sa ma\u00f1elu\u00f1a sija locue ti majonggue g\u00fce.\n7:6 Ayo nae si Jesus ileg\u00f1a nu sija: Y tiempoco ti mafato trabia, lao y tiemponmiyo siempre esta listo.\n7:7 Y tano ti si\u00f1a manchinatlie jamyo; lao guajo jachatlie, sa mannae yo testimonio pot g\u00fciya, na y checho\u00f1a manaelaye.\n7:8 Jamyo infangajulo g\u00fcine na gupot; guajo ti jucajulo g\u00fcine na gupot; sa y tiempoco trabia ti macumple.\n7:9 Ya anae munjayan jasangane estesija, sumaga trabia guiya Galilea.\n7:10 \u00b6 Lao anae y ma\u00f1elu\u00f1a sija mangajulo; ayo nae g\u00fciya locue cumajulo gui guipot; ti gui publico, lao calang gui secreto.\n7:11 Ayo nae y Judio sija maaliligao g\u00fce gui guipot; ya ileg\u00f1ija: Manggue g\u00fce?\n7:12 Ya guaja un dangculon gonggong entalo y linajyan taotao sija pot g\u00fciya; sa guaja ileg\u00f1ija: G\u00fciya mauleg na taotao; palo, ileg\u00f1ija: Aje, lao jadadague y taotao sija.\n7:13 Lao ni uno umadingan gui publico pot g\u00fciya, sa manmaa\u00f1ao ni Judio sija.\n7:14 \u00b6 Anae y entalo y guipot, cajulo si Jesus gui templo ya mamanag\u00fce.\n7:15 Enao muna y Judio sija manamanman ya ileg\u00f1ija: Jafa muna jatungo este letra na ti umeeyag?\n7:16 Maninepe as Jesus ileg\u00f1a: Y finanag\u00fceco, ti iyoco lao iyon ayo y tumago yo.\n7:17 Yaguin guaja y mumalago fumatitinas y minalago\u00f1a, g\u00fciya utumungo y finanag\u00fceco, cao g\u00fciya iyon Yuus, pat jusangan estesija na g\u00fcinaja pot guajo namaesa.\n7:18 Y umadingan pot g\u00fciyaja, ualiligao y minalag\u00f1a namaesa; lao y umaligao y minalag iyon ayo y tumago g\u00fce, g\u00fciya magajet ya taya tinaelaye gaegue guiya g\u00fciya.\n7:19 Ti manninae jamyo as Moises y tinago sija, ya taya uno guiya jamyo cumumple ya tinago sija? Sajafa na inprocucura para inpino yo?\n7:20 Y linajyan taotao manmanope: Anite guaja guiya jago! Jaye promucucuraja pumano jao?\n7:21 Manope si Jesus ya ileg\u00f1a: Un chocho guajo fumatinas, ya todo jamyo ninafanmanman.\n7:22 Pot este si Moises manninae jamyo ni y circunsision (na ti guine as Moises lao iyon y tata sija), ya asta pago gui sabado incircunsida y taotao.\n7:23 Yaguin y taotao resibe gui sabado y circunsision, para ti umapoca y tinagon Moises; manbubo jamyo nu guajo, sa junasenguefjomlo un taotao gui sabado na jaane?\n7:24 Chamiyo injisga taemanoja y liniinmiyo, lao injisga taemanoja y cabales na juisio.\n7:25 \u00b6 Yleg\u00f1ija locue palo gui taotao Jerusalem: Ti g\u00fciya este y manmaliligao para upuno.\n7:26 Ya lie na umadingan jafa malago\u00f1a, ya taya sumangan jafa nu g\u00fciya. Si\u00f1a na y magalaje sija jatungo magajet, na este si Cristo?\n7:27 Lao jita tumungo este na taotao, guine mano g\u00fce: ya anae mato si Jesucristo, taya uno tumungo taotao mano.\n7:28 Si Jesus entonses umagang gui. templo anae mamananag\u00fce ileg\u00f1a: Jamyo intingo yo, jaye yo, yan intingo locue taotao mano yo; ya guajo mamaela ti pot guajoja: lao y tumago yo, g\u00fciya magajet, ya jamyo ti intingo g\u00fce.\n7:29 Guajo tumungo g\u00fce, sa guine g\u00fciya yo, ya g\u00fciya tumago yo!\n7:30 Japrocura sija para macone g\u00fce, lao taya uno mato canae\u00f1a guiya g\u00fciya, sa y ora\u00f1a trabia ti mafato.\n7:31 Ya megae gui linajyan taotao jumonggue g\u00fce, ya ileg\u00f1ija: Ada yaguin si Cristo mamaela, ujafatinas mas megae na se\u00f1at qui y fumati\u00f1as este na taotao?\n7:32 Y Fariseo sija jumungog na y linajyan taotao manafaesen pot estesija, ya y manmagas mamale yan y Fariseo sija manmanago ni ofisiat\u00f1ija para umacone.\n7:33 Enaomina si Jesus ileg\u00f1a: Trabia didide na tiempo gaegue yo guiya jamyo, ya despues bae falag ayo y tumago yo.\n7:34 Ynaligao yo, ya ti inseda yo; ya mano nae gaegue yo, jamyo ti si\u00f1a manmamaela.\n7:35 Entonses y Judio sija ileg\u00f1ija entre sijaja: Para mano este, para ti si\u00f1ajit tasoda g\u00fce? Mapos buente para y manmachapon sija anae mangaegue sija gui entalo y Griego sija, ya mamnanag\u00fce ni y Griego sija?\n7:36 Jafa na sinangan na ayo y esta masangan: Inaligao yo ya ti inseda yo, ya mano nae gaegue yo, jamyo ti si\u00f1a manmamaela.\n7:37 \u00b6 Y uttimo na jaane, dangculo na jaanin gupot, si Jesus tumojgue, ya umagang ileg\u00f1a: Yaguin y taotao guaja minajo umamaela guiya guajo, ya uguinem.\n7:38 Ya y jumonggueyo, taeg\u00fcije y sinangan y Tinigue: y sanjalom\u00f1a manmimilalag y sadog janom na lal\u00e2l\u00e2.\n7:39 Jasangan este na sinangan pot y Espiritu, ni para uresibe ayo sija y manmanjonggue guiya g\u00fciya: sa trabia taya mananae ni Espiritu Santo, sa si Jesus ti rumesibe y minalag\u00f1a,\n7:40 Entonses palo gui linajyan taotao, manmanjungog nu este na sinangan, ileg\u00f1ija: Sumenmagajet na este g\u00fciya y ayo na profeta.\n7:41 Y palo ileg\u00f1ija: Este g\u00fciya si ayo na Cristo: Y palo despues ileg\u00f1ija: Jafa? guinin Galilea umamaela si Cristo?\n7:42 Ti ileleg\u00f1a y Tinigue, na si Cristo mamaela gui semiyan David, yan guinin y sengsong iya Betlehem anae sumaga si David?\n7:43 Ya guaja inaguguat gui entalo linajyan taotao pot g\u00fciya.\n7:44 Ya guaja guiya sija y manmalago na ujacone, lao taya uno si\u00f1a minajalom canae\u00f1a guiya g\u00fciya.\n7:45 \u00b6 Ayonae y ofisiat sija manmalag y magas na mamale yan y Fariseo sija; ya ileg\u00f1ija nu sija: Sajafa muna ti inchile g\u00fce mague?\n7:46 Y ofisiat sija manmanope: Taya na taotao umadingan taeg\u00fcine.\n7:47 Entonses y Fariseo sija maninepe: Jamyo locue manabag gui chalan?\n7:48 Ada guaja palo y jumonggue g\u00fce gui magalaje sija pat y Fariseo sija?\n7:49 Este sija na linajyan taotao ni ti jatungo y tinago sija, manmatdito.\n7:50 Yleg\u00f1a nu sija si Nicodemo (ayo y mato gui as Jesus antes g\u00fciya uno guiya sija),\n7:51 Manjujusga un taotao y iyota na tinago, yaguin y finenana ti majungog guiya g\u00fciya ya matungo jafa y finatinas\u00f1a?\n7:52 Manmanope ya ileg\u00f1ija nu g\u00fciya: Jago locue taotao Galilea? Aligao, ya unlie, cao guine Galilea taya nae cajulo profeta.\n7:53 Manalo guato cada uno gui guima\u00f1ija.\n8:1 SI Jesus malag y egso Olibo.\n8:2 Ya y taftaf gui egaan, tumalo guato gui templo ya todo y taotao sija manmato guiya g\u00fciya; ya g\u00fciya matachong g\u00fcije ya mamanag\u00fce nu sija.\n8:3 Entonses y escriba yan y Fariseo sija, macocona un palaoan na masoda gui adulterio, ya mapolo g\u00fce gui entalo,\n8:4 Yleg\u00f1ija nu g\u00fciya: Maestro, estag\u00fce na palaoan, guine masoda gui adulterio, anae jafatinasja.\n8:5 Y tinago Moises jatagojam na infagas ni y acho enao sija. Jago, jafa unsangan?\n8:6 Este ileg\u00f1ija, intienta g\u00fce para si\u00f1a mafaaelag\u00fce. Lao si Jesus dumilog papa, manugue gui tano ni y calolot\u00f1a.\n8:7 Ya como sisigue mafaesen, manatunasg\u00fce ya ileg\u00f1a nu sija: Yaguin uno guiya jamyo taeisao, fumagas nu y g\u00fciya, y finenana na acho.\n8:8 Ya dumilog talo papa ya manugue gui tano ni y calolot\u00f1a.\n8:9 Ya anae manjungog sija, manjajanao juyong uno yan uno, matutujon gui mansenbijo asta y manuttimo; ya si Jesus sumaga yan y palaoan ni y gaegue gui entalo.\n8:10 Ya cajulo si Jesus, ya ileg\u00f1a nu g\u00fciya: Palaoan, mano nae mangaegue sija? taya ni uno nientensia jao?\n8:11 Ya ileg\u00f1a: Taya uno Se\u00f1ot. Ya ileg\u00f1a si Jesus: Guajo locue ti jusentensia jao: janao ya chamo unisao talo.\n8:12 \u00b6 Mansinangane as Jesus talo ileg\u00f1a nu sija: Guajo candet y tano: y dumalalag yo ti ufamocat gui jemjon; ya guajaja candet y lin\u00e2l\u00e2.\n8:13 Enaomina y Fariseo sija ileg\u00f1ija nu g\u00fciya: Jago guiya jagoja mananae testimonio lao ti magajet na testimoniomo.\n8:14 Manope si Jesus, ileg\u00f1a nu sija: Achoja guajoja manae testimonio nu guajo, magajet na testimoniojo; sa jutungo guine mano yo, yan para mano yo; lao jamyo ti intingo guine mano yo, yan para mano yo.\n8:15 Jamyo pot y catne injisga; lao guajo ti jumusga ni jaye.\n8:16 Yaguin guajo jumusga, y juisioco, g\u00fciya magajet; sa ti guajoja; lao guajo yan Tata ni tumago yo.\n8:17 Junggan, ya esta matugue gui tinagomiyo na y testimonio y dos taotao, g\u00fciya magajet.\n8:18 Guajo manae testimomio pot guajoja, yan manae yo testimonio si Tata ni tumago yo.\n8:19 Entonses ileg\u00f1ija nu guiya: Mano nae gaegue si Tatamo? Manope si Jesus: Ti intingo yo yan ti intingo y Tatajo; yaguin intingo yo, y Tatajo locue intingo.\n8:20 Este na finijo jasangan si Jesus gui tesoro mamanag\u00fce gui templo; ya taya cumone g\u00fce; sa asta pago ti mafato y ora\u00f1o.\n8:21 \u00b6 Ya ileg\u00f1a talo nu sija si Jesus: Guajo bae janao, ya inaligao yo, ya y isaomiyo nae infanmatae; mano yo guato, jamyo ti si\u00f1a manmamaela.\n8:22 Yleg\u00f1ija entonses y Judio sija; Upuno maesa g\u00fce? sa ileg\u00f1a mano yo guato, jamyo ti si\u00f1a manmamaela.\n8:23 Ya ileg\u00f1a nu sija: Jamyo iyon sampapa, guajo iyon sanjilo; jamyo iyon este na tano; guajo ti iyon este na tano.\n8:24 Pot enao jusangane jamyo na infanmatae gui isaomiyo; sa yaguin ti injenggue na guajo yo; y isaomiyo nae infanmatae.\n8:25 Enao muna ileg\u00f1ija nu g\u00fciya? Jago, jayejao? Si Jesus ileg\u00f1a nu sija: Nae matutujon jusangane jamyo locue.\n8:26 Megae na g\u00fcinaja yo, para jusangane jamyo ya injisga jamyo: ya y tumago yo, g\u00fciya magajet; ya jafa y jiningogco guiya g\u00fciya, ayo sija jusangan gui tano.\n8:27 Lao sija ti matungo na g\u00fciya y jacuentuse sija ni pot Tata.\n8:28 Enaomina ileg\u00f1a si Jesus: Ngaean nae infangajulo jamyo y Lajin taotao, ayo nae intingo na guajo yo, ya taya jufatitinas pot guajoja; lao jaftaemano si Tata fumanag\u00fce yo taeg\u00fcine jusangan.\n8:29 Ya y tumagoyo, g\u00fciya gaegue guiya guajo; ti jadingo yo maesaja sa jufatitinas siempre minagof\u00f1a.\n8:30 Anae jasasangan este sija na g\u00fcinaja megae jumonggueg\u00fce.\n8:31 \u00b6 Ayo nae ileg\u00f1a si Jesus ni Judio sija ni y jumonggue g\u00fce: Yaguin jamyo insisique y sumaga gui sinanganjo, jamyo manmagajet disipulujo;\n8:32 Ya intingo y minagajet ya y minagajet inninafanlibre jamyo.\n8:33 Manmanope as Jesus: Jame semiyan Abraham, ya ti infanma\u00f1etbe ni jaye; jafa muna ilegmo: Jamyo unafanlibre?\n8:34 Maninepe as Jesus: Magajet ya magajet jusangane jamyo, na todo ayo y fumatinas y isao, g\u00fciya tentago y isao.\n8:35 Ya y tentago ti usago gui guima para todo tiempo; lao y laji\u00f1a sumaga para todo y tiempo.\n8:36 Yaguin y Lajin Yuus munafanlibre jamyo, entonses magajet na manlibre jamyo.\n8:37 Guajo jutungo na jamyo semiyan Abraham; lao manmalago jamyo para inpino yo; sa y sinanganjo ti omlat guiya jamyo.\n8:38 Guajo y liniijo gui as Tata jusasangan, ya jamyo y jiningogmiyo gui as tatanmiyo infatitinas.\n8:39 Manmanope ya ileg\u00f1ija nu g\u00fciya: Si Abraham tatata. Si Jesus ileg\u00f1a nu sija: Yaguin famaguon Abraham jamyo; y chechon Abraham infatinas jamyo.\n8:40 Lao manmalago jamyo pago para inpino yo, taotao na jagas jusangane jamyo ni magajet, ayo y jujungog gui as Yuus; si Abraham ti fumatinas este.\n8:41 Jamyo infatitinas y finatinas tatanmiyo. Yleg\u00f1ija nu g\u00fciya: Jame ti fina\u00f1agon \u00e1bale; un tataja guajajit, si Yuusja.\n8:42 Yleg\u00f1a si Jesus nu sija: Yaguin si Yuus tatanmiyo, magajet na inguflie yo; sa guajo jumuyong yan mato yo guinin as Yuus; ti jumuyong yo guinin guajoja, lao g\u00fciya tumago yo.\n8:43 Jafa muna ti intingo y sinanganjo? Sa ti si\u00f1a injingog y finojo.\n8:44 Jamyo iyon tatanmiyo anite: jamyo ya y guin\u00e2umabale y tatanmiyo intatanga na infatinas. G\u00fciya y mamuno desde y tutujo\u00f1a; ya ti sumaga gui minagajet, sa taya minagajet gaegue guiya g\u00fciya. Yaguin jasangan mandague, y iyo\u00f1a jasangan; sa dacon g\u00fce, ya tatan dacon g\u00fce.\n8:45 Ya ti injenggue yo, sa jusangane jamyo ni magajet.\n8:46 Jaye guiya jamyo ucombense yo ni y isao? Yaguin jusangan y magajet, pot jafa muna jamyo ti injenggue yo?\n8:47 Y iyon Yuus, y sinangan Yuus jajungog; ya pot este na rason jamyo ti injijingog, sa ti iyon Yuus jamyo.\n8:48 Manmanope entonses y Judio sija, ya ileg\u00f1ija nu guiya: Ti mauleg y sinanganmame, na jago taotao Samaria, ya gaeanite jao?\n8:49 Manope si Jesus: Guajo tae anite yo; lao juonra si Tata, ya jamyo indesonra yo.\n8:50 Ya guajo ti umaliligao inenrajo; guaja ayo na umaliligao ya jajujusga.\n8:51 Magajet y magajet jusangane jamyo: Yaguin y taotao jaadaje y sinanganjo, ti ulie finatae para taejinecog.\n8:52 Entonses y Judio sija ileg\u00f1ija nu g\u00fciya. Pago nae intingo na gaeanite jao. Si Abraham matae yan y profeta sija; ya jago sumangan: Yanguin y taotao jaadaje y sinanganjo, ti ulie finatae para taejinecog.\n8:53 Jago dangculo\u00f1a qui si tatanmame as Abraham ni esta matae? Yan y profeta manmatae. Jaye jao fumatinas namaesa?\n8:54 Manope si Jesus: Yaguin junamalagyo maesa, y minalagjo taya guaja; g\u00fciya si Tata y numanamalag yo: ya ilegmiyo na g\u00fciya si Yuusmiyo.\n8:55 Ya ti intingo g\u00fce, lao guajo tumungo g\u00fce; yaguin ilegco na ti jutungo g\u00fce, dacon yo parejo yan jamyo mandacon: lao jutungo g\u00fce yan juadaje y sinangan\u00f1a.\n8:56 Si Abraham, tatanmiyo mumagof sa jalie y jaanijo; ya anae jalie ninamagof.\n8:57 Pot este ileg\u00f1ija nu g\u00fciya y Judio sija: Asta pago taya jao sincuenta a\u00f1os, ya unlie si Abraham?\n8:58 Yleg\u00f1a nu sija si Jesus: Magajet ya magajet jusagane jamyo, antes qui si Abraham, esta guajo.\n8:59 Manma\u00f1ule entonses acho, para umadagas g\u00fce: lao si Jesus mapos gui templo, ti matungo.\n9:1 ANAE malofan gui sanmenan, jalie un taotao na bachet desde y mafa\u00f1ago\u00f1a.\n9:2 Ya mafaesen g\u00fce ni y disipulo\u00f1a ileg\u00f1ija: Rabi, jaye umisao, este na taotao pat y ma\u00f1aena\u00f1a, para que umafa\u00f1ago bachet?\n9:3 Manope si Jesus: Ti umisao este na taotao ni sija manaena\u00f1a lao para y finatinas Yuus ya ufafanue guiya g\u00fciya.\n9:4 Tanesesita na infatitinas y checho ayo y tumago yo mientras y jaane; sa an mato y puenge, taya si\u00f1a machocho.\n9:5 Anae gagaegue yo gui jilo y tano, y candet y tano guajoja.\n9:6 Munjayan jasangan este, tumola gui tano, ya jafatinas fache nu y tela, ya y fache japalae y atadog y bachet,\n9:7 Ya ileg\u00f1a nu g\u00fciya: Janao fagase jao gui estanque Siloe (Ya cumequeileg\u00f1a, tinago). Enao mina maposg\u00fce ya fagase g\u00fce, ya anae tumalo guato este manlie.\n9:8 Pot este y tiguang\u00f1a sija yan ayo y guinin manmalie antes, ya matungo na ampmam na mangagagao limos\u00f1a, ileg\u00f1ija: Ada ti este g\u00fciya ayo y matatachong ya gagao?\n9:9 Guaja sija sumangan: G\u00fciya este; ya guaja palo sija sumangan: Ale, lao parejo yan g\u00fciya. Lao g\u00fciyaja ileg\u00f1a: Guajo yo.\n9:10 Ya ileg\u00f1ija nu g\u00fciya: Jaf taemano mababa\u00f1a y atadogmo?\n9:11 Manope ya ileg\u00f1a: Ayo na taotao, naan\u00f1a si Jesus, g\u00fciya fumatinas y fachae ya palae y atadogco, ya ileg\u00f1a nu guajo: Janao falag y estanque Siloe ya unfagase jao! Mapos yo ya jufagase yo ya juresibe y liniijo.\n9:12 Ya ileg\u00f1ija nu g\u00fciya: Manggue yuje? Yleg\u00f1a: Ti jutungo.\n9:13 \u00b6 Macone guato gui Fariseo sija y guinin manbachet.\n9:14 Ya ayo na jaane sabado anae si Jesus jafatinas y fachae, ya jababa y atadog\u00f1a sija.\n9:15 Y Fariseo sija locue mafaesen g\u00fce talo: Jafa muna manlie g\u00fce. Ya ileg\u00f1a nu sija: Janaye ni fachae y sanjilo gui atadogco, ya jufagase yo, ya manlie yo.\n9:16 Ya palo gui Fariseo sija ileg\u00f1ija: Este na taotao ti g\u00fciya guinin as Yuus, sa ti jaadaje y sabado. Lao palo sija ileg\u00f1ija: Jafa muna si\u00f1a un taotao ni gaeisao, jafatitinas taemanoja y se\u00f1at sija? Ya guaja dibision gui entalo\u00f1ija.\n9:17 Yleg\u00f1ija talo ni bachet: Jago, jafa ilegmo nu g\u00fciya, ya esta mababa pot g\u00fciya y atadogmo sija? Ya ileg\u00f1a: Profetag\u00fce.\n9:18 Ayo nae y Judio sija, ti majonggue y esta masangan na g\u00fciya, y guinin bachet, ya esta jarisibe y linii\u00f1a, asta que nae maagange y ma\u00f1aena y bachet ni esta jarisibe linii\u00f1a.\n9:19 Ya manmafaesen ileg\u00f1ija: Este patgonmiyo ni ilegmiyo bachet guinin y mafa\u00f1ago\u00f1a? Ya jafa pago ninamanlie?\n9:20 Manope y tata ya, ileg\u00f1ija: Yntingo na este patgonmame, ya bachet guinin y mafa\u00f1ago\u00f1a:\n9:21 Lao jaftaemano pago na manliig\u00fce, ti intingo; pat jaye bumaba y atadog\u00f1a, ti intingo; faesen g\u00fce; guaja sacan\u00f1a: G\u00fciya usangan pot g\u00fciyaja namaesa.\n9:22 Este sija ileg\u00f1ija si ma\u00f1aena\u00f1a, sa manmaa\u00f1ao ni y Judio sija: sa unoja na jinaso gui entalo y Judio sija, na yaguin guaja sumangan na g\u00fciya si Cristo, umayute g\u00fce gui sanjiyong y sinagoga.\n9:23 Pot este ileg\u00f1ija sija ma\u00f1aena\u00f1a: Gauja saca\u00f1a; faesen g\u00fce.\n9:24 Enao mina sija maagange talo y taotao ni y guinin bachet, ya ileg\u00f1ija nu guiya: Nae minalag si Yuus: Jita tumungo na este na taotao g\u00fciya taotao isao g\u00fce.\n9:25 Entonses manope yuje: Cao taotao isao g\u00fce, ti jutungo; unoja jugoftungo; na guajo, guinin bachet yo, ya pago manlie yo.\n9:26 Entonses ileg\u00f1ija talo: Jafa finatinas\u00f1a nu jago? Jaftaemano jababa y atadogmo?\n9:27 Maninepe sija: Jusangane jamyo esta, ya ti injingog: Jafa muna manmalago jamyo injingog talo? Ada manmalago jamyo buente locue disipulu\u00f1a?\n9:28 Entonses janafanmamajlao ya ileg\u00f1ija: Jago disipulu\u00f1a; ya jame disipulon Moises!\n9:29 Jame intingo na si Yuus guinin jasangan pot si Moises; lao este na taotao ti intingo taotao mano g\u00fce.\n9:30 Manope y taotao ya ileg\u00f1a nu sija: Jafa na namanman este, ya ti intingo jamyo taotao mano; ya g\u00fciya bumaba y atadogco!\n9:31 Jame intingo na si Yuus ti jajungog y manisao; yaguin guaja maa\u00f1ao as Yuus ya jaosgue y minalago\u00f1a, este jiningog.\n9:32 Guinin y tutujon y tano, taya nae majungog, ni uno mababa atadog\u00f1a ni mafa\u00f1ago bachet.\n9:33 Yaguin este ti guine as Yuus, ti si\u00f1a jafatinas jafa.\n9:34 Sija manmanope ileg\u00f1ija nu g\u00fciya: Jago mafa\u00f1ago jao gui isao sija! Ada jago fumanag\u00fce jam? Ya mayute juyong.\n9:35 \u00b6 Jajungog si Jesus na mayute juyong, ya anae jasoda, ileg\u00f1a: Unjonggue y Lagin Yuus?\n9:36 Manope g\u00fce ya ileg\u00f1a: Jaye enao Se\u00f1ot, para guajo umajonggue g\u00fce?\n9:37 Yleg\u00f1a nu g\u00fciya si Jesus: Esta unlie g\u00fce ya ayo y umadingangange jao, g\u00fciya g\u00fce.\n9:38 Ya ileg\u00f1a: Jujonggue, Se\u00f1ot. Ya jaadora g\u00fce.\n9:39 Yleg\u00f1a si Jesus: Guajo pot juisio mamaela yo g\u00fcine gui jilo y tano, para y ti manmanlilie, ufanmanlie; ya y manmanlie, ayo sija ufanbachet.\n9:40 Ya manmanjungog y ayo na Fariseo sija ni y mangaegue guiya g\u00fciya ya ileg\u00f1ija nu g\u00fciya: Jame locue, manbachet jam?\n9:41 Yleg\u00f1a nu sija si Jesus: An mojon manbachet jamyo, taya isaomiyo; pago nae insasangan, talie; enao mina isaomiyo gagaegue.\n10:1 MAGAJET ya magajet y jusangane jamyo, na ti jumalon gui pettan y guelat y quinilo sija, lao ucajulo gui otro lugat, ayo y ladron yan saque.\n10:2 Ya y jumalom gui petta, g\u00fciya y pastot y quinilo.\n10:3 Ya pot guiya g\u00fciya y magas y petta; ya y quinilo sija jajungog y inagang\u00f1a: ya y ga\u00f1a quinilo sija jaagang pot y naana, ya jacone sija gui san jiyong.\n10:4 Anae jacone mapos y todo iyo\u00f1a sija, g\u00fciya jumanao gui sanmena\u00f1ija: ya quinilo sija madalalag g\u00fce, sa matungo y inagang\u00f1a.\n10:5 Lao y taotao juyong, sija ti madalalag g\u00fce, lao manmalago guato guinin mena\u00f1a: sa ti jatungo y inagang\u00f1a ni taotaoj uyong sija.\n10:6 Este na acomparasion mansinangane as Jesus: lao sija ti jatungo jafa sija mansingane sija.\n10:7 \u00b6 Mantinalugua as Jesus ya ileg\u00f1a nu sija: Magajet ya magajet y jusangane jamyo, na guajo pottan y quinilo sija.\n10:8 Todo y manmamaela antes que guajo, ladron yan saque sija: ya ti manmanjungog y quinilo sija.\n10:9 Guajo y petta: ya y jumalom guiya guajo, g\u00fciya umasatba, y ujalom yan ujuyong ya usoda y pasto.\n10:10 Y saque ti umamaela yaguin ti para ufa\u00f1aque yan ufamuno, yan uyulang; guajo mamaela para uguaja lin\u00e2l\u00e2\u00f1ija yan para uguaja y dangculo na lin\u00e2l\u00e2\u00f1ija.\n10:11 Guajo y mauleg na pastot: ya y mauleg na pastot y lin\u00e2l\u00e2\u00f1a japolo pot y quinilo sija.\n10:12 Ya y taotao nii maapapase, ya ti pastot; ya ti ga\u00f1a y quinilo sija, an jalie y lobo ni y mamaela, japolo y quinilo sija ya malago guato; ya y lobo maquinene ya manchinalapon sija quinilo:\n10:13 Malago guato g\u00fce sa g\u00fciya taotao nii maapapase ya taya inadaji\u00f1a ni y quinilo sija.\n10:14 Guajo y mauleg na pastot: sa jutungo y iyoco, ya y iyoco matungo yo.\n10:15 Taeg\u00fcije y Tata jatungo yo, taeg\u00fcijija locue guajo jutungo y tata; ya jupolo y lin\u00e2l\u00e2jo pot y quinilo sija.\n10:16 Ya guajayo palo quinilo locue ni taeg\u00fce g\u00fcine na colat, ayo sija locue nesesita yo juchule, ya sija ujajungog y inagangjo; ya uguaja un manadanquinilo yan un pastot.\n10:17 Pot enao na jaguaeya yo si Tata, sa jupolo y lin\u00e2l\u00e2jo, para uchule talo.\n10:18 Taya munajanao guiya guajo, lao jupolo pot guajo na maesa. Guaja yo ninasi\u00f1ajo para jupolo yan guajayo ninasi\u00f1ajo para jutalo chumule. Este na tinago juresibe guine y Tatajo.\n10:19 \u00b6 Ya guaja inaguaguat gui entalo y Judio sija pot este na sinagan sija.\n10:20 Ya megae sija ileg\u00f1ija: Biju guaja g\u00fce, ya babag\u00fce; sa jafa inicungog g\u00fce?\n10:21 Yleg\u00f1ija y palo: Este na sinagan ti sija iyon y biju: Ada si\u00f1a y biju ubaba y atadog y manbachet?\n10:22 \u00b6 Ya anae mafatitnas y guipot y inefresengumayuus, guiya Jerusalem, ya ayo na tiempo manenggeng.\n10:23 Ya si Jesus mapos malag y templo, gui corredot Salomon.\n10:24 Ya manetnon guato guiya g\u00fciya y Judio sija ya ileg\u00f1ija nu g\u00fciya: Asta ngaean nae unnabuebuente y antita? Yaguin jago yuje na Cristo, sangan ni claro.\n10:25 Maninepe as Jesus: Guajo jagas jusangane jamyo ya ti injenggue: y checho ni y jufatinas gui naan Tata, estesija manmannanae testimonio nu guajo.\n10:26 Lao jamyo ti injenggue, sa ti jamyo quinilojo; (taeg\u00fcine guinin jusangane jamyo).\n10:27 Y gajo quinilo sija jajungog y inagangjo; ya jutungo sija; ya sija madalalag yo.\n10:28 Ya guajo junae sija lin\u00e2l\u00e2\u00f1ija taejinecog; ya para todo y tiempo taya nae ufanmalingo ya ni jaye ufaninamot sija gui canaejo.\n10:29 Si Tata ni unaeyo, dangculo\u00f1a qui todo; ya taya gaesisi\u00f1a para uamot sija gui canae y Tatajo.\n10:30 Guajo yan si Tata, jame unoja.\n10:31 \u00b6 Tumalo manma\u00f1ule acho y Judio sija, para umafagas g\u00fce.\n10:32 Maninepe as Jesus: Megae manmauleg na finatinas jufanue jamyo guine as Tatajo; pot jafa na checho\u00f1a inquequefagas yo ni y acho?\n10:33 Maope g\u00fce ni Judio sija ileg\u00f1ija: Pot y mauleg na chechomo ti infagas jao; lao pot ayo y chatfino contra si Yuus; sa jago, taotaojao, mama Yuusjao.\n10:34 Maninepe as Jesus: Taeg\u00fce g\u00fci tinigue gui tinagonmiyo, Guajo umalog: Yuus jamyo?\n10:35 Yaguin manmafanaan Yuus, sija na mamaela gui jilo\u00f1ija y finijo Yuus (ya y tinigue ti si\u00f1a maipe);\n10:36 Ylegmiyo ni ayo y jaconsagra y Tata ya matgo guato gui tano: Jago chumatfino as Yuus, sa jusangan: Guajo Lajin Yuus?\n10:37 Yaguin jufatitinas y ti iyon Tata, munga injenggue yo.\n10:38 Lao yaguin jufatinas, achogja ti injenggue yo, jenggue y checho sija: para si\u00f1a jamyo intingo ya injenggue na si Tata gaegue guiya guajo, ya guajo gaegue guiya Tata.\n10:39 Ya japrocucura talo para umaconeg\u00fce: lao g\u00fciya mapos gui canae\u00f1ija.\n10:40 Tumalo guato talo gui otro bandan Jordan, ayo na lugat nae finenana managpapange si Juan; ya sumaga g\u00fcije.\n10:41 Ya megae manmato guiya g\u00fciya ya ileg\u00f1ija: Si Juan magajet na ni un se\u00f1at jafatinas; ya magajet todo y sinangan Juan nu este na taotao jumuyong magajet.\n10:42 Ya megae manmanjonggue g\u00fcije nu g\u00fciya.\n11:1 ESTABA entonses malango un taotao, naan\u00f1a si Lasaro, taotao Betania, un songsong iyon Maria yan si Marta chelu\u00f1a.\n11:2 Si Maria uje y pumalae ingg\u00fcente y Se\u00f1ot, ya jasaosao y adeng\u00f1a ni y gaponilu\u00f1a, ya y chelu\u00f1a, as Lasaro, estaba malango.\n11:3 Manmanago y ma\u00f1elu\u00f1a famalaoan guiya g\u00fciya ileg\u00f1ija: Se\u00f1ot, estag\u00fce, ayo y unguaeya esta malango.\n11:4 Ya jajungog si Jesus, ileg\u00f1a: Este na chetnot ti g\u00fciya y para matae, lao para minalag gui as Yuus, para y Lajin Yuus umaonra pot g\u00fciya.\n11:5 Ya jaguaeya si Jesus si Marta yan y chelu\u00f1a yan si Lasaro.\n11:6 Anae jajungog, na estaba malango, ayo na tiempo sumagag\u00fce dos dias g\u00fcije na lugat anae gaegue.\n11:7 Ya despues di este ileg\u00f1a ni y disipulu\u00f1a: Nije tafanmalag Judea talo.\n11:8 Yleg\u00f1ija nu g\u00fciya y disipulo sija: Rabi, pago didide nae maquequechague jao ni Judio sija na unmafagas ni y acho: Ada untalo guato g\u00fcije?\n11:9 Manope si Jesus: Taya y un jaane dose ora? y jumajanao gui jaane, ti si\u00f1a matompo, sa manlilie y candet este na tano.\n11:10 Ya y jumajanao an puenge, matompo, sa taya candet guiya g\u00fciya.\n11:11 Jasangan estesija, ya despues di este ileg\u00f1a nu sija: Lasaro, amigonmame maego: ya bae janao para uyayajo gui maego\u00f1a.\n11:12 Entonses ileg\u00f1ija nu g\u00fciya y disipulosija: Se\u00f1ot, yaguin maego, mauleg jumuyong.\n11:13 Ya jasangan este si Jesus gui tinatae\u00f1a: sija jajaso na umadingan na dumescansa\u00f1ae\u00f1aejon gui maego\u00f1a.\n11:14 Ayo nae si Jesus ileg\u00f1a claro nu sija: Lasaro, g\u00fciya matae.\n11:15 Magof yo sa taeg\u00fce yo g\u00fcije, pot causa y jamyo, para injenggue; nitafanmalag y ya g\u00fciya.\n11:16 Si Tomas, ayo y naan\u00f1a si Didimo, ileg\u00f1a nu y otro disipulo sija: ufanmalagjit locue, nije tafanmatae yan g\u00fciya.\n11:17 Mato si Jesus ya jasoda na estaba cuatro na jaane gui naftan.\n11:18 Y Betania jijot guiya Jerusalem, buente quince na estadio.\n11:19 Ya megae na Judio sija manmato gui as Marta ya si Maria para uconsuela pot y chelu\u00f1ija.\n11:20 Entonses si Marta, anae jajungog na si Jesus mamamaela, jajanao g\u00fce para urisibe: ya estaba si Maria matatachong gui guima.\n11:21 Pot enao si Marta ileg\u00f1a as Jesus: Se\u00f1ot yaguin mojon gaeguejao g\u00fcine y chelujo ti umatae.\n11:22 Lao jutungo pago, todo y ungagao si Yuus, ninaejao as Yuus.\n11:23 Yleg\u00f1a si Jesus nu g\u00fciya: Ucajulo talo y chelumo.\n11:24 Si Marta ileg\u00f1a nu g\u00fciya: Guajo jutungo na ucajulo gui quinajulon manmatae gui uttimo na jaane.\n11:25 Yleg\u00f1a nu g\u00fciya si Jesus: Guajo y quinajulon manmatae yan y lin\u00e2l\u00e2; ayo y jumonggue yo, achogja esta matae, ul\u00e2l\u00e2 talo;\n11:26 Ya todo ayo y l\u00e2l\u00e2 ya jumonggue yo, ti umatae para todo y tiempo. Unjonggue este?\n11:27 Yleg\u00f1a nu g\u00fciya: Si Se\u00f1ot, guinin jujonggue na jago ayo na Cristo, Lajin Yuus, g\u00fciya na para umamaela gui tano.\n11:28 Anae munjayan jasangan este, mapos ya jaagang gui secreto si Maria chelu\u00f1a, ileg\u00f1a: Si Maestro estag\u00fce ya inagagangejao.\n11:29 Anae jajungog, cajulo gusisija ya jumanao asta guiya g\u00fciya.\n11:30 (Ya asta pago ti mafato si Jesus gui sengsong, lao gaegue g\u00fcije na lugat anae si Marta jagas sineda g\u00fce.)\n11:31 Entonces y Judiosija na manestaba gui guima yan g\u00fciya, y maconsuela g\u00fce, anae jalie si Maria cajulo gusisija ya mapos, madalalag g\u00fce, pinelo\u00f1ija na ufalag y naftan para utanges g\u00fcije.\n11:32 Ya si Maria anae mato gui lugat anae estaba si Jesus ya jalie, japodong gui adeng\u00f1a, ya ileg\u00f1a: Se\u00f1ot yaguin gaeguejao g\u00fcine ti umatae y chelujo.\n11:33 Anae si Jesus jalie na tumatanges, yan y Judio sija ni manamamamaela yan g\u00fciya manatanges, umugong gui espiritu, ya inestotba,\n11:34 Ya ileg\u00f1a: Mano nae unpolo g\u00fce? Ileg\u00f1ija nu g\u00fciya: Se\u00f1ot, maela ya unlie.\n11:35 Si Jesus tumanges.\n11:36 Yleg\u00f1ija entonses y Judio sija: Estag\u00fce, taeg\u00fcenao jaguflie g\u00fce!\n11:37 Lao palo guiya sija ileg\u00f1ija: Ti si\u00f1a este na ubaba y atadog y bachet, fatinas ni este ti umatae?\n11:38 Ya si Jesus jaumugong talo guiya g\u00fciya, ya mato gui naftan. G\u00fciya un liyang ya mapoluye un acho gui sanjilo\u00f1a.\n11:39 Yleg\u00f1a si Jesus: Najanao y acho. Si Marta, chelun y matae, ileg\u00f1a nu g\u00fciya: Se\u00f1ot, mutong esta, sa finatae cuatro na jaane.\n11:40 Si Jesus ileg\u00f1a nu g\u00fciya: Ti guinin jusangane jao na guin manjonggue jao, unlie y minalag Yuus.\n11:41 Ayo nae sija janajanao y acho, Ya si Jesus tumalag julo ya ileg\u00f1a: Tata, grasias junaejao sa guinin unjungog yo.\n11:42 Ya guajo jutungo na siempre unjungungog yo; lao pot y linajyan taotao ni gaegue gui oriyajo, jusangan este, para ujajonggue na jagoyo tumago.\n11:43 Anae munjayan jasangan este, umaagang ni dangculo na inagang: Lasaro maela juyong.\n11:44 Entonses ayo y guine matae, jumuyong, magogode dos canae\u00f1a yan y adeng nu y bendas; ya y mata\u00f1a mafalulutan nu y sudario. Yleg\u00f1a nu sija si Jesus: Pula ya inpilo ya ujanao.\n11:45 \u00b6 Pot este megae na Judio sija na manmato gui as Maria ya jalie y finatinas Jesus, majonggue g\u00fce.\n11:46 Lao guajo guiya sija na manmapos para Fariseo sija, ya jasangane sija y finatinas Jesus.\n11:47 \u00b6 Ayo nae y manmagas y mamale yan y Fariseo sija, manda\u00f1a ya janaetnon y sinedrio ya ileg\u00f1ija: Jafa tafatinas? Sa este na taotao mamatitinas megae na se\u00f1at sija?\n11:48 Yaguin tapolo taeg\u00fcenao, todo y taotao manmanjonggue guiya g\u00fciya: ya ufanmamaela y Romano sija ya u janajanao y sagata yan y tanota.\n11:49 Lao si Caefas uno guiya sija, g\u00fciya magas na pale g\u00fcije na sacan, mansinangane: Jamyo ti intingo jafa!\n11:50 Ni injaso na mauleg para jita sa un taotao matae pot y taotao sija, para munga na todo y nasion ufanmalingo.\n11:51 Lao este ti jasangan guine g\u00fciyaja; lao g\u00fciya y magas na pale g\u00fcije na sacan ya japrofetisa na si Jesus umatae pot y nasion.\n11:52 Ya ti pot ayoja na nasion; lao locue para ufanda\u00f1a gui unoja y famaguon Yuus ni y jagas manmachalapon.\n11:53 Ya desde ayo na jaane manafaesen entre para sija umapuno.\n11:54 Ya si Jesus ti jumajanao gui publico gui entalo Judio sija; lao mapos g\u00fcije para y tano na jijot gui jalomtano, guiya un siuda na mafananaan Efraim; ya sumaga g\u00fce g\u00fcije yan y disipulu\u00f1a.\n11:55 \u00b6 Ya y pascuan Judio sija estaba jijot; ya megae gui tano mangajulo guiya Jerusalem antes di pascua para ujanagasgas sija.\n11:56 Ya manmanaligao as Jesus, ya manadingan entre sija gui templo, ya ileg\u00f1ija: Jafa jinasonmiyo, nu g\u00fciya, ti umamaela gui guipot.\n11:57 Ya y prinsipin y mamale sija yan y Fariseo manmanae tinago na yaguin jaye tumungo mano nae gaegue, umasangan para inquene g\u00fce.\n12:1 AYO na tiempo, saes na jaane antes de pascua, si Jesus malag Betania anae estaba si Lasaro, ayo y guinin matee, ya si Jesus munacajulo guine y entelo manmatae.\n12:2 Ya manmanmatinas g\u00fcije un sena, ya si Marta ma\u00f1e\u00f1etbe; ya si Lasaro, g\u00fciya uno gui entalo sija na manmatatachong gui lamasa yan g\u00fciya.\n12:3 Ayo nae si Maria jachule un libra na ingg\u00fcente, gasgas na natda, guefguaguan, ya japalae y adeng Jesus, ya jasaosao y adeng\u00f1a nu gaponulu\u00f1a; ya bula y guima ni pao ingg\u00fcente.\n12:4 Ayo nae ileg\u00f1a uno gui disipulu\u00f1a, si Judas Iscariote lajin Simon, ayo y umintrega g\u00fce,\n12:5 Jafa mina ti mabende este na ingg\u00fcente pot tres siento denario na salape, ya unumae y mamobble?\n12:6 Este ileg\u00f1a, ti pot inadaji\u00f1a ni mamobble; lao pot guiya y saque, ya guaja y betsa\u00f1a, ya jachuchule ayo y sinajguan\u00f1a.\n12:7 Enaomina ileg\u00f1a si Jesus, Polo g\u00fce, para ayo na jaane nae majafot yo, na uadaje este.\n12:8 Sa y mamobble siempre gagaegue guiya jamyo; lao guajo taeg\u00fceyo guiya jamyo.\n12:9 \u00b6 Entonses, dangculo na linajyan taotao, gui Judio sija, jatungo na gaegue g\u00fce g\u00fcije, ya manmato, ti pot causan si Jesusja, lao locue para umalie si Lasaro ni guinin janacajulo guine y entelo manmatae.\n12:10 Ya manafaesen entre sija, manmagas y mamale sija, para umapuno locue si Lasaro.\n12:11 Sa pot causa di g\u00fciya, megae na Judio sija manmalag ayo ya manmanjonggue gui as Jesus.\n12:12 \u00b6 Ynagpa\u00f1a na jaane, dangculo na linajyan taotao, y manmato gui guipot, anae majungog na si Jesus mato guiya Jerusalem,\n12:13 Manma\u00f1ule ni y ramas y trongcon palma ya manmapos para umaresibe g\u00fce ya manaagang: Osana! Dichoso g\u00fce ni mamamaela ni y naan y Se\u00f1ot, y Ray Israel!\n12:14 Ya anae jasoda si Jesus un patgon na bulico, matachong gui jilo\u00f1a; taeg\u00fcije y matugue:\n12:15 Chamo maa\u00f1ao, jago jagan Sion! estag\u00fce y Raymo na mato, matatachong gui jilo un patgon bulico.\n12:16 Y finenana, y disipulo\u00f1a ti jatungo estesija; lao y tiempo anae si Jesus esta cumajulo gui langet, entonses manmajaso na estesija este matugue nu g\u00fciya, ya sija guinin manmafatinas este sija yan g\u00fciya.\n12:17 Y linajyan taotao na estaba ma\u00f1isija, anae jaagang juyong si Lasaro gui naftan, ya janacajulo gui entalo manmatae, janae testimonio nu g\u00fciya.\n12:18 Pot enao locue y linajyan taotao manmato ya maresibe g\u00fce, sa majungog na munjayan jafatinas este na se\u00f1at.\n12:19 Pot enao Fariseo sija ileg\u00f1ija entre sija: Lie na taya probechonmiyo: Estag\u00fce na todo gui jilo y tano manjanao ya dalalag g\u00fce.\n12:20 \u00b6 Ya guaja sija na taotao Griego ni gui ayo sija na mangajulo para uadodora gui guipot:\n12:21 Ayo sija manmato gui as Felipe taotao Betsaida guiya Galilea, ya magagao g\u00fce, ileg\u00f1ija: Se\u00f1ot, manmalagojam inlie si Jesus!\n12:22 Mato si Felipe ya jasangane si Andres; ya mamaela si Andres yan si Felipe masangane si Jesus.\n12:23 \u00b6 Ya si Jesus maninepe ileg\u00f1a: Y ora mato na y Lajin taotao uresibe y minalag\u00f1a.\n12:24 Magajet ya magajet jusangane jamyo, na y granon trigo ni ti upodong gui tano, ya umatae, g\u00fciya namaesa sumaga; yaguin matae megae na tinegcha uchule.\n12:25 Y gumaeya y lin\u00e2l\u00e2\u00f1a ufinalaguaejon; y chumatlie y lin\u00e2l\u00e2\u00f1a g\u00fcine gui tano, pinipilanja y taejinecog na jaane.\n12:26 Yaguin guaja y somesetbe yo, udalalag yo; ya mano nae gaegue yo, ayo locue nae ugaegue y somesetbe yo. Yaguin guaja y somesetbe yo, si Tata uenenra g\u00fce.\n12:27 Pago lebog y antijo: Ya jafa quentosjo? Tata nalibre yo pago na ora! Lao pot este mato yo g\u00fcine na ora.\n12:28 Tata, namalag y naanmo! Pot enao mato guine y langet un inagang, ileg\u00f1a: Estaba junamalag, ya bae junamalag otro biaje.\n12:29 Y linajyan taotao na mangaegue ya injingog ileg\u00f1ija: guinin julo este. Palo ileg\u00f1ija: Un angjet sumangane g\u00fce.\n12:30 Ynepe as Jesus ya ileg\u00f1a: Ti mato este na inagang pot y causaco lao pot y causanmiyo.\n12:31 Pago gaegue y juisio nu este na tano. Pago y magas este na tano umayute juyong.\n12:32 Ya guajo, yaguin guajo umajatsayo guine y tano, jucone todo para guajoja.\n12:33 Ya este masangan para umatungo jafa na finatae nae umatae.\n12:34 Ynepe\u00f1a y linajyan taotao: Jame injingog y lay na si Cristo ugaegue para todo y tiempo. Jafa mina unsangan: Na y Lajin taotao nesesita umajatsa? Jaye g\u00fce este Lajin taotao?\n12:35 Ayo nae si Jesus ileg\u00f1a nu sija: Didide na tiempo y candet ugaegue gui entalonmiyo. Fanmamocat mientras guaguaja y candet para jamyo, sa no sea infanguinacha ni y jemjom; sa y jumajanao gui jemjom, ti jatungo para mano nae y jinanao\u00f1a.\n12:36 Mientras guaguaja y candet para jamyo, fanmanjonggue ni y candet, para unfamaguon y candet jamyo. Estesija jasangan si Jesus, ya mapos ya umatog pot sija.\n12:37 \u00b6 Lao achogja jafatinas megae na se\u00f1at gui menan\u00f1ija ti majonggue g\u00fce.\n12:38 Para umacumple y sinangan ni ileg\u00f1a si Isaias profeta: Se\u00f1ot, jaye jumonggue y sinanganta? Ya y canae y Se\u00f1ot, jaye guinin munamalie?\n12:39 Pot este mina ti si\u00f1a sija majonggue, sa tomalo jasangan si Isaias:\n12:40 Janafanbachet y atadog\u00f1ija, ya janamajetog y coraso\u00f1ija: Sa ti manmalie ni y atadog\u00f1ija, ni ujatungo ni y corason\u00f1ija, ya sigue mama\u00f1otsot, ya guajo juamte sija.\n12:41 Estesija jasangan si Isaias, anae jalie minalag\u00f1a ya inadingane.\n12:42 \u00b6 Pago na tiempo achogja megae na taotao senmagas, jumonggue gue; lao pot causa y Fariseo sija, ti masangan claro, na no sea mayute gui sinagoga.\n12:43 Pot jafa muna manmalago sija y inenra y taotao, qui y inenra guine as Yuus.\n12:44 \u00b6 Si Jesus umagang ileg\u00f1a: Y jumonggue yo, guajoja, ti jajonggue lao ayo y tumago yo.\n12:45 Y umatan yo, g\u00fciya umatan y tumago yo.\n12:46 Mato yo gui jilo y tano parejoja y candet, para todo ayo y jumonggue yo, ti sumaga gui jemjom.\n12:47 Y jumungog y sinanganjo ya ti jajonggue, guajo ti jujusga; sa ti mato yo para jufanjusga gui tano, lao para junafanlibre y tano.\n12:48 Ya y rumechasa yo ya ti rumesibe y sinanganjo, guaja ujinisga g\u00fce: Y sinangan ni jusangan, g\u00fciya ufanjusga g\u00fcije uttimo na jaane.\n12:49 Sa ti guinin juadingan namaesa; lao si Tata ni tumago yo, g\u00fciya numae yo tinago ni para jusangan yan y para jucuentos.\n12:50 Ya jutungo na y tinago\u00f1a, g\u00fciya lin\u00e2l\u00e2 taejinecog: enaomina ayo sija jusangan; taeg\u00fcije si Tata guinin jasangane yo, taeg\u00fcijeja jusasangan.\n13:1 YA antes di y guipot pascua, jatungo si Jesus na y ora\u00f1a esta mato para ujanao g\u00fcine na tano para y Tata, esta jaguaeya y iyo\u00f1a sija ni mangaegue g\u00fcine gui tano, ya jaguaeya sija asta y jinecog.\n13:2 Y sena munjayan ya y anite esta jumalom gui corason Judas Iscariote, lajin Simon, ni umentrega g\u00fce;\n13:3 Ya jatungo si Jesus na y Tata jagasja janae todo ni g\u00fcinaja gui canae\u00f1a, ya mato g\u00fce guinin as Yuus, ya as Yuus guaguato;\n13:4 Cajulo gui sena ya janajanao y magago\u00f1a, ya jachule un toaya, ya jaafuyut g\u00fciya namaesa.\n13:5 Anae esta munjayan este, janaye y janom gui palangana diquique, ya jatutujon fumagase y adeng y disipulo sija, ya jasaosao nu y toaya na jaafuyut g\u00fce.\n13:6 Ayo nae malag as Simon Pedro; ya este ileg\u00f1a nu g\u00fciya: Se\u00f1ot jago fumagase y adengjo?\n13:7 Manope si Jesus ya ileg\u00f1a nu g\u00fciya: Y jufatitinas ti untungo pago; lao ti ampmam untungo.\n13:8 Si Pedro ileg\u00f1a nu g\u00fciya: Ti unfagase y adengjo ni ngaean! Ynepe as Jesus: Yaguin ti jufagase jao taepattemo guiya guajo.\n13:9 Yleg\u00f1a nu g\u00fciya si Simon Pedro: Se\u00f1ot, ti adengjoja, lao locue asta y canaejo yan y ilujo.\n13:10 Si Jesus ileg\u00f1a nu g\u00fciya: Y esta mafagase, ti guaelaye yaguin adeng\u00f1a esta mafagase, lao esta gasgas todo. Ya jamyo mangasgas pago, achogja ti todos.\n13:11 Sa esta matungo jaye uje y umentrega g\u00fce; pot enao ileg\u00f1a: Ti mangasgas jamyo todos.\n13:12 \u00b6 Anae munjayan manfinagase y adeng\u00f1ija, jachule y magago\u00f1a ya tumalo matachong otro biaje, ya mansinangane: Yntingo y finatinasjo?\n13:13 Jamyo infanaan yo Maestro yan Se\u00f1ot: ya y sinanganmiyo mauleg; sa guajo yo.\n13:14 Yaguin guajo Se\u00f1otmiyo yan Maestronmiyo, guinin jufagase y adengmiyo, debe jamyo locue infanafagase y adengmiyo uno yan otro.\n13:15 Sa un ejemplo junae jamyo, sa taemanoja guajo jufatinase jamyo, jamyo locue infatitinas.\n13:16 Magajet ya magajet jusangane jamyo: Y tintago ti g\u00fciya magas\u00f1a na y senot\u00f1a; ni y matago, ti g\u00fciya magas\u00f1a na y tumago g\u00fce.\n13:17 Yaguin intingo este sija na g\u00fcinaja, mandichoso jamyo yaguin infatitinas,\n13:18 \u00b6 Ti umadingan yo nu jamyo todo: guajo tumungo sija y inayigco; lao para umacumple y tinigue sija: Y chumocho pan yan guajo, g\u00fciya cumajulo contra guajo y dedego\u00f1a.\n13:19 Desde pago jusangane jamyo antes di ujuyong, para yaguin jumujuyong, injenggue na guajo yo.\n13:20 Magajet ya magajet jusangane jamyo, na y rumesibe y tinagojo, jaresibe yo; ya y rumesibe yo, jaresibe y tumago yo.\n13:21 Anae munjayan jasangan si Jesus este, inigong\u00f1a si Jesus jinalom\u00f1a, ya janae testimonio ya ileg\u00f1a: Magajet ya magajet jusangane jamyo, na uno guiya jamyo unintrega yo.\n13:22 Y disipulo sija manaatan entre sija uno yan otro ya ti matungo jaye umadingan.\n13:23 Y uno gui disipulu\u00f1a na guiniflie as Jesus, estaba umaason gui pechon Jesus.\n13:24 Ayo nae si Simon Pedro fumatinas se\u00f1at nu este, para umafaesen jaye uje na umadingan.\n13:25 Ayo nae, y umaason gui jilo pechon Jesus ileg\u00f1a nu g\u00fciya: Se\u00f1ot jaye uje?\n13:26 Enaomina manope si Jesus: Ayo uje ni junafotgue ni pan ya junae g\u00fce. Ya janafotgon y pan, ya janae si Judas Iscariote, lajin Simon.\n13:27 Anae munjayan y quinano\u00f1a ni y pan fotgon, si Satanas jumalom guiya g\u00fciya. Entonses si Jesus sinangane: Fatinas guse y finatinasmo.\n13:28 Ni uno, guiya sija na mangaegue gui lamasa, tumungo pot jafa na umasangane.\n13:29 Pinelo\u00f1ija y palo guiya sija, sa si Judas na gaebetsa, na si Jesus sumangane: Fajan y g\u00fcinaja na mannesesitajit para y guipot; pat ufanmanae y mamobble.\n13:30 Ya g\u00fciya, guinin ma\u00f1ule y pan fotgon, enseguidas mapos; ya esta puenge.\n13:31 \u00b6 Pot enao, anae esta mapos g\u00fce, ileg\u00f1a si Jesus: Pago y Lajin taotao rumesisibe y minalag\u00f1a, ya si Yuus rumesibe y minalag\u00f1a guiya g\u00fciya.\n13:32 Ya si Yuus minamalag g\u00fce guiya g\u00fciya; ya enseguidas unamalag g\u00fce.\n13:33 Mandiquique na fumaguon, ti juapmam guiya jamyo; ya inaligao yo; ya taeg\u00fcenoja jusangane y Judio sija: Mano yo guato, jamyo ti si\u00f1a manmamaela; taemanoja pago jusangane jamyo.\n13:34 Un tinago nuebo junae jamyo, na infanguaeya uno yan otro entre jamyo; taeg\u00fcije yan guajo juguaeya jamyo, ya jamyo locue infanguaeya uno yan otro entre jamyo.\n13:35 Ya pot este todo y taotao ufanmatungo na jamyo disipulujo, yaguin infanguaeya uno yan otro entre jamyo.\n13:36 Si Simon Pedro ileg\u00f1a nu g\u00fciya: Se\u00f1ot, para mano jao? Ynepe as Jesus: Mano yo guato, ti si\u00f1a jao pago undalalag yo, lao ti apmam undalalag yo.\n13:37 Yleg\u00f1a nu g\u00fciya si Pedro: Se\u00f1ot, sa jafa na ti si\u00f1a judalalag jao pago? jupolo y lin\u00e2l\u00e2jo guiya jago.\n13:38 Ynepe as Jesus: Unpolo y lin\u00e2l\u00e2mo guiya guajo? Magajet ya magajet jusangane jao, na ti uoo y gayo asta tiempo na undague yo tres biaje!\n14:1 CHAMIYO ninafa\u00f1achatsaga corasonmiyo: injenggue si Yuus, jenggue yo locue.\n14:2 Y guima Tatajo nae guaja megae na sagayan: yaguin ti utaeg\u00fcine mojon jagas jusagane jamyo. Bae jujanao ya jufamauleg y saga para jamyo.\n14:3 Yaguin jumanao yo ya jufamauleg y saga para jamyo, jumamaela talo mague ya jucone jamyo yan guajo; sa manoja yo nae sumaga, ayoja locue jamyo.\n14:4 Ya mano yo guato, intingo y chalan.\n14:5 Yleg\u00f1a nu g\u00fciya si Tomas: Se\u00f1ot, ti intingo para mano jao; ya jafa taemano tungomame nu y chalan?\n14:6 Yleg\u00f1a nu g\u00fciya si Jesus: Guajo y chalan, yan y minagajet, yan y lin\u00e2l\u00e2; taya malag y Tata, yan ti pot guajo.\n14:7 Yaguin guinin intingoyo, mojon intingo locue y Tatajo; ya desde pago intingo g\u00fce ya inlie g\u00fce.\n14:8 Yleg\u00f1a nu guiya si Felipe: Se\u00f1ot, fanue jam nu y Tata ya basta para jame.\n14:9 Yleg\u00f1a nu g\u00fciya si Jesus: Megae na tiempo na manjita, ya asta pago ti untungo yo Felipe? Y lumiiyo, jaliija y Tata. Ya jafa muna ilegmo: Fanue jam nu y Tata?\n14:10 Ti unjonggue na guajo gaegue gui as Tata, ya y Tata gaegue guiya guajo? Sa y finijo nu y jusasangan, ti jusasangan pot guajoja; lao y Tata nu y sumasasaga guiya guajo, ayo fumatinas y checho\u00f1a sija.\n14:11 Jenggue na gaegue yo gui as Tata, ya y Tata gaegue guiya guajo: yaguin ti pot este, jenggueyo pot y checho sija.\n14:12 Magajet ya magajet y jusangane jamyo: Y jumonggueyo, y checo nu y juchog\u00fce, g\u00fciya chumog\u00fce locue; ya mas dangculo na chocho qui este jachog\u00fce; sa jujanao para as Tata.\n14:13 Ya todo y ingagao pot y naanjo, bae jufatinas, sa y Tata uresibe minalag\u00f1a nu y Laji\u00f1a.\n14:14 Jafaja y ingagaoyo pot y naanjo, bae jufatinas ayo.\n14:15 Yaguin inguaeya yo, inadaje y tinagojo.\n14:16 Sa bae jutayuyut si Tata ya infanninae otro Consoladot para ugaegue guiya jamyo na taejinecog.\n14:17 G\u00fciya y Espiritun minagajet nu y tano ti si\u00f1a umaresibe; sa ti malie g\u00fce, ya ti matungo g\u00fce; lao jamyo intingo g\u00fce; sa sumaga yan jamyo, ya ugaegue guiya jamyo.\n14:18 Ti judingo jamyo g\u00fcetfano: jumamaela guiya jamyo.\n14:19 Dididija talo, y tano ti uliiyo; lao jamyo inliija yo; sa l\u00e2l\u00e2yo, ya infanl\u00e2l\u00e2ja locue.\n14:20 G\u00fcije na jaane umasusede na intingo na gaegueyo gui as Tata, ya jamyo guiya guajo ya guajo guiya jamyo.\n14:21 Y guaja y tinagojo ya jaadadaje, ayo yo gumaeya; ya y gumaeya yo, ug\u00fcinaeya as Tata, ya juguaeya g\u00fce; ya jufanueg\u00fce nu guajo mamaesa.\n14:22 Yleg\u00f1a nu g\u00fciya si Judas, ti si Iscariote: Se\u00f1ot, jafa muna unfanue jam nu jago namaesa ya ti unfanue y tano?\n14:23 Inepe as Jesus ya ileg\u00f1a nu g\u00fciya: Jaye yo y gumaeya, uadaje y sinanganjo; ya ug\u00fcinaeya as Tata, ya jame infatoig\u00fce g\u00fce ya insagaye g\u00fce.\n14:24 Y ti gumaeya yo, ti jaadaje y sinanganjo; ya y sinangan nu y injingog, ti sinanganjo, lao iyon y Tata ni tumago yo.\n14:25 Estesija jusagane jamyo anae manjijita.\n14:26 Lao ayo y Consoladat y Espiritu Santo; nu si Tata utinago pot y naanjo, g\u00fciya infanfinanag\u00fce todosija, ya inninafanjajasoja todo y jusangane jamyo.\n14:27 Pas jupoluye jamyo; y pasjo junae jamyo; ti taeg\u00fcine y ninaen y tano na ninaejo. Chamiyo ninafa\u00f1achatsaga corasonmiyo ni infanmaa\u00f1ao.\n14:28 Jamyo jagas injingogja jafa y jusagane jamyo, bae jujano, ya jutalo g\u00fcine mague guiya jamyo. Yaguin inguaeya yo, magajet infanmagof, sa bae jujanao ya jufalag as Tata; sa si Tata dangculo\u00f1a qui guajo.\n14:29 Pago jagas jusangane jamyo antes qui umasusede, para yanguin jasusede, jamyo injenggue.\n14:30 Desde pago na tiempo ti jucuentuse jamyo megae, sa y magalagen este na tano ufato, ya taya iyo\u00f1a guiya guajo;\n14:31 Lao y tano ujatungo na juguaeya si Tata, ya jaftaemanoja si Tata jasangane yo, ayo muna jufatinas. Fangajulo ya nije tafanjanao.\n15:1 GUAJO y magajet na trongconubas ya si Tatajo g\u00fciya y magas y fangualuan.\n15:2 Todo y ramas guiya guajo nu y taetinegcha, janajanao; ya todo ayo y ramas nu y gaetinegcha, janagasgas, para umegae tinegcha\u00f1a.\n15:3 Pago nae jamyo mangasgas pot y finijo nu y jusangane jamyo.\n15:4 Fa\u00f1aga guiya guajo, ya guajo guiya jamyo. Taeg\u00fcije y ramas ti si\u00f1a ma\u00f1ogcha g\u00fciya namaesa, yaguin ti sumaga gui trongconubas, parejoja yan jamyo yaguin ti infa\u00f1aga guiya guajo.\n15:5 Guajo y trongconubas, jamyo y ramas. Y sumaga guiya guajo, ya guajo guiya g\u00fciya, g\u00fciya ufa\u00f1ogcha megae; sa apatte di guajo taya si\u00f1a infatinas.\n15:6 Yaguin un taotao ti sumaga guiya guajo, umanajanao g\u00fce parejoja yan y ramas, ya umalayo, ya jajojoca, ya japopolo gui guafe, ya ufanmasonggue.\n15:7 Yaguin ma\u00f1aga jamyo guiya guajo, ya y finojo sumaga guiya jamyo, infanmangagao todo y malagomiyo ya jufatinas para jamyo.\n15:8 Este uninamalag si Tatajo, ya infanmanogcha megae; ya taeg\u00fcenao jamyo y udisipulojo.\n15:9 Taeg\u00fcenao si Tata jaguaeya yo, guajo parejoja juguaeya jamyo locue; ya fa\u00f1aga jamyo gui g\u00fcinaeyaco.\n15:10 Yaguin inadadaje y tinagojo sija, jamyo infa\u00f1a\u00f1aga gui g\u00fcinaeyaco; parejoja yan guajo juadadaje y tinago y Tatajo ya sumasasaga yo gui g\u00fcinaeya\u00f1a.\n15:11 Estesija jusangane jamyo, para minagofjo usaga guiya jamyo, ya y minagofmiyo ubula.\n15:12 Este y tinagojo, na infanguaeya entre jamyo uno yan otro, calang y juguaeya jamyo.\n15:13 Taya uno guaja g\u00fcinaeya\u00f1a mas dangculo qui este, na y taotao japolo y lin\u00e2l\u00e2fia pot y amigu\u00f1a sija.\n15:14 Jamyo y amigujo sija, yaguin infatinas jafa y jutago jamyo.\n15:15 Ti jagasja jufanaan jamyo tentago sija, sa y tentago ti jatungo jafa checho y magas\u00f1a; lao jufanaan jamyo amigo sija; sa todosija ni jujungog gui as Tata, junatungoja jamyo.\n15:16 Ti jamyo umayig yo, lao guajo jamyo umayig ya jutago jamyo, na infanjanao ya infanmanogcha, ya y tinegchanmiyo usaga; sa todosija y ingagao si Tata pot y naanjo, g\u00fciya infanninae.\n15:17 Estesija jutago jamyo, na infanaguaeya entre jamyo uno yan otro.\n15:18 Yaguin manchinatlie jamyo nu y tano, intingoja na guajo finena chinatlie antes qui jamyo.\n15:19 Yaguin iyon y tano jamyo y tano uguaeya iyo\u00f1a: lao ti iyon y tano jamyo, ya guajo jamyo umayig gui tano, ayo muna manchinatlie jamyo nu y tano.\n15:20 Jaso jamyo y sinangan ni munjayan jusangane jamyo: Y tentago ti dangculo\u00f1a qui y magas\u00f1a. Yaguin mapetsigue yo, infanmapetsigue jamyo locue; yaguin manadaje y sinanganjo, umanadaje y sinanganmiyo locue.\n15:21 Lao todo estesija umafatinas guiya jamyo pot causan y naanjo; sa ti matungo ayo y tumagoyo.\n15:22 Yaguin ti matoyo, ya ti jusangane sija, taya isao\u00f1ija; lao pago taya escusa\u00f1ija pot y isao\u00f1ija.\n15:23 Ayo y chumatlie yo, g\u00fciya chumatlie si Tata locue.\n15:24 Yaguin ti jufatinas gui entalo\u00f1ija chochosija na taya ni uno fumatinas, taya isao\u00f1ija; lao pago esta jalie ya jachatlie yo yan si Tata.\n15:25 Lao este ususede, sa para umacumple y sinangan nu y matugue gui tinago\u00f1ija: sija chumatlie yo, sin jafa.\n15:26 Lao yaguin mato y Consoladot, ni y junamamaela guinin as Tata, y Espiritu y minagajet nu y mamaela guinin as Tata, g\u00fciya infanninae testimonio pot guajo.\n15:27 Ya jamyo locue infanmannae testimonio, sa guinin manjijita desde y tutujon\u00f1a.\n16:1 ESTESIJA jusangane jamyo para chamiyo, fanmatotompo.\n16:2 Infanmayute juyong gui sinagoga sija; junggan, y tiempo ufato nae jayeja y pumuno jamyo, jinaso\u00f1a na jafatinas y checho Yuus.\n16:3 Ya estesija infanfinatinas, sa ti jatungo y Tata, ni guajo.\n16:4 Ya estesija guinin jusangane jamyo, na yaguin ufato ayo na ora, injaso estesija, jaftaemanoja y jusangane jamyo.\n16:5 Lao pago bae jujanao para ayo y tumago yo; ya taya uno guiya jamyo ufaesen yo: Para mano jao?\n16:6 Lao pot y jusangane jamyo nu estesija y pinite esta bula y corasonmiyo.\n16:7 Lao jusangane jamyo ni minagajet, na mauleg\u00f1aja para jamyo na jujanao; sa yaguin ti jumanao yo, y Consoladot ti umamaela guiya jamyo; lao yaguin jumanao yo, junamamaela g\u00fce guiya jamyo.\n16:8 Sa yaguin ufato g\u00fce, ujusga y tano ni isao yan y tininas yan y juisio:\n16:9 Y isao sa sija ti majonggue yo;\n16:10 Y tininas sa bae jujanao para y Tata, ya jocog nae inliiyo;\n16:11 Y juisio sa y magas este y tano esta jajusga.\n16:12 Guaja yo megae na g\u00fcinaja trabia para jusangane jamyo; lao ti si\u00f1a jamyo insingon pago.\n16:13 Lao yaguin ufato ayo y Espiritun minagajet, g\u00fciya infanfinanue jamyo todo y minagajet; sa ti usangan pot g\u00fciyaja, lao todosija, jiningog\u00f1a, ayosija usangan: yan ayosija y umasusede despues, inninafanmanatungo jamyo.\n16:14 G\u00fciya ufannae yo minalag sa ma\u00f1u\u00f1ule y g\u00fcinaja na guiya guajo ya ujasangane jamyo.\n16:15 Todosija y g\u00fcinajan Tata, iyoco; ayo mina, jusangan na ma\u00f1u\u00f1ule y g\u00fcinaja na guiya guajo ya ujasangane jamyo.\n16:16 Trabia dididija na tiempo, ti inlie yo talo; ya y otro biaje dididija na tiempo inlie yo.\n16:17 Ya y palo disipulo ileg\u00f1ija entre sija uno yan otro: Jafa muna ileg\u00f1a este nu jita? Dididija na tiempo ti inlie yo; ya y otro biaje, dididija na tiempo inlie yo: sa bae jujanao para as Tata?\n16:18 Ayo nae ileg\u00f1ija: Jafa este muna ileg\u00f1a? Dididija na tiempo? Ti tatungo jafa ileg\u00f1a.\n16:19 Lao jatungoja si Jesus na manmalago na umafaesen g\u00fce, ya ileg\u00f1a nu sija: Manafaesen entre jamyo jafa y ilelegco: Dididija na tiempo ya ti inlie yo; ya otro biaje, dididija na tiempo inlie yo?\n16:20 Magajet ya magajet y jusangane jamyo: infananges yan infanugung\u00f1aejon, lao y tano umagof; ya jamyo infantriste, lao y tristenmiyo umabira para minagof.\n16:21 Y palaoan yaguin para ufa\u00f1ago guaja piniti\u00f1a, sa mato y ora\u00f1a; lao yaguin munjayan jafa\u00f1ago y patgon, mafeta nu y piniti\u00f1a, pot y minagof\u00f1a na esta ma\u00f1ago un taotao gui tano.\n16:22 Pago jamyo locue magajet na infantriste; lao yaguin manaliijit talo, ufanmagof corasonmiyo, ya taya si\u00f1a munajanao y minagofmiyo guiya jamyo.\n16:23 Ayo na jaane ti infaesen yo ni jafa. Magajet y magajet y jusangane jamyo, todosija y ingagao y Tata, infanninae pot y naanjo.\n16:24 Asta pago taya ingagagao pot y naanjo: gagao ya inresibi, ya ubula y minagofmiyo.\n16:25 \u00b6 Estesija guinin jusangane jamyo gui acomparasion sija; lao ufato y ora na ti jusangane jamyo gui acomparasion sija, lao jusangane jamyo claro y g\u00fcinajan Tata.\n16:26 Ayo na jaane infanmangagao pot y naanjo: lao ada ti jusangane jamyo na guajo jutayuyute jamyo gui Tata;\n16:27 Sa y Tata mang\u00fcinaeya jamyo, sa esta inguaeya yo, ya injenggue na mamaela yo guinin as Yuus.\n16:28 Mamaela yo guinin as Tata, ya matoyo gui tano: lao judingo talo y tano, sa bae janao para as Tata.\n16:29 Y disipulu\u00f1a ileg\u00f1ija: Estag\u00fce, pago na unsangan claro, ya taya acomparasion unsangan.\n16:30 Pago intingo na jago untungo todosija; ya ti unnesesita ni jaye unfinaesenjao: pot este injenggue na jago mamaela guinin as Yuus.\n16:31 Maninepe sija as Jesus: Injenggue pago?\n16:32 Estag\u00fce na ufato y ora, ya esta mato pago, na cada uno ujanao para y iyo\u00f1a, ya indingo yo namaesaja; lao trabia ti guajoja namaesaja sa jumajame an Tata.\n16:33 Estesija jusangane jamyo, para infangaepas guiya guajo. Infangaemas\u00e2pet gui tano; lao mantiene y minatatnganmiyo, sa guajo esta jugana y tano.\n17:1 ESTESIJA jasangan si Jesus ya tumalag jilo gui langet, ya ileg\u00f1a: Tata, esta mato y ora; namalag y Lajimo, sa y Lajimo unninamalag locue.\n17:2 Parejaja unnae g\u00fce ninasi\u00f1a\u00f1a para todo y catne; ya para todosija y unnae g\u00fce, g\u00fciya numae sija taejinecog na lin\u00e2l\u00e2.\n17:3 Ya este yuje y taejinecog la lin\u00e2l\u00e2, na intingo jao, na unoja y magajet na Yuus; yan si Jesuscristo nu y jago tumago.\n17:4 Esta junamalag jao gui tano, ya munjayan y chechojo nu y unnaeyo na juchog\u00fce.\n17:5 Pago, jagoja Tata, unnamalag yo yan jago na maesa ni ayo na minalag anae estaba jumijita antes di y tano.\n17:6 Esta jufanue nu y naanmo y taotao nu y unnae yo gui tano; sa iyomo, ya unnae yo; ya sija maadaje y sinanganmo.\n17:7 Pago sija matungo na todosija y unnae yo, sija iyomo.\n17:8 Sa y finijo sija ni y unnae yo, jusangane sija; ya jaresibe, yan jatungo magajet na mamaela yo guinin jago; ya jajonggue na jagoyo tumago.\n17:9 Guajo jutayuyute sija; ti y tano jutayuyute, lao sija y unnaeyo, sa sija iyomo.\n17:10 Ya todosija y iyomo, iyoco; ya y iyoco, iyomo; ya guajayo minalag guiya sija.\n17:11 Pago taeg\u00fce yo gui tano, ya este sija mangaegue gui tano; ya mato yo guiya jago. Tata Santo adaje pot y naanmo, ayo sija y unnaeyo, para ufanunoja, parejo an jita.\n17:12 Anae estaba yo manjajame gui tano, juadadajeja sija pot y naanmo; ayo sija ni y unnaeyo ya juadadajeja ya taya ni uno malilingo, lao unoja esta malingo, g\u00fciya patgon yinilang; para ujacumple y tinigue sija.\n17:13 Lao pago mato yo iya jago; ya estesija jusasangan gui tano para y minagofjo ubula guiya sija.\n17:14 Guajo guinin numae sija ni y sinanganmo; ya y tano manchinatlie sija; sa sija ti iyon y tano, parejoja yan guajo ti iyon y tano.\n17:15 Ti jutayuyut jao na unnajanao gui tano, lao unadaje sija gui tinaelaye.\n17:16 Sija ti iyon y tano, parejo yan guajo ti iyon y tano.\n17:17 Nagasgas sija pot y minagajetmo; y sinanganmo g\u00fciya minagajet.\n17:18 Taeg\u00fcenao jago tumago yo gui tano, parejoja guajo locue munajutago sija gui tano.\n17:19 Ya pot sija, juconsagra yo namaesa, para sija locue ufangasgas pot y minagajet.\n17:20 Ta ti sijaja jutayuyute, lao ayo sija locue y jumonggue yo pot y sinangan\u00f1ija.\n17:21 Sa para todo sija ufanunoja; parejoja yan jago, Tata, gaegue jao guiya guajo, ya guajo gaegue guiya jago; sija locue ufanunoja guiya jita; para ujonggue y tano na jago tumago yo.\n17:22 Ya y minalag nu y unnae yo, junae sija: para ufanunoja parejo yan jita unoja.\n17:23 Guajo guiya sija, ya jago guiya guajo, para ufancabales gui unoja; ya para utungo y tano, na jago tumago yo, ya ung\u00fcaeya sija, parejoja yan g\u00fcinaeyamo nu guajo.\n17:24 Tata! ayosija y unnae yo, malago yo na manoyo nae gaegue, sija ufangaegue locue; para ujalie y minalagjo ni y unnae yo; sa unguaeya yo antes di jiniyong y tano.\n17:25 Tata tunas jao, y tano ti jatungo jao; lao guajo tumungo jao, ya estesija jatungo na jago tumagoyo.\n17:26 Ya guajo minamatungo sija y naanmo ya bae junatungo: na ayo na g\u00fcinaeya ni y ung\u00fcaeya yo, ayo gaegue guiya sija, yan guajo guiya sija.\n18:1 ANAE si Jesus munjayan jasangan este sija na sinangan, mapos yan y disipulu\u00f1a para otro banda y sadog Sidron, anae guaja un g\u00fcetta, ya jumalom g\u00fce yan y disipulu\u00f1a.\n18:2 Ya si Judas locue, ni y umentrega g\u00fce, jatungo ayo na lugat; sa megae na biaje si Jesus jumanao g\u00fcije yan y disipulu\u00f1a.\n18:3 Ayo nae si Judas ma\u00f1ule y inetnon sendalo, yan y ofisiat sija ni manmagas na mamale yan y Fariseo, mamalag ayo na lugat, manma\u00f1u\u00f1ule falot, yan candet, yan atmas.\n18:4 Enao mina si Jesus jatungo todosija na ufanmato guiya g\u00fciya, ya jumuyong g\u00fce gui menan\u00f1ija, ya ileg\u00f1a nu sija: Jaye inaliligao?\n18:5 Inepe\u00f1ija: Si Jesus Nasareno. Si Jesus ileg\u00f1a nu sija: Guajo yo. Gaegue g\u00fcije locue ma\u00f1isija yan Judas y umentrega g\u00fce.\n18:6 Anae munjayan jasangan: Guajo yo; manalo guato ya mamodong gui tano.\n18:7 Tomalo jafaesen sija: Jaye inaliligao? Ya ileg\u00f1ija: Si Jesus Nasareno.\n18:8 Manope si Jesus; Munjayanyo jusangane jamyo na guajo yo: Yaguin guajo inaliligao, polo ya ufanjanao este sija:\n18:9 Para ucumple y sinangan na esta jasangan: Ayo sija ni unnae yo, ni uno junafalingo.\n18:10 Ayo nae si Simon Pedro guaja espada\u00f1a, jachule ya janachetnudan un tentago mamale, ya jautut un talaga\u00f1a gui agapa. Ya y tentago naan\u00f1a si Malco.\n18:11 Enao mina si Jesus eleg\u00f1a as Pedro: Na jalom y espadamo gui baena; y copa ni janaeyo si tata, ada taya para juguimen?\n18:12 Ayo na tiempo y inetnon sendalo, yan y magas sendalo, yan y ofisiat y Judio sija, macone si Jesus ya magode.\n18:13 Ya finenana machule guato as Annas; sa g\u00fciya y suegron Caefas, na magasja na pale g\u00fcije na a\u00f1o.\n18:14 Ya si Caefas manae consejo ni y Judio sija, na janesisita un taotao para umatae pot y taotao sija.\n18:15 \u00b6 Ya madalalag si Jesus si Simon Pedro, taeg\u00fcenao yan otro disipulo. Ya ayo y otro disipulo atungo y magas na pale; ya jumalom yan si Jesus; gui quelat y palasyon y magas na pale.\n18:16 Lao si Pedro gaegue gui sanjiyong y petta. Entonses ayo y otro disipulo ni y atungo y magas na pale jumuyong, ya jasangane y pottera, ya janajalom si Pedro.\n18:17 Entonses ayo na palaoan ni y jaadaje y petta ileg\u00f1a as Pedro: Ti jago locue disipulon este na taotao? G\u00fciya ileg\u00f1a: Aje, ti guajo.\n18:18 Mangaegue g\u00fcije y tentago sija yan y ofisiat, sija, manotojgue, ya jafatinas y guafin pinigan; sa manenggeng; ya janafanmamaepe sija: ya esta tomotojgue ma\u00f1isija yan Pedro janamamaepe g\u00fce.\n18:19 \u00b6 Ya y magas na pale jafaesen si Jesus jaftaemano y disipulu\u00f1a yan y doctrina\u00f1a.\n18:20 Inepe\u00f1a si Jesus: Guajo sumangan claro gui tano; guajo siempre mamanag\u00fce guiya sinagogo yan y templo anae manetnon todo y Judio sija; ya taya jucuentuse gui secreto.\n18:21 Sajafa mina unfafaesen yo? Faesen y manmanjungog ni y jusangane sija. Estag\u00fce, sija y tumungo y sinanganjo.\n18:22 Ya anae g\u00fciya esta sumangan este, uno gui ofisiat sija na mangaegue g\u00fcije, japatmada si Jesus ya ileg\u00f1a: Taeg\u00fcenao unope y magas na pale?\n18:23 Ynepe g\u00fce as Jesus: Yaguin jusangan taelaye, nae testimonio nu y taelaye; yaguin mauleg, pot jafa mina innachinudan yo?\n18:24 Ayo nae si Annas ninamacone g\u00fce mangode para as Caefas, magas na pale.\n18:25 \u00b6 Ayo nae si Simon Pedro estaba tomotojgue janamamaepe g\u00fce. Entonses ileg\u00f1ija nu g\u00fciya: Ada ti g\u00fciya jao uno gui disipulu\u00f1a? G\u00fciya mandague ya ileg\u00f1a: Ti guajo yo.\n18:26 Uno gui tentagon magas na pale, parientes ayo y jautut si Pedro y talaga\u00f1a, ya sinangane: Ti julie jao gui g\u00fcetta yan g\u00fciya?\n18:27 Luego mandague talo si Pedro. Y enseguidas y gayo umoo.\n18:28 \u00b6 Ayo nae macone si Jesus g\u00fcine as Caefas gui jalom palasyo: ya ogaan g\u00fcije; ya sija ti manjalom gui palasyo, pot no sea infanninaale, lao para usi\u00f1a ma\u00f1ocho gui pascua.\n18:29 Entonses mapos juyong si Pilato guiya sija ya ileg\u00f1a: Jafa na finaaela inchichile contra este na taotao?\n18:30 Manmanope ya ileg\u00f1ija nu g\u00fciya: Yaguin ti taelaye finatinas\u00f1a, ti inentregao.\n18:31 Enaomina si Pilato ileg\u00f1a nu sija: Chile g\u00fce jamyo ya injisga jaftaemano y laymiyo. Yleg\u00f1ija y Judio sija nu g\u00fciya: Ti tunas na jame, infanmannae finatae ni jaye.\n18:32 Para umacumple y sinangan Jesus ni jasangan, janamatungo jafa na finatae\u00f1a nae umatae.\n18:33 \u00b6 Entonses si Pilato tumalo jumalom gui palasyo ya jaagang si Jesus ya ileg\u00f1a nu g\u00fciya: Jago jao y Ray Judio sija?\n18:34 Ynepe as Jesus: Unsasangan este pot jagoja namaesa, pat otro sija sumangangane jao pot guajo?\n18:35 Si Pilato manope: Guajo Judio yo? Nasionmo, ya y manmagas na mamale, maentrega yo nu jago: Jafa finatinasmo?\n18:36 Ynepe as Jesus: Y raenoco, ti ujuyong gui sanjilo este na tano: Yaguin y raenoco ujuyong gui sanjilo este na tano, y tentagojo sija ufanmumo, pot guajo, ya ti jumaentrega gui Judio sija: lao pago y raenoco ti ujuyong g\u00fcine.\n18:37 Entonses si Pilato ileg\u00f1a nu g\u00fciya: Jago pues un ray jao? Ynepe as Jesus: Jago umalog na guajo un ray. Guajo minamafa\u00f1ago yo, pot este, yan minamamaela yo gui tano pot este, para umanae testimonio ni minagajet. Todo ayo y iyon minagajet, jajungog y inagangjo.\n18:38 Si Pilato ileg\u00f1a nu g\u00fciya: Jafa na g\u00fcinaja y minagajet? Anae munjayan jasangan este, tumalo guato gui Judio sija ya ileg\u00f1a nu sija: Guajo ti ma\u00f1oda yo guiya g\u00fciya jafa na isao.\n18:39 Lao jamyo guaja costumbrenmiyo na junalibre uno para jamyo gui pascua. Manmalago jamyo na junalibre y Ray Judio sija?\n18:40 Entonses managang talo ya ileg\u00f1ija: Ti este; lao si Barabas. Ya si Barabas g\u00fciya un saque.\n19:1 AYO nae si Pilato jachule si Jesus, ya jasaulag.\n19:2 Ya y sendalo sija jadufog tituca para un corona, ya japolo gui ilu\u00f1a ya manaminagago g\u00fce ni magagon agaga.\n19:3 Manmato jijot ya ileg\u00f1ija: Jafa tatatmano jao, Ray Judio sija? Ya manae patmada.\n19:4 Entonses si Pilato jumuyong talo, ya ileg\u00f1a nu sija: Estag\u00fce na jachule guiya jamyo juyong, para intingo na ni un isao jusoda guiya g\u00fciya.\n19:5 Ayo anae si Jesus mapos juyong, jachuchule y coronan tituca yan y magagon agaga. Ya ileg\u00f1a nu sija si Pilato: Estag\u00fce y taotao!\n19:6 Anae malie g\u00fce ni y magas mamale yan y ofisiat sija, manaagang ileg\u00f1ija: Atane gui quiluus, atane gui quiluus. Si Pilato ileg\u00f1a nu sija: Chile jamyo ya inatane gui quiluus; sa guajo ti ma\u00f1oda yo jafa na isao guiya g\u00fciya.\n19:7 Maope g\u00fce ni y Judio sija: Jame guaja laymame, ya segun y laymame, debe umatae, sa jafa na g\u00fciya jafatinas maesa g\u00fce Lajin Yuus.\n19:8 Si Pilato anae jajungog este na sinangan, guaja g\u00fce mas dangculo na minaa\u00f1ao;\n19:9 Ya jumalom talo gui palasyo ya ileg\u00f1a as Jesus: Jago, taotao mano jao? Ya si Jesus taya inepe\u00f1a.\n19:10 Si Pilato pues ileg\u00f1a nu g\u00fciya: Jago ti umadingane yo? Ti untungo na guaja yo ninasi\u00f1ajo para junalibre jao, ya para juatane jao gui quiluus?\n19:11 Manope g\u00fce si Jesus: Ti si\u00f1a y ninasi\u00f1amo contra guajo, yaguin ti manaejao gui sanjilo; enao mina y umentrega yo guiya jago, guaja mas dangculo na isao.\n19:12 Guinin este, si Pilato jaaligao y lugat para unalibre gue: lao y Judio sija managang ileg\u00f1ija: Yaguin unnalibre este na taotao, ti amigon Sesat jao; sa ayo y umanaray, jasangan contra si Sesat.\n19:13 Anae si Pilato jajungog este na sinangan, jachule si Jesus juyong ya matachong gui tribuna, gui lugat na mafanaan Piso, ya y Hebreo na finojo G\u00e1bbatta.\n19:14 Ayo nae y tiempo para ufamauleg y pascua: jijot y ora gui las saes. Entonses ileg\u00f1a ni y Judio sija: Estag\u00fce y Raymiyo!\n19:15 Entonses manaagang, ileg\u00f1ija: Najanao! najanao! Atane gui quiluus! Yleg\u00f1a nu sija si Pilato: Juatane y Raymiyo? Magas na mamale manmanope: Taya raymame na si Sesatja.\n19:16 Entonses maentrega g\u00fce guiya sija para umatane gui quiluus. Ya sija cumone si Jesus!\n19:17 \u00b6 Ya g\u00fciya chumuchuchule y quiluus\u00f1a, jumanao para ayo na lugat na mafanaan y sagan calabera, cumequeileg\u00f1a gui Hebreo na finijo, Golgota;\n19:18 Anae maatane gui quiluus; yan y gachong\u00f1a otro dos, gui dos banda Jesus ya si Jesus gui talo.\n19:19 Ya manugue si Pilato un tinigue ya mapolo gui sanjilo y quiluus. Ya y tinigue: SI JESUS NASARENO, RAY Y JUDIO SIJA.\n19:20 Ya megae na Judio sija tumaetae este na tinigue, sa y lugat anae maatane si Jesus, jijot gui siuda, ya esta matugue gui Hebreo, yan Griega, yan Lating.\n19:21 Ayo nae eleg\u00f1ija as Pilato y manmagas na mamale yan y Judio sija: Chamo titigue: Ray y Judio sija: lao g\u00fciya umalog: Guajo y Ray y Judio sija.\n19:22 Manope si Pilato: Jafa y jutugue esta jutugue.\n19:23 \u00b6 Entonses y sendalo sija, anae munjayan maatane gui quiluus si Jesus, machule y magagu\u00f1a, ya mafatinas cuatro patte, cada sendalo un patte; yan y tunico na magago locue; g\u00fciya taya malagse\u00f1a, lao todo matufog desde y sanjilo asta y sanpapa.\n19:24 Pot enao ileg\u00f1ija entre sija: Mungajit umipe, lao tapolo suette gui jilo\u00f1a, jaye gaeyo g\u00fce: para umacumple y tinigue na ileg\u00f1a: Mapatte entre sija y magagujo, ya y tunico na magagojo mafatinas y suette. Estesija y sendalo fumatinas.\n19:25 \u00b6 Ya manotojgue gui fiun quiluus Jesus, si nana\u00f1a, yan y chelun nana\u00f1a as Maria, yan si Maria palaoan Cleopas, yan si Maria Magdalena.\n19:26 Ya anae jalie si Jesus si nana\u00f1a, yan y disipulu\u00f1a ni jaguaeya na tomotojgue jijot, ileg\u00f1a as nana\u00f1a: Palaoan, enaog\u00fce y lajimo!\n19:27 Despues, ileg\u00f1a ni disipulo: Enaog\u00fce si nanamo. Desde ayo na ora y disipulo inadaje g\u00fce gui guima\u00f1a.\n19:28 \u00b6 Despues di este, jatungo si Jesus na todosija esta manmacumple, para y tinigue umacumple, ileg\u00f1a: Majoyo.\n19:29 Ya gaegue g\u00fcije un nayan na bula y binagle: Ya sija nabula y espongja y binagle ya mapolo gui jilo un jayo na naan\u00f1a y hisopo, ya manafalag y pachot\u00f1a.\n19:30 Anae si Jesus jaguinem y binagle, eleg\u00f1a: Jocog esta: ya janaeguen y ilu\u00f1a ya jaentrega y espiritu.\n19:31 \u00b6 Entonses y Judio sija, sa ayo na jaane y jaanen Preparasion; para y tataotao sija taya usaga gui quiluus gui sabado na jaane (sa dangculo ayo na jaane y sabado), manmangagao as Pilato na ufanmajulog y adeng\u00f1ija ya umanafanjanao g\u00fcije.\n19:32 Manmanmato sija y sendalo ya majulog y adeng\u00f1a y finenana, yan y otro, ayo dos y guinin y matane gui quiluus yan guiya;\n19:33 Ya anae manmato gui as Jesus, ya malie na g\u00fciya esta matae, ti julog y adeng\u00f1a:\n19:34 Lao uno gui sendalo sija, janaadotgan gui calaguag\u00f1a y lansa\u00f1a, ya jumuyong y j\u00e2g\u00e2 yan janom.\n19:35 Ya g\u00fciya y lumie mannae testimonio, ya y testimonio\u00f1a, g\u00fciya magajet: ya g\u00fciya tumungo na jafa, ileg\u00f1a magajet, para jamyo locue injenggue.\n19:36 Sa este na g\u00fcinaja jumuyong esta para umacumple y tinigue na ileg\u00f1a: Ni un tolang guiya g\u00fciya umajulog.\n19:37 Yan locue otro tinigue ileg\u00f1a: Umaatan ayo ni janaadotgan.\n19:38 \u00b6 Despues di malofan estesija, si Jos\u00e9 taotao Arimatea, ya disipulon Jesus, lao gui secreto sa maa\u00f1ao ni Judio sija, jagagao si Pilato na g\u00fciya unajanao y tataotao Jesus: entonses si Pilato japolo. Ya mato g\u00fce ya janajanao y tataotao\u00f1a.\n19:39 Mato locue si Nicodemo, na jagas mato gui as Jesus gui puenge, ma\u00f1u\u00f1ule un dina\u00f1an mira yan chaguan na jajatot, na y minacat\u00f1a sien libra.\n19:40 Ayo nae jachule y tataotao Jesus, ya maafuyut magago yan paopao, taemanoja y costumbre y Judio sija an manmanjafot.\n19:41 Ya ayo na lugat nae maatane gui quiluus, guaja un g\u00fcetta, ya y g\u00fcetta nae guaja un naftan nuebo, ya asta pago taya nae mapoluye.\n19:42 Ayo nae mapolo si Jesus, sa ayo na jaane y jaanin Preparasion y Judio sija (sa ayo na naftan estaba jijot).\n20:1 Y finenana na jaane gui semana, gui egaan anae ti claro, si Maria Magdalena mato gui naftan, ya jalie y acho na manajanao gui naftan.\n20:2 Entonses malago ya malag as Simon Pedro, yan y otro disipulo ni g\u00fcinaeya as Jesus, ya ileg\u00f1a nu sija: Jachule y Se\u00f1ot gui naftan ya jame ti intingo mano nae japolo.\n20:3 Manmapos si Pedro yan y otro disipulo, ya manmato gui naftan.\n20:4 Ya manmalago sija y dos umetnon: ya y otro disipulo malago chadig\u00f1a qui si Pedro, ya mato finenana gui naftan.\n20:5 Ya \u00f1umejon ya jaatan, ya jalie y magago lenso na mapolo; lao ti jumalom.\n20:6 Entonses mato si Simon Pedro ni dumadalalag g\u00fce, ya jumalom gui naftan, ya jalie y magago lenso na mapolo,\n20:7 Ya y magago sudario na gaegue gui jilo y ilu\u00f1a, ti mapolo yan y palo magago, lao y otro lugat na mabalulutan.\n20:8 Entonses jumalom locue ayo y otro disipulo, ni guine mato finenana gui naftan; ya jalie yan jajonggue.\n20:9 Sa ti matutungo trabia y tinigue, na janesesita na g\u00fciya ucajulo guine entalo manmatae.\n20:10 Ayo nae manalo y disipulo sija guato gui guima\u00f1ija.\n20:11 \u00b6 Ya si Maria gaegue g\u00fcije gui san jiyong, jijot y naftan ya tumatanges; ya tumanges, \u00f1umejon papa y jaatan y sanjalom y naftan;\n20:12 Ya jalie dos angjet na minagagon apaca, na manmatatachong, y uno gui para y ilo, y otro para y adeng, anae y tataotao Jesus guine mapolo.\n20:13 Ya ileg\u00f1ija nu g\u00fciya: Palaoan, jafa na tumatanges jao? Yleg\u00f1a nu sija: Sa jafa muna jachule y Se\u00f1otjo, ya ti jutungo mano nae japolo.\n20:14 Anae jasangan este, tumalo tate, ya jalie si Jesus, g\u00fcije na tomotojgue, lao ti jatungo cao g\u00fciya si Jesus.\n20:15 Yleg\u00f1a nu g\u00fciya si Jesus: Palaoan, jafa na tumatanges jao? Jaye unaliligao? Pinelo\u00f1a na ayo na taotao y taotao y g\u00fcetta, ileg\u00f1a nu guiya: Se\u00f1ot, yaguin jago chumule, sangane yo mano nae unpolo, ya juchule g\u00fce.\n20:16 Yleg\u00f1a nu g\u00fciya si Jesus: Maria! Jabira guiya g\u00fciya ya, ileg\u00f1a gui Hebreo na finijo: Raboni! cumequeileg\u00f1a, Maestro;\n20:17 Yleg\u00f1a nu g\u00fciya si Jesus: Chamo yo pumapacha; sa asta pago ti cajulo yo gui as Tata; lao janao para y ma\u00f1elujo ya unsangane sija, na jucajulo gui Tatajo ya yan Tatamiyo, y Yuusjo yan y Yuusmiyo.\n20:18 Mato si Maria Magdalena ya jasangane y disipulo sija: Esta julie y Se\u00f1ot; ya jaftaemano sinangane g\u00fce nu este na g\u00fcinaja.\n20:19 \u00b6 Ya anae esta pupuenge, g\u00fcije mismo na jaane, y finenana gui semana, ya y petta manmajujuchom, g\u00fcije nae mangaegue y disipulo sija manetnon sa manmaa\u00f1ao ni Judio sija, mato si Jesus, ya tumojgue g\u00fce gui talo ya ileg\u00f1a nu sija: Pas ugaegue guiya jamyo.\n20:20 Ya anae munjayan jasangan este, manfinanue ni canae\u00f1a yan y calaguag\u00f1a. Ayo nae manmagof y disipulo sija anae malie y Se\u00f1ot.\n20:21 Ya si Jesus ileg\u00f1a nu sija talo: Pas ugaegue guiya jamyo; taemanoja si Tata ni tumago yo, taeg\u00fcije locue jutago jamyo.\n20:22 Ya anae munjayan jasangan este, manguaefe gui jilo\u00f1ija ya ileg\u00f1a nu sija: Resibe jamyo y Espirito Santo.\n20:23 Y inasie ni y isao\u00f1ija, sija ufanmaasie; ya iyon\u00f1ija y indetiene sija ufanmadetiene.\n20:24 \u00b6 Ya si Tomas, uno gui dose, na mafananaan si Didimo, taeg\u00fce guiya sija anae mato si Jesus.\n20:25 Ya ileg\u00f1ija nu g\u00fciya y palo disipulo: Y Se\u00f1ot guinin talie. Lao ileg\u00f1a nu sija: Yaguin ti julie gui canae\u00f1a y se\u00f1at y lilog sija, ya junajalom y calalotjo gui se\u00f1at y lilog, yan ti junajalom y canaejo gui calaguag\u00f1a, ti jujonggue.\n20:26 \u00b6 Ya despues di manmalofan ocho na jaane, anae disipulo sija mangaegue talo gui sanjalom, ma\u00f1isija yan si Tomas. Mato si Jesus, macandalo y petta, ya sumaga gui entalo ya ileg\u00f1a: Pas ugaegue guiya jamyo.\n20:27 Ayo nae ileg\u00f1a as Tomas: Namamaela g\u00fcine mague y calolotmo, ya unlie y canaejo; ya namamaela g\u00fcine mague y canaemo, ya unnajalom gui calaguagmo; ya chamo tataeinangoco, lao unjonggue.\n20:28 Entonses si Tomas manope ya ileg\u00f1a nu g\u00fciya: Se\u00f1otjo yan Yuusjo.\n20:29 Yleg\u00f1a nu g\u00fciya si Jesus: Pot y unlie yo, Tomas, na unjonggue yo: mandichoso ayo sija y ti manmanlie, lao manmanjonggue.\n20:30 \u00b6 Magajet, megae sija na se\u00f1at palo na jafatinas si Jesus gui menan y disipulu\u00f1a na ti matugue g\u00fcine na leblo:\n20:31 Lao este sija manmatugue para injenggue na si Jesus, g\u00fciya si Cristo, Lajin Yuus; ya anae injenggue, guaja jamyo taejinecog la lin\u00e2l\u00e2 pot y naan\u00f1a.\n21:1 DESPUES di manmalofan estesija, jafanue gue si Jesus otro biaje y disipulo sija gui oriyan tasen Tiberias; ya taeg\u00fcine jafanue g\u00fce namaesa.\n21:2 Mangaegue mandada\u00f1a si Simon Pedro yan si Tomas, na mafananaan si Didimo, yan si Nataniel, taotao Cana guiya Galilea, yan y famaguon Sebedeo, yan otro dos disipulu\u00f1a.\n21:3 Yleg\u00f1a nu sija si Simon Pedro: Jujanao para jucone y g\u00fcijan. Yleg\u00f1ija nu g\u00fciya: Jame indalalag jao. Manmapos ya manjalom gui un sajyan; ya ayo na puenge, taya quinene\u00f1ija.\n21:4 Anae manana gui egaan si Jesus sumaga tomotojgue gui oriyan tase; ya y disipulo ti matungo cao g\u00fciya si Jesus.\n21:5 Ayo nae ileg\u00f1a nu sija si Jesus: Famaguon, guaja jamyo jafa para incano? Manope g\u00fce: Taya.\n21:6 Ya ileg\u00f1a nu sija: Yute y lagua gui agapan y sajyan, ya inseda. Mayute ya ti manasi\u00f1a machule gui tase pot y minegae y g\u00fcijan.\n21:7 Ayo na disipulo y g\u00fcinaeya as Jesus, umadingane si Pedro: G\u00fciya y Se\u00f1ot. Entonses si Simon Pedro anae jajungog na g\u00fciya y Se\u00f1ot jadudog g\u00fce nu y magagon pescadot (sa taemagago g\u00fce), ya tumayog gui tase.\n21:8 Ya y palo disipulo sija manmato yan y sajyan (sa ti chago gui tano, lao guaja dosientos codo) machule y lagua, na bula ni g\u00fcijan.\n21:9 Ya anae manmato gui tano manmanlie guafe y pinigan na mapolo esta y g\u00fcijan gui jilo\u00f1a, yan pan.\n21:10 Yleg\u00f1a si Jesus nu sija: Chule mague y g\u00fcijan ni inquene pago.\n21:11 Ayo anae cajulo si Simon Pedro ya jajala y lagua para y tano, bula dangculon g\u00fcijan sija, siento y sincuenta y tres; ya achogja taeg\u00fcenao y minegae\u00f1a, y lagua ti matitig.\n21:12 Yleg\u00f1a nu sija si Jesus: Fanmamaela ya infa\u00f1ocho. Ya ni uno gui disipulo sija fumaesen g\u00fce: Jago, jaye jao? matungo na g\u00fciya y Se\u00f1ot.\n21:13 Entonses mamaela si Jesus, ya jachule y pan ya manninae, ya y g\u00fcijan taeg\u00fcenao.\n21:14 Esta g\u00fciya y mina tres na biaje na si Jesus jafanue g\u00fce y disipulu\u00f1a desde tiempo nae cajulo g\u00fce guine entalo manmatae.\n21:15 \u00b6 Anae munjayan ma\u00f1ocho, si Jesus ileg\u00f1a as Simon Pedro: Simon lajin Juan, unguaeya yo mas qui este sija? Sinangane g\u00fce: Si Se\u00f1ot, jago tumungo na juguaeya jao. Yleg\u00f1a nu g\u00fciya: Pasto y gajo patgon quinilo.\n21:16 Tumalo ileg\u00f1a nu g\u00fciya y mina dos biaje: Simon, lajin Juan, unguaeya yo? Yleg\u00f1a nu g\u00fciya: Si Se\u00f1ot, untungoja na juguflie jao. Yleg\u00f1a nu g\u00fciya: Adaje y gajo quinilo.\n21:17 Yleg\u00f1a nu g\u00fciya y mina tres na biaje: Simon, lajin Juan, unguflie yo? Ninatriste si Pedro na sinangane g\u00fce asta tres biaje: Unguflie yo? ya ileg\u00f1a nu g\u00fciya: Se\u00f1ot, jago tumungo todosija: jago tumungo na juguflie jao. Yleg\u00f1a nu g\u00fciya si Jesus: Pasto y gajo quinilo.\n21:18 Magajet ya magajet jusangane jao, anae patgon jao, undudog jao nu y sentura ya malag y malagomoja: ya anae bijo jao unjuto y canaemo, ya guinede jao ni y otro, ya unquinene guato gui ti malagomo.\n21:19 Ya este ileg\u00f1a, janatungo jafa na finatae nae si\u00f1a namalag si Yuus. Ya anae jasangan este, ileg\u00f1a nu g\u00fciya: Dalalag yo.\n21:20 Entonses jabira g\u00fce si Pedro ya jalie ayo na disipulo na g\u00fcinaeya as Jesus dinalalag g\u00fce; ya locue umason gui pichon gui sena, ya sinangane, Se\u00f1ot jaye uje y umentregao?\n21:21 Anae si Pedro jalie este, ileg\u00f1a as Jesus: Se\u00f1ot, jafa jumuyong para este?\n21:22 Yeg\u00f1a nu g\u00fciya si Jesus: Yaguin malagojo na g\u00fciya ugagaegue asta qui mato yo, jafa y uguaja guiya jago? Dalalag yo.\n21:23 Jumuyong este na sinangan entre y ma\u00f1elo na ayo na disipulo ti umatae: lao si Jesus sinangane, na ti umatae; lao yaguin malagoyo na g\u00fciya ugagaegue asta qui mato yo, jafa y uguaja guiya jago?\n21:24 \u00b6 Este g\u00fciya y disipulo ni manae testimonio nu este sija na g\u00fcinaja, ya jatugue este sija na g\u00fcinaja: ya tatungo na y testimonio\u00f1a, g\u00fciya magajet.\n21:25 \u00b6 Ya guaja locue palo megae na g\u00fcinaja na jafatinas si Jesus, yaguin ufanmangue cada uno, jujaso na todo y tano ti omlat y leblo sija y ufanmatugue. Amen.","title":"Chamorro Bible (partial): John","type":"page"}