{"collection":"Bible & Christianity","html_url":"https://unchartedknowledge.5gfusion.net/browse/bib/wb/got/co2.htm","path":"bib/wb/got/co2.htm","source_url":"https://sacred-texts.com/bib/wb/got/co2.htm","text":"1:0 [B] Du Kaurin\u00feaium an\u00feara dustodei\u00fe.\n1:1 [B] Pawlus apaustaulus Iesuis Xristaus \u00feairh wiljan gudis jah Teimau\u00feaius bro\u00fear aikklesjon gudis \u00feizai wisandein in Kaurin\u00feon mi\u00fe allaim \u00feaim weiham \u00feaim wisandam in allai Aka\u00efjai:\n1:2 [B] ansts izwis jah gawair\u00fei fram guda attin unsaramma jah fraujin Iesu Xristau.\n1:3 [B] \u00feiu\u00fei\u00fes gu\u00fe jah atta fraujins unsaris Iesuis Xristaus, atta blei\u00feeino jah gu\u00fe allaizo ga\u00felaihte,\n1:4 [B] saei ga\u00ferafstida uns ana allai aglon unsarai, ei mageima weis ga\u00ferafstjan \u00feans in allaim aglom \u00feairh \u00feo ga\u00felaiht \u00feizaiei ga\u00ferafstidai sijum silbans fram guda.\n1:5 [B] unte swaswe ufarassus ist \u00feulaine Xristaus in uns, swa jah \u00feairh Xristu ufar filu ist jah ga\u00ferafsteins unsara.\n1:6 [B] a\u00fe\u00fean ja\u00fe\u00fee \u00fereihanda in izwaraizos ga\u00felaihtais jah naseinais \u00feizos waurstweigons in stiwitja \u00feizo samono \u00feulaine, \u00feozei jah weis winnam, jah wens unsara gatulgida faur izwis; ja\u00fe\u00fee ga\u00ferafstjanda in izwaraizos ga\u00felaihtais jah naseinais,\n1:7 [B] witandans \u00featei swaswe gadailans \u00feulaine siju\u00fe, jah ga\u00felaihtais wair\u00fei\u00fe.\n1:8 [A] . . . . swaswe afswaggwidai weseima jal~liban.\n1:8 [B] unte ni wileima izwis unweis(ans), bro\u00ferjus, bi aglon unsara \u00feo waur\u00feanon uns in Asiai, unte ufarassau kauridai wesum ufar maht, swaswe skamaidedeina uns jah liban.\n1:9 [A] akei silbans in uns silbam andahaft dau\u00feaus habaidedum, ei ni sijaima trauandans du uns silbam, ak du guda \u00feamma urraisjandin dau\u00feans,\n1:9 [B] akei silbans in uns silbam andahaft dau\u00feaus habaidedum, ei ni sijaima trauandans du uns silbam, ak du guda \u00feamma urraisjandin dau\u00feans,\n1:10 [A] izei us swaleikaim dau\u00feum uns galausida jah galausei\u00fe, du \u00feammei wenidedum ei galausei\u00fe,\n1:10 [B] izei us swaleikaim dau\u00feum uns galausida jah galausei\u00fe, du \u00feammei wenidedum ei galausei\u00fe,\n1:11 [A] at hilpandam jah izwis bi uns bidai, ei in managamma andwair\u00feja so in uns giba \u00feairh managans awiliudodau faur uns.\n1:11 [B] at hilpandam jah izwis bi uns bidai, ei in managamma andwair\u00feja so in uns giba \u00feairh managans awiliudodau faur uns.\n1:12 [A] unte hvoftuli unsara so ist, weitwodei mi\u00fewisseins unsaraizos, \u00featei in ainfal\u00feein jah hlutrein gudis, ni in handugein leikeinai, ak in anstai gudis usmetum in \u00feamma fairhvau, i\u00fe ufarassau at izwis.\n1:12 [B] unte hvoftuli unsara so ist, weitwodei mi\u00fewisseins unsaraizos, \u00featei in ainfal\u00feein jah hlutrein gudis, ni in handugein leikeinai, ak in anstai gudis usmeitum in \u00feamma fairhvau, i\u00fe ufarassau at izwis.\n1:13 [A] unte ni alja meljam izwis, alja \u00feoei anakunnai\u00fe ai\u00fe\u00feau jah ufkunnai\u00fe; a\u00fe\u00fean wenja ei und andi ufkunnai\u00fe,\n1:13 [B] unte ni alja meljam izwis, alja \u00feoei anakunnai\u00fe ai\u00fe\u00feau jah ufkunnai\u00fe; a\u00fe\u00fean wenja ei und andi ufkunnai\u00fe,\n1:14 [A] swaswe gakunnaidedu\u00fe uns bi sumata, unte hvoftuli izwara sijum, swaswe jah jus unsara in daga fraujins Iesuis.\n1:14 [B] swaswe gakunnaidedu\u00fe uns bi sumata, unte hvoftuli izwara sijum, swaswe jah jus unsara in daga fraujins Iesuis Xristaus.\n1:15 [A] jah \u00feizai trauainai wilda faur\u00feis qiman at izwis, ei an\u00feara anst habaidedei\u00fe,\n1:15 [B] jah \u00feizai trauainai wilda faur\u00feis qiman at izwis, ei an\u00feara anst habaidedei\u00fe,\n1:16 [A] ja\u00fe~\u00feairh izwis galei\u00fean in Makaidonja jah aftra af Makaidonjai qiman at izwis, jah fram izwis gasandjan mik in Iudaia.\n1:16 [B] jah \u00feairh izwis galei\u00fean in Makidonja jah aftra af Makidonjai qiman at izwis, jah fram izwis gasandjan mik in Iudaia.\n1:17 [A] \u00featu\u00fe~\u00fean nu mitonds, ibai aufto leihtis bruhta? ai\u00fe\u00feau \u00featei mito, bi leika \u00feagkjau, ei sijai at mis \u00feata ja ja jah \u00feata ne ne?\n1:17 [B] \u00featu\u00fe~\u00fean nu mitonds, ibai aufto leihtis bruhta? ai\u00fe\u00feau \u00featei mito, bi leika \u00feagkjau, ei [ni] sijai at mis \u00feata ja ja jah \u00feata ne ne?\n1:18 [A] a\u00fe\u00fean triggws gu\u00fe, ei \u00feata waurd unsar \u00feata du izwis nist ja jan~ne.\n1:18 [B] a\u00fe\u00fean triggws gu\u00fe, ei \u00feata waurd unsar \u00feata du izwis nist ja jah ne.\n1:19 [A] unte gudis sunus Iesus Xristus, saei in izwis \u00feairh uns merjada, \u00feairh mik jah Silbanu jah Teimau\u00feaiu, ni war\u00fe ja jan~ne, ak ja in imma war\u00fe.\n1:19 [B] unte gudis sunus Iesus Xristus, saei in izwis \u00feairh uns wailamerjada, \u00feairh mik jah Silbanu jah Teimau\u00feaiu, nih war\u00fe ja jah ne, ak ja in imma war\u00fe.\n1:20 [A] hvaiwa managa gahaita gudis, in imma \u00feata ja, du\u00fe\u00fee ja\u00fe~\u00feairh ina amen, guda du wul\u00feau \u00feairh uns.\n1:20 [B] hvaiwa managa gahaita gudis, in imma \u00feata ja, du\u00fe\u00fee jah \u00feairh ina amen, guda du wul\u00feau \u00feairh uns.\n1:21 [A] a\u00fe\u00fean sa ga\u00fewastjands uns mi\u00fe izwis in Xristau jah salbonds uns gu\u00fe,\n1:21 [B] a\u00fe\u00fean sa ga\u00fewastja(n)ds unsis mi\u00fe izwis in Xristau jah salbonds uns gu\u00fe,\n1:22 [A] jah sigljands uns jah gibands wadi ahman in hairtona unsara.\n1:22 [B] jah sigljands uns jah gibands wadi ahman in hairtona unsara.\n1:23 [A] a\u00fe\u00fean ik weitwod gu\u00fe anahaita ana meinai saiwalai ei freidjands izwara \u00feanasei\u00fes ni qam in Kaurin\u00feon;\n1:23 [B] a\u00fe\u00fean ik weitwod gu\u00fe anahaita ana meinai saiwalai ei freidjands izwara \u00feanasei\u00fes ni qam in Kaurin\u00feon;\n1:24 [A] ni \u00featei fraujinoma izwarai galaubeinai, ak gawaurstwans sijum anstais izwaraizos, unte galaubeinai gasto\u00feu\u00fe.\n1:24 [B] ni \u00featei fraujinoma izwarai galaubeinai, ak gawaurstwans sijum anstais izwaraizos, unte galaubeinai gasto\u00feu\u00fe.\n2:1 [A] A\u00fe\u00fean gastauida \u00feata silbo at mis, ei aftra in saurgai ni qimau at izwis.\n2:1 [B] A\u00fe\u00fean gastauida \u00feata silbo at mis, ei aftra in saurgai ni qimau at izwis.\n2:2 [A] unte jabai ik gaurja izwis, jah hvas ist saei gailjai mik, niba sa gaurida us mis?\n2:2 [B] unte jabai ik gaurja izwis, jah hvas ist saei gailjai mik, nibai sa gaurida us mis?\n2:3 [A] ja\u00fe~\u00feata silbo gamelida izwis, ei qimands saurga ni habau fram \u00feaimei skulda faginon, gatrauands in allaim izwis \u00featei meina fahe\u00fes allaize izwara ist.\n2:3 [B] jah \u00feata silbo gamelida izwis, ei qimands saurga ni habau fram \u00feaimei skulda fa(gi)non, gatrauands in allaim izwis \u00featei meina faheds allaize izwara ist.\n2:4 [A] a\u00fe\u00fean us managai aglon jah aggwi\u00feai hairtins gamelida izwis \u00feairh managa tagra, ni \u00feeei saurgai\u00fe, ak ei frija\u00fewa kunnei\u00fe \u00feoei haba ufarassau du izwis.\n2:4 [B] a\u00fe\u00fean us managai aglon jah aggwi\u00feai hairtins gamelida izwis \u00feairh managa tagra, ni \u00feeei saurgai\u00fe, ak ei fria\u00fewa kunnei\u00fe \u00feoei haba ufarassau du izwis.\n2:5 [A] a\u00fe\u00fean jabai hvas gaurida, ni mik gaurida, ak bi sum ain, ei ni anakaurjau, allans izwis.\n2:5 [B] a\u00fe\u00fean jabai hvas gaurida, ni mik gaurida, ak bi sum ain, ei ni anakaurjau, allans izwis.\n2:6 [A] ganah \u00feamma swaleikamma andabeit \u00feata fram managizam,\n2:6 [B] ganah \u00feamma swaleikamma andabeit \u00feata fram managizam,\n2:7 [A] swaei \u00feata andanei\u00feo izwis mais fragiban jag~ga\u00felaihan, ibai aufto managizein saurgai gasiggqai sa swaleiks.\n2:7 [B] swaei \u00feata andanei\u00feo izwis mais fragiban jah ga\u00felaihan, ibai aufto managizein saurgai gasiggqai sa swaleiks.\n2:8 [A] inu\u00fe~\u00feis bidja izwis tulgjan in imma fria\u00fewa.\n2:8 [B] inuh \u00feis bidja izwis tulgjan in imma fria\u00fewa.\n2:9 [A] du\u00fe\u00fee gamelida ei ufkunnau kustu izwarana, sijaidu in allamma ufhausjandans.\n2:9 [B] du\u00fe\u00fee gamelida ei ufkunnau kustu izwarana, sijaidu in allamma ufhausjandans.\n2:10 [A] a\u00fe\u00fean \u00feammei hva fragibi\u00fe, jah ik; jah \u00fean ik, jabai hva fragaf, fragaf in izwara in andwair\u00feja Xristaus,\n2:10 [B] a\u00fe\u00fean \u00feammei (hva) fragibi\u00fe, jah ik; jah \u00fean ik, jabai hva fragiba, fragiba in izwara in andwair\u00feja Xristaus,\n2:11 [A] ei ni gaaiginondau fram Satanin; unte ni sijum unwitandans munins is.\n2:11 [B] ei ni ga(a)iginondau fram Satanin; unte ni sijum unwitandans munins is.\n2:12 [A] a\u00fe\u00fean qimands in Trauadai in aiwaggeljons Xristaus jah at haurdai mis uslukanai in fraujin,\n2:12 [B] a\u00fe\u00fean qimands in Trauadai in aiwaggeljon Xristaus jah at haurdai mis uslukanai in fraujin,\n2:13 [A] ni habaida gahveilain ahmin meinamma, in \u00feammei ni bigat Teitaun bro\u00fear meinana; ak twisstandands im galai\u00fe in Makaidonja.\n2:13 [B] ni habaida gahveilain ahmin meinamma, in \u00feammei ni bigat Teitaun bro\u00fear meinana; ak twistandands imma galai\u00fe in [in] Makidonja.\n2:14 [A] a\u00fe\u00fean guda awiliu\u00fe \u00feamma sinteino ustaiknjandin hro\u00feeigans uns in Xristau jah daun kun\u00fejis seinis gabairhtjandin \u00feairh uns in allaim stadim;\n2:14 [B] a\u00fe\u00fean guda awiliud \u00feamma sinteino ustaiknjandin hro\u00feeigans uns in Xristau jah daun kun\u00fejis seinis gabairhtjandin in allaim stadim \u00feairh uns;\n2:15 [A] unte Xristaus dauns sijum wo\u00fei guda in \u00feaim ganisandam jah in \u00feaim fraqistnandam;\n2:15 [B] unte Xristaus dauns sijum wo\u00fei guda in \u00feaim ganisandam jah in \u00feaim fraqistnandam;\n2:16 [A] sumaim dauns us dau\u00feau du dau\u00feau, sumaimu\u00fe~\u00fean dauns us libainai du libainai; jad~du \u00feamma hvas wair\u00fes?\n2:16 [B] sumaim auk dauns dau\u00feaus du dau\u00feau, sumaimu\u00fe~\u00fean dauns us libainai du libainai; jah du \u00feamma hvas wair\u00fes?\n2:17 [A] unte ni sium swe sumai maidjandans waurd gudis, ak us hlutri\u00feai, ak swaswe us guda in andwair\u00feja gudis in Xristau rodjam.\n2:17 [B] unte ni sijum sumai maidjandans waurd gudis, ak us hlutri\u00feai, ak s(wa)swe us guda in andwair\u00feja gudis in Xristau rodjam.\n3:1 [A] Duginnam aftra uns silbans anafilhan? ai\u00fe\u00feau ibai \u00feaurbum swe sumai anafilhis boko du izwis, ai\u00fe\u00feau us izwis anafilhis?\n3:1 [B] Dug(in)nam aftr(a) uns silbans anafilhan? ai\u00fe\u00feau ibai \u00feaur(b)um swe sumai anafil(h)is boko du izwis, ai\u00fe\u00feau us izwis anafilhis?\n3:2 [A] aipistaule unsara jus siju\u00fe, gamelida in hairtam unsaraim, kun\u00fea jah anakunnaida fram allaim mannam.\n3:2 [B] aipistaule unsara jus siju\u00fe, gamelida in hairtam unsaraim, kun\u00fea jah anakunnaida fram allaim mannam.\n3:3 [A] swikun\u00feai \u00featei siu\u00fe aipistaule Xristaus, andbahtida fram uns, inna gamelida ni swartiza, ak ahmin gudis libandins, ni in spildom staineinaim, ak in spildom hairtane leikeinaim.\n3:3 [B] swikun\u00fe \u00featei siju\u00fe aipistaule Xristaus, andba(h)tida fram uns, inna gamelida ni swartizla, ak ahmin gudis libandins, ni in spildom staineinaim, ak in spildom hairtane leikeinaim.\n3:4 [A] a\u00fe\u00fean trauain swaleika habam \u00feairh Xristu du guda,\n3:4 [B] a\u00fe\u00fean trauain swaleika habam \u00feairh Xristu du guda,\n3:5 [A] ni \u00featei wair\u00feai sijaima \u00feagkjan hva af uns silbam, ak so wair\u00feida unsara us guda ist,\n3:5 [B] ni \u00featei wair\u00feai sijaima \u00feagkjan hva af uns silbam, swaswe af uns silbam, ak so wair\u00feida unsara us guda ist,\n3:6 [A] izei jah wair\u00feans brahta uns andbahtans niujaizos triggwos, ni bokos, ak ahmins; unte boka usqimi\u00fe, i\u00fe ahma gaqiuji\u00fe.\n3:6 [B] izei jah wair\u00feans brahta uns (andba)htans niujaizos trigg(wos), (ni) bokos, ak ahmins; unte bo(ka) usqimi\u00fe, i\u00fe ahma gaqiuji\u00fe.\n3:7 [A] a\u00fe\u00fean jabai andbahti dau\u00feaus in gameleinim gafrisahti\u00fe in stainam war\u00fe wul\u00feag, swaei ni mahtedeina sunjus Israelis fairweitjan du wlita Mosezis in wul\u00feaus wlitis is \u00feis gataurnandins,\n3:7 [B] a\u00fe\u00fean jabai andbahti dau\u00feaus in gameleinim gafrisahti\u00fe in stainam war\u00fe wul\u00feag, swaei ni mahte[de]deina sunjus Israelis fairweitjan du wlita Mosezis in wul\u00feaus wlitis is \u00feis gataurnandins,\n3:8 [A] hvaiwa nei mais andbahti ahmins wair\u00feai in wul\u00feau?\n3:8 [B] hvaiwa nei mais andbahti ahmins wair\u00feai in wul\u00feau?\n3:9 [A] jabai auk andbahtja wargi\u00feos wul\u00feus, und filu mais ufarist andbahti garaihteins in wul\u00feau.\n3:9 [B] jabai auk andbahti wargi\u00feos wul\u00feus, und filu mais ufarist andbahti garaihteins u(s) wul\u00feau.\n3:10 [A] unte ni was wul\u00feag \u00feata wul\u00feago in \u00feizai halbai in ufarassaus wul\u00feaus;\n3:10 [B] unte ni was wul\u00feag \u00feata wul\u00feago in \u00feizai halbai in ufarassaus wul\u00feaus;\n3:11 [A] jabai auk \u00feata gataurnando \u00feairh wul\u00feu, und filu mais \u00feata wisando in wul\u00feau.\n3:11 [B] jabai auk \u00feata gataurnando \u00feairh wul\u00feu, und filu mais \u00feata wisando in wul\u00feau.\n3:12 [A] habandans nu swaleika wen managaizos bal\u00feeins brukjaima,\n3:12 [B] habandans nu swaleika wen managaizos bal\u00feeins brukjaima,\n3:13 [A] jan~ni swaswe Mosez lagida hulistr ana andawleizn, du\u00fee ei ni fairweitidedeina sunjus Israelis in andi \u00feis gataurnandins;\n3:13 [B] jah ni swaswe Mosez lagida hulistr ana andawleizn, du\u00fee ei ni fairweitidedeina sunjus Israelis in andi \u00feis gataurnandins;\n3:14 [A] ak afdaubnodedun fra\u00feja ize, unte und hina dag \u00feata samo hulistr in anakunnainai \u00feizos fairnjons triggwos wisi\u00fe unandhuli\u00fe, unte in Xristau gatairada.\n3:14 [B] ak afdaubnodedun fra\u00feja ize, unte und hina dag \u00feata samo hulistr in anakunnainai \u00feizos fairnjons triggwos wisi\u00fe unandhuli\u00fe, unte in Xristau gatairada.\n3:15 [A] akei und hina dag mi\u00fe\u00feanei siggwada Moses, hulistr ligi\u00fe ana hairtin ize.\n3:15 [B] akei und hina dag mi\u00fe\u00feanei siggwada Moses, hulistr ligi\u00fe ana hairtin ize.\n3:16 [A] a\u00fe\u00fean mi\u00fe\u00feanei gawandei\u00fe du fraujin, afnimada \u00feata hulistr.\n3:16 [B] a\u00fe\u00fean mi\u00fe\u00feanei gawandei\u00fe du fraujin, afnimada \u00feata hulistr.\n3:17 [A] a\u00fe\u00fean frauja ahma ist; a\u00fe\u00fean \u00fearei ahma fraujins, \u00fearuh freijhals ist.\n3:17 [B] a\u00fe\u00fean frauja ahma ist; a\u00fe\u00fean \u00fearei ahma fraujins, \u00fearuh freihals ist.\n3:18 [A] a\u00fe\u00fean weis allai andhulidamma andwair\u00feja wul\u00feu fraujins \u00feairhsaihvandans, \u00feo samon frisaht ingaleikonda af wul\u00feau in wul\u00feu, swaswe af fraujins ahmin.\n3:18 [B] a\u00fe\u00fean weis allai andhulidamma andwair\u00feja wul\u00feu fraujins \u00feairhsaihvandans, \u00feo samon frisaht ingaleikonda af wul\u00feau in wul\u00feau, swaswe af fraujins ahmin.\n4:1 [A] Du\u00fe\u00fee habandans \u00feata andbahtei, swaswe gaarmaidai waur\u00feum, ni wair\u00feam usgrudjans,\n4:1 [B] Du\u00fe\u00fee habandans \u00feata andbahti, swaswe gaarmaidai waur\u00feum, ni wair\u00feaima usgr(u)djans,\n4:2 [A] ak afsto\u00feum \u00feaim analaugnjam aiwiskjis, ni gaggandans in warein ni galiug taujandans waurd gudis, ak bairhtein sunjus ustaiknjandans uns silbans du allaim mi\u00fewisseim manne in andwair\u00feja gudis.\n4:2 [B] ak afsto\u00feum \u00feaim analaugnja(m) aiwiskjis, ni gaggandans in w(a)rein n(i)h galiug taujandans wa(urd) gudis, ak bairhtein sunjos ustaiknjandans uns silbans du allaim mi\u00fewisseim manne in andwair\u00feja gudis.\n4:3 [A] a\u00fe\u00fean jabai ist gahulida aiwaggeljo unsara, in \u00feaim fralusnandam ist gahulida,\n4:3 [B] a\u00fe\u00fean jabai ist gahulida aiwaggeljo unsara, in \u00feaim fralusnandam ist gahulida,\n4:4 [A] in \u00feaimei gu\u00fe \u00feis aiwis gablindida fra\u00feja \u00feize ungalaubjandane, ei ni liuhtjai im liuhadeins aiwaggeljons wul\u00feaus Xristaus, saei ist frisahts gudis.\n4:4 [B] in \u00feaimei gu\u00fe \u00feis aiwis gablindida fra\u00feja \u00feize ungalaubjandane, ei ni liuhtjai im liuhadein aiwaggeljons wul\u00feaus Xristaus, saei ist frisahts gudis ungasaihvani[n]s.\n4:5 [A] a\u00fe\u00fean ni uns silbans merjam, ak Iesu Xristu fraujan, i\u00fe uns skalkans izwarans in Iesuis.\n4:5 [B] a\u00fe\u00fean ni uns silbans merjam, ak Iesu Xristu fraujan, i\u00fe uns skalkans izwarans in Iesuis.\n4:6 [A] unte gu\u00fe saei qa\u00fe ur~riqiza liuha\u00fe skeinan, saei jah liuhtida in hairtam unsaraim du liuhadein kun\u00fejis wul\u00feaus gudis in andwair\u00feja Iesuis Xristaus.\n4:6 [B] unte gu\u00fe saei qa\u00fe ur~riqiza liuha\u00fe skeinan, saei jah liuhtida in hairtam unsaraim du liuhadein kun\u00fejis wul\u00feaus gudis in andwair\u00feja (I)es(u)is Xristaus.\n4:7 [A] a\u00fe\u00fean habandans \u00feata huzd in air\u00feeinaim kasam, ei ufarassus sijai mahtais gudis jah ni us unsis.\n4:7 [B] a\u00fe\u00fean habandans \u00feata huzd in air\u00feeinaim kasam, ei ufarassus sijai mahtais gudis jah ni us unsis.\n4:8 [A] in allamma \u00feraihanai, akei ni gaaggwidai; andbitanai, akei ni afslau\u00feidai;\n4:8 [B] in allamma \u00feraihanai, akei ni gaaggwidai; andbitanai, akei ni afslau\u00feidai;\n4:9 [A] wrikanai, akei ni bili\u00feanai: gadrausidai, akei ni fraqistidai,\n4:9 [B] wrikanai, akei ni bili\u00feanai: gadrausidai, akei ni fraqistidai,\n4:10 [A] sinteino dau\u00feein fraujins Iesuis ana leika unsaram(ma) . . . .\n4:10 [B] sinteino dau\u00feein fraujins Iesuis ana leika unsaramma uskun\u00fea sijai.\n4:11 [B] sinteino weis libandans in dau\u00feu atgibanda in Iesuis, ei jah libains Iesuis swikun\u00fea wair\u00feai in riurjamma leika unsaramma.\n4:12 [B] swaei nu dau\u00feus in uns waurkei\u00fe, i\u00fe libains in izwis.\n4:13 [B] habandans nu \u00feana saman ahman galaubeinais bi \u00feamma gamelidin: galaubida, in \u00feizei jah rodida, jah weis galaubjam, in \u00feizei jah rodjam,\n4:14 [B] witandans \u00featei sa urraisjands fraujan Iesu jah unsis \u00feairh Iesu urraisei\u00fe jah fauragasatji\u00fe mi\u00fe iz(wis).\n4:15 [B] \u00featuh \u00fean allata in izwara, ei ansts managnandei \u00feairh managizans awiliud ufa(rass)jai du wul\u00feau guda.\n4:16 [B] inuh (\u00feis) ni wair\u00feam usgrudjans, ak(ei) \u00feauhjabai (sa) utana u(nsar) (ma)nna fraward(ja)da, ai\u00fe\u00feau s(a) innuma ana(niu)jada da(ga) jah daga.\n4:17 [B] unte \u00feata andwair\u00feo hveilahvairb jah leiht aglons (unsa)raizos bi ufarassau aiweinis wul\u00feaus kaurein waurkjada unsis,\n4:18 [B] ni fairw(ei)tjandam \u00feize gasaihvanane, ak \u00feizei ungasaihvanane; unte \u00feo gasaihvanona riurja sind, i\u00fe \u00feo ungasaihvanona aiweina.\n5:1 [A] . . . . us guda habam, gard unhanduwaurhtana aiweinana in himinam.\n5:1 [B] Wit(u)m auk \u00featei, jaba(i) sa air(\u00feei)na unsar gards \u00feizos hlei\u00feros gatairada, ei gatimrjon us guda ha(b)am, gard unhanduwaurhtana aiweinana in himinam.\n5:2 [A] unte jah in \u00feamma swogatjam, bauainai unsarai \u00feizai us himina ufarhamon gairnjandans,\n5:2 [B] un(te) jah in \u00feamma swogatjam, bauainai unsarai \u00feizai us himina (ufarhamon) gairnjandans,\n5:3 [A] jabai swe\u00feauh gawasidai, ni naqadai bigitaindau.\n5:3 [B] jabai swe\u00feauh jah gawasidai, ni naqadai bigitaindau.\n5:4 [A] jah auk wisandans in \u00feizai hlei\u00ferai swogatjam kauridai, ana \u00feammei ni wileima afhamon, ak anahamon, ei fraslindaidau \u00feata diwano fram libainai.\n5:4 [B] jah auk wi(sa)ndans in \u00feizai hlei(\u00ferai) swogatjam kauridai, ana \u00feammei ni wileima afhamon, ak anahamon, ei fraslindaidau \u00fe(a)ta diwano fram libainai.\n5:5 [A] a\u00fe\u00fean saei jag~gamanwida uns du \u00feamma gu\u00fe, saei jah gaf unsis wadi ahman.\n5:5 [B] a\u00fe\u00fean saei jah gamanwida uns (du) \u00feamma gu\u00fe, saei jah gaf unsis wadi ahman.\n5:6 [A] gatrauandans nu sinteino jah witandans \u00featei wisandans in \u00feamma leika afhaimjai sijum fram fraujin;\n5:6 [B] gatrauandans nu sinteino j(a)h witandans \u00featei wisandans in \u00fea(mma) (l)eika afhaimjai sij(um) fra(m) fraujin;\n5:7 [A] unte \u00feairh galaubein gaggam, ni \u00feairh siun.\n5:7 [B] unte \u00feairh galaubein gaggam, ni \u00feairh siun.\n5:8 [A] a\u00fe\u00fean gatrauam jah waljam mais uslei\u00fean us \u00feamma leika jah anahaimjaim wisan at fraujin.\n5:8 [B] a\u00fe\u00fean gatrauam jah waljam mais uslei\u00fean us \u00feamma leika jah anahaimjaim wisan at fraujin.\n5:9 [A] inu\u00fe~\u00feis usdaudjam, ja\u00fe\u00fee anahaimjai ja\u00fe\u00fee afhaimjai, waila galeikan imma.\n5:9 [B] inuh \u00feis usdaudjam, ja\u00fe\u00fee anahaimjai ja\u00fe\u00fee afhaimjai, waila galeikan imma.\n5:10 [A] unte allai weis ataugjan skuldai sijum faura stauastola Xristaus, ei ganimai hvarjizuh \u00feo swesona leikis, afar \u00feaimei gatawida, ja\u00fe\u00fee \u00feiu\u00fe ja\u00fe\u00fee un\u00feiu\u00fe.\n5:10 [B] unte allai weis ataugjan skuldai sijum faura stauastola Xristaus, ei ganimai hvarjizuh \u00feo swesona leikis, afar \u00feaimei gatawida, ja\u00fe\u00fee \u00feiu\u00fe ja\u00fe\u00fee un\u00feiu\u00fe.\n5:11 [A] witandans nu agis fraujins mannans fullaweisjam, i\u00fe guda swikun\u00feai sijum. a\u00fe\u00fean wenja jah in mi\u00fewisseim izwaraim swikun\u00feans wisan uns,\n5:11 [B] witandans nu agis fraujins mannans fullaweisjam, i\u00fe guda swikun\u00feai sijum. a\u00fe\u00fean wenja jah in mi\u00fewisseim izwaraim swikun\u00feans wisan uns,\n5:12 [A] ni ei aftra uns silbans uskannjaima izwis, ak lew gibandans izwis hvoftuljos fram unsis, ei habai\u00fe wi\u00fera \u00feans in andwair\u00feja hvopandans jan~ni in hairtin.\n5:12 [B] ni ei aftra uns silbans uskannjaima izwis, ak lew gibandans izwis hvoftuljos fram uns, ei habai\u00fe wi\u00fera \u00feans in andwair\u00feja hvopandans jah ni hairtin.\n5:13 [A] unte ja\u00fe\u00fee usgeisnodedum, guda, ja\u00fe\u00fee fullafra\u00fejam, izwis.\n5:13 [B] unte ja\u00fe\u00fee usgeisnodedum, guda, ja\u00fe\u00fee fullafra\u00fejam, izwis.\n5:14 [A] unte fria\u00fewa Xristaus dishabai\u00fe uns,\n5:14 [B] unte fria\u00fewa Xristaus dishabai\u00fe uns,\n5:15 [A] domjandans \u00feata \u00featei ains faur allans gaswalt, \u00feannu allai gaswultun, jah faur allans gaswalt, ei \u00feai libandans ni \u00feanasei\u00fes sis silbam libaina, ak \u00feamma faur sik gaswiltandin jah urreisandin.\n5:15 [B] domjandans \u00feata \u00featei ains faur allans gaswalt, \u00feannu allai gaswultun, jah faur allans gaswalt, ei \u00feai libandans ni \u00feanasei\u00fes sis silbam libaina[i], ak \u00feamma faur sik gaswiltandin jah urreisandin.\n5:16 [A] swaei weis fram \u00feamma nu ni ainnohun kunnum bi leika; i\u00fe jabai ufkun\u00feedum bi leika Xristu, akei nu ni \u00feanasei\u00fes ni kunnum.\n5:16 [B] swaei weis fram \u00feamma nu ni ainnohun kunnum bi leika; i\u00fe jabai ufkun\u00feedum bi leika Xristu, akei nu ni \u00feanasei\u00fes ni kunnum ina.\n5:17 [A] swaei jabai hvo in Xristau niuja gaskafts, \u00feo al\u00fejona usli\u00feun; sai, waur\u00feun niuja alla.\n5:17 [B] swaei jabai hvo in Xristau niuja gaskafts, \u00feo al\u00fejona usli\u00feun; sai, waur\u00feun niuja alla.\n5:18 [A] a\u00fe\u00fean alla us guda, \u00feamma gafri\u00feondin uns sis \u00feairh Xristu jag~gibandin unsis andbahti gafri\u00feonais.\n5:18 [B] a\u00fe\u00fean alla us guda, \u00feamma gafri\u00feondin uns sis \u00feairh Xristu jah gibandin uns andbahti gafri\u00feonais.\n5:19 [A] unte swe\u00feauh gu\u00fe was in Xristau manase\u00fe gafri\u00feonds sis, ni rahnjands im missadedins ize jah lagjands in uns waurd gafri\u00feonais.\n5:19 [B] unte swe\u00feauh gu\u00fe was in Xristau manase\u00fe gafri\u00feonds sis, ni rahnjands im missadedins ize jah lagjands in uns waurd gafri\u00feonais.\n5:20 [A] faur Xristu nu airinom, swe at guda ga\u00felaihandin \u00feairh uns; bidjandans faur Xristu gagawair\u00fenan guda.\n5:20 [B] faur Xristu nu airinom, swe at guda ga\u00felaihandin \u00feairh uns; bidjam faur Xristu gagawair\u00fenan guda.\n5:21 [A] unte \u00feana ize ni kun\u00fea frawaurht, faur uns gatawida frawaurht, ei weis waur\u00feeima garaihtei gudis in imma.\n5:21 [B] unte \u00feana izei ni kun\u00fea frawaurht, faur uns gatawida frawaurht, ei weis waur\u00feeima garaihtei gudis in imma.\n6:1 [A] Gawaurstwans ja\u00fe~\u00fean bidjandans, ni sware anst gudis niman izwis.\n6:1 [B] Gawaurstwans jah \u00fean bidjandans, ni swarei anst gudis niman izwis.\n6:2 [A] mela auk, qi\u00fei\u00fe, andanemjamma andhausida \u00feus jah in daga naseinais gahalp \u00feeina. sai, nu mel waila andanem; sai, nu dags naseinais.\n6:2 [B] mela auk, qi\u00fei\u00fe, andanemjamma andhausida \u00feus jah in daga naseinais gahalp \u00feeina. sai, nu mel waila andnem; sai, nu dags naseinais.\n6:3 [A] ni ainhun in waihtai gibandans bistugq, ei ni anawammjaidau andbahti unsar;\n6:3 [B] ni ainhun \u00feannu in waihtai gibandans bistugqei, ei ni anawammjaidau andbahti unsar;\n6:4 [A] ak in allamma ustaiknjandans uns swe gudis andbahtos in stiwitja managamma, in aglom, in nau\u00feim, in aggwi\u00feom,\n6:4 [B] ak in allamma ustaiknjandans uns swe gudis andbahtos in stiwitja managamma, in aglom, in nau\u00feim, in aggwi\u00feom,\n6:5 [A] in slahim, in karkarom, in unsutjam, in arbaidim, in wokainim, in lausqi\u00ferein,\n6:5 [B] in slahim, in karkarom, in unsutjam, in arbaidim, in wokainim, in lausqi\u00ferein,\n6:6 [A] in swikni\u00feai, in kun\u00feja, in laggamodein, in selein, in ahmin weihamma, in frija\u00fewai unhindarweisai,\n6:6 [B] in swikni\u00feai, in kun\u00feja, in laggamodein, in selein, in ahmin weihamma, in fria\u00fewai unhindarweisai,\n6:7 [A] in waurda sunjos, in mahtai gudis, \u00feairh wepna garaihteins taihswona jah hleidumon[n]a,\n6:7 [B] in waurda sunjos, in mahtai gudis, \u00feairh wepna garaihteins taihswona jah hleidumona,\n6:8 [A] jah \u00feairh wul\u00feu jah unswerein, \u00feairh wajamerein jah wailamerein, swe airzjandans jah sunjeinai, swe unkun\u00feai jah ufkunnaidai,\n6:8 [B] \u00feairh wul\u00feu jah unswerein, \u00feairh wajamerein jah wailamerein, swe airzjandans jah sunjeinai, swe unkun\u00feai jah ufkunnaidai,\n6:9 [A] swe gaswiltandans jah sai libam, swe talzidai jah ni afdau\u00feidai,\n6:9 [B] swe gaswiltandans jah sai libam, swe talzidai jah ni afdau\u00feidai,\n6:10 [A] swe saurgandans, i\u00fe sinteino faginondans, swe unledai, i\u00fe managans gabigjandans, swe ni waih(t) aihandans jah allata disnimandans.\n6:10 [B] swe saurgandans, i\u00fe sinteino faginondans, swe unledai, i\u00fe managans gabigjandans, swe ni waih(t) aihandans jah allata disnimandans.\n6:11 [A] mun\u00fes unsar usluknoda du izwis, Kaurin\u00feius, hairto unsar urrumnoda.\n6:11 [B] m(un)\u00fes unsar usluknoda du izwis, Kaurin\u00feius, hairto unsar usrumnoda.\n6:12 [A] ni \u00fereihanda jus in uns, i\u00fe \u00fereihanda in hair\u00feram izwaraim.\n6:12 [B] ni \u00fereihanda jus in uns, i\u00fe \u00fereihanda in hair\u00feram izwaraim.\n6:13 [A] a\u00fe\u00fean \u00feata samo andalauni, swe frastim qi\u00fea, urrumnai\u00fe jah jus.\n6:13 [B] a\u00fe\u00fean \u00feata samo andalauni, swe frastim qi\u00fea, urrumnai\u00fe jah jus.\n6:14 [A] ni wair\u00feai\u00fe gajukans ungalaubjandam; unte hvo dailo garaihtein mi\u00fe ungaraihtein ai\u00fe\u00feau hvo gamaindu\u00fee liuhada mi\u00fe riqiza?\n6:14 [B] ni wair\u00feai\u00fe gajukans ungalaubjandam; unte hvo dailo garaihtein mi\u00fe ungaraihtein ai\u00fe\u00feau hvo gamaindu\u00fee liuhada mi\u00fe riqiza?\n6:15 [A] hvou\u00fe~\u00fean samaqisse Xristau mi\u00fe Bailiama ai\u00fe\u00feau hvo daile galaubjandin mi\u00fe ungalaubjandin?\n6:15 [B] hvouh \u00fean samaqisse Xristau mi\u00fe Bailiama ai\u00fe\u00feau hvo daile galaubjandin mi\u00fe ungalaubjandin?\n6:16 [A] hvou\u00fe~\u00fean samaqisse alhs gudis mi\u00fe galiugam? unte jus alhs gudis siu\u00fe libandins; qi\u00fei\u00fe auk gu\u00fe: \u00featei baua in im jah inna gagga jah wair\u00fea ize gu\u00fe jah eis wair\u00feand mis managei.\n6:16 [B] hvouh \u00fean samaqisse alhs gudis mi\u00fe galiugam? unte jus alhs gudis siju\u00fe libandins; qi\u00fei\u00fe auk gu\u00fe: \u00featei baua in im jah inna gagga jah wair\u00fea ize gu\u00fe jah eis wair\u00feand mis managei.\n6:17 [A] inu\u00fe~\u00feis usgaggi\u00fe us midumai ize jah afskaidi\u00fe izwis, qi\u00fei\u00fe frauja, jah unhrainjamma ni attekai\u00fe, jah ik andnima izwis\n6:17 [B] inuh \u00feis usgaggi\u00fe us midumai ize jah afskaidi\u00fe izwis, qi\u00fei\u00fe frauja, jah unhrainjamma ni attekai\u00fe, jah ik andnima izwis\n6:18 [A] jah wair\u00fea izwis du attin jah jus wair\u00fei\u00fe mis du sunum jah dauhtrum, qi\u00fei\u00fe frauja allwaldands.\n6:18 [B] jah wair\u00fea izwis du attin jah jus wair\u00fei\u00fe mis du sunum jah dauhtrum, qi\u00fei\u00fe frauja allwaldands.\n7:1 [A] \u00deo habandans nu gahaita, liubans, hrainjam unsis af allamma bisauleino leikis jah ahmins, ustiuhandans weihi\u00fea in agisa gudis.\n7:1 [B] \u00deo habandans nu gahaita, liubans, hrainjam unsis af allamma bisauleino leikis jah ahmins, ustiuhandans weihi\u00fea in agisa gudis.\n7:2 [A] gamoteima in izwis; ni ainummehun gasko\u00feum, ni ainnohun frawardidedum, ni ainnohun bifaihodedum.\n7:2 [B] gamoteima in izwis; ni ainummehun gasko\u00feum, ni ainnohun frawardidedum, ni ainnohun bifaihodedum.\n7:3 [A] ni du gawargeinai qi\u00fea; fauraqa\u00fe auk \u00featei in hairtam unsaraim siju\u00fe du mi\u00fegaswiltan jas~samana liban.\n7:3 [B] ni du gawargeinai qi\u00fea; fauraqa\u00fe auk \u00featei in hairtam unsaraim siju\u00fe du gaswiltan jah samana liban.\n7:4 [A] managa mis trauains du izwis, managa mis hvoftuli faur izwis, usfulli\u00fes im ga\u00felaihtais, ufarfulli\u00fes im fahedais in allaizos managons aglons unsaraizos.\n7:4 [B] managa mis trauains du izwis, managa mis hvoftuli faur izwis, usfulli\u00fes im ga\u00felaihtais, ufarfulli\u00fes im fahedais in allaizos managons aglons unsaraizos.\n7:5 [A] jah auk qimandam unsis in Makaidonjai ni waiht habaida gahveilainais leik unsar, ak in allamma anapragganai, utana waihjons, innana agisa.\n7:5 [B] jah auk qimandam unsis in Makidonjai ni waiht habaida gahveilainais leik unsar, ak in allamma anapragganai, utana waihjons, innana agisa.\n7:6 [A] akei sa ga\u00felaihands hnaiwidaim ga\u00ferafstida uns gu\u00fe in quma Teitaus;\n7:6 [B] akei sa ga\u00felaihans hnaiwidaim ga\u00ferafstida uns gu\u00fe in quma Teitaus;\n7:7 [A] a\u00fe\u00fean ni \u00featainei in quma is, ak jah in ga\u00felaihtai, \u00feizaiei ga\u00ferafsti\u00fes was ana izwis, gateihands uns izwara gairnein, izwarana gauno\u00feu, izwar aljan faur mik, swaei mis mais faginon war\u00fe.\n7:7 [B] a\u00fe\u00fean ni \u00featainei in quma is, ak jah in ga\u00felaihtai, \u00feizaiei ga\u00ferafsti\u00fes was ana izwis, gateihands uns izwara gairnein, izwarana gauno\u00feu, izwar aljan faur mik, swaei mis mais faginon war\u00fe.\n7:8 [A] unte jabai gaurida izwis in bokom, ni idreigo mik, jah jabai idreigoda - unte gasaihva \u00featei so aipistaule jaina, jabai du leitilai hveilai, gaurida izwis -\n7:8 [B] unte jabai gaurida izwis in \u00feaim bokom, ni idreigo mik, jah jabai id(r)eigoda - gasaihva auk \u00featei so aipistaule jaina, jabai du leitilai hveilai, gaurida izwis -\n7:9 [A] nu fagino, ni unte gauridai wesu\u00fe, ak unte gauridai wesu\u00fe du idreigai; saurgaidedu\u00fe auk bi gu\u00fe, ei waihtai ni gaslei\u00fejaindau us unsis.\n7:9 [B] nu fagino, ni unte gauridai wesu\u00fe, ak unte gauridai wesu\u00fe du idreigai; saurgaidedu\u00fe auk bi gu\u00fe, ei in waihtai ni gaslei\u00fejaindau us unsis.\n7:10 [A] unte bi gu\u00fe saurga idreiga du ganistai gatulgida ustiuhada; i\u00fe \u00feis fairhvaus saurga dau\u00feu gasmi\u00feo\u00fe.\n7:10 [B] unte so bi gu\u00fe saurga id(r)eiga du ganistai gatulgidai ustiuhada; i\u00fe \u00feis fairhvaus saurga dau\u00feu gasmi\u00feo\u00fe.\n7:11 [A] saihv[a] auk silbo \u00feata bi gu\u00fe saurgan izwis, hvelauda gatawida izwis usdaudein, akei sunjon, akei unwerein, akei agis, akei gairnein, akei aljan, akei fraweit! in allamma ustaiknidedu\u00fe izwis hlutrans wisan \u00feamma toja.\n7:11 [B] saihv auk silbo \u00feata bi gu\u00fe saurgan izwis, hve(l)auda gatawida izwis usdaudein, akei sunjon, akei unwerein, akei agis, akei gairnein, akei aljan, akei fraweit! in allamma ustaiknidedu\u00fe izwis hlutrans wisan \u00feamma toja.\n7:12 [A] a\u00fe\u00fean jabai melida, ni in \u00feis anamahtjandins, ni in \u00feis anamahtidins, ak du gabairhtjan usdaudein unsara \u00feoei faur izwis habam wi\u00fera izwis in andwair\u00feja gudis.\n7:12 [B] a\u00fe\u00fean jabai melida, ni in \u00feis anamahtjandins, ni in \u00feis anamahtidins, ak du gabairhtjan usdaudein unsara \u00feoei faur izwis habam wi\u00fera izwis in andwair\u00feja gudis.\n7:13 [A] inu\u00fe~\u00feis ga\u00ferafstidai sijum; a\u00fe\u00fean ana ga\u00ferafsteinai unsarai filaus mais faginodedum ana fahedai Teitaus, unte anahveilai\u00fes war\u00fe ahma is fram allaim izwis.\n7:13 [B] inuh \u00feis ga\u00ferafstidai sium; a\u00fe\u00fean ana ga\u00ferafsteinai unsarai filaus mais faginodedum ana fahedai Teitaus, unte anahveilai\u00fes war\u00fe ahma is fram allaim izwis.\n7:14 [A] unte jabai hva imma fram izwis hvaihvop, ni gaaiwisko\u00fes war\u00fe; ak swaswe allata izwis in sunjai rodidedum, swa jah hvoftuli unsara so du Teitau[n] sunja war\u00fe.\n7:14 [B] unt(e) (j)abai hva imma fram izwis hva(ihv)op, ni gaaiwisko\u00fes war\u00fe; ak swaswe allata izwis in sunjai rodidedum, swa jah hvoftuli unsara so du Teitau sunja war\u00fe.\n7:15 [A] jab~brusts is ufarassau du izwis sind, gamunandins \u00feo allaize izwara ufhausein, swe mi\u00fe agisa jah reirom andnemu\u00fe ina.\n7:15 [B] jah brusts is ufarassau du izwis sind, gamunandins \u00feo allaize izwara ufhausein, swe mi\u00fe agisa jah reiro(m) andnemu\u00fe ina.\n7:16 [A] fagino nu, unte in allamma gatraua in izwis.\n7:16 [B] fagino nu, unte in allamma gatraua in izwis.\n8:1 [A] A\u00fe\u00fean kannja izwis, bro\u00ferjus, anst gudis \u00feo gibanon in aikklesjom Makidonais,\n8:1 [B] A\u00fe\u00fean kannja izwis, bro\u00ferjus, anst gudis \u00feo gibanon in aikklesjon Mak(i)donais,\n8:2 [A] \u00featei in managamma kustau aglons managdu\u00fes fahedais ize ja\u00fe~\u00feata diupo unledi ize usmanagnoda du gabein ainfal\u00feeins ize.\n8:2 [B] \u00featei in managamma kustau aglons managdu\u00fes fahedais ize jah \u00feata diupo unledi ize usmanagnoda du gabein ainfal\u00feeins ize.\n8:3 [A] unte bi mahtai, weitwodja, jah ufar maht silbawiljos wesun,\n8:3 [B] unte bi mahtai, weitwodja, jah ufar maht silbaw(i)ljos wesun,\n8:4 [A] mi\u00fe managai usbloteinai bidjandans uns niman anst seina jah gamainein andbahtjis in \u00feans weihans.\n8:4 [B] mi\u00fe managai u(sb)loteinai bidjandans uns niman anst seina jah gamainein andbahtjis in \u00fe(ans) weihans.\n8:5 [A] ja\u00fe~ni swaswe wenidedum, ak sik silbans atgebun frumist fraujin, \u00fea\u00fero\u00fe~\u00fean uns \u00feairh wiljan gudis,\n8:5 [B] jah ni swaswe wenidedum, ak sik silbans atgebun frumist fraujin, \u00fea\u00feroh \u00fean uns \u00feairh wiljan gudis,\n8:6 [A] swaei bedeima Teitaun, ei swaswe faura dustodida, swah ustiuhai in izwis jah \u00feo anst.\n8:6 [B] swaei bedeima Teitaun, ei swaswe faura dustodida, swah ustiuhai in izwis jah \u00feo anst.\n8:7 [A] akei swe raihtis in allamma managni\u00fe, galaubeinai jah waurda jah kun\u00feja jah in allai usdaudein jah ana \u00feizai us izwis in uns frija\u00fewai, ei jah in \u00feizai anstai managnai\u00fe.\n8:7 [B] akei swe raihtis in allamma managni\u00fe, (g)alaubeinai jah (w)aurda jah kun\u00feja jah in allai usdaudein jah ana \u00feizai us izwis in uns fria\u00fewai, ei jah in \u00feizai anstai managnai\u00fe.\n8:8 [A] ni swaswe fraujinonds qi\u00fea izwis, ak in \u00feizos an\u00fearaize usdaudeins jah izwaraizos frija\u00fewos airkni\u00fea kiusands.\n8:8 [B] ni swas(we) fraujinonds qi\u00fea izwis, ak in \u00feizos an\u00fearaize usdaudeins jah izwaraizos fria\u00fewo(s) airkn(i)\u00fea kiusands.\n8:9 [A] unte kunnu\u00fe anst fraujins unsaris Iesuis Xristaus, \u00featei in izwara gaunledida sik gabigs wisands, ei jus \u00feamma is unledja gabigai wair\u00feai\u00fe.\n8:9 [B] unte kunnu\u00fe anst fraujins un(s)aris Iesuis Xristaus, \u00featei in izwara gaunledida sik gabigs wisands, ei jus \u00feamma is unledja gabeigai wair\u00fe(a)i\u00fe.\n8:10 [A] jar~ragin in \u00feamma giba, unte \u00feata izwis batizo ist, juzei ni \u00featainei taujan, ak jah wiljan dugunnu\u00fe af fairnin jera.\n8:10 [B] jah ragin in \u00feamma giba, unte \u00feata izwis batizo ist, juzei ni \u00featainei wiljan, ak jah taujan dugunnu\u00fe af fairnin jera.\n8:11 [A] i\u00fe nu sai, jah taujan ustiuhai\u00fe, ei swaswe faura\u00efst muns du wiljan, swa jah du ustiuhan us \u00feammei habai\u00fe.\n8:11 [B] i\u00fe nu sai, jah taujan ustiuhai\u00fe, ei swaswe faura\u00efst muns du wiljan, swa jah du ustiuhan us \u00feammei habai\u00fe.\n8:12 [A] jabai auk wilja in gagreftai ist, swaswe habai, waila andanem ist, ni swaswe ni habai.\n8:12 [B] jaba(i) auk wilja in gagrei(f)tai ist, swaswe habai, waila andanem ist, ni swaswe ni habai.\n8:13 [A] ni swa auk ei an\u00fearaim iusila, i\u00fe izwis aglo, ak us ibnassau;\n8:13 [B] ni swa auk ei an\u00fearaim iusila, i\u00fe izwis aglo, ak us ibnassau;\n8:14 [A] in \u00feamma nu mela izwar ufarassus du jainaize \u00fearbom, ei jah jainaize ufarassus wair\u00feai du izwaraim \u00fearbom, ei wair\u00feai ibnassus,\n8:14 [B] in \u00feamma nu mela izwar u(f)aras(su)s du jain(a)ize \u00fearbom, ei jah jainaize ufarassus wair\u00feai du izwaraim \u00fearbom, ei wair\u00feai ibnassus,\n8:15 [A] swaswe gameli\u00fe ist: jas~saei filu, ni managizo, jah saei leitil, ni fawizo.\n8:15 [B] swaswe game(l)i\u00fe ist: saei filu, ni managizo, jah saei leitil, ni fawizo.\n8:16 [A] a\u00fe\u00fean awiliu\u00fe guda, ize gaf \u00feo samon usdaudein faur izwis in hairto Teitaus;\n8:16 [B] a\u00fe\u00fean awiliud guda, izei gaf \u00feo samon usdaudein (faur) (izwis) in hairto Teitaus;\n8:17 [A] unte raihtis bida andnam, a\u00fe\u00fean usdaudoza wisands silba wiljands galai\u00fe du izwis.\n8:17 [B] unte raihtis bida andnam, a\u00fe\u00fean usdaudoza wisands silba wiljands galai\u00fe du izwis.\n8:18 [A] gah~\u00fean~mi\u00fe~[ga]sandidedum imma bro\u00fear; \u00feizei hazeins in aiwaggeljons and allos aikklesjons.\n8:18 [B] ga\u00fe~\u00fean~mi\u00fe~sandidedum imma bro\u00fear; \u00feizei hazeins in aiwaggeljon and allos aikklesjons.\n8:19 [A] a\u00fe\u00fean ni \u00feat~ain, ak jah gatewi\u00fes fram aikklesjom mi\u00fe gasin\u00feam uns mi\u00fe anstai \u00feizai andbahtidon fram uns du fraujins wul\u00feau jah gairnein unsarai;\n8:19 [B] a\u00fe\u00fean ni \u00feat~ain, ak jah gatewi\u00fes fram aikklesjom mi\u00fe gasin\u00feam uns mi\u00fe anstai \u00feizai andbahtidon fram uns du fraujins wul\u00feau jah gairnein unsarai;\n8:20 [A] biwandjandans \u00feata, ibai hvas uns fairinodedi in digrein \u00feizai andbahtidon fram uns;\n8:20 [B] biwandjandans \u00feata, ibai hvas uns fairinodedi in digrein \u00feizai andbahtidon fram uns;\n8:21 [A] garedandans auk goda ni \u00featainei in andwair\u00feja gudis, ak jah in andwair\u00feja manne.\n8:21 [B] garedandans auk goda ni \u00featainei in andwair\u00feja gudis, ak jah in andwair\u00feja manne.\n8:22 [A] insandidedum \u00fean mi\u00fe im bro\u00fear unsarana \u00feanei gakausidedum in managaim ufta usdaudana wisandan, a\u00fe\u00fean nu, sai, filu usdaudozan trauainai managai in izwis;\n8:22 [B] insandidedum \u00fean mi\u00fe im bro\u00fear unsarana \u00feanei gakausidedum in managaim ufta usdaudana wisandan, a\u00fe\u00fean nu, sai, filaus mais usdaudozan trauainai managai in izwis;\n8:23 [A] jah \u00fee bi Teitu, saei ist gaman mein jag~gawaurstwa in izwis; ja\u00fe\u00fee bro\u00ferjus unsarai apaustauleis aikklesjono, wul\u00feaus Xristaus.\n8:23 [B] ja\u00fe~\u00fee bi Teitu, saei ist gaman mein jah gawaurstwa in izwis; ja\u00fe\u00fee bro\u00ferjus unsarai apaustauleis aikklesjono, wul\u00feus Xristaus.\n8:24 [A] a\u00fe\u00fean ustaiknein frija\u00fewos izwaraizos jah unsaraizos hvoftuljos faur izwis in im ustaiknjandans in andwair\u00feja aikklesjono.\n8:24 [B] a\u00fe\u00fean ustaiknein fria\u00fewos izwaraizos jah unsaraizos hvoftuljos faur izwis in im ustaiknjandans in andwair\u00feja aikklesjono.\n9:1 [A] A\u00fe\u00fean bi andbahti \u00featei rahtoda du weihaim, ufjo mis ist du meljan izwis;\n9:1 [B] A\u00fe\u00fean bi andbahti \u00featei rahtoda du weihaim, ufjo mis ist du meljan izwis;\n9:2 [A] unte wait gairnein izwara, \u00feizaiei fram izwis hvopam at Makidonim, unte Akaja gamanwida ist fram fairnin jera, jah \u00feata us izwis aljan uswagida \u00feans managistans.\n9:2 [B] unte wait gairnein izwara, \u00feizaiei fra(m) izwis hvopa at Makidon[n]im, unte Axa\u00efa gamanwida ist fram fairnin jera, jah \u00feata us izwis aljan gawagida \u00feans managistans izei.\n9:3 [A] a\u00fe\u00fean fauragasandida bro\u00feruns, ei hvoftuli unsara so fram izwis ni waur\u00fei lausa in \u00feizai halbai, ei swaswe qa\u00fe gamanwidai sijai\u00fe;\n9:3 [B] a\u00fe\u00fean fauragasandida bro\u00feruns, ei hvoftuli unsara so fram izwis ni waur\u00fei lausa in \u00feizai halbai, ei swaswe qa\u00fe , gamanwidai sijai\u00fe;\n9:4 [A] ibai jabai qimand mi\u00fe mis Makidoneis jag~bigitand izwis unmanwjan[d]s, gaaiwiskonda weis, ei ni qi\u00feau jus, in \u00feamma stomin hvoftuljos.\n9:4 [B] ibai jabai qimand mi\u00fe mis Makidoneis jah bigitand izwis unmanwjans, gaaiwiskondau weis, ei ni qi\u00feau jus, in \u00feamma stomin \u00feizos hvoftuljos.\n9:5 [A] naudi\u00feaurft nu man bidjan bro\u00feruns, ei galei\u00feaina du izwis jah fauragamanwjaina \u00feana fauragahaitanan aiwlaugian izwarana, \u00feana manwjana wisan swaswe wailaqiss jan~ni swaswe bifaihon.\n9:5 [B] naudi\u00feaurft nu man bidjan bro\u00feruns, ei galei\u00feaina du izwis jah fauragamanwjaina \u00feana fauragahaitanan aiwlaugian izwarana, \u00feana manwjana wisan swaswe wailaqiss jah ni swaswe bifaihon.\n9:6 [A] \u00featu\u00fe~\u00fean, saei saiji\u00fe us ga\u00feagkja, us ga\u00feagkja jah snei\u00fei\u00fe, jah saei saiji\u00fe in \u00feiu\u00feeinai, us \u00feiu\u00feeinai jah snei\u00fei\u00fe.\n9:6 [B] \u00featu\u00fe~\u00fean, saei saii\u00fe us ga\u00feagkja, us ga\u00feagkja jah snei\u00fei\u00fe, jah saei saii\u00fe in \u00feiu\u00feeinai, us \u00feiu\u00feeinai jah snei\u00fei\u00fe.\n9:7 [A] hvarjizuh swaswe fauragahugida hairtin, ni us trigon ai\u00fe\u00feau us nau\u00feai, . . . .\n9:7 [B] hvarjizuh swaswe fauragahugida hairtin, ni us trigon ai\u00fe\u00feau us nau(\u00fe)ai, unte hlasana giband frijo\u00fe gu\u00fe.\n9:8 [B] a\u00fe\u00fean mahteigs ist gu\u00fe alla anst ufarassjan in izwis, ei in allamma sinteino allis ganauhan habandans ufarassjai\u00fe in allamma waurstwe godaize,\n9:9 [B] swaswe gameli\u00fe ist: tahida, gaf unledaim; uswaurts is wisi\u00fe du aiwa.\n9:10 [B] a\u00fe\u00fean sa andstald(ands) fraiwa \u00feana saiandan jah (hlai)ba du mata andstaldi\u00fe jah managjai fraiw izwar jah wahsjan gataujai akrana uswaurhtais izwaraizos;\n9:11 [B] in allamma gabignandans, in allai ainfal\u00feein, sei waurkei\u00fe \u00feairh uns aiwxaristian guda.\n9:12 [B] unte andbahti \u00feis gudjinassaus ni \u00featainei ist usfulljando gaidwa \u00feize weihane, ak jah ufarassjando \u00feairh managa awiliuda guda,\n9:13 [B] \u00feairh gakust \u00feis andbahtjis mikiljandans gu\u00fe ana ufhauseinai andahaitis izwaris in aiwaggeljon Xristaus jah in ainfal\u00feein gamaindu\u00feais du im jah du allaim,\n9:14 [B] jah izei bidai faur izwis gairnjandans izwara in ufarassau anstais gudis ana izwis.\n9:15 [B] awiliud guda in \u00feizos unusspillodons is gibos.\n10:1 [B] A\u00fe\u00fean ik silba Pawlus bidja izwis bi qairrein jah mukamodein Xristaus, ikei ana andaugi raihtis hauns im in izwis, a\u00fe\u00fean aljar wisands gatraua in izwis.\n10:2 [B] a\u00fe\u00fean bidja[n] ei ni andwair\u00fes gatrauau trauainai, \u00feizaiei man gadaursan ana sumans \u00feans munandans uns swe bi leika gaggandans.\n10:3 [B] in leika auk gaggandans ni bi leika drauhtinom.\n10:4 [B] unte wepna unsaris drauhtinassaus ni leikeina, ak mahteiga guda du gataur\u00feai tulgi\u00feo,\n10:5 [B] mitonins gatairandans jah all hauhi\u00feos ushafanaizos wi\u00fera kun\u00fei gudis jah frahin\u00feandans all fra\u00feje jah in ufhausein Xristaus tiuhandans\n10:6 [B] jah manwuba habandans du fraweitan all ufarhauseino, \u00fean usfulljada izwara ufhauseins.\n10:7 [B] \u00feo bi andwair\u00feja saihvi\u00fe. jabai hvas gatrauai\u00fe sik silban Xristaus wisan, \u00feata \u00feagkjai aftra af sis silbin, ei swaswe is Xristaus, swa jah weis.\n10:8 [B] a\u00fe\u00fean swe\u00feauh jabai hva managizo hvopam bi waldufni unsar, \u00featei atgaf frauja unsis du timreinai jah ni du gataur\u00feai izwarai, ni gaaiwiskonda.\n10:9 [B] ei ni \u00feugkjaima swe \u00felahsjandans izwis \u00feairh bokos; -\n10:10 [B] unte \u00feos raihtis bokos, qi\u00feand, kaurjos sind jah swin\u00feos, i\u00fe qums leikis lasiws jah waurd frakun\u00fe; -\n10:11 [B] \u00feata \u00feagkjai sa swaleiks, \u00featei hvileikai sium waurda \u00feairh bokos aljar wisandans, swaleikai jah andwair\u00feai waurstwa.\n10:12 [B] unte ni gadaursum domjan unsis silbans ai\u00fe\u00feau gadomjan uns du \u00feaim sik silbans anafilhandam; ak eis in sis silbam sik [sik] silbans mitandans jah gadomjandans sik silbans du sis silbam ni fra\u00fejand.\n10:13 [B] i\u00fe weis ni inu mita\u00fe hvopam, akei bi mita\u00fe garaideinais \u00feoei gamat unsis gu\u00fe mita\u00fe fairrinnandein und jah izwis. -\n10:14 [B] ni auk swaswe ni fairrinnandans und izwis ufarassau uf\u00feanjam uns, unte jah und izwis gasniumidedum in aiwaggeljon Xristaus. -\n10:15 [B] ni inu mita\u00fe hvopandans in frama\u00fejaim arbaidim, a\u00fe\u00fean wen habam at wahsjandein galaubeinai izwarai in izwis mikilnan bi garaideinai unsarai du ufarassau,\n10:16 [B] ufarjaina izwis aiwaggeljon merjan, ni in frama\u00fejaim arbaidim du manwjaim hvopan.\n10:17 [B] a\u00fe\u00fean sa hvopands in fraujin hvopai.\n10:18 [B] unte ni saei sik silban gaswikun\u00feei\u00fe, jains ist gakusan[d]s, ak \u00feanei frauja gaswikun\u00feei\u00fe.\n11:1 [B] Ei wainei us\u00feulaidedei\u00fe meinaizos leitil hva unfrodeins; akei jah us\u00feulai\u00fe mik.\n11:2 [B] unte aljanonds izwis gudis aljana; gawadjoda auk izwis ainamma waira mauja swikna du usgiban Xristau.\n11:3 [B] a\u00fe\u00fean og, ibai aufto swaswe waurms Aiwwan uslutoda filudeisein seinai, riurja wair\u00feaina fra\u00feja izwara af ainfal\u00feein jah swiknein \u00feizai in Xristau.\n11:4 [B] jabai nu sa qimanda an\u00fearana Iesu merei\u00fe, \u00feanei weis ni meridedum, ai\u00fe\u00feau ahman an\u00fearana nimi\u00fe, \u00feanei ni nemu\u00fe, ai\u00fe\u00feau aiwaggeljon an\u00feara \u00feoei ni andnemu\u00fe, waila us\u00feulaidedu\u00fe.\n11:5 [B] man auk ni waihtai mik minnizo gataujan \u00feaim ufar mikil wisandam apauslum.\n11:6 [B] jabai unhrains im waurda, akei ni kun\u00feja; a\u00fe\u00fean in allamma gabairhtidai in allaim du izwis.\n11:7 [B] ai\u00fe\u00feau ibai frawaurht tawida, mik silban haunjands, ei jus ushauhjaindau, unte arwjo gudis aiwaggeljon merida izwis?\n11:8 [B] an\u00fearos aikklesjons birauboda, nimands andawizn du izwaramma andbahtja, jah wisands at izwis jah ushaista ni ainnohun kaurida;\n11:9 [B] unte \u00fearbos meinos usfullidedun bro\u00ferjus qimandans af Makidonai, jah (in) allaim unkaureinom izwis mik silban fastaida jah fasta.\n11:10 [B] ist sunja Xristaus in mis, unte so hvoftuli ni faurdammjada in mis in landa Akaje.\n11:11 [B] in hvis? unte ni frijo izwis? gu\u00fe wait.\n11:12 [B] i\u00fe \u00featei tauja jah taujan haba, ei usmaitau inilon \u00feize wiljandane inilon, ei in \u00feammei hvopand, bigitaindau swaswe jah weis.\n11:13 [B] unte \u00feai swaleikai galiugaapaustauleis, waurstwjans hindarweisai, gagaleikondans sik du apaustaulum Xristaus.\n11:14 [B] jah nist sildaleik, unte silba Satana gagaleiko\u00fe sik aggil[l]au liuhadis.\n11:15 [B] nist mikil, jabai andbahtos is gagaleikond sik (s)we andbahtos garaihteins, \u00feizeei andeis wair\u00fei\u00fe (bi) waurstwam ize.\n11:16 [B] aftra qi\u00fea, ibai hvas mik muni unfrodana; ai\u00fe\u00feau waila \u00feau swe unfrodana nimai\u00fe mik, ei jah ik leitil hva hvopau.\n11:17 [B] \u00featei rodja ni rodja bi fraujan, ak swe in unfrodein in \u00feamma stomin \u00feizos hvoftuljos.\n11:18 [B] unte managai hvopand bi leika, jah ik hvopa.\n11:19 [B] unte azetaba u(s)\u00feulai\u00fe \u00feans unwitans, frodai wisandans.\n11:20 [B] us\u00feulai\u00fe, jabai hvas izwis ga\u00feiwai\u00fe, jabai hvas fra\u00efti\u00fe, jabai hvas usnimi\u00fe, jabai hvas in arbaidai briggi\u00fe, jabai hvas izwis in andawleizn slahi\u00fe.\n11:21 [B] bi unsweri\u00feai qi\u00fea, swe \u00featei weis siukai weseima; i\u00fe in \u00feammei hve hvas ananan\u00feei\u00fe, in unfrodein qi\u00fea, gadars jah ik;\n11:22 [B] Haibraieis sind, jah ik; Israeleiteis sind, jah ik; fraiw Abrahamis sind, jah ik;\n11:23 [B] andbahtos Xristaus sind, swaswe unwita qi\u00fea, mais ik; (i)n arbaidim managizeim, (i)n karkarom ufarassau, in slahim ufarassau, in dau\u00feeinim ufta;\n11:24 [B] fram Iudaium fimf sin\u00feam fidwor tiguns ainamma wanans nam;\n11:25 [B] \u00ferim sin\u00feam wandum usbluggwans was; ainamma sin\u00fea staini\u00fes was; \u00ferim s(in)\u00feam usfar\u00feon gatawida us skipa; naht jah dag in diupi\u00feai was mareins;\n11:26 [B] wratodum ufta, bireikeim ahvo, bireikeim waidedjane, bireikeim us kunja, bireikeim us \u00feiudom, bireikeim in baurg, bireikeim in au\u00feidai, bireikeim in marein, bireikeim in galiugabro\u00ferum,\n11:27 [B] aglom jah arbaidim, in wokainim ufta, in gredau jah \u00feaurstein, in lausqi\u00ferei(m) ufta, in friusa jah naqadein;\n11:28 [B] inuh \u00feo afar \u00feata arbai\u00fes meina seiteina, saurga meina allaim aikklesjom.\n11:29 [B] hvas siuki\u00fe, jah ni siukau? hvas afmarzjada, jah ik ni tund(n)au?\n11:30 [B] jabai hvopan skuld sijai, \u00feaim siukeins meinaizos hvopau.\n11:31 [B] gu\u00fe jah atta fraujins Iesuis wait, sa \u00feiu\u00feeiga du aiwam, \u00featei ni liuga.\n11:32 [B] in Damaskon faurama\u00feleis \u00feiudos Araitins \u00feiudanis witaida baurg Damaskai gafahan mik wiljands,\n11:33 [B] jah \u00feairh augadauro in snorjon athahans was and baurgswaddjau jah un\u00fea\u00felauh handuns is.\n12:1 [A] . . . . _nins fraujins.\n12:1 [B] hvopan binah, akei ni batizo ist, jah \u00fean qima in siunins jah andhuleinins fraujins.\n12:2 [A] wait mannan in Xristau faur jera \u00b7id\u00b7, ja\u00fe\u00fee in leika ni wait, ja\u00fe\u00fee inu leik ni wait, gu\u00fe wait, frawulwanana \u00feana swaleikana und \u00feridjan himin;\n12:2 [B] wait mannan in Xristau faur jera fidwortaihun, ja\u00fe\u00fee in leika ni wait, ja\u00fe\u00fee inuh leik ni wait, gu\u00fe wait, frawulwanana \u00feana swaleikana und \u00feridjan himin;\n12:3 [A] jah wait \u00feana swaleikana mannan, ja\u00fe\u00fee in leika ja\u00fe\u00fee inu leik ni wait, gu\u00fe wait,\n12:3 [B] jah wait \u00feana swaleikana mannan, ja\u00fe\u00fee in leika ja\u00fe\u00fee inuh leik nih wait, gu\u00fe wait,\n12:4 [A] \u00featei frawulwans war\u00fe in wagg jah hausida unqe\u00feja waurda, \u00feoei ni skulda sind mann rodjan.\n12:4 [B] \u00featei frawulwans war\u00fe in wagg jah hausida unqe\u00feja waurda, \u00feoei ni skulda sind mann rodjan.\n12:5 [A] faur \u00feana swaleikana hvopa, i\u00fe faur mik silban ni waiht hvopa, niba in unmahtim meinaim.\n12:5 [B] faur \u00feana swaleikana hvopa, i\u00fe faur mik silban ni waiht hvopa, niba in unmahtim meinaim.\n12:6 [A] a\u00fe\u00fean jabai wiljau hvopan, ni sijau unwita, unte sunja qi\u00fea, i\u00fe freidja, ibai hvas in mis hva muni ufar \u00featei gasaihvi\u00fe ai\u00fe\u00feau [ai\u00fe\u00feau] gahausei\u00fe hva us mis.\n12:6 [B] a\u00fe\u00fean jabai wiljau hvopan, ni sijau unwita, unte sunja qi\u00fea, i\u00fe freidja, ibai hvas in mis hva muni ufar \u00featei gasaihvi\u00fe ai\u00fe\u00feau gahausei\u00fe hva us mis.\n12:7 [A] jah bi filusnai andhuleino, ei ni ufarhafnau, atgibana ist mis hnu\u00feo leika meinamma, aggilus Satanins, ei mik kaupastedi, ei ni ufarhugjau.\n12:7 [B] jah bi filusnai andhuleino, ei ni ufarhafnau, atgibana ist mis hnuto leika meinamma, aggilus Satanins, ei mik kaupastedi, ei ni ufarhugjau.\n12:8 [A] bi \u00featei \u00ferim sin\u00feam fraujan ba\u00fe ei afsto\u00fei af mis;\n12:8 [B] bi \u00featei \u00ferim sin\u00feam frauja ba\u00fe ei afsto\u00fei af mis;\n12:9 [A] jah qa\u00fe mis: ganah \u00feuk ansts meina, unte mahts in siukein ustiuhada. filu gabaurjaba nu mais hvopa in siukeim meinaim, ei ufarhlei\u00ferjai ana mis mahts Xristaus.\n12:9 [B] jah qa\u00fe mis: ganah \u00feuk ansts meina, unte mahts in siukeim ustiuhada. filu gabaurjaba nu mais hvopa in siukeim meinaim, ei ufarhlei\u00ferjai ana mis mahts Xristaus.\n12:10 [A] in \u00feizei mis galeikai\u00fe in siukeim, in anamahtim, in nau\u00feim, in wrekeim, in \u00fereihslam faur Xristu; unte \u00fean siuka, \u00fean mahteigs im.\n12:10 [B] in \u00feizei mis galeikai\u00fe in siukeim, in anamahtim, in nau\u00feim, in wrekeim, in \u00fereihslam faur Xristu; unte \u00fean siuka, \u00fean mahteigs im.\n12:11 [A] war\u00fe unwita hvopands, jus mik gabaididedu\u00fe; a\u00fe\u00fean ik skulds was fram izwis gakannjan, unte ni waihtai mins habaida \u00feaim ufar filu apaustaulum, jah jabai ni waihts im.\n12:11 [B] war\u00fe unwita hvopands, jus mik gabaididedu\u00fe; a\u00fe\u00fean ik skulds was fram izwis gakannjan, unte ni waihtai mins habaida \u00feaim ufar filu apaustaulum, jah jabai ni waihts im.\n12:12 [A] ai\u00fe\u00feau swe\u00feauh taikneis apaustaulus gatawidos waur\u00feun in izwis in allai \u00feulainai, taiknim jah fauratanjam jah mahtim.\n12:12 [B] ai\u00fe\u00feau swe\u00feauh taikneis apaustaulaus gatawidos waur\u00feun in izwis in allai \u00feulainai, taiknim jah fauratanjam jah mahtim.\n12:13 [A] hva auk ist, \u00feize wanai wesei\u00fe ufar an\u00fearos aikklesjons, niba \u00featei ik silba ni kaurida izwis? fragibi\u00fe mis \u00feata ska\u00feis.\n12:13 [B] hva auk ist, \u00feize wanai wesei\u00fe ufar an\u00fearos aikklesjons, nibai \u00featei ik silba ni kaurida izwis? fragibi\u00fe mis \u00feata ska\u00feis.\n12:14 [A] sai, \u00feridjo \u00feata manwus im qiman at izwis, jan~ni kaurja izwis; unte ni sokja izwaros aihtins, ak izwis; ni auk skulun barna fadreinam huzdjan, ak fadreina barnam.\n12:14 [B] sai, \u00feridjo \u00feata manwus im qiman at izwis, jah ni kaurja izwis; unte ni sokja izwaros aihtins, ak izwis; ni auk skulun barna fadreinam huzdjan, ak fadreina barnam.\n12:15 [A] a\u00fe\u00fean ik la\u00fealeiko fraqima jah fraqimada faur saiwalos izwaros, swe\u00feauh ei ufarassau izwis frijonds mins frijoda.\n12:15 [B] a\u00fe\u00fean ik gabaurjaba fraqima jah fraqimada faur saiwalos izwaros, swe\u00feauh ei ufarassau izwis frijonds minz frijoda.\n12:16 [A] a\u00fe\u00fean sai nu, ik ni kaurida izwis, ak wisands aufto listeigs hindarweisein izwis nam.\n12:16 [B] a\u00fe\u00fean sai nu, ik ni kaurida izwis, ak wisands a(u)fto listeigs hindarweisein izwis nam.\n12:17 [A] ibai \u00feairh hvana \u00feizeei insandida du izwis bifaihoda izwis?\n12:17 [B] ibai \u00feairh hvana \u00feizeei insandida du izwis bifaihoda izwis?\n12:18 [A] ba\u00fe Teitu jah mi\u00feinsandida imma bro\u00fear; ibai hva bifaihoda izwis Teitus? niu \u00feamma samin ahmin iddjedum? niu \u00feaim samam laistim?\n12:18 [B] ba\u00fe Teitu jah mi\u00feinsandida imma bro\u00fear; ibai hva bifaihoda izwis Teitus? niu \u00feamma samin ahmin iddjedum? niu \u00feaim samam laistim?\n12:19 [A] aftra \u00feugkei\u00fe izwis ei sunjoma uns wi\u00fera izwis? in andwair\u00feja gudis in Xristau rodjam, \u00featu\u00fe~\u00fean all, liubans, in izwaraizos gatimreinais.\n12:19 [B] aftra \u00feugkei\u00fe izwis ei sunjo[da]ma uns wi\u00fera izwis? in andwair\u00feja gudis in Xristau rodjam, \u00featu\u00fe~\u00fean all, liubans, in izwaraizos gatimreinais.\n12:20 [A] unte og, ibai aufto qimands ni swaleikans swe wiljau bigitau izwis, jah ik bigitaidau izwis swaleiks swe ni wilei\u00fe mik, ibai aufto \u00fewairheins, aljan, jiukos, bihaita, birodeinos, haifsteis, [bifaiha] ufswalleinos, drobnans;\n12:20 [B] unte og, ibai aufto qimands ni swaleikans swe wiljau bigitau izwis, jah ik bigitaidau izwis swaleiks swe ni wilei\u00fe mik, ibai aufto \u00fewairheins, aljan, jiukos, bihaita, birodeinos, haifsteis, drobnans;\n12:21 [A] ibai aftra qimandan mik gu\u00fe gahaunjai at izwis jah qaino managans \u00feize faura frawaurkjandane jan~ni idreigondane ana unhraini\u00feai \u00feoei gatawidedun, horinassau jah aglaitja.\n12:21 [B] ibai aftra qimandan mik gu\u00fe gahaunjai at izwis jah qaino managans \u00feize faura frawaurkjandane jah ni idreigondane ana unhraini\u00feai \u00feoei gatawidedun, horinassau jah aglaitein[o].\n13:1 [A] \u00deridjo \u00feata qima at izwis. ana mun\u00fea twaddje weitwode ja\u00fe~\u00ferije gastandi\u00fe all waurde.\n13:1 [B] \u00deridjo \u00feata qima at izwis. ana mun\u00fea twaddje weitwode jah \u00ferije gastandai all waurde.\n13:2 [A] fauraqa\u00fe jah aftra fauragateiha, swaswe andwair\u00fes an\u00fearamma sin\u00fea jah alja\u00fero nu melja \u00feaim faura frawaurkjandam jah an\u00fearaim allaim, \u00featei jabai qima, aftra ni freidja.\n13:2 [B] fauraqa\u00fe jah aftra fauragateiha, swaswe andwair\u00fes an\u00fearamma sin\u00fea jah alja\u00fero nu melja \u00feaim faura frawaurkjandam jah an\u00fearaim allaim, \u00featei jabai qima, aftra ni freidja.\n13:3 [A] unte kustu sokei\u00fe \u00feis in mis rodjandins Xristaus, saei ni siuki\u00fe in izwis, ak mahteigs ist in izwis.\n13:3 [B] unte kustu sokei\u00fe \u00feis in mis rodjandins Xristaus, saei ni siuki\u00fe in izwis, ak mahteigs ist in izwis.\n13:4 [A] a\u00fe\u00fean jabai jah ushrami\u00fes was us siukein, akei libai\u00fe us mahtai gudis; jah auk weis siukam in imma, akei libam mi\u00fe imma us mahtai gudis in izwis.\n13:4 [B] a\u00fe\u00fean jabai ushrami\u00fes was us siukein, akei libai\u00fe us mahtai gudis; jah auk siukam in imma, akei libam mi\u00fe imma us mahtai gudis in izwis.\n13:5 [A] silbans fraisi\u00fe sijaidu in galaubeinai; silbans izwis kausei\u00fe, \u00feau niu kunnu\u00fe izwis \u00featei Iesus Xristus in izwis ist? nibai aufto ungakusanai siju\u00fe .\n13:5 [B] izwis silbans fragi\u00fe sijaidu in galaubeinai; silbans izwis kausei\u00fe, \u00feauh niu kunnu\u00fe \u00featei Iesus Xristus in izwis ist? ibai aufto ungakusanai siju\u00fe ?\n13:6 [A] a\u00fe\u00fean wenja \u00featei kunnei\u00fe ei weis ni sium ungakusanai.\n13:6 [B] a\u00fe\u00fean wenja ei kunnei\u00fe \u00featei weis ni sijum ungakusanai.\n13:7 [A] a\u00fe\u00fean bidja du guda ei ni waiht ubilis taujai\u00fe; ni ei weis [un]gakusanai \u00feugkjaima, ak ei jus \u00feata godo taujai\u00fe, i\u00fe weis swe ungakusanai \u00feugkjaima.\n13:7 [B] a\u00fe\u00fean bidja du guda ei ni waiht ubilis taujai\u00fe; ni ei weis [un]gakusanai \u00feugkjaima, ak ei jus \u00feata godo taujai\u00fe, ei weis ungakusanai \u00feugkjaima.\n13:8 [A] ni auk magum hva wi\u00fera sunja, ak faur sunja.\n13:8 [B] ni auk magum hva wi\u00fera sunja, ak faur sunja.\n13:9 [A] a\u00fe\u00fean faginom, \u00fean weis siukam, i\u00fe jus swin\u00feai siu\u00fe; \u00feizuh auk jah bidjam, izwaraizos ustauhtais.\n13:9 [B] a\u00fe\u00fean faginom, \u00fean weis siukam, i\u00fe jus (s)win\u00feai siju\u00fe; \u00feizuh auk jah b(i)djam, izwaraizos ustauhtais.\n13:10 [A] du\u00fe\u00fee \u00feata alja\u00fero melja, ei andwair\u00fes hardaba ni tauja bi waldufnja \u00feammei frauja fragaf mis du gatimreinai jan~ni du gataur\u00feai.\n13:10 [B] du\u00fe\u00fee \u00feata alja\u00fero melja, ei andwair\u00fes harduba ni taujau bi waldufnja \u00feammei frauja fragaf mis du gatimreinai jah ni du gataur\u00feai.\n13:11 [A] \u00feata an\u00fear, bro\u00ferjus, fagino\u00fe, ustauhanai sijai\u00fe, ga\u00ferafstidai sijai\u00fe, samo fra\u00fejai\u00fe, gawair\u00fei taujandans sijai\u00fe, jah gu\u00fe gawair\u00feeis jah frija\u00fewos wair\u00fei\u00fe mi\u00fe izwis.\n13:11 [B] \u00feata an\u00fear, bro\u00ferjus, fagino\u00fe, ustauhanai sijai\u00fe, samo fra\u00fejai\u00fe, gawair\u00fei taujandans sijai\u00fe, jah gu\u00fe gawair\u00feeis jah fria\u00fewos wair\u00fei\u00fe mi\u00fe izwis.\n13:12 [A] goljai\u00fe izwis misso in frijonai weihai. goljand izwis \u00feai weihans allai.\n13:12 [B] goljai\u00fe izwis misso in frijonai weihai. goljand izwis \u00feai weihans allai.\n13:13 [A] ansts fraujins Iesuis Xristaus jah frija\u00fewa gudis jah gaman ahmins weihis mi\u00fe allaim izwis. amen.\n13:13 [B] ansts fraujins unsaris Iesuis Xristaus jah fria\u00fewa gudis jah gaman ahmins weihis mi\u00fe allaim izwis. amen.\n13:255 [A] du Kaurin\u00feium \u00b7b\u00b7 ustauh. du Kaurin\u00feium \u00b7b\u00b7 meli\u00fe ist us Filippai Makidonais.\n13:255 [B] du Kaurin\u00feaium an\u00feara ustauh.","title":"Gothic Bible (partial): 2 Corinthians","type":"page"}