{"collection":"Bible & Christianity","html_url":"https://unchartedknowledge.5gfusion.net/browse/bib/wb/got/col.htm","path":"bib/wb/got/col.htm","source_url":"https://sacred-texts.com/bib/wb/got/col.htm","text":"1:6 [B] . . . . in sunjai;\n1:7 [B] swaswe ganemu\u00fe at Aipafrin \u00feamma liubin gaskalkja unsaramma, saei ist triggws faur izwis andbahts Xristaus Iesuis,\n1:8 [B] saei jah gakannida uns izwara fria\u00fewa in ahmin.\n1:9 [B] du\u00fe\u00fee jah weis, fram \u00feamma daga ei hausidedum, ni hveilaidedum faur izwis bidjandans jah aihtrondans, ei fullnai\u00fe kun\u00fejis wiljins is in allai handugein jah frodein ahmeinai;\n1:10 [A] . . . . wair\u00feaba fraujins in allamma \u00featei galeikai, in allamma waurstwe godaize akran bairandans jah wahsjandans in ufkun\u00feja gudis,\n1:10 [B] ei gaggai\u00fe wair\u00feaba fraujins in allamma \u00featei galeikai, in allamma waurstwe godaize akran bairandans jah wahsjandans in ufkun\u00feja gu(dis),\n1:11 [A] in allai mahtai gaswin\u00feidai bi mahtai wul\u00feaus is, in allai us\u00feulainai jah usbeisnai mi\u00fe fahedai,\n1:11 [B] in allai mahtai gaswin\u00feidai bi mahtai wul\u00feaus is, in allai us\u00feulainai jah usbeisnai mi\u00fe fahedai,\n1:12 [A] awiliudondans attin saei la\u00feoda izwis du dailai hlautis weihaize in liuhada[i],\n1:12 [B] awiliudondans attin saei la\u00feoda izwis du dailai hlautis weihaize in liuhada,\n1:13 [A] saei galausida izwis us waldufnja riqizis jah atnam in \u00feiudangardja sunus fria\u00fewos seinaizos,\n1:13 [B] saei galausida izwis us waldufnja riqizis jah atnam in \u00feiudangardja sunaus fria\u00fewos seinaizos,\n1:14 [A] in \u00feammei habam faurbauht, fralet frawaurhte,\n1:14 [B] in \u00feammei habam faurbauht, fralet frawaurhte,\n1:15 [A] saei ist frisahts gudis ungasaihvanis, frumabaur allaizos gaskaftais;\n1:15 [B] saei ist frisahts gudis ungasaihvanis, frumabaur allaizos gaskaftais;\n1:16 [A] unte in imma gaskapana waur\u00feun alla in himinam jah ana air\u00feai, \u00feo gasaihvanona ja\u00fe~\u00feo ungasaihvanona, ja\u00fe\u00fee sitlos ja\u00fe\u00fee fraujinassjus, ja\u00fe\u00fee reikja ja\u00fe\u00fee waldufnja, alla \u00feairh ina jah in imma gaskapana sind.\n1:16 [B] unte in imma gaskapana waur\u00feun alla in himinam jah ana air\u00feai, \u00feo gasaihvanona jah \u00feo ungasaihvanona, ja\u00fe\u00fee sitlos ja\u00fe\u00fee fraujinassjus, ja\u00fe\u00fee reikja ja\u00fe\u00fee waldufnja, alla \u00feairh ina jah in imma gaskapana sind.\n1:17 [A] jah is ist faura allaim jah alla in imma ussatida sind.\n1:17 [B] jah is ist faura allaim jah alla in imma ussatida sind.\n1:18 [A] jah is ist haubi\u00fe leikis, aikklesjons, saei ist anastodeins, frumabaur us dau\u00feaim, ei sijai in allaim is frumadein habands;\n1:18 [B] jah is ist haubi\u00fe leikis, aikklesjons, saei ist anastodeins, frumabaur us dau\u00feaim, ei sijai in allaim is frumadein habands;\n1:19 [A] unte in imma galeikaida alla fullon bauan,\n1:19 [B] unte in imma galeikaida alla fullon bauan,\n1:20 [A] jah \u00feairh ina gafri\u00feon alla in imma, gawair\u00fei taujands \u00feairh blo\u00fe galgins is \u00feairh ina, ja\u00fe\u00fee \u00feo ana air\u00feai ja\u00fe\u00fee \u00feo ana himinam.\n1:20 [B] jah \u00feairh ina gafri\u00feon alla in imma, gawair\u00fei taujands \u00feairh blo\u00fe galgins is \u00feairh ina, ja\u00fe\u00fee \u00feo ana air\u00feai ja\u00fe\u00fee \u00feo ana himinam.\n1:21 [A] jah i(zwis) simle wisandans frama\u00feidans jah fijands gahugdai in waurstwam ubilaim, i\u00fe nu gafri\u00feodai\n1:21 [B] jah izwis simle wisandans frama\u00feidans jah fijands gahugdai in waurstwam ubilaim, i\u00fe nu gafri\u00feodai\n1:22 [A] in leika mammons is \u00feairh dau\u00feu du atsatjan izwis weihans jah unwammans jah usfairinans faura imma,\n1:22 [B] in leika mammons is \u00feairh dau\u00feu du atsatjan izwis weihans jah unwammans jah usfairinans faura imma,\n1:23 [A] jabai swe\u00feauh \u00feairhwisi\u00fe in galaubeinai ga\u00fewastidai jah gatulgidai jah ni afwagidai af wenai aiwaggeljons, \u00feoei hausidedu\u00fe, sei merida ist in alla gaskaft \u00feo uf himina, \u00feizozei war\u00fe ik Pawlus andbahts;\n1:23 [B] jabai swe\u00feauh \u00feairhwisi\u00fe in galaubeinai ga\u00fewastidai jah gatulgidai jah ni afwagidai af wenai aiwaggeljons, \u00feoei hausidedu\u00fe, sei merida ist in alla gaskaft \u00feo uf himina, \u00feizozei war\u00fe ik Pawlus andbahts;\n1:24 [A] [saei] nu fagino in \u00feaimei winna faur izwis jah usfullja gaidwa aglono Xristaus in leika meinamma faur leik is, \u00featei ist aikklesjo,\n1:24 [B] [saei] nu fagino in \u00feaimei winna faur izwis jah usfullja gaiwa aglono Xristaus in leika meinamma faur leik is, \u00featei ist aikklesjo,\n1:25 [A] \u00feizozei war\u00fe ik andbahts bi ragina gudis, \u00featei giban ist mis in izwis du usfulljan waurd gudis,\n1:25 [B] \u00feizozei war\u00fe ik andbahts bi ragina gudis, \u00featei giban ist mis in izwis du usfulljan waurd gudis,\n1:26 [A] runa sei gafulgina was fram aiwam jah fram aldim, i\u00fe nu gaswikun\u00feida war\u00fe \u00feaim weiham is,\n1:26 [B] runa sei gafulgina was fram aiwam jah fram aldim, i\u00fe nu gaswikun\u00feida war\u00fe \u00feaim weiham is,\n1:27 [A] \u00feaimei wilda gu\u00fe gakannjan gabein wul\u00feaus \u00feizos runos in \u00feiudom, \u00featei ist Xristus in izwis, wens wul\u00feaus,\n1:27 [B] \u00feaimei wilda gu\u00fe gakannjan gabein wul\u00feaus \u00feizos runos in \u00feiudom, \u00featei ist Xristus in izwis, wens wul\u00feaus,\n1:28 [A] \u00feanei weis gateiham talzjandans all manne jah laisjandans all manne in allai handugein, ei atsatjaima all manne fullawitan in Xristau Iesu,\n1:28 [B] \u00feanei weis gateiham talzjandans all manne jah laisjandans all manne in allai handugein, ei atsatjaima all manne fullawitan in Xristau Iesu,\n1:29 [A] du \u00feammei arbaidja usdaudjands bi waurstwa sei inna uswaurkei\u00fe in mis in mahtai . . . .\n1:29 [B] du \u00feammei arbaidja usdaudjands bi . . . .\n2:11 [B] . . . . frawaurhte leikis, in bimaita Xristaus,\n2:12 [B] mi\u00fe ganawistrodai imma in daupeinai, in \u00feizaiei jah mi\u00feurrisu\u00fe \u00feairh galaubein waurstwis gudis, saei urraisida in(a) us dau\u00feaim.\n2:13 [B] jah izwis dau\u00feans wisandans missadedim jah unbimaita leikis izwaris mi\u00fegaqiwida mi\u00fe imma, fragibands uns allos missadedins,\n2:14 [B] afswairbands \u00feos ana uns wadjabokos raginam seinaim, \u00featei was andanei\u00feo uns, jah \u00feata usnam us midumai ganagljands ita du galgin,\n2:15 [B] andhamonds sik leika, reikja jah waldufnja gatarhida bal\u00feaba, gablau\u00fejands \u00feo bairhtaba in sis.\n2:16 [B] ni manna nu izwis bidomjai in mata ai\u00fe\u00feau in draggka ai\u00fe\u00feau in dailai dagis dul\u00feais ai\u00fe\u00feau fulli\u00fee ai\u00fe\u00feau sabbatum,\n2:17 [B] \u00featei ist skadus \u00feize anawair\u00feane, i\u00fe leik Xristaus.\n2:18 [B] ni hvashun izwis gajiukai, wiljands in hauneinai jah blotinassau aggile \u00featei ni sahv ushafjands sik, sware ufblesans fram fra\u00feja leikis seinis,\n2:19 [B] jah ni habands haubi\u00fe, us \u00feammei all leik \u00feairh gawissins jah gabindos auknando jah \u00feeihando wahsei\u00fe du wahstau gudis.\n2:20 [A] . . . . \u00feis fairhvaus, hva[n] \u00feanasei\u00fes swe qiwai in \u00feamma fairhvau urredi\u00fe?\n2:20 [B] jabai gaswultu\u00fe mi\u00fe Xristau af stabim \u00feis fairhvaus, hva \u00feanasei\u00fes swe qiwai in \u00feamma fairhvau urredi\u00fe?\n2:21 [A] ni teikais, nih atsnarpjais, nih kausjais!\n2:21 [B] ni teikais, ni atsnarpjais, ni kausjais!\n2:22 [A] \u00featei ist all du riurein, \u00feairh \u00featei is brukjaidau bi anabusnim jah laiseinim manne,\n2:22 [B] \u00featei ist all du riurein, \u00feairh \u00featei is brukjaidau b(i) anabusnim jah laiseinim manne,\n2:23 [A] \u00feoei sind swe\u00feauh waurd habandona handugeins [\u00feuhtaus] in fastubnja jah hauneinai hairtins jah unfreideinai leikis, ni in sweri\u00feo hvizai du so\u00fea leikis.\n2:23 [B] \u00feoei sind swe\u00fea(uh) waurd habandona handug(eins) [(\u00fe)uhtaus] in fastubnja jah hauneinai hairtins jah unfreidei leikis, ni in sweri\u00feo hvizai du so\u00fea leikis.\n3:1 [A] Jabai nu mi\u00feurrisu\u00fe Xristau, \u00feoei iupa sind sokei\u00fe, \u00fearei Xristus ist in taihswai gudis sitands.\n3:1 [B] Jabai nu mi\u00feurrisu\u00fe Xristau, \u00feoei iupa sind sokei\u00fe, \u00fearei Xristus ist in taihswai gudis sitands.\n3:2 [A] \u00feaimei iupa sind fra\u00fejai\u00fe, ni \u00feaim \u00feoei ana air\u00feai sind.\n3:2 [B] \u00feaimei iupa sind fra\u00fejai\u00fe, ni \u00feaim \u00feoei ana air\u00feai sind.\n3:3 [A] unte gadau\u00fenodedu\u00fe jah libains izwara gafulgina ist mi\u00fe Xristau in guda.\n3:3 [B] unte gadau\u00fenodedu\u00fe jah libains izwara gafulgina ist mi\u00fe Xristau in guda.\n3:4 [A] \u00fean Xristus swikun\u00fes wair\u00fei\u00fe, libains izwara, \u00feanuh jah jus bairhtai wair\u00fei\u00fe mi\u00fe imma in wul\u00feau.\n3:4 [B] \u00fean Xristus swikun\u00fes wair\u00fei\u00fe, libains izwara, (\u00fean)uh jah jus bairhtai wair(\u00fei\u00fe) mi\u00fe imma in wul\u00feau.\n3:5 [A] dau\u00feei\u00fe nu li\u00feuns izwarans, \u00feans \u00feaiei sind ana air\u00feai, horinassau, unhrainein, winna, lustau ubilana jah faihugeiron, s(o)ei ist galiugagude skalkinassus;\n3:5 [B] da(u\u00fe)ei\u00fe nu li\u00feuns izwarans, \u00feans \u00feaiei sind ana air\u00feai, horinassu, unhrainein, winnon, lustu ubila(na) jah faihugeiron, sei ist galiuga(gu)de skalkinassus;\n3:6 [A] \u00feairh \u00feoei qimi\u00fe hatis gudis ana sunum ungalaubeinais,\n3:6 [B] \u00feairh \u00feoei qimi\u00fe hatis gudis ana sunum ungalaubeinais,\n3:7 [A] in \u00feaimei jah jus iddjedu\u00fe simle, \u00fean libaidedu\u00fe in \u00feaim.\n3:7 [B] in \u00feaimei jah jus iddjedu\u00fe simle, \u00fean libaidedu\u00fe in \u00feaim.\n3:8 [A] i\u00fe nu aflagji\u00fe jah jus \u00feo alla, hatis, \u00fewairhein, unselein, anaqiss, aglaitiwaurdein; us mun\u00fea izwaramma ni [ni] . . . .\n3:8 [B] i\u00fe nu aflagji\u00fe jah jus \u00feo alla, hatis, \u00fewairhein, unselein, anaqiss, aglaitiwaurdein; us mun\u00fea izwaramma ni usgaggai.\n3:9 [B] ni liugai\u00fe izwis misso, afslaupjandans izwis \u00feana fairnjan mannan mi\u00fe tojam is,\n3:10 [B] jah gahamo\u00fe niujamma, \u00feamma ananiwidin du ufkun\u00feja (bi) (fr)isahtai \u00feis, saei gaskop ina;\n3:11 [B] \u00fearei nist Kreks jah Judaius, bimait jah faurafilli, barbar(us) (jah) (S)kw\u00feus, skalks jah freis, ak alla jah in allaim Xristus.\n3:12 [B] gahamo\u00fe izwis nu swe gawali(d)ai gudis, weihans jah walisans, brusts blei\u00feein, [arma(hai)rtein], sele(in), haunein a(hins), qairrein, usbeisnein.\n3:13 [B] \u00feulandans iz(wis) misso jah fragibandans s(ilban)s, jabai hvas wi\u00fera hvana habai fairina; swaswe jah Xristus fragaf izwis, swa jah jus taujai\u00fe.\n3:14 [B] a\u00fe\u00fean ufar alla fria\u00fewa, sei ist gabindi ainamundi\u00feos.\n3:15 [B] jah gawair\u00fei gudis swignjai[\u00fe] i(n) hairtam izwaraim, in \u00feammei jah la\u00feodai wesu\u00fe in ainamma leika, jah awiliudondans wair\u00feai\u00fe.\n3:16 [B] waurd Xristaus bauai in izwis gabigaba, in allai handugein jah frodein ah(mei)nai laisjandans jah talz(ja)ndans izwis silbans psalmom, hazeinim, saggwim ahmeinaim, in (an)stai sigg(w)andans in hair(t)am izwaraim f(raujin).\n3:17 [B] all \u00feishvah \u00featei tau(jai)\u00fe in waur(da) ai\u00fe\u00feau in waurstwa, (a)ll in namin fraujins Iesuis, awiliudondans guda attin \u00feairh ina.\n3:18 [B] jus qinons, ufhausjai\u00fe wairam izwaraim, swe gaqimi\u00fe in fraujin.\n3:19 [B] wairos, frijo\u00fe qenins izwaros jah ni sijai\u00fe baitrai (w)i\u00fera \u00feos.\n3:20 [B] barna, ufhausjai\u00fe fadreinam bi all; unte \u00feata waila galeikai\u00fe ist in fraujin.\n3:21 [B] jus attans, ni gramjai\u00fe barna izwara du \u00fewairhein, ei ni wair\u00feaina in unlustau.\n3:22 [B] \u00feewisa, ufhausjai\u00fe bi all leika fraujam, ni in augam skalkinondans, swe mannam samjandans, ak in ainfal\u00feein hairtins, ogandans gu\u00fe.\n3:23 [B] \u00feishvah \u00featei taujai\u00fe, us saiwalai waurkjai\u00fe swe fraujin, ni mannam,\n3:24 [B] witandans \u00featei af fraujin nimi\u00fe andalauni arbjis; unte fraujin Xristau skalkino\u00fe.\n3:25 [B] sa auk ska\u00feaila andnimi\u00fe \u00featei sko\u00fe, jah nist wiljahal\u00feein at guda.\n4:1 [B] Jus fraujans, garaiht jah ibnassu \u00feewisam atkunnai\u00fe, witandans \u00featei aihu\u00fe jah jus fraujan in himinam.\n4:2 [B] bidai ha(f)tjandans izwis, wakandans in izai in awiliudam;\n4:3 [B] bidjandans samana jah bi uns ei gu\u00fe uslukai unsis haurd waurdis du rodjan runa Xristaus, in \u00feizozei jah gabundans im,\n4:4 [A] . . . . \u00feo, swaswe skuljau rodjan.\n4:4 [B] ei gabairhtjau \u00feo, swaswe skuljau rodjan.\n4:5 [A] in handugein gaggai\u00fe du \u00feaim uta, mel usbugjandans.\n4:5 [B] in handugein gaggai\u00fe du \u00feaim uta, \u00feata mel usbugjandans.\n4:6 [A] waurd izwar sinteino in anstai salta gasupo\u00fe sijai, ei witei\u00fe hvaiwa skulei\u00fe ainhvarjammeh andhafjan.\n4:6 [B] waurd izwar sinteino in anstai salta gasupo\u00fe siai, ei witei\u00fe hvaiwa skulei\u00fe ainhvarjammeh andhafjan.\n4:7 [A] \u00featei bi mik ist, all gakannei\u00fe izwis Twkeikus, sa liuba bro\u00fear jah triggwa andbahts jah gaskalki in fraujin,\n4:7 [B] \u00featei bi mik ist, all gakannei\u00fe izwis Twkekus, sa liuba bro\u00fear jah triggwa andbahts jah gaskalki in fraujin,\n4:8 [A] \u00feanei insandida du izwis du\u00fee ei kunnja(i) hva bi izwis ist, jah ga\u00ferafstjai hairtona izwara,\n4:8 [B] \u00feanei insandida du izwis du\u00fe\u00fee ei kunnjai hva bi izwis ist, jah ga\u00ferafstjai hairtona izwara,\n4:9 [A] mi\u00fe Aunisimau \u00feamma liubin jah triggwin bro\u00fer, saei ist us izwis, \u00feaiei all izwis gakannjand \u00featei her ist.\n4:9 [B] mi\u00fe Aunisimau \u00feamma liubin jah triggwin bro\u00fer, saei ist us izwis, \u00feaiei all izwis gakannjand \u00featei her ist.\n4:10 [A] golei\u00fe izwis Ari[a]starkus, sa mi\u00fefrahun\u00feana mis, jah Markus gadiliggs Barnabins, bi \u00feanei nemu\u00fe anabusnins, ei jabai qimai at izwis, andnimai\u00fe ina;\n4:10 [B] golei\u00fe izwis Areistarkus, sa mi\u00fefrahun\u00feana mis, jah Markus gadiliggs Barnabins, bi \u00feanei nemu\u00fe anabusnins, ei jabai qimai at izwis, andnimai\u00fe ina;\n4:11 [A] jah Iesus, saei haitada Justus, \u00feaiei sind us bimaita. \u00feai ainai gawaurstwans sind \u00feiudangardjos gudis, \u00feaiei wesun mis du ga\u00ferafsteinai.\n4:11 [B] jah Iesus, saei haitada Justus, \u00feaiei sind us bimaita. \u00feai ainai gawaurstwans sind \u00feiudangardjos gudis, \u00feaiei wesun mis du ga\u00ferafsteinai.\n4:12 [A] golei\u00fe izwis Aipafras, sa us izwis, skalks Iesuis Xristaus, sa sinteino usdaudjands bi izwis in bidom, ei standai\u00fe allawaurstwans jah fullawitans in allamma wiljin gudis.\n4:12 [B] golei\u00fe izwis Aipafras, sa us izwis, skalks Xristaus Iesuis, sinteino usdaudjands bi izwis in bidom, ei standai\u00fe allawaurstwans jah fullawitans in allamma wiljin gudis.\n4:13 [A] weitwodja auk imma \u00featei habai\u00fe manag aljan bi izwis jah bi \u00feans \u00feaiei sind . . . .\n4:13 [B] weitwodja auk imma \u00featei habai\u00fe manag aljan bi izwis jah bi \u00feans \u00feaiei sind in Laudeikaia jah Iairaupaulein.\n4:14 [B] golei\u00fe izwis Lukas, leikeis sa liuba.\n4:15 [B] golei\u00fe \u00feans in Laudeikaia bro\u00feruns jah Nwmfan jah \u00feo ingardjon is aikklesjon.\n4:16 [B] jah \u00fean ussiggwaidau at izwis so aipistaule, taujai\u00fe ei jah in Laudekaion aikklesjon ussiggwaidau, jah \u00feoei ist us Laudeikaion, jus ussiggwaid.\n4:17 [B] jah qi\u00feai\u00fe Arkippau: saihv \u00feata andbahti \u00featei andnamt in fraujin, ei ita usfulljais.\n4:18 [B] goleins meinai handau Pawlaus.\n4:19 [B] gamunei\u00fe meinaizos bandjos. ansts mi\u00fe izwis, amen.\n4:255 [B] du Kaulaussaium ustauh.","title":"Gothic Bible (partial): Colossians","type":"page"}