{"collection":"Bible & Christianity","html_url":"https://unchartedknowledge.5gfusion.net/browse/bib/wb/got/eph.htm","path":"bib/wb/got/eph.htm","source_url":"https://sacred-texts.com/bib/wb/got/eph.htm","text":"1:0 [A] Aipistaule Pawlaus du Aifaisium anastodei\u00fe.\n1:0 [B] Du Aifais(ium) anastodei\u00fe.\n1:1 [A] Pawlus, apaustaulus Xristaus Iesuis \u00feairh wiljan gudis, \u00feaim weiham \u00feaim wisandam in Aifaison jah triggwaim in Xristau Iesu.\n1:1 [B] Pawlus, apau(s)taulus Xristaus Iesuis \u00feairh wiljan gudis, \u00feaim weiham \u00feaim wisandam in Aifaison jah triggwaim in Xristau Iesu.\n1:2 [A] ansts izwis jah gawair\u00fei fram guda attin unsaramma jah fraujin Iesu Xristau.\n1:2 [B] ansts izwis jah gawair\u00fei fram guda attin unsaramma jah fraujin Iesu Xristau.\n1:3 [A] \u00feiu\u00fei\u00fes gu\u00fe jah atta fraujins unsaris Iesuis Xristaus, izei ga\u00feiu\u00feida uns ana allai \u00feiu\u00feeinai ahmeinai in himinakundaim in Xristau.\n1:3 [B] \u00feiu\u00fei\u00fes gu\u00fe jah atta fraujins unsaris Iesuis Xristaus, izei ga\u00feiu\u00feida uns in allai \u00feiu\u00feeinai ahmeinai in himinakundaim in Xristau.\n1:4 [A] swaswe gawalida uns in imma faur gasatein fairhvaus, ei sijaima weihai jah unwammai in andwair\u00feja is in frija\u00fewai.\n1:4 [B] swaswe gawalida unsis in imma faur gasatein fairhvaus, ei sijaima weis weihai jah unwammai in andwair\u00feja is in fria\u00fewai.\n1:5 [A] fauragarairo\u00fe uns du suniwe gadedai \u00feairh Iesu Xristu in ina bi leikainai wiljins seinis,\n1:5 [B] fauragarairo\u00fe uns du suniwe gadedai \u00feairh Iesu Xristu in imma bi leikainai wiljins seinis,\n1:6 [A] du hazeinai wul\u00feaus anstais seinaizos, in \u00feizaiei ansteigs was uns in \u00feamma liubin sunau seinamma,\n1:6 [B] du hazeinai wul\u00feaus anstais seinaizos, in \u00feizaiei ansteigs was uns in \u00feamma liubin sunau seinamma,\n1:7 [A] in \u00feammei habam faurbauht, fralet frawaurhte \u00feairh blo\u00fe is, bi gabein wul\u00feaus anstais is,\n1:7 [B] in \u00feammei habam faurbauht, f(r)a(le)t frawaurhte \u00feairh bl(o\u00fe) is, bi gabein wu(l)\u00feaus a(ns)tais is,\n1:8 [A] \u00feoei ufarassau ganohida in uns in allai handugein jah frodein,\n1:8 [B] \u00feoei ufarassau ganohida in uns in allai handugein jah frodein,\n1:9 [A] kannjan unsis runa wiljins seinis bi wiljin, saei fauragaleikaida imma\n1:9 [B] kannjan unsis runa wiljins seinis b(i) (w)iljin, saei fauragaleikaida imma\n1:10 [A] du fauragaggja usfulleinais mele, aftra usfulljan alla in Xristau, \u00feo ana himinam ja\u00fe~\u00feo ana air\u00feai in imma,\n1:10 [B] du fauragaggja (u)sfulleinais mele, aftra (usfu)lljan alla in Xristau, \u00feo (ana) himinam jah ana air\u00feai in imma,\n1:11 [A] in \u00feammei hlauts gasatidai wesum, fauragaredanai bi wiljin gudis \u00feis alla in allaim waurkjandins bi muna wiljins seinis,\n1:11 [B] in \u00feammei hlauts gasatidai wesum, faur(a)garedanai (b)i w(i)ljin gudis \u00fe(is) alla in al(l)aim waurkjandins bi muna (wi)ljins seinis,\n1:12 [A] ei sijaima weis du hazeinai wul\u00feaus is \u00feai faurawenjandans in Xristau,\n1:12 [B] ei sijaima weis du hazeinai wul\u00feaus is \u00feai faur(a)wenjandans in Xristau,\n1:13 [A] in \u00feammei jah jus gahausjandans waurd sunjus, aiwaggeli ganistais izwaraizos, \u00feammei galaubjandans gasiglidai waur\u00feu\u00fe ahmin gahaitis \u00feamma weihin,\n1:13 [B] in \u00feammei jah jus gahausjandans waurd sunjos, aiwaggeli ganis(t)ais izwaraizos, \u00feammei (ga)laubjandan(s) ga(si)glidai (w)aur\u00feu\u00fe ahmin ga(ha)itis \u00feamma weihin,\n1:14 [A] izei ist wadi arbjis unsaris du faurbauhtai gafreideinais, du hazeinai wul\u00feaus is.\n1:14 [B] izei ist (wa)di arbjis unsaris du faur(b)auhtai (ga)freideinais, du hazeinai wul\u00feaus is.\n1:15 [A] du\u00fe\u00fee jah ik, gahausjands izwara galaubein in fraujin Iesu Xristau jah frija\u00fewa in allans \u00feans weihans,\n1:15 [B] du\u00fe\u00fee jah ik, gahausjan(ds) izwara galaubein in fraujin Iesu Xristau jah fria\u00fewa in allans \u00fe(a)ns weihans,\n1:16 [A] unsweibands awiliudo in izwara, gamund waurkjands in bidom meinaim,\n1:16 [B] unsweibands awiliudo in izwara, gamund (waurk)jands in bidom meinaim,\n1:17 [A] ei gu\u00fe fraujins unsaris Iesuis Xristaus, atta wul\u00feaus, gibai izwis ahman handugeins jah andhuleinais in ufkun\u00feja seinamma,\n1:17 [B] ei gu\u00fe fraujins u(n)saris Iesuis Xristaus, atta wul\u00fe(a)us, gibai izwis ahman handugeins jah andhuleinais in ufkun\u00feja seinamma,\n1:18 [A] inliuhtida augona hairtins izwaris, ei witei\u00fe jus hva ist wens la\u00feonais is, hvileiku gabei wul\u00feaus arbjis is in weihaim,\n1:18 [B] inliuh[i]tida augona hairtins izwaris, ei witei\u00fe jus hva ist wens la\u00feonais is, hvileiku gabei wul\u00feaus arbjis is in weihaim,\n1:19 [A] jah hva ufarassus mikileins mahtais is in uns \u00feaim galaubjandam bi waurstwa mahtais swin\u00feeins is,\n1:19 [B] jah hva ufarass(u)s mikileins mahtais is in uns \u00feaim galaubjandam bi waur(s)twa mahtais swin\u00feeins is,\n1:20 [A] \u00featei gawaurhta in Xristau, urraisjands ina us dau\u00feaim jah gasatida in taihswon seinai in himinam\n1:20 [B] \u00featei gawaurhta in Xristau, urraisjands ina us dau\u00feaim jah gasatida in taihswon seinai in himinam\n1:21 [A] ufaro allaize reikje jah waldufnje jah mahte jah fraujinassiwe jah allaize namne namnidaize ni \u00featainei in \u00feamma aiwa, ak jah in \u00feamma anawair\u00fein.\n1:21 [B] ufaro allaize reikje jah waldufnje jah mahte jah fraujinassiwe jah allaize namne namnidaize ni \u00featainei in \u00feamma aiwa, ak jah in \u00feamma anawair\u00fein.\n1:22 [A] jah alla ufhnaiwida uf fotuns imma jah ina atgaf haubi\u00fe ufar alla aikklesjon,\n1:22 [B] jah all ufhnaiwida uf fotuns imma jah ina atgaf haubi\u00fe ufar alla aikklesjon,\n1:23 [A] sei ist leik is, fullo \u00feis alla in allaim usfulljandins.\n1:23 [B] sei ist leik is, fullo \u00feis alla in allaim usfulljandins.\n2:1 [A] Jah izwis wisandans dau\u00feans missadedim jah frawaurhtim izwaraim,\n2:1 [B] Jah izwis wisandans dau\u00feans missadedim jah frawaurhtim izwaraim,\n2:2 [A] in \u00feaimei simle iddjedu\u00fe bi \u00feizai aldai \u00feis fairhvaus, bi reik waldufnjis luftaus, ahmins \u00feis nu waurkjandins in sunum ungalaubeinais,\n2:2 [B] in \u00feaimei simle iddjedu\u00fe bi \u00feizai aldai \u00feis aiwis, bi reik waldufnjis luftaus, ahmins \u00feis (n)u waurkjandins in sunum ungalaubeinais,\n2:3 [A] in \u00feaimei jah weis allai usmetum suman in lustum leikis unsaris, taujandans wiljans leikis jah gamitone, jah wesum wistai barna hatize, swaswe jah \u00feai an\u00fearai.\n2:3 [B] in \u00feaimei jah weis allai usmetum suman in lustum leikis unsaris, taujandans wiljans leikis jah gamitone, jah wisum wistai barna hatis, swaswe jah \u00feai an\u00fearai.\n2:4 [A] i\u00fe gu\u00fe, gabigs wisands in armahairtein, in \u00feizos managons frija\u00fewos \u00feizaiei frijoda uns,\n2:4 [B] i\u00fe gu\u00fe, gabeigs wisands in armahairtein, in \u00feizos managons frija\u00fewos in \u00feizaiei frijoda uns,\n2:5 [A] jah wisandans uns dau\u00feans frawaurhtim mi\u00fegaqiwida uns Xristau - anstai siju\u00fe ganasidai -\n2:5 [B] jah wisandans uns dau\u00feans frawaurhtim , mi\u00fegaqiwida uns Xristau - anstai sijum ganasidai -\n2:6 [A] jah mi\u00feurraisida jah mi\u00fegasatida in himinakundaim in Xristau Iesu,\n2:6 [B] jah mi\u00feurraisidai jah mi\u00fega(s)atidai in himinakundaim in Xristau Iesu,\n2:7 [A] ei ataugjai in ald[a]im \u00feaim anagaggandeim ufarassu gabeins anstais seinaizos in selein bi uns in Xristau Iesu.\n2:7 [B] ei ataugjai in aldim \u00feaim anagaggandeim ufarassu gabeins anstais seinaizos in selein bi uns in Xristau Iesu.\n2:8 [A] unte anstai siu\u00fe ganasidai \u00feairh galaubein, jah \u00feata ni us izwis, ak gudis giba ist;\n2:8 [B] unte anstai siju\u00fe ganasidai \u00feairh galaubein, jah \u00feata ni us izwis, ak gudis giba ist;\n2:9 [A] ni us waurstwam, ei hvas ni hvopai,\n2:9 [B] ni us waurstwam, ei hvas ni hvopai,\n2:10 [A] ak is sium taui, gaskapanai in Xristau Iesu du waurstwam godaim, \u00feoei fauragamanwida gu\u00fe, ei in \u00feaim gaggaima.\n2:10 [B] ak is sijum taui, gaskapanai in Xristau Iesu du waurstwam godaim, \u00feoei fauragamanwida gu\u00fe, ei in \u00feaim (ga)ggaima.\n2:11 [A] du\u00fe\u00fee gamunei\u00fe \u00featei jus \u00feiudos simle wesu\u00fe in leika, \u00feai namnidans unbimaitanai fram \u00feizai namnidon bimait in leika handuwaurht.\n2:11 [B] du\u00fe\u00fee gamunei\u00fe \u00featei jus \u00feiudos simle wesu\u00fe in leika, \u00feai namnidans unbimaitanai fram \u00feizai namnidon bimait in leika handuwaurht.\n2:12 [A] unte wesu\u00fe \u00fean in jainamma mela inu Xristu, frama\u00fejai usmetis Israelis jah gasteis gahaite trausteis, wen ni habandans jah gudalausai in manasedai.\n2:12 [B] unte wesu\u00fe \u00fean in jainamma mela inuh Xristu, frama\u00fejai usmetis Israelis jah gasteis gahaite trausteis, wen ni habandans jah g(uda)lausai in manasedai.\n2:13 [A] i\u00fe nu sai, in Xristau Iesu jus juzei simle wesu\u00fe fairra, waur\u00feu\u00fe nehva in blo\u00fea Xristaus.\n2:13 [B] i\u00fe (nu) sai, in Xristau Iesu jus juzei sim(le) (w)esu\u00fe fairra, waur\u00feu\u00fe nehva in blo\u00fea Xristaus.\n2:14 [A] sa auk ist gawair\u00fei unsar, saei gatawida \u00feo ba du samin jah midgardiwaddju fa\u00feos gatairands,\n2:14 [B] sa auk ist gawair\u00fei unsar, saei gatawida \u00feo ba du samin jah mi\u00fegardawaddju fa\u00feos gatairands,\n2:15 [A] fija\u00fewa, ana leika seinamma wito\u00fe anabusne garaideinim gatairands, ei \u00feans twans gaskopi in sis silbin du ainamma niujamma mann, waurkjands gawair\u00fei,\n2:15 [B] fija\u00fewa, ana leika seinamma wito\u00fe anabusne garaideinim gatairands, ei \u00feans twans gaskopi in sis silbin du ainamma niujamma mann, waurkjan(ds) gawair\u00fei,\n2:16 [A] jah gafri\u00feodedi \u00feans bans in ainamma leika guda \u00feairh galgan, afslahands fija\u00fewa in sis silbin.\n2:16 [B] jah gafri\u00feodedi \u00feans bans in ainamma leika guda \u00feairh galgan, afslahans fija\u00fewa in sis silbin.\n2:17 [A] jah qimands wailamerida gawair\u00fei izwis juzei fairra jah gawair\u00fei \u00feaim ize nehva;\n2:17 [B] jah qimands wailamerida gawair\u00fei izwis juzei fairra jah gawair\u00fei \u00feaim izei nehva;\n2:18 [A] unte \u00feairh ina habam atgagg bajo\u00fes in ainamma ahmin du attin.\n2:18 [B] unte \u00fe(a)irh ina habam atgagg bajo\u00fes in ainamma ahmin du att(in).\n2:19 [A] sai nu ni siju\u00fe gasteis jah aljakonjai, ak siju\u00fe gabaurgjans \u00feaim weiham jah ingardjans gudis,\n2:19 [B] sai nu ju ni siju\u00fe gasteis (jah) aljakonjai, ak siju\u00fe gaba(urg)jans \u00feaim weiham jah ing(ar)djans gudis,\n2:20 [A] anatimri(dai) . . . .\n2:20 [B] anatimridai ana grunduwaddjau apaustaule jah praufete, at wisandin auhumistin waihstastaina silbin Xristau Iesu,\n2:21 [B] in \u00feammei alla gatimrjo gagatiloda wahsei\u00fe du alh weihai in fraujin,\n2:22 [B] in \u00feammei jah jus mi\u00fegatimridai siju\u00fe du bauainai gudis in ahmin.\n3:1 [B] In \u00feizozei waihtais ik Pawlus bandja Xristaus Iesuis in izwara \u00feiudo,\n3:2 [B] jabai swe\u00feauh hausidedu\u00fe fauragaggi gudis anstais, sei gibana ist mis in izwis;\n3:3 [B] unte bi andhuleinai gakannida was mis so runa, swe fauragamelida in leitilamma,\n3:4 [B] du\u00fe\u00fee ei siggwandans magei\u00fe fra\u00fejan frodein meinai in runai Xristaus,\n3:5 [B] \u00featei an\u00fearaim aldim ni kun\u00fe was sunum manne, swaswe nu andhuli\u00fe ist \u00feaim weiham is apaustaulum jah praufetum in ahmin,\n3:6 [B] wisan \u00feiudos gaarbjans jah galeikans jah gadailans gahaitis is in Xr(is)tau Iesu \u00feairh aiwaggeljon,\n3:7 [B] \u00feizozei war\u00fe andbahts ik bi gibai anstais gudis \u00feizai gibanon mis bi toja mahtais is.\n3:8 [B] mis, \u00feamma undarleijin allaize \u00feize weihane, atgibana war\u00fe ansts so, in \u00feiudom wailamerjan \u00feo unfairlaistidon gabein Xristaus,\n3:9 [A] . . . . in guda \u00feamma alla gaskapjandin,\n3:9 [B] jah inliuhtjan allans, hvileik \u00feata fauragaggi runos \u00feizos gafulginons fram aiwam in guda \u00feamma alla gaskapjandin,\n3:10 [A] ei kanni\u00fe wesi nu reikjam jah waldufnjam in \u00feaim himinakundam \u00feairh aikklesjon so filufaiho handugei gudis,\n3:10 [B] ei kanni\u00fe wesi nu reikjam jah waldufnjam in \u00feaim himinakundam \u00feairh aikklesjon so managfal\u00feo handugei gudis,\n3:11 [A] bi muna aiwe \u00feanei gatawida in Xristau Iesu fraujin unsaramma,\n3:11 [B] bi muna aiwe \u00feanei gatawida in Xristau Iesu fraujin unsaramma,\n3:12 [A] in \u00feammei habam bal\u00feein [freij(hals)] jah atgagg in trauainai \u00feairh galaubein is.\n3:12 [B] in \u00feammei habam bal\u00feein jah atgagg in trauainai \u00feairh galaubein is.\n3:13 [A] in \u00feize bidja, ni wair\u00feai\u00fe usgrudjans in aglom meinaim faur izwis, \u00featei ist wul\u00feus izwar.\n3:13 [B] in \u00feize bidja, ni wair\u00feai\u00fe usgrudjans in aglom meinaim faur izwis, \u00featei ist wul\u00feus izwar.\n3:14 [A] in \u00feis biuga kniwa meina du attin fraujins unsaris Iesuis Xristaus,\n3:14 [B] in \u00feis biuga kniwa meina du attin fraujins unsaris Iesuis Xristaus,\n3:15 [A] us \u00feammei all fadreinis in himina jah ana air\u00feai namnjada,\n3:15 [B] us \u00feammei all fadreinis in himina jah ana air\u00feai namnjada,\n3:16 [A] ei gibai izwis bi gabein wul\u00feaus seinis mahtai inswin\u00fejan \u00feairh ahman seinana innuman mannan,\n3:16 [B] ei gibai izwis bi gabein wul\u00feaus seinis mahtai gaswin\u00fenan \u00feairh ahman seinana in innuman mannan,\n3:17 [A] bauan Xristu \u00feairh galaubein in hairtam izwaraim,\n3:17 [B] bauan Xristu \u00feairh galaubein in hairtam izwaraim,\n3:18 [A] ei in frija\u00fewai gawaurhtai jah gasulidai magei\u00fe gafahan mi\u00fe allaim \u00feaim weiham hva sijai braidei jal~laggei jah hauhei jah d(iupe)i;\n3:18 [B] ei in fria\u00fewai gawaurhtai jah gasulidai magei\u00fe gafahan mi\u00fe allaim \u00feaim weiham hva sijai braidei jah laggei jah hauhei jah diupei;\n3:19 [A] kunan \u00feo ufarassau mikilon \u00feis kun\u00fejis frija\u00fewa Xristaus, ei fulnai\u00fe in allai fullon gudis.\n3:19 [B] kunnan \u00feo ufarassau mikilon \u00feis kun\u00fejis fria\u00fewa Xristaus, ei fullnai\u00fe du allai fullon gudis.\n3:20 [A] a\u00fe\u00fean \u00feamma mahteigin ufar all taujan maizo [giban] \u00feau bidjam ai\u00fe\u00feau fra\u00fejam bi mahtai \u00feizai waurkjandein in unsis,\n3:20 [B] a\u00fe\u00fean \u00feamma mahteigin ufar all taujan maizo \u00feau bidjam ai\u00fe\u00feau fra\u00fejam bi mahtai \u00feizai waurkjandein in uns,\n3:21 [A] immuh wul\u00feus in Xristau Iesu jah aikkles in allos aldins aiwe, amen.\n3:21 [B] imma wul\u00feus in aikklesjon in Xristau Iesu in allos aldins aiwe, amen.\n4:1 [A] Bidja nu izwis ik bandja in fraujin, wair\u00feaba gaggan \u00feizos la\u00feonais \u00feizaiei la\u00feodai siu\u00fe,\n4:1 [B] Bidja nu izwis ik bandja in fraujin, wair\u00feaba gaggan \u00feizos la\u00feonais \u00feizaiei la\u00feodai siju\u00fe,\n4:2 [A] mi\u00fe allai hauneinai jah qairrein, mi\u00fe usbeisnai us\u00feulandans izwis misso in frija\u00fewai,\n4:2 [B] mi\u00fe allai hauneinai jah qairrein, mi\u00fe usbeisnai us\u00feulandans izwis misso in fria\u00fewai,\n4:3 [A] usdaudjandans fastan ainamundi\u00fea ahmins in gabundjai gawair\u00feeis.\n4:3 [B] usdaudjandans fastan ainamundi\u00fea ahmins in gabundjai gawair\u00feeis.\n4:4 [A] ain leik jah ains ahma, swaswe atla\u00feodai siju\u00fe in aina wen la\u00feonais izwaraizos.\n4:4 [B] ain leik jah ains ahma, swaswe atla\u00feodai siju\u00fe in aina wen la\u00feonais izwaraizos.\n4:5 [A] ains frauja, aina galaubeins, aina daupeins,\n4:5 [B] ains frauja, aina galaubeins, aina daupeins,\n4:6 [A] ains gu\u00fe jah atta allaize , saei ufar allaim jah and allans jah in allaim uns.\n4:6 [B] ains gu\u00fe jah atta allaize . . . .\n4:7 [A] i\u00fe ainhvarjammeh unsara atgibana ist ansts bi mita\u00fe gibos Xristaus;\n4:8 [A] in \u00feizei qi\u00fei\u00fe: ussteigands in hauhi\u00fea ushan\u00fe hun\u00fe jah atuhgaf gibos mannam.\n4:9 [A] \u00featu\u00fe~\u00fean usstaig, hva ist, niba \u00featei jah atstaig faur\u00feis in undar[a]isto air\u00feos?\n4:10 [A] saei atstaig, sa ist jah saei usstaig ufar allans himinans, ei usfullidedi allata.\n4:11 [A] jah silba gaf sumans apaustaul(u)ns, sumanzu\u00fe~\u00fean praufetuns, sumansu\u00fe~\u00fean aiwaggelistans, sumansu\u00fe~\u00fean hairdjans jah laisarjans,\n4:12 [A] du ustauhtai weihaize du waurstwa andbahtjis, du timreinai leikis Xristaus,\n4:13 [A] unte garinnaima allai in ainamundi\u00fea galaubeinais jah ufkun\u00fejis sunus gudis, du waira fullamma, in mita\u00fe wahstaus fullons Xristaus,\n4:14 [A] ei \u00feanasei\u00fes ni sijaima niuklahai uswagidai jah uswalugidai winda hvammeh laiseinais, liutein manne, in filudeisein du listeigon uswandjai airzeins,\n4:15 [A] i\u00fe sunja taujandans in frija\u00fewai wahsjaima in ina \u00feo alla, ize ist haubi\u00fe, Xristus,\n4:16 [A] us \u00feammei all leik gagatilo\u00fe gagahafti\u00fe \u00feairh allos gawissins andstaldis, bi waurstwa in mita\u00fe ana ainhvarjoh fero, uswahst leikis tauji\u00fe du timreinai seinai in frija\u00fewai.\n4:17 [A] \u00feata nu qi\u00fea jah weitwodja in fraujin, ei \u00feanasei\u00fes ni gaggai\u00fe, swaswe jah an\u00fearos \u00feiudos gaggand in uswissja hugis seinis,\n4:17 [B] \u00feata nu qi\u00fea jah weitwo(d)ja in fraujin, ei \u00feanasei\u00fes ni gaggai\u00fe, swaswe jah an\u00fearos \u00feiudos gaggand in uswissja hugis seinis,\n4:18 [A] riqizeinai gahugdai wisandans, frama\u00fejai libainais gudis in unwitjis \u00feis wisandins in im, in daubi\u00feos hairtane seinaize,\n4:18 [B] riqizeinai gahugdai wisandans, frama\u00fejai libainais gudis in unwitjis \u00feis wisandins in im, in daubi\u00feos hairtane seinaize,\n4:19 [A] \u00feaiei uswenans waur\u00feanai sik silbans atgebun aglaitein in waurstwein unhraini\u00feos allaizos, in faihufrikein.\n4:19 [B] \u00feaiei uswenans waur\u00feanai sik silbans atgebun aglaitein in waurstwein unhraini\u00feos allaizos, in faihufrikein.\n4:20 [A] i\u00fe jus ni swa ganemu\u00fe Xristu,\n4:20 [B] i\u00fe jus ni swa ganemu\u00fe Xristu,\n4:21 [A] jabai swe\u00feauh ina hausidedu\u00fe jah in imma uslaisidai siju\u00fe, swaswe ist sunja in Iesu,\n4:21 [B] jabai swe\u00feauh ina hausidedu\u00fe jah in imma uslaisidai siju\u00fe, swaswe ist sunja in Iesu,\n4:22 [A] ei aflagjai\u00fe jus bi frumin usmeta \u00feana fairnjan mannan \u00feana riurjan bi lustum afmarzeinais.\n4:22 [B] ei aflagjai\u00fe jus bi frumin usmeta \u00feana fairnjan mannan \u00feana riurjan bi lustum afmarzeinais.\n4:23 [A] anu\u00fe~\u00fean~niujai\u00fe ahmin fra\u00fejis izwaris,\n4:23 [B] anu\u00fe~\u00fean~niujai\u00fe (a)hmin fra\u00fejis izwaris,\n4:24 [A] jag~gahamo\u00fe \u00feamma niujin mann \u00feamma bi guda gaskapanin in garaihtein jah weihi\u00feai sunjos.\n4:24 [B] jah gahamo\u00fe \u00feamma niujin mann \u00feamma bi guda gaskapanin in garaihtein jah weihi\u00feai sunjos.\n4:25 [A] in \u00feizei aflagjandans liugn rodjai\u00fe sunja hvarjizuh mi\u00fe nehvundjin seinamma, unte sijum an\u00fear an\u00fearis li\u00feus.\n4:25 [B] in \u00feizei aflagjandans liugn rodjai\u00fe sunja hvarjizuh mi\u00fe nehvundjin seinamma, unte siju\u00fe an\u00fear an\u00fearis li\u00feus.\n4:26 [A] \u00fewairhai\u00fe~\u00fean sijai\u00fe jah ni frawaurkjai\u00fe, sunno ni dissigqai ana \u00fewairhein izwara.\n4:26 [B] \u00fewairhai\u00fe~\u00fean sijai\u00fe jah ni frawaurkjai\u00fe, sunno ni disiggqai ana \u00fewairhein izwara.\n4:27 [A] ni gibi\u00fe sta\u00fe unhul\u00fein.\n4:27 [B] nih gibai\u00fe sta\u00fe unhul\u00fein.\n4:28 [A] saei hlefi, \u00feanasei\u00fes ni hlifai, i\u00fe mais arbaidjai, waurkjands swesaim handum \u00feiu\u00fe, ei habai dailjan \u00feaurbandin.\n4:28 [B] saei hlefi, \u00feanasei\u00fes ni hlifai, ak mais arbaidjai, waurkjands swesaim handum \u00feiu\u00fe, ei habai dailjan \u00feaurbandin.\n4:29 [A] ainhun waurde ubilaize us mun\u00fea izwaramma ni usgaggai, ak \u00featei go\u00fe sijai du timreinai galaubeinais, ei gibai anst hausjandam.\n4:29 [B] ainhun waurde ubilaize us mun\u00fea izwaramma ni usgaggai, ak \u00featei go\u00fe sijai du timreinai galaubeinais, ei gibai anst hausjandam.\n4:30 [A] jah ni gaurjai\u00fe \u00feana weihan ahman gudis, in \u00feammei gasiglidai siju\u00fe in daga uslauseinais.\n4:30 [B] jah ni gaurjai\u00fe \u00feana weihan ahman gudis, \u00feammei gasiglidai siju\u00fe in daga uslauseinais.\n4:31 [A] alla baitrei jah hatis jah \u00fewairhei jah hrops jah wajamereins afwairpaidau af izwis mi\u00fe allai unselein.\n4:31 [B] alla baitrei jah hatis jah \u00fewairhei jah hrops jah wajamereins afwairpaidau af izwis mi\u00fe allai unselein.\n4:32 [A] wair\u00feaiduh mi\u00fe izwis misso seljai, armahairtai, fragibandans izwis misso, swaswe gu\u00fe in Xristau fragaf izwis.\n4:32 [B] wair\u00feaiduh mi\u00fe izwis misso seljai, armahairtai, fragibandans izwis misso, swaswe gu\u00fe in Xristau fragaf izwis.\n5:1 [A] Wair\u00feai\u00fe nu galeikondans guda swe barna liuba\n5:1 [B] Wair\u00feai\u00fe nu galeikondans gud(a) swe barna liuba\n5:2 [A] jah gaggai\u00fe in frija\u00fewai, swaswe jah Xristus frijoda uns jah atgaf sik silban faur uns hunsl jah sau\u00fe guda du daunai wo\u00fejai.\n5:2 [B] jah gagga(i\u00fe) in fria\u00fewai, swaswe jah Xristu(s) frijoda uns jah atgaf si(k) si(l)ban faur uns hunsl jah sau\u00fe guda du daunai wo\u00fejai.\n5:3 [A] a\u00fe\u00fean horinassus jah allos unhraini\u00feos ai\u00fe\u00feau faihufrikei nih namn(jaidau) . . . .\n5:3 [B] a\u00fe\u00fean horinassus jah allos unhraini\u00feos ai\u00fe\u00feau faihufrikei nih namnjaidau in izwis, swaswe gadob ist weihaim,\n5:4 [B] ai\u00fe\u00feau dwala(wa)urdei ai\u00fe\u00feau saldra, \u00feoei d(u) \u00feaurftai ni fairrinnand, ak mais awiliuda.\n5:5 [B] \u00feata auk witei\u00fe, kunnandans \u00featei hvazu hors ai\u00fe\u00feau unhrains ai\u00fe\u00feau faihufriks, \u00featei ist galiugag(u)de skalkinassaus, ni habai\u00fe a(r)bi in \u00feiudangardjai Xristaus jah gudis.\n5:6 [B] ni manna izwis uslu[s]to lausaim waurdam, \u00feairh \u00feoei (q)imi\u00fe hatis gudis ana sunum un(ga)laubeinais.\n5:7 [B] ni wair\u00feai\u00fe nu (gad)ailans im.\n5:8 [B] wesu\u00fe auk suman (r)i(q)iz, i\u00fe nu liuha\u00fe in fraujin; swe barna liuhadis gaggai\u00fe. -\n5:9 [B] a\u00fe\u00fean akran liuhadis ist in allai selein jah garaihtein jah sunjai. -\n5:10 [B] gakiusandans \u00featei sijai waila galeikai\u00fe fraujin,\n5:11 [B] jah ni gamainjai\u00fe waurstwam riqizis . . . .\n5:17 [A] du\u00fe\u00fee ni wair\u00feai\u00fe unfrodai, ak fra\u00fejandans hva sijai wilja fraujins.\n5:18 [A] jah ni anadrigkai\u00fe izwis weina, in \u00feammei ist usstiurei, ak fullnai\u00fe in ahmin,\n5:19 [A] rodjandans izwis in psalmom jah hazeinim jah saggwim ahmeinaim, siggwandans in hairtam izwaraim fraujin,\n5:20 [A] awiliudondans sinteino fram allaim in namin fraujins unsaris Iesuis Xristaus attin jah guda,\n5:21 [A] ufhausjandans izwis misso in agisa Xristaus.\n5:22 [A] qenes seinaim abnam ufhausjaina swaswe fraujin;\n5:23 [A] unte wair ist haubi\u00fe qenais swaswe jah Xristus haubi\u00fe aikklesjons, jah is ist nasjands leikis.\n5:24 [A] akei swaswe aikklesjo ufhausei\u00fe Xristu, swah qenes abnam seinaim in allamma.\n5:25 [A] jus wairos frijo\u00fe qenins izwaros, swaswe jah Xristus frijoda aikklesjon jah sik silban atgaf faur \u00feo,\n5:26 [A] ei \u00feo gaweihaidedi gahrainjands \u00fewahla watins in waurda,\n5:27 [A] ei ustauhi silba sis wul\u00feaga aikklesjon, ni habandein wamme ai\u00fe\u00feau maile ai\u00fe\u00feau hva swaleikaize, ak ei sijai weiha jah unwamma.\n5:28 [A] swa jah wairos skulun frijon seinos qenins swe leika seina. [sein silbins leik frijo\u00fe,] saei seina qen frijo\u00fe, [jah] sik silban frijo\u00fe.\n5:29 [A] ni auk manna hvanhun sein leik fijaida, ak fodei\u00fe ita jah warmei\u00fe swaswe jah Xristus aikklesjon . . . .\n6:8 [B] . . . . tauji\u00fe \u00feiu\u00feis, \u00feata ganimi\u00fe at fraujin, ja\u00fe\u00fee skalks ja\u00fe\u00fee freis.\n6:9 [A] . . . . fraletandans im hvotos, witandans \u00featei im jah izwis sama frauja ist in himinam, jah wiljahal\u00feei nist at imma.\n6:9 [B] jah jus fraujans [jah jus fraujans] \u00feata samo taujai\u00fe wi\u00fera ins, fraletandans im hvotos, witandans \u00featei im jah izwis sama frauja ist in himinam, jah wiljahal\u00feei nist at imma.\n6:10 [A] \u00feata nu an\u00fear, bro\u00ferjus meinai, inswin\u00fejai\u00fe izwis in fraujin jah in mahtai swin\u00feeins is.\n6:10 [B] \u00feata nu an\u00fear, bro\u00ferjus meinai, inswin(\u00fe)jai\u00fe izwis in fraujin jah in mahtai swin\u00feeins is.\n6:11 [A] gahamo\u00fe izwis sarwam gudis, ei magei\u00fe standan wi\u00fera listins diabulaus;\n6:11 [B] gahamo\u00fe izwis sarwam gudis, ei magei\u00fe standan wi\u00fera listins diabulaus;\n6:12 [A] unte nist izwis brakja wi\u00fera leik jah blo\u00fe, ak wi\u00fera reikja jah waldufnja, wi\u00fera \u00feans fairhvu habandans riqizis \u00feis, wi\u00fera \u00feo ahmeinona unseleins in \u00feaim himinakundam.\n6:12 [B] unte nist izwis brakja wi\u00fera leik jah blo\u00fe, ak wi\u00fera reikja jah waldufnja, wi\u00fera \u00feans fairhvu habandans riqizis \u00feis, wi\u00fera \u00feo ahmeinona unseleins in \u00feaim himinakundam.\n6:13 [A] du\u00fe\u00fee nimi\u00fe sarwa gudis, ei magei\u00fe andstandan in \u00feamma daga ubilin jah in allamma uswaurkjandans standan.\n6:13 [B] du\u00fe\u00fee nimi\u00fe sarwa gudis, ei magei\u00fe andstandan in \u00feamma daga ubilin jah in allamma uswaurkjandans standan.\n6:14 [A] standai\u00fe nu, ufgaurdanai hupins izwarans sunjai jag~gapaidodai brunjon garaihteins,\n6:14 [B] standai\u00fe nu, ufgaurdanai hupins izwarans sunjai jah gapaidodai brunjon garaihteins,\n6:15 [A] jag~gaskohai fotum in manwi\u00feai aiwaggeljons gawair\u00fejis\n6:15 [B] jah gaskohai fotum in manwi\u00feai aiwaggeljons gawair\u00fejis\n6:16 [A] ufar all andnimandans skildu galaubeinais, \u00feammei magu\u00fe allos arhvaznos \u00feis unseljins funiskos afhvapjan;\n6:16 [B] ufar all andnimandans skildu galaubeinais, \u00feammei magu\u00fe allos arhvaznos \u00feis unseleins funiskos afhvapjan;\n6:17 [A] jah hilm naseinais nimai\u00fe jah meki ahmins, \u00featei ist waurd gudis;\n6:17 [B] jah hilm naseinais nimai\u00fe jah meki ahmins, \u00featei ist waurd gudis;\n6:18 [A] \u00feairh allos aihtronins jah bidos aihtrondans in alla mela in ahmin jah du \u00feamma [du]wakandans sinteino usdaudein jah bidom fram allaim \u00feaim weiham,\n6:18 [B] \u00feairh allos aihtronins jah bidos aihtrondans in alla mela in ahmin jah du \u00feamma wakandans sinteino in allai usdaudein jah bidom fram allaim \u00feaim weiham,\n6:19 [A] jah fram mis, ei mis gibaidau . . . .\n6:19 [B] jah fram mis, ei mis gibaidau waurd in usluka mun\u00feis mein[a]is in bal\u00feein kannjan runa aiwaggeljons,\n6:20 [B] faur \u00feoei airino in kunawidom, ei in izai gadaursjau, swe skuljau rodjan.\n6:21 [B] (a\u00fe\u00fea)n ei jus witei\u00fe hva bi mik ist, hva ik tauja, kannei\u00fe izwis allata Twkeikus sa liuba bro\u00fear jah triggwa andbahts in fraujin,\n6:22 [B] \u00feanei insandida du izwis, du\u00fe\u00fee ei kunnei\u00fe (hva) b(i) mik ist, jah ga\u00ferafstjai hairtona izwara.\n6:23 [B] gawair\u00fei bro\u00ferum jah fria\u00fewa mi\u00fe galaubeinai fram guda attin jah fraujin Iesu Xristau.\n6:24 [B] ansts mi\u00fe allaim \u00feaiei frijond fraujan unsarana Iesu Xristu in unriurein. amen.\n6:255 [B] Du Aifaisium ustauh.","title":"Gothic Bible (partial): Ephesians","type":"page"}