{"collection":"Bible & Christianity","html_url":"https://unchartedknowledge.5gfusion.net/browse/bib/wb/got/gal.htm","path":"bib/wb/got/gal.htm","source_url":"https://sacred-texts.com/bib/wb/got/gal.htm","text":"1:0 [B] Du Gala(tim) (anastodei\u00fe).\n1:1 [B] (P)awlus, apaustaulus, ni af mannam nih \u00feairh mannan, ak \u00feairh Iesu Xristu jah gu\u00fe attan, ize urraisida ina us dau\u00feaim,\n1:2 [B] jah \u00feai mi\u00fe mis allai bro\u00ferjus aikklesjom Galatiais.\n1:3 [B] ansts izwis jah gawair\u00fei fram guda attin jah fraujin unsaramma Iesu Xristau,\n1:4 [B] izei gaf si(k) s(i)lban faur frawaurhtins unsaros, ei uslausidedi uns us \u00feam(m)a andwair\u00fein aiwa ubilin bi w(i)ljin gudis jah attins unsaris,\n1:5 [B] \u00feammei wul\u00feus du aiwam, amen.\n1:6 [B] sildaleikja ei swa[swe] sprauto afwandjanda af \u00feamma la\u00feondin izwis in anstai Xristaus du an\u00fearamma aiwaggelja,\n1:7 [B] \u00featei nist an\u00fear, alja sumai sind \u00feai drobjandans izwis jah wiljandans inwandjan aiwaggeli Xristaus . . . .\n1:20 [B] a\u00fe\u00fean \u00featei melja izwis, sai, in andwair\u00feja gudis, ei ni liuga.\n1:21 [B] \u00fea\u00fero qam ana fera Saurais jah Kileikiais.\n1:22 [A] . . . . unkun\u00fes wlita aikklesjom Iudaias \u00feaim in Xristau;\n1:22 [B] wasu\u00fe~\u00fean unkun\u00fes wlita aikklesjom Iudaias \u00feaim in Xristau;\n1:23 [A] \u00featainei hausjandans wesun \u00featei saei wrak uns simle, nu merei\u00fe galaubein \u00feoei suman brak;\n1:23 [B] \u00featainei hausjandans wesun \u00featei saei wrak uns simle, nu merei\u00fe galaubein \u00feoei suman brak;\n1:24 [A] jah in mis melidedun gu\u00fe.\n1:24 [B] jah in mis mikilidedun gu\u00fe.\n2:1 [A] \u00dea\u00feroh bi fidwortaihun jera usiddja aftra in Iairusaulwma mi\u00fe Barnabin, ganimands mi\u00fe mis jah Teitu.\n2:1 [B] \u00dea\u00feroh bi \u00b7id\u00b7 jera usiddja aftra in Iairusaulwma mi\u00fe Barnabin, ganimands mi\u00fe mis jah Teitu.\n2:2 [A] uzu\u00fe~\u00fean~iddja bi andhuleinai, jah ussok im aiwaggeli \u00featei merja in \u00fei(u)dos, i\u00fe sundro \u00feaimei \u00feuhta, ibai sware rinnau ai\u00fe\u00feau runnjau.\n2:2 [B] uzu\u00fe~\u00fean~iddja bi andhuleinai, jah ussok im aiwaggeli \u00featei merja in \u00feiudom, i\u00fe sundro \u00feaimei \u00feuhta, ibai sware rinnau ai\u00fe\u00feau runnjau.\n2:3 [A] akei nih Teitus, sa mi\u00fe mis, Kreks wisands, baidi\u00fes was bimaitan.\n2:3 [B] akei nih Teitus, sa mi\u00fe mis, Kreks wisands, baidi\u00fes was bimaitan.\n2:4 [A] a\u00fe\u00fean in \u00feize u(f)sliupandane galiugabro\u00fere, \u00feaiei innufslupun biniuhsjan freijhals unsarana \u00feanei aihum in Xristau Iesu, ei unsis ga\u00feiwaidedeina;\n2:4 [B] a\u00fe\u00fean in \u00feizei ufsliupandane galiugabro\u00fere, \u00feaiei innufslupun biniuhsjan freihals unsarana \u00feanei aihum in Xristau Iesu, ei unsis ga\u00feiwaidedeina;\n2:5 [A] \u00feaimei nih hveilohun gakun\u00feedum ufhnaiwein, ei sunja aiwaggeljons gastandai at izwis.\n2:5 [B] \u00feaimei ni hveilohun gakun\u00feedum ufhnaiwein, ei sunja aiwaggeljons gastandai at izwis.\n2:6 [A] a\u00fe\u00fean af \u00feaim \u00feugkjandam wisan hva, hvileikai simle wesun ni waiht mis wul\u00ferais ist, gu\u00fe mans andwair\u00fei ni andsiti\u00fe; a\u00fe\u00fean mis \u00feai \u00feugkjandans ni waiht anainsokun;\n2:6 [B] a\u00fe\u00fean af \u00feaim \u00feugkjandam wisan hva, hvileikai simle wesun ni waiht mis wul\u00fer(a)is ist, gu\u00fe mans andwair\u00fei ni andsitai\u00fe; a\u00fe\u00fean mis \u00feai \u00feugkjandans ni waiht anainsokun;\n2:7 [A] ak \u00feata wi\u00fera\u00feo, gasaihvandans \u00featei gatrauaida was mis aiwaggeljo faurafilljis, swaswe Paitru bimaitis,\n2:7 [B] ak \u00feata wi\u00ferawair\u00feo, gasaihvandans \u00featei gatrauaida was mis aiwaggeljo faurafilljis, swaswe Paitrau bimaitis,\n2:8 [A] unte saei waurstweig gatawida Paitrau du apaustaulein bimaitis, waurstweig gatawida jah mis in \u00feiudos,\n2:8 [B] unte saei waurstweig gatawida Paitrau du apaustaulein bimaitis, waurstweig gatawida jah mis in \u00feiudos,\n2:9 [A] jah ufkunnandans anst \u00feo . . . .\n2:9 [B] jah ufkunnandans anst \u00feo gibanon mis, Paitrus jah Iakobus jah Iohannes, \u00fea(i)ei \u00feuhtedun sa(ul)eis wisan, taihswons atgebun mis jah Barnabin gamaineins, swe weis du \u00feiudom, i\u00fe eis du bimaita;\n2:10 [B] \u00featainei \u00feizei unledane ei gamuneima \u00featei usdaudida \u00feata silbo taujan.\n2:11 [B] a\u00fe\u00fean \u00fean qam Paitrus in Antiokjai, in andwair\u00fei imma andsto\u00fe, unte gatarhi\u00fes was.\n2:12 [B] unte faur\u00feizei qemeina sumai fram Iakobau, mi\u00fe \u00feiudom matida; i\u00fe bi\u00fee qemun, ufslaup jah afskaiskaid sik ogans \u00feans us bimaita.\n2:13 [B] jah mi\u00felitidedun imma \u00feai an\u00fearai Iudaieis, swaei Barnabas mi\u00fegatauhans war\u00fe \u00feizai litai ize.\n2:14 [B] ake bi\u00fee ik gasahv \u00featei ni raihtaba gaggand du sunjai aiwaggeljons, qa\u00fe du Paitrau faura allaim: (jab)ai \u00feu Iudaius wisands \u00feiudisko libais jah ni iudaiwisko, hvaiwa \u00feiudos baideis iudaiwiskon?\n2:15 [B] weis raihtis Iudaieis wisandans jah ni us \u00feiudom frawaurhtai;\n2:16 [B] a\u00fe\u00fean witandans \u00featei ni wair\u00fei\u00fe garaihts manna us waurstwam witodis, alja \u00feairh galaubein Iesuis Xristaus, jah weis in Xristau Iesua galaubidedum, ei garaihtai wair\u00feaima us galaubeinai Xristaus Iesuis jah ni us waurstwam witodis; unte ni wair\u00fei\u00fe garaihts us waurstwam witodis ainhun leike.\n2:17 [A] . . . . sokjandans ei garaihtai domjaindau in Xristau, bigitanai sijum jas~silbans frawaurhtai, \u00feannu Xristus frawaurhtais andbahts? nis~sijai.\n2:17 [B] a\u00fe\u00fean jabai sokjandans ei garaihtai domjaindau in . . . .\n2:18 [A] unte jabai \u00featei gatar, \u00feata aftra timrja, missataujandan mik silban ustaiknja.\n2:19 [A] unte ik \u00feairh wito\u00fe witoda gaswalt, ei guda libau.\n2:20 [A] Xristau mi\u00feushrami\u00fes war\u00fe, i\u00fe liba nu ni \u00feanasei\u00fes ik, i\u00fe libai\u00fe in mis Xristus. a\u00fe\u00fean \u00featei nu liba in leika, in galaubeinai liba sunus gudis, \u00feis frijondins mik jah atgibandins sik silban faur mik.\n2:21 [A] ni faurqi\u00fea anstai gudis; unte jabai \u00feairh wito\u00fe garaihtei, ai\u00fe\u00feau jah Xristus sware gaswalt.\n3:1 [A] O unfrodans Galateis! hvas izwis afhugida sunjai ni ufhausjan? izwizei faura augam Iesus Xristus faurameli\u00fes was, in izwis ushrami\u00fes?\n3:2 [A] \u00feat~ain wiljau witan fram izwis, uzu waurstwam witodis ahman nemu\u00fe \u00feau uzu gahauseinai galaubeinais?\n3:3 [A] swa unfro\u00feans siju\u00fe? anastodjandans ahmin nu leika ustiuhi\u00fe?\n3:4 [A] swa filu gawunnu\u00fe sware? a\u00fe\u00fean jabai sware!\n3:5 [A] saei nu andstaldi\u00fe izwis ahmin jah waurkei\u00fe mahtins in izwis, uzu waurstwam witodis \u00feau uzu gahauseinai galaubeinais?\n3:6 [A] swaswe jah Abraham galaubida guda . . . .\n3:27 [A] swa managai auk swe in Xristau daupidai wesu\u00fe, Xristau gahamodai siju\u00fe.\n3:28 [A] nist Judaius nih Kreks, nist skalks nih freis, nist gumakund nih qinakund; unte allai jus ain siju\u00fe in Xristau Iesu.\n3:29 [A] a\u00fe\u00fean \u00feande jus Xristaus, \u00feannu Abrahamis fraiw siju\u00fe jab~bi gahaitam arbjans.\n4:1 [A] A\u00fe\u00fean qi\u00fea: swalaud melis swe arbinumja niuklahs ist, ni und waiht iusiza ist skalka, frauja allaize wisands;\n4:2 [A] akei uf raginjam ist jah fauragaggam und garehsn attins.\n4:3 [A] swa jah weis, \u00fean wesum barniskai, uf stabim \u00feis fairhvaus wesum skalkinondans.\n4:4 [A] i\u00fe bi\u00fee qam usfulleins melis, insandida gu\u00fe sunu seinana, waur\u00feanana us qinon, waur\u00feanana uf witoda,\n4:5 [A] ei \u00feans uf witoda usbauht[id]edi, ei suniwe sibja andnimaima.\n4:6 [A] a\u00fe\u00fean \u00featei siju\u00fe jus sunjus gudis, insandida gu\u00fe ahman sunaus seinis in hairtona izwara hropjandan: abba, fadar!\n4:7 [A] swaei ni \u00feanasei\u00fes is skalks, \u00feande sunus, jah arbja gudis \u00feairh Xristu.\n4:8 [A] akei \u00fean swe\u00feauh ni kunnandans gu\u00fe, \u00feaim \u00feoei wistai ni sind guda skalkinodedu\u00fe;\n4:9 [A] i\u00fe nu sai, ufkunnandans gu\u00fe, maizu\u00fe~\u00fean gakunnaidai fram guda, hvaiwa gawandidedu\u00fe izwis aftra du \u00feaim unmahteigam jah halkam stabim, \u00feaimei aftra iupana skalkinon wilei\u00fe?\n4:10 [A] dagam witai\u00fe jah meno\u00feum jah melam jah a\u00fenam.\n4:11 [A] og izwis, ibai sware arbaididedjau in izwis.\n4:12 [A] a\u00fe\u00fean wair\u00feai\u00fe swe ik, unte jah ik swe jus, bro\u00ferjus, bidja izwis. ni waiht mis gasko\u00feu\u00fe.\n4:13 [A] witu\u00fe \u00featei \u00feairh siukein leikis aiwaggelida izwis \u00feata frumo,\n4:14 [A] jah fraistubnjai ana leika meinamma ni frakun\u00feedu\u00fe, ni andspiwu\u00fe, ak swe aggelu gudis andnemu\u00fe mik, swe Xristu Iesu.\n4:15 [A] hvileika was nu audagei izwara? weitwodja auk izwis \u00featei jabai mahteig wesi, augona izwara usgrabandans atgebei\u00fe mis.\n4:16 [A] i\u00fe nu swe fijands izwis war\u00fe, sunja gateihands izwis?\n4:17 [A] aljanond izwis ni waila, ak usletan izwis wileina, ei im aljano\u00fe.\n4:18 [A] a\u00fe\u00fean go\u00fe ist aljanon in godamma sinteino, jan~ni \u00featainei in \u00feammei ik sijau andwair\u00fes at izwis.\n4:19 [A] barnilona meina \u00feanzei aftra fita, unte gabairhtjaidau Xristus in izwis.\n4:19 [B] . . . . \u00feanzei aftra fita, unte gab(a)irhtjaidau Xristaus in izwis.\n4:20 [A] a\u00fe\u00fean wilda qiman at izwis nu jah inmaidjan stibna meina; unte afslau\u00fei\u00fes im in izwis.\n4:20 [B] a\u00fe\u00fean wilda qiman at izwis nu jah inmaidjan stibna meina; unte afslau\u00fei\u00fes im in izwis.\n4:21 [A] qi\u00fei\u00fe mis, jus uf witoda wiljandans wisan, \u00feata wito\u00fe niu hausei\u00fe?\n4:21 [B] qi\u00fei\u00fe mis, jus uf witoda wiljandans wisan, \u00feata wito\u00fe niu hausei\u00fe?\n4:22 [A] gameli\u00fe ist auk \u00featei Abraham twans aihta sununs, ainana us \u00feiujai jah ainana us frijai;\n4:22 [B] gameli\u00fe ist auk \u00featei Abraham twans aihta sununs, ainana us \u00feiujai jah ainana us frijai;\n4:23 [A] akei \u00fean sa us \u00feiujai bi leika . . . .\n4:23 [B] akei \u00fean sa us \u00feiujai bi leika gabaurans was, i\u00fe sa us frijai bi gahaita;\n4:24 [B] \u00featei sind aljaleikodos; \u00feos auk sind twos triggwos: aina raihtis af fairgunja Seina in \u00feiwadw bairandei, sei ist Agar;\n4:25 [B] Seina fairguni ist in Arabia, gamarko \u00feizai nu Iairusalem, i\u00fe skalkino\u00fe mi\u00fe seinaim barnam.\n4:26 [B] i\u00fe so iupa Iairusalem frija ist, sei ist ai\u00feei unsara.\n4:27 [B] gameli\u00fe ist auk: sifai stairo so unbairandei, tarmei jah hropei so ni fitandei, un(t)e managa barna \u00feizos au\u00fejons mais \u00feau \u00feizos aigandeins aban.\n4:28 [B] a\u00fe\u00fean weis, bro\u00ferjus, bi Isakis gahaita barna sium.\n4:29 [B] akei \u00fean swaswe sa bi leika gabaurana wrak \u00feana bi ahmin, swah jah nu.\n4:30 [B] akei hva qi\u00fei\u00fe \u00feata gamelido? uswairp \u00feizai \u00feiujai jah \u00feamma sunau izos; unte ni nimi\u00fe arbi sunus \u00feiujos mi\u00fe sunau frijaizos.\n4:31 [B] \u00feannu nu, bro\u00ferjus, ni sijum \u00feiujos barna, ak frijaizos\n5:1 [B] \u00deammei freihalsa uns Xristus frijans brahta standai\u00fe nu ni aftra skalkinassaus jukuzja us\u00feulai\u00fe.\n5:2 [B] sai, ik Pawlus qi\u00fea izwis \u00featei jabai bimaiti\u00fe, Xristus izwis nist du botai.\n5:3 [B] a\u00fe\u00fean weitwodja hvamme manne bimaitanaize, \u00featei skula ist all wito\u00fe taujan.\n5:4 [B] lausai siju\u00fe af Xristau, juzei in witoda garaihtans qi\u00fei\u00fe izwis; us anstai us(dr)usu\u00fe;\n5:5 [B] a\u00fe\u00fean weis ahmin us galaubeinai wenais garaihteins beidam;\n5:6 [B] unte in Xristu Iesu nih bimait waiht gamag nih faurafilli, ak galaubeins \u00feairh fria\u00fewa waurstweiga.\n5:7 [B] (r)unnu\u00fe waila; hvas izwis galatida sunjai ni ufhausjan?\n5:8 [B] so gak(un)ds (ni) (u)s \u00feamma la\u00feondi(n) (i)zwis ist.\n5:9 [B] leitil beitis allana daig distai(r)i\u00fe.\n5:10 [B] ik gatraua in izwis in fraujin (\u00fe)a(t)ei ni waiht aljis hugji\u00fe; a\u00fe\u00fean sa drobjands izwis sa bairai \u00feo wargi\u00fea, sahvazuh saei sijai.\n5:11 [B] a\u00fe\u00fean ik, bro\u00ferjus, jabai bimai(t) merjau, duhve \u00feanamais wrikada? \u00feannu gatauran ist marzeins galgins.\n5:12 [B] wainei jah usmaitaindau \u00feai drobjandans izwis.\n5:13 [B] jus auk du freihalsa la\u00feo(d)ai siju\u00fe, bro\u00ferjus; \u00featainei ibai \u00feana freihals du lewa leik(is) taujai\u00fe, ak in fria\u00fewos ahmins skalkino\u00fe izwis misso.\n5:14 [B] unte all wito\u00fe in izwis in ainamma waurda usfulljada, in \u00feamma: frijos nehvundjan \u00feeinana swe \u00feuk silban.\n5:15 [B] i\u00fe jabai iz(wi)s misso beiti\u00fe jah fair[r]ino\u00fe, saihvi\u00fe, i(b)ai fram izwis misso fraqimaindau.\n5:16 [B] a\u00fe\u00fean qi\u00fe(a) (e)i ahmin gaggai\u00fe jah lustu leikis ni ustiuhai\u00fe.\n5:17 [A] . . . . i\u00fe ahma wi\u00fera leik, \u00feo nu sis misso andstandand, ei ni \u00feishvah \u00featei wilei\u00fe, \u00feata tauji\u00fe.\n5:17 [B] unte leik gairnei\u00fe wi\u00fera ahman, i\u00fe ahma wi\u00fera leik, \u00feo nu sis misso andstandand, ei ni \u00feishvah \u00featei wilei\u00fe, \u00feata taujai\u00fe.\n5:18 [A] a\u00fe\u00fean jabai ahmin tiuhanda, ni siju\u00fe uf witoda.\n5:18 [B] a\u00fe\u00fean jabai ahmin tiuhanda, ni siju\u00fe uf witoda.\n5:19 [A] a\u00fe\u00fean swikun\u00fea sind waurstwa leikis, \u00featei ist: horinassus, kalkinassus, unhraini\u00fea, aglaitei,\n5:19 [B] a\u00fe\u00fean swikun\u00fea sind waurstwa leikis, \u00featei ist: horinassus, kalkinassus, unhraini\u00fea, (ag)laitei,\n5:20 [A] galiugagude skalkinassus, lubjaleisei, fia\u00fewos, haifsteis, aljan, hatiza, jiukos, twistasseis, [birodeinos] hairaiseis,\n5:20 [B] galiugagude skalkinassus, lubjaleisei, fia\u00fewos, haifsteis, aljan, hatiza, jiukos, twisstasseis, [birodeinos] hairaiseis,\n5:21 [A] nei\u00fea, maur\u00fera, drugkaneins, gabauros jah \u00feata galeiko \u00feaim, \u00featei faurqi\u00fea izwis, swe ju fauraqa\u00fe, \u00featei \u00feai \u00feata swaleik taujandans \u00feiudangardjos gudis arbjans ni wair\u00feand.\n5:21 [B] nei\u00fea, maur\u00fera, drugkaneins, gabauros jah \u00feata galeiko \u00feaim, \u00featei faurqi\u00fea izwis, swe ju fauraqa\u00fe, \u00featei \u00feai \u00feata swaleik [ta]taujandans \u00feiudangardjos gudis arbjans ni wair\u00feand.\n5:22 [A] i\u00fe akran ahmins ist frija\u00fewa, fahe\u00fes, gawair\u00fei, usbeisnei, selei, blei\u00feei, galaubeins,\n5:22 [B] i\u00fe akran ahmins ist fria\u00fewa, faheds, gawair\u00fei, usbeisnei, selei, blei\u00feei, galaubeins,\n5:23 [A] qairrei, gahobains, swiknei; wi\u00fera \u00feo swaleika nist wito\u00fe.\n5:23 [B] qairrei, gahobains, swiknei; wi\u00fera \u00feo swaleika nist wito\u00fe.\n5:24 [A] i\u00fe \u00feaiei sind Xristaus, leik sein ushramidedun mi\u00fe winnom jah lustum.\n5:24 [B] i\u00fe \u00feaiei sind Xristaus, leik sein ushramidedun mi\u00fe winnom jah lustum.\n5:25 [A] jabai libam ahmin, ahmin jah gaggam.\n5:25 [B] jabai libam ahmin, ahmin (j)ah gaggam.\n5:26 [A] ni wair\u00feaima flautai, uns misso ushaitandans, misso in nei\u00fea wisandans.\n5:26 [B] ni wair\u00feaima flau(ta)i, uns (m)isso ushaitandans, misso in nei\u00fea wisandans.\n6:1 [A] Bro\u00ferjus, jabai gafahaidau manna in hvizai missadede, jus \u00feai ahmeinans ga\u00fewastjai\u00fe \u00feana swaleikana in ahmin qairreins, andsaihvands \u00feuk silban, iba jah \u00feu fraisaizau.\n6:1 [B] Bro\u00ferjus, jabai gafahaidau manna in hvizai missadede, jus \u00feai ahmeinans ga\u00fewastjai\u00fe \u00feana swaleikana in ahmin qairreins, atsaihvands \u00feuk silban, ibai jah \u00feu fraisaizau.\n6:2 [A] izwaros misso kauri\u00feos bairai\u00fe, jah swa usfullei\u00fe wito\u00fe Xristaus.\n6:2 [B] izwaros misso kauri\u00feos bairai\u00fe, jah swa usfullei\u00fe wito\u00fe Xristaus.\n6:3 [A] i\u00fe jabai \u00feugkei\u00fe hvas hva wisan, ni waiht wisands, sis silbin fra\u00fejamarzeins ist.\n6:3 [B] i\u00fe jabai \u00feugkei\u00fe hvas hva wisan, ni waiht wisands, sis silbin fra\u00fejamarzeins ist.\n6:4 [A] i\u00fe waurstw sein silbins kiusai hvarjizuh, jah \u00fean in sis silbin hvoftulja habai jah ni in an\u00fearamma;\n6:4 [B] i\u00fe waurstw sein silbins kiusai hvarjizuh, jah \u00fean in sis silbin hvoftulja habai jah ni in an\u00fearamma;\n6:5 [A] hvarjizuh auk swesa baur\u00feein bairi\u00fe.\n6:5 [B] hvarjizuh auk swesa baur\u00feein bairi\u00fe.\n6:6 [A] a\u00fe\u00fean gamainjai sa laisida waurda \u00feamma laisjandin in allaim godaim is.\n6:6 [B] a\u00fe\u00fean gamainjai sa laisida waurda \u00feamma laisjandin in allaim godaim.\n6:7 [A] ni wair\u00feai\u00fe airzjai; gu\u00fe ni bilaikada. manna auk \u00featei saiji\u00fe \u00feata jah snei\u00fei\u00fe.\n6:7 [B] ni wair\u00feai\u00fe airzjai; gu\u00fe ni bilaikada. manna auk \u00featei saii\u00fe \u00featuh jah snei\u00fei\u00fe.\n6:8 [A] unte saei saiji\u00fe in leika seinamma, us \u00feamma leika jah snei\u00fei\u00fe riurein; i\u00fe saei saiji\u00fe in ahmin, us ahmin jah snei\u00fei\u00fe libain aiweinon.\n6:8 [B] unte saei saii\u00fe in leika seinamma, us \u00feamma leika jah snei\u00fei\u00fe riurein; i\u00fe saei saii\u00fe in ahmin, us ahmin jah snei\u00fei\u00fe libain aiweinon.\n6:9 [A] a\u00fe\u00fean \u00feata godo taujandans ni wair\u00feaima usgrudjans; unte at mel swesata snei\u00feam ni afma(u)idai.\n6:9 [B] a\u00fe\u00fean \u00feata godo taujandans ni wair\u00feaima usgrudjans; unte at mel swesata snei\u00feam ni afmauidai.\n6:10 [A] \u00feannu nu, \u00feandei mel habam, waurkjam \u00feiu\u00fe wi\u00fera allans, \u00feishun wi\u00fera swesans galaubeinai.\n6:10 [B] \u00feannu nu, \u00feandei mel habam, waurkjam \u00feiu\u00fe wi\u00fera allans, \u00feishun wi\u00fera swesans galaubeinai.\n6:11 [A] sai, hvileikaim bokom gamelida izwis meinai handau.\n6:11 [B] sai, hvileikaim bokom izwis gamelida meinai handau.\n6:12 [A] swa managai swe wileina samjan sis in leika, \u00feai nau\u00fejand izwis bimaitan, ei hveh wrak(j)a galgins Xristaus ni winnaina.\n6:12 [B] swa managai swe wileina samjan sis in leika, \u00feai nau\u00fejand izwis bimaitan, ei hveh wrakja galgins Xristaus ni winnaina.\n6:13 [A] ni\u00fe~\u00fean swe\u00feauh \u00feai ize bimaitanai sind, wito\u00fe fastand, ak wileina izwis bimaitan, ei in izwaramma leika hvopaina.\n6:13 [B] nih \u00fean swe\u00feauh \u00feai ize bimaitanai sind, wito\u00fe fastand, ak wileina izwis bimaitan, ei in izwaramma leika hvopaina.\n6:14 [A] i\u00fe mis ni sijai hvopan ni in waihtai, niba in galgins fraujins unsaris Iesuis Xristaus, \u00feairh \u00feanei mis fairhvus ushrami\u00fes ist jah ik (f)airhv(a)u.\n6:14 [B] i\u00fe mis ni sijai hvopan ni in waihtai, niba in galgins (fraujins) (u)nsaris Iesuis Xristaus, \u00feairh \u00fe(anei) (m)is fairhvaus ushrami\u00fes ist jah ik fairhvau.\n6:15 [A] unte ni bimait waiht is(t), nih faura(filli), (a)k niuj(a) gask(af)ts.\n6:15 [B] unte nih bimait waiht ist, ni faurafilli, ak niuja gaskafts.\n6:16 [A] (j)ah s(wa) manag(a)i sw(e) \u00feizai g(araidein)ai (ga)laistans sin(d), g(a)w(air\u00fei) ana im jah a(r)maio (j)ah (ana) (I)sraela (gudis).\n6:16 [B] jah swa managai swe \u00feizai garaideinai galaistans sind, gawair\u00fei ana im jah armaio jah ana Israela gudis.\n6:17 [A] \u00fea(nama)is (arbai)de n(i) a(i)nshun m(i)s (gansja)i: (unte) (ik) (sta)kins (Iesu)is ana (leik)a m(einamma) (baira).\n6:17 [B] \u00feanamais arbaide ni ainshun mis gansjai: unte ik stakins fraujins unsaris Iesuis Xristaus ana leika meinamma baira.\n6:18 [A] (ansts) (f)raujins uns(a)r(is) (Iesuis) Xristaus (mi\u00fe) (ahmin) izwa(r)amma, br(o)\u00fer(j)u(s). amen.\n6:18 [B] ansts fraujins unsaris Iesuis Xristaus mi\u00fe ahmin izwaramma, bro\u00ferjus. amen.\n6:255 [A] du (G)al(at)i(m) (ustauh). du Ga(l)a(tim) (gameli\u00fe) i(s)t u(s) (Rum)ai.\n6:255 [B] du Galatim ustauh.","title":"Gothic Bible (partial): Galatians","type":"page"}