{"collection":"Bible & Christianity","html_url":"https://unchartedknowledge.5gfusion.net/browse/bib/wb/got/plm.htm","path":"bib/wb/got/plm.htm","source_url":"https://sacred-texts.com/bib/wb/got/plm.htm","text":"1:11 [A] . . . . i\u00fe nu \u00feus jah mis bruks, \u00feanuh insandida;\n1:12 [A] i\u00fe \u00feu ina, \u00feat~ist meinos brusts, andnim;\n1:13 [A] \u00feanei ik wilda at mis gahaban, ei faur \u00feuk mis andbahtidedi in bandjom aiwaggeljons.\n1:14 [A] i\u00fe inu \u00feein ragin ni waiht wilda taujan, ei ni swaswe bi nau\u00feai \u00feiu\u00fe \u00feein[s] sijai, ak us lustum.\n1:15 [A] aufto auk du\u00fee afgaf sik du hveilai, ei aiweinana ina andnimais,\n1:16 [A] ju ni swaswe skalk, ak ufar skalk bro\u00fear liubana, ussindo mis, i\u00fe hvan filu mais \u00feus jah in leika jah in fraujin.\n1:17 [A] jabai nu mik habais du gamana, andnim \u00feana swe mik.\n1:18 [A] i\u00fe jabai hva gasko\u00fe \u00feus ai\u00fe\u00feau skula ist, \u00feata mis rahnei.\n1:19 [A] ik Pawlus gamelida meinai handau: ik usgiba; ei ni qi\u00feau \u00feus \u00featei ja\u00fe~\u00feuk silban mis skula is.\n1:20 [A] jai, bro\u00fear, ik \u00feeina niutau in fraujin; ana\u00ferafstei meinos brusts in Xristau.\n1:21 [A] gatrauands ufhauseinai \u00feeinai gamelida \u00feus, witands \u00featei jah ufar \u00featei qi\u00fea taujis.\n1:22 [A] bijandzu\u00fe~\u00fean manwei mis sali\u00fewos; wenja auk ei \u00feairh bidos izwaros fragibaidau izwis.\n1:23 [A] golei\u00fe \u00feuk Aipafras, sa mi\u00fefrahun\u00feana mis in Xristau Iesu . . . .","title":"Gothic Bible (partial): Philemon","type":"page"}