{"collection":"Bible & Christianity","html_url":"https://unchartedknowledge.5gfusion.net/browse/bib/wb/got/th2.htm","path":"bib/wb/got/th2.htm","source_url":"https://sacred-texts.com/bib/wb/got/th2.htm","text":"1:0 [A] A(ipist)a(ule) P(awla)us du \u00deaissalauneikaium \u00b7b\u00b7 anast(odei\u00fe).\n1:0 [B] Du \u00deaissalauneikaium an\u00feara.\n1:1 [A] Pawlus jah Silbanus jah Teimau\u00feaius aikklesjon \u00deaissalauneikaie in guda attin unsaramma jah fraujin Iesu Xristau.\n1:1 [B] Pawlus jah Silbanus jah Teimau\u00feaius aikklesjon \u00deaissalauneikaie in guda attin unsaramma jah fraujin Iesu Xristau.\n1:2 [A] ansts izwis jah gawair\u00fei fram guda attin unsaramma jah fraujin Iesu Xristau.\n1:2 [B] ansts izwis jah gawair\u00fei fram guda attin unsaramma jah fraujin Iesu Xristau.\n1:3 [A] awiliudon skulum guda sinteino in izwara, bro\u00ferjus, swaswe wair\u00fe ist, unte ufarwahsei\u00fe galaubeins izwara jah managni\u00fe fria\u00fewa ainhvarjizuh allaize izwara in izwis misso;\n1:3 [B] Awiliudon skulum guda sinteino in izwara, bro\u00ferjus, swaswe wair\u00fe ist, unte ufarwahsei\u00fe galaubeins izwara jah managni\u00fe fria\u00fewa ainhvarjizuh allaize izwara in izwis misso;\n1:4 [A] swaei weis silbans in izwis hvopam in aikklesjom gudis in stiwitjis izwaris jah galaubeinais in allaim wrakjom izwaraim jah aglom \u00feozei us\u00feulai\u00fe,\n1:4 [B] swaei weis silbans izwis hvopam in aikklesjom gudis in stiwitjis izwaris jah galaubeinais in allaim wrakjom izwaraim jah aglom \u00feozei us\u00feulai\u00fe,\n1:5 [A] taikn garaihtaizos stauos gudis du wair\u00feans briggan izwis \u00feiudangardjos gudis, in \u00feizozei jah (\u00feulai)\u00fe;\n1:5 [B] taikn garaihtaizos stauos gudis du wair\u00feans briggan izwis \u00feiudangardjos gudis, in \u00feizozei jah winni\u00fe;\n1:6 [A] swe\u00feauh jabai garaiht ist at guda usgildan \u00feaim ga\u00fereihandam izwis aggwi\u00fea,\n1:6 [B] swe\u00fea(uh) . . . .\n1:7 [A] jah (izw)is ga\u00feu(la)n(d)am iusila mi\u00fe uns in andhuleinai fraujins unsaris Iesuis af himinam mi\u00fe aggilum mahtais is,\n1:8 [A] in funins lauhmunjai gibandis fraweit ni kunnandam gu\u00fe jah ni ufhausjandam aiwaggeljon fraujins unsaris Iesuis Xristaus,\n1:9 [A] \u00feaiei fra(wei)t us(g)ib(and), fralust aiweinon fram andwair\u00feja fraujins jah fram wul\u00feau mahtais is,\n1:10 [A] \u00fean qimi\u00fe ushauh(n)an in \u00feaim weiham seinaim, jah sildaleiknan in allaim \u00feaim galaubjandam, unte galaubida ist weitwodei unsara du izwis in daga jainamma.\n1:11 [A] du \u00feammei jah bidjam sinteino bi izwis ei izwis wair\u00feans briggai \u00feizos la\u00feonais gu\u00fe unsar jah fulljai alla leikain \u00feiu\u00feeinais seinaizos jah waurstw galaubeinais in mahtai,\n1:12 [A] ei ushauhnai namo fraujins unsaris Iesuis Xristaus in izwis jah jus in imma bi anstai gudis unsaris jah fraujins unsaris Iesuis Xristaus.\n2:1 [A] A\u00fe\u00fean bidjam izwis, b(r)o\u00ferj(u)s, in (q)umis (frauji)ns unsaris Iesuis Xristaus jah gaqum\u00feais unsaraizos du imma,\n2:2 [A] du ni spra(ut)o (w)ag(jan) (iz)wis fram (ah)in (ni)h dr(obnan), nih (\u00feair)h (ahman) (n)ih (\u00feairh) (w)au(r)da n(ih) (\u00feair)h (aipi)st(a)u(l)e(i)n s(we) (\u00feai)rh uns, \u00fea(tei) inst(anda)i dags (Xristaus).\n2:3 [A] (ni) (hv)as(hun) iz(w)i(s) usluto (hv)am(m)a ha(i)d(a)u, un(t)e (niba) qimi\u00fe af(s)t(as)s (fau)r\u00fei(s), jah andhulids wair(\u00feai) ma(nn)a fr(a)w(a)urh(tai)s, sunus fralustais,\n2:4 [A] sa andstandands jah u(f)a(r)ha(f)jands (s)ik ufar all qi\u00feanan(a) gu\u00fe ai\u00fe\u00feau [allata] b(lo)tinassu, swaei (in) (alh) gudis gasitan, s_ . . . .\n2:15 [B] . . . . unsaros.\n2:16 [B] a\u00fe\u00fean silba frauja unsar Iesus Xristus jah gu\u00fe jah atta unsar saei frijoda uns jah atgaf ga\u00felaiht aiweina jah wen goda in anstai,\n2:17 [B] ga\u00ferafstjai hairtona izwara jah gatulgjai in allaim waurstwam jah waurdam godaim.\n3:1 [B] \u00deata an\u00fear gabidjai\u00fe jah bi unsis, bro\u00ferjus, ei waurd fraujins \u00feragjai jah mikiljaidau, swaswe jah at izwis,\n3:2 [B] jah ei uslausjaindau af gastojanaim jah ubilaim mannam; ni auk ist allaim galaubeins.\n3:3 [B] a\u00fe\u00fean triggws frauja saei gatulgei\u00fe izwis jah galausjai izwis af \u00feamma ubilin.\n3:4 [B] a\u00fe\u00fean gatrauam in fraujin in izwis, ei \u00featei anabudum izwis, jah tauji\u00fe jah taujan habai\u00fe.\n3:5 [B] a(k) frauja garaihtjai hairtona izwara in fria\u00fewai gudis jah in us\u00feulainai Xristaus.\n3:6 [B] a\u00fe\u00fean anabiudam izwis, bro\u00ferjus, in namin fraujins unsaris Iesuis Xristaus, ei gaskaidai\u00fe izwis af allamma bro\u00fere hvairbandane ungatassaba jah ni bi anafilham \u00feoei andnemu\u00fe at uns.\n3:7 [A] . . . . ist galeikon unsis, unte ni ungatewidai wesum in izwis,\n3:7 [B] silbans auk kunnu\u00fe hvaiwa skuld ist galeikon unsis, unte ni ungatewidai wesum in izwis,\n3:8 [A] nih arwjo hlaib matidedum at hvamma, ak winnandans in arbaidai naht jah daga waurkjandans, ei ni kauridedeima hvana izwara.\n3:8 [B] ni arwjo hlaib matidedum at hvamma, ak winnandans arbaidai naht jah daga waurkjandans, ei ni kauridedeima hvana izwara.\n3:9 [A] ni \u00featei ni habaidedeima waldufni, ak ei uns silbans du frisahtai gebeima du galeikon unsis.\n3:9 [B] ni \u00featei ni habaidedeima waldufni, ak ei uns silbans du frisahtai gebeima du galeikon unsis.\n3:10 [A] jah auk \u00fean wesum at izwis, \u00feata izwis anabudum, ei jabai hvas ni wili waurkjan, nih matjai.\n3:10 [B] jah auk \u00fean wesum at izwis, \u00feata izwis anabudum, ei jabai hvas ni wili waurkjan, ni matjai.\n3:11 [A] hausjam auk sumans hvairbandans in izwis ungatassaba, ni waiht waurkjandans, ak fairweitjandans.\n3:11 [B] hausjam auk sumans (hvai)rbandans in izwis ungatassaba, ni waiht waurkjandans, ak fairweitjandans.\n3:12 [A] \u00feaimuh swaleikaim anabiudam jah bidjam in fraujin Iesua Xristau, ei mi\u00fe rimisa waurkjandans seinana hlaif matjaina.\n3:12 [B] \u00feaimuh swaleikaim anabiudam jah bidjam in fraujin Iesua Xristau, ei mi\u00fe rimisa waurkjandans seinana hlaib matjaina.\n3:13 [A] a\u00fe\u00fean jus, bro\u00ferjus, ni wair\u00feai\u00fe usgrudjans waila taujandans.\n3:13 [B] a\u00fe\u00fean jus, bro\u00ferjus, ni wair\u00feai\u00fe usgrudjans waila taujandans.\n3:14 [A] i\u00fe jabai hvas ni ufhausjai waurda unsaramma \u00feairh \u00feos bokos, \u00feana gatarhjai\u00fe; ni blandai\u00fe izwis mi\u00fe imma, ei gaskamai sik.\n3:14 [B] i\u00fe jabai hvas ni ufhausjai waurda unsaramma \u00feairh \u00feos bokos, \u00feana gatarhjai\u00fe; ni blandai\u00fe izwis mi\u00fe imma, ei gaskamai sik.\n3:15 [A] jan~ni swaswe fijand ina rahnjai\u00fe, ak talzjai\u00fe swe bro\u00fear.\n3:15 [B] jah ni swaswe fijand ina rahnjai\u00fe, ak talzjai\u00fe swe bro\u00fear.\n3:16 [A] a\u00fe\u00fean silba frauja gawair\u00feeis gibai izwis gawair\u00fei sinteino in allaim stadim; frauja mi\u00fe allaim izwis.\n3:16 [B] a\u00fe\u00fean silba frauja gawair\u00feeis gibai izwis gawair\u00fei sinteino in allaim stadim; frauja mi\u00fe allaim izwis.\n3:17 [A] so goleins meinai handau Pawlaus, \u00featei ist bandwo ana a(llai)m a(ipistaulem) (me)i(naim); (s)w(a) (me)lja.\n3:17 [B] so goleins meinai handau Pawlaus, \u00featei ist bandwo ana allaim aipistaulem meinaim; swa melja.\n3:18 [A] (a)n(sts) (frauj)i(ns) (u)n(saris) (Iesu)i(s) (Xristaus) m(i)\u00fe (allai)m iz(wis). (a)me(n).\n3:18 [B] ansts fraujins unsaris Iesuis Xristaus mi\u00fe allaim izwis. amen.\n3:255 [B] Du \u00deaissalauneikaium an\u00feara ustauh.","title":"Gothic Bible (partial): 2 Thessalonians","type":"page"}