{"collection":"Bible & Christianity","html_url":"https://unchartedknowledge.5gfusion.net/browse/bib/wb/kab/jo3.htm","path":"bib/wb/kab/jo3.htm","source_url":"https://sacred-texts.com/bib/wb/kab/jo3.htm","text":"1:1 Nekk yellan d ameqqran n tejma\u025bt, i Gayus, f+ e\u025bzizen fell-i, i \u1e25emmle\u0263 s tide\u021b.\n1:2 Ay a\u1e25bib-iw, ssarame\u0263 \u1e63\u1e63e\u1e25a-inek bxi\u1e5b i tella, am tikli-inek deg webrid n Sidi \u1e5aebbi.\n1:3 Fe\u1e5b\u1e25e\u0263 a\u1e6das asm'akken i d-usan watmaten, mi d-\u1e25kan \u0263ef tide\u021b yellan deg-k, d wamek i te\u1e6d\u1e6dfe\u1e0d di tide\u021b-agi s wul-ik.\n1:4 Ulac lfe\u1e5b\u1e25 ara yecbun m'ara sle\u0263 s warraw-iw teddun di tide\u021b.\n1:5 A win e\u025bzizen, d ayen yelhan i txedme\u1e0d seg wul ye\u1e63fan i watmaten, \u0263as d ibe\u1e5b\u1e5baniyen i llan ;\n1:6 \u1e25kan-d zdat n tejma\u025bt \u0263ef le\u1e25mala-inek. ayen yelhan da\u0263en ma terni\u1e0d t\u025bawne\u1e0d-ten s wayen i tzemre\u1e0d iwakken ad kemmlen abrid-nsen ;\n1:7 axa\u1e6der \u0263ef ddemma n yisem n Lmasi\u1e25 i \u1e5bu\u1e25en, yerna ugin ad qeblen lem\u025bawna n wid ur numin ara s Sidi \u1e5aebbi.\n1:8 Ilaq-a\u0263 ihi a nes\u1e6der\u1e25eb yerna a n\u025biwen imdanen yecban wigi, iwakken a nili d iqeddacen ara yem\u025bawanen yid-sen \u0263ef ddemma n tide\u021b.\n1:9 Uri\u0263 kra yimeslayen i tejma\u025bt, me\u025bna Diutrif i\u1e25emmlen ad idebbe\u1e5b \u0263ef wiya\u1e0d, yegguma a \u0263-d-i\u1e25ess ur a\u0263-ye\u1e25sib ara.\n1:10 Daymi m'ara n-ase\u0263 \u0263u\u1e5b-wen a d-sbeggne\u0263 akk ayen ixeddem ! Ihedde\u1e5b fell-ane\u0263 yir imeslayen akk-d lekdub, ula d atmaten yugi ad yes\u1e6der\u1e25eb yis-sen, wid yeb\u0263an ad s\u1e6der\u1e25ben yis-sen, ye\u021b\u021baggi-yasen yerna yessufu\u0263-iten si tejma\u025bt.\n1:11 Ay a\u1e25bib, ur \u021b\u025banad ara wid ixeddmen cce\u1e5b me\u025bna \u025baned wid ixeddmen lxi\u1e5b. Win ixeddmen ayen yelhan, n \u1e5aebbi ; ma d win ixeddmen cce\u1e5b ur yessin ara \u1e5aebbi.\n1:12 Ma d Dimitriyus \u021bcekki\u1e5ben-t akk medden, yerna tide\u021b te\u021bban-ed deg-s, ula d nukni nenna-t-id yerna te\u1e93ri\u1e0d ayen i d-neqqa\u1e5b \u021b-\u021bide\u021b.\n1:13 A\u1e6das i mazal a k-t-id-ini\u0263 lame\u025bna ur b\u0263i\u0263 ara a k-t-id-aru\u0263 di teb\u1e5ba\u021b.\n1:14 Ssarame\u0263 q\u1e5bib a nem\u1e93er iwakken a neh\u1e0der.\n1:15 Qqim di lehna ! Atmaten me\u1e5b\u1e5ba \u021bsellimen-d fell-ak. Ula d ke\u010d\u010d sellem \u0263ef watmaten akk, mkul yiwen s yisem-is.","title":"Kabyle Bible (NT): 3 John","type":"page"}