{"collection":"Bible & Christianity","html_url":"https://unchartedknowledge.5gfusion.net/browse/bib/wb/kab/mar.htm","path":"bib/wb/kab/mar.htm","source_url":"https://sacred-texts.com/bib/wb/kab/mar.htm","text":"1:1 Akka i gebda lexba\u1e5b n lxi\u1e5b ye\u025bnan \u0190isa Lmasi\u1e25, Mmi-s n \u1e5aebbi.\n1:2 Am akken yura di tektabt n nnbi Ice\u025bya : Ad zzewre\u0263 zdat-ek amcegge\u025b-iw, a k-ifres abrid.\n1:3 ?-\u021ba\u0263ect n win ye\u021b\u025beggi\u1e0den deg unez\u1e5buf : heggit abrid i Sidi \u1e5aebbi, ssemsawit iberdan-is !\n1:4 Iban-ed Ye\u1e25ya a\u0263e\u1e6d\u1e6das deg unez\u1e5buf , yesse\u0263\u1e0das l\u0263aci deg waman, yeqqa\u1e5b-asen : Beddlet tikli, aset-ed a\u021b-\u021be\u021bwa\u0263e\u1e0dsem iwakken a wen-ye\u025bfu Sidi \u1e5aebbi.\n1:5 Imezda\u0263 me\u1e5b\u1e5ba n tmurt n Yahuda d wid n temdint n Lquds \u021b\u1e5bu\u1e25un-d \u0263u\u1e5b-es, \u021bqi\u1e5b\u1e5bin s ddnubat-nsen zdat l\u0263aci d\u0263a Ye\u1e25ya ye\u1e63\u1e63e\u0263\u1e0das-iten deg wasif n Urdun.\n1:6 Yelsa llebsa ye\u021bwaxedmen s cc\u025be\u1e5b n wel\u0263em, yebges tabagust n weglim \u0263ef wammas-is. Lqut-is d aj\u1e5bad akk-d \u021bament n lexla.\n1:7 Ye\u021bbecci\u1e5b yeqqa\u1e5b : Win ara d-yasen deffir-i yugar iyi, yes\u025ba tazmert akte\u1e5b-iw ; ur uklale\u0263 ara ad knu\u0263 a s-fsi\u0263 ula d lexyu\u1e0d n warkasen-is.\n1:8 Nekk sse\u0263\u1e0dase\u0263-kkun deg waman, lame\u025bna ne\u021b\u021ba a kkun-isse\u0263\u1e0des s \u1e5a\u1e5bu\u1e25 iqedsen.\n1:9 Deg wussan-nni, Sidna \u0190isa yusa-d si taddart n Na\u1e63aret \u0263er tmurt n Jlili. Yesse\u0263\u1e0des-it Ye\u1e25ya deg wasif n Urdun.\n1:10 Akken i d-iffe\u0263 seg waman, iwala igenwan ldin, \u1e5a\u1e5bu\u1e25 iqedsen i\u1e63ubb-ed fell-as s \u1e63\u1e63ifa n tetbirt.\n1:11 Yiwet n ta\u0263ect tekka-d seg igenwan tenna-d : Ke\u010d\u010d d Mmi e\u025bzizen ; deg-k i gella lfe\u1e5b\u1e25-iw !\n1:12 Imiren kan, \u1e5a\u1e5bu\u1e25 iqedsen yewwi-t \u0263er une\u1e93ruf,\n1:13 anda i t-ije\u1e5b\u1e5beb Cci\u1e6dan \u1e5beb\u025bin wussan. Ye\u021b\u025bic ger lew\u1e25uc n l\u0263aba, lmalayekkat qeddcent fell-as.\n1:14 Mi ge\u021bwa\u1e25bes Ye\u1e25ya, Sidna \u0190isa i\u1e5bu\u1e25 \u0263er tmurt n Jlili ; ye\u021bbecci\u1e5b lexba\u1e5b n lxi\u1e5b n Sidi \u1e5aebbi, yeqqa\u1e5b :\n1:15 Tageldit n \u1e5aebbi tqe\u1e5b\u1e5beb-ed ! Yewwe\u1e0d-ed lweqt-is ! U\u0263alet-ed \u0263er webrid tamnem s lexba\u1e5b n lxi\u1e5b !\n1:16 Mi gella ile\u1e25\u1e25u rrif n leb\u1e25e\u1e5b n tmurt n Jlili, iwala Sem\u025bun akk-d gma-s Andriyus \u1e6deggi\u1e5ben acebbak \u0263er leb\u1e25e\u1e5b, axa\u1e6der d i\u1e63egga\u1e0den i llan.\n1:17 Sidna \u0190isa yenna-yasen : Ddut-ed yid-i, a kkun-rre\u0263 d i\u1e63egga\u1e0den n yemdanen.\n1:18 Imiren kan, \u01e7\u01e7an icebbaken nsen, ddan yid-es.\n1:19 Ikemmel abrid-is, iwala Ye\u025bqub akk-d gma-s Yu\u1e25enna yellan d arraw n Zabadi, qqimen di teflukt-nsen \u021bxi\u1e0din icebbaken.\n1:20 Yessawel-asen, imiren kan \u01e7\u01e7an baba-tsen akk-d ixeddamen-is di teflukt, ddan d Sidna \u0190isa.\n1:21 Sidna \u0190isa d inelmaden-is ww\u1e0den \u0263er temdint n Kaferna\u1e25um. Deg wass n ssebt yellan d ass n weste\u025bfu, Sidna \u0190isa yekcem \u0263er l\u01e7ame\u025b yebda yesselmad.\n1:22 L\u0263aci i s-i\u021b\u1e25essisen wehmen deg uselmed ines axa\u1e6der imeslayen-is s\u025ban tissas ( lhiba ), ma\u010d\u010di am uselmed n l\u025bulama n ccari\u025ba.\n1:23 Yella di l\u01e7ame\u025b-nni yiwen n wergaz i gezde\u0263 u\u1e5bu\u1e25ani, yebda ye\u021b\u025beggi\u1e0d yeqqa\u1e5b :\n1:24 D acu teb\u0263i\u1e0d \u0263u\u1e5b-nne\u0263 a \u0190isa ana\u1e63ari ? Tusi\u1e0d-ed a \u0263-tesnegre\u1e0d ? ?ri\u0263 d acu-k, ke\u010d\u010d d Imqeddes n \u1e5aebbi !\n1:25 Sidna \u0190isa i\u025begge\u1e0d fell-as yenna : Ssusem ! Effe\u0263 seg wergaz-agi !\n1:26 A\u1e5bu\u1e25ani ihucc argaz-nni s l\u01e7ehd, yeffe\u0263 seg-s s le\u025bya\u1e0d.\n1:27 L\u0263aci me\u1e5b\u1e5ba xel\u025ben, wa yeqqa\u1e5b i wa : D acu-t wayagi ? D acu-t uselmed-agi ajdid yes\u025ban lhiba ? Argaz-agi ye\u1e25kem ula \u0263ef yi\u1e5bu\u1e25aniyen yerna \u021b\u021ba\u0263en-as awal !\n1:28 Seg imiren, Sidna \u0190isa ye\u021bwassen di tmurt n Jlili me\u1e5b\u1e5ba.\n1:29 Mi d-ff\u0263en si l\u01e7ame\u025b, \u1e5bu\u1e25en \u0263er wexxam n Sem\u025bun d Andriyus, yedda Ye\u025bqub d Yu\u1e25enna.\n1:30 Ta\u1e0deggalt n Sem\u025bun tu\u1e0den, tu\u0263-i\u021b tawla ; hed\u1e5ben-as fell-as i Sidna \u0190isa.\n1:31 Iqe\u1e5b\u1e5beb \u0263u\u1e5b-es, ye\u1e6d\u1e6def-as afus, yeskker-i\u021b-id. Imiren kan teffe\u0263-i\u021b tawla-nni, tekker tqeddec-asen.\n1:32 Tameddit mi ge\u0263li yi\u1e6dij, wwin-as-d a\u1e6das n imu\u1e0dan akk-d wid zed\u0263en i\u1e5bu\u1e25aniyen.\n1:33 L\u0263aci n temdint me\u1e5b\u1e5ba nnejma\u025ben-d zdat tewwurt.\n1:34 Sidna \u0190isa yesse\u1e25la a\u1e6das n imu\u1e0dan i ghelken yal a\u1e6dan ; yessufe\u0263 a\u1e6das n i\u1e5bu\u1e25aniyen yerna ur ten-ye\u021b\u021ba\u01e7a ara a d-mmeslayen, axa\u1e6der nutni \u1e93ran d acu-t.\n1:35 ?\u1e63be\u1e25 zik uqbel ad yali wass, Sidna \u0190isa yeffe\u0263 \u0263er lexla iwakken ad yed\u025bu \u0263er Sidi \u1e5aebbi.\n1:36 Sem\u025bun d imdukkal-is ff\u0263en ad nadin fell-as ;\n1:37 mi t-ufan, nnan-as : A Sidi, medden akk \u021bnadin fell-ak.\n1:38 Sidna \u0190isa yerra-yasen : Eyyaw a n\u1e5bu\u1e25et \u0263er tudrin iqe\u1e5bben axa\u1e6der ilaq ad becc\u1e5be\u0263 da\u0263en dinna. ?ef wannect-agi i d-usi\u0263.\n1:39 D\u0263a i\u1e5bu\u1e25 \u0263er tmurt n Jlili, ye\u021bbecci\u1e5b di le\u01e7wame\u025b, yessufu\u0263 le\u01e7nun.\n1:40 Yiwen wergaz ihelken lbe\u1e5bs yusa-d \u0263er Sidna \u0190isa, ye\u0263li \u0263ef tgecrar, i\u1e25ellel-it yenna-yas : A Sidi, ma teb\u0263i\u1e0d, tzemre\u1e0d a yi-tesse\u1e25lu\u1e0d.\n1:41 Sidna \u0190isa i\u0263a\u1e0d-it wergaz-nni, d\u0263a ye\u1e93\u1e93el afus-is innul-it, yenna yas : B\u0263i\u0263, ili-k te\u1e25li\u1e0d !\n1:42 Imiren kan, ye\u1e25la si lbe\u1e5bs-nni, yu\u0263al ye\u1e63fa.\n1:43 Sidna \u0190isa iserre\u1e25-as ad i\u1e5bu\u1e25, iwe\u1e63\u1e63a-t s l\u1e25e\u1e5bs yenna-yas :\n1:44 Sel-iyi-d mli\u1e25 ! Ur \u021b\u025bawad i yiwen ayen yed\u1e5ban, lame\u025bna \u1e5bu\u1e25 a k-i\u1e93er lmuqeddem, tawi\u1e0d asfel \u0263ef \u1e63effu-inek akken i t-id-iwe\u1e63\u1e63a Musa.\n1:45 Me\u025bna akken kan i\u1e5bu\u1e25, argaz-nni yebda ye\u021bberri\u1e25 di mkul amkan, ayen yed\u1e5ban yid-es. Daymi Sidna \u0190isa ur yezmir ara a d-isbeggen iman-is di temdint, me\u025bna ye\u021b\u0263imi di be\u1e5b\u1e5ba deg imukan i\u1e0de\u1e5bfen. L\u0263aci \u021b\u021basen-d \u0263u\u1e5b-es si mkul tama.\n2:1 \u0190eddan kra wussan, Sidna \u0190isa yu\u0263al-ed \u0263er Kaferna\u1e25um ; yeffe\u0263 lexba\u1e5b belli deg wexxam-nni i gella.\n2:2 A\u1e6das n l\u0263aci i d-innejma\u025ben, armi ur d-yeqqim wemkan ula zdat tewwurt . Ne\u021b\u021ba ye\u021bbecci\u1e5b-asen awal n Sidi \u1e5aebbi.\n2:3 A ten-aya \u1e5beb\u025ba yergazen wwin-d yiwen wukrif i Sidna \u0190isa.\n2:4 Akken walan ur zmiren ara a t-ssiw\u1e0den \u0263u\u1e5b-es si l\u0263aci-nni, kkan-d si ssqef, kksen iqermuden sennig wanda yella Sidna \u0190isa, syenna ssadren-d ukrif-nni deg wusu-ines.\n2:5 Mi gwala liman-nsen, Sidna \u0190isa yenna i wukrif-nni : ?wa\u025beffan-ak ddnubat-ik a mmi.\n2:6 Llan dinna kra l\u025bulama qqimen \u021bxemmimen deg ulawen-nsen qqa\u1e5ben :\n2:7 Amek armi yessawe\u1e0d a d-yini imeslayen-agi ? Wagi d lekfe\u1e5b ! Anwa i gzemren ad ye\u025bfu ddnubat anagar Sidi \u1e5aebbi ?\n2:8 Imiren kan Sidna \u0190isa ye\u1e93ra ayen \u021bxemmimen deg ulawen-nsen, yenna yasen : Acu\u0263er te\u021bxemmimem akkagi deg ulawen-nwen ?\n2:9 D acu i gsehlen a s-t-ini\u0263 i wukrif-agi : \u021bwa\u025bfan-ak ddnubat-ik, ne\u0263 kker ddem usu-inek tel\u1e25u\u1e0d ?\n2:10 Ihi b\u0263i\u0263 a\u021b-\u021be\u1e93rem belli Mmi-s n bunadem yezmer ad ye\u025bfu ddnubat di ddunit. Yenna i wukrif-nni :\n2:11 Kker, ddem usu-inek t\u1e5bu\u1e25e\u1e0d \u0263er wexxam-ik !\n2:12 Imiren kan, yekker yeddem usu-ines, yeffe\u0263 zdat-nsen irkul. L\u0263aci wehmen deg wayen yed\u1e5ban, \u021b\u1e25emmiden Sidi \u1e5aebbi, qqa\u1e5ben : Wer\u01e7in ( di le\u025bme\u1e5b ) ne\u1e93ri ayagi !\n2:13 Sidna \u0190isa yu\u0263al \u0263er rrif n leb\u1e25e\u1e5b. A\u1e6das n l\u0263aci i d-i\u021basen \u0263u\u1e5b-es d\u0263a yesselmad-iten.\n2:14 Mi g\u025bedda, iwala yiwen umekkas yeqqim i\u021be\u1e6d\u1e6def le\u0263\u1e5bama, isem-is Lewwi d mmi-s n ?alfi. Sidna \u0190isa yenna-yas : Ddud-d yid-i ! Lewwi yekker, yedda yid-es.\n2:15 Mi llan te\u021b\u021ben deg wexxam n Lewwi ne\u021b\u021ba d inelmaden-is, qqimen-d yid-sen imekkasen akk-d yir imdanen, axa\u1e6der a\u1e6das i t-ittaba\u025ben.\n2:16 L\u025bulama d ifariziyen mi t-walan ite\u021b\u021b d imekkasen akk-d yir imdanen, nnan i inelmaden-is : Acu\u0263er Ssid-nwen ite\u021b\u021b d imekkasen akk-d imednuben ?\n2:17 Mi sen-yesla Sidna \u0190isa, yenna yasen : Ma\u010d\u010di d wid i\u1e63e\u1e25\u1e25an i ge\u1e25wa\u01e7en \u1e6d\u1e6dbib, me\u025bna d imu\u1e0dan. Ur d-usi\u0263 ara ad ssiwle\u0263 i i\u1e25eqqiyen, me\u025bna i imednuben.\n2:18 Inelmaden n Ye\u1e25ya a\u0263e\u1e6d\u1e6das akk-d ifariziyen llan \u021b\u021bu\u1e93ummen. Usan-d ad steqsin Sidna \u0190isa nnan-as : Acu\u0263er inelmaden n Ye\u1e25ya d inelmaden n ifariziyen \u021b\u021bu\u1e93ummen, ma d inelmaden-ik ur \u021b\u021bu\u1e93ummen ara ?\n2:19 Sidna \u0190isa yerra-yasen : E\u025bni zemren inebgawen n tme\u0263\u1e5ba ad u\u1e93ummen ma yella yid-sen yesli ? Kra ara yekk yesli yid-sen ur zmiren ara ad u\u1e93ummen.\n2:20 A d-yas lweqt i deg ara sen ye\u021bwakkes yesli, deg wass-nni ad u\u1e93ummen.\n2:21 Yiwen ur ye\u021bxi\u1e0di tafawe\u021b tajdi\u1e6d i uce\u1e6d\u1e6di\u1e0d aqdim, ne\u0263 m'ulac tafawe\u021b-nni ara s-nernu a\u021b-\u021besse\u0263\u1e5bes ace\u1e6d\u1e6di\u1e0d-nni aqdim d\u0263a acerrig-nni ad innerni.\n2:22 Yiwen ur i\u021b\u021ba\u010da\u1e5b iyeddiden ( tiyelwin ) iqdimen s cc\u1e5bab ajdid, ne\u0263 m'ulac cc\u1e5bab-nni ad ifelleq iyeddiden ; cc\u1e5bab ad in\u0263el, iyeddiden-nni ad qqe\u1e5bsen. Me\u025bna cc\u1e5bab ajdid ilaq ad immir \u0263er iyeddiden ijdiden !\n2:23 Yiwen wass n ssebt yellan d ass n weste\u025bfu , Sidna \u0190isa yezger igran n yirden. Inelmaden-is teddun \u021bekksen tigedrin.\n2:24 Ifariziyen nnan-as : Acu\u0263er xeddmen inelmaden-ik ayen ur nelli ara d le\u1e25lal deg wass n ssebt ?\n2:25 Sidna \u0190isa yerra-yasen : Di le\u025bme\u1e5b te\u0263\u1e5bim wayen yexdem ugellid Dawed asmi i ten-ye\u1e6d\u1e6def la\u1e93 ne\u021b\u021ba d irfiqen-is ?\n2:26 Yekcem \u0263er wexxam n Sidi \u1e5aebbi deg wussan i deg yella Abya\u1e6dar d lmuqeddem ameqqran, ye\u010d\u010da ne\u021b\u021ba d irfiqen-is ti\u1e25bulin-nni n we\u0263\u1e5bum ye\u021b\u021bunefken d lwe\u025bda, \u0263as akken a\u0263\u1e5bum-nni i lmuqedmin kan iwumi ye\u1e25lel.\n2:27 Yenna-yasen : Ass n weste\u025bfu ye\u021bwaxdem i wemdan, ma\u010d\u010di d amdan i ge\u021bwaxedmen i wass n weste\u025bfu.\n2:28 Daymi Mmi-s n bunadem ye\u1e25kem ula \u0263ef wass n weste\u025bfu.\n3:1 Sidna \u0190isa yu\u0263al \u0263er l\u01e7ame\u025b. Yella dinna yiwen wergaz iwumi yekref ufus.\n3:2 Wid yellan dinna \u021b\u025bassan deg-s ad walin m' ad isse\u1e25lu deg wass n weste\u025bfu, iwakken ad ccetkin fell-as.\n3:3 Sidna \u0190isa yenna i wergaz-nni iwumi yekref ufus : Ekker tbedde\u1e0d dagi di tlemmast.\n3:4 Imiren yenna i wid ye\u021bmuqulen : D acu i d-teqqa\u1e5b ccari\u025ba-nne\u0263 \u0263ef wayen ye\u025bnan ass n weste\u025bfu ? A nexdem lxi\u1e5b ne\u0263 a nexdem cce\u1e5b ? A nsellek ta\u1e5bwi\u1e25t n wemdan ne\u0263 a t-ne\u01e7\u01e7 ad immet ? Lame\u025bna nutni ssusmen me\u1e5b\u1e5ba, ur zmiren ara a d-rren awal.\n3:5 Sidna \u0190isa imuqel-iten s wurrif, yerna ye\u1e25zen a\u1e6das fell-asen imi qqu\u1e5ben wulawen nsen. Yenna i wergaz-nni : ?leq-ed ( e\u1e93\u1e93el-ed ) afus-ik ! I\u1e0dleq-it d\u0263a ye\u1e25la ufus-is.\n3:6 Imiren ifariziyen ff\u0263en, \u1e5bu\u1e25en ad mcawa\u1e5ben nutni d ihi\u1e5budiyen amek ara t-n\u0263en.\n3:7 Sidna \u0190isa ijbed iman-is ne\u021b\u021ba d inelmaden-is \u0263er rrif n leb\u1e25e\u1e5b n tmurt n Jlili. A\u1e6das n l\u0263aci i t-id-iteb\u025ben. Usan-d si mkul tama n tmurt n Jlili, si tmurt n Yahuda,\n3:8 si temdint n Lquds, si tmurt n Idum, si tmurt akkin i wasif n Urdun, si le\u01e7wahi n temdinin n ?ur akk-d Sidun. Mi slan s wayen ixeddem, a\u1e6das n l\u0263aci i d-ye\u021b\u021basen \u0263u\u1e5b-es.\n3:9 Sidna \u0190isa iwe\u1e63\u1e63a inelmaden-is a s-heggin taflukt, akken ur t-i\u1e25e\u1e5b\u1e5bes ara l\u0263aci.\n3:10 Lad\u0263a imi ye\u021bdawi a\u1e6das n imu\u1e0dan, wid akk yu\u1e0dnen \u1e93eddmen fell-as iwakken a t-nnalen.\n3:11 I\u1e5bu\u1e25aniyen m'ara t-walin, \u0263ellin zdat-es qqa\u1e5ben-as : \u00ab Ke\u010d\u010d d Mmi-s n \u1e5aebbi !\u00bb\n3:12 Me\u025bna ne\u021b\u021ba ye\u021bgalla deg-sen iwakken ur d-qqa\u1e5ben ara anwa-t.\n3:13 Sidna \u0190isa yuli \u0263er yiwet n ti\u0263ilt, yessawel i wid yeb\u0263a d\u0263a usan-d \u0263u\u1e5b-es.\n3:14 Yexta\u1e5b tnac deg-sen ad ilin d \u1e5b\u1e5busul ad \u021beddun daymen yid-es, iwakken a ten-icegge\u025b ad becc\u1e5ben lexba\u1e5b n lxi\u1e5b,\n3:15 a sen-yefk tazmert akken ad ssuffu\u0263en le\u01e7nun.\n3:16 A ten-ah tnac-nni yexta\u1e5b : Sem\u025bun iwumi isemma Bu\u1e6drus,\n3:17 Ye\u025bqub akk-d gma-s Yu\u1e25enna yellan d arraw n Zabadi iwumi isemma Bune\u1e5b\u01e7es ( ye\u025bni arraw n \u1e5b\u1e5b\u025bud ).\n3:18 Andriyus, Filbas, Bartelmay, Matta, Tuma, Ye\u025bqub mmi-s n ?alfi, Taddi, Sem\u025bun aken\u025bani ( awa\u1e6dani )\n3:19 akk-d Yudas n Qe\u1e5byut, win akken ixed\u025ben Sidna \u0190isa.\n3:20 Imiren, Sidna \u0190isa yu\u0263al \u0263er wexxam. Nnejma\u025ben-d da\u0263en \u0263u\u1e5b-es l\u0263aci \u1e25e\u1e5bsen-t ne\u021b\u021ba d inelmaden-is armi ur zmiren ara ad \u010d\u010den.\n3:21 Mi gewwe\u1e0d lexba\u1e5b \u0263er imawlan is, \u1e5bu\u1e25en-d a t-awin axa\u1e6der \u0263ilen yedderwec !\n3:22 Imusnawen n ccari\u025ba i d-yusan si temdint n Lquds qqa\u1e5ben : D Balzabul i\u1e25ekkmen \u0263ef le\u01e7nun i t-ized\u0263en , s tezmert-is i gessufu\u0263 le\u01e7nun !\n3:23 Sidna \u0190isa yessawel-asen, ihde\u1e5b asen s lemtul, yenna-yasen : Amek yezmer Cci\u1e6dan ad issufe\u0263 Cci\u1e6dan ?\n3:24 Ma yella \u021bna\u0263en imezda\u0263 n tmurt wway gar-asen, tamurt-nni ur te\u021bdum ara.\n3:25 Ma yella yekker ccwal ger wat wexxam, axxam-nni ad ye\u0263li ur ye\u021bbeddad ara.\n3:26 Ihi ma yella Cci\u1e6dan ye\u021bna\u0263 d yiman-is teb\u1e0da tgeldit-is, tazmert-is a\u021b-\u021be\u0263li d\u0263a a\u021b-\u021befnu.\n3:27 Yiwen ur izmir ad ikcem \u0263er wexxam n wergaz i\u01e7ehden iwakken a d-yaker ayla-s, m'ur t-yuriz ara uqbel ! M'ara t-yarez, imiren yezmer ad yaker axxam-is me\u1e5b\u1e5ba !\n3:28 A wen-d-ini\u0263 tide\u021b : a sen \u021bwasemm\u1e25en i yemdanen me\u1e5b\u1e5ba ddnubat-nsen d rregmat-nsen,\n3:29 ma d win ireggmen \u1e5a\u1e5bu\u1e25 iqedsen, d lmu\u1e25al ad ye\u021b\u021busemme\u1e25 ; ddnub-is ad yeqqim \u0263ef yir-is i dayem.\n3:30 Yenna-d annect-agi axa\u1e6der qqa\u1e5ben-as: Izde\u0263-it Cci\u1e6dan.\n3:31 Ww\u1e0den-d watmaten n Sidna \u0190isa akk-d yemma-s. Qqimen di be\u1e5b\u1e5ba, cegg\u025ben \u0263u\u1e5b-es a d-yas.\n3:32 Ne\u021b\u021ba yella zdaxel n wexxam yezzi-yas a\u1e6das l\u0263aci ; nnan-as : A Sidi, yemma-k d wayetma-k akk-d yessetma-k, atnan di be\u1e5b\u1e5ba \u021bnadin fell-ak.\n3:33 Sidna \u0190isa yerra-yasen : Anta i d yemma, anwi i d aytma ?\n3:34 D\u0263a imuqel me\u1e5b\u1e5ba wid i s-d yezzin yenna : A\u021bah yemma, atnah wayetma.\n3:35 Axa\u1e6der win ixeddmen leb\u0263i n Sidi \u1e5aebbi, d win i d gma, i d weltma, i d yemma !\n4:1 Sidna \u0190isa yebda da\u0263en ye\u021bbecci\u1e5b rrif n leb\u1e25e\u1e5b n tmurt n Jlili. Imi i d-innejma\u025b \u0263u\u1e5b-es wa\u1e6das n l\u0263aci, yuli \u0263er teflukt yeqqim. Taflukt-nni tella s ufella n waman, l\u0263aci yeqqim \u0263er lqa\u025ba, rrif n leb\u1e25e\u1e5b.\n4:2 Yebda yesselmad iten s lemtul, yeqqa\u1e5b-asen :\n4:3 Selt-iyi-d ! Yiwen ufella\u1e25 yeffe\u0263 ad izre\u025b.\n4:4 Mi gella izerre\u025b, \u0263lin kra i\u025beqqayen deg webrid : \u1e5bu\u1e25en-d ig\u1e6dat ( if\u1e5bax ) leq\u1e0den-ten.\n4:5 Kra i\u025beqqayen nni\u1e0den \u0263lin ger id\u0263a\u0263en anda ulac a\u1e6das n wakal, d\u0263a m\u0263in-d imiren, axa\u1e6der tissi n wakal ur lqayet ara.\n4:6 Mi d-yuli yi\u1e6dij, yezlef im\u0263an-nni d\u0263a qqu\u1e5ben, imi izu\u1e5ban-nsen ur lqayit ara.\n4:7 Kra i\u025beqqayen nni\u1e0den \u0263lin ger isennanen ; mi gman isennanen-nni \u0263ummen-ten d\u0263a ur d-fkin ara lfakya.\n4:8 Kra i\u025beqqayen nni\u1e0den \u0263lin deg wakal yelhan, mi gman, nnernan fkan-d tigedrin ; ta tefka-d tlatin n t\u025beqqayin, taye\u1e0d se\u021b\u021bin, taye\u1e0d meyya.\n4:9 Yenna-yasen : Win yes\u025ban ime\u1e93\u1e93u\u0263en, isel-ed !\n4:10 Mi geb\u025bed \u0263ef l\u0263aci, wid i s-d yezzin akk-d tnac-nni inelmaden ssutren-as a sen-yessefhem lemtul i sen d-yewwi.\n4:11 Yerra-yasen : Kunwi ye\u021b\u021bunefk-awen a\u021b- \u021bissinem sser n tgeldit n \u1e5aebbi, ma d wiya\u1e0d sellen i mkul l\u1e25a\u01e7a s lemtul,\n4:12 iwakken : ?as \u021bmuqulen ur \u021bwalin ara, \u0263as sellen ur fehhmen ara ; m'ulac a d-u\u0263alen \u0263er webrid d\u0263a \u1e5aebbi a sen-ye\u025bfu ddnubat-nsen !\n4:13 Yenna-yasen da\u0263en : M'ur tefhimem ara lme\u025bna n lemtel-agi, amek ara tfehmem lemtul nni\u1e0den ?\n4:14 Afella\u1e25-nni, d win izerr\u025ben awal n \u1e5aebbi.\n4:15 Kra yemdanen cban iri n webrid anda ye\u021bwazre\u025b wawal n \u1e5aebbi. Akken kan i s-slan, yusa-d Cci\u1e6dan iqle\u025b-ed awal-nni i ge\u021bwazer\u025ben deg ulawen-nsen.\n4:16 Wiya\u1e0d cban akal ye\u010d\u010du\u1e5ben d id\u0263a\u0263en, akken ara slen i wawal n \u1e5aebbi, qebblen-t s lfe\u1e5b\u1e25 ;\n4:17 lame\u025bna ur t-\u021b\u021ba\u01e7an ara ad yefk izu\u1e5ban deg ulawen-nsen, \u1e6d\u1e6dfen deg-s kra lweqt kan. Mi d-yewwe\u1e0d le\u025btab d uqehhe\u1e5b \u0263ef ddemma n wawal n \u1e5aebbi, \u021b\u021bu\u0263alen \u0263er deffir, \u021ba\u01e7\u01e7an liman-nsen.\n4:18 Wiya\u1e0d \u021bemcabin \u0263er wakal ye\u010d\u010du\u1e5ben d isennanen, sellen i wawal n \u1e5aebbi,\n4:19 me\u025bna i\u0263eblan, \u1e6d\u1e6dme\u025b, lerba\u1e25 akk-d zzhu n ddunit-agi, skuffuren ( \u021bkemmimen ) awal-nni, ur d-ye\u021b\u021bawi ara lfayda.\n4:20 Wiya\u1e0d cban akal yelhan anda te\u0263li zzerri\u025ba, sellen i wawal n \u1e5aebbi, qebblen-t, \u021b\u021baken-d lfayda. Mkul a\u025beqqa yeggar-ed wa tlatin, wa se\u021b\u021bin, wa meyya.\n4:21 Yenna-yasen da\u0263en : E\u025bni yella win ara ice\u025blen taftilt iwakken a \u021b-yerr seddaw l\u1e25ila ne\u0263 seddaw n wusu ? Ma\u010d\u010di iwakken a \u021b-issers s ufella n lme\u1e63be\u1e25 ?\n4:22 Ulac ayen yeffren ur d-ne\u021bban, ulac ayen i\u0263ummen ur d-te\u021bbeggin tafat.\n4:23 Sme\u1e25set-ed mli\u1e25, ma tes\u025bam ime\u1e93\u1e93u\u0263en isellen !\n4:24 Yerna yenna-yasen : ?adret \u0263ef wayen tsellem ! Axa\u1e6der akken i te\u021b\u021bektilim i wiya\u1e0d ara wen-d-i\u021bwaktil i kunwi, yerna a wen-d i\u021bwaktil s zzyada.\n4:25 Axa\u1e6der win yes\u025ban a s-rnun, ma d win ur nes\u025bi ara a s-ye\u021bwakkes ula d ayen yes\u025ba.\n4:26 Sidna \u0190isa yenna-yasen da\u0263en : Tageldit n Sidi \u1e5aebbi te\u021b\u021bemcabi \u0263er yiwen ufella\u1e25 i gzer\u025ben iger.\n4:27 Ama ye\u1e6d\u1e6des ama ur ye\u1e6d\u1e6dis, am yi\u1e0d am ass, zzerri\u025ba te\u021b\u021bem\u0263ay tgemmu, ur ye\u1e93ri amek.\n4:28 Akal ye\u021b\u021bak-ed s yiman-is l\u0263ella. Tazwara d im\u0263i ad yu\u0263al \u021b-\u021bigdert, taggara tigdert-nni a\u021b-\u021be\u010d\u010da\u1e5b d i\u025beqqayen.\n4:29 Mi wwan yirden, afella\u1e25-nni a d-yas a ten-yemger, axa\u1e6der yewwe\u1e0d ed lweqt n tmegra.\n4:30 Yenna da\u0263en : ?er wacu i nezmer a nmettel tageldit n \u1e5aebbi, ne\u0263 anwa lemtel ara d-nawi fell-as ?\n4:31 I\u021bemcabi \u0263er u\u025beqqa n uxer\u1e0del. M'ara t-nezre\u025b, d ne\u021b\u021ba i d a\u025beqqa amec\u1e6du\u1e25 me\u1e5b\u1e5ba ger zzerri\u025bat n ddunit.\n4:32 Mi ge\u021bwazre\u025b, igemmu ye\u021b\u021bali alamma yekka-d sennig akk yem\u0263an n teb\u1e25irt, yeggar ed ifurkawen imeqqranen, ula d ig\u1e6da\u1e6d ( if\u1e5bax ) n igenni, \u021bru\u1e25un-d ad ddarin ( ddurqen ) seddaw tili-ines.\n4:33 S wa\u1e6das n lemtul am wigi i sen i\u021bbecci\u1e5b awal n \u1e5aebbi, akken i tella lefhama n mkul yiwen.\n4:34 I\u021bmeslay-asen anagar s lemtul, me\u025bna m'ara yili akk-d inelmaden-is, yessefham-asen kullec.\n4:35 Ass-nni kan mi ge\u0263li yi\u1e6dij, Sidna \u0190isa yenna i inelmaden-is : Eyyaw a nzegret agumma\u1e0d n leb\u1e25e\u1e5b.\n4:36 Mi gerra l\u0263aci-nni, i\u1e5bu\u1e25 yid-sen di teflukt i deg yella. Ddant yid-es kra teflukin nni\u1e0den.\n4:37 Tekker-ed yiwet n tbuci\u1e0dant, tessalay-ed lemwaji \u0263er teflukt te\u021b\u021baca\u1e5b-i\u021b.\n4:38 Sidna \u0190isa yella ye\u1e6d\u1e6des di teflukt deffir n inelmaden-is, yessers aqe\u1e5b\u1e5buy-is \u0263ef tsumta. Sakin-t-id nnan-as : A Sidi, e\u025bni ur ak-tewqi\u025b ara ma nemmut ?\n4:39 Sidna \u0190isa yekker-ed i\u025begge\u1e0d \u0263ef wa\u1e0du, yenna i leb\u1e25e\u1e5b : Ssers iman-ik ! Ssusem ! Yers wa\u1e0du-nni, d\u0263a tu\u0263al-ed talwit.\n4:40 Yenna i inelmaden-is : Acu\u0263er i tuggadem akka ? Mazal ur tuminem ara ?\n4:41 Me\u025bna ikcem-iten akk lxuf d ameqqran, qqa\u1e5ben wway gar-asen : Anwa-t wagi iwumi \u021b\u021ba\u0263en awal ula d a\u1e0du d leb\u1e25e\u1e5b ?\n5:1 Usan-d seg ugemma\u1e0d n leb\u1e25e\u1e5b \u0263er tmurt n iji\u1e5baziyen.\n5:2 Akken kan i d-yers Sidna \u0190isa si teflukt, ataya yiwen wergaz yezde\u0263 u\u1e5bu\u1e25ani, yeffe\u0263-ed si tjebbant iteddu-d \u0263u\u1e5b-es.\n5:3 Yezde\u0263 ger i\u1e93ekwan, yiwen ur izmir a t-yarez ula s ssnesla\n5:4 axa\u1e6der ac\u1e25al d abrid i t-qqnen s ixelxalen n wuzzal deg i\u1e0da\u1e5b\u1e5ben, s ssnasel deg ifassen, me\u025bna yesse\u0263\u1e5bas-iten akk, daymi ur yezmir yiwen a t-i\u1e6d\u1e6def.\n5:5 I\u1e0d d wass ne\u021b\u021ba deg une\u1e93ruf, ye\u021b\u025beggi\u1e0d, ijerre\u1e25 iman-is s ibla\u1e0den.\n5:6 Mi gwala Sidna \u0190isa si leb\u025bid, yuzzel-ed ye\u0263li \u0263ef tgecrar zdat-es.\n5:7 I\u025begge\u1e0d s l\u01e7ehd : D acu i teb\u0263i\u1e0d \u0263u\u1e5b-i a \u0190isa, a mmi-s n \u1e5aebbi \u025blayen ? Di le\u025bnaya-k, \u0263ef wudem n \u1e5aebbi ur iyi-\u021b\u025be\u021b\u021bib ara !\n5:8 Axa\u1e6der Sidna \u0190isa yeqqa\u1e5b-as : Effe\u0263 seg umdan-agi ay a\u1e5bu\u1e25ani !\n5:9 Yesteqsa-t yenna-yas : Isem-ik ? Yerra-yas-d : Isem-iw tarba\u025bt, axa\u1e6der deg wa\u1e6das yid-nne\u0263 i nella.\n5:10 D\u0263a \u021b\u1e25ellilen deg-s rennun iwakken ur ten-yessufu\u0263 ara si tmurt-nni.\n5:11 Yu\u0263 l\u1e25al tella dinna yiwet n tqe\u1e0d\u025bit n yilfan kessen ;\n5:12 \u1e25ellelent nnan-as : Di le\u025bnaya-k, \u01e7\u01e7a\u0263 a nekcem deg yilfan-agi .\n5:13 Iserre\u1e25-asen, d\u0263a ff\u0263en seg wergaz-nni, kecmen deg ilfan-nni, imiren grarben seg wedrar \u0263er leb\u1e25e\u1e5b, llan deg wazal n walfin yid-sen, \u0263e\u1e5bqen me\u1e5b\u1e5ba.\n5:14 Wid ikessen ilfan-nni rewlen, ssaw\u1e0den lexba\u1e5b \u0263er temdint akk-d tudrin d\u0263a l\u0263aci \u1e5bu\u1e25en-d ad walin ayen yed\u1e5ban.\n5:15 Mi d-ww\u1e0den \u0263er Sidna \u0190isa, walan win akken tezde\u0263 terba\u025bt n i\u1e5bu\u1e25aniyen yeqqim, yelsa llebsa, yu\u0263al-ed \u0263er le\u025bqel-is ; imiren ikcem-iten lxuf.\n5:16 Wid i g\u1e25e\u1e0dren \u1e25ekkun-d i wiya\u1e0d ayen yed\u1e5ban d win ye\u021bwazed\u0263en akk-d \u021bqe\u1e0d\u025bit-nni n yilfan.\n5:17 Imiren bdan \u021b\u1e25ellilen Sidna \u0190isa ad iffe\u0263 si tmurt-nsen.\n5:18 Akken iteddu Sidna \u0190isa ad yali \u0263ef teflukt, win akken yellan ye\u021bwazde\u0263 ye\u021b\u1e25ellil deg-s yeqqa\u1e5b-as : Di le\u025bnaya-k e\u01e7\u01e7-iyi ad ddu\u0263 yid-ek.\n5:19 Lame\u025bna Sidna \u0190isa yugi, yenna-yas : U\u0263al \u0263er wexxam-ik d le\u1e25bab-ik, te\u1e25ku\u1e0d-asen ayen i k-ixdem Sidi \u1e5aebbi.\n5:20 I\u1e5bu\u1e25, yebda ye\u021bberri\u1e25 di \u025bec\u1e5ba n temdinin-nni ayen akk i s-yexdem Sidna \u0190isa. Kra win i s-yeslan yet\u025be\u01e7\u01e7eb.\n5:21 Sidna \u0190isa yu\u0263al s teflukt \u0263er ugemma\u1e0d n leb\u1e25e\u1e5b. Innejma\u025b-ed da\u0263en l\u0263aci \u0263u\u1e5b-es mi gella rrif n leb\u1e25e\u1e5b.\n5:22 Yiwen seg lecyux n l\u01e7ame\u025b, isem-is Jay\u1e5bus, akken i gwala Sidna \u0190isa, ye\u0263li \u0263er i\u1e0da\u1e5b\u1e5ben-is,\n5:23 i\u021b\u1e25ellil deg-s irennu, yeqqa\u1e5b-as : A Sidi, di le\u025bnaya-k ! Yelli te\u021bme\u021b\u021bat, ddu-d yid-i ssers ifassen-ik fell-as iwakken a\u021b-\u021beslek, ur te\u021bme\u021b\u021bat ara !\n5:24 Sidna \u0190isa i\u1e5bu\u1e25 yid-es. A\u1e6das n l\u0263aci i t-iteb\u025ben, \u1e25er\u1e63en-t si mkul tama.\n5:25 Tella dinna yiwet n tme\u1e6d\u1e6dut tehlek, tnac iseggasen ne\u021b\u021bat te\u021b\u021bazal d idammen.\n5:26 Ten\u025be\u021b\u021bab a\u1e6das ger ifassen n \u1e6d\u1e6deba, tex\u1e63e\u1e5b ayen akk i tes\u025ba, me\u025bna ur te\u1e25li ara, terna ten\u1e6der akte\u1e5b.\n5:27 Mi tesla hedd\u1e5ben \u0263ef Sidna \u0190isa , t\u1e5bu\u1e25-ed deffir-es ger l\u0263aci, tennul ajellab-is.\n5:28 Axa\u1e6der teqqa\u1e5b deg iman-is : ma nnule\u0263 ulamma d icu\u1e0da\u1e0d n ube\u1e5bnus-is, ad \u1e25lu\u0263.\n5:29 Imiren kan \u1e25ebsen idammen-nni, t\u1e25ulfa ( t\u1e25uss ) i yiman-is te\u1e25la seg wa\u1e6dan-is.\n5:30 Di teswi\u025bt-nni Sidna \u0190isa i\u1e25uss i yiwet n tezmert teffe\u0263 seg-s. Yezzi \u0263er l\u0263aci-nni yenna : Anwa i d-innulen ajellab-iw ?\n5:31 Inelmaden-is rran-as : Aql-ik ger l\u0263aci \u1e25e\u1e5bsen-k-id si mkul tama, teqqa\u1e5be\u1e0d anwa i yi-d innulen ?\n5:32 Ne\u021b\u021ba ye\u021bmuqul di l\u0263aci i s-d yezzin iwakken ad iwali tame\u1e6d\u1e6dut-nni.\n5:33 Tame\u1e6d\u1e6dut-nni, mi twala ayen yed\u1e5ban yid-es texle\u025b, te\u021b\u021bergigi ; t\u1e5bu\u1e25-ed te\u0263li \u0263er i\u1e0da\u1e5b\u1e5ben n Sidna \u0190isa tenna-yas akk tide\u021b.\n5:34 Yenna-yas : A yell-i, d liman-im i kkem-yesse\u1e25lan ; \u1e5bu\u1e25 di lehna, aql-ikkem te\u1e63fi\u1e0d si lehlak-im.\n5:35 Mazal-it ye\u021bmeslay, a ten-aya usan-d kra yergazen seg wexxam n Jay\u1e5bus ccix-nni n l\u01e7ame\u025b, nnan-as : Yelli-k temmut, ur \u021b\u025be\u021b\u021bib ara Sidna \u0190isa.\n5:36 Lame\u025bna Sidna \u0190isa mi gesla i imeslayen-nni, yenna i ccix-nni : Ur \u021b\u021baggad ara, amen kan !\n5:37 Ur ye\u01e7\u01e7i yiwen ad yeddu yid-es anagar Bu\u1e6drus, Ye\u025bqub akk-d gma-s Yu\u1e25enna.\n5:38 Mi ww\u1e0den \u0263er wexxam n ccix-nni n l\u01e7ame\u025b, Sidna \u0190isa yufa l\u0263aci yenhewwal, \u021brun, \u021bme\u01e7\u01e7iden.\n5:39 Yekcem \u0263er wexxam yenna-yasen : Iwacu lehwel d ime\u1e6d\u1e6dawen-agi ? Taqcict ur temmut ara, te\u1e6d\u1e6des kan.\n5:40 Stehzayen fell-as. D\u0263a yessufe\u0263 iten akk, yewwi imawlan n teqcict-nni akk-d tlata-nni inelmaden, yekcem \u0263er texxamt anda tella teqcict-nni ;\n5:41 ye\u1e6d\u1e6def afus n teqcict-nni yenna-yas : Talita, qumi ! (Ye\u025bni : \u00ab A taqcict, ekker ! \u00bb)\n5:42 Imiren kan, tekker-ed teqcict-nni tebda tle\u1e25\u1e25u. Fell-as tnac iseggasen. Wid yellan dinna xel\u025ben t\u025be\u01e7\u01e7ben deg wayen walan.\n5:43 Sidna \u0190isa iwe\u1e63\u1e63a-ten ur \u021b\u025bawaden i yiwen ayen yed\u1e5ban ; d\u0263a yenna-yasen : Fket-as a\u021b-\u021be\u010d\u010d.\n6:1 Sidna \u0190isa i\u1e5bu\u1e25 syenna \u0263er tmurt-is, ddan yid-es inelmaden is.\n6:2 Akken i d-yewwe\u1e0d wass n weste\u025bfu, yebda yesselmad di l\u01e7ame\u025b. A\u1e6das i gwehmen seg wid i s-isellen, qqa\u1e5ben : Ansi i s-d-yekka wayagi ? D acu-\u021b lefhama-yagi i s-d i\u021b\u021bunefken ? Ansi i s-d-tekka tezmert s wayes ixeddem lbe\u1e5bhanat-agi me\u1e5b\u1e5ba ?\n6:3 Ma\u010d\u010di d wagi i d ane\u01e7\u01e7a\u1e5b-nni, mmi-s n Meryem, gma-s n Ye\u025bqub, n Yuses, n Yuda akk-d Sem\u025bun ? Ana\u0263 yessetma-s gar-ane\u0263 i \u021b\u025bicint ? Ayagi yella-yasen d ugur daymi ur uminen ara yis.\n6:4 Sidna \u0190isa yenna-yasen : Anagar di tmurt-is ger imawlan is d wat wexxam-is i ge\u021bwa\u1e25qe\u1e5b nnbi.\n6:5 Ur yexdim dinna ula d yiwen n lbe\u1e5bhan, anagar kra imu\u1e0dan i \u0263ef yessers ifassen-is yesse\u1e25la-ten.\n6:6 Yewhem deg-sen imi ugin ad amnen. D\u0263a ile\u1e25\u1e25u, yesselmad di tudrin iqe\u1e5bben tamdint n Na\u1e63aret.\n6:7 Sidna \u0190isa yessawel i tnac-nni inelmaden, icegge\u025b-iten sin sin, yefka yasen tazmert ad ssuf\u0263en i\u1e5bu\u1e25aniyen.\n6:8 Iwe\u1e63\u1e63a-ten, yenna-yasen : Ur \u021b\u021bawit yid-wen acemma i webrid, ama d a\u0263\u1e5bum, ama d agrab ama d a\u1e63urdi deg waggus, anagar a\u025bekkaz deg ufus.\n6:9 Elset irkasen, me\u025bna ur \u021b\u021bawit ara yid-wen aqendu\u1e5b wis sin.\n6:10 Yenna-yasen da\u0263en : Axxam anda st\u1e5be\u1e25ben yis-wen qqimet \u0263u\u1e5b-sen alamma t\u1e5bu\u1e25em.\n6:11 Ma yella wanda ur s\u1e6der\u1e25ben ara yis-wen, ur b\u0263in ara a wen-slen, \u1e5bu\u1e25et syenna, zwit a\u0263ebba\u1e5b n warkasen-nwen, ddnub i yirawen-nsen.\n6:12 \u1e5au\u1e25en \u021bbecci\u1e5ben i yemdanen iwakken a d-u\u0263alen \u0263er webrid.\n6:13 Ssufu\u0263en a\u1e6das n le\u01e7nun, dehhinen s zzit a\u1e6das n imu\u1e0dan, sse\u1e25layen-ten.\n6:14 Yu\u0263al yisem n Sidna \u0190isa mechu\u1e5b di tmurt me\u1e5b\u1e5ba, yewwe\u1e0d lexba\u1e5b-is \u0263er ugellid Hi\u1e5budus. Kra qqa\u1e5ben : D Ye\u1e25ya a\u0263e\u1e6d\u1e6das i d-i\u1e25yan si ger lmegtin, daymi i gezmer ad ixdem lbe\u1e5bhanat.\n6:15 Wiya\u1e0d qqa\u1e5ben : D nnbi Ilyas. Wiya\u1e0d da\u0263en qqa\u1e5ben-as : D nnbi am lenbiya nni\u1e0den.\n6:16 Me\u025bna mi gesla Hi\u1e5budus s wannect-agi, yeqqa\u1e5b : D Yehya-nni iwumi kkse\u0263 aqqe\u1e5b\u1e5buy, i d-i\u1e25yan !\n6:17 Axa\u1e6der d Hi\u1e5budus s yiman-is i gerran Ye\u1e25ya \u0263er l\u1e25ebs yeqqen-it s ssnasel, mi t-ilum imi gu\u0263 Hi\u1e5budyad yellan \u021b-\u021bame\u1e6d\u1e6dut n gma-s Filbas.\n6:18 Ye\u1e25ya a\u0263e\u1e6d\u1e6das yella yeqqa\u1e5b-as : D le\u1e25\u1e5bam fell-ak a\u021b-\u021ba\u0263e\u1e0d tame\u1e6d\u1e6dut n gma-k !\n6:19 Daymi i t-tek\u1e5beh Hi\u1e5budyad, yerna te\u021bqellib amek ara t-tne\u0263 lame\u025bna ur s-tufi ara abrid ;\n6:20 axa\u1e6der Hi\u1e5budus ye\u021bqada\u1e5b Ye\u1e25ya imi i t-i\u1e93ra d argaz ye\u1e63fan, d a\u1e25eqqi, daymi i ge\u021b\u1e25unnu fell-as. I\u1e25emmel ad isme\u1e25ses i wawal-is, me\u025bna m'ara s-isel i\u025bewweq.\n6:21 A\u021baya te\u0263li-yas-d sebba i Hi\u1e5budyad... Ass n l\u025bid n tlalit-is, Hi\u1e5budus i\u025bre\u1e0d-ed \u0263er imensi imeqqranen n tgelda-s, imeqqranen n l\u025beske\u1e5b akk-d imdebb\u1e5ben n tmurt n Jlili.\n6:22 Tekcem-ed yelli-s n Hi\u1e5budyad tec\u1e0de\u1e25, d\u0263a te\u025b\u01e7eb-as i Hi\u1e5budus d inebgawen-is. Agellid yenna i teqcict-nni : Ssuter-iyi-d ayen teb\u0263i\u1e0d a m-t-id fke\u0263.\n6:23 Yerna yeggul-as : Ssuter-ed ayen teb\u0263i\u1e0d a m-t-id fke\u0263, \u0263as d azgen di tgelda-w.\n6:24 Teffe\u0263 tenna i yemma-s : D acu ara s-ssutre\u0263 ? Terra-yas : Ssuter-as aqe\u1e5b\u1e5buy n Ye\u1e25ya.\n6:25 Tekcem \u0263er ugellid tenna-yas : Efk-iyi-d tura kan aqe\u1e5b\u1e5buy n Ye\u1e25ya deg u\u1e0debsi !\n6:26 Agellid-nni ye\u1e25zen ma\u010d\u010di d kra, lame\u025bna imi s-yeggul zdat inebgawen is, ur yezmir ara ad i\u1e25net.\n6:27 Icegge\u025b imiren kan yiwen u\u025bessas, yume\u1e5b-it a s-d-yawi aqe\u1e5b\u1e5buy n Ye\u1e25ya a\u0263e\u1e6d\u1e6das. A\u025bessas-nni i\u1e5bu\u1e25 \u0263er l\u1e25ebs, ikkes-as aqe\u1e5b\u1e5buy i Ye\u1e25ya.\n6:28 Yewwi-t-id deg u\u1e0debsi, yefka-t i teqcict-nni, ma d ne\u021b\u021bat tewwi-t i yemma-s.\n6:29 Mi slan s wayagi, inelmaden n Ye\u1e25ya usan-d wwin l\u01e7e\u021b\u021ba-s me\u1e0dlen-\u021b.\n6:30 U\u0263alen-d inelmaden, nnejma\u025ben \u0263er Sidna \u0190isa, \u1e25kan-as ayen akk xedmen d wayen slemden.\n6:31 Imi a\u1e6das n l\u0263aci i ge\u021b\u1e5bu\u1e25un \u021b\u021bu\u0263alen-d, ur s\u025bin ara lweqt ad \u010d\u010den, d\u0263a Sidna \u0190isa yenna-yasen : Eyyaw a n\u1e5bu\u1e25et \u0263er wemkan i\u1e0de\u1e5bfen iwakken a\u021b-\u021beste\u025bfum.\n6:32 Rekben di teflukt, \u1e5bu\u1e25en ad stu\u1e5b\u1e5bfen iman-nsen.\n6:33 A\u1e6das i ten-iwalan mi \u1e5bu\u1e25en, \u025beqlen-ten, imiren uzzlen-d \u0263ef wu\u1e0dar si mkul tamdint. Zwaren-ten \u0263er wanda akken i teddun.\n6:34 Mi d-yers si teflukt, iwala ayendin n l\u0263aci ; d\u0263a \u0263a\u1e0den-t imi cban taqe\u1e0d\u025bit n wulli ur nes\u025bi ameksa. Yebda yesselmad-iten deg wa\u1e6das n lec\u0263al.\n6:35 Mi q\u1e5bib ad ye\u0263li wass, usan-d inelmaden-is nnan-as : Amkan-agi yexla yerna i\u1e5bu\u1e25 l\u1e25al,\n6:36 serre\u1e25 i l\u0263aci ad \u1e5bu\u1e25en \u0263er le\u025bzayeb \u021b-\u021budrin i d-iqe\u1e5bben iwakken a d-a\u0263en ayen ara \u010d\u010den.\n6:37 Yerra-yasen : Fket-asen kunwi ayen ara \u010d\u010den ! Nutni rran-as : E\u025bni teb\u0263i\u1e0d a n\u1e5bu\u1e25 a d-na\u0263 a\u0263\u1e5bum s wazal n mitin alef iwakken a nesse\u010d\u010d annect-agi n l\u0263aci ?\n6:38 D\u0263a yenna-yasen : Ac\u1e25al n te\u1e25bulin n we\u0263\u1e5bum i tes\u025bam ? \u1e5au\u1e25et a\u021b-\u021bwalim . Mi d-\u1e93ran, nnan-as : ?u\u1e5b-nne\u0263 xemsa n te\u1e25bulin n we\u0263\u1e5bum d sin i\u1e25ewtiwen (iselman ).\n6:39 Imiren, Sidna \u0190isa yenna i inelmaden-is ad s\u0263imen l\u0263aci \u021b-\u021birebba\u025b \u0263ef le\u1e25cic.\n6:40 Qqimen \u021b-\u021birebba\u025b n meyya akk d xemsin.\n6:41 Yeddem xemsa n te\u1e25bulin-nni n we\u0263\u1e5bum d sin i\u1e25ewtiwen, yerfed allen-is \u0263er igenni ye\u1e25med \u1e5aebbi. Yeb\u1e0da a\u0263\u1e5bum-nni, yefka-t i inelmaden a t-fe\u1e5bqen i l\u0263aci. If\u1e5beq-asen ula d sin-nni i\u1e25ewtiwen.\n6:42 ?\u010dan akk armi \u1e5bwan,\n6:43 jem\u025ben-d tnac i\u1e0della\u025ben n we\u0263\u1e5bum akk-d l\u1e25ut i d-yegran.\n6:44 Wid ye\u010d\u010dan si lqut-nni llan di xemsa alef yid-sen.\n6:45 Imiren kan, i\u1e25ettem \u0263ef yinelmaden-is ad zegren s teflukt agumma\u1e0d i leb\u1e25e\u1e5b, ad zwiren \u0263er temdint n Bitsayda, ma d ne\u021b\u021ba ad iqqim ad yerr l\u0263aci.\n6:46 Mi gemfa\u1e5baq yid-sen, yuli \u0263er wedrar iwakken ad i\u1e93\u1e93all.\n6:47 Mi d-tewwe\u1e0d tmeddit, taflukt nni tella di tlemmast n leb\u1e25e\u1e5b, ma d Sidna \u0190isa yeqqim we\u1e25d-es di lberr.\n6:48 Iwala \u1e5bwan l\u1e25if mi kkaten imeqdafen, axa\u1e6der a\u1e0du ye\u021b\u021bara-ten \u0263er deffir. Mi q\u1e5bib ad yali wass i\u1e5bu\u1e25 \u0263u\u1e5b-sen, iteddu \u0263ef waman, yeb\u0263a a sen-i\u025beddi.\n6:49 Mi t-walan ile\u1e25\u1e25u \u0263ef waman, nwan-t d lexyal, bdan \u021b\u025beggi\u1e0den,\n6:50 xel\u025ben axa\u1e6der \u021bwalin-t akk. Imiren ilu\u025ba-ten yenna-yasen : Ur xell\u025bet ara, d nekk ; ur \u021b\u021baggadet ara !\n6:51 Akken kan yekcem \u0263er teflukt \u0263u\u1e5b-sen, yers wa\u1e0du-nni.\n6:52 Inelmaden dehcen nezzeh, axa\u1e6der ur fhimen ara lbe\u1e5bhan-nni n we\u0263\u1e5bum, imi ulawen nsen qqu\u1e5ben.\n6:53 Kemmlen abrid-nsen, ff\u0263en \u0263er tmurt n Jini\u1e63aret, rsen dinna.\n6:54 Mi d-\u1e63ubben si teflukt, l\u0263aci ye\u025bqel Sidna \u0190isa imiren kan,\n6:55 d\u0263a uzzlen di mkul amkan n tmurt, bdan \u021b\u021bawin-as-ed imu\u1e0dan deg wusu-nsen \u0263er yal amkan anda yella.\n6:56 Di mkul amkan anda i\u1e5bu\u1e25, ama \u021b-\u021baddart ama \u021b-\u021bamdint ne\u0263 d izu\u0263a\u1e5b, \u021b\u021bawin-as-ed imu\u1e0dan \u0263er imukan n tejma\u025bin, \u021b\u1e25ellilen-t iwakken a ten-ye\u01e7\u01e7 ad nnalen ulamma d icu\u1e0da\u1e0d n ujellab-is. Wid akk i t-i\u021bnalen \u1e25ellun\n7:1 Ifariziyen d kra l\u025bulama n ccari\u025ba i d-yusan si temdint n Lquds, nnejma\u025ben-d \u0263er Sidna \u0190isa.\n7:2 Walan kra seg inelmaden-is te\u021b\u021ben a\u0263\u1e5bum mbla ma ssarden ifassen-nsen, akken tella di l\u025badda-nsen.\n7:3 Axa\u1e6der ifariziyen akk-d wat Is\u1e5bail ur te\u021b\u021ben ara uqbel ad ssirden ifassen-nsen, imi \u1e6d\u1e6dfen di l\u025badda n lejdud-nsen.\n7:4 M'ara d-u\u0263alen si ssuq, ur te\u021b\u021ben ara alamma u\u0263en lu\u1e0du. ?\u1e6dfen da\u0263en deg wa\u1e6das n l\u025baddat nni\u1e0den : tarda n yeqbac, n tbuqalin, akk-d l\u1e25ilat me\u1e5b\u1e5ba n nn\u1e25as.\n7:5 Ifariziyen d l\u025bulama steqsan-t, nnan-as : Acu\u0263er inelmaden-ik ur \u1e6d\u1e6difen ara di l\u025baddat i \u0263-d-\u01e7\u01e7an lejdud nne\u0263, atan te\u021b\u021ben s ifassen yumsen ?\n7:6 Yerra-yasen : Ay at sin wudmawen ! Fell-awen i d-yura nnbi Ice\u025bya mi d-yenna : L\u01e7il-agi \u021b\u025bebbiden-iyi s yimi-nsen kan, lame\u025bna deg ulawen-nsen be\u025bden fell-i a\u1e6das.\n7:7 A\u025bebbed-agi i yi-\u021b\u025bebbiden ur yes\u025bi ara lqima, imi ayen sselmaden ma\u010d\u010di s \u0263u\u1e5b-i i d-yekka me\u025bna d l\u025baddat n yemdanen kan.\n7:8 Te\u021b\u021ba\u01e7\u01e7am lumu\u1e5bat i d-yefka Sidi \u1e5aebbi akken a\u021b-\u021bteb\u025bem le\u025bwayed n yemdanen .\n7:9 Sidna \u0190isa yenna da\u0263en : Te\u021b\u021barram di \u1e6d\u1e6derf lumu\u1e5b n \u1e5aebbi, iwakken a\u021b-\u021be\u1e6d\u1e6dfem di le\u025bwayed-nwen.\n7:10 Axa\u1e6der Musa yenna-d qade\u1e5b baba-k d yemma-k. Yenna-d da\u0263en : Win ara ine\u025blen baba-s d yemma-s, ad i\u021bwa\u1e25kem fell-as s lmut.\n7:11 Ma d kunwi tesselmadem belli yezmer yiwen ad yini i baba-s ne\u0263 i yemma-s : \u00ab Ayen s wacu ilaq a kkun-refde\u0263, fki\u0263-t d lqe\u1e5bban, ( ye\u025bni d lwe\u025bda i \u1e5aebbi ). \u00bb\n7:12 S wakka tserr\u1e25em-as ur ye\u021b\u025bawan ara imawlan-is.\n7:13 Atah wamek i te\u021bbeddilem awal n \u1e5aebbi s l\u025baddat-nwen yerna a\u1e6das n temsalin nni\u1e0den i txeddmem am tigi.\n7:14 Yessawel da\u0263en i l\u0263aci yenna yasen : Sme\u1e25set-iyi-d akk, tfehmem :\n7:15 Ma\u010d\u010di d ayen ike\u010dmen \u0263er daxel n wemdan ara t-yesne\u01e7sen, me\u025bna d ayen i d-i\u021beff\u0263en seg ul-is.\n7:16 Ma tes\u025bam ime\u1e93\u1e93u\u0263en isellen, slet-ed !\n7:17 Mi ge\u01e7\u01e7a l\u0263aci-nni, yekcem \u0263er yiwen wexxam, inelmaden-is ssutren as a sen-d-issefhem lemtel nni.\n7:18 Yenna-yasen : E\u025bni ula d kunwi ur tefhimem ara ayen b\u0263i\u0263 a wen-t-id-ini\u0263 ? Ur te\u1e93rim ara belli ma\u010d\u010di d ayen i gke\u010d\u010dmen \u0263er daxel n wemdan i t-yessen\u01e7asen ?\n7:19 Axa\u1e6der ayagi ur ike\u010d\u010dem ara \u0263er wul-is, me\u025bna \u0263er u\u025bebbu\u1e0d-is, d\u0263a ad i\u021bwadegge\u1e5b \u0263er be\u1e5b\u1e5ba. S wakka, i gesse\u1e25lel Sidna \u0190isa yal lqut.\n7:20 Yerna yenna : D ayen i d-i\u021beff\u0263en seg wemdan i t-yessen\u01e7asen.\n7:21 Axa\u1e6der si zdaxel n wul-is i d-\u021beff\u0263en yir ixemmimen : asefsed, tuker\u1e0da, timeg\u1e5ba\u1e0d,\n7:22 zzna, yir ccehwat, cce\u1e5b, ti\u1e25ila, lexde\u025b, tismin, lekfe\u1e5b, zzux, d wayen akk yellan d lehbala.\n7:23 Ayagi akk i\u021beffe\u0263-ed seg ul n wemdan yessen\u01e7as-it.\n7:24 Sidna \u0190isa i\u1e5bu\u1e25 syenna \u0263er le\u01e7wahi n temdint n ?ur. Yekcem \u0263er yiwen wexxam. Ur yeb\u0263i ara a t-\u1e93ren medden anda yella, lame\u025bna ur yezmir ara ad iffer fell-asen.\n7:25 ?-\u021bide\u021b, akken kan yewwe\u1e0d, a\u021baya yiwet n tme\u1e6d\u1e6dut yes\u025ban yelli-s izde\u0263-i\u021b u\u1e5bu\u1e25ani ; tesla s Sidna \u0190isa d\u0263a tusa-d te\u0263li \u0263er ida\u1e5b\u1e5ben-is.\n7:26 Tame\u1e6d\u1e6dut-agi \u021b-\u021bagrikit, tusa-d si le\u01e7wahi yellan ger tmurt n Surya d Finisya. Tessuter-as ad issufe\u0263 a\u1e5bu\u1e25ani ized\u0263en yelli-s.\n7:27 Sidna \u0190isa yenna-yas : E\u01e7\u01e7 uqbel arrac n wexxam ad \u1e5bwun, axa\u1e6der ur ilaq ara a n\u1e0degge\u1e5b a\u0263\u1e5bum n warrac i yeqjan imec\u1e6da\u1e25.\n7:28 Terra-yas : Ih a Sidi, me\u025bna iqjan imec\u1e6da\u1e25 ddaw \u1e6d\u1e6dabla, te\u021b\u021ben tife\u021b\u021bitin i\u0263ellin i warrac.\n7:29 Imiren yenna-yas : ?ef wawal-agi i d-tenni\u1e0d, \u1e5bu\u1e25, yelli-m yeffe\u0263-i\u021b u\u1e5bu\u1e25ani.\n7:30 Mi tewwe\u1e0d \u0263er wexxam-is, tufa yelli-s te\u1e0dleq \u0263ef wussu, yeffe\u0263-i\u021b u\u1e5bu\u1e25ani.\n7:31 Sidna \u0190isa i\u1e5bu\u1e25 si l\u01e7iha n temdint n ?ur, i\u025bedda-d \u0263ef temdint n Sidun, yezger tamurt n \u025bec\u1e5ba-nni n temdinin i deg llant \u025bec\u1e5ba temdinin-nni, yewwe\u1e0d \u0263er leb\u1e25e\u1e5b n Jlili.\n7:32 Wwin-as-d yiwen wergaz d a\u025be\u1e93\u1e93ug, d ameqmaq ; \u1e25ellelen-t iwakken ad issers afus-is fell-as.\n7:33 Sidna \u0190isa yewwi-t yid-es, isseb\u025bed-it \u0263ef l\u0263aci ; mi gessekcem i\u1e0du\u1e0dan-is deg ime\u1e93\u1e93u\u0263en n wergaz nni, idhen i\u1e0du\u1e0dan-is s imetman, yennul-as iles-is yis-sen,\n7:34 d\u0263a yerfed allen-is \u0263er igenni, yerra-d nnehta yenna : Effata\u1e25 ! (Ye\u025bni : eldi )\n7:35 Imiren kan, ime\u1e93\u1e93u\u0263en-is ldin, iles-is iserre\u1e25, yebda ye\u021bmeslay akken ilaq.\n7:36 Sidna \u0190isa iwe\u1e63\u1e63a-ten ur \u021b\u025bawaden i yiwen ayagi ; me\u025bna simmal ye\u021bwe\u1e63\u1e63i deg-sen, simmal nutni \u021bberri\u1e25en lexba\u1e5b.\n7:37 L\u0263aci wehmen, t\u025be\u01e7\u01e7ben deg wayen ixeddem, qqa\u1e5ben-as : Ayen ixeddem akk igerrez ; ye\u021b\u021barra-d ula \u021b-\u021bimesliwt i i\u025be\u1e93\u1e93ugen yessen\u1e6daq-ed ula d igugamen !\n8:1 Deg wussan-nni, innejma\u025b-ed da\u0263en wa\u1e6das n l\u0263aci, ur s\u025bin ara ayen ara \u010d\u010den. Sidna \u0190isa yessawel i inelmaden-is, yenna-yasen :\n8:2 Tejre\u1e25 tasa-w \u0263ef l\u0263aci-agi, tlata wussan aya i qqimen yid-i, yerna ulac ayen ara \u010d\u010den.\n8:3 Ma yella rri\u0263-ten ansi i d-kkan i la\u1e93, ad nezfen deg webrid axa\u1e6der kra deg-sen usan-d si leb\u025bid.\n8:4 Inelmaden-is rran-as-d : Ansi ara \u0263-d-yekk we\u0263\u1e5bum ara ten-yesse\u1e5bwun deg wemkan-agi yexlan ?\n8:5 Sidna \u0190isa yesteqsa-ten : Ac\u1e25al n te\u1e25bulin n we\u0263\u1e5bum i tes\u025bam ? Rran-as-ed : ?u\u1e5b-nne\u0263 seb\u025ba te\u1e25bulin !\n8:6 Yenna i l\u0263aci ad qqimen \u0263er lqa\u025ba. D\u0263a yeddem-ed seb\u025ba te\u1e25bulin-nni n we\u0263\u1e5bum, ye\u1e25med Sidi \u1e5aebbi, yeb\u1e0da-tent, yefka-tent i inelmaden-is fe\u1e5bqen-tent i l\u0263aci.\n8:7 S\u025ban da\u0263en kra iselman ( i\u1e25ewtiwen ) imec\u1e6da\u1e25. Ye\u1e25med da\u0263en Sidi \u1e5aebbi, yenna-yasen a ten-fe\u1e5bqen i l\u0263aci.\n8:8 ?\u010dan armi \u1e5bwan. Rnan sagren-d azal n seb\u025ba iqecwalen.\n8:9 Llan deg wazal n \u1e5beb\u025ba alaf n yemdanen. Mi fukken lmakla, iserre\u1e25-asen ad u\u0263alen \u0263er ixxamen-nsen.\n8:10 Imiren kan yuli \u0263er teflukt ne\u021b\u021ba d inelmaden-is, \u1e5bu\u1e25en \u0263er le\u01e7wahi n Dalmanuta.\n8:11 \u1e5au\u1e25en-d ifariziyen, bdan \u021bmeslayen d Sidna \u0190isa iwakken a t-je\u1e5b\u1e5bben, ssutren-as ad ixdem lbe\u1e5bhan ara d-i\u1e63ubben seg igenni.\n8:12 Sidna \u0190isa yerra-d nnehta, yenna : Acu\u0263er i yi-d-ssuturen lbe\u1e5bhan yemdanen n l\u01e7il-agi ? S tide\u021b aql-i nni\u0263-awen : d lmu\u1e25al a s-d-i\u021bunefk lbe\u1e5bhan i l\u01e7il-agi !\n8:13 D\u0263a ye\u01e7\u01e7a-ten, yerkeb da\u0263en di teflukt iwakken ad izger agumma\u1e0d.\n8:14 Inelmaden \u021b\u021bun ur wwin ara a\u0263\u1e5bum anagar yiwet n te\u1e25bult i gellan \u0263u\u1e5b-sen di teflukt.\n8:15 Sidna \u0190isa iwe\u1e63\u1e63a-ten, yenna-yasen : ?adret iman-nwen \u0263ef temtunt ( i\u0263es ) n ifariziyen akk-d win n Hi\u1e5budus.\n8:16 Inelmaden qqa\u1e5ben wway gar asen : \u00abYenna-ya\u0263-d ayagi imi ur d newwi ara a\u0263\u1e5bum.\u00bb\n8:17 Mi ge\u1e93ra ayen \u021bxemmimen, yenna-yasen : Acu\u0263er te\u021bxemimem \u0263ef we\u0263\u1e5bum ? Ur\u025bad tfaqem ? Mazal ur tefhimem ara ?\n8:18 E\u025bni qqu\u1e5ben wulawen-nwen ? Tes\u025bam allen ur te\u021bwalim ara, tes\u025bam ime\u1e93\u1e93u\u0263en ur tsellem ara ?\n8:19 Ur tecfim ara mi b\u1e0di\u0263 xemsa te\u1e25bulin-nni n we\u0263\u1e5bum i xemsa alaf n yergazen, ac\u1e25al n i\u1e0della\u025ben n tsigar i tjem\u025bem ? Rran-as : Tnac i\u1e0della\u025ben.\n8:20 I wasmi b\u1e0di\u0263 seb\u025ba te\u1e25bulin n we\u0263\u1e5bum i \u1e5beb\u025ba alaf n yemdanen, ac\u1e25al n tqecwalin ye\u010d\u010du\u1e5ben \u021b-\u021bisigar i d-tjem\u025bem ? Nnan-as : Seb\u025ba n tqecwalin.\n8:21 D\u0263a yenna-yasen : Wer\u025bad tefhimem ihi ?\n8:22 Eww\u1e0den \u0263er temdint n Bitsayda. Wwin-as-d yiwen uder\u0263al, \u1e25ellelen-t iwakken a t-yennal.\n8:23 Sidna \u0190isa ye\u1e6d\u1e6def afus i uder\u0263al-nni, yewwi-t be\u1e5b\u1e5ba n taddart. Yessers imetman \u0263ef wallen n uder\u0263al-nni, yessers ifassen is fell-as yesteqsa-t : Yella kra te\u021bwali\u1e0d ?\n8:24 Yerfed allen-is yenna : ?wali\u0263 imdanen am akken d ttju\u1e5b i gle\u1e25\u1e25un.\n8:25 Sidna \u0190isa i\u025bawed issers-as ifassen \u0263ef wallen, mi gemmuqel uder\u0263al-nni, yu\u0263al-it-id ye\u1e93ri, i\u021bwali akken ilaq.\n8:26 D\u0263a Sidna \u0190isa icegge\u025b-it \u0263er wexxam-is, yenna-yas : Ur ke\u010d\u010dem ara \u0263er taddart.\n8:27 Sidna \u0190isa akk-d inelmaden-is \u1e5bu\u1e25en \u0263er tudrin n Qi\u1e63arya n Filibus. Deg webrid, yesteqsa-ten yenna yasen : D acu-yi \u0263er l\u0263aci ?\n8:28 Rran-as-d : Kra deg-sen qqa\u1e5ben d Ye\u1e25ya a\u0263e\u1e6d\u1e6das i telli\u1e0d, wiya\u1e0d qqa\u1e5ben d Sidna Ilyas, ma d wiya\u1e0d \u1e25esben-k d yiwen si lenbiya.\n8:29 Yerna yesteqsa-ten : I kunwi, d acu-iyi \u0263u\u1e5b-wen ? Bu\u1e6drus yerra-yas : Ke\u010d\u010dini d Lmasi\u1e25. ( ye\u025bni win yexta\u1e5b \u1e5aebbi )\n8:30 Yume\u1e5b-iten iwakken ur \u021b\u025bawaden i yiwen ayagi.\n8:31 Sidna \u0190isa yebda yesselmad-iten yeqqa\u1e5b : Mmi-s n bunadem ilaq ad yen\u025be\u021b\u021bab a\u1e6das ; a t-nekk\u1e5ben lecyux d lmuqedmin imeqqranen akk-d l\u025bulama n ccari\u025ba. A t-n\u0263en, m'ara \u025beddin tlata wussan, a d-i\u1e25yu si ger lmegtin.\n8:32 Yenna-yasen-d ayagi \u025binani. Bu\u1e6drus ijbed-it we\u1e25d-es, ilumm fell-as.\n8:33 Sidna \u0190isa yezzi, imuqel inelmaden-is, yenna i Bu\u1e6drus : Wexxe\u1e5b akkin fell-i a Cci\u1e6dan ! Ixemmimen-ik ma\u010d\u010di n \u1e5aebbi, me\u025bna n yemdanen !\n8:34 Sidna \u0190isa yessawel i l\u0263aci akk-d inelmaden-is, yenna-yasen : Ma yella win yeb\u0263an ad iddu yid-i, ur ilaq ara ad ixemmem \u0263ef yiman-is, me\u025bna ilaq ad iqbel le\u025btab \u0263ef ddemma n yisem-iw, ad ibbib amidag-is, a yi-d-itbe\u025b.\n8:35 Axa\u1e6der win yeb\u0263an ad isellek ta\u1e5bwi\u1e25t-is, a s-t\u1e5bu\u1e25 ; ma d win ara yes\u1e5bu\u1e25en tarwi\u1e25t-is \u0263ef ddemma-w akk-d lexba\u1e5b n lxi\u1e5b, a \u021b-isellek.\n8:36 Ma yella irbe\u1e25-ed wemdan ddunit me\u1e5b\u1e5ba, acu n lfayda i ges\u025ba ma yes\u1e5bu\u1e25 tudert-is ?\n8:37 D acu ara yefk wemdan iwakken ad icafe\u025b ta\u1e5bwi\u1e25t-is ?\n8:38 Ma yella win yesset\u1e25an yis-i akk-d imeslayen-iw ger l\u01e7il-agi amednub, ifesden, ula d Mmi-s n bunadem ad isset\u1e25i yis m'ara d-yas akk-d lmalayekkat iqedsen di l\u025ba\u1e0dima n baba-s.\n9:1 Sidna \u0190isa yenna da\u0263en : -- S tide\u021b a wen-d-ini\u0263, kra seg wid yellan dagi, ur \u021bme\u021b\u021baten ara alamma walan tagelda n \u1e5aebbi tusa-d s tmanegt tameqqrant.\n9:2 Mi \u025beddan se\u021b\u021ba wussan, Sidna \u0190isa yewwi yid-es Bu\u1e6drus, Ye\u025bqub d Yu\u1e25enna, ulin \u0263er yiwen wedrar \u025blayen. Mi llan dinna we\u1e25\u1e25ed-sen, tenbeddal \u1e63\u1e63ifa-s zdat-sen,\n9:3 llebsa-s tu\u0263al \u021b-\u021bamellalt te\u021bfe\u01e7\u01e7i\u01e7, ula d yiwen di ddunit ur izmir a ten yessimlul akken.\n9:4 ?eh\u1e5ben-asen-d nnbi Ilyas akk-d Sidna Musa, \u021bmeslayen d Sidna \u0190isa.\n9:5 Yen\u1e6deq Bu\u1e6drus yenna i Sidna \u0190isa : A Sidi, yelha imi nella dagi. A nesbedd tlata iqi\u1e0dunen ; yiwen i ke\u010d\u010d, waye\u1e0d i Sidna Musa waye\u1e0d i Sidna Ilyas.\n9:6 Ur ye\u1e93ri d acu i d-yeqqa\u1e5b axa\u1e6der tekcem-iten lxel\u025ba \u021b-\u021bameqqrant.\n9:7 Taswi\u025bt kan ters-ed yiwet n tagut t\u0263umm-iten, si tagut-nni ten\u1e6deq-ed yiwet n ta\u0263ect tenna-d : Wagi d Mmi ame\u025bzuz, sme\u1e25siset as !\n9:8 Imiren kan, inelmaden muqlen \u0263er mkul tama, ur walan ula d yiwen, anagar Sidna \u0190isa yellan yid-sen.\n9:9 Mi d-\u1e63ubben seg udrar, Sidna \u0190isa iwe\u1e63\u1e63a-ten : Ur \u1e25ekkut i yiwen ayen te\u1e93ram, alamma ye\u1e25ya-d Mmi-s n bunadem si ger lmegtin.\n9:10 U\u0263en-as awal, d acu kan \u021bemsteqsayen, qqa\u1e5ben : Acu i d lme\u025bna n \u1e25eggu si ger lmegtin ?\n9:11 Inelmaden steqsan-t nnan-as : Acu\u0263er l\u025bulama n ccari\u025ba qqa\u1e5ben-d : ilaq a d-yas uqbel Sidna Ilyas ?\n9:12 Yerra-yasen : ?-\u021bide\u021b, a d-yas uqbel Ilyas, iwakken ad iseggem kullec. lame\u025bna acu\u0263er ye\u021bwakteb \u0263ef Mmi-s n bunadem belli ilaq ad yen\u025be\u021b\u021bab a\u1e6das yerna ad ye\u021bwaqehhe\u1e5b ?\n9:13 Aql-i nni\u0263-awen : Ilyas yusa-d, xedmen deg-s akken b\u0263an, am akken ye\u021bwakteb fell-as di tira iqedsen.\n9:14 Mi d-\u1e63ubben seg udrar, ufan-d l\u0263aci akk-d l\u025bulama n ccari\u025ba zzin i inelmaden nni\u1e0den, \u021bmeslayen yid-sen.\n9:15 Mi d-walan Sidna \u0190isa, dehcen, uzzlen ad selmen fell-as.\n9:16 Sidna \u0190isa yesteqsa-ten : ?ef wacu i te\u021bmeslayem akka yid-sen ?\n9:17 Yiwen wergaz si l\u0263aci-nni yerra-yas-d : A Sidi, wwi\u0263-ak-d mmi axa\u1e6der yesgugem-it u\u1e5bu\u1e25ani.\n9:18 Kra wanda ara t-ye\u1e6d\u1e6def, yesse\u0263lay-it \u0263er lqa\u025ba ; aqcic yessufu\u0263-ed tikufta, ye\u021bqe\u1e5b\u1e5bic tu\u0263mas, ye\u021b\u021bu\u0263al d asemma\u1e0d. ?ellele\u0263 inelmaden-ik a t-ssuf\u0263en seg-s me\u025bna ur zmiren ara.\n9:19 Sidna \u0190isa yenna-yasen : A l\u01e7il i gxu\u1e63\u1e63 liman ! Ar melmi ara yili\u0263 yid-wen ? Ar melmi ara wen-\u1e63eb\u1e5be\u0263 ? Awit-ed aqcic-agi ! Wwin-as-t-id ;\n9:20 akken kan iwala Sidna \u0190isa, a\u1e5bu\u1e25ani-nni yebda ye\u021bhuccu aqcic-nni, yesse\u0263li-t \u0263er lqa\u025ba yessem\u1e5bare\u0263-it armi i s-d yessufe\u0263 tikufta.\n9:21 Sidna \u0190isa yesteqsa baba-s n weqcic-nni yenna-yas : Si melmi i d-ide\u1e5b\u1e5bu yid-es wayagi ? Yerra-yas-d : Seg wasmi yella d amec\u1e6du\u1e25.\n9:22 Ac\u1e25al d abrid i t-idemmer u\u1e5bu\u1e25ani-agi \u0263er tmes d waman iwakken a t-ine\u0263. Tura, ma yella wayen iwumi tzemre\u1e0d, \u1e25unn fell-a\u0263, \u025biwen-a\u0263 !\n9:23 Sidna \u0190isa yerra-yas : Teqqa\u1e5be\u1e0d : ma tzemre\u1e0d... ? Win ye\u021b\u021bamnen yezmer i kullec !\n9:24 Imiren kan, baba-s n weqcic-nni yenna : Umne\u0263 ! Me\u025bna sse\u01e7hed-iyi axa\u1e6der xu\u1e63\u1e63e\u0263 di liman.\n9:25 Sidna \u0190isa mi gwala l\u0263aci uzzlen-d \u0263u\u1e5b-sen, yume\u1e5b i u\u1e5bu\u1e25ani-nni, yenna-yas : Ay a\u1e5bu\u1e25ani ! yesgugumen yes\u025bu\u1e93\u1e93ugen, effe\u0263 seg weqcic-agi ur \u021b\u025bawad ara a\u021b-\u021bkecme\u1e0d deg-s !\n9:26 Imiren i\u025begge\u1e0d, ihucc-it nezzeh, d\u0263a yeffe\u0263 seg-s. Aqcic-nni yu\u0263al am lmegget, daymi a\u1e6das i s-yeqqa\u1e5ben : \u00ab yemmut. \u00bb\n9:27 Me\u025bna Sidna \u0190isa ye\u1e6d\u1e6def-as afus, isekker-it-id, ibedd.\n9:28 Mi kecmen \u0263er wexxam, inelmaden-is steqsan-t : Acu\u0263er ur nezmir ara nukni a nessufe\u0263 a\u1e5bu\u1e25ani-nni ?\n9:29 Yenna-yasen : Iwakken a\u021b-\u021bessuf\u0263em i\u1e5bu\u1e25aniyen am wigi, ilaq a\u021b-\u021be\u021b\u021bu\u1e93umem yerna a\u021b-\u021be\u021b\u1e93allam.\n9:30 \u1e5au\u1e25en syenna, zegren tamurt n Jlili. Sidna \u0190isa ur yeb\u0263i ara ad \u1e93ren l\u0263aci anda i gella,\n9:31 axa\u1e6der yesselmad inelmaden-is, yenna-yasen : Mmi-s n bunadem ad i\u021b\u021busellem ger ifassen n yemdanen, a t-n\u0263en, me\u025bna tlata wussan mbe\u025bd lmut-is a d-i\u1e25yu.\n9:32 Inelmaden-is ur fhimen ara lme\u025bna n wawal-agi, yerna kukran a t-steqsin.\n9:33 Mi eww\u1e0den \u0263er temdint n Kaferna\u1e25um. llan deg wexxam, Sidna \u0190isa yesteqsa-ten : ?ef wacu i te\u021bmeslayem deg webrid ?\n9:34 Lame\u025bna ssusmen akken ma llan, axa\u1e6der deg webrid \u021bmesteqsayen anwa i d ameqqran gar-asen.\n9:35 Sidna \u0190isa yeqqim, yessawel i tnac-nni inelmaden-is, yenna-yasen : Win yeb\u0263an ad yili d amezwaru, ilaq ad yeqqim d aneggaru, ad yu\u0263al d aqeddac i mkul yiwen.\n9:36 Yeddem-ed yiwen weqcic amec\u1e6du\u1e25, yesbedd-it zdat-sen d\u0263a yerfed-it ger ifassen-is, yenna-yasen :\n9:37 Win iqeblen aqcic amec\u1e6du\u1e25 am wagi \u0263ef ddemma n yisem-iw, d nekk i geqbel, win i yi-qeblen ma\u010d\u010di d nekk i geqbel lame\u025bna yeqbel Win i yi-d icegg\u025ben.\n9:38 Yu\u1e25enna yenna i Sidna \u0190isa : A Sidi, nwala yiwen wergaz yessufu\u0263 le\u01e7nun s yisem-ik ; nugi-yas imi ur iteddu ara yid-nne\u0263.\n9:39 Sidna \u0190isa yerra-yas : Aneft-as, imi ulac win izemren ad ixdem lbe\u1e5bhan s yisem-iw, imiren ad yehde\u1e5b ayen n diri fell-i.\n9:40 Win ur nelli ara d a\u025bdaw-nne\u0263, yid-nne\u0263 i gella.\n9:41 Kra win ara wen-d-yefken lkas n waman imi d inelmaden n Lmasi\u1e25 i tellam, a wen-ini\u0263 s tide\u021b, lxi\u1e5b-is ur s-ye\u021bwanka\u1e5b ara .\n9:42 Win ara yilin d sebba n tucc\u1e0da i yiwen seg imec\u1e6du\u1e25en-agi yumnen yis-i, axi\u1e5b-as a s-\u025belqen \u0263er temge\u1e5b\u1e6d a\u0263a\u1e5bef n tsirt, a t-\u1e0degg\u1e5ben \u0263er leb\u1e25e\u1e5b.\n9:43 Ma yella d afus-ik i d sebba n tucc\u1e0da, gzem-it ; axi\u1e5b-ak a\u021b-\u021bkecme\u1e0d \u0263er tudert n dayem s yiwen ufus wala a\u021b-\u021bkecme\u1e0d s sin ifassen \u0263er \u01e7ahennama, a\u021b-\u021be\u021bwa\u1e0deggre\u1e0d \u0263er tmes ur nxe\u021b\u021bi.\n9:44 [Dinna awekkiw ite\u021b\u021ben l\u01e7e\u021b\u021bat ur ye\u021bme\u021b\u021bat ara, times ur txe\u021b\u021bi ara ma\u1e0di.]\n9:45 Ma yella d a\u1e0da\u1e5b-ik i d sebba n tucc\u1e0da, gzem-it ;axi\u1e5b-ak a\u021b-\u021bkecme\u1e0d \u0263er tudert n dayem s yiwen u\u1e0dar wala a\u021b-\u021bkecme\u1e0d s sin i\u1e0da\u1e5b\u1e5ben \u0263er \u01e7ahennama, a\u021b-\u021be\u021bwa\u1e0deggre\u1e0d \u0263er tmes ur nxe\u021b\u021bi.\n9:46 [Dinna awekkiw ite\u021b\u021ben l\u01e7e\u021b\u021bat ur ye\u021bme\u021b\u021bat ara, times ur txe\u021b\u021bi ara ma\u1e0di.]\n9:47 Da\u0263en ma yella \u021b-\u021bi\u1e6d-ik i gellan d sebba n tucc\u1e0da, qle\u025b-i\u021b-id ; axi\u1e5b-ak a\u021b-\u021bkecme\u1e0d \u0263er tgelda n Sidi \u1e5aebbi s yiwet n ti\u1e6d, wala a\u021b-\u021bwa\u1e0degg\u1e5be\u1e0d s snat wallen \u0263er \u01e7ahennama.\n9:48 Dinna awekkiw ite\u021b\u021ben l\u01e7e\u021b\u021bat ur ye\u021bme\u021b\u021bat ara, times ur txe\u021b\u021bi ara ma\u1e0di.\n9:49 Axa\u1e6der mkul amdan ilaq ad ye\u021bwamelle\u1e25 s tmes.\n9:50 Lmel\u1e25, d ayen yelhan ; me\u025bna ma t\u1e5bu\u1e25-as lbenna-s, s wacu ara t-tmell\u1e25em ?\n9:51 S\u025but lmel\u1e25 deg yiman-nwen, t\u025bicem wway gar-awen di lehna.\n10:1 Sidna \u0190isa ye\u1e6d\u1e6def abrid \u0263er tmurt n Yahuda agumma\u1e0d i wasif n Urdun. Nnejma\u025ben-d da\u0263en \u0263u\u1e5b-es a\u1e6das n l\u0263aci. Yebda yesselmad-iten akken yennum.\n10:2 Ifariziyen qesden-t-id a t-je\u1e5b\u1e5bben. Steqsan-t nnan-as : Ye\u1e25lel i wergaz ad yebru i tme\u1e6d\u1e6dut-is ne\u0263 ala ?\n10:3 Yerra-yasen : Acu n lame\u1e5b i wen-d-ye\u01e7\u01e7a Musa ?\n10:4 Nnan-as : Sidna Musa issere\u1e25-a\u0263 a nebru i tme\u1e6d\u1e6dut-nne\u0263 ma nefka-yas le\u025bqed n berru.\n10:5 Sidna \u0190isa yerra-yasen : ?ef ddemma n wulawen-nwen yeqqu\u1e5ben i wen-d-ye\u01e7\u01e7a lame\u1e5b-agi.\n10:6 Lame\u025bna di tazwara, Sidi \u1e5aebbi ixleq-ed argaz \u021b-\u021bme\u1e6d\u1e6dut .\n10:7 Daymi : Argaz ad ye\u01e7\u01e7 baba-s akk-d yemma-s,iwakken ad i\u025bic \u021b-\u021bme\u1e6d\u1e6dut-is.\n10:8 Imiren, di sin yid-sen ad u\u0263alen d yiwet n l\u01e7e\u021b\u021ba. S wakka, ur llin ara d sin me\u025bna ad u\u0263alen d yiwen.\n10:9 Ihi, ur fe\u1e5bqet ara wayen yesdukkel \u1e5aebbi.\n10:10 Mi llan deg wexxam, steqsan-t da\u0263en inelmaden-is \u0263ef wannect-nni.\n10:11 Yerra-yasen : Kra win ara yebrun i tme\u1e6d\u1e6dut-is yu\u0263 taye\u1e0d, ixde\u025b tame\u1e6d\u1e6dut tamezwarut, yezna.\n10:12 Akken da\u0263en, tame\u1e6d\u1e6dut ara yebrun i wergaz-is a\u021b-\u021ba\u0263 waye\u1e0d, tezna.\n10:13 Kra yemdanen wwin-as-d arrac imec\u1e6du\u1e25en iwakken ad yessers ifassen-is fell-asen, me\u025bna inelmaden \u021b\u021baran-ten.\n10:14 Mi ten-iwala Sidna \u0190isa, yez\u025bef fell-asen yenna-yasen : Anfet i warrac a d-asen \u0263u\u1e5b-i ! Ur ten-\u021b\u021barrat ara, axa\u1e6der tagelda n \u1e5aebbi i wid yellan am nutni.\n10:15 A wen-ini\u0263 tide\u021b : kra win ur neqbil ara tagelda n \u1e5aebbi am weqcic amec\u1e6du\u1e25, ur \u021b-ike\u010d\u010dem ara.\n10:16 Imiren issuden-iten, yessers ifassen-is fell-asen, d\u0263a iburek-iten.\n10:17 Akken iteddu Sidna \u0190isa ad i\u1e5bu\u1e25, ataya yiwen ilem\u1e93i ye\u0263li \u0263ef tgecrar zdat-es, yenna-yas : A ccix yelhan, d acu ilaqen a t-xedme\u0263 iwakken ad s\u025bu\u0263 tudert n dayem ?\n10:18 Sidna \u0190isa yerra-yas : Acu\u0263e\u1e5b i yi-tsemma\u1e0d \u00ab win yelhan \u00bb ? Ulac win yelhan, anagar \u1e5aebbi we\u1e25d-es.\n10:19 Tessne\u1e0d ccari\u025ba n Musa : Ur tneqqe\u1e0d ara, ur tzennu\u1e0d ara, ur te\u021b\u021bak\u1e5be\u1e0d ara, ur te\u021bcehhi\u1e0de\u1e0d ara s \u1e93\u1e93ur, ur txedd\u025be\u1e0d ( te\u021b\u1e0du\u1e5bu\u1e0d ) ara, a\u021b-\u021bqad\u1e5be\u1e0d baba-k d yemma-k.\n10:20 Yerra-yas : A Sidi, ayagi akk xedme\u0263-t seg wasmi lli\u0263 d ame\u1e93yan.\n10:21 Sidna \u0190isa imuqel-it s le\u1e25nana yenna-yas : Txu\u1e63\u1e63-ik kan yiwet n l\u1e25a\u01e7a : \u1e5bu\u1e25, zzenz akk ayen tes\u025bi\u1e0d, tseddqe\u1e0d-t i ime\u0263ban iwakken a\u021b-\u021bes\u025bu\u1e0d agerruj deg igenni ; imiren as-ed tbe\u025b-iyi-d.\n10:22 Mi gesla ilem\u1e93i-nni i imeslayen n Sidna \u0190isa, yennu\u0263na. I\u1e5bu\u1e25 s le\u1e25zen axa\u1e6der yes\u025ba a\u1e6das n cci.\n10:23 Sidna \u0190isa imuqel wid i s-d-izzin, yenna i inelmaden-is : Ac\u1e25al i gew\u025be\u1e5b i wid yes\u025ban cci ad kecmen \u0263er tgelda n Sidi \u1e5aebbi !\n10:24 Inelmaden-is dehcen mi slan imeslayen-agi. Sidna \u0190isa yenna-yasen da\u0263en : Ac\u1e25al i gew\u025be\u1e5b unekcum \u0263er tgelda n Sidi \u1e5aebbi a tarwa !\n10:25 Ishel-as i wel\u0263em ad i\u025beddi di ti\u1e6d n tissegnit wala i ume\u1e5bkanti ad ikcem \u0263er tgelda n Sidi \u1e5aebbi.\n10:26 Ayagi issewhem inelmaden akte\u1e5b, qqa\u1e5ben wway gar-asen : Ihi, anwa i gzemren ad i\u021b\u021busellek ?\n10:27 Sidna \u0190isa imuqel-iten, yenna yasen : Ayen yellan d lmu\u1e25al i wemdan yeshel i Sidi \u1e5aebbi, imi Sidi \u1e5aebbi yezmer i kullec.\n10:28 Bu\u1e6drus yenna-yas : Aql-a\u0263 ne\u01e7\u01e7a kullec yerna netbe\u025b-ik.\n10:29 Sidna \u0190isa yenna-yasen : A wen-d-ini\u0263 tide\u021b : win ye\u01e7\u01e7an axxam-is, ayetma-s, yessetma-s, yemma-s, baba-s, arraw-is, tiferkiwin-is ( akal-is ), \u0263ef ddemma-w akk-d ddemma n ubecce\u1e5b n lexba\u1e5b n lxi\u1e5b,\n10:30 a s-d-ye\u021b\u021bunefk meyya iberdan akte\u1e5b di lweqt-agi : ixxamen, atmaten, tiyestmatin, tiyemmatin, dderya akk-d tferkiwin me\u025bna s wa\u1e6das n uqehhe\u1e5b ; di lweqt i d-iteddun a s-d-te\u021b\u021bunefk tudert n dayem.\n10:31 A\u1e6das seg imezwura ara yu\u0263alen d ineggura, a\u1e6das seg ineggura ara yu\u0263alen d imezwura.\n10:32 Llan le\u1e25\u1e25un iwakken ad alin \u0263er temdint n Lquds, Sidna \u0190isa yezwar zdat-nsen. Inelmaden-nni xel\u025ben, ma d wid i d-iteb\u025ben deffir-sen, ikcem iten lxuf. Sidna \u0190isa yewwi da\u0263en yid-es tnac-nni n inelmaden, ixebbe\u1e5b- iten s wayen ara yed\u1e5bun yid-es.\n10:33 Yenna-yasen : Atan a nali \u0263er temdint n Lquds, Mmi-s n bunadem ad i\u021bwasellem ger ifassen n lmuqedmin imeqqranen d l\u025bulama, ad \u1e25ekmen fell-as s lmut, a t-sellmen ger ifassen n ikafriwen.\n10:34 Ad \u1e0dsen fell-as, a t-ssusfen, a t-wten s ujelkka\u1e0d, a t-n\u0263en, m'ara \u025beddin tlata wussan, a d-i\u1e25yu si ger lmegtin.\n10:35 Ye\u025bqub d Yu\u1e25enna yellan d arraw n Zabadi qe\u1e5b\u1e5bben \u0263er Sidna \u0190isa nnan-as : A Sidi, neb\u0263a a \u0263-txedme\u1e0d ayen akka ara k-d-nessuter.\n10:36 Yenna-yasen : D acu teb\u0263am a wen-t-xedme\u0263 ?\n10:37 Nnan-as : Efk-a\u0263 imukan di l\u025ba\u1e0dima-k, wa \u0263er tama-k tayeffust, wa \u0263er tama-k ta\u1e93elma\u1e6d.\n10:38 Sidna \u0190isa yenna-yasen : Ur te\u1e93rim ara ayen akka i yi-d tessuturem. E\u025bni tzemrem a\u021b-\u021beswem lkas-agi n lem\u1e5ba\u1e5b ara swe\u0263 ? Ne\u0263 tzemrem a d-t\u025beddim seg we\u0263\u1e0das-agi s wayes ara \u021bwa\u0263e\u1e0dse\u0263 ?\n10:39 Nnan-as : Ih a Sidi, nezmer. Sidna \u0190isa yenna-yasen : ?-\u021bide\u021b, a\u021b-\u021beswem lkas-agi n lem\u1e5ba\u1e5b ara swe\u0263, yernu a\u021b-\u021b\u025beddim seg we\u0263\u1e0das s wayes ara \u021bwa\u0263e\u1e0dse\u0263.\n10:40 Ma yella d ayen ye\u025bnan imukan \u0263er uyeffus-iw ne\u0263 \u0263er uzelma\u1e0d-iw, ma\u010d\u010di deg ufus-iw i gella, me\u025bna ad \u021b\u021bunefken i wid iwumi \u021bwaheggan.\n10:41 Mi slan i waya, \u025bec\u1e5ba n inelmaden nni\u1e0den rfan \u0263ef Ye\u025bqub akk-d Yu\u1e25enna.\n10:42 Sidna \u0190isa yessawel asen yenna-yasen : Twalam ayen i\u1e0de\u1e5b\u1e5bun di ddunit : wid ne\u021bwali d igelliden akk-d d imeqqranen n yegduden \u021bqehhi\u1e5ben l\u0263aci-nsen yerna \u1e25ekkmen fell-asen s \u1e93\u1e93ur !\n10:43 Ur ilaq ara ad yili wannect-a gar-awen. Me\u025bna win yeb\u0263an ad yili d ameqqran gar-awen ilaq ad yu\u0263al d aqeddac-nwen.\n10:44 Win yeb\u0263an da\u0263en amkan amezwaru, ilaq ad yili d aqeddac-nwen me\u1e5b\u1e5ba.\n10:45 Axa\u1e6der Mmi-s n bunadem ur d-yusi ara iwakken ad qedcen fell-as wiya\u1e0d, me\u025bna d ne\u021b\u021ba ara iqedcen fell-asen, yerna ad yefk tudert-is d asfel \u0263ef wa\u1e6das n yemdanen.\n10:46 Sidna \u0190isa akk-d inelmaden-is w\u1e0den \u0263er temdint n Yiriku. Mi d-ff\u0263en si temdint, ddan-d yid-sen a\u1e6das n l\u0263aci. Ataya yiwen uder\u0263al isem-is Ba\u1e5btimay mmi-s n Timay, yeqqim \u1e6d\u1e6derf n webrid yessutur tin n \u1e5aebbi.\n10:47 Mi gesla belli d \u0190isa ana\u1e63ari i d-i\u025beddan, yebda ye\u021b\u025beggi\u1e0d yeqqa\u1e5b : A \u0190isa, a Mmi-s n Sidna Dawed, \u1e25unn fell-i !\n10:48 A\u1e6das i ge\u021b\u025beggi\u1e0den fell-as iwakken ad issusem, me\u025bna ne\u021b\u021ba ye\u021bsu\u0263u akte\u1e5b yeqqa\u1e5b : A mmi-s n Sidna Dawed, \u1e25unn fell-i !\n10:49 Sidna \u0190isa i\u1e25bes yenna : Siwlet-as. Ssawlen-as, nnan-as : Ur \u021b\u021baggad ara, kker fell-ak, atan yessawel-ak-ed.\n10:50 Ader\u0263al-nni i\u1e0degge\u1e5b abe\u1e5bnus-is, ijelleb-ed, yusa-d \u0263er Sidna \u0190isa.\n10:51 Sidna \u0190isa yen\u1e6deq \u0263u\u1e5b-es yenna-yas : D acu teb\u0263i\u1e0d a k-t-xedme\u0263 ? Ader\u0263al-nni yenna-yas : A Sidi, b\u0263i\u0263 a yi-d-yu\u0263al ye\u1e93ri.\n10:52 D\u0263a Sidna \u0190isa yenna-yas : \u1e5au\u1e25, liman-ik isellek-ik. Imiren kan, yu\u0263al-it-id ye\u1e93ri, yet\u1e0dfer Sidna \u0190isa deg webrid.\n11:1 Mi q\u1e5bib ad aw\u1e0den \u0263er temdint n Lquds, zdat n tuddar n Bitfaji akk-d Bitanya \u0263er tama n yi\u0263il n uzemmur, Sidna \u0190isa icegge\u025b sin seg inelmaden-is\n11:2 yenna-yasen : \u1e5au\u1e25et \u0263er taddart-nni yellan zdat-wen, m'ara taw\u1e0dem a\u021b-\u021bafem a\u0263yul d amec\u1e6du\u1e25 yeqqen, le\u025bme\u1e5b yerkeb fell-as ula d yiwen. Fsit-as-ed cced tawim-t-id.\n11:3 Ma yella win i wen-d-yennan : \u00ab acimi txeddmem ayagi ? \u00bb Innit-as : \u00ab ye\u1e25wa\u01e7-it Ssid-nne\u0263, taswi\u025bt kan a wen-t id-yerr. \u00bb\n11:4 \u1e5au\u1e25en inelmaden-nni ufan a\u0263yul deg webrid yeqqen \u0263er tewwurt n yiwen n wexxam, fsin-as ccedd.\n11:5 Kra seg wid yellan dinna nnan asen : D acu txeddmem akka ? Acu\u0263er i d-tser\u1e25em i we\u0263yul-agi ?\n11:6 Rran-asen akken i sen-d-yenna Sidna \u0190isa, d\u0263a \u01e7\u01e7an-ten.\n11:7 Wwin-d a\u0263yul-nni i Sidna \u0190isa, ssersen fell-as llebsa-nsen iwakken ad yerkeb fell-as.\n11:8 A\u1e6das i s-i\u021bessun llebsa-nsen deg webrid, ma d wiya\u1e0d \u021bessun-as tise\u1e0dwa i d-ge?men si lexla.\n11:9 Wid yezwaren d wid yettaba\u025ben \u021b\u025beggi\u1e0den : \u00ab ?usana, ad ye\u021b\u021bubarek win i d-yusan s \u0263u\u1e5b Sidi \u1e5aebbi !\n11:10 Te\u021b\u021bubarek tgeldit i d-yusan, tageldit n Sidna Dawed baba-tne\u0263 ! ?usana ( tamanegt ) deg imukan \u025blayen. \u00bb\n11:11 Sidna \u0190isa yewwe\u1e0d \u0263er temdint n Lquds, yekcem \u0263er l\u01e7ame\u025b iqedsen. Imuqel ayen akk i gde\u1e5b\u1e5bun dina, imiren mi ge\u1e93ra ifut l\u1e25al, i\u1e5bu\u1e25 \u0263er taddart n Bitanya ne\u021b\u021ba d tnac inelmaden-is.\n11:12 Azekka-nni akken ff\u0263en si taddart n Bitanya, Sidna \u0190isa yellu\u1e93.\n11:13 Iwala si lbe\u025bd tame\u0263\u1e5bust yes\u025ban iferrawen, i\u1e5bu\u1e25 ad iqelleb kra ibaku\u1e5ben ara ye\u010d\u010d. Mi gqe\u1e5b\u1e5beb \u0263u\u1e5b-es, yufa deg-s anagar iferrawen, axa\u1e6der ma\u010d\u010di d lawan n lex\u1e5bif.\n11:14 Yen\u1e6deq \u0263u\u1e5b-es zdat n inelmaden-is, yenna-yas : Ur te\u021b\u021bu\u0263ale\u1e0d ara a d-tefke\u1e0d lfakya !\n11:15 Mi ww\u1e0den \u0263er temdint n Lquds, Sidna \u0190isa yekcem \u0263er l\u01e7ame\u025b iqedsen, yebda itellif wid ye\u021b\u021ba\u0263en znuzun dinna. Yeqleb \u1e6d\u1e6dwabel d ikersiyen n wid i\u021bbeddilen idrimen akk-d wid yeznuzun itbiren.\n11:16 Ur ye\u01e7\u01e7i ula d yiwen ad yawi yid-es l\u1e25a\u01e7a \u0263er daxel n l\u01e7ame\u025b.\n11:17 D\u0263a yesselmed l\u0263aci s imeslayen-agi : E\u025bni ur ye\u021bwakteb ara : Axxam-iw ad i\u021b\u021busemmi d axxam n t\u1e93allit i le\u01e7nas me\u1e5b\u1e5ba, ma d kunwi terram-t d axxam n imakaren !\n11:18 Mi s-slan, lmuqedmin imeqqranen d l\u025bulama uggaden-t, imiren \u021bnadin amek ara t-n\u0263en, axa\u1e6der l\u0263aci me\u1e5b\u1e5ba wehmen deg uselmed-ines.\n11:19 Mi d-ye\u0263li yi\u1e0d, Sidna \u0190isa d inelmaden-is ff\u0263en si temdint.\n11:20 Azekka-nni \u1e63\u1e63be\u1e25 mi d-\u025beddan syenna, inelmaden-is walan tame\u0263\u1e5bust nni teqqu\u1e5b armi d i\u1e93uran.\n11:21 Bu\u1e6drus yemmekta-d ayen i\u025beddan, yenna i Sidna \u0190isa : A Sidi, muqel ! Tame\u0263\u1e5bust-nni iwumi ted\u025bi\u1e0d teqqu\u1e5b !\n11:22 Sidna \u0190isa yen\u1e6deq yenna : A wen-d-ini\u0263 tide\u021b :\n11:23 ma yenna waleb\u025ba\u1e0d i wedrar-agi \u00ab qle\u025b syenna t\u1e0degg\u1e5be\u1e0d iman-ik \u0263er leb\u1e25e\u1e5b\u00bb ma yumen ur icukket ara, atan a d-yed\u1e5bu wayen i d-yenna.\n11:24 Daymi i wen-qqa\u1e5be\u0263 : kra wayen ara tessutrem i \u1e5aebbi di t\u1e93allit, amnet belli yewwe\u1e0d-ikkun-id yerna a wen-d-i\u021b\u021bunefk.\n11:25 M'ara tekkrem a\u021b-\u021b\u1e93allem yili te\u1e6d\u1e6dfem cce\u1e25na i waleb\u025ba\u1e0d, semm\u1e25et-as, iwakken baba-twen yellan deg igenwan a wen-isemme\u1e25 ula i kunwi ddnubat nwen.\n11:26 [ Me\u025bna ma yella ur te\u021bsemmi\u1e25em ara i wiya\u1e0d, baba-twen yellan deg igenwan ur wen-i\u021bsemmi\u1e25 ara ddnubat-nwen da\u0263en i kunwi. ]\n11:27 U\u0263alen \u0263er temdint n Lquds. Di teswi\u025bt-nni, Sidna \u0190isa yella itezzi di L\u01e7ame\u025b iqedsen ; lmuqedmin imeqqranen d l\u025bulama akk-d lecyux, qe\u1e5b\u1e5bben-d \u0263u\u1e5b-es\n11:28 nnan-as : Ansi i k-d-tekka l\u1e25ekma-agi ? Anwa i k-d-yefkan tazmert a\u021b- \u021bxedme\u1e0d ayagi ?\n11:29 Sidna \u0190isa yerra-yasen : Ula d nekk a kkun-steqsi\u0263 s yiwen usteqsi kan, ma terram-iyi-d, a wen-d-ini\u0263 ansi i yi-d-tekka l\u1e25ekma s wayes i xeddme\u0263 ayagi :\n11:30 Anwa i d-icegg\u025ben Ye\u1e25ya ad isse\u0263\u1e0des deg waman, d \u1e5aebbi ne\u0263 d imdanen ? Erret-iyi-d !\n11:31 Bdan \u021bemcawa\u1e5ben wway gar asen qqa\u1e5ben : ma nerra-yas : \u00ab d \u1e5aebbi i t-id icegg\u025ben\u00bb, a \u0263-d-yini : \u00ab acimi ihi ur tuminem ara s Ye\u1e25ya ? \u00bb\n11:32 Ma nenna-d : \u00ab d imdanen i t-id icegg\u025ben... \u00bb Uggaden ma nnan-d akken, axa\u1e6der l\u0263aci umnen akk belli Ye\u1e25ya d nnbi.\n11:33 Ihi rran-as i Sidna \u0190isa : Ur ne\u1e93ri ara ! Sidna \u0190isa yerra-yasen : Ula d nekk ur wen-d-qqa\u1e5be\u0263 ara ansi i yi-d-tekka l\u1e25ekma s wayes xeddme\u0263 ayagi.\n12:1 Sidna \u0190isa yebda i\u021bmeslay-asen s lemtul : Yiwen wergaz ye\u1e93\u1e93a tafe\u1e5b\u1e5bant, ize\u1e5b\u1e5beb-i\u021b, ye\u0263za amkan i t\u025be\u1e63\u1e63art n t\u1e93urin yerna yebna taxxamt n t\u025bessast. Issekra-\u021b i ixemmasen n tfe\u1e5b\u1e5bant imiren i\u1e5bu\u1e25 ad yinig.\n12:2 Mi d-yewwe\u1e0d lweqt n t\u1e93urin, icegge\u025b aqeddac-is \u0263er ixemmasen-nni iwakken a s-d-fken amur-is.\n12:3 Me\u025bna \u1e6d\u1e6dfen aqeddac-nni, wwten-t, qec\u025ben-t ifassen-is d ilmawen.\n12:4 Icegge\u025b-asen aqeddac wis sin , reggmen-t yerna wwten-t ula d ne\u021b\u021ba \u0263er uqe\u1e5b\u1e5buy.\n12:5 Icegge\u025b-asen aqeddac wis tlata, wagi n\u0263an-t. Icegge\u025b-asen a\u1e6das iqeddacen nni\u1e0den, kra n\u0263an-ten kra wten-ten .\n12:6 Yeqqim-as-d anagar mmi-s ame\u025bzuz. Icegge\u025b-it d aneggaru \u0263u\u1e5b-sen, yenna : \u00ab ahat a t-qad\u1e5ben imi d mmi. \u00bb\n12:7 Me\u025bna ixemmasen-agi nnan wway gar-asen : \u00ab atan win ara iwe\u1e5bten ! Ekkret a t-nenne\u0263 iwakken lwe\u1e5bt nni ad yu\u0263al d ayla-nne\u0263 !\u00bb\n12:8 ?\u1e6dfen-t-id wwten-t armi yemmut, imiren \u1e0degg\u1e5ben-t \u0263er be\u1e5b\u1e5ba n tfe\u1e5b\u1e5bant.\n12:9 D acu ara yexdem tura bab n tfe\u1e5b\u1e5bant ? A d-yas ne\u021b\u021ba s yiman-is, ad ine\u0263 ixemmasen-nni ad yernu ad iwekkel tafe\u1e5b\u1e5bant-nni i wiya\u1e0d.\n12:10 E\u025bni ur te\u0263\u1e5bim ara awal-agi n tira iqedsen ? Ad\u0263a\u0263 i \u1e0degg\u1e5ben wid ibennun, d ne\u021b\u021ba i gu\u0263alen d az\u1e5bu alemmas ye\u1e6d\u1e6dfen lebni.\n12:11 Ayagi yekka-d s \u0263u\u1e5b Sidi \u1e5aebbi, yerna \u0263er \u0263u\u1e5b-nne\u0263 d ayen i gessewhamen !\n12:12 Faqen belli fell-asen i d-yewwi lemtel-agi. B\u0263an a t-\u1e6d\u1e6dfen imiren, lame\u025bna uggaden l\u0263aci ; d\u0263a \u01e7\u01e7an-t, \u1e5bu\u1e25en.\n12:13 Kra ifariziyen akk-d kra seg wid yellan si terba\u025bt n Hi\u1e5budus, cegg\u025ben \u0263er Sidna \u0190isa iwakken a t-id-sse\u0263lin deg wawal akken a t-\u1e6d\u1e6dfen s imeslayen-is.\n12:14 Usan-d nnan-as : A Sidi, ne\u1e93ra belli thedd\u1e5be\u1e0d \u1e63\u1e63e\u1e25, ur txeddme\u1e0d ara lxilaf ger yemdanen, tesselmade\u1e0d abrid n \u1e5aebbi s tide\u021b. Ini-ya\u0263-d : d le\u1e25lal ne\u0263 d le\u1e25\u1e5bam fell-a\u0263 ma nxelle\u1e63 tabzert i wugellid Qay\u1e63er (yes\u1e6de\u025bme\u1e5ben tamurt-nne\u0263) ?\n12:15 Sidna \u0190isa ifaq i t\u1e25ila-nsen, yenna-yasen : Acu\u0263er i yi-d-tneddim tifxe\u021b ? Awit-iyi-d a\u1e63urdi iwakken a t-\u1e93re\u0263.\n12:16 Fkan-as-d a\u1e63urdi d\u0263a yenna yasen : Udem-agi d wayen yuran fell-as wi ten-ilan ? Nnan-as : N Qay\u1e63er. Imiren Sidna \u0190isa yenna-yasen :\n12:17 Erret ihi i Qay\u1e63er ayen yellan n Qay\u1e63e\u1e5b, terrem i \u1e5aebbi ayen yellan n \u1e5aebbi. Qqimen wehmen deg-s.\n12:18 Isaduqiyen yellan d wid ur ne\u021b\u021bamen ara s \u1e25eggu n lmegtin, usan-d \u0263er Sidna \u0190isa steqsan-t :\n12:19 A Sidi, atan wayen i \u0263-d ye\u01e7\u01e7a Sidna Musa di ccari\u025ba : Ma yella yemmut wergaz ye\u01e7\u01e7a-d tame\u1e6d\u1e6dut-is, m'ur yes\u025bi ara dderya, ilaq gma-s ad yerr tame\u1e6d\u1e6dut-nni iwakken a d-yes\u025bu dderya i gma-s yemmuten.\n12:20 Llan ihi seb\u025ba watmaten : amezwaru yezwe\u01e7 yu\u0263al yemmut ur d-ye\u01e7\u01e7i ara dderya.\n12:21 Wis sin yu\u0263 ta\u01e7\u01e7alt-nni, yemmut ula d ne\u021b\u021ba mbla ma ye\u01e7\u01e7a-d dderya. Akken da\u0263en i ted\u1e5ba d wis tlata,\n12:22 ula d yiwen si seb\u025ba-nni i gzew\u01e7en yid-es ur d-ye\u01e7\u01e7i dderya. ?er taggara, ula \u021b-\u021bame\u1e6d\u1e6dut-nni temmut.\n12:23 Asmi ara d-\u1e25yun lmegtin, anwa si seb\u025ba watmaten-nni ara \u021b-yes\u025bun \u021b-\u021bame\u1e6d\u1e6dut-is imi i \u021b-u\u0263en di seb\u025ba yid-sen ?\n12:24 Sidna \u0190isa yerra-yasen : T\u0263el\u1e6dem ! Ur tefhimem tira iqedsen, ur tessinem tazmert n \u1e5aebbi.\n12:25 Axa\u1e6der ass n \u1e25eggu n lmegtin, irgazen \u021b-\u021blawin ur \u021bemyezwa\u01e7en ara, lame\u025bna ad ilin am lmalayekkat deg igenwan.\n12:26 Ma d ayen ye\u025bnan \u1e25eggu n lmegtin, le\u025bme\u1e5b ur te\u0263\u1e5bim di tektabt n Musa, mi t-id-ilu\u025ba Sidi \u1e5aebbi zdat udarnu ireqqen ? Yenna-yas-d : Nekk d Illu n Ib\u1e5bahim, d Illu n Is\u1e25aq, d Illu n Ye\u025bqub.\n12:27 Ihi \u1e5aebbi ma\u010d\u010di d Illu n lmegtin i gella, lame\u025bna d Illu n wid yeddren. S tide\u021b, atan t\u0263el\u1e6dem a\u1e6das.\n12:28 Yiwen n umusnaw n ccari\u025ba mi ge\u1e93ra Sidna \u0190isa ijaweb akken ilaq, iqe\u1e5b\u1e5beb \u0263u\u1e5b-es yenna-yas : Anwa i d lame\u1e5b ameqqran di ccari\u025ba ?\n12:29 Sidna \u0190isa yerra-yas : Atah lame\u1e5b ameqqran : ?ess-ed ay agdud n Is\u1e5bail ! Sidi \u1e5aebbi-nne\u0263 d yiwen.\n12:30 Ilaq a\u021b-\u021b\u1e25emmle\u1e0d Sidi \u1e5aebbi s wul-ik, s te\u1e5bwi\u1e25t-ik akk, s wayen yellan di tezmert-ik akk-d l\u025beqliya-k me\u1e5b\u1e5ba .\n12:31 Atah wis sin : Ilaq a\u021b-\u021b\u1e25emle\u1e0d l\u0263i\u1e5b-ik am yiman-ik. Ulac lame\u1e5b yugaren wigi.\n12:32 L\u025balem-nni yenna-yas : ?-\u021bide\u021b a Sidi ! Ayen i d-tenni\u1e0d d \u1e63\u1e63e\u1e25 ; \u1e5aebbi d yiwen ulac waye\u1e0d.\n12:33 Yerna ma n\u1e25emmel-it s wul-nne\u0263, s l\u025beqliya-nne\u0263, akk-d wayen yellan di \u021bezmert-nne\u0263 me\u1e5b\u1e5ba, ma n\u1e25emmel da\u0263en l\u0263i\u1e5b-nne\u0263 am yiman-nne\u0263, annect-agi axi\u1e5b n iseflawen akk-d lew\u025badi.\n12:34 Sidna \u0190isa mi t-iwala ijaweb-ed s tmusni, yenna-yas : Ur teb\u025bide\u1e0d ara \u0263ef tgelda n Sidi \u1e5aebbi. Ulac win i s-d-yernan asteqsi nni\u1e0den.\n12:35 Mi gella Sidna \u0190isa yesselmad di l\u01e7ame\u025b iqedsen yenna : Amek armi imusnawen n ccari\u025ba qqa\u1e5ben-d belli Lmasi\u1e25 d mmi-s n Sidna Dawed ?\n12:36 S \u1e5a\u1e5bu\u1e25 iqedsen i d-yenna Dawed s yiman-is : Sidi \u1e5aebbi yenna-d i Sidi : Qqim \u0263er tama-w tayeffust alamma rri\u0263 i\u025bdawen-ik seddaw i\u1e0da\u1e5b\u1e5ben-ik.\n12:37 Dawed s yiman-is issawel-as \u00ab a Sidi \u00bb, amek ihi yezmer ad yili d mmi-s ? A\u1e6das n l\u0263aci i s-yesme\u1e25sisen s lfe\u1e5b\u1e25.\n12:38 Sidna \u0190isa yesselmad l\u0263aci yeqqa\u1e5b-asen : ?adret da\u0263en iman-nwen \u0263ef yimusnawen n ccari\u025ba i g\u1e25emmlen ad \u1e25ewwsen s ijellaben i\u0263ezfanen, \u1e25emmlen da\u0263en ad selmen fell-asen medden di leswaq ;\n12:39 \u021bexti\u1e5bin imukan imezwura di le\u01e7wame\u025b akk-d imukan l\u025bali di tme\u0263\u1e5biwin, lame\u025bna\n12:40 te\u021b\u021ben ayla n tu\u01e7\u01e7al ; ssi\u0263zifen ta\u1e93allit iwakken a ten-id-walin yemdanen. L\u025biqab-nsen ad yili d ameqqran !\n12:41 Sidna \u0190isa yella yeqqim deg umkan iqublen asenduq i deg srusun lew\u025badi, ye\u021bmuqul amek srusuyen l\u0263aci lew\u025badi-nsen. A\u1e6das n ime\u1e5bkantiyen yeggaren xi\u1e5bella n yedrimen.\n12:42 Tusa-d yiwet n ta\u01e7\u01e7alt tigellilt tessers sin i\u1e63urdiyen yes\u025ban azal n \u1e5beb\u025ba twiztin n lfe\u1e6d\u1e6da.\n12:43 Sidna \u0190isa yessawel i inelmaden-is, yenna yasen : A wen-d-ini\u0263 tide\u021b : lwe\u025bda i tessers ta\u01e7\u01e7alt-agi ta\u1e93awalit, tugar akk lew\u025badi i ssersen wiya\u1e0d.\n12:44 Axa\u1e6der wiya\u1e0d seddqen seg wayen s\u025ban d zzyada, ma d ne\u021b\u021bat tseddeq ci\u1e6d\u1e6duh-nni s wacu ara t\u025bic.\n13:1 Mi d-iffe\u0263 Sidna \u0190isa si l\u01e7ame\u025b iqedsen, yiwen seg inelmaden-is yenna-yas : A Sidi, muqel ac\u1e25al yecbe\u1e25 lebni-agi ! Ac\u1e25al ceb\u1e25en yed\u0263a\u0263en-is !\n13:2 Sidna \u0190isa yerra-yas : Deg wayagi irkul i te\u021bwali\u1e0d, ur d-ye\u021b\u0263imi yiwen wed\u0263a\u0263 \u0263ef waye\u1e0d ; kullec ad ihudd.\n13:3 Sidna \u0190isa yeqqim deg i\u0263il uzemmur iqublen l\u01e7ame\u025b iqedsen. Bu\u1e6drus, Ye\u025bqub, Yu\u1e25enna akk-d Andriyus i gellan yid-es, steqsan-t :\n13:4 Ini-ya\u0263-d melmi ara d-yed\u1e5bu wayagi ; d acu ara \u0263-d-isbeggnen lweqt i deg ara yed\u1e5bu wannect-a.\n13:5 Imiren, Sidna \u0190isa yebda ye\u021bwe\u1e63\u1e63i ten : ?u\u1e5b-wat win ara kkun-ikellxen !\n13:6 Axa\u1e6der a\u1e6das ara d-yasen s yisem-iw, a wen-d-inin : \u00ab D nekk i d Lmasi\u1e25 \u00bb ad kellxen i wa\u1e6das n l\u0263aci.\n13:7 M'ara teslem s tegrawliwin i d-ide\u1e5b\u1e5bun di mkul amkan akk-d \u021bid i d-iteddun, ur \u021b\u021baggadet ara axa\u1e6der ilaq a d-yed\u1e5bu wannect-nni, lame\u025bna ma\u010d\u010di \u021b-\u021baggara n ddunit i d-yew\u1e0den.\n13:8 Agdud a d-yekker \u0263er waye\u1e0d, tageldit a\u021b-\u021benna\u0263 \u021b-\u021baye\u1e0d, a d-ilint zzelzlat di kra imukan, a d-yili la\u1e93 ; akkagi ara d-yebdu le\u025btab di ddunit.\n13:9 ?adret \u0263ef yiman-nwen ; atan a kkun-ca\u1e5b\u025ben zdat l\u025bulama n ccari\u025ba, a kkun-wten di le\u01e7wame\u025b. ?ef ddemma-w, a kkun-sbedden zdat wid i g\u1e25ekmen tamurt akk-d igelliden iwakken a\u021b-\u021bilim d inigan-iw zdat-nsen.\n13:10 Lame\u025bna di tazwara ilaq lexba\u1e5b n lxi\u1e5b ad i\u021bwabecce\u1e5b uqbel i le\u01e7nas me\u1e5b\u1e5ba.\n13:11 M'ara kkun-\u1e93\u1e93u\u0263\u1e5ben a kkun awin \u0263er cc\u1e5be\u025b, ur xeddmet ara anezgum \u0263ef wayen ara tinim ; init-ed kan ayen ara wen-d-yasen di teswi\u025bt-nni, axa\u1e6der ma\u010d\u010di d kunwi ara imeslayen lame\u025bna d \u1e5a\u1e5bu\u1e25 iqedsen.\n13:12 Yiwen ad yefk gma-s \u0263er lmut, waye\u1e0d ad yefk mmi-s ; dderya a d-kkren \u0263er imawlan-nsen a ten-ssiw\u1e0den \u0263er lmut.\n13:13 A kkun-ke\u1e5bhen irkul \u0263ef ddemma n yisem-iw. Lame\u025bna win ara ye\u1e6d\u1e6dfen alamma \u021b-\u021baggara ad i\u021bwasellek.\n13:14 Ass m'ara twalim lmu\u1e63iba tameqqrant tella deg umkan anda ur ilaq ara a\u021b-\u021bili, \u00ab win ara ye\u0263\u1e5ben ayagi ilaq ad imeyyez ! \u00bb ass-nni wid ara yilin di tmurt n Yahuda ad rewlen \u0263er idurar ;\n13:15 win ara yilin s ufella n ssqef, ur ike\u010d\u010dem ara \u0263er wexxam-is iwakken a d-iddem le\u1e25waye\u01e7-is.\n13:16 Akken da\u0263en win ara yilin di lexla, ur ye\u021b\u021bu\u0263al ara \u0263er deffir iwakken a d-yawi abe\u1e5bnus-is.\n13:17 A tawa\u0263it n tilawin ara yilin s tadist akk-d \u021bid ara ye\u1e63\u1e63u\u1e6du\u1e0den deg wussan-nni.\n13:18 D\u025but \u0263er \u1e5aebbi iwakken ur d-ide\u1e5b\u1e5bu ara wannect-nni di ccetwa,\n13:19 axa\u1e6der deg wussan-nni, ad yili yiwen n le\u025btab ur ne\u1e93ri seg wasmi i d-texleq ddunit ar ass-a, yerna d ayen ur ne\u021b\u021bu\u0263al a d-yed\u1e5bu.\n13:20 Lemmer ur yessenqes ara Sidi \u1e5aebbi kra seg wussan-nni, yiwen ur yezmir ad imne\u025b. Me\u025bna issenqes seg-sen \u0263ef ddemma n wid yexta\u1e5b.\n13:21 Di lweqt-nni ma yenna-yawen waleb\u025ba\u1e0d : \u00ab Lmasi\u1e25 atah dagi \u00bb ne\u0263 \u00abatan dihin\u00bb, ur t-\u021b\u021bamnet ara.\n13:22 Axa\u1e6der a d-asen wid ara yerren iman-nsen d Lmasi\u1e25 ne\u0263 d lenbiya, ad xeddmen lbe\u1e5bhanat akk-d lica\u1e5bat, iwakken ad kellxen ma zemren ula d wid yexta\u1e5b Sidi \u1e5aebbi.\n13:23 Atah nni\u0263-awen-d annect-agi uqbel a d-ye\u1e0dru. --\n13:24 M'ara \u025beddin wussan n twa\u0263it-nni, tafat n yi\u1e6dij a\u021b-\u021benqes, aggur ur d-ye\u021b\u021bak ara tiziri-ines,\n13:25 itran da\u0263en a d-\u0263lin seg igenni, t inezmarin n igenwan ad rgagint .\n13:26 Imiren, ad anwali Mmi-s n bunadem yusa-d s ufella n usigna s tezmert tameqqrant d l\u025ba\u1e0dima.\n13:27 A d-icegge\u025b lmalayekkat-is \u0263er yal amkan n ddunit, a d-snejma\u025ben seg yixfawen n ddunit wid i gexta\u1e5b me\u1e5b\u1e5ba.\n13:28 Meyyzet ihi \u0263ef lemtel n tme\u0263\u1e5bust : mi lqaqit isegman-is, fsan, fkan-d iferrawen, te\u1e93ram iqe\u1e5b\u1e5beb-ed unebdu.\n13:29 Akken ula d kunwi, m'ara twalim ayagi me\u1e5b\u1e5ba yewwe\u1e0d-ed, \u1e25\u1e63ut belli yusa-d lweqt, Mmi-s n bunadem atan \u0263er tewwurt.\n13:30 A wen-d-ini\u0263 tide\u021b : l\u01e7il-agi ur i\u021b\u025beddi ara alamma yed\u1e5ba-d wayagi me\u1e5b\u1e5ba.\n13:31 Igenni d lqa\u025ba ad fnun ma d imeslayen-iw ur fennun ara.\n13:32 ?ef wayen ye\u025bnan ass akk-d lweqt-nni yiwen ur ten-yessin, ama d lmalayekkat deg igenwan ama d Mmi-s n bunadem, anagar Baba \u1e5aebbi i ten-isnen.\n13:33 Ur gganet ara, \u025basset iman-nwen imi ur te\u1e93rim ara melmi ara d-yawe\u1e0d lweqt-nni.\n13:34 Ad yili wass-nni am yiwen wergaz ara yinigen \u0263er leb\u025bid, ad iwekkel axxam-is i iqeddacen-is, yal yiwen s cc\u0263el-is, imiren ad iwe\u1e63\u1e63i a\u025bessas n tewwurt ad i\u025biwez.\n13:35 \u0190iwzet ihi, axa\u1e6der ur te\u1e93rim ara melmi ara d-yas bab n wexxam, ama tameddit ne\u0263 \u021bna\u1e63fa n yi\u1e0d, m'ara yeskku\u025b uyazi\u1e0d ne\u0263 ta\u1e63eb\u1e25it.\n13:36 ?adret a kkun-id-yaf te\u1e6d\u1e6dsem imi ur te\u1e93rim ara melmi ara d-yas.\n13:37 Ayen akka i wen-d-nni\u0263, nni\u0263 t-id i mkul yiwen deg-wen : \u025biwzet !\n14:1 Qqimen-d sin wussan i Tfaska n izimer n leslak i deg xeddmen a\u0263\u1e5bum mbla tamtunt ( i\u0263es ). Lmuqedmin imeqqranen d l\u025bulama, \u021bnadin s t\u1e25ila, sebba s wayes ara \u1e25ebbsen Sidna \u0190isa iwakken a t-n\u0263en.\n14:2 Qqa\u1e5ben : Ur nezmir ara a t-nessekcem \u0263er l\u1e25ebs deg wass n l\u025bid, ne\u0263 m'ulac l\u0263aci ad sekkren ccwal.\n14:3 Sidna \u0190isa yella di taddart n Bitanya, deg wexxam n Sem\u025bun ihelken lbe\u1e5bs ; mi qqimen ad \u010d\u010den, a\u021baya yiwet n tme\u1e6d\u1e6dut tekcem-ed, tewwi-d yid-es taqbuct i\u021bwaxedmen s wez\u1e5bu amellal, te\u010d\u010du\u1e5b d le\u025b\u1e6de\u1e5b ye\u1e63fan \u0263layen. Te\u1e5b\u1e93a taqbuct-nni, tesmar-i\u021b \u0263ef wuqe\u1e5b\u1e5buy n Sidna \u0190isa.\n14:4 Kra deg-sen ze\u025bfen nnan : Acu\u0263er i tessex\u1e63e\u1e5b le\u025b\u1e6de\u1e5b-agi ?\n14:5 Lemmer i t-nezzenz, a d-yawi akte\u1e5b n telt meyya twiztin n lfe\u1e6d\u1e6da ara nef\u1e5beq i igellilen ! D\u0263a rfan \u0263ef tme\u1e6d\u1e6dut-nni.\n14:6 Sidna \u0190isa yenna : Anfet-as acimi i \u021b-tesnu\u0263nayem ? Ayen akka i yi-texdem d ayen yelhan !\n14:7 Igellilen ad ilin daymen gar-awen, tzemrem a ten-t\u025biwnem melmi i wen yehwa ; ma d nekkini ur \u021b\u0263imi\u0263 ara daymen yid-wen.\n14:8 Ayen tezmer a t-texdem texdem it : tedhen l\u01e7e\u021b\u021ba-w thegga-\u021b i tem\u1e0delt.\n14:9 A wen-d-ini\u0263 tide\u021b : di mkul amkan n ddunit anda ara ye\u021b\u021bubecce\u1e5b lexba\u1e5b-agi n lxi\u1e5b, a d-\u021bmektayen tame\u1e6d\u1e6dut-agi d wayen akka texdem.\n14:10 Yudas n Qe\u1e5byut yiwen si tnac inelmaden, i\u1e5bu\u1e25 \u0263er imeqqranen n lmuqedmin, yemsefham yid-sen amek ara sen yezzenz Sidna \u0190isa.\n14:11 Fe\u1e5b\u1e25en a\u1e6das mi s-slan, \u025buhden-t a s-fken idrimen. Imiren Yudas i\u021bqellib tagni\u021b i deg ara sen-t-yezzenz.\n14:12 Ass amenzu n Tfaska n we\u0263\u1e5bum mbla tamtunt ( i\u0263es ), i deg zellun izimer n leslak, inelmaden nnan i Sidna \u0190isa : Anda teb\u0263i\u1e0d a nheggi imensi n Tfaska ?\n14:13 Icegge\u025b sin seg inelmaden-is, yenna-yasen : \u1e5au\u1e25et \u0263er temdint, a d-temlilem d yiwen wergaz yewwi-d tacmuxt n waman, teb\u025bet-e\u021b \u0263er wanda ara yekcem,\n14:14 init i bab n wexxam-nni : Ssid-nne\u0263 yenna-yak : \u00ab anda-\u021b texxamt i deg ara \u010d\u010de\u0263 imensi n Tfaska n izimer nekk d inelmaden-iw ? \u00bb\n14:15 A kkun-yessali \u0263er yiwet n t\u0263u\u1e5bfe\u021b tameqqrant iwes\u025ben, kullec yella deg-s. Dinna ara theggim imensi n Tfaska.\n14:16 Inelmaden \u1e5bu\u1e25en, mi ww\u1e0den \u0263er temdint, ufan kullec akken i sen-t yenna. D\u0263a heggan imensi n Tfaska.\n14:17 Mi d-te\u0263li tmeddit, Sidna \u0190isa yusa-d akk-d tnac-nni inelmaden.\n14:18 Mi qqimen ad \u010d\u010den, Sidna \u0190isa yenna yasen : A wen-ini\u0263 tide\u021b : yiwen seg-wen ite\u021b\u021ben yid-i, ad iyi-ixde\u025b.\n14:19 Ye\u0263li-d le\u1e25zen fell-asen, bdan steqsayen-t yiwen yiwen qqa\u1e5ben-as : A Sidi, ne\u0263 ma\u010d\u010di d nekk ?\n14:20 Yenna-yasen : D yiwen seg-wen, yessasnen yid-i talqimt n we\u0263\u1e5bum deg u\u1e0debsi.\n14:21 ?-\u021bide\u021b, Mmi-s n bunadem ad i\u1e5bu\u1e25 akken ye\u021bwakteb fell-as di tira iqedsen ; me\u025bna a nnger n wergaz-nni ara t-ixed\u025ben. Axi\u1e5b-as lemmer ur d-ilul ara \u0263er ddunit !\n14:22 Mi bdan te\u021b\u021ben, Sidna \u0190isa yeddem-d a\u0263\u1e5bum, ye\u1e25med \u1e5aebbi, yeb\u1e0da-t, if\u1e5beq-it i inelmaden-is, yenna yasen : ?\u010det-e\u021b, ayagi d-l\u01e7e\u021b\u021ba-w.\n14:23 Yeddem-ed da\u0263en lkas n cc\u1e5bab, ye\u1e25med \u1e5aebbi, yefka-yasen, swan me\u1e5b\u1e5ba seg-s.\n14:24 Sidna \u0190isa yenna-yasen : Ayagi d idammen n le\u025bqed amaynut, d idammen-iw ara yazlen \u0263ef wa\u1e6das n yemdanen.\n14:25 S tide\u021b nni\u0263-awen : ur \u021bu\u0263ale\u0263 ara ad swe\u0263 si lfakya n t\u1e93urin, alamma d ass i deg ara swe\u0263 cc\u1e5bab ajdid di tgelda n \u1e5aebbi.\n14:26 Mi cnan isefra n ?abur, ulin \u0263er yi\u0263il n uzemmur.\n14:27 Sidna \u0190isa yenna-yasen : A kkun-yewwet akk wugur akken ye\u021bwakteb : Ad ewwte\u0263 ameksa, ulli ad rewlent \u0263er mkul l\u01e7iha .\n14:28 Yerna-yasen-d : Me\u025bna m'ara d-\u1e25yu\u0263 si ger lmegtin a wen-zwire\u0263 \u0263er tmurt n Jlili.\n14:29 Bu\u1e6drus yenna-yas : ?as ad cc\u1e0den akk, nekkini ur \u021becc\u1e0de\u0263 ara.\n14:30 Sidna \u0190isa yerra-yas : A k-d-ini\u0263 tide\u021b : i\u1e0d-agi uqbel ad yeskku\u025b uyazi\u1e0d snat n tikkal, ke\u010d\u010d a i-tnek\u1e5be\u1e0d tlata iberdan.\n14:31 Me\u025bna Bu\u1e6drus yenna-yas da\u0263en : Ad qeble\u0263 ad ddu\u0263 yid-ek ula \u0263er lmut wala a k-nekk\u1e5be\u0263. Inelmaden nni\u1e0den nnan-d me\u1e5b\u1e5ba akken.\n14:32 Mi ww\u1e0den \u0263er tmazirt n Jitsimani, Sidna \u0190isa yenna-yasen i inelmaden-is : Qqimet dagi, ma d nekk ad \u1e5bu\u1e25e\u0263 ad \u1e93alle\u0263.\n14:33 Yewwi yid-es Bu\u1e6drus, Ye\u025bqub akk-d Yu\u1e25enna. Yet\u1e25eyye\u1e5b, tekcem-it tugdi.\n14:34 Yenna-yasen : ?usse\u0263 s le\u1e25zen n lmut ; qqimet dagi, \u025biwzet !\n14:35 Isseb\u025bed iman-is fell-asen, i\u1e0degge\u1e5b iman-is \u0263er lqa\u025ba, yed\u025ba \u0263er Sidi \u1e5aebbi ma yella wamek ara yesseb\u025bed fell-as taswi\u025bt-nni n le\u025btab.\n14:36 Yeqqa\u1e5b-as : A baba, a baba \u1e5aebbi ! Ke\u010d\u010d tzemre\u1e0d i kullec ; sseb\u025bed fell-i lkas-agi n le\u025btab. Lame\u025bna d leb\u0263i-k kan ara yed\u1e5bun ma\u010d\u010di d leb\u0263i-w.\n14:37 Yu\u0263al-ed \u0263er inelmaden-is, yufa-ten-id \u1e6d\u1e6dsen. Yenna i Bu\u1e6drus : A Sem\u025bun, te\u1e6d\u1e6dse\u1e0d ? Ur tezmire\u1e0d ara a\u021b-\u021b\u025biwze\u1e0d ula d ssa\u025ba ?\n14:38 \u0190iwzet t\u1e93allem, iwakken ur t\u0263ellim ara deg uje\u1e5b\u1e5beb. \u1e5a\u1e5bu\u1e25 ye\u01e7hed yerna yeb\u0263a, me\u025bna l\u01e7e\u021b\u021ba ur tezmir ara, tulwa.\n14:39 Isseb\u025bed iman-is da\u0263en, i\u025bawed i t\u1e93allit-nni.\n14:40 Mi d-yu\u0263al yufa-ten da\u0263en \u1e6dsen, i\u0263leb-iten nuddam. Ur \u1e93rin d acu ara s-d-erren.\n14:41 Yu\u0263al-ed tikkelt tis tlata yenna yasen : Mazal-ikkun te\u1e6d\u1e6dsem, teste\u025bfam ! Dayen tura, tewwe\u1e0d-ed teswi\u025bt-nni ! Mmi-s n bunadem i\u021busellem ger ifassen n imednuben.\n14:42 Kkret fell awen a n\u1e5bu\u1e25et ! Win i yi-izzenzen yewwe\u1e0d-ed.\n14:43 Mazal-it ihedde\u1e5b, mi d-yewwe\u1e0d Yudas, yiwen si tnac-nni. Ddan-d yid-es a\u1e6das n l\u0263aci s i\u025bekkzan d ijenwiyen, cegg\u025ben-ten-id l\u025bulama n ccari\u025ba, imeqqranen n lmuqedmin akk-d imeqqranen n wegdud.\n14:44 Win akken i gzenzen Sidna \u0190isa yemsefham yid-sen, yenna-yasen : Win i \u0263ef ara selme\u0263, d ne\u021b\u021ba ; \u1e6d\u1e6dfet-e\u021b tefkem-t i i\u025bessasen a t-awin.\n14:45 Akken kan i d-yewwe\u1e0d, iqe\u1e5b\u1e5beb ed \u0263er Sidna \u0190isa yenna-yas : A Sidi ! D\u0263a isellem fell-as.\n14:46 Imiren l\u0263aci mm\u0263en \u0263ef Sidna \u0190isa, \u1e6d\u1e6dfen-t.\n14:47 Yiwen seg wid yellan dinna ijbed-ed ajenwi, yewwet aqeddac n lmuqeddem ameqqran, igzem-as ame\u1e93\u1e93u\u0263.\n14:48 Sidna \u0190isa yenna-yasen : Teff\u0263em-d \u0263u\u1e5b-i s ijenwiyen d i\u025bekzan am akken d amcum i lli\u0263 ?\n14:49 Mkul ass lli\u0263 yid-wen sselmade\u0263 di l\u01e7ame\u025b, yiwen ur yessers afus-is fell-i. Me\u025bna ayagi yed\u1e5ba-d, iwakken ad nnekmalent tira iqedsen.\n14:50 Imiren \u01e7\u01e7an-t akk inelmaden-is, rewlen.\n14:51 Yiwen ilem\u1e93i yelsan anagar timel\u1e25eft itbe\u025b-it. Emm\u0263en fell-as a t-\u1e6d\u1e6dfen,\n14:52 me\u025bna iserre\u1e25 i tmel\u1e25eft-nni, yerwel akken d a\u025beryan.\n14:53 Wwin Sidna \u0190isa \u0263er wexxam n lmuqeddem ameqqran, anda nnejma\u025ben imeqqranen n lmuqedmin, l\u025bulama n ccari\u025ba akk-d imeqqranen n wegdud.\n14:54 Bu\u1e6drus itbe\u025b-it s leb\u025bid, armi d azniq n wexxam n lmuqeddem ameqqran. Yeqqim ger i\u025bessasen, yesse\u1e25muy \u0263er tmes.\n14:55 Lmuqedmin imeqqranen akk-d tejma\u025bt n cc\u1e5be\u025b, \u021bnadin cchada i\u1e63\u1e63e\u1e25an s wacu ara \u1e25ekmen fell-as s lmut, lame\u025bna ur ufin ara.\n14:56 A\u1e6das i gcehden fell-as s \u1e93\u1e93ur, lame\u025bna cchadat-nsen ur \u1e63\u1e63e\u1e25ant ara.\n14:57 Kra deg-sen kkren-d ad cehden fell-as s \u1e93\u1e93ur, nnan :\n14:58 Nesla-yas mi d-yenna : \u00ab ad hudde\u0263 l\u01e7ame\u025b-agi iqedsen yebnan s ufus n wemdan ; di tlata wussan, ad bnu\u0263 waye\u1e0d ur ne\u021bwabennuy ara s ufus n wemdan.\u00bb\n14:59 Lame\u025bna ula \u0263ef wayagi cchadat nsen ur \u1e63\u1e63e\u1e25ant ara.\n14:60 Lmuqeddem ameqqran ibedd di tlemmast n tejma\u025bt, yesteqsa Sidna \u0190isa yenna-yas : Ur d-te\u021b\u021bara\u1e0d ara awal ? Acu akka i d-qqa\u1e5ben yemdanen-agi i d-icehden fell-ak ?\n14:61 Sidna \u0190isa yessusem ur d-yerri acemma. Ameqqran n lmuqedmin i\u025bawed isteqsa-t yenna-yas : Ke\u010d\u010d, d Lmasi\u1e25 Mmi-s n \u1e5aebbi ye\u021b\u021bubarken ?\n14:62 Sidna \u0190isa yerra-yas : ?-\u021bide\u021b, d nekk ! Yerna a\u021b-\u021be\u1e93rem Mmi-s n bunadem yeqqim \u0263er tama tayeffust n Bab n tezmert ; a t-twalim asmi ara d-yas seg igenwan \u0263ef wusigna.\n14:63 Lmuqeddem ameqqran icerreg aqendu\u1e5b-is yenna : Ur nu\u1e25wa\u01e7 ara inigan nni\u1e0den !\n14:64 Teslam akken yekfe\u1e5b ? D acu twalam ? ?ekmen fell-as s lmut akken ma llan.\n14:65 Kra seg-sen ssusufen-t, \u021b\u0263ummun-as udem-is, kkaten-t s lbunyat qqa\u1e5ben-as : E\u025bqel anwa i k-id-yewten ! I\u025bessasen-nni wwin-t, kkaten-t s ibeqqayen.\n14:66 Bu\u1e6drus mazal-it deg ufrag n wexxam n lmuqeddem ameqqran ; a\u021baya yiwet n tqeddact,\n14:67 twala-t yesse\u1e25may, tmuqel-it nezzeh, tenna yas : Ula d ke\u010d\u010d telli\u1e0d akk-d \u0190isa ana\u1e63ari.\n14:68 Inke\u1e5b yenna : Ur \u1e93ri\u0263, ur fhime\u0263 ayen i d-teqqa\u1e5be\u1e0d. D\u0263a yeffe\u0263, i\u1e5bu\u1e25 \u0263er wesqif. Imiren kan yeskku\u025b uyazi\u1e0d .\n14:69 Twala-t da\u0263en tqeddact-nni, tenna i wid yellan dinna : Argaz-agi d yiwen seg-sen ! Yenke\u1e5b tikkelt tis snat.\n14:70 Taswi\u025bt kan, wid yellan dinna nnan da\u0263en i Bu\u1e6drus : Mbla ccekk ula d ke\u010d\u010d telli\u1e0d seg-sen, axa\u1e6der d ajlili i telli\u1e0d.\n14:71 Yebda ye\u021bgalla yeqqa\u1e5b : A yi-in\u025bel \u1e5aebbi ma skaddbe\u0263 ! Ur ssine\u0263 ara argaz-agi i \u0263ef te\u021bmeslayem.\n14:72 Imiren kan yeskku\u025b uyazi\u1e0d tikkelt tis snat, imiren Bu\u1e6drus yemmekta-d awal i s-d-yenna Sidna \u0190isa : \u00ab uqbel ad yesku\u025b uyazi\u1e0d tikkelt tis snat, a yi-tnekk\u1e5be\u1e0d tlata iberdan. \u00bb D\u0263a ye\u1e6d\u1e6der\u1e0deq d ime\u1e6d\u1e6dawen.\n15:1 ?\u1e63be\u1e25 zik, lmuqedmin imeqqranen ru\u1e25en mcawa\u1e5ben akk-d imeqqranen n wegdud, l\u025bulama n ccari\u025ba akk dusqamu n cc\u1e5be\u025b. Urzen Sidna \u0190isa, wwin-t sellmen-t i Bila\u1e6dus.\n15:2 Bila\u1e6dus yesteqsa-t yenna yas : D ke\u010d\u010d i d agellid n wat Is\u1e5bail ? Sidna \u0190isa yerra-yas : Tenni\u1e0d-t-id.\n15:3 Lmuqedmin imeqqranen ccetkan fell-as \u0263ef wa\u1e6das n temsalin.\n15:4 Bila\u1e6dus yerna yesteqsa-t : Ur d-te\u021b\u021bara\u1e0d ara awal ? Ur tesli\u1e0d ara ayen akk s wayes i d-\u021bcetkin fell-ak ?\n15:5 Me\u025bna Sidna \u0190isa ur d-yerri acemma ; Bila\u1e6dus yewhem deg-s.\n15:6 Di mkul l\u025bid, Bila\u1e6dus i\u021bserri\u1e25-ed i yiwen ume\u1e25bus, win ara s-ssutren l\u0263aci.\n15:7 Yella yiwen ume\u1e25bus isem-is Barabas, ye\u021bwa\u1e25bes ne\u021b\u021ba akk-d imcewwlen nni\u1e0den \u0263ef ddemma n ccwal i d-yeskker, yerna yen\u0263a tamge\u1e5b\u1e6d.\n15:8 L\u0263aci ulin \u0263er Bila\u1e6dus iwakken a s-ssutren ayen yennum ixeddem-asen-t.\n15:9 Bila\u1e6dus yerra-yasen-d : Teb\u0263am a wen-d-serr\u1e25e\u0263 i ugellid n wat Is\u1e5bail ?\n15:10 Axa\u1e6der ifaq belli s tismin i s-t-id-wwin lmuqedmin imeqqranen.\n15:11 Lame\u025bna lmuqedmin imeqqranen s\u1e25e\u1e5bcen l\u0263aci iwakken ad inin i Bila\u1e6dus: \u00ab d Barabas iwumi ara d-tserr\u1e25e\u1e0d. \u00bb\n15:12 Bila\u1e6dus yenna-yasen da\u0263en : D acu teb\u0263am ad xedme\u0263 s win iwumi teqqa\u1e5bem agellid n wat Is\u1e5bail ?\n15:13 ?\u025beggi\u1e0den-as : ?emme\u1e5b-it \u0263ef wumidag !\n15:14 Bila\u1e6dus yenna-yasen : D acu i gexdem n diri ? Rnan \u021b\u025beggi\u1e0den akte\u1e5b : ?emme\u1e5b-it \u0263ef wumidag !\n15:15 Imi i geb\u0263a Bila\u1e6dus ad yeddu di leb\u0263i i l\u0263aci, iserre\u1e25-ed i Barabas, ma d Sidna \u0190isa yefka lame\u1e5b a t-ewten s ujelkka\u1e0d, syenna a t-semm\u1e5ben \u0263ef wumidag.\n15:16 L\u025beske\u1e5b wwin Sidna \u0190isa \u0263er wefrag n lbe\u1e5bj, ssawlen-d i terba\u025bt nsen.\n15:17 Sburren-as abe\u1e5bnus azegga\u0263, xedmen-d ta\u025be\u1e63\u1e63abt s isennanen ssersen-\u021b \u0263ef wuqe\u1e5b\u1e5buy-is.\n15:18 Stehzayen fell-as qqa\u1e5ben-as : Azul fell-ak, ay agellid n wat Is\u1e5bail !\n15:19 Kkaten-t s u\u0263anim \u0263er uqe\u1e5b\u1e5buy, ssusufen-t, kerfen tigecrar iwakken ad se\u01e7\u01e7den zdat-es.\n15:20 Mi stehzan fell-as, kksen-as abe\u1e5bnus-nni azegga\u0263, rran-as lqecc-is, imiren wwin-t \u0263er be\u1e5b\u1e5ba iwakken a t-\u1e63emm\u1e5ben \u0263ef llu\u1e25.\n15:21 I\u025bedda-d syenna yiwen umsebrid i d-yu\u0263alen si lexla, isem-is Sem\u025bun n Qi\u1e5bwan, baba-s n Alexandrus akk-d Rufus ; \u1e25e\u1e5bsen-t l\u025beske\u1e5b iwakken ad ibbib amidag n Sidna \u0190isa.\n15:22 ?\u1e93u\u0263\u1e5ben Sidna \u0190isa armi d yiwen n wemkan i\u021b\u021busemman Gulgu\u1e6da, ye\u025bni \u00ab ti\u0263ilt n uqe\u1e5b\u1e5buy.\u00bb\n15:23 Fkan-as ad isew cc\u1e5bab ixel\u1e0den s usel\u0263a\u0263 n lmu\u1e5b, lame\u025bna yugi a t-isew.\n15:24 Semm\u1e5ben-t \u0263ef llu\u1e25, gren tas\u0263a\u1e5bt iwakken ad fe\u1e5bqen llebsa-s.\n15:25 A\u021b-\u021bili d \u021bes\u025ba n \u1e63\u1e63be\u1e25 mi t-\u1e63emm\u1e5ben \u0263ef wumidag.\n15:26 Uran sebba \u0263ef wacu i t-semm\u1e5ben : \u00ab Wagi d agellid n wat Is\u1e5bail.\u00bb\n15:27 Semm\u1e5ben da\u0263en sin yemcumen, yiwen \u0263er uyeffus-is waye\u1e0d \u0263er u\u1e93elma\u1e0d-is.\n15:28 S wakka, ye\u021bwakemmel wayen yuran di tira iqedsen : Seddan-t di leh\u1e63ab n yemcumen.\n15:29 Kra n wid ye\u021b\u025beddayen syenna reggmen-t, \u021bhuzzun iqe\u1e5b\u1e5bay-nsen, qqa\u1e5ben-as : Hey ! a win ye\u021bhuddun l\u01e7ame\u025b iqedsen, ibennu-t di tlata wussan,\n15:30 sellek iman-ik ! ers-ed seg umidag- ik !\n15:31 Ula d imeqqranen n lmuqedmin d l\u025bulama n ccari\u025ba \u021ba\u1e0dsan fell-as, qqa\u1e5ben gar-asen : Isellek wiya\u1e0d, ur yezmir ad isellek iman-is.\n15:32 A d-i\u1e63ubb ihi tura seg umidag, Lmasi\u1e25... Agellid n wat Is\u1e5bail ! A nwali iwakken a namen. Ula d wid i\u021b\u021bu\u1e63emm\u1e5ben yid-es reggmen-t.\n15:33 A\u021b-\u021bili d le\u01e7wahi n tnac mi d ye\u0263li \u1e6d\u1e6dlam \u0263ef ddunit me\u1e5b\u1e5ba, armi d tlata n tmeddit.\n15:34 ?ef tlata n tmeddit, Sidna \u0190isa i\u025begge\u1e0d s \u1e63\u1e63ut \u025blayen : Eluwa, Eluwa, Lama sabaqtani ? Ye\u025bni : Illu-iw ! Illu-iw ! acu\u0263er i yi te\u01e7\u01e7i\u1e0d ?\n15:35 Kra seg wid yellan dinna slan-as, nnan : Slet-as, atan yessawal i Sidna Ilyas !\n15:36 Yiwen seg-sen i\u1e5bu\u1e25 yesselxes-ed ame\u010d\u010dim n ta\u1e0du\u1e6d di lxell, icudd-it \u0263er t\u0263animt, imekken-as-t iwakken ad isew, yenna : A\u1e5b\u01e7ut a nwali ma yella a d-yas Sidna Ilyas a t-id-i\u1e63\u1e63ub seg umidag !\n15:37 Me\u025bna Sidna \u0190isa i\u025begge\u1e0d imiren kan, d\u0263a yessufe\u0263 ta\u1e5bwi\u1e25t.\n15:38 Le\u1e25jab n wemkan iqedsen n l\u01e7ame\u025b, icerreg \u0263ef sin seg yixef ufella, armi d ixef n wadda.\n15:39 Yiwen umeqqran n l\u025beske\u1e5b ibedd zdat Sidna \u0190isa ; mi gwala amek i gessufe\u0263 ta\u1e5bwi\u1e25t, yenna : ?-\u021bide\u021b, argaz-agi d Mmi-s n \u1e5aebbi !\n15:40 Kra tilawin \u021bmuqulent si leb\u025bid. Llant gar-asent Meryem tamagdalit, Meryem yemma-s n Ye\u025bqub ame\u1e93yan, n Yuses akk-d Salumi.\n15:41 Llant da\u0263en tilawin-nni me\u1e5b\u1e5ba i t-ittaba\u025ben, i s-iqeddcen mi gella di tmurt n Jlili akk-d wa\u1e6das n tilawin nni\u1e0den i d-yeddan yid-es \u0263er temdint n Lquds.\n15:42 Mi d-te\u0263li tmeddit, yewwe\u1e0d-ed Yusef n temdint n Arimati, yellan d argaz muca\u025ben a\u1e6das di tejma\u025bt n cc\u1e5be\u025b ; ula d ne\u021b\u021ba yessaram a d-tass tgelda n Sidi \u1e5aebbi.\n15:43 ?-\u021bameddit n wass i deg \u021bheggin iman-nsen i wass n weste\u025bfu, daymi Yusef ur ikukra ara ad i\u1e5bu\u1e25 \u0263er Bila\u1e6dus iwakken ad issuter l\u01e7e\u021b\u021ba n Sidna \u0190isa.\n15:44 Mi gesla s Sidna \u0190isa yemmut, Bila\u1e6dus yewhem. Yessawel i umeqqran n meyya i\u025bsek\u1e5biwen, isteqsa-t ma yella a\u1e6das aya segmi yemmut.\n15:45 Mi s-d-yerra lexba\u1e5b, Bila\u1e6dus iserre\u1e25-as i Yusef ad yawi l\u01e7e\u021b\u021ba n Sidna \u0190isa.\n15:46 Yusef i\u1e5bu\u1e25 yu\u0263-ed lekfen, i\u1e63ubb-ed l\u01e7e\u021b\u021ba n Sidna \u0190isa, ikfen-it, yewwi-t issers-it deg yiwen u\u1e93ekka ye\u0263zan deg wez\u1e5bu am l\u0263a\u1e5b, imiren yessegrareb az\u1e5bu \u0263ef yimi u\u1e93ekka-nni.\n15:47 Meryem tamagdalit d Meryem yemma-s n Ye\u025bqub, \u021bmuqulent iwakken ad \u1e93ren-t anda i t-ssersen.\n16:1 Mi g\u025bedda wass n weste\u025bfu, Meryem tamagdalit d Meryem yemma-s n Ye\u025bqub d Salumi u\u0263ent-ed le\u025b\u1e6de\u1e5b iwakken ad dehnent l\u01e7e\u021b\u021ba n Sidna \u0190isa.\n16:2 Ass amezwaru n ddu\u1e5bt, \u1e63\u1e63be\u1e25 zik mi d-yec\u1e5beq yi\u1e6dij, \u1e5bu\u1e25ent \u0263er u\u1e93ekka.\n16:3 Qqa\u1e5bent wway gar-asent : Anwa ara \u0263-yekksen az\u1e5bu-nni \u0263ef yimi u\u1e93ekka ?\n16:4 Mi refdent allen-nsent, walant az\u1e5bu-nni ameqqran yegrareb akkin.\n16:5 Kecment \u0263er daxel u\u1e93ekka , walant yiwen ilem\u1e93i yeqqim \u0263er l\u01e7iha tayeffust, yelsa llebsa tamellalt ; dehcent.\n16:6 Yenna-yasent : Ur xell\u025bemt ara ! Te\u021bnadimt \u0263ef \u0190isa ana\u1e63ari win ye\u021bwasemm\u1e5ben \u0263ef wumidag ? Ulac-it dagi, ye\u1e25ya-d si ger lmegtin. Muqlemt, atan wemkan anda i t-ssersen.\n16:7 \u1e5au\u1e25emt tura, inimt-asen i inelmaden-is akk-d Bu\u1e6drus : atan yezwar \u0263er tmurt n Jlili ; dinna ara t-te\u1e93rem akken i wen-t-yenna.\n16:8 Ff\u0263ent-ed seg u\u1e93ekka-nni, rewlent s tergagit d lxel\u025ba, iffe\u0263-itent le\u025bqel, daymi ur \u025bawdent i yiwen ayen yed\u1e5ban.\n16:9 Sidna \u0190isa ye\u1e25ya-d si ger lmegtin ass amezwaru n ddu\u1e5bt, ass i d-yernan \u0263ef wass n weste\u025bfu. Di tazwara isbeggen-ed iman-is i Meryem tamagdalit, seg i d-issufe\u0263 seb\u025ba n le\u01e7nun.\n16:10 Wid akk iteddun d Sidna \u0190isa, mazal-iten di le\u1e25zen d ime\u1e6d\u1e6dawen, mi d-tewwi Meryem lexba\u1e5b i inelmaden.\n16:11 Mi slan yis ye\u1e25ya-d si ger lmegtin yerna twala-t, ur \u021b-uminen ara.\n16:12 Yesbeggen-ed iman-is s \u1e63\u1e63ifa nni\u1e0den, i sin seg inelmaden iteddun \u0263er lexla.\n16:13 U\u0263alen-d xebb\u1e5ben inelmaden nni\u1e0den, lame\u025bna ula d nutni ur ten uminen ara.\n16:14 Yesbeggen-ed iman-is i \u1e25dac-nni inelmaden mi llan te\u021b\u021ben. Ilumm-iten \u0263ef lqella n liman-nsen d wulawen nsen yeqqu\u1e5ben, imi ur uminen ara wid akk i t-ye\u1e93ran ye\u1e25ya-d.\n16:15 D\u0263a yenna-yasen : \u1e5au\u1e25et becc\u1e5bet di ddunit me\u1e5b\u1e5ba, lexba\u1e5b n lxi\u1e5b i yemdanen di mkul amkan.\n16:16 Win ara yamnen, ara ye\u021bwa\u0263e\u1e0dsen, ad i\u021b\u021busellek ; ma d win ur ne\u021b\u021bamen ara, ur ye\u021bwasellak ara.\n16:17 Atnah lbe\u1e5bhanat ara xeddmen wid ye\u021b\u021bamnen yis-i : S yisem-iw ad ssufu\u0263en le\u01e7nun, ad hedd\u1e5ben timeslayin nni\u1e0den,\n16:18 \u0263as \u1e6d\u1e6dfen izerman ne\u0263 swan ssem, ur sen-ixeddem acemma ; ad srusun ifassen-nsen \u0263ef yimu\u1e0dan a ten sse\u1e25lun.\n16:19 Mi gekfa yid-sen ameslay, Sidna \u0190isa ye\u021bwarfed \u0263er igenni, yeqqim \u0263er uyeffus n Sidi \u1e5aebbi.\n16:20 Inelmaden \u1e5bu\u1e25en ad becc\u1e5ben di mkul amkan ; Sidi \u1e5aebbi ye\u021b\u021bili yid sen, ye\u021bbeggin-ed s wa\u1e6das lbe\u1e5bhanat, tide\u021b n wayen \u021bbecci\u1e5ben.","title":"Kabyle Bible (NT): Mark","type":"page"}