{"collection":"Bible & Christianity","html_url":"https://unchartedknowledge.5gfusion.net/browse/bib/wb/kab/rom.htm","path":"bib/wb/kab/rom.htm","source_url":"https://sacred-texts.com/bib/wb/kab/rom.htm","text":"1:1 Nekk Bulus, yellan d aqeddac n \u0190isa Lmasi\u1e25, \u021bwaxta\u1e5be\u0263 ad ili\u0263 d \u1e5b\u1e5basul, iwakken ad becc\u1e5be\u0263 lexba\u1e5b n lxi\u1e5b n Sidi \u1e5aebbi.\n1:2 Lexba\u1e5b-agi n lxi\u1e5b i d-yew\u025bed Sidi \u1e5aebbi si zik s yimi n lenbiya di tira iqedsen,\n1:3 d ayen ye\u025bnan Mmi-s, \u0190isa Lmasi\u1e25 Ssid-nne\u0263 i d-ilulen d amdan seg wedrum n Dawed,\n1:4 ye\u021b\u021busemma d Mmi-s n \u1e5aebbi s tezmert n \u1e5a\u1e5bu\u1e25 iqedsen, s \u1e25eggu-ines si ger lmegtin.\n1:5 Yis i \u0263-ixdem Sidi \u1e5aebbi lemziya a nili d imcegg\u025ben, iwakken a d-nawi s yisem-is imdanen n le\u01e7nas me\u1e5b\u1e5ba ad amnen yis yerna ad a\u0263en awal-is.\n1:6 Yessawel-awen-d ula i kunwi yellan ger le\u01e7nas-agi, iwakken a\u021b-\u021bilim d ayla n \u0190isa Lmasi\u1e25.\n1:7 I wid akk yellan di temdint n \u1e5auma, i g\u1e25emmel Sidi \u1e5aebbi, iwumi i d-yessawel ad ilin d ayla-s : \u1e5b\u1e5be\u1e25ma \u021b-\u021balwit a wen-d-\u021b\u021bunefkent s \u0263u\u1e5b Sidi \u1e5aebbi baba-tne\u0263 akk-d Ssid-nne\u0263 \u0190isa Lmasi\u1e25.\n1:8 Di tazwara, ad \u1e25emde\u0263 Sidi \u1e5aebbi fell-awen me\u1e5b\u1e5ba s yisem n \u0190isa Lmasi\u1e25, axa\u1e6der yeffe\u0263 lexba\u1e5b di ddunit me\u1e5b\u1e5ba belli tumnem s Lmasi\u1e25.\n1:9 Sidi \u1e5aebbi i \u025bebbde\u0263 seg ul-iw, i \u0263ef qeddce\u0263 imi \u021bbecci\u1e5be\u0263 lexba\u1e5b n lxi\u1e5b ye\u025bnan Mmi-s, ye\u1e93ra belli \u021b\u021badre\u0263-kkun-id dima m'ara de\u025b\u025bu\u0263 \u0263u\u1e5b-es.\n1:10 Ssuture\u0263 mkul ass i Sidi \u1e5aebbi iwakken ma yeb\u0263a, ad afe\u0263 abrid amek ara n-ase\u0263 \u0263u\u1e5b-wen.\n1:11 Ac\u1e25al i b\u0263i\u0263 a kkun-\u1e93re\u0263, akken a kkun-slemde\u0263 \u0263ef kra n tukciwin i d-i\u021b\u021bak \u1e5a\u1e5bu\u1e25 iqedsen iwakken a\u021b \u021b\u01e7ehdem ;\n1:12 yerna m'ara n-aw\u1e0de\u0263 \u0263u\u1e5b-wen, a nemse\u01e7had wway gar ane\u0263 ; kunwi s liman-nwen, nekk s liman-inu, imi yiwen n liman i \u0263-isdukklen.\n1:13 Ay atmaten, b\u0263i\u0263 a\u021b-\u021be\u1e93rem belli ac\u1e25al n tikkal i \u025ber\u1e0de\u0263 a n-ase\u0263 \u0263u\u1e5b-wen, iwakken lxedma inu a wen-d-teglu s kra n lfayda, am akken i d-tewwi lfayda i le\u01e7nas nni\u1e0den ; me\u025bna ar tura mazal \u021bmagare\u0263-ed uguren.\n1:14 Ilaq-iyi ad \u1e5bu\u1e25e\u0263 \u0263er yemdanen n ddunit me\u1e5b\u1e5ba, \u0263er le\u01e7nas itqeddmen akk-d wid ur netqeddem ara, \u0263er wid ye\u0263\u1e5ban d wid ur ne\u0263\u1e5bi ara.\n1:15 Daymi i b\u0263i\u0263 ad becc\u1e5be\u0263 da\u0263en lexba\u1e5b-agi n lxi\u1e5b, i kunwi yellan di temdint n \u1e5auma.\n1:16 Ur sset\u1e25a\u0263 ara s lexba\u1e5b-agi n lxi\u1e5b, axa\u1e6der \u021b-\u021bazmert n Sidi \u1e5aebbi i leslak n kra win yumnen yis ; di tazwara i wat Is\u1e5bail, a d-\u1e0def\u1e5ben le\u01e7nas nni\u1e0den.\n1:17 Lexba\u1e5b-agi n lxi\u1e5b ibeggen-ed amek i ge\u021b\u021barra Sidi \u1e5aebbi imdanen d i\u1e25eqqiyen s liman, axa\u1e6der s liman kan i nezmer a nu\u0263al d i\u1e25eqqiyen si tazwara alamma \u021b-\u021baggara. Akken yura di tira iqedsen : A\u1e25eqqi ad yidir s liman.\n1:18 Sidi \u1e5aebbi i\u021bbeggin-ed urrif-is seg igenni \u0263ef ddnub d cce\u1e5b n yemdanen i ge\u021b\u0263ummun l\u1e25eqq s lba\u1e6del ;\n1:19 axa\u1e6der ayen akk i glaqen a t-issinen \u0263ef Sidi \u1e5aebbi, \u1e93ran-t ; d \u1e5aebbi s yiman-is i sen-t-id isbeggnen.\n1:20 Seg wasmi i d-yexleq ddunit, ayen akk yeffren \u0263ef wallen, ne\u021bwali-t di lec\u0263al-is ; nezmer a ne\u025bqel belli d ne\u021b\u021ba kan i d \u1e5aebbi yes\u025ban tazmert ur nfennu ; daymi wigi ulac fell-asen ssma\u1e25.\n1:21 ?as akken \u1e93ran yella \u1e5aebbi, ur set\u025be\u1e5bfen ara yis ; ur t-\u1e25miden, ur t-cki\u1e5ben, lame\u025bna \u021bkemmilen deg yir ixemmimen-nsen armi i\u0263umm \u1e6d\u1e6dlam ulawen-nsen.\n1:22 ?\u021baran iman-nsen d l\u025buqal armi u\u0263alen d imejhal.\n1:23 Beddlen l\u025ba\u1e0dima n Sidi \u1e5aebbi yeddren s lme\u1e63nu\u025bat yes\u025ban \u1e63\u1e63ifa n wemdan ifennun, \u1e63\u1e63ifa n le\u1e0dyu\u1e5b, n lew\u1e25uc yes\u025ban \u1e5beb\u025ba i\u1e0da\u1e5b\u1e5ben, d wayen akk ile\u1e25\u1e25un \u0263ef wu\u025bebbu\u1e0d ;\n1:24 daymi i ten-ye\u01e7\u01e7a Sidi \u1e5aebbi teb\u025ben leb\u0263i n wulawen-nsen, xeddmen ticmatin, \u1e63\u1e63aw\u1e0den armi kksen l\u1e25e\u1e5bma \u0263ef yiman-nsen.\n1:25 Beddlen tide\u021b n Sidi \u1e5aebbi s lekdeb, \u025bebbden ayen ye\u021bwaxelqen, \u01e7\u01e7an win i d-ixelqen kullec, ne\u021b\u021ba i ge\u021b\u021bubarken i dayem ; Amin !\n1:26 ?-\u021bagi i d sebba i \u0263ef ten-ye\u01e7\u01e7a Sidi \u1e5aebbi di l\u025ba\u1e5b n ccehwat-nsen ; tilawin \u021bbeddilent irgazen s tilawin.\n1:27 Ula d irgazen \u021b\u021ba\u01e7an tilawin, i\u021benkkar u\u1e25a\u1e5buq wway gar-asen, \u021bemyexdamen l\u025ba\u1e5b ; d wagi i d lexla\u1e63 i yuklalen \u0263ef tidder\u0263elt-nsen.\n1:28 Imi ugin ad issinen \u1e5aebbi, Sidi \u1e5aebbi ye\u01e7\u01e7a-ten di l\u025beqliya-nsen i\u025bewjen iwakken ad xedmen ayen ur nlaq ara.\n1:29 ?\u010du\u1e5ben d lba\u1e6del akk-d wayen n diri : d \u1e6d\u1e6dme\u025b, d cce\u1e5b, \u021b-\u021bismin ; d at tmeg\u1e5ba\u1e0d, d at ccwal, d at t\u1e25ila, d at ti\u1e25e\u1e5bci, d iqe\u1e5b\u1e5ba\u1e0den.\n1:30 Wa yekkat deg wa, d i\u025bdawen n \u1e5aebbi, ur \u021bne\u1e25camen ara, d imzuxiyen, d ikeddaben ; snulfuyen-d cce\u1e5b, \u021b\u025ba\u1e63in lwaldin-nsen.\n1:31 Ur s\u025bin lefhama, ur s\u025bin laman, ulac deg wulawen-nsen \u1e5b\u1e5be\u1e25ma ne\u0263 le\u1e25nana.\n1:32 ?as akken \u1e93ran l\u1e25isab n Sidi \u1e5aebbi ye\u021b\u1e5ba\u01e7u wid ixeddmen annect-agi yerna uklalen lmut, \u021bkemmilen di tikli-nsen yerna fe\u1e5b\u1e25en s wid ixeddmen am nutni.\n2:1 Ulac fell-ak ssma\u1e25 a win i\u021b\u1e25asaben wiya\u1e0d, axa\u1e6der akken teb\u0263u\u1e0d tili\u1e0d, mi te\u021b\u1e25asabe\u1e0d wiya\u1e0d, d iman-ik i t\u1e25usbe\u1e0d, imi ke\u010d\u010d i ten-i\u021b\u1e25asaben txeddme\u1e0d am nutni.\n2:2 Ne\u1e93ra belli Sidi \u1e5aebbi i\u1e25ekkem s l\u1e25eqq \u0263ef wid ixeddmen lec\u0263al-agi.\n2:3 I ke\u010d\u010d i ge\u021b\u1e25asaben wid ixeddmen lec\u0263al-agi, ma txeddme\u1e0d am nutni, t\u0263ile\u1e0d a\u021b-\u021bmen\u025be\u1e0d i l\u1e25isab n Sidi \u1e5aebbi ?\n2:4 E\u025bni t\u1e25eq\u1e5be\u1e0d le\u1e25nana d \u1e63\u1e63be\u1e5b i ges\u025ba Sidi \u1e5aebbi mbla ce\u1e25\u1e25a ? Ur te\u1e93ri\u1e0d ara belli i\u1e63ebber-ak s le\u1e25nana-s iwakken a\u021b-\u021bbeddle\u1e0d tikli ?\n2:5 Lame\u025bna ke\u010d\u010d yes\u0263a\u1e5bayen ul-ik tugi\u1e0d a\u021b-\u021bbeddle\u1e0d tikli, te\u021bheggi\u1e0d i yiman-ik l\u025biqab ameqqran i wass n l\u1e25isab, ass i deg ara d-ibin wurrif akk-d l\u1e25eqq n Sidi \u1e5aebbi\n2:6 ara yerren i mkul yiwen ayen yexdem .\n2:7 ad yefk tudert n dayem i wid ixeddmen lxi\u1e5b s \u1e63\u1e63be\u1e5b, ye\u021bnadin \u0263ef l\u025bezz d l\u1e25e\u1e5bma akk-d tudert n dayem.\n2:8 Ma d wid yellan d imcumen, ike\u1e5bhen tide\u021b, ixeddmen lba\u1e6del, a d-isse\u0263li fell-asen urrif \u021b-\u021bwa\u0263it ;\n2:9 a d-isse\u0263li da\u0263en ccedda \u021b-\u021bwa\u0263it \u0263ef yal amdan ixeddmen cce\u1e5b, di tazwara \u0263ef wat Is\u1e5bail, a d-\u1e0def\u1e5ben le\u01e7nas nni\u1e0den.\n2:10 Me\u025bna a d-i\u021b\u021bunefk l\u025bezz d l\u1e25e\u1e5bma akk-d lehna i kra n win ixeddmen lxi\u1e5b, i wat Is\u1e5bail uqbel, a d-\u1e0def\u1e5ben le\u01e7nas nni\u1e0den.\n2:11 ?er Sidi \u1e5aebbi ulac lxilaf ger yemdanen.\n2:12 Kra n wid ara idenben, ur nessin ara ccari\u025ba n Musa, asm'ara mmten ur t\u1e25ekkem ara fell-asen ; ma d win ara idenben yili yessen ccari\u025ba, d ccari\u025ba ara t-i\u1e25asben.\n2:13 Ma\u010d\u010di d wid isme\u1e25sisen kan i ccari\u025ba i ge\u021bwa\u1e25esben d i\u1e25eqqiyen \u0263er Sidi \u1e5aebbi, me\u025bna d wid i gxeddmen ayen i d-tenna.\n2:14 Le\u01e7nas ur nessin ara ccari\u025ba, i gxeddmen s nneya-nsen ayen i d-tenna, u\u0263alen d ccari\u025ba i yiman-nsen \u0263as akken ur \u021b-s\u025bin ara.\n2:15 Beggnen-d s tikli-nsen belli ayen i d-tenna ccari\u025ba, deg ulawen-nsen i gura. D ulawen-nsen i d-i\u021bbegginen annect-a axa\u1e6der axemmem nsen tikwal i\u021b\u1e25asab-iten, tikwal ye\u021b\u1e25uddu fell-asen.\n2:16 D annect-agi ara d-ibanen asm'ara i\u1e25aseb Sidi \u1e5aebbi s \u0190isa Lmasi\u1e25, ayen akk xeddmen yemdanen s tuffra am akken yella di lexba\u1e5b n lxi\u1e5b i \u021bbecci\u1e5be\u0263.\n2:17 Ke\u010d\u010d i\u1e25esben iman-ik si dderya n wat Is\u1e5bail, te\u021b\u021bekle\u1e0d \u0263ef ccari\u025ba n Musa, te\u021bzuxxu\u1e0d s \u1e5aebbi ;\n2:18 ke\u010d\u010d yessnen leb\u0263i n Sidi \u1e5aebbi, te\u1e93ri\u1e0d d acu i gelhan imi tesne\u1e0d ccari\u025ba ;\n2:19 ke\u010d\u010d i g\u0263ilen tzemre\u1e0d a\u021b-\u021be\u1e6d\u1e6dfe\u1e0d afus i ider\u0263alen, a\u021b-\u021bili\u1e0d \u021b-\u021bafat n wid yellan di \u1e6d\u1e6dlam ;\n2:20 ke\u010d\u010d i\u1e25esben iman-ik tzemre\u1e0d a\u021b-\u021besfehme\u1e0d wid ur nessin, ne\u0263 a\u021b-\u021bili\u1e0d d ccix n warrac axa\u1e6der tufi\u1e0d di ccari\u025ba n Musa tamusni akk-d \u021bide\u021b !\n2:21 Tesselmade\u1e0d wiya\u1e0d, me\u025bna ur tesselmade\u1e0d ara iman-ik ;\n2:22 tnehhu\u1e0d wiya\u1e0d ur \u021b\u021bakren ara, ke\u010d\u010d s yiman-ik te\u021b\u021bakre\u1e0d ; tnehhu\u1e0d wiya\u1e0d ur zennun ara, ke\u010d\u010d s yiman-ik tzennu\u1e0d ! Tke\u1e5bhe\u1e0d ssada\u021b, te\u021b\u021bakre\u1e0d lemqamat-nsen !\n2:23 Te\u021bzuxxu\u1e0d s ccari\u025ba, me\u025bna tesse\u0263laye\u1e0d lqima n yisem n Sidi \u1e5aebbi imi ur txeddme\u1e0d ara ayen i d-teqqa\u1e5b !\n2:24 Axa\u1e6der akken yura di tira iqedsen : ?ef ddemma-nwen i ge\u021bwargem yisem n Sidi \u1e5aebbi ger le\u01e7nas.\n2:25 ?-\u021bide\u021b, \u1e6d\u1e6dha\u1e5ba tenfe\u025b ma yella tettaba\u025be\u1e0d ccari\u025ba, me\u025bna ma yella ur txeddme\u1e0d ara ayen i d-tenna ccari\u025ba, am akken ur te\u1e0dhi\u1e5be\u1e0d ara.\n2:26 Win ur ne\u1e0dhi\u1e5b ara, iteb\u025ben ccari\u025ba, e\u025bni ur i\u021bwa\u1e25sab ara \u0263er Sidi \u1e5aebbi am akken ye\u1e0dhe\u1e5b ?\n2:27 Ne\u021bta ur ne\u1e0dhi\u1e5b ara di l\u01e7e\u021b\u021ba-s, ixeddmen ayen i d-tenna ccari\u025ba, izmer a k-i\u1e25aseb ke\u010d\u010d i\u1e0deh\u1e5ben, yesnen ccari\u025ba me\u025bna ur txeddme\u1e0d ara ayen i d-teqqa\u1e5b.\n2:28 Win yellan s \u021bide\u021b n wat Is\u1e5bail, ma\u010d\u010di s uqemmuc kan, ne\u0263 s \u1e6d\u1e6dha\u1e5ba i d-i\u021bbanen deg weglim-ines ;\n2:29 me\u025bna mmi-s n wat Is\u1e5bail n tide\u021b, d win i t-yellan deg ul-ines, \u1e6d\u1e6dha\u1e5ba n \u1e63\u1e63e\u1e25 d ayen ixeddem \u1e5a\u1e5bu\u1e25 iqedsen deg ul n wemdan, ma\u010d\u010di \u021b-\u021bin ixeddem wemdan s ccari\u025ba. Amdan am-agi, d Sidi \u1e5aebbi i t-i\u021b\u025buzzun ma\u010d\u010di d imdanen.\n3:1 Ihi d acu i s\u025ban n wat Is\u1e5bail sennig wiya\u1e0d ? D acu n nnfe\u025b yellan di \u1e6d\u1e6dha\u1e5ba ?\n3:2 Lfayda tella yerna \u021b-\u021bameqqrant di mkul tama, axa\u1e6der d nutni iwumi d-yefka Sidi \u1e5aebbi awal-is d imezwura.\n3:3 Ma yella ihi kra deg-sen \u025bu\u1e63an awal-is, e\u025bni Sidi \u1e5aebbi a ten-inke\u1e5b me\u1e5b\u1e5ba i lmend-nsen ?\n3:4 D lmu\u1e25al ! Sidi \u1e5aebbi d a\u1e25eqqi, d imdanen kan i geskiddiben ; am akken yura di tektabt n ?abur : Iwakken a d-iban l\u1e25eqq n wawal-ik, yerna m'ara te\u021b\u1e25asabe\u1e0d, d ke\u010d\u010d i ges\u025ban l\u1e25eqq.\n3:5 Ma yella lba\u1e6del i nxeddem isban-ed l\u1e25eqq n Sidi \u1e5aebbi, d acu ara d-nini ? E\u025bni Sidi \u1e5aebbi ur yes\u025bi ara l\u1e25eqq m'ara \u0263-i\u025baqeb ? ( Nni\u0263-ed ayagi s l\u025beqliya n wemdan. )\n3:6 ?-\u021bide\u021b yes\u025ba l\u1e25eqq ! Ne\u0263 m'ulac amek ara i\u1e25aseb ddunit ?\n3:7 Ma yella lekdeb-iw i\u021bbeggin-ed tide\u021b n Sidi \u1e5aebbi yerna isnernay di l\u025ba\u1e0dima-s, acu\u0263er ihi mazal-iyi \u021bwa\u1e25esbe\u0263 d amednub ?\n3:8 Llan kra n yemdanen hedd\u1e5ben fell-a\u0263 s \u1e93\u1e93u\u1e5b, qqa\u1e5ben belli nenna-d : \u00ab Acu\u0263e\u1e5b ur nxeddem ara cce\u1e5b iwakken a d-yeffe\u0263 lxi\u1e5b ? \u00bb Imdanen am wigi uklalen l\u025biqab n Sidi \u1e5aebbi.\n3:9 Amek ihi ? E\u025bni Nukni s wat Is\u1e5bail axi\u1e5b n wiya\u1e0d ? Xa\u1e6di ! Nni\u0263-ed yakan belli am wat Is\u1e5bail am le\u01e7nas nni\u1e0den, d aklan n ddnub me\u1e5b\u1e5ba.\n3:10 Akken yura di tektabt iqedsen : Ulac amdan a\u1e25eqqi, ulac ula d yiwen,\n3:11 Yiwen ur ifhim, yiwen ur ye\u021bqellib \u0263ef Sidi \u1e5aebbi, ff\u0263en akk i webrid, u\u0263alen d imejhal ;\n3:12 ulac win ixeddmen lxi\u1e5b, ulac ula d yiwen.\n3:13 Imawen-nsen ldin am i\u1e93ekwan, Ilsawen-nsen d ixedda\u025ben. ?\u010du\u1e5ben d ssem am izerman.\n3:14 Imawen-nsen \u010d\u010du\u1e5ben d dde\u025bwat n cce\u1e5b \u021b-\u021be\u1e5bzeg.\n3:15 I\u1e0da\u1e5b\u1e5ben-nsen \u021b\u0263awalen iwakken ad ssizlen idammen ;\n3:16 ansi \u025beddan ad \u01e7\u01e7en axe\u1e63\u1e63ar d nnger di late\u1e5b-nsen.\n3:17 Ur ssinen ara abrid n lehna ;\n3:18 ur s\u025bin ara deg ul-nsen tugdi n Sidi \u1e5aebbi.\n3:19 Ne\u1e93ra belli ayen akk i d-tenna ccari\u025ba, tenna-t-id i wid yellan seddaw le\u1e25kum n ccari\u025ba iwakken imdanen me\u1e5b\u1e5ba ad zemmemen yimawen-nsen, ad \u1e93ren belli d imednuben i llan zdat Sidi \u1e5aebbi.\n3:20 Ur yezmir yiwen ad yili d a\u1e25eqqi \u0263er Sidi \u1e5aebbi imi i gexdem ayen i d-teqqa\u1e5b ccari\u025ba ; axa\u1e6der ccari\u025ba te\u021bbeggin-ed kan i wemdan belli d amednub i gella.\n3:21 Tura Sidi \u1e5aebbi isbeggen-a\u0263-d amek ara nu\u0263al d i\u1e25eqqiyen zdat-es mbla ccari\u025ba. Ayagi yella di ccari\u025ba n Musa akk-d tektabin n lenbiya.\n3:22 Sidi \u1e5aebbi i\u1e25seb-a\u0263 d i\u1e25eqqiyen imi numen s \u0190isa Lmasi\u1e25,\n3:23 axa\u1e6der ulac lxilaf ger yemdanen imi denben me\u1e5b\u1e5ba, \u021bwa\u1e25e\u1e5bmen si l\u025ba\u1e0dima n Sidi \u1e5aebbi.\n3:24 Lame\u025bna s \u1e5b\u1e5be\u1e25ma-ines, yerra-ten d i\u1e25eqqiyen mbla lexla\u1e63, s \u0190isa Lmasi\u1e25 i ten-id-icufe\u025b.\n3:25 D ne\u021b\u021ba i d-ifka Sidi \u1e5aebbi d asfel fell-a\u0263 iwakken s idammen-is yuzzlen, a d-yawi le\u025bfu n ddnub i yemdanen me\u1e5b\u1e5ba ara yamnen yis. Akka i d-ibeggen Sidi \u1e5aebbi l\u1e25eqq-ines ; axa\u1e6der zik-nni, asm'akken i sen-i\u1e63be\u1e5b, ur i\u025buqeb ara imdanen \u0263ef ddnubat-nsen ;\n3:26 ma \u021b-\u021bura isken-ed amek i ten-yerra d i\u1e25eqqiyen zdat-es, axa\u1e6der yeb\u0263a a d-ibeggen belli ne\u021b\u021ba d a\u1e25eqqi yerna ad yerr d i\u1e25eqqiyen wid akk ara yamnen s \u0190isa.\n3:27 Anda-\u021b sebba n zzux ? Ulac ! Axa\u1e6der ma\u010d\u010di s lef\u025bayel ara nzux me\u025bna s liman.\n3:28 Nukni ne\u1e93ra amdan ad yu\u0263al d a\u1e25eqqi zdat \u1e5aebbi s liman-ines ma\u010d\u010di s wayen i d-tenna ccari\u025ba.\n3:29 E\u025bni Sidi \u1e5aebbi, d Illu n wat Is\u1e5bail kan ? Ur yelli ara d Illu n le\u01e7nas nni\u1e0den ? Ula d nutni d Illu-nsen\n3:30 imi yiwen n \u1e5aebbi kan i gellan ; ad yerr d i\u1e25eqqiyen zdat-es wid akk yumnen, am wid i\u1e0deh\u1e5ben am wid ur ne\u1e0dhi\u1e5b.\n3:31 Ma nenna-d akka, ma\u010d\u010di d lqima n ccari\u025ba i neb\u0263a a nesse\u0263li, me\u025bna d lqima-ines n \u1e63\u1e63e\u1e25 i s-nefka.\n4:1 D acu ara d-nini ihi \u0263ef Sidna Ib\u1e5bahim, jeddi-tne\u0263 ? Amek i ted\u1e5ba yid-es ?\n4:2 Lemmer ye\u021bwa\u1e25seb d a\u1e25eqqi s lxi\u1e5b yexdem, tili yes\u025ba sebba s wayes ara izuxx, me\u025bna ur yezmir ara ad izuxx zdat Sidi \u1e5aebbi.\n4:3 Akken yura di tira iqedsen : Sidna Ib\u1e5bahim ye\u021bkel \u0263ef \u1e5aebbi, daymi i ge\u021bwa\u1e25seb d a\u1e25eqqi .\n4:4 Axeddam yuklal lexla\u1e63-is, lexla\u1e63 ines ur s-i\u021bwa\u1e25seb ara d lemziya me\u025bna d l\u1e25eqq-is.\n4:5 Akken da\u0263en win ur ne\u021bkil ara \u0263ef lxi\u1e5b i gxeddem, me\u025bna ye\u021bkel \u0263ef \u1e5aebbi i ge\u021b\u021barran amednub d a\u1e25eqqi, ad ye\u021bwa\u1e25seb d a\u1e25eqqi \u0263ef ddemma n liman-is.\n4:6 Akka i gessefra Sidna Dawed \u0263ef wemdan i g\u1e25e\u021b\u021beb Sidi \u1e5aebbi d a\u1e25eqqi mbla ma yemmuqel \u0263er lef\u025bayel-is :\n4:7 D ise\u025bdiyen wid iwumi \u021bwasem\u1e25ent seyyat-nsen, iwumi \u021bwam\u1e25an ddnubat -nsen !\n4:8 D ase\u025bdi wemdan iwumi ur i\u1e25sib ara Sidi \u1e5aebbi ddnub-is !\n4:9 Lfe\u1e5b\u1e25-agi, yella i wid i\u1e0deh\u1e5ben kan ne\u0263 yella da\u0263en i wid ur ne\u1e0dhi\u1e5b-ara ? Nenna-d belli : \u1e5aebbi i\u1e25seb Sidna Ib\u1e5bahim d a\u1e25eqqi \u0263ef ddemma n liman-ines.\n4:10 Melmi i\u021bwa\u1e25seb Sidna Ib\u1e5bahim d a\u1e25eqqi, uqbel ad ye\u1e0dhe\u1e5b ne\u0263 armi ge\u1e0dhe\u1e5b ? Ma\u010d\u010di armi ge\u1e0dhe\u1e5b me\u025bna uqbel !\n4:11 ?\u1e6dha\u1e5ba tusa-yas-ed d \u021bbut, d ccama i d-isbeggnen belli Sidi \u1e5aebbi yerra-t d a\u1e25eqqi \u0263ef ddemma n liman-ines uqbel ad ye\u1e0dhe\u1e5b. S wakka Sidna Ib\u1e5bahim yu\u0263al d jedd n wid akk yumnen, i ge\u021bwa\u1e25esben d i\u1e25eqqiyen \u0263er Sidi \u1e5aebbi \u0263as ur \u1e0dhi\u1e5ben ara.\n4:12 Yella da\u0263en d jedd n wid akk i\u1e0deh\u1e5ben, ur ne\u021bkil ara \u0263ef \u1e6d\u1e6dha\u1e5ba-nsen kan me\u025bna teb\u025ben late\u1e5b-is, s\u025ban liman i ges\u025ba uqbel ad ye\u1e0dhe\u1e5b.\n4:13 Ayen akk i gew\u025bed Sidi \u1e5aebbi d lwe\u1e5bt di ddunit i Sidna Ib\u1e5bahim akk-d dderya n dderya-s, ur s-t-iw\u025bid ara imi i getbe\u025b ccari\u025ba, me\u025bna imi i ge\u021bkel fell-as. Daymi i t-ye\u1e25seb Sidi \u1e5aebbi d a\u1e25eqqi.\n4:14 Lemmer d wid ittaba\u025ben ccari\u025ba ara iwe\u1e5bten, iwumi ihi liman, iwumi lwe\u025bd n Sidi \u1e5aebbi.\n4:15 Axa\u1e6der d ccari\u025ba i d-i\u021bawin urrif n \u1e5aebbi, lemmer ulac ccari\u025ba ur d-te\u021b\u021bili ara t\u1e5bu\u1e93i n ccari\u025ba.\n4:16 Lwe\u025bd i d-yefka Sidi \u1e5aebbi i Sidna Ib\u1e5bahim, yebna \u0263ef liman iwakken ad yili d lemziya, ad \u021bekkin deg-s dderya n dderya-s ma\u010d\u010di d wid kan yessnen ccari\u025ba lame\u025bna wid akk yumnen am ne\u021b\u021ba, yu\u0263al d jeddi-tne\u0263 nukni akk s wid yumnen.\n4:17 Am akken yura di Taw\u1e5bat n Sidna Musa : Sbedde\u0263-k iwakken a\u021b-\u021bili\u1e0d d jedd n wa\u1e6das n le\u01e7nas. Yu\u0263al d jeddi-tne\u0263 zdat \u1e5aebbi s wayes i gumen, i d-i\u1e25eggun lmegtin, i d-ixelqen ayen ur nelli ara.\n4:18 ?as akken ur d-iqqim usirem, Sidna Ib\u1e5bahim yu\u1e5b\u01e7a s le\u021bkal d ameqqran armi yu\u0263al d jedd n wa\u1e6das n yegduden akken i s-yenna Sidi \u1e5aebbi : Akka ara tili dderya n dderya-k.\n4:19 Liman n Sidna Ib\u1e5bahim ur yenqis ara \u0263as akken q\u1e5bib ad issiwe\u1e0d meyya iseggasen, iwala iman-is dayen ur yezmir ara ad is\u025bu dderya, yerna tame\u1e6d\u1e6dut-is Sa\u1e5ba te\u01e7\u01e7a-\u021b dderya.\n4:20 Ye\u021bkel \u0263ef Sidi \u1e5aebbi, ur t-yekcim ara ccekk \u0263ef wayen i s-yew\u025bed. D liman yes\u025ba i t-is\u01e7ehden, s wakka i ge\u021b\u1e25emmid Sidi \u1e5aebbi Bab n tezmert.\n4:21 Ye\u021bkel belli Sidi \u1e5aebbi yezmer a s-d-yefk ayen i s-yew\u025bed.\n4:22 ?ef wannect-agi i t-ye\u1e25seb Sidi \u1e5aebbi d a\u1e25eqqi.\n4:23 Ma\u010d\u010di fell-as kan i gura di tira iqedsen : Ye\u021bwa\u1e25seb d a\u1e25eqqi,\n4:24 lame\u025bna fell-a\u0263 ula d nukni, imi numen s win i d-isse\u1e25yan \u0190isa Ssid nne\u0263 si ger lmegtin.\n4:25 Ye\u021b\u021bunefk ad immet \u0263ef ddemma n ddnubat nne\u0263, isse\u1e25ya-t-id Sidi \u1e5aebbi si ger lmegtin iwakken a nu\u0263al d i\u1e25eqqiyen.\n5:1 Tura imi nu\u0263al d i\u1e25eqqiyen s liman, ters-ed lehna gar-a\u0263 d \u1e5aebbi s Ssid-nne\u0263 \u0190isa Lmasi\u1e25.\n5:2 Yis da\u0263en i nufa abrid s liman \u0263er \u1e5b\u1e5be\u1e25ma n Sidi \u1e5aebbi i deg nella tura. Lfe\u1e5b\u1e25-nne\u0263, d asirem nes\u025ba belli a n\u021bekki di l\u025ba\u1e0dima n Sidi \u1e5aebbi.\n5:3 Ula di lme\u1e25nat, ne\u021b\u021bili di lfe\u1e5b\u1e25 axa\u1e6der ne\u1e93ra lme\u1e25na te\u021b\u021bawi-d \u1e63\u1e63be\u1e5b,\n5:4 \u1e63\u1e63be\u1e5b isse\u01e7had deg uje\u1e5b\u1e5beb, l\u01e7ehd deg uje\u1e5b\u1e5beb i\u021b\u021bawi-d asirem.\n5:5 Asirem-agi ulac deg-s lexde\u025b, axa\u1e6der le\u1e25mala n Sidi \u1e5aebbi te\u1e93\u1e93a deg ulawen-nne\u0263 s \u1e5a\u1e5bu\u1e25 iqedsen i \u0263-d-ye\u021b\u021bunefken ;\n5:6 asm'akken i \u0263-i\u0263leb ddnub ur s-nezmir ara, Lmasi\u1e25 yemmut \u0263ef ddemma n imednuben di lweqt ilaqen.\n5:7 Iw\u025be\u1e5b i wemdan ad iqbel ad immet \u0263ef ddemma n u\u1e25eqqi ; ahat ad yili win ara iqeblen ad immet \u0263ef ddemma n wemdan yelhan ;\n5:8 ma d Lmasi\u1e25, ne\u021b\u021ba yemmut fell-a\u0263 m'akken nella d imednuben ; s wakka i \u0263-d-ibeggen Sidi \u1e5aebbi le\u1e25mala-ines.\n5:9 Imi nu\u0263al tura d i\u1e25eqqiyen \u0263er Sidi \u1e5aebbi s idammen n Lmasi\u1e25 yuzzlen fell-a\u0263, yis da\u0263en ara ne\u021b\u021busellek seg urrif n Sidi \u1e5aebbi.\n5:10 Asm'akken nella d i\u025bdawen-is, yefka-d Mmi-s iwakken s lmut-is a \u0263-issem\u1e63ale\u1e25 yid-es. Tura imi nem\u1e63ala\u1e25 d Sidi \u1e5aebbi, a ne\u021b\u021busellek da\u0263en s tudert n Mmi-s.\n5:11 Ma\u010d\u010di d ayagi kan, lame\u025bna tura lfe\u1e5b\u1e25-nne\u0263 atan di Sidi \u1e5aebbi, s Sidna \u0190isa Lmasi\u1e25 i \u0263-issem\u1e63ala\u1e25en yid-es.\n5:12 S wakka ihi, ddnub ikcem-ed \u0263er ddunit s yiwen wemdan, amdan agi d Adem ; ddnub-agi yewwi-d lmut, lmut te\u021b\u021bawi akk imdanen, axa\u1e6der imdanen me\u1e5b\u1e5ba denben.\n5:13 Uqbel a d-yefk Sidi \u1e5aebbi ccari\u025ba i Musa, ddnub yella yakan di ddunit ; me\u025bna imdanen ur \u021b\u021bu\u1e25asben ara s ccari\u025ba imi ur\u025bad i d-tusi.\n5:14 ?as akka, si zzman n Adem armi d zzman n Sidna Musa lmut te\u1e25kem ula \u0263ef yemdanen ur n\u025bu\u1e63a ara \u1e5aebbi am akken i t-i\u025bu\u1e63a Adem, ne\u021b\u021ba yellan d lemtel n win ara d-yasen.\n5:15 Ur nezmir ara a nmettel ddnub n Adem \u0263er lemziya d \u1e5b\u1e5be\u1e25ma n Sidi \u1e5aebbi ; Adem i\u025bu\u1e63a Sidi \u1e5aebbi yiwet n tikkelt yewwi-d lmut i yemdanen me\u1e5b\u1e5ba, ac\u1e25al ihi meqq\u1e5bet \u1e5b\u1e5be\u1e25ma n Sidi \u1e5aebbi i d-ye\u021b\u021bunefken i yemdanen s \u0190isa Lmasi\u1e25.\n5:16 \u1e5a\u1e5be\u1e25ma-agi n Sidi \u1e5aebbi ma\u010d\u010di am ddnub n yiwen wemdan. Axa\u1e6der yiwen n ddnub yewwi-d l\u1e25isab d l\u025biqab, ma d \u1e5b\u1e5be\u1e25ma n Sidi \u1e5aebbi, te\u021b\u021bekkes l\u1e25isab d l\u025biqab \u0263ef wa\u1e6das n ddnubat.\n5:17 Ma yella lmut te\u1e25kem \u0263ef yemdanen me\u1e5b\u1e5ba s ddnub n yiwen wemdan, ihi wid iwumi d-te\u021b\u021bunefk \u1e5b\u1e5be\u1e25ma d l\u1e25eqq, ad \u1e25ekmen yerna ad idiren s \u0190isa Lmasi\u1e25.\n5:18 S wakka, ddnub n yiwen wemdan yesse\u0263li-d l\u025biqab \u0263ef yemdanen me\u1e5b\u1e5ba, akken da\u0263en l\u1e25eqq i gexdem yiwen wemdan, yewwi-d leslak i gessidiren imdanen me\u1e5b\u1e5ba.\n5:19 Ihi am akken \u025be\u1e63\u1e63u n yiwen wemdan, yerra a\u1e6das n yemdanen d imednuben, akken da\u0263en \u1e6d\u1e6da\u025ba n yiwen wemdan terra a\u1e6das n yemdanen d i\u1e25eqqiyen.\n5:20 Ccari\u025ba tger-ed iman-is iwakken a d-tbeggen ac\u1e25al meqqe\u1e5b ddnub, lame\u025bna anda yekte\u1e5b ddnub, \u1e5b\u1e5be\u1e25ma n Sidi \u1e5aebbi meqq\u1e5bet akte\u1e5b.\n5:21 S wakka ddnub ye\u1e25kem s lmut, ma d \u1e5b\u1e5be\u1e25ma n Sidi \u1e5aebbi te\u1e25kem s l\u1e25eqq, te\u021b\u021bawi \u0263er tudert n dayem s \u0190isa Lmasi\u1e25 Ssid-nne\u0263.\n6:1 Acu ara d-nini ihi ? A nkemmel a ne\u021b\u025bici di ddnub iwakken \u1e5b\u1e5be\u1e25ma n Sidi \u1e5aebbi a\u021b-\u021bim\u0263u\u1e5b ?\n6:2 Ala ! Nukni i gemmuten \u0263ef ddemma n ddnub, amek ara nkemmel a ne\u021b\u025bici deg-s ?\n6:3 Ne\u0263 ur te\u1e93rim ara belli nukni akk i ge\u021bwa\u0263e\u1e0dsen iwakken a neddukel d \u0190isa Lmasi\u1e25, ne\u021bwa\u0263\u1e0de\u1e63 yid-es di lmut-is ?\n6:4 S we\u0263\u1e0das, ne\u021bwam\u1e0del yid-es iwakken, nukni da\u0263en a d-ne\u1e25yu akken i d-ye\u1e25ya Lmasi\u1e25 si ger lmegtin s tezmert n \u1e5aebbi, a nekcem di tudert taj\u1e0di\u1e6d.\n6:5 Axa\u1e6der ma necrek yid-es di lmut-is, a necrek da\u0263en yid-es di \u1e25eggu-ines.\n6:6 Ilaq-a\u0263 a n\u1e93er belli amdan-nni i nella zik, yemmut, i\u021bwasemme\u1e5b akk-d Lmasi\u1e25 iwakken a\u021b-\u021bemmet l\u01e7e\u021b\u021ba ye\u010d\u010du\u1e5ben d ddnub, ur ne\u021b\u021bili ara d aklan n ddnub.\n6:7 Axa\u1e6der win yemmuten islek si ddnub,\n6:8 imi nemmut akk-d Lmasi\u1e25, numen da\u0263en belli a nidir yid-es.\n6:9 Ne\u1e93ra belli Lmasi\u1e25 seg wasmi i d-ye\u1e25ya si ger lmegtin, ur ye\u021b\u021bu\u0263al ara ad immet, lmut ur tezmir ara a\u021b-\u021be\u1e25kem fell-as.\n6:10 Axa\u1e6der taluft n ddnub yefra-\u021b \u0263ef yiwet n tikkelt i dayem, s lmut-is. Tura atan d l\u1e25ey, idder i Sidi \u1e5aebbi.\n6:11 Ula d kunwi \u1e25esbet iman-nwen am akken temmutem \u0263ef wayen ye\u025bnan ddnub. \u0190icet i \u1e5aebbi di tdukkli akk-d \u0190isa Lmasi\u1e25.\n6:12 Tura ur \u021b\u021ba\u01e7at ara ddnub ad i\u1e25kem fell-awen, ur xeddmet ara ccehwat n tnefsit-nwen am zik.\n6:13 Ur \u021b\u021ba\u01e7at ara lemfa\u1e63el n l\u01e7e\u021b\u021bat-nwen ad \u0263lint di ddnub, iwakken ad ixdem yis-sen cce\u1e5b ; lame\u025bna qeddmet iman-nwen i \u1e5aebbi am win i d-i\u1e25yan si lmut iwakken a\u021b-\u021bqeddcem fell-as a \u021b-\u021bxeddmem anagar lxi\u1e5b.\n6:14 Ddnub ur ye\u021b\u021bu\u0263al ara ad i\u1e25kem fell-awen axa\u1e6der ur tellim ara seddaw n ccari\u025ba lame\u025bna seddaw n \u1e5b\u1e5be\u1e25ma n Sidi \u1e5aebbi.\n6:15 Acu ara d-nini ihi ? A ne\u01e7\u01e7 ddnub ad idebbe\u1e5b fell-a\u0263 tura imi nella seddaw n \u1e5b\u1e5be\u1e25ma n Sidi \u1e5aebbi ma\u010d\u010di seddaw n ccari\u025ba ? A \u0263-imne\u025b \u1e5aebbi deg wannect-agi !\n6:16 Ur te\u1e93rim ara belli ma tu\u0263alem d aklan n yiwen iwakken ad idebbe\u1e5b fell-awen, ilaq a s-ta\u0263em awal ama d ddnub ye\u021b\u021bawin \u0263er lmut ne\u0263 d \u1e6d\u1e6da\u025ba n \u1e5aebbi ye\u021b\u021bawin \u0263er tudert ta\u1e25eqqit.\n6:17 Lame\u025bna a ne\u1e25med \u1e5aebbi imi zik tellam d aklan n ddnub, ma tura t\u1e0du\u025bem s wulawen-nwen awal i tlemdem.\n6:18 Te\u021b\u021busellkem-d si ddnub tu\u0263alem d aklan n l\u1e25eqq.\n6:19 Tura a wen-d-hed\u1e5be\u0263 s l\u025beqliya nwen iwakken a\u021b-\u021bfehmem axa\u1e6der annect-agi yew\u025be\u1e5b i lefhama. Am akken tsellmem iman-nwen zik d aklan i l\u025ba\u1e5b iwakken a\u021b-\u021bxedmem l\u025ba\u1e5b, tura sellmet iman-nwen d aklan i l\u1e25eqq d \u1e63\u1e63wab iwakken a\u021b-\u021be\u1e63fu tudert-nwen.\n6:20 Asmi tellam d aklan n ddnub tex\u1e0dam i l\u1e25eqq.\n6:21 Acu i treb\u1e25em s lec\u0263al-nni s wayes tesset\u1e25am tura, lec\u0263al-nni i ge\u021b\u021bawin \u0263er lmut.\n6:22 Tura te\u021bwaselkem si ddnub, tu\u0263alem d iqeddacen n \u1e5aebbi, lfayda nwen \u021b-\u021bikli deg webrid ye\u1e63fan akk-d tudert n dayem.\n6:23 Ddnub ye\u021b\u021bawi \u0263er lmut, ma d \u1e5b\u1e5be\u1e25ma n Sidi \u1e5aebbi tewwi-ya\u0263-d tudert n dayem di tikli-nne\u0263 akk-d \u0190isa Lmasi\u1e25 Ssid-nne\u0263.\n7:1 Ay atmaten ur te\u1e93rim ara belli ccari\u025ba te\u1e25kem \u0263ef wemdan skud mazal-it idder ? Hedd\u1e5be\u0263-ed akka i wid yessnen ccari\u025ba.\n7:2 A wen-d-fke\u0263 yiwen n lemtel : tame\u1e6d\u1e6dut te\u021bwarez \u0263er wergaz-is s ccari\u025ba skud mazal-it yedder, me\u025bna ma yemmut wergaz-is tserre\u1e25-as ccari\u025ba ma teb\u0263a a\u021b-\u021b\u025biwed zzwa\u01e7 ;\n7:3 ma tu\u0263 waye\u1e0d skud mazal argaz-is idder, ye\u021b\u021busemma tezna ; me\u025bna ma yemmut wergaz-is tserre\u1e25-as ccari\u025ba a\u021b-\u021b\u025biwed zzwa\u01e7, ayagi ur ye\u021b\u021busemma ara d le\u1e25\u1e5bam.\n7:4 Ula d kunwi ay atmaten, temmutem \u0263ef wayen ye\u025bnan ccari\u025ba s lmut n Lmasi\u1e25, akken a\u021b-\u021be\u1e6d\u1e6dfem deg win i d-ye\u1e25yan si ger lmegtin iwakken a\u021b-\u021bxedmem ayen i s-i\u025be\u01e7ben i Sidi \u1e5aebbi.\n7:5 Axa\u1e6der d ccari\u025ba i d-isbeggnen amek i n\u021beddu s leb\u0263i n tnefsit-nne\u0263 d ccehwat-nne\u0263 n diri ; d ne\u021b\u021bat da\u0263en i d-isbeggnen amek yexdem ddnub-agi deg-nne\u0263, armi i \u0263-ye\u1e63\u1e63awe\u1e0d \u0263er lmut.\n7:6 Lame\u025bna tura ne\u021b\u021busellek si l\u1e25ekma n ccari\u025ba imi ne\u021b\u021busemma nemmut \u0263ef wayen ye\u025bnan ccari\u025ba nni i \u0263-yurzen, s wakka i nezmer tura a n\u1e0du\u025b Sidi \u1e5aebbi s l\u025beqliya taj\u1e0di\u1e6d n \u1e5a\u1e5bu\u1e25 iqedsen, ma\u010d\u010di am zik s l\u025beqliya-nni taqdimt mi nella seddaw n ccari\u025ba.\n7:7 Acu ara d-nini ihi, e\u025bni ccari\u025ba deg-s ddnub ? Xa\u1e6di ! Lame\u025bna lemmer ulac ccari\u025ba tili ur \u021bissine\u0263 ara d acu i d ddnub. Axa\u1e6der lemmer ur d-tenni ara ccari\u025ba : ur \u1e6d\u1e6dama\u025b ara , tilli ur \u1e93ri\u0263 ara belli \u1e6d\u1e6dme\u025b d le\u1e25\u1e5bam ?\n7:8 Ddnub ifu\u1e5bes tagni\u021b s lame\u1e5b n ccari\u025ba ; yesnulfa-d deg-i mkul \u1e63\u1e63enf n \u1e6d\u1e6dme\u025b n diri ; axa\u1e6der mbla ccari\u025ba ur d-i\u021bban ara d acu i d ddnub.\n7:9 Zik, asmi ulac ccari\u025ba lli\u0263 \u021b\u025bici\u0263 s nneya, mi d-iffe\u0263 lame\u1e5b n ccari\u025ba, ddnub yuki-d deg-i, ye\u1e63\u1e63awe\u1e0d-iyi \u0263er lmut.\n7:10 S wakka, lame\u1e5b i glaqen ad iyi-ssiwe\u1e0d \u0263er tudert, yewwi-yi \u0263er lmut\n7:11 axa\u1e6der ddnub yufa abrid, s lame\u1e5b-agi n ccari\u025ba d\u0263a ixde\u025b-iyi, yewwi-yi \u0263er lmut.\n7:12 Ihi, ccari\u025ba s yiman-is te\u1e63fa, lumu\u1e5bat yellan deg-s \u1e63fan, lhan yerna d l\u1e25eqq.\n7:13 E\u025bni yu\u0263al-iyi wayen yelhan d sebba n lmut ? Xa\u1e6di ! D ddnub i yi-\u1e63\u1e63aw\u1e0den \u0263er lmut s wayen yelhan, iwakken s ccari\u025ba, a d-tban ac\u1e25al meqq\u1e5bet tezmert n ddnub.\n7:14 Ne\u1e93ra belli ccari\u025ba n Musa te\u021b\u021bunefk-ed s \u1e5a\u1e5bu\u1e25 n Sidi \u1e5aebbi. Ma d nekk, d amdan kan i lli\u0263 yerna imlek-iyi ddnub.\n7:15 Ur \u1e93ri\u0263 ara acu i xeddme\u0263, ayen b\u0263i\u0263 a t-xedme\u0263 ur t-xeddme\u0263 ara lame\u025bna d ayen akken ke\u1e5bhe\u0263 i xeddme\u0263.\n7:16 Ma yella ayen i xeddme\u0263 d ayen akken ur b\u0263i\u0263 ara a t-xedme\u0263, t\u1e25eqqeqe\u0263 belli ccari\u025ba telha.\n7:17 Tura ihi ma\u010d\u010di d nekk i gxeddmen ayagi, me\u025bna d ddnub ized\u0263en deg-i.\n7:18 Axa\u1e6der \u1e93ri\u0263 belli ayen yelhan ur yezdi\u0263 ara deg-i nekk yellan d amdan. ?as akken yeb\u0263a wul-iw ad ixdem lxi\u1e5b, nekk ur zmire\u0263 ara a t-xedme\u0263,\n7:19 axa\u1e6der ur xeddme\u0263 ara lxi\u1e5b i b\u0263i\u0263, me\u025bna d cce\u1e5b ur b\u0263i\u0263 ara i xeddme\u0263 ;\n7:20 ma yella xeddme\u0263 ayen ur b\u0263i\u0263 ara ihi ma\u010d\u010di d nekk i t-ixeddmen me\u025bna d ddnub-nni ized\u0263en deg-i.\n7:21 Ihi atan wayen fehme\u0263 deg yiman-iw : mkul m'ara b\u0263u\u0263 ad xedme\u0263 lxi\u1e5b ad afe\u0263 d cce\u1e5b kan iwumi zemre\u0263.\n7:22 Deg ul-iw \u1e25emmle\u0263 ccari\u025ba n Sidi \u1e5aebbi,\n7:23 me\u025bna \u021b\u021bafe\u0263 deg yiman-iw yiwet n \u1e6d\u1e6dbi\u025ba ye\u021bna\u0263en d ccari\u025ba n \u1e5aebbi i g\u1e25emmel wul-iw ; \u1e6d\u1e6dbi\u025ba-yagi terra-yi seddaw l\u1e25ekma n ddnub yellan deg-i.\n7:24 A nnger-iw ! Anwa ara yi sellken si \u1e6d\u1e6dbi\u025ba-agi n wemdan i yi-\u021b\u021bawin \u0263er lmut ?\n7:25 A ne\u1e25med Sidi \u1e5aebbi imi s \u0190isa Lmasi\u1e25 Ssid-nne\u0263 i ne\u021b\u021busellek ! S wakka ihi, s lefhama-inu, \u1e0du\u025be\u0263 ccari\u025ba n Sidi \u1e5aebbi, me\u025bna s \u1e6d\u1e6dbi\u025ba n wemdan yellan deg-i, d akli n ddnub i lli\u0263.\n8:1 Ihi ass n l\u1e25isab ulac l\u025biqab \u0263ef wid yumnen s \u0190isa Lmasi\u1e25.\n8:2 Axa\u1e6der tazmert n \u1e5a\u1e5bu\u1e25 iqedsen, tin i d-ifkan tudert i wid yumnen s \u0190isa Lmasi\u1e25, tsellek-iyi-d si tezmert n ddnub akk-d lmut.\n8:3 Ccari\u025ba n Musa ur tezmir ara a\u021b-\u021be\u0263leb ddnub axa\u1e6der \u1e6d\u1e6dbi\u025ba-nne\u0263 tekkes-as tazmert. Ayen akken ur tezmir ara ccari\u025ba n Musa a t texdem, d ayen i gexdem Sidi \u1e5aebbi mi d-icegge\u025b Mmi-s s \u1e63\u1e63ifa n wemdan, i d-yusan s l\u01e7e\u021b\u021ba am tin n yemdanen yellan me\u1e5b\u1e5ba d imednuben, iwakken ad yefk iman-is d asfel s wayes ara ye\u1e25kem \u0263ef ddnub i ten-ized\u0263en.\n8:4 S wakka ihi ara ye\u021bwakkemmel deg-nne\u0263 wayen i d-tenna ccari\u025ba n Musa, nukni ye\u021b\u025bicin s tezmert n \u1e5a\u1e5bu\u1e25 iqedsen ma\u010d\u010di s \u1e6d\u1e6dbi\u025ba-nne\u0263.\n8:5 Wid ye\u021b\u025bicin s \u1e6d\u1e6dbi\u025ba n wemdan \u021bqelliben kan \u0263ef wayen ye\u025bnan leb\u0263i n wemdan, ma d wid i\u021b\u025bicin s \u1e5a\u1e5bu\u1e25 iqedsen \u021bqelliben \u0263ef wayen ye\u025bnan leb\u0263i n \u1e5a\u1e5bu\u1e25 iqedsen.\n8:6 Wid i\u021b\u025bicin s \u1e6d\u1e6dbi\u025ba n wemdan \u021beddun \u0263er lmut, ma d wid i\u021b\u025bicin s leb\u0263i n \u1e5a\u1e5bu\u1e25 iqedsen \u021beddun \u0263er tudert d lehna.\n8:7 Axa\u1e6der wid ittaba\u025ben leb\u0263i n wemdan u\u0263alen d i\u025bdawen n Sidi \u1e5aebbi imi ur \u1e0du\u025ben ara ccari\u025ba-ines, axa\u1e6der \u1e6d\u1e6dbi\u025ba n wemdan ur tezmir ara a\u021b-\u021b\u1e0du\u025b ccari\u025ba n Sidi \u1e5aebbi.\n8:8 Wid temlek \u1e6d\u1e6dbi\u025ba-nsen ulamek ara \u025be\u01e7ben i Sidi \u1e5aebbi.\n8:9 Ma d kunwi ma\u010d\u010di s \u1e6d\u1e6dbi\u025ba n wemdan i te\u021b\u021beddum lame\u025bna te\u021b\u021beddum s leb\u0263i n \u1e5a\u1e5bu\u1e25 iqedsen axa\u1e6der \u1e5a\u1e5bu\u1e25 n Sidi \u1e5aebbi izde\u0263 deg-wen. Win deg ur yezdi\u0263 ara \u1e5a\u1e5bu\u1e25 n Lmasi\u1e25 ur yelli ara d ayla-s.\n8:10 Ma yella \u1e5a\u1e5bu\u1e25 n Lmasi\u1e25 deg-wen, \u0263as akken l\u01e7e\u021b\u021ba-nwen a\u021b-\u021bemmet \u0263ef ddemma n ddnub, \u1e5b\u1e5bu\u1e25-nwen ad yidir \u0263ef ddemma n l\u1e25eqq n Sidi \u1e5aebbi.\n8:11 Ma yezde\u0263 deg-wen \u1e5a\u1e5bu\u1e25 n Sidi \u1e5aebbi i d-yesse\u1e25yan Sidna \u0190isa si ger lmegtin, win i d-yesse\u1e25yan Sidna \u0190isa si ger lmegtin, yezmer da\u0263en s \u1e5a\u1e5bu\u1e25-is ized\u0263en deg-wen, a d-yerr tudert i l\u01e7e\u021b\u021ba-nwen ara yemten.\n8:12 S wakka ihi ay atmaten leb\u0263i n \u1e6d\u1e6dbi\u025ba-nne\u0263 ur ye\u1e6debbi\u1e5b ara fell-a\u0263 tura iwakken a nexdem leb\u0263i-ines.\n8:13 Ma yella t\u025bacem s leb\u0263i n \u1e6d\u1e6dbi\u025ba nwen atan a\u021b-\u021bemtem, lame\u025bna ma t\u0263elbem leb\u0263i n \u1e6d\u1e6dbi\u025ba-nwen s \u1e5a\u1e5bu\u1e25 iqedsen, a\u021b-\u021bidirem.\n8:14 Axa\u1e6der wid i\u021beddun s \u1e5a\u1e5bu\u1e25 n Sidi \u1e5aebbi, d nutni i d arraw n \u1e5aebbi.\n8:15 \u1e5a\u1e5bu\u1e25 i wen-d-i\u021b\u021bunefken ma\u010d\u010di d \u1e5a\u1e5bu\u1e25 ara kkun-irren d aklan iwakken a\u021b-\u021b\u025bicem di tugdi, me\u025bna d \u1e5a\u1e5bu\u1e25 iqedsen i kkun-irran d arraw n \u1e5aebbi, yis i nezmer a nessiwel i Sidi \u1e5aebbi : \u00ab A baba-tne\u0263 ! \u00bb\n8:16 D \u1e5a\u1e5bu\u1e25 n Sidi \u1e5aebbi s yiman-is i d-i\u1e25eqqeqen deg wulawen-nne\u0263 belli nu\u0263al d arraw n Sidi \u1e5aebbi.\n8:17 Ihi ma yella d arraw-is i nella, d nukni da\u0263en ara iwe\u1e5bten : a new\u1e5bet \u0263er Sidi \u1e5aebbi nukni akk-d Lmasi\u1e25, axa\u1e6der ma nen\u025be\u021b\u021bab yid-es, a nili da\u0263en yid-es di l\u025ba\u1e0dima-ines.\n8:18 Ihi le\u025btab i nes\u025bedday tura, ur nezmir ara a t-nmettel \u0263er l\u025ba\u1e0dima ara d-ibeggen Sidi \u1e5aebbi deg-nne\u0263.\n8:19 Taxelqit me\u1e5b\u1e5ba t\u1e25ar melmi ara d-banen warraw n Sidi \u1e5aebbi.\n8:20 Axa\u1e6der taxelqit te\u0263li seddaw le\u1e25kum n lba\u1e6del, ma\u010d\u010di s leb\u0263i-ines, lame\u025bna s leb\u0263i n win i \u021b-yesse\u0263lin.\n8:21 Me\u025bna taxelqit-agi tessaram a\u021b-\u021be\u021bwasellek si twa\u0263it i \u021b-isfesden, iwakken a\u021b-\u021bekki di l\u025ba\u1e0dima n tlelli n warraw n Sidi \u1e5aebbi.\n8:22 Ne\u1e93ra tura belli taxelqit me\u1e5b\u1e5ba ten\u025be\u021b\u021bab, te\u021bnaza\u025b am tme\u1e6d\u1e6dut ye\u1e6d\u1e6dfen addud.\n8:23 Ma\u010d\u010di \u021b-\u021baxelqit kan, me\u025bna ula d nukni yes\u025ban \u1e5a\u1e5bu\u1e25 iqedsen, yellan d amur amezwaru n tikciwin i \u0263-d-iw\u025bed Sidi \u1e5aebbi, ne\u021bnaza\u025b deg iman-nne\u0263, ne\u021b\u1e5ba\u01e7u a nban s tide\u021b d arraw n \u1e5aebbi i nella m'ara icafe\u025b deg-nne\u0263 s lekmal.\n8:24 Axa\u1e6der leslak nne\u0263 d ayen i nessaram ; ma yella nes\u025ba ayen i nessaram, ayagi ma\u010d\u010di d asirem : anwa ara yessirmen ayen yes\u025ba ?\n8:25 Me\u025bna ma nessaram ayen ur nes\u025bi, ne\u021b\u1e5ba\u01e7u-t s \u1e63\u1e63be\u1e5b.\n8:26 Akken da\u0263en \u1e5a\u1e5bu\u1e25 iqedsen i\u021b\u021bas-ed a \u0263 i\u025biwen nukni ixu\u1e63\u1e63en di tezmert, axa\u1e6der ur nessin ara a ne\u1e93\u1e93al akken ilaq ; lame\u025bna \u1e5a\u1e5bu\u1e25 iqedsen s yiman-is ide\u025b\u025bu \u0263er \u1e5aebbi \u0263ef ddemma-nne\u0263, s nnehtat iwumi ur yezmir yimi a tent-id-yini s imeslayen ;\n8:27 imiren Sidi \u1e5aebbi yessnen ulawen, ye\u1e93ra d acu i gessutur \u1e5a\u1e5bu\u1e25 iqedsen, imi s leb\u0263i n Sidi \u1e5aebbi i gde\u025b\u025bu \u0263ef wid yexta\u1e5b.\n8:28 Ne\u1e93ra belli Sidi \u1e5aebbi issufu\u0263 \u0263er lxi\u1e5b ayen akk i d-ide\u1e5b\u1e5bun d wid i t-i\u1e25emmlen, wid yexta\u1e5b s leb\u0263i-ines.\n8:29 Axa\u1e6der wid akk i gexta\u1e5b Sidi \u1e5aebbi si zik, iqsed si tazwara a ten-yerr am Mmi-s iwakken Mmi-s agi ad yili d amenzu n wa\u1e6das n watmaten.\n8:30 Wid i gexta\u1e5b Sidi \u1e5aebbi si zik, d wid iwumi i d-issawel ; wid-nni iwumi yessawel yerra-ten d i\u1e25eqqiyen zdat-es, wid yerra d i\u1e25eqqiyen yefka-yasen amkan di l\u025ba\u1e0dima-s.\n8:31 Acu ara d-nernu ihi ? Anwa ara \u0263-izemren ma yella Sidi \u1e5aebbi yid-nne\u0263 ?\n8:32 Ne\u021b\u021ba iqeblen ad isebbel Mmi-s e\u025bzizen, yefka-t d asfel fell-a\u0263 me\u1e5b\u1e5ba, amek ur \u0263-d-ye\u021b\u021bak ara da\u0263en kullec yid-es ?\n8:33 Anwa ara icetkin \u0263ef wid yexta\u1e5b \u1e5aebbi ? D Sidi \u1e5aebbi s yiman-is i ten-i\u1e25esben d i\u1e25eqqiyen !\n8:34 Anwa i gzemren ad i\u1e25kem fell asen ? \u0190isa Lmasi\u1e25 d win yemmuten yerna i\u1e25ya-d si ger lmegtin, yuli \u0263er tama tayeffust n Sidi \u1e5aebbi iwakken ad icafe\u025b fell-a\u0263 !\n8:35 Anwa i gzemren a \u0263-if\u1e5beq \u0263ef le\u1e25mala n Lmasi\u1e25 ? E\u025bni d ddiq ne\u0263 d ccedda, d leqhe\u1e5b ne\u0263 d la\u1e93, d le\u025bra ne\u0263 d ayen yessaggaden ne\u0263 d ajenwi ?\n8:36 Am akken yura di tektabt n ?abur : ?ef ddemma-inek a Sidi \u1e5aebbi i ne\u021bqabal lmut mkul ass, \u1e25esben-a\u0263 am ulli i \u021b\u021bawin \u0263er tmezliwt.\n8:37 Me\u025bna deg wannect-agi me\u1e5b\u1e5ba d nukni i g\u0263elben s Lmasi\u1e25 i \u0263- i\u1e25emmlen.\n8:38 Axa\u1e6der \u021bekle\u0263 belli ulac d acu i gzemren a \u0263-if\u1e5beq \u0263ef le\u1e25mala n Sidi \u1e5aebbi s \u0190isa Lmasi\u1e25 Ssid-nne\u0263 : ama d lmut ne\u0263 \u021b-\u021budert, ama d lmalayekkat, ama \u021b-\u021bigeldiwin, ama d le\u1e25waye\u01e7 n tura ne\u0263 \u021b-\u021bid ara d-yasen, ama d ayen \u025blayen, ama d ayen lqayen, ama \u021b-\u021bizmar n igenwan ne\u0263 \u021b-\u021bid n lqa\u025ba ne\u0263 ayen akk yellan di txelqit.\n9:1 A wen-d-ini\u0263 tide\u021b, nekk iteddun deg ubrid n Lmasi\u1e25, ur skiddibe\u0263 ara ; lxa\u1e6der-iw icehhed-d \u0263ef wayagi s \u1e5a\u1e5bu\u1e25 iqedsen i yi-sedduyen :\n9:2 le\u1e25zen d u\u0263ilif zgan deg ul-iw.\n9:3 Zemre\u0263 ad qeble\u0263 ad \u021b\u021bune\u025ble\u0263 ne\u0263 ad \u021b\u021bu\u1e25e\u1e5b\u1e5bme\u0263 \u0263ef Lmasi\u1e25 \u0263ef ddemma n watmaten-iw akk-d lumma-inu ;\n9:4 nutni at Is\u1e5bail i gexta\u1e5b Sidi \u1e5aebbi d agdud-is yefka-yasen-d l\u025ba\u1e0dima, yexdem yid-sen le\u025bqud, yefka-yasen-d ccari\u025ba d wamek ara t-\u025bebden, yerna-yasen-d lem\u025bahdat.\n9:5 Seg-sen i d-ff\u0263en lejdud-nne\u0263 i gellan d iqeddacen imezwura n Sidi \u1e5aebbi, ula d Lmasi\u1e25 seg-sen i d-iffe\u0263 mi d-ilul s \u1e63\u1e63ifa n wemdan, ne\u021b\u021ba i gellan sennig kra yellan, d Illu ye\u021bwa\u1e25emden i dayem. Amin !\n9:6 Acu ara d-nini ? Sidi \u1e5aebbi yendem deg wawal-is ? Xa\u1e6di ! Me\u025bna ma\u010d\u010di d wid me\u1e5b\u1e5ba i d-ilulen seg jeddi-tne\u0263 Is\u1e5bail i gellan n wat Is\u1e5bail i gexta\u1e5b Sidi \u1e5aebbi.\n9:7 Da\u0263en ma\u010d\u010di d wid me\u1e5b\u1e5ba i d-ye\u01e7\u01e7a Sidna Ib\u1e5bahim i gellan d arraw-is n tide\u021b, axa\u1e6der Sidi \u1e5aebbi inna-yas-d : Seg Is\u1e25aq ara d-teffe\u0263 dderya i k-we\u025bde\u0263.\n9:8 S wakka ihi nezmer ad ini ma\u010d\u010di d dderya i d ilulen s leb\u0263i n wemdan ara i\u021b\u021busemmin d arraw n Sidi \u1e5aebbi me\u025bna anagar wid i d-ilulen s leb\u0263i n Sidi \u1e5aebbi akken i t-id-yew\u025bed.\n9:9 Axa\u1e6der atnan imeslayen s wayes i g\u025buhed Sidi \u1e5aebbi : A d-u\u0263ale\u0263 aseggas i d-iteddun di lweqt-agi, ?ara a d-tes\u025bu aqcic.\n9:10 Ma\u010d\u010di d ayagi kan : arraw n Rbi\u1e25a da\u0263en i gellan d akniwen, s\u025ban yiwen n baba-tsen yellan d jeddi-tne\u0263 Is\u1e25aq.\n9:11 Me\u025bna imi Sidi \u1e5aebbi i\u021bextiri imdanen ma\u010d\u010di \u0263ef ddemma n lec\u0263al-nsen me\u025bna akken yella leb\u0263i-s d usiwel-ines ; mazal ur\u025bad i d-lulen warraw n Rbi\u1e25a, ur xdimen cce\u1e5b, ur xdimen lxi\u1e5b, mi s-d-yenna Sidi \u1e5aebbi : Amenzu deg warraw-im ad yu\u0263al d aqeddac \u0263ef wumec\u1e6du\u1e25.\n9:13 Akken i gura da\u0263en deg umkan nni\u1e0den n tira iqedsen : ?emmle\u0263 Ye\u025bqub, ke\u1e5bhe\u0263 Icaw.\n9:14 D acu ara d-nini deg wannect-a ? E\u025bni Sidi \u1e5aebbi ixeddem lba\u1e6del ? D lmu\u1e25al !\n9:15 Axa\u1e6der yenna-yas i Sidna Musa : A d-sserse\u0263 \u1e5b\u1e5be\u1e25ma-inu \u0263ef win i b\u0263i\u0263, ad \u1e25unne\u0263 da\u0263en \u0263ef win i b\u0263i\u0263.\n9:16 Lba\u1e5baka n Sidi \u1e5aebbi ur d-te\u021b\u021bas ara s lef\u025bayel n wemdan ama yuzzel ama yeqqim me\u025bna kullec ye\u021b\u021bas-ed s \u0263u\u1e5b Sidi \u1e5aebbi i d-ye\u021b\u021baken \u1e5b\u1e5be\u1e25ma ines akken yeb\u0263a.\n9:17 Anda nni\u1e0den di tira iqedsen Sidi \u1e5aebbi yenna i Fer\u025bun agellid n Ma\u1e63er : Sbedde\u0263-k d agellid ameqqran iwakken a d-sbeggne\u0263 tazmert-iw deg-ek, s wakka di ddunit me\u1e5b\u1e5ba ad issinen belli d nekk i d Illu.\n9:18 Akka ihi, Sidi \u1e5aebbi yesrusu-d \u1e5b\u1e5be\u1e25ma-s \u0263ef win yeb\u0263a, is\u0263a\u1e5bay da\u0263en ul n win yeb\u0263a.\n9:19 Ahat ad yili win ara d-yinin : imi akka i gella l\u1e25al, acu i mazal i\u021blumu deg-nne\u0263 ? Anwa i gzemren a t-i\u025ba\u1e63i ?\n9:20 I ke\u010d\u010d ay amdan ur nes\u025bi azal, d acu i t\u1e25esbe\u1e0d iman-ik iwakken a\u021b-\u021b\u1e25asbe\u1e0d Sidi \u1e5aebbi ? E\u025bni tacmuxt i\u021bwameslen s wakal tezmer a\u021b-\u021bini i win i \u021b-imeslen acu\u0263er i yi-tmesle\u1e0d s \u1e63\u1e63ifa-yagi ?\n9:21 Win imesslen afexxa\u1e5b yezmer ad ixdem ayen i s-ihwan s wakal ; seg wakal-nni yezmer ad imsel tacmuxt izewqen ne\u0263 tin i sseqdacen kull ass.\n9:22 E\u025bni Sidi \u1e5aebbi ur yezmir ara a d-ibeggen urrif-is akk-d tezmert-is ? I\u0263a\u1e0d-ik l\u1e25al ma yella ye\u1e63ber s \u1e63\u1e63ber ameqqran i wid yuklalen urrif-is yerna teddun \u0263er nnger ?\n9:23 Deg wannect-agi, Sidi \u1e5aebbi yeb\u0263a a d-isbeggen ac\u1e25al meqq\u1e5bet tmanegt-is i nukni i \u0263ef i\u1e25unn, i ghegga si zik iwakken a nili yid-es di tmanegt-is ;\n9:24 nukni iwumi i d-yessawel Sidi \u1e5aebbi ma\u010d\u010di seg wat Is\u1e5bail kan, me\u025bna ula si ger le\u01e7nas nni\u1e0den ;\n9:25 akken i t-id-yenna Sidi \u1e5aebbi di tektabt n nnbi Huca\u025b : L\u01e7ens-nni ur nelli ara d agdud-iw a s-semmi\u0263 agdud-iw, win akken ur ne\u021bwa\u1e25emmel ara a s-semmi\u0263 win e\u025bzizen fell-i.\n9:26 Anda akken i sen-qqa\u1e5ben : \u00ab Ur tellim ara d agdud n Sidi \u1e5aebbi\u00bb, dinna ara \u021b\u021busemmin d arraw n Sidi \u1e5aebbi yeddren.\n9:27 Si l\u01e7iha-s, nnbi Ice\u025bya icar-ed \u0263ef wayen ye\u025bnan agdud n wat Is\u1e5bail : ?as ad ket\u1e5ben wat Is\u1e5bail am \u1e5b\u1e5bmel \u0263ef yiri n leb\u1e25e\u1e5b, kra deg-sen kan ara ye\u021b\u021buselken.\n9:28 Axa\u1e6der Sidi \u1e5aebbi ur i\u021b\u025be\u1e6d\u1e6dil ara ad ixdem di ddunit ayen akken i d-yenna deg wawal-is.\n9:29 Yura di tira iqedsen : Lemmer Sidi \u1e5aebbi Bab n tezmert ur a\u0263-d ye\u01e7\u01e7i ara kra seg wegdud-nne\u0263, tili nu\u0263al am temdint n Sudum, a\u021b-\u021be\u1e0dru yid-nne\u0263 am temdint n Gumu\u1e5b inegren. Ayagi yenna-t-id nnbi Ice\u025bya uqbel a d-yed\u1e5bu.\n9:30 D acu ara d-nini ihi ? Igduden nni\u1e0den ur ne\u021bnadi ara \u0263ef l\u1e25eqq u\u0263alen d i\u1e25eqqiyen zdat Sidi \u1e5aebbi, u\u0263alen d i\u1e25eqqiyen imi umnen yis.\n9:31 Ma d at Is\u1e5bail ye\u021bnadin ad u\u0263alen d i\u1e25eqqiyen s ccari\u025ba, ur wwi\u1e0den ara \u0263er lmeq\u1e63ud-nsen s ccari\u025ba.\n9:32 Acu\u0263er ? Axa\u1e6der ur qellben ara ad \u025be\u01e7ben i Sidi \u1e5aebbi s liman, me\u025bna nutni \u0263ilen ad u\u0263alen d i\u1e25eqqiyen s lef\u025bayel-nsen. Mmugren-d ad\u0263a\u0263 i sen-yellan d ugur, isse\u0263li-ten.\n9:33 Am akken yura di tektabt iqedsen : Atan ad sserse\u0263 \u0263ef wedrar n Siyun ad\u0263a\u0263, d ad\u0263a\u0263 i \u0263ef yekkat wugur, d az\u1e5bu yesse\u0263layen, me\u025bna win yumnen yis we\u1e5b\u01e7in ad yenne\u1e25cam.\n10:1 Ay atmaten, ayen i \u021bmenni\u0263 deg ul-iw, d leslak n wat Is\u1e5bail me\u1e5b\u1e5ba, ac\u1e25al i ssutre\u0263 di \u1e5aebbi \u0263ef ddemma-nsen iwakken ad \u021b\u021buselken.\n10:2 Axa\u1e6der zemre\u0263 ad cehde\u0263 fell-asen belli \u1e93ew\u1e5ben, b\u0263an ad \u025be\u01e7ben i Sidi \u1e5aebbi me\u025bna txu\u1e63\u1e63-iten tmusni.\n10:3 Imi ur \u1e25siben ara l\u1e25eqq i d ye\u021b\u021basen s \u0263u\u1e5b \u1e5aebbi yerna \u021bnadin ad sbedden l\u1e25eqq-nsen iman-nsen, ur \u1e0du\u025ben ara l\u1e25eqq i d-ye\u021b\u021basen s \u0263u\u1e5b \u1e5aebbi ;\n10:4 axa\u1e6der Lmasi\u1e25, d ne\u021b\u021ba i \u021b-\u021baggara n ccari\u025ba, i d l\u1e25eqq n wid yumnen me\u1e5b\u1e5ba.\n10:5 Atah wayen yura Sidna Musa \u0263ef l\u1e25eqq i d-i\u021bekken si ccari\u025ba : Amdan ara ixedmen ayen i d-tenna ccari\u025ba, ad yidir yis.\n10:6 Lame\u025bna atah wamek i\u021bmeslay l\u1e25eqq i d-i\u021basen si liman : ur qqa\u1e5b ara deg ul-inek anwa ara yalin \u0263er igenni ; amakken Lmasi\u1e25 ur d-i\u1e63ubb ara syenna\n10:7 Ne\u0263 anwa ara i\u1e63ubben \u0263er laxe\u1e5bt ? amakken ur d-ye\u1e25yi ara Lmasi\u1e25 si ger lmegtin .\n10:8 Acu i d teqqa\u1e5b ihi ? Awal n tudert atan \u0263u\u1e5b-ek, deg imi-k d wul-ik . Awal-agi d awal n liman, d awal i ne\u021bbecci\u1e5b.\n10:9 Ma tcehde\u1e0d s yimi-k belli Sidna \u0190isa d Ssid-ik, ma tumne\u1e0d deg wul-ik belli Sidi \u1e5aebbi isse\u1e25ya-t-id si ger lmegtin, atan a\u021b-\u021be\u021b\u021buselke\u1e0d.\n10:10 Axa\u1e6der ma yella tumne\u1e0d seg wul, Sidi \u1e5aebbi a k-i\u1e25seb d a\u1e25eqqi ; ma tcehde\u1e0d s yimi-k a\u021b-\u021be\u021b\u021buselke\u1e0d.\n10:11 Akken i t-id-nnant tira iqedsen : Kra n win yumnen yis we\u1e5b\u01e7in ad inne\u1e25cam.\n10:12 Ihi ulac lxilaf ger wat Is\u1e5bail akk-d wid ur nelli ara n wat Is\u1e5bail ; imi yiwen n \u1e5aebbi i gellan, \u1e6d\u1e6dfen me\u1e5b\u1e5ba deg-s, ne\u021b\u021ba i d-ye\u021b\u021baken mbla ce\u1e25\u1e25a i wid akk ineddhen \u0263u\u1e5b-es.\n10:13 Akken yura : Kra win ara yed\u025bun s yisem-is ad i\u021b\u021busellek.\n10:14 Amek ara d\u025bun \u0263u\u1e5b-es ma yella ur uminen ara yis ? Amek ara amnen ma yella ur slin ara yis ? Amek da\u0263en ara slen yis ma ulac win i sen-ihed\u1e5ben fell-as ?\n10:15 Amek ara yilin wid ara d-ihed\u1e5ben fell-as ma yella ur \u021b\u021bucegg\u025ben ara ? Akken yura di tira iqedsen : Ac\u1e25al yelha m'ara nwali teddun-d \u0263u\u1e5b-nne\u0263 wid i\u021bbecci\u1e5ben lexba\u1e5b n lxi\u1e5b.\n10:16 Lame\u025bna ur qbilen ara me\u1e5b\u1e5ba lexba\u1e5b-agi n lxi\u1e5b. Nnbi Ice\u025bya yenna da\u0263en : A Sidi, anwa i gumnen s wayen i nberre\u1e25 ?\n10:17 S wakka liman i\u021b\u021bas-ed seg wayen i nsell ye\u025bnan awal n Lmasi\u1e25.\n10:18 Lame\u025bna ma nenna-d : ahat ur slin ara ? Atah wayen yuran : ?\u1e63ut-nsen inuda ddunit me\u1e5b\u1e5ba, lehdu\u1e5b-nsen ww\u1e0den \u0263er ixfawen n ddunit.\n10:19 Nezmer a d-nini : ahat ur \u1e93rin ara wat Is\u1e5bail ? Lame\u025bna d Musa i d-ixebb\u1e5ben d amezwaru s \u0263u\u1e5b Sidi \u1e5aebbi mi d-yenna : A wen-d-ssekkre\u0263 tismin \u0263ef win ur nelli ara d agdud ; a kkun-id-yas wurrif \u0263ef wegdud ur nes\u025bi lefhama.\n10:20 Nnbi Ice\u025bya yessawe\u1e0d armi genna : Ufan-iyi wid ur nennuda ara fell-i, sbeggne\u0263-d iman-iw i wid ur nqelleb ara ad iyi-ssinen.\n10:21 Me\u025bna \u0263ef wat Is\u1e5bail yenna : ?elqe\u0263 ifassen-iw \u1e6dul n wass \u0263er wegdud i yi-ixulfen, i yi-i\u025bu\u1e63an.\n11:1 Ad ini\u0263 : e\u025bni Sidi \u1e5aebbi inke\u1e5b agdud-is ? Xa\u1e6di ! Imi nekk s yiman-iw n wat Is\u1e5bail, si dderya n Sidna Ib\u1e5bahim, seg wedrum n Benyamin.\n11:2 Sidi \u1e5aebbi ur yenki\u1e5b ara agdud-is i gexta\u1e5b si zik. Ur te\u1e93rim ara d acu i d-qqa\u1e5bent tira iqedsen, asmi i geccetka nnbi Ilyas i Sidi \u1e5aebbi \u0263ef wat Is\u1e5bail ? Yenna :\n11:3 A Sidi \u1e5aebbi ! N\u0263an lenbiya i d cegg\u025be\u1e0d, hudden idekkanen anda i k-d-\u021bqeddimen l\u0263aci iseflawen, anagar nekk i d yeqqimen yerna \u021bnadin a yi-n\u0263en !\n11:4 Lame\u025bna atah wamek i s-d-yerra Sidi \u1e5aebbi : Xta\u1e5b-a\u0263-ed i yiman-iw seb\u025ba alaf n yergazen ur nse\u01e7\u01e7ed ara zdat lme\u1e63nu\u025b Ba\u025bl.\n11:5 Akka da\u0263en, di lweqt-agi i deg nella tura, llan kra seg wat Is\u1e5bail i ge\u1e6d\u1e6dfen deg-s, d wid i gexta\u1e5b Sidi \u1e5aebbi, s \u1e5b\u1e5be\u1e25ma-ines.\n11:6 Ma\u010d\u010di \u0263ef ddemma n lef\u025bayel-nsen i ten-yexta\u1e5b me\u025bna s \u1e5b\u1e5be\u1e25ma-ines. Ne\u0263 m'ulac ma yella s lef\u025bayel i g\u021bexti\u1e5bi Sidi \u1e5aebbi, \u1e5b\u1e5be\u1e25ma-ines ur te\u021b\u021busemma ara d \u1e5b\u1e5be\u1e25ma.\n11:7 Amek ihi ? Ayen i nudan wat Is\u1e5bail ur t-wwi\u1e0den ara, anagar wid i gexta\u1e5b Sidi \u1e5aebbi i t-yeww\u1e0den ; ma d wiya\u1e0d qqu\u1e5ben wulawen-nsen.\n11:8 Akken yura di tektabt iqedsen : Sidi \u1e5aebbi yeqfel l\u025beqliya-nsen, allen-nsen ur \u021bwalint ara, i me\u1e93\u1e93u\u0263en-nsen ur sellen ara, ar ass-agi.\n11:9 Ula d Sidna Dawed yenna : Imensi n tme\u0263\u1e5biwin-nsen a sen-yu\u0263al \u021b-\u021basraft anda ara \u0263lin, d acebbak ara d-yesse\u0263lin. fell-asen l\u025biqab uklalen\n11:10 A d-ye\u0263li \u1e6d\u1e6dlam \u0263ef wallen-nsen iwakken ur \u021bwalin ara, lqedd-nsen ad yeknu i dayem !\n11:11 Acu ara d-ini\u0263 ihi ? E\u025bni at Is\u1e5bail \u0263lin iwakken ur \u021b\u021bu\u0263alen ara a d kkren ? Xa\u1e6di ! Lame\u025bna s tucc\u1e0da-nsen i ww\u1e0den le\u01e7nas nni\u1e0den \u0263er leslak. D annect-agi i d-issekkren tismin i wat Is\u1e5bail.\n11:12 Ma yella tucc\u1e0da-nsen tesserbe\u1e25 at ddunit, te\u1e63\u1e63awe\u1e0d-iten \u0263er leslak, ma yella lexsa\u1e5ba-nsen tewwi-d rrbe\u1e25 i yegduden nni\u1e0den, ihi ac\u1e25al meqq\u1e5bet lba\u1e5baka ara d-iff\u0263en seg-sen m'ara d-u\u0263alen \u0263er webrid n Sidi \u1e5aebbi, iwakken ad \u021b\u021buselken.\n11:13 Nekk i d-i\u021bwacegg\u025ben d \u1e5b\u1e5basul i le\u01e7nas ur nelli ara n wat Is\u1e5bail, fki\u0263 a\u1e6das n lqima i cc\u0263el-agi i yi-d i\u021b\u021bunefken\n11:14 iwakken ma yella wamek, a d ssekkre\u0263 tismin i watmaten-iw n wat Is\u1e5bail, ahat ad \u021b\u021buselken kra deg-sen.\n11:15 Axa\u1e6der ma yella a\u025bzal n wat Is\u1e5bail isem\u1e63ala\u1e25 le\u01e7nas nni\u1e0den akk-d Sidi \u1e5aebbi, acu ara yed\u1e5bun ihi m'ara d-u\u0263alen nutni \u0263er webrid n Sidi \u1e5aebbi ? Ad yili am akken d \u1e25eggu i d-\u1e25yan si ger lmegtin !\n11:16 Ma yella awren i te\u021bqeddimem i Sidi \u1e5aebbi ye\u1e63fa, ula d arukti ye\u1e63fa ; ma yella izu\u1e5ban n ttej\u1e5ba \u1e63e\u1e25\u1e25an, ifurkawen da\u0263en ad ilin \u1e63e\u1e25\u1e25an.\n11:17 Akka i ted\u1e5ba d wat Is\u1e5bail : kra n t\u1e63edwa \u021bwagezment si tzemmurt, ke\u010d\u010d a win ur nelli ara n wat Is\u1e5bail, yellan d a\u1e25eccad, te\u021bwaleqme\u1e0d deg umkan-nsent ; ma yella te\u021b\u021bekki\u1e0d deg izu\u1e5ban n tzemmurt d zzit-is,\n11:18 ur ilaq ara a\u021b-\u021b\u1e25eq\u1e5be\u1e0d tise\u1e0dwa-nni ye\u021bwagezmen. ?ader iman-ik \u0263ef zzux, axa\u1e6der ma\u010d\u010di d ke\u010d\u010d i ge\u1e6d\u1e6dfen a\u1e93ar me\u025bna d a\u1e93ar i k-i\u1e6d\u1e6dfen.\n11:19 A d-tini\u1e0d ihi : \u00ab \u021bwagezment kra n t\u1e63edwa iwakken ad \u021b\u021buleqme\u0263 nekkini \u00bb.\n11:20 Ayagi \u021b-\u021bide\u021b ; nutni \u021bwagezmen axa\u1e6der ur uminen ara, ma d ke\u010d\u010d te\u1e6d\u1e6dfe\u1e0d amkan-nsen imi tumne\u1e0d. ?ader iman-ik \u0263ef zzux, aggad Sidi \u1e5aebbi axi\u1e5b-ik !\n11:21 Axa\u1e6der akken i gegzem tise\u1e0dwa n la\u1e63el n tzemmurt iwakken a k-ileqqem fell-as, i gezmer a k-igzem ula d ke\u010d\u010d.\n11:22 Meyyez ihi ac\u1e25al \u1e25nin Sidi \u1e5aebbi, ac\u1e25al da\u0263en yew\u025be\u1e5b : yew\u025be\u1e5b \u0263er wid ye\u0263lin, ma d ke\u010d\u010d d a\u1e25nin \u0263u\u1e5b-ek ma te\u1e6d\u1e6dfe\u1e0d di le\u1e25nana-ines, ne\u0263 m'ulac a\u021b-\u021be\u021bwagezme\u1e0d ula d ke\u010d\u010d.\n11:23 Ula d at Is\u1e5bail m'ur kemmlen ara di le\u01e7hel-nsen, zemren ad \u021b\u021buleqmen, axa\u1e6der Sidi \u1e5aebbi yezmer a ten ileqqem, a ten-yerr \u0263er tzemmurt nsen.\n11:24 Ma yella ke\u010d\u010d i d-i\u021bwagezmen seg u\u1e25eccad, te\u021b\u021buleqme\u1e0d \u0263ef tzemmurt n l\u025bali \u0263as akken d a\u1e25eccad i telli\u1e0d, ac\u1e25al ihi i sen-ishel i nutni yellan \u021b-\u021bi\u1e63e\u1e0dwa n tzemmurt iwakken ad u\u0263alen ad \u021b\u021buleqmen \u0263ef tzemmurt-nsen.\n11:25 Ur b\u0263i\u0263 ara ay atmaten a\u021b \u021be\u021bwaffer fell-awen lba\u1e0dna-agi, iwakken ur t\u1e25e\u021b\u021bbem ara iman-nwen d wid yessnen. Kra seg wat Is\u1e5bail, sse\u0263\u1e5ben ulawen-nsen \u0263ef wawal n Sidi \u1e5aebbi yerna akka ara kemmlen di ta\u0263a\u1e5bt-nsen alamma yewwe\u1e0d leslak i le\u01e7nas me\u1e5b\u1e5ba.\n11:26 Imiren ad \u021b\u021buselken wat Is\u1e5bail irkul asmi ara d-yed\u1e5bu wayen i d-nnant tira iqedsen : A d-iffe\u0263 umsellek seg wedrar n Siyun, a sen-yekkes i warraw n Ye\u025bqub lekfe\u1e5b-nsen ;\n11:27 \u021b-\u021bagi i d lem\u025bahda ara xedme\u0263 yid-sen m'ara sen-kkse\u0263 ddnubat-nsen .\n11:28 ?ef wayen ye\u025bnan lexba\u1e5b n lxi\u1e5b, at Is\u1e5bail u\u0263alen d i\u025bdawen n \u1e5aebbi, ma d kunwi tesfaydim-d deg wayagi. Me\u025bna ma nemmuqel \u0263er lxetya\u1e5b n Sidi \u1e5aebbi, i\u1e25emmel-iten \u0263ef ddemma n lejdud-nsen.\n11:29 Axa\u1e6der Sidi \u1e5aebbi ur ineddem ara \u0263ef wid yexta\u1e5b ne\u0263 deg wayen i d-ye\u021b\u021bak.\n11:30 Zik-nni tellam t\u025bu\u1e63am Sidi \u1e5aebbi, lame\u025bna te\u021b\u021bunefk-awen-d \u1e5b\u1e5be\u1e25ma-ines i kunwi imi i t-\u025bu\u1e63an wat Is\u1e5bail,\n11:31 akken da\u0263en ara sen-d te\u021b\u021bunefk ula i nutni i t-i\u025bu\u1e63an tura, \u1e5b\u1e5be\u1e25ma i wen-d-i\u021b\u021bunefken i kunwi.\n11:32 Axa\u1e6der Sidi \u1e5aebbi ye\u01e7\u01e7a imdanen me\u1e5b\u1e5ba a t-\u025ba\u1e63in iwakken a sen-d-yefk da\u0263en me\u1e5b\u1e5ba \u1e5b\u1e5be\u1e25ma-ines.\n11:33 Ac\u1e25al lqayit, ac\u1e25al meqq\u1e5bit le\u025bqel \u021b-\u021bmusni n Sidi \u1e5aebbi ! Anwa i gzemren ad yissin l\u1e25ekmat-ines ne\u0263 ad ifhem iberdan-is ?\n11:34 Akken yura di tira iqedsen : Anwa i ge\u1e63\u1e63aw\u1e0den ad yissin ixemmimen n Sidi \u1e5aebbi ne\u0263 anwa i gzemren ad idebbe\u1e5b fell-as ?\n11:35 Anwa i s-yefkan kra d amezwaru iwakken ad ye\u1e5b\u01e7u a s-t-id-yerr ?\n11:36 Kullec yekka-d s \u0263u\u1e5b-es, kullec yella-d yis, kullec d ayla-s. I ne\u021b\u021ba l\u025ba\u1e0dima si l\u01e7il \u0263er l\u01e7il, amin !\n12:1 A kkun-nhu\u0263 ihi ay atmaten s \u1e5b\u1e5be\u1e25ma n Sidi \u1e5aebbi iwakken a\u021b-\u021bsebblem l\u01e7e\u021b\u021bat-nwen d le\u025bqliya nwen am wesfel yeddren, zeddigen, ye\u1e63fan ara i\u025be\u01e7ben i Sidi \u1e5aebbi ; \u021b-\u021bagi i d \u1e6d\u1e6da\u025ba i ge\u021b\u1e5ba\u01e7u deg-wen Sidi \u1e5aebbi.\n12:2 Ur \u021b\u025banadet ara l\u01e7il-agi n tura, me\u025bna \u01e7\u01e7et Sidi \u1e5aebbi ad ibeddel ixemmimen-nwen d l\u025beqliya-nwen iwakken a\u021b-\u021bissinem leb\u0263i-ines : ayen yelhan, ayen ye\u1e63fan ur nes\u025bi l\u025bib, d wayen akk i t-i\u025be\u01e7ben.\n12:3 S \u1e5b\u1e5be\u1e25ma i yi-d-i\u021b\u021bunefken, a d ini\u0263 i mkul yiwen deg-wen : ur ssim\u0263u\u1e5bet ara iman-nwen, sqen\u025bet s wakken tellam, ddut s neyya \u0263ef le\u1e25sab n liman i wen-d-yefka Sidi \u1e5aebbi.\n12:4 Am akken nes\u025ba a\u1e6das n lemfa\u1e63el di l\u01e7e\u021b\u021ba-nne\u0263, me\u025bna mkul yiwen si lemfa\u1e63el-nni s lxedma-ines,\n12:5 akken da\u0263en nukni, \u0263as deg wa\u1e6das yid-nne\u0263 i nella, s tdukli-nne\u0263 ne\u021b\u021bili d yiwet n l\u01e7e\u021b\u021ba di Lmasi\u1e25, aql-a\u0263 me\u1e5b\u1e5ba d lemfa\u1e63el wway gar-ane\u0263, wa ye\u1e25wa\u01e7 waye\u1e0d.\n12:6 Lame\u025bna di \u1e5b\u1e5be\u1e25ma-ines, Sidi \u1e5aebbi yefka-ya\u0263-d tukciwin yemxalafen : ilaq yal yiwen ad ixdem ayen i s-d-yefka Sidi \u1e5aebbi, akken ilaq, s wul d liman :\n12:7 ama d axebbe\u1e5b s \u0263u\u1e5b Sidi \u1e5aebbi s \u1e5a\u1e5bu\u1e25 iqedsen, ama d leqdic,\n12:8 ama d aselmed, ne\u0263 d nehhu. Ilaq da\u0263en win i\u021bseddiqen, ad iseddeq mbla \u1e6d\u1e6dme\u025b, win i\u021bdebbi\u1e5ben ad idebbe\u1e5b s \u1e63\u1e63wab, win i\u021b\u1e25unnun \u0263ef yime\u0263ban ilaq ad i\u1e25unn fell-asen s wul-is.\n12:9 Ur se\u025b\u025but ara sin wudmawen, \u1e25emmlet s wul ye\u1e63fan, ke\u1e5bhet cce\u1e5b, \u1e6d\u1e6dfet deg wayen yelhan.\n12:10 S\u025but daymen leqde\u1e5b wway gar-awen ; s\u025but le\u1e25nana, mye\u1e25malet s le\u1e25mala n tegma\u021b.\n12:11 Qedcet \u0263ef Sidi \u1e5aebbi s wulawen-nwen d wayen yellan di tezmert-nwen, \u1e93ew\u1e5bet, ur \u021b\u021bilit ara d ime\u025bdazen.\n12:12 Fe\u1e5b\u1e25et \u0263ef ddemma n usirem i tes\u025bam, s\u025but \u1e63\u1e63be\u1e5b di tegni\u021b n ccedda, de\u025b\u025but dayem \u0263er Sidi \u1e5aebbi, ur \u1e25ebbset ara.\n12:13 \u0190iwnet atmaten-nwen di liman deg wayen u\u1e25wa\u01e7en, s\u1e6der\u1e25bet s lfe\u1e5b\u1e25 s wid i d-ye\u021b\u021basen \u0263u\u1e5b-wen.\n12:14 D\u025but s lxi\u1e5b i wid i kkun i\u021bqehhi\u1e5ben, de\u025b\u025but s lxi\u1e5b, ur de\u025b\u025but ara s cce\u1e5b ;\n12:15 fe\u1e5b\u1e25et d wid ife\u1e5b\u1e25en, \u021brut d win ye\u021brun.\n12:16 Ur xeddmet ara lxilaf wway-gar awen, ur ssim\u0263u\u1e5bet ara iman-nwen me\u025bna ddut s wannuz, ur \u1e25e\u021bbet ara iman-nwen d wid yesnen.\n12:17 Ur \u021b\u021barrat ara \u021b\u021ba\u1e5b seg wid i kkun-i\u1e0du\u1e5b\u1e5ben, nadit \u0263ef wayen yelhan zdat yemdanen me\u1e5b\u1e5ba.\n12:18 Ma yella wamek ara d-tekk s \u0263u\u1e5b-wen lehna, ilit di lehna akk-d yemdanen me\u1e5b\u1e5ba.\n12:19 Ur \u021b\u021barrat ara \u021b\u021ba\u1e5b ay ime\u025bzuzen, lame\u025bna \u01e7\u01e7et kullec ger ifassen n Sidi \u1e5aebbi, d ne\u021b\u021ba ara ixedmen cc\u0263el-is. Atah wayen yuran di tira iqedsen : D nekk ara yerren \u021b\u021ba\u1e5b, ara yerren i mkul yiwen ayen yukla l, i d-yenna Sidi \u1e5aebbi .\n12:20 Yura da\u0263en : Ma yellu\u1e93 we\u025bdaw-ik efk-as ad ye\u010d\u010d, ma yeffud efk-as ad isew, axa\u1e6der ma txedme\u1e0d akka , am akken \u021b-\u021birgin i\u1e5beqqen ara tesserse\u1e0d \u0263ef wuqe\u1e5b\u1e5buy-is.\n12:21 Ur \u021b\u021ba\u01e7a ara cce\u1e5b ad i\u1e6d\u1e6def amkan deg ul-ik iwakken ad ixdem leb\u0263i-s, lame\u025bna e\u0263leb cce\u1e5b s lxi\u1e5b.\n13:1 Mkul amdan, ilaq ad iqade\u1e5b imdebb\u1e5ben i g\u1e25ekkmen tamurt i deg ye\u021b\u025bici, axa\u1e6der d Sidi \u1e5aebbi i d-i\u01e7\u01e7an l\u1e25ekma di ddunit, d ne\u021b\u021ba da\u0263en i geb\u0263an a\u021b-\u021bu\u0263al l\u1e25ekma-agi \u0263er yifassen n yemdanen.\n13:2 S wakka ihi, win ara ixalfen l\u1e25ekma i gesbedd Sidi \u1e5aebbi, d lame\u1e5b n Sidi \u1e5aebbi i g\u025bu\u1e63a, d l\u025biqab kan ara d-isse\u0263li \u0263ef yiman-is.\n13:3 Ma\u010d\u010di d wid ixeddmen lxi\u1e5b ara yaggaden imdebb\u1e5ben n l\u1e25ukuma me\u025bna d wid ixeddmen cce\u1e5b. M'ur teb\u0263i\u1e0d ara a\u021b-\u021bagga\u1e0de\u1e0d l\u1e25ukuma, xdem ayen yelhan, a k-fken lehna.\n13:4 Axa\u1e6der Sidi \u1e5aebbi yefka-d l\u1e25ukuma i nnfe\u025b-inek, me\u025bna ma txedme\u1e0d cce\u1e5b, \u0263as aggad-i\u021b axa\u1e6der Sidi \u1e5aebbi yefka i l\u1e25ukkam tazmert s wayes ara k-\u025baqben s lmut. L\u1e25ukkam agi qeddcen \u0263ef Sidi \u1e5aebbi iwakken a d-sbanen urrif-is m'ara \u025baqben wid ixeddmen cce\u1e5b.\n13:5 ?ef wayagi, ilaq-a\u0263 a n\u1e0du\u025b imdebb\u1e5ben n l\u1e25ukuma, ma\u010d\u010di \u0263ef ddemma n l\u025biqab kan me\u025bna i lmend n lxa\u1e6der-nne\u0263.\n13:6 Daymi da\u0263en i glaq a\u021b-\u021bxel\u1e63em tabzert i l\u1e25ukuma, axa\u1e6der wid i\u021bdebbi\u1e5ben deg wannect-agi, xeddmen cc\u0263el-nsen akken i t-id yenna Sidi \u1e5aebbi.\n13:7 Rret i mkul yiwen ayen i wen-i\u021b\u021balas : xell\u1e63et tabzert i kra win i wen-i\u021b\u021balasen, aggadet win i glaq a t-taggadem, qad\u1e5bet win i glaq a t-tqad\u1e5bem.\n13:8 ?u\u1e5b-wat a wen-i\u021balas yiwen l\u1e25a\u01e7a anagar le\u1e25mala n wway gar-awen, axa\u1e6der win i\u1e25emmlen wiya\u1e0d, ixdem ayen akk i d-tenna ccari\u025ba.\n13:9 Axa\u1e6der lumu\u1e5bat n ccari\u025ba i d yeqqa\u1e5ben : Ur txeddme\u1e0d ara l\u025ba\u1e5b, ur tneqqe\u1e0d ara, ur te\u021b\u021bakre\u1e0d ara, ur te\u1e6d\u1e6dama\u025be\u1e0d ara , akk-d lumu\u1e5b nni\u1e0den me\u1e5b\u1e5ba nnejma\u025ben deg yiwen n lame\u1e5b-agi : Ilaq a\u021b-\u021b\u1e25emle\u1e0d wiya\u1e0d am yiman-ik .\n13:10 Win yes\u025ban le\u1e25mala deg wul-is ur i\u021b\u1e0du\u1e5b\u1e5bu ara wiya\u1e0d, ihi win i\u1e25emmlen wiya\u1e0d, yexdem ayen akk i d-tenna ccari\u025ba.\n13:11 Imi te\u1e93ram d acu n lweqt i deg nella, tura yewwe\u1e0d-ed lawan i deg ara d-akim si nuddam axa\u1e6der ass n leslak iqe\u1e5b\u1e5beb-ed \u0263u\u1e5b-nne\u0263 akte\u1e5b n wass amezwaru i deg numen.\n13:12 Q\u1e5bib ad yekfu yi\u1e0d, i\u021beddu ad yali wass, a ndegge\u1e5b akkin \u0263ef yiman-nne\u0263 lexdayem n \u1e6d\u1e6dlam, a nerfed lesla\u1e25 s wayes ara neddu di tafat.\n13:13 A nel\u1e25u \u025binani s tezdeg akk-d \u1e63\u1e63fa, di tafat n wass ; x\u1e0dut i ssik\u1e5ban d ccehwat, i le\u025bdez d lexdayem icemten, i \u010daqlalat \u021b-\u021bismin.\n13:14 Me\u025bna elset tudert taj\u1e0di\u1e6d i gellan di Sidna \u0190isa Lmasi\u1e25, ur \u021b\u021ba\u01e7at ara iman-nwen a kkun-yawi \u1e6d\u1e6dme\u025b n leb\u0263i n tnefsit-nwen.\n14:1 Qeblet gar-awen win ur ne\u01e7hid ara di liman, ur kkatet ara deg-s ma ixu\u1e63\u1e63 di lefhama.\n14:2 Axa\u1e6der yiwen yumen belli yezmer ad ye\u010d\u010d kullec, waye\u1e0d ixu\u1e63\u1e63en di liman i\u021bkukru, ite\u021b\u021b kan lxed\u1e5ba.\n14:3 Win ite\u021b\u021ben kullec ur ilaq ara ad i\u1e25qe\u1e5b win ur nte\u021b\u021b ara, win ur nte\u021b\u021b ara ur ilaq ara da\u0263en ad i\u1e25aseb win ite\u021b\u021ben, axa\u1e6der Sidi \u1e5aebbi iqbel-it akken yella.\n14:4 D acu-k ke\u010d\u010d iwakken a\u021b-\u021b\u1e25asbe\u1e0d aqeddac n waye\u1e0d ? Ma yella ixdem cc\u0263el-is ne\u0263 yeqqim, ayagi d cc\u0263el n um\u025bellem-is ! Me\u025bna ad ibedd \u0263er cc\u0263el-is, axa\u1e6der Sidi \u1e5aebbi yes\u025ba tazmert iwakken a t-i\u1e6d\u1e6def ur i\u0263elli ara.\n14:5 Yella yiwen yeqqa\u1e5b llan wussan yes\u025ban azal akte\u1e5b n wiya\u1e0d, ma \u0263er waye\u1e0d ussan akk \u025bedlen ur mxalafen ara. Mkul yiwen ilaq ad it\u1e25eqqeq deg wayen i\u021bxemmim.\n14:6 Win ye\u021b\u021baken azal i wussan akte\u1e5b n wiya\u1e0d, ixeddem ayagi i Sidi \u1e5aebbi, win ite\u021b\u021ben kullec, ite\u021b\u021b s wul ye\u1e63fan axa\u1e6der ye\u021b\u1e25emmid Sidi \u1e5aebbi \u0263ef wayen ite\u021b\u021b ; win ur nte\u021b\u021b ara kullec, yexdem ayagi s wul ye\u1e63fan imi ula d ne\u021b\u021ba i\u021b\u1e25emmid Sidi \u1e5aebbi \u0263ef wayen ite\u021b\u021b.\n14:7 Ihi ulac win ye\u021b\u025bicin i yiman-is, ulac da\u0263en win yemmuten i yiman-is.\n14:8 Axa\u1e6der ma nedder, nedder i \u1e5aebbi, ma nemmut, nemmut i \u1e5aebbi. Ihi ama nedder ama nemmut, nukni d ayla n Sidi \u1e5aebbi.\n14:9 Axa\u1e6der Lmasi\u1e25 yemmut, yerna ye\u1e25ya-d iwakken ad yili d A\u1e25kim n wid yemmuten akk-d wid yeddren.\n14:10 Ma d ke\u010d\u010d acu\u0263e\u1e5b i te\u021b\u1e25asabe\u1e0d gma-k ? Acu\u0263er i t-t\u1e25eq\u1e5be\u1e0d ? E\u025bni ur ne\u021b\u025beddi ara akk di cc\u1e5be\u025b zdat Sidi \u1e5aebbi iwakken a \u0263-i\u1e25aseb ?\n14:11 Axa\u1e6der yura di tektabt iqedsen : Nekk Illu, \u1e5aebbi yeddren, a d-ini\u0263 : yal tagecrirt a\u021b-\u021beknu zdat-i , yal imi ad icehhed yis-i belli d nekk i d \u1e5aebbi .\n14:12 Axa\u1e6der yal yiwen deg-nne\u0263 ad i\u021b\u021bu\u1e25aseb zdat \u1e5aebbi \u0263ef wayen yexdem.\n14:13 Ur \u021bem\u1e25asabet ara ihi wway-gar awen, me\u025bna \u1e25adret iman-nwen iwakken ur txeddmem ara ayen ara yesse\u0263lin atmaten-nwen di ddnub.\n14:14 ?ri\u0263 yerna \u021bekle\u0263 \u0263ef wayen i d-yenna \u0190isa Lmasi\u1e25 belli ulac ayen ye\u021b\u021bu\u1e25e\u1e5bmen di lmakla ; win i\u1e25esben kra ye\u021b\u021bu\u1e25e\u1e5b\u1e5bem me\u025bna ye\u010d\u010da-t, d le\u1e25\u1e5bam fell-as.\n14:15 Ma yella tes\u1e25ezne\u1e0d gma-k \u0263ef ddemma n wayen i t\u021be\u021b\u021be\u1e0d ur tes\u025bi\u1e0d ara lma\u1e25ibba. ?ader ihi a\u021b-\u021bili\u1e0d s lmakla-inek, d sebba n u\u0263elluy i gma-k i \u0263ef yemmut Lmasi\u1e25.\n14:16 Ayen t\u1e25esbem kunwi d ayen yelhan, ur ilaq ara ad yili d sebba s wayes ara wten deg-wen wiya\u1e0d.\n14:17 Axa\u1e6der tagelda n Sidi \u1e5aebbi ma\u010d\u010di d lmakla ne\u0263 \u021b-\u021bissit me\u025bna d l\u1e25eqq, d lehna akk-d lfe\u1e5b\u1e25 s \u1e5a\u1e5bu\u1e25 iqedsen.\n14:18 Win iteddun akka deg webrid n Lmasi\u1e25, ad ye\u025b\u01e7eb i \u1e5aebbi, yerna ad ye\u025bziz \u0263er yemdanen.\n14:19 S wakka ihi, a nennadit \u0263ef wayen ara \u0263-d-yawin lehna, d wayen ara \u0263-isnernin di liman.\n14:20 Ur ssex\u1e5bab ara cc\u0263el n Sidi \u1e5aebbi deg wul n gma-k \u0263ef ddemma n lmakla. S tide\u021b, ayen akk ye\u021bma\u010d\u010dan d le\u1e25lal, lame\u025bna d le\u1e25\u1e5bam fell-ak ma telli\u1e0d d sebba n u\u0263elluy n gma-k \u0263ef ddemma n wayen i t\u021be\u021b\u021be\u1e0d.\n14:21 Iwakken ur te\u021b\u021bili\u1e0d ara d sebba n u\u0263elluy n gma-k, x\u1e0du i lmakla n weksum immezlen i ssada\u021b ne\u0263 tissit n cc\u1e5bab, d wayen akk izemren ad yesse\u0263li gma-k di ddnub.\n14:22 Ayen s wayes tumne\u1e0d ke\u010d\u010dini, e\u01e7\u01e7-it i yiman-ik gar-ak d Sidi \u1e5aebbi. D ase\u025bdi win ur nesse\u1e0dlam ara iman-is deg wayen i gxeddem.\n14:23 Me\u025bna win ye\u021bcukkun deg wayen ite\u021b\u021b, d le\u1e25\u1e5bam fell-as, axa\u1e6der ur ite\u021b\u021b ara s nneya. Kra n wayen ur ne\u021bwaxdam ara s liman d nneya, d le\u1e25\u1e5bam.\n15:1 Nukni s wid i\u01e7ehden di liman, ilaq a ne\u1e63be\u1e5b i wid ur ne\u01e7hid ara, ur ne\u021bnadi ara \u0263ef wayen kan i \u0263-i\u025be\u01e7ben i nukni.\n15:2 Ilaq yal yiwen deg-nne\u0263 ad inadi \u0263ef nnfe\u025b n wiya\u1e0d iwakken ad nnernin di liman.\n15:3 Axa\u1e6der Lmasi\u1e25 ur inuda ara \u0263ef wayen i t-i\u025be\u01e7\u01e7ben, akken yura di tektabt n ?abur : Rregmat n wid i k-ike\u1e5bhen \u0263lint-ed fell-i.\n15:4 Ayen akk yuran si zik, yura iwakken a nelmed amek ara nes\u025bu asirem s \u1e63\u1e63be\u1e5b akk-d \u021bme\u1e5b\u01e7iwt i d-\u021bakent tira iqedsen.\n15:5 Sidi \u1e5aebbi i d-i\u021bakken l\u01e7ehd d \u1e63\u1e63be\u1e5b, a wen-d-yefk a\u021b-\u021bes\u025bum yiwen uxemmem wway gar-awen akken i t-id-isselmed Sidna \u0190isa Lmasi\u1e25,\n15:6 iwakken s yiwen n \u1e5b\u1e5bay, s yiwet n ta\u0263ect a\u021b-\u021b\u1e25emdem \u1e5aebbi, baba-s n Ssid-nne\u0263 \u0190isa Lmasi\u1e25.\n15:7 ?emyeqbalet wway gar-awen akken i kkun-iqbel Lmasi\u1e25 i l\u025ba\u1e0dima n Sidi \u1e5aebbi.\n15:8 Nni\u0263-ed belli \u0190isa Lmasi\u1e25 yusa-d d aqeddac n wat Is\u1e5bail iwakken ad ixdem ayen akken i gew\u025bed Sidi \u1e5aebbi i lejdud-nsen, yerna a d-isban s wakka belli Sidi \u1e5aebbi ur ye\u021b\u021bu\u0263al ara deg wawal-is.\n15:9 Yusa-d da\u0263en iwakken le\u01e7nas nni\u1e0den ad \u1e25emden Sidi \u1e5aebbi \u0263ef \u1e5b\u1e5be\u1e25ma-s akken yura di tektabt n ?abur : Daymi ara k-\u1e25emde\u0263 ger le\u01e7nas, yerna ad cnu\u0263 l\u025ba\u1e0dima n yisem-ik .\n15:10 Yenna da\u0263en : A le\u01e7nas fe\u1e5b\u1e25et akk-d wegdud n Sidi \u1e5aebbi !\n15:11 Yura da\u0263en di tektabt n ?abur : ?emmdet Sidi \u1e5aebbi kunwi akk ay igduden,\u1e25emmdet Sidi \u1e5aebbi a le\u01e7nas me\u1e5b\u1e5ba !\n15:12 Nnbi Ice\u025bya yenna : A d-iffe\u0263 yiwen uxalaf seg u\u1e93a\u1e5b n Yassa , a d-ikker iwakken ad i\u1e25kem \u0263ef yegduden ; l e\u01e7nas me\u1e5b\u1e5ba ad ssirmen deg-s .\n15:13 Sidi \u1e5aebbi yellan d Bab n usirem a d-issers fell-awen lfe\u1e5b\u1e25 d lehna s liman i tes\u025bam deg-s, iwakken ul-nwen ad i\u010d\u010da\u1e5b d asirem s tezmert n \u1e5a\u1e5bu\u1e25 iqedsen.\n15:14 ?ef wayen i kkun-ye\u025bnan ay atmaten, t\u1e25eqqeqe\u0263 belli te\u010d\u010du\u1e5bem d le\u1e25nana akk-d lefhama yerna tzemrem a\u021b-\u021bemyenhum wway gar awen.\n15:15 \u0190emde\u0263 \u0263ef yimeslayen-agi i wen-uri\u0263 di teb\u1e5ba\u021b-agi iwakken a wen-d-smekti\u0263 ayen akk i tlemdem. S \u1e5b\u1e5be\u1e25ma n Sidi \u1e5aebbi i yi-d i\u021b\u021bunefken,\n15:16 i lli\u0263 d aqeddac n \u0190isa Lmasi\u1e25 \u0263ef le\u01e7nas nni\u1e0den. Tura cc\u0263el-iw, d abecce\u1e5b n lexba\u1e5b n lxi\u1e5b n Sidi \u1e5aebbi i le\u01e7nas ur nelli ara n wat Is\u1e5bail, iwakken igduden me\u1e5b\u1e5ba ad u\u0263alen d lwe\u025bda ye\u1e63fan s \u1e5a\u1e5bu\u1e25 iqedsen, d lwe\u025bda ara i\u025be\u01e7ben i Sidi \u1e5aebbi.\n15:17 S wakka, di tikli-inu akk-d Sidna \u0190isa Lmasi\u1e25, zemre\u0263 a d-ini\u0263 : fe\u1e5b\u1e25e\u0263 s lxedma i yi-d-yefka Sidi \u1e5aebbi.\n15:18 Axa\u1e6der ma yella wayen i \u0263ef ara d-\u1e25ku\u0263, a d-\u1e25ku\u0263 kan \u0263ef wayen i gexdem Sidna \u0190isa yis-i, ama s imeslayen ama s lec\u0263al iwakken igduden ur nelli ara n wat Is\u1e5bail ad \u1e0du\u025ben Sidi \u1e5aebbi.\n15:19 S lica\u1e5bat d lbe\u1e5bhanat i d-ide\u1e5b\u1e5bun s tezmert n \u1e5a\u1e5bu\u1e25 iqedsen, i becc\u1e5be\u0263 lexba\u1e5b n lxi\u1e5b n Lmasi\u1e25 si temdint n Lquds armi \u021b-\u021bamurt n Illirya di mkul amkan.\n15:20 Xedme\u0263 me\u01e7hud-iw iwakken ad becc\u1e5be\u0263 lexba\u1e5b n lxi\u1e5b anagar anda ur ye\u021bwassen ara Lmasi\u1e25 iwakken ur bennu\u0263 ara \u0263ef lsas sbedden wiya\u1e0d, xedme\u0263 am akken yura di tektabt n nnbi Ice\u025bya :\n15:21 Wid iwumi ur ye\u021bwabecce\u1e5b ara, ad walin ;wid ur nesli ara yis, ad fehmen.\n15:22 D annect-a i yi-\u1e6d\u1e6dfen ac\u1e25al d abrid ur n-usi\u0263 ara \u0263u\u1e5b-wen.\n15:23 Tura imi kfi\u0263 lxedma-w di tmura-agi, yerna ac\u1e25al iseggasen aya i \u021bmenni\u0263 a kkun-\u1e93re\u0263, ssarme\u0263 a n-\u025beddi\u0263 \u0263u\u1e5b-wen m'ara \u1e5bu\u1e25e\u0263 \u0263er tmurt n Spenyul. Ur \u021b\u1e5bu\u1e25u\u0263 ara alamma s\u025bedda\u0263 kra wussan yid-wen iwakken a nemyussan ; yerna ma yella wamek, a yi-t\u025biwnem ad kemle\u0263 abrid-iw.\n15:25 Ma \u021b-\u021bura ad \u1e5bu\u1e25e\u0263 \u0263er temdint n Lquds, ad awi\u0263 ayen ara i\u025bawnen iqeddacen n Sidi \u1e5aebbi yellan dinna.\n15:26 Axa\u1e6der atmaten-nne\u0263 n Masidunya akk-d wid n Akaya jem\u025ben-d ayen ara fken i watmaten-nne\u0263 imasi\u1e25iyen n temdint n Lquds, i gellan d igellilen.\n15:27 ?-\u021bide\u021b ayagi xedmen-t s leb\u0263i nsen, lame\u025bna imasi\u1e25iyen n temdint n Lquds uklalen lem\u025bawna-yagi. Axa\u1e6der akken i we\u1e5bten yid-sen lba\u1e5bakat i sen-d-yefka \u1e5a\u1e5bu\u1e25 iqedsen, akken da\u0263en nutni tura yewwi-d l\u1e25al fell-asen a ten-\u025biwnen di tugni\u021b n lex\u1e63a\u1e63.\n15:28 M'ara sen-fke\u0263 ayen akk i sen-d jem\u025ben, ad ikfu cc\u0263el-agi, imiren ad \u1e5bu\u1e25e\u0263 \u0263er tmurt n Sbanya, a n-\u025beddi\u0263 \u0263u\u1e5b-wen.\n15:29 ?ri\u0263 belli m'ara n-\u1e5bu\u1e25e\u0263 \u0263u\u1e5b wen, s lba\u1e5baka tameqqrant n Lmasi\u1e25 ara n-ase\u0263.\n15:30 Di le\u025bnaya-nwen ay atmaten, s yisem n \u0190isa Lmasi\u1e25 Ssid-nne\u0263 d le\u1e25mala i d-ye\u021b\u021bak \u1e5a\u1e5bu\u1e25 iqedsen, a wen-ssutre\u0263 a yi-t\u025biwnem a\u021b-\u021bde\u025b\u025bum \u0263er Sidi \u1e5aebbi fell-i\n15:31 iwakken a yi-ssemne\u025b seg ifassen n wid yugin ad amnen di tmurt n Yahuda ; yerna ayen akka ara yawi\u0263 i watmaten n temdint n Lquds a ten-yawe\u1e0d di laman iwakken ad fe\u1e5b\u1e25en yis.\n15:32 S wakka ma yeb\u0263a Sidi \u1e5aebbi, a n-aw\u1e0de\u0263 s lfe\u1e5b\u1e25, ad ste\u025bfu\u0263 dinna \u0263u\u1e5b-wen.\n15:33 Sidi \u1e5aebbi yellan d Bab n lehna ad yili yid-wen me\u1e5b\u1e5ba ! Amin !\n16:1 A kkun-we\u1e63\u1e63i\u0263 \u0263ef weltma tne\u0263 Fibya, ne\u021b\u021bat illan \u021b-\u021baqeddact n Sidi \u1e5aebbi di tejma\u025bt n temdint n Senkriya.\n16:2 S\u1e6der\u1e25bet yis s leqde\u1e5b, s yisem n Sidna \u0190isa, akken i glaq a\u021b-\u021bes\u1e6de\u1e5b\u1e25ebem s watmaten. \u0190iwnet-e\u021b deg wayen akk i te\u1e25wa\u01e7, axa\u1e6der a\u1e6das n watmaten i t\u025bawen ; ula d nekk t\u025bawen-iyi.\n16:3 ?\u1e63iw\u1e0det sslam i gma-tne\u0263 Akilas akk-d Briska, wid akken iqeddcen yid-i \u0263ef Sidna \u0190isa Lmasi\u1e25,\n16:4 wid akken i gqeblen ad sebblen tudert-nsen fell-i ; ma\u010d\u010di d nekkini kan i ten icekk\u1e5ben me\u025bna ula \u021b-\u021bijmuya\u025b n imasi\u1e25iyen n mkul amkan cekk\u1e5bent ten.\n16:5 ?sellimet da\u0263en \u0263ef wid ye\u021bnejma\u025ben deg wexxam-nsen, \u021bsellimet \u0263ef gma-tne\u0263 Ibantus a\u1e25bib e\u025bzizen fell-i, i gellan d amenzu yumnen s Lmasi\u1e25 di tmurt n Asya.\n16:6 ?sellimet \u0263ef Meryem i genne\u025btaben a\u1e6das fell-awen.\n16:7 ?sellimet \u0263ef Andrunikus akk-d Yunya i yi-i\u021b\u021bilin yerna llan yid-i di l\u1e25ebs, wid e\u025bzizen ger \u1e5b\u1e5busul, nutni yumnen s Sidna \u0190isa uqbel ad amne\u0263 nekkini.\n16:8 ?sellimet \u0263ef Ambliyatus gma tne\u0263, win e\u025bzizen fell-i di Lmasi\u1e25.\n16:9 ?sellimet \u0263ef gma-tne\u0263 Urban, win iqeddcen yid-nne\u0263 \u0263ef Lmasi\u1e25 ; \u021bsellimet da\u0263en \u0263ef Stakyis a\u1e25bib-iw.\n16:10 ?sellimet \u0263ef Abalis, win i nwala amek i ge\u1e6d\u1e6def di Lmasi\u1e25. ?sellimet \u0263ef wat wexxam n gma tne\u0263 Aristubul.\n16:11 ?sellimet \u0263ef Hi\u1e5budi\u025bun win i yi-i\u021b\u021bilin, \u021bsellimet \u0263ef wat wexxam n Narsisus, wid yumnen s Lmasi\u1e25.\n16:12 ?sellimet \u0263ef tyessetmatin Trifina akk-d Trifusa i genne\u025btaben \u0263ef lec\u0263al n \u1e5aebbi, \u021bsellimet \u0263ef Bersidya e\u025bzizen, tin yenne\u025btaben a\u1e6das \u0263ef Lec\u0263al n Lmasi\u1e25.\n16:13 ?sellimet \u0263ef Rufus win yexta\u1e5b Sidi \u1e5aebbi akk-d yemma-s i yi i\u1e25esben am mmi-s.\n16:14 ?sellimet \u0263ef Asinkritus, Flegun, Hermis, Batrubas, Hermas akk-d watmaten nni\u1e0den yellan yid-sen.\n16:15 ?sellimet \u0263ef Filulugus akk-d Julya, Niryus akk-d weltma-s, Ulimbas akk-d wid yumnen s Lmasi\u1e25 yellan yid-sen.\n16:16 Msalamet wway-gar-awen s sslam ye\u1e63fan. Tijmuya\u025b akk n Lmasi\u1e25 \u021bselliment-ed fell-awen.\n16:17 A kkun-we\u1e63\u1e63i\u0263 ay atmaten : \u1e25adret iman-nwen \u0263ef wid i d-i\u021b\u021bawin be\u1e6d\u1e6du yerna skarayen ccwal, b\u0263an a wen-s\u025be\u1e5bqen ayen i tlemdem, sbe\u025bdet iman-nwen fell-asen.\n16:18 Axa\u1e6der imdanen am wigi ur qeddcen ara \u0263ef Lmasi\u1e25 Ssid-nne\u0263 me\u025bna \u0263ef yi\u025bebba\u1e0d-nsen kan i qeddcen ; s ukellex akk-d imeslayen \u1e93iden, \u021bse\u1e25\u1e25iren ulawen n wid yes\u025ban neyya.\n16:19 Ma d kunwi, medden me\u1e5b\u1e5ba \u1e93ran t\u1e0du\u025bem Sidi \u1e5aebbi, d ayen i yi-sfe\u1e5b\u1e25en. ?menni\u0263 a\u021b-\u021bxedmem ayen yelhan s \u1e63\u1e63wab, ur s-\u021ba\u01e7\u01e7at ara abrid i cce\u1e5b.\n16:20 Sidi \u1e5aebbi yellan d Bab n lehna, ur ye\u021b\u025be\u1e6d\u1e6dil ara ad yem\u1e25eq Cci\u1e6dan yerna a t-yerr seddaw i\u1e0da\u1e5b\u1e5ben nwen. \u1e5a\u1e5be\u1e25ma n \u0190isa Ssid-nne\u0263 a\u021b-\u021bili yid-wen !\n16:21 Gma-tne\u0263 Timuti win iqeddcen yid-i akk-d Lusyus, Yazun, Susibatrus i yi-i\u021b\u021bilin \u021bsellimen-d fell-awen.\n16:22 Nekk Tertius i guran tab\u1e5ba\u021b-agi \u021bsellime\u0263 da\u0263en fell-awen s yisem n \u0190isa Lmasi\u1e25.\n16:23 Ye\u021bsellim-ed fell-awen Gayus win i \u0263er \u021b\u021bili\u0263 anda \u021bnejma\u025ben da\u0263en watmaten me\u1e5b\u1e5ba. Erastus, win ye\u1e6d\u1e6dfen asenduq n yedrimen n temdint akk-d gma-tne\u0263 Kartus \u021bsellimen-d fell-awen.\n16:24 \u1e5a\u1e5be\u1e25ma n Ssid-nne\u0263 \u0190isa Lmasi\u1e25 a\u021b-\u021bili yid-wen me\u1e5b\u1e5ba ! Amin !\n16:25 Ye\u021b\u021bubarek Sidi \u1e5aebbi yes\u025ban tazmert a \u0263-yesse\u01e7hed di liman, akken i t-\u021bbecci\u1e5be\u0263 di lexba\u1e5b n lxi\u1e5b i d yewwi Sidna \u0190isa Lmasi\u1e25, iwakken a d-isban lba\u1e0dna n Sidi \u1e5aebbi ye\u021bwaffren seg wasmi tebda ddunit,\n16:26 me\u025bna s\u1e0deh\u1e5bent-\u021b-id lenbiya s wayen uran akken i sen-t-id-yume\u1e5b Sidi \u1e5aebbi, Illu n dayem. Tura le\u01e7nas me\u1e5b\u1e5ba slan i lexba\u1e5b-agi n lxi\u1e5b iwakken a ten-id-yawi \u0263er \u1e6d\u1e6da\u025ba-ines s liman.\n16:27 L\u025ba\u1e0dima i Sidi \u1e5aebbi aw\u1e25id, Bab n tmusni d le\u025bqel, s Sidna \u0190isa Lmasi\u1e25 si l\u01e7il \u0263er l\u01e7il ! Amin !","title":"Kabyle Bible (NT): Romans","type":"page"}