{"collection":"chr","html_url":"https://unchartedknowledge.5gfusion.net/browse/chr/ecf/007/0070161.htm","path":"chr/ecf/007/0070161.htm","source_url":"https://sacred-texts.com/chr/ecf/007/0070161.htm","text":"Venio nunc ad eam, qu\u00e6 percipitur ex tactu, voluptatem: qui sensus est quidem totius corporis. Sed ego non de ornamentis, aut vestibus, sed de sol\u00e2 libidine dicendum mihi puto; qu\u00e6 maxime coercenda est, quia maxime nocet. Cure excogitasset Deus duorum sexuum rationero, attribuit iis, ut se invicem appeterent, et conjunctione gauderent. Itaque ardentissimam cupiditatem cunctorum animantium corporibus admiscuit, ut in hos affectus avidissime ruerent, eaque ratione propagari et multiplicari genera possent. Qu\u00e6 cupiditas et appetentia in homine vehementior et acrior invenitur; vel quia hominum multitudinem voluit esse majorem, vel quoniam virtutem soli homini dedit, ut esset laus et gloria in coercendis voluptatibus, et abstinentia sui. Seit ergo adversarius ille noster, quanta sit vis hujus cupiditatis, quam quidam necessitatem dicere maluerunt; eamque a recto et bono, ad malum et pravum transfert. Illicita enim desideria immittit, ut aliena contaminent, quibus habere propria sine delicto licet. Objicit quippe oculis irritabiles formas, suggeritque fomenta, et vitiis pabulum subministrat: tum intimis visceribus stimulos omnes conturbat et commovet, et naturalem illum incitat atque inflammat ardorem, donee irretitum hominem implicatumque decipiat. Ac ne quis esset, qui p\u0153narum metu abstineret alieno, lupanaria quoque constituit; et pudorem infelicium mulierum publicavit, ut ludibrio haberet tam eos qui faciunt, quam quas pati necesse est.\nHis obsc\u0153nitatibus animas, ad sanctitatem genitas, velut in c\u0153ni gurgite demersit, pudorem extinxit, pudicitiam profligavit. Idem etiam mares maribus admiscuit; et nefandos coitus contra naturam contraque institutum Dei machinatus est: sic imbuit homines, et armavit ad nefas omne. Quid enim potest esse sanctum iis, qui \u00e6tatem imbecillam et pr\u00e6sidio indigentem, libidini su\u00e6 depopulandam f\u0153dandamque substraverint? Non potest h\u00e6c res pro magnitudine sceleris enarrari. Nihil amplius istos appellare possum, quam implos et parricidas, quibus non sufficit sexus a Deo datus, nisi eliare suum profane ac petulanter illudant. H\u00e6c tamen apud illos levia, et quasi honesta sunt. Quid dicam de iis, qui abominandam non libidinem, sod insaniam potius exercent! Piget dicere: sed quid his fore credamus, quos non piget facere? et tamen dicendum est, quia fit. De istis loquor, quorum teterrima libido et execrabilis furor ne capiti quidem parcit. Quibus hoc verbis, aut qua indignatione tantum nefas prosequar? Vincit officium lingu\u00e6 sceleris magnitudo. Cum igitur libido h\u00e6c edat opera, et h\u00e6c facinora designer, armandi adversus earn virtute maxima sumus. Quisquis affectus illos fr\u00e6nare non potest, cohibeat eos intra pr\u00e6 scriptum legitimi tori, ut et illud, quod avide expetat, consequatur, et tamen in peccatum non incidat. Nam quid sibi homines perditi volunt? Nempe honesta opera voluptas sequitur: si ipsam per se appetunt, justa et legitima frui licet.\nQuod si aliqua necessitas prohibebit tum vero maxima adhibenda virtus erit, ut cupiditati continentia reluctetur. Nec tanturn alienis, qu\u00e6 attingere non licet, veriun etiam publicis vulgatisque corporibus abstinendum, Deus pr\u00e6cepit; docetque nos, cum duo inter se corpora fuerint copulata, unum corpus efficere. Ita qui se c\u0153no immerserit, c\u0153no sit oblitus necesse est; et corpus quidem cito ablui potest: mens autem contagione impudici corporis inquinata non potest, nisi et longo tempore, et multis bonis operibus, ab ea qu\u00e6 inh\u00e6 serit colluvione purgari. Oportet ergo sibi quemque proponere, duorum sexuum conjunctionem generandi causa datam esse viventibus, eamque legera his affectibus positam, ut successionera parent. Sicut autem dedit nobis oculos Deus, non ut spectemus, voluptatemque capiamus, sed ut videamus propter eos actus, qui pertinent ad vit\u00e6 necessitatem, ita genitalem corporis partem, quod nomen ipsum docet, nulla alia causa nisi efficiend\u00e6 sobolis accepimus. Huic divin\u00e6 legi summa devotione parendum est. Sint omnes, qui se discipulos Dei profitebuntur, ita morati et instituti, ut imperare sibi possint. Nam qui voluptatibus indulgent, qui libidini obsequuntur, ii animam suam corpori mancipant, ad mortemque condemnant: quia se corpori addixerunt, in quod habet mors potestatem. Unusquisque igitur, quantum potest, formet se ad verecundiam, pudorem colat, castitatem conscientia et mente tueatur; nec tantum legibus publicis pareat: sed sit supra omnes leges, qui legem Dei sequitur. Quibus p. 190 bonis si assueverit, jam pudebit eum ad deteriora desciscere: modo placeant recta et honesta, qu\u00e6 melioribus jucundiora sunt quam prava et inhonesta pejoribus.\nNondum omnia castitatis officio exsecutus sum: quam Deus fion modo intra privatos parietes, sed etiam pr\u00e6 scripto lectuli terminat; ut cum quis hobeat uxorem, neque servam, neque liberam habere insuper velit, sed matrimonio fidem server. Non enim, sicut juris publici ratio est, solo mulier adultera est, qu\u00e6 habet allure, maritus outem, etiam si plures habeat, a crimine adulterii solutus est. Sed divina lex ira duos in matrimonium, quod est in corpus unum, pari jure conjungit, ut adulter habeatur, quisquis compagem corporis in diversa distraxerit. Nec ob aliam cansam Deus, cam c\u00e6teras animantes suscepto f\u0153tu maribus repugnare voluisset, solam omnium mulierem patientem viri fecit; scilicet ne f\u0153minis repugnantibus, libido cogeret viros aliud appetere, eoque facto, castitatis gloriam non tenerent. 1254 Sed neque mulier virtutem pudiciti\u00e6 caperet, si peccare non posset. Nam quis mutum animal pudicum esse dixerit, quod suscepto foe tu mari repugnat? Quod ideo facit, quia necesse est in dolorem atque in periculum veniat, si admiserit. Nulla igitur laus est, non facere quod facere non possis. Ideo autem pudicitia in homine laudatur, quia non naturalis est, sed voluntaria. Servanda igitur fides ab utroque alteri est: immo exemplo continentia: docenda uxor, ut se caste gerat. Iniquum est enim, ut id exigas, quod pr\u00e6 stare ipse non possis. Qu\u00e6 iniquitas effecit profecto, ut essent adulteria, foe minis \u00e6gre ferentibus pr\u00e6 stare se fidem non exhibentibus mutuam charitatem. Denique nulla est tam perditi pudoris adultera, qu\u00e6 non hanc causam vitiis suis pr\u00e6 tendat; injuriam se peccando non facere, sed referre. Quod optime Quintilianus expressit: Homo, inquit, neque alieni matrimonii abstinens, neque sui custos, qu\u00e6 inter se natura. connexa sunt. Nam neque maritus circa corrumpendas aliorum conjuges occupatus potest vacare domestic\u00e6 sanctitati; et uxor, cum in tale incidit matrimonium, exemplo ipso concitara, out imitari se putat, out vindicari.\nCavendum igitur, ne occasionem vitiis nostra intemperantia demus: sed assuescant invicem mores duorum, et jugum paribus animis ferant. Nos ipsos in altero cogitemus. Nam fere in hoc justiti\u00e6 summa consistit, ut non facias alteri, quidquid ipse ab altero pati nolis. H\u00e6c sunt qu\u00e6 ad continentiam pr\u00e6 cipiuntur a Deo. Sed tamen ne quis divina pr\u00e6 cepta circumscribere se putet posse, adduntur ilia, ut omnis calumnia, et occasio fraudis removeatur, adulterum esse, qui a marito dimissam duxerit, et eum qui pr\u00e6 tercrimen adulterii uxorem dimiserit, ut alteram ducat; dissociari enim corpus et distrahi Deus noluit. Pr\u00e6 terea non tanturn adulterium esse vitandum, sed etiam cogitationem; ne quis aspiciat alienam, et animo concupiscat: adulteram enim fieri mentem, si vel imaginem voluptatis sibi ipsa depinxerit. Mens est enim profecto qu\u00e6 peccat; qu\u00e6 immoderata: libidinis fructum cogitatione complectitur; in hac crimen est, in hac omne delictum. Nam etsi corpus nulla sit lobe maculatum, non constat tamen pudiciti\u00e6 ratio, si animus incestus est; nec illibata castitas videri potest, ubi conscientiam cupiditas inquinavit. Nec verb aliquis existimet, difficile esse fr\u00e6 nos imponere voluptati, eamque vagam et errantem castitatis pudiciti\u00e6 que limitibus includere, cum propositum sit hominibus etiam vincere, ac plurimi beatam atque incorruptam corporis integritatem retinuerint, multique sint, qui hoc coe lesti genere vit\u00e6 felicissime perfruantur. Quod quidem Deus non ira fieri pr\u00e6 cepit, tanquam astringat, quia generari homines oportet; sed tanquam sinat. Scit enim, quantam his affectibus imposuerit necessitatem. Si quis hoc, inquit, facere potuerit, habebit eximiam incomparabilemque mercedem. Quod continenti\u00e6 genus quasi fastigium est, omniumque consummatio virtutum. Ad quam si quis eniti atque eluctari potuerit, hunc servum dominus, hunc discipulum magister agnoscet; hic terrain triumphabit, hic erit consimilis Deo, qui virtutem Dei cepit. H\u00e6c quidem difficilia videntur; sed de eo loquimur, cui calcatis omnibus terrenis, iter in c\u0153lum paratur. Nam quia virtus in Dei agnitione consistit, omnia gravia sunt, dum ignores; ubi cognoveris, facilia: per ipsas difficultates nobis exeundum est, qui ad summum bonum tendimus.\nIt has been judged advisable to give this chapter in the original Latin. [Compare Clement, vol. ii. p. 259, notes 3, 7, this series.]\n190:1254\n[Non bene conveniunt igitur legibus divinis qu\u00e6 supradicta sunt auctore nostro (vide p. 143, apud n. 2) sed h\u00e6c verba de natur\u00e2 muliebri minime imperita, esse videntur.]","title":"Ante-Nicene Fathers, Vol VII: Lactantius: Chap. XXIII.\u2014De tactus voluptate et libidine, atque de matrimonio et continenti\u00e2","type":"page"}