{"collection":"Northern European Mythology","html_url":"https://unchartedknowledge.5gfusion.net/browse/neu/ascp/a03_05.htm","path":"neu/ascp/a03_05.htm","source_url":"https://sacred-texts.com/neu/ascp/a03_05.htm","text":"Sacred Texts\u00a0\n Legends and Sagas\u00a0\n WordGumbo: Old English Dictionaries [External Site]\n Index\u00a0\n Previous\u00a0\n Next\u00a0\n \n \n Juliana\n Verse Indeterminate Saxon\n \n - \n Hw\u00e6t! We \u00f0\u00e6t hyrdon \u00a0 \u00a0 \u00a0 \u00a0 h\u00e6le\u00f0 eahtian, \n deman d\u00e6dhwate, \u00a0 \u00a0 \u00a0 \u00a0 \u00fe\u00e6tte in dagum gelamp\n Maximianes, \u00a0 \u00a0 \u00a0 \u00a0 se geond middangeard,\n arleas cyning, \u00a0 \u00a0 \u00a0 \u00a0 eahtnysse ahof,\n- 5\n- \n cwealde cristne men, \u00a0 \u00a0 \u00a0 \u00a0 circan fylde, \n geat on gr\u00e6swong \u00a0 \u00a0 \u00a0 \u00a0 godhergendra,\n h\u00e6\u00feen hildfruma, \u00a0 \u00a0 \u00a0 \u00a0 haligra blod,\n ryhtfremmendra. \u00a0 \u00a0 \u00a0 \u00a0 W\u00e6s his rice brad,\n wid ond weor\u00f0lic \u00a0 \u00a0 \u00a0 \u00a0 ofer wer\u00feeode,\n- 10\n- \n lytesna ofer ealne \u00a0 \u00a0 \u00a0 \u00a0 yrmenne grund. \n Foron \u00e6fter burgum, \u00a0 \u00a0 \u00a0 \u00a0 swa he biboden h\u00e6fde,\n \u00feegnas \u00fery\u00f0fulle. \u00a0 \u00a0 \u00a0 \u00a0 Oft hi \u00fer\u00e6ce r\u00e6rdon,\n d\u00e6dum gedwolene, \u00a0 \u00a0 \u00a0 \u00a0 \u00fea \u00fee dryhtnes \u00e6\n feodon \u00feurh firencr\u00e6ft. \u00a0 \u00a0 \u00a0 \u00a0 Feondscype r\u00e6rdon,\n- 15\n- \n hofon h\u00e6\u00feengield, \u00a0 \u00a0 \u00a0 \u00a0 halge cwelmdon, \n breotun boccr\u00e6ftge, \u00a0 \u00a0 \u00a0 \u00a0 b\u00e6rndon gecorene,\n g\u00e6ston godes cempan \u00a0 \u00a0 \u00a0 \u00a0 gare ond lige.\n Sum w\u00e6s \u00e6htwelig \u00a0 \u00a0 \u00a0 \u00a0 \u00e6\u00feeles cynnes\n rice gerefa. \u00a0 \u00a0 \u00a0 \u00a0 Rondburgum weold,\n- 20\n- \n eard weardade \u00a0 \u00a0 \u00a0 \u00a0 oftast symle \n in \u00fe\u00e6re ceastre \u00a0 \u00a0 \u00a0 \u00a0 Commedia,\n heold hordgestreon. \u00a0 \u00a0 \u00a0 \u00a0 Oft he h\u00e6\u00feengield\n ofer word godes, \u00a0 \u00a0 \u00a0 \u00a0 weoh gesohte\n neode geneahhe. \u00a0 \u00a0 \u00a0 \u00a0 W\u00e6s him noma cenned\n- 25\n- \n Heliseus, \u00a0 \u00a0 \u00a0 \u00a0 h\u00e6fde ealdordom \n micelne ond m\u00e6rne. \u00a0 \u00a0 \u00a0 \u00a0 \u00f0a his mod ongon\n f\u00e6mnan lufian, \u00a0 \u00a0 \u00a0 \u00a0 (hine fyrwet br\u00e6c),\n Iulianan. \u00a0 \u00a0 \u00a0 \u00a0 Hio in g\u00e6ste b\u00e6r\n halge treowe, \u00a0 \u00a0 \u00a0 \u00a0 hogde georne\n- 30\n- \n \u00fe\u00e6t hire m\u00e6g\u00f0had \u00a0 \u00a0 \u00a0 \u00a0 mana gehwylces \n fore Cristes lufan \u00a0 \u00a0 \u00a0 \u00a0 cl\u00e6ne geheolde.\n \u00f0a w\u00e6s sio f\u00e6mne \u00a0 \u00a0 \u00a0 \u00a0 mid hyre f\u00e6der willan\n welegum biweddad; \u00a0 \u00a0 \u00a0 \u00a0 wyrd ne ful cu\u00fee,\n freondr\u00e6denne \u00a0 \u00a0 \u00a0 \u00a0 hu heo from hogde,\n- 35\n- \n geong on g\u00e6ste. \u00a0 \u00a0 \u00a0 \u00a0 Hire w\u00e6s godes egsa \n mara in gemyndum, \u00a0 \u00a0 \u00a0 \u00a0 \u00feonne eall \u00fe\u00e6t ma\u00fe\u00feumgesteald\n \u00fee in \u00fe\u00e6s \u00e6\u00feelinges \u00a0 \u00a0 \u00a0 \u00a0 \u00e6htum wunade.\n \u00fea w\u00e6s se weliga \u00a0 \u00a0 \u00a0 \u00a0 \u00fe\u00e6ra wifgifta,\n goldspedig guma, \u00a0 \u00a0 \u00a0 \u00a0 georn on mode,\n- 40\n- \n \u00fe\u00e6t him mon fromlicast \u00a0 \u00a0 \u00a0 \u00a0 f\u00e6mnan gegyrede, \n bryd to bolde. \u00a0 \u00a0 \u00a0 \u00a0 Heo \u00fe\u00e6s beornes lufan\n f\u00e6ste wi\u00f0hogde, \u00a0 \u00a0 \u00a0 \u00a0 \u00feeah \u00fee feohgestreon\n under hordlocan, \u00a0 \u00a0 \u00a0 \u00a0 hyrsta unrim\n \u00e6hte ofer eor\u00fean. \u00a0 \u00a0 \u00a0 \u00a0 Heo \u00fe\u00e6t eal forseah,\n- 45\n- \n ond \u00fe\u00e6t word acw\u00e6\u00f0 \u00a0 \u00a0 \u00a0 \u00a0 on wera mengu: \n \"Ic \u00fee m\u00e6g gesecgan \u00a0 \u00a0 \u00a0 \u00a0 \u00fe\u00e6t \u00feu \u00feec sylfne ne \u00feearft\n swi\u00feor swencan. \u00a0 \u00a0 \u00a0 \u00a0 Gif \u00feu so\u00f0ne god\n lufast ond gelyfest, \u00a0 \u00a0 \u00a0 \u00a0 ond his lof r\u00e6rest,\n ongietest g\u00e6sta hleo, \u00a0 \u00a0 \u00a0 \u00a0 ic beo gearo sona\n- 50\n- \n unwaclice \u00a0 \u00a0 \u00a0 \u00a0 willan \u00feines. \n Swylce ic \u00fee secge, \u00a0 \u00a0 \u00a0 \u00a0 gif \u00feu to s\u00e6mran gode\n \u00feurh deofolgield \u00a0 \u00a0 \u00a0 \u00a0 d\u00e6de bi\u00feencest,\n h\u00e6ts\u00f0 h\u00e6\u00feenweoh, \u00a0 \u00a0 \u00a0 \u00a0 ne meaht \u00feu habban mec,\n ne ge\u00fereatian \u00a0 \u00a0 \u00a0 \u00a0 \u00fee to gesingan.\n- 55\n- \n N\u00e6fre \u00feu \u00fe\u00e6s swi\u00f0lic \u00a0 \u00a0 \u00a0 \u00a0 sar gegearwast \n \u00feurh h\u00e6stne ni\u00f0 \u00a0 \u00a0 \u00a0 \u00a0 heardra wita,\n \u00fe\u00e6t \u00feu mec onwende \u00a0 \u00a0 \u00a0 \u00a0 worda \u00feissa.\"\n \u00f0a se \u00e6\u00feeling wear\u00f0 \u00a0 \u00a0 \u00a0 \u00a0 yrre gebolgen,\n firend\u00e6dum fah, \u00a0 \u00a0 \u00a0 \u00a0 gehyrde \u00fe\u00e6re f\u00e6mnan word,\n- 60\n- \n het \u00f0a gefetigan \u00a0 \u00a0 \u00a0 \u00a0 ferend snelle, \n hreoh ond hygeblind, \u00a0 \u00a0 \u00a0 \u00a0 haligre f\u00e6der,\n recene to rune. \u00a0 \u00a0 \u00a0 \u00a0 Reord up astag,\n si\u00fe\u00fean hy tog\u00e6dre \u00a0 \u00a0 \u00a0 \u00a0 garas hl\u00e6ndon,\n hilde\u00feremman. \u00a0 \u00a0 \u00a0 \u00a0 H\u00e6\u00f0ne w\u00e6ron begen\n- 65\n- \n synnum seoce, \u00a0 \u00a0 \u00a0 \u00a0 sweor ond a\u00feum. \n \u00f0a reordode \u00a0 \u00a0 \u00a0 \u00a0 rices hyrde\n wi\u00f0 \u00fe\u00e6re f\u00e6mnan f\u00e6der \u00a0 \u00a0 \u00a0 \u00a0 frecne mode,\n dara\u00f0h\u00e6bbende: \u00a0 \u00a0 \u00a0 \u00a0 \"Me \u00fein dohtor hafa\u00f0\n geywed orwyr\u00f0u. \u00a0 \u00a0 \u00a0 \u00a0 Heo me on an saga\u00f0\n- 70\n- \n \u00fe\u00e6t heo m\u00e6glufan \u00a0 \u00a0 \u00a0 \u00a0 minre ne gyme, \n freondr\u00e6denne. \u00a0 \u00a0 \u00a0 \u00a0 Me \u00fea frace\u00f0u sind\n on modsefan \u00a0 \u00a0 \u00a0 \u00a0 m\u00e6ste weorce,\n \u00fe\u00e6t heo mec swa torne \u00a0 \u00a0 \u00a0 \u00a0 t\u00e6le gerahte\n fore \u00feissum folce, \u00a0 \u00a0 \u00a0 \u00a0 het me fremdne god,\n- 75\n- \n ofer \u00fea o\u00fere \u00a0 \u00a0 \u00a0 \u00a0 \u00fee we \u00e6r cu\u00feon, \n welum weor\u00feian, \u00a0 \u00a0 \u00a0 \u00a0 wordum lofian,\n on hyge hergan, \u00a0 \u00a0 \u00a0 \u00a0 o\u00fe\u00fee hi nabban.\"\n Geswearc \u00fea swi\u00f0fer\u00f0 \u00a0 \u00a0 \u00a0 \u00a0 sweor \u00e6fter worde,\n \u00fe\u00e6re f\u00e6mnan f\u00e6der, \u00a0 \u00a0 \u00a0 \u00a0 fer\u00f0locan onspeon:\n- 80\n- \n \"Ic \u00fe\u00e6t geswerge \u00a0 \u00a0 \u00a0 \u00a0 \u00feurh so\u00f0 godu, \n swa ic are \u00e6t him \u00a0 \u00a0 \u00a0 \u00a0 \u00e6fre finde,\n o\u00fe\u00fee, \u00feeoden, \u00e6t \u00fee \u00a0 \u00a0 \u00a0 \u00a0 \u00feine hyldu\n winburgum in, \u00a0 \u00a0 \u00a0 \u00a0 gif \u00feas word sind so\u00fe,\n monna leofast, \u00a0 \u00a0 \u00a0 \u00a0 \u00fee \u00feu me sagast,\n- 85\n- \n \u00fe\u00e6t ic hy ne sparige, \u00a0 \u00a0 \u00a0 \u00a0 ac on spild giefe, \n \u00feeoden m\u00e6ra, \u00a0 \u00a0 \u00a0 \u00a0 \u00fee to gewealde.\n Dem \u00feu hi to dea\u00fee, \u00a0 \u00a0 \u00a0 \u00a0 gif \u00fee gedafen \u00feince,\n swa to life l\u00e6t, \u00a0 \u00a0 \u00a0 \u00a0 swa \u00fee leofre sy.\"\n Eode \u00fea fromlice \u00a0 \u00a0 \u00a0 \u00a0 f\u00e6mnan to spr\u00e6ce,\n- 90\n- \n anr\u00e6d ond yre\u00feweorg, \u00a0 \u00a0 \u00a0 \u00a0 yrre gebolgen, \n \u00fe\u00e6r he gl\u00e6dmode \u00a0 \u00a0 \u00a0 \u00a0 geonge wiste\n wic weardian. \u00a0 \u00a0 \u00a0 \u00a0 He \u00fea worde cw\u00e6\u00f0:\n \"\u00f0u eart dohtor min \u00a0 \u00a0 \u00a0 \u00a0 seo dyreste\n ond seo sweteste \u00a0 \u00a0 \u00a0 \u00a0 in sefan minum,\n- 95\n- \n ange for eor\u00fean, \u00a0 \u00a0 \u00a0 \u00a0 minra eagna leoht, \n Iuliana! \u00a0 \u00a0 \u00a0 \u00a0 \u00feu on gea\u00fee hafast\n \u00feurh \u00fein orlegu \u00a0 \u00a0 \u00a0 \u00a0 unbi\u00feyrfe\n ofer witena dom \u00a0 \u00a0 \u00a0 \u00a0 wisan gefongen.\n Wi\u00f0s\u00e6cest \u00feu to swi\u00fee \u00a0 \u00a0 \u00a0 \u00a0 sylfre r\u00e6des\n- 100\n- \n \u00feinum brydguman, \u00a0 \u00a0 \u00a0 \u00a0 se is betra \u00feonne \u00feu, \n \u00e6\u00feelra for eor\u00fean, \u00a0 \u00a0 \u00a0 \u00a0 \u00e6htspedigra\n feohgestreona. \u00a0 \u00a0 \u00a0 \u00a0 He is to freonde god.\n For\u00feon is \u00fe\u00e6s wyr\u00fee, \u00a0 \u00a0 \u00a0 \u00a0 \u00fe\u00e6t \u00feu \u00fe\u00e6s weres frige,\n ece eadlufan, \u00a0 \u00a0 \u00a0 \u00a0 an ne forl\u00e6te.\"\n- 105\n- \n Him \u00fea seo eadge \u00a0 \u00a0 \u00a0 \u00a0 ageaf ondsware, \n Iuliana \u00a0 \u00a0 \u00a0 \u00a0 (hio to gode h\u00e6fde\n freondr\u00e6denne \u00a0 \u00a0 \u00a0 \u00a0 f\u00e6ste gesta\u00feelad):\n \"N\u00e6fre ic \u00fe\u00e6s \u00feeodnes \u00a0 \u00a0 \u00a0 \u00a0 \u00feafian wille\n m\u00e6gr\u00e6denne, \u00a0 \u00a0 \u00a0 \u00a0 nemne he m\u00e6gna god\n- 110\n- \n geornor bigonge \u00a0 \u00a0 \u00a0 \u00a0 \u00feonne he gen dyde, \n lufige mid lacum \u00a0 \u00a0 \u00a0 \u00a0 \u00feone \u00fee leoht gescop,\n heofon ond eor\u00f0an \u00a0 \u00a0 \u00a0 \u00a0 ond holma bigong,\n eodera ymbhwyrft. \u00a0 \u00a0 \u00a0 \u00a0 Ne m\u00e6g he elles mec\n bringan to bolde. \u00a0 \u00a0 \u00a0 \u00a0 He \u00fea brydlufan\n- 115\n- \n sceal to o\u00feerre \u00a0 \u00a0 \u00a0 \u00a0 \u00e6htgestealdum \n idese secan; \u00a0 \u00a0 \u00a0 \u00a0 nafa\u00f0 he \u00e6nige her.\"\n Hyre \u00fea \u00feurh yrre \u00a0 \u00a0 \u00a0 \u00a0 ageaf ondsware\n f\u00e6der feondlice, \u00a0 \u00a0 \u00a0 \u00a0 nales fr\u00e6twe onheht:\n \"Ic \u00fe\u00e6t gefremme, \u00a0 \u00a0 \u00a0 \u00a0 gif min feorh leofa\u00f0\n- 120\n- \n gif \u00feu unr\u00e6des \u00a0 \u00a0 \u00a0 \u00a0 \u00e6r ne geswicest, \n ond \u00feu fremdu godu \u00a0 \u00a0 \u00a0 \u00a0 for\u00f0 bigongest\n ond \u00fea forl\u00e6test \u00a0 \u00a0 \u00a0 \u00a0 \u00fee us leofran sind,\n \u00fee \u00feissum folce \u00a0 \u00a0 \u00a0 \u00a0 to freme stonda\u00f0,\n \u00fe\u00e6t \u00feu ungeara \u00a0 \u00a0 \u00a0 \u00a0 ealdre scyldig\n- 125\n- \n \u00feurh deora gripe \u00a0 \u00a0 \u00a0 \u00a0 dea\u00fee sweltest, \n gif \u00feu ge\u00feafian nelt \u00a0 \u00a0 \u00a0 \u00a0 \u00feingr\u00e6denne,\n modges gemanan. \u00a0 \u00a0 \u00a0 \u00a0 Micel is \u00fe\u00e6t ongin\n ond \u00fereaniedlic \u00a0 \u00a0 \u00a0 \u00a0 \u00feinre gelican,\n \u00fe\u00e6t \u00feu forhycge \u00a0 \u00a0 \u00a0 \u00a0 hlaford urne.\"\n- 130\n- \n Him \u00fea seo eadge \u00a0 \u00a0 \u00a0 \u00a0 ageaf ondsware, \n gleaw ond gode leof, \u00a0 \u00a0 \u00a0 \u00a0 Iuliana:\n \"Ic \u00fee to so\u00f0e \u00a0 \u00a0 \u00a0 \u00a0 secgan wille,\n bi me lifgendre \u00a0 \u00a0 \u00a0 \u00a0 nelle ic lyge fremman.\n N\u00e6fre ic me ondr\u00e6de \u00a0 \u00a0 \u00a0 \u00a0 domas \u00feine,\n- 135\n- \n ne me weorce sind \u00a0 \u00a0 \u00a0 \u00a0 witebrogan, \n hildewoman, \u00a0 \u00a0 \u00a0 \u00a0 \u00fee \u00feu h\u00e6stlice\n manfremmende \u00a0 \u00a0 \u00a0 \u00a0 to me beotast,\n ne \u00feu n\u00e6fre gedest \u00a0 \u00a0 \u00a0 \u00a0 \u00feurh gedwolan \u00feinne\n \u00fe\u00e6t \u00feu mec acyrre \u00a0 \u00a0 \u00a0 \u00a0 from Cristes lofe.\"\n- 140\n- \n \u00f0a w\u00e6s ellenwod, \u00a0 \u00a0 \u00a0 \u00a0 yrre ond re\u00fee, \n frecne ond fer\u00f0grim, \u00a0 \u00a0 \u00a0 \u00a0 f\u00e6der wi\u00f0 dehter.\n Het hi \u00fea swingan, \u00a0 \u00a0 \u00a0 \u00a0 susle \u00fereagan,\n witum w\u00e6gan, \u00a0 \u00a0 \u00a0 \u00a0 ond \u00fe\u00e6t word acw\u00e6\u00f0:\n \"Onwend \u00feec in gewitte, \u00a0 \u00a0 \u00a0 \u00a0 ond \u00fea word oncyr\n- 145\n- \n \u00fee \u00feu unsnyttrum \u00a0 \u00a0 \u00a0 \u00a0 \u00e6r gespr\u00e6ce, \n \u00fea \u00feu goda ussa \u00a0 \u00a0 \u00a0 \u00a0 gield forhogdest.\"\n Him seo unforhte \u00a0 \u00a0 \u00a0 \u00a0 ageaf ondsware\n \u00feurh g\u00e6stgehygd, \u00a0 \u00a0 \u00a0 \u00a0 Iuliana:\n \"N\u00e6fre \u00feu gel\u00e6rest \u00a0 \u00a0 \u00a0 \u00a0 \u00fe\u00e6t ic leasingum,\n- 150\n- \n dumbum ond deafum \u00a0 \u00a0 \u00a0 \u00a0 deofolgieldum, \n g\u00e6sta geni\u00f0lum \u00a0 \u00a0 \u00a0 \u00a0 gaful onhate,\n \u00feam wyrrestum \u00a0 \u00a0 \u00a0 \u00a0 wites \u00feegnum,\n ac ic weor\u00f0ige \u00a0 \u00a0 \u00a0 \u00a0 wuldres ealdor\n middangeardes \u00a0 \u00a0 \u00a0 \u00a0 ond m\u00e6gen\u00ferymmes,\n- 155\n- \n ond him anum to \u00a0 \u00a0 \u00a0 \u00a0 eal bi\u00feence, \n \u00fe\u00e6t he mundbora \u00a0 \u00a0 \u00a0 \u00a0 min geweor\u00fee,\n helpend ond h\u00e6lend \u00a0 \u00a0 \u00a0 \u00a0 wi\u00f0 hellscea\u00feum.\"\n Hy \u00fea \u00feurh yrre \u00a0 \u00a0 \u00a0 \u00a0 Affricanus,\n f\u00e6der f\u00e6mnan ageaf \u00a0 \u00a0 \u00a0 \u00a0 on feonda geweald\n- 160\n- \n Heliseo. \u00a0 \u00a0 \u00a0 \u00a0 He in \u00e6ringe \n gel\u00e6dan het \u00a0 \u00a0 \u00a0 \u00a0 \u00e6fter leohtes cyme\n to his domsetle. \u00a0 \u00a0 \u00a0 \u00a0 Dugu\u00f0 wafade\n on \u00fe\u00e6re f\u00e6mnan wlite, \u00a0 \u00a0 \u00a0 \u00a0 folc eal geador.\n Hy \u00fea se \u00e6\u00f0eling \u00a0 \u00a0 \u00a0 \u00a0 \u00e6rest grette,\n- 165\n- \n hire brydguma, \u00a0 \u00a0 \u00a0 \u00a0 bli\u00feum wordum: \n \"Min se swetesta \u00a0 \u00a0 \u00a0 \u00a0 sunnan scima,\n Iuliana! \u00a0 \u00a0 \u00a0 \u00a0 Hw\u00e6t, \u00feu gl\u00e6m hafast,\n ginf\u00e6ste giefe, \u00a0 \u00a0 \u00a0 \u00a0 geogu\u00f0hades bl\u00e6d!\n Gif \u00feu godum ussum \u00a0 \u00a0 \u00a0 \u00a0 gen gecwemest,\n- 170\n- \n ond \u00fee to swa mildum \u00a0 \u00a0 \u00a0 \u00a0 mundbyrd secest, \n hyldo to halgum, \u00a0 \u00a0 \u00a0 \u00a0 beo\u00f0 \u00fee ahylded fram\n wra\u00fee geworhtra \u00a0 \u00a0 \u00a0 \u00a0 wita unrim,\n grimra gyrna, \u00a0 \u00a0 \u00a0 \u00a0 \u00fee \u00fee gegearwad sind,\n gif \u00feu onsecgan nelt \u00a0 \u00a0 \u00a0 \u00a0 so\u00feum gieldum.\"\n- 175\n- \n Him seo \u00e6\u00feele m\u00e6g \u00a0 \u00a0 \u00a0 \u00a0 ageaf ondsware: \n \"N\u00e6fre \u00feu ge\u00fereatast \u00a0 \u00a0 \u00a0 \u00a0 \u00feinum beotum,\n ne wita \u00fe\u00e6s fela \u00a0 \u00a0 \u00a0 \u00a0 wra\u00f0ra gegearwast,\n \u00fe\u00e6t ic \u00feeodscype \u00a0 \u00a0 \u00a0 \u00a0 \u00feinne lufie,\n buton \u00feu forl\u00e6te \u00a0 \u00a0 \u00a0 \u00a0 \u00fea leasinga,\n- 180\n- \n weohweor\u00f0inga, \u00a0 \u00a0 \u00a0 \u00a0 ond wuldres god \n ongyte gleawlice, \u00a0 \u00a0 \u00a0 \u00a0 g\u00e6sta scyppend,\n meotud moncynnes, \u00a0 \u00a0 \u00a0 \u00a0 in \u00fe\u00e6s meahtum sind\n a butan ende \u00a0 \u00a0 \u00a0 \u00a0 ealle gesceafta.\"\n \u00f0a for \u00feam folce \u00a0 \u00a0 \u00a0 \u00a0 frecne mode\n- 185\n- \n beotwordum spr\u00e6c, \u00a0 \u00a0 \u00a0 \u00a0 bealg hine swi\u00fee \n folcagende, \u00a0 \u00a0 \u00a0 \u00a0 ond \u00fea f\u00e6mnan het\n \u00feurh ni\u00f0wr\u00e6ce \u00a0 \u00a0 \u00a0 \u00a0 nacode \u00feennan,\n ond mid sweopum swingan \u00a0 \u00a0 \u00a0 \u00a0 synna lease.\n Ahlog \u00fea se hererinc, \u00a0 \u00a0 \u00a0 \u00a0 hospwordum spr\u00e6c:\n- 190\n- \n \"\u00feis is ealdordom \u00a0 \u00a0 \u00a0 \u00a0 uncres gewynnes \n on fruman gefongen! \u00a0 \u00a0 \u00a0 \u00a0 Gen ic feores \u00fee\n unnan wille, \u00a0 \u00a0 \u00a0 \u00a0 \u00feeah \u00feu \u00e6r fela\n unw\u00e6rlicra \u00a0 \u00a0 \u00a0 \u00a0 worda gespr\u00e6ce,\n onsoce to swi\u00f0e \u00a0 \u00a0 \u00a0 \u00a0 \u00fe\u00e6t \u00feu so\u00f0 godu\n- 195\n- \n lufian wolde. \u00a0 \u00a0 \u00a0 \u00a0 \u00fee \u00fea lean sceolan \n wi\u00feerhycgendre, \u00a0 \u00a0 \u00a0 \u00a0 witebrogan,\n \u00e6fter weor\u00fean, \u00a0 \u00a0 \u00a0 \u00a0 butan \u00feu \u00e6r wi\u00fe hi\n ge\u00feingige, \u00a0 \u00a0 \u00a0 \u00a0 ond him \u00feoncwyr\u00fee\n \u00e6fter leahtorcwidum \u00a0 \u00a0 \u00a0 \u00a0 lac onsecge,\n- 200\n- \n sibbe gesette. \u00a0 \u00a0 \u00a0 \u00a0 L\u00e6t \u00fea sace restan, \n la\u00f0 leodgewin. \u00a0 \u00a0 \u00a0 \u00a0 Gif \u00feu leng ofer \u00feis\n \u00feurh \u00fein dolwillen \u00a0 \u00a0 \u00a0 \u00a0 gedwolan fylgest,\n \u00feonne ic nyde sceal \u00a0 \u00a0 \u00a0 \u00a0 ni\u00fea geb\u00e6ded\n on \u00fe\u00e6re grimmestan \u00a0 \u00a0 \u00a0 \u00a0 godscyld wrecan,\n- 205\n- \n torne teoncwide, \u00a0 \u00a0 \u00a0 \u00a0 \u00fee \u00feu t\u00e6lnissum \n wi\u00fe \u00fea selestan \u00a0 \u00a0 \u00a0 \u00a0 sacan ongunne,\n ond \u00fea mildestan \u00a0 \u00a0 \u00a0 \u00a0 \u00feara \u00fee men witen,\n \u00fee \u00fees leodscype mid him \u00a0 \u00a0 \u00a0 \u00a0 longe bieode.\"\n Him \u00fe\u00e6t \u00e6\u00feele mod \u00a0 \u00a0 \u00a0 \u00a0 unforht oncw\u00e6\u00f0:\n- 210\n- \n \"Ne ondr\u00e6de ic me \u00a0 \u00a0 \u00a0 \u00a0 domas \u00feine, \n awyrged womscea\u00f0a, \u00a0 \u00a0 \u00a0 \u00a0 ne \u00feinra wita bealo.\n H\u00e6bbe ic me to hyhte \u00a0 \u00a0 \u00a0 \u00a0 heofonrices weard,\n mildne mundboran, \u00a0 \u00a0 \u00a0 \u00a0 m\u00e6gna waldend,\n se mec gescylde\u00f0 \u00a0 \u00a0 \u00a0 \u00a0 wi\u00f0 \u00feinum scinlace\n- 215\n- \n of gromra gripe, \u00a0 \u00a0 \u00a0 \u00a0 \u00fee \u00feu to godum tiohhast. \n \u00f0a sind geasne \u00a0 \u00a0 \u00a0 \u00a0 goda gehwylces,\n idle, orfeorme, \u00a0 \u00a0 \u00a0 \u00a0 unbi\u00feyrfe,\n ne \u00fe\u00e6r freme mete\u00f0 \u00a0 \u00a0 \u00a0 \u00a0 fira \u00e6nig\n so\u00f0e sibbe, \u00a0 \u00a0 \u00a0 \u00a0 \u00feeah \u00fee sece to him\n- 220\n- \n freondr\u00e6denne. \u00a0 \u00a0 \u00a0 \u00a0 He ne finde\u00f0 \u00fe\u00e6r \n dugu\u00fee mid deoflum. \u00a0 \u00a0 \u00a0 \u00a0 Ic to dryhtne min\n mod sta\u00feelige, \u00a0 \u00a0 \u00a0 \u00a0 se ofer m\u00e6gna gehwylc\n walde\u00f0 wideferh, \u00a0 \u00a0 \u00a0 \u00a0 wuldres agend,\n sigora gehwylces. \u00a0 \u00a0 \u00a0 \u00a0 \u00fe\u00e6t is so\u00f0 cyning.\"\n- 225\n- \n \u00f0a \u00feam folctogan \u00a0 \u00a0 \u00a0 \u00a0 fracu\u00f0lic \u00feuhte \n \u00fe\u00e6t he ne meahte \u00a0 \u00a0 \u00a0 \u00a0 mod oncyrran,\n f\u00e6mnan fore\u00feonc. \u00a0 \u00a0 \u00a0 \u00a0 He bi feaxe het\n ahon ond ahebban \u00a0 \u00a0 \u00a0 \u00a0 on heanne beam,\n \u00fe\u00e6r seo sunsciene \u00a0 \u00a0 \u00a0 \u00a0 slege \u00ferowade,\n- 230\n- \n sace singrimme, \u00a0 \u00a0 \u00a0 \u00a0 siex tida d\u00e6ges, \n ond he \u00e6dre het \u00a0 \u00a0 \u00a0 \u00a0 eft asettan,\n la\u00f0geni\u00f0la, \u00a0 \u00a0 \u00a0 \u00a0 ond gel\u00e6dan bibead\n to carcerne. \u00a0 \u00a0 \u00a0 \u00a0 Hyre w\u00e6s Cristes lof\n in fer\u00f0locan \u00a0 \u00a0 \u00a0 \u00a0 f\u00e6ste biwunden,\n- 235\n- \n milde modsefan, \u00a0 \u00a0 \u00a0 \u00a0 m\u00e6gen unbrice. \n \u00f0a w\u00e6s mid clustre \u00a0 \u00a0 \u00a0 \u00a0 carcernes duru\n behliden, homra geweorc. \u00a0 \u00a0 \u00a0 \u00a0 Halig \u00fe\u00e6r inne\n w\u00e6rf\u00e6st wunade. \u00a0 \u00a0 \u00a0 \u00a0 Symle heo wuldorcyning\n herede \u00e6t heortan, \u00a0 \u00a0 \u00a0 \u00a0 heofonrices god,\n- 240\n- \n in \u00feam nydclafan, \u00a0 \u00a0 \u00a0 \u00a0 nergend fira, \n heolstre bihelmad. \u00a0 \u00a0 \u00a0 \u00a0 Hyre w\u00e6s halig g\u00e6st\n singal gesi\u00f0. \u00a0 \u00a0 \u00a0 \u00a0 \u00f0a cwom semninga\n in \u00fe\u00e6t hlinr\u00e6ced \u00a0 \u00a0 \u00a0 \u00a0 h\u00e6le\u00f0a gewinna,\n yfeles ondwis. \u00a0 \u00a0 \u00a0 \u00a0 H\u00e6fde engles hiw,\n- 245\n- \n gleaw gyrnstafa \u00a0 \u00a0 \u00a0 \u00a0 g\u00e6stgeni\u00f0la, \n helle h\u00e6ftling, \u00a0 \u00a0 \u00a0 \u00a0 to \u00fe\u00e6re halgan spr\u00e6c:\n \"Hw\u00e6t dreogest \u00feu, \u00a0 \u00a0 \u00a0 \u00a0 seo dyreste\n ond seo weor\u00feeste \u00a0 \u00a0 \u00a0 \u00a0 wuldorcyninge,\n dryhtne ussum? \u00a0 \u00a0 \u00a0 \u00a0 \u00f0e \u00fees dema hafa\u00f0\n- 250\n- \n \u00fea wyrrestan \u00a0 \u00a0 \u00a0 \u00a0 witu gegearwad, \n sar endeleas, \u00a0 \u00a0 \u00a0 \u00a0 gif \u00feu onsecgan nelt,\n gleawhycgende, \u00a0 \u00a0 \u00a0 \u00a0 ond his godum cweman.\n Wes \u00feu on ofeste, \u00a0 \u00a0 \u00a0 \u00a0 swa he \u00feec ut heonan\n l\u00e6dan hate, \u00a0 \u00a0 \u00a0 \u00a0 \u00fe\u00e6t \u00feu lac hra\u00fee\n- 255\n- \n onsecge sigortifre, \u00a0 \u00a0 \u00a0 \u00a0 \u00e6r \u00feec swylt nime, \n dea\u00f0 fore dugu\u00f0e. \u00a0 \u00a0 \u00a0 \u00a0 \u00fey \u00feu \u00fe\u00e6s deman scealt,\n eadhre\u00f0ig m\u00e6g, \u00a0 \u00a0 \u00a0 \u00a0 yrre gedygan.\"\n Fr\u00e6gn \u00fea fromlice, \u00a0 \u00a0 \u00a0 \u00a0 seo \u00fee forht ne w\u00e6s,\n Criste gecweme, \u00a0 \u00a0 \u00a0 \u00a0 hwonan his cyme w\u00e6re.\n- 260\n- \n Hyre se wr\u00e6cm\u00e6cga \u00a0 \u00a0 \u00a0 \u00a0 wi\u00f0 \u00feingade: \n \"Ic eom engel godes \u00a0 \u00a0 \u00a0 \u00a0 ufan si\u00feende,\n \u00feegn ge\u00feungen, \u00a0 \u00a0 \u00a0 \u00a0 ond to \u00fee sended,\n halig of heah\u00feu. \u00a0 \u00a0 \u00a0 \u00a0 \u00fee sind heardlicu,\n wundrum w\u00e6lgrim, \u00a0 \u00a0 \u00a0 \u00a0 witu geteohhad\n- 265\n- \n to gringwr\u00e6ce. \u00a0 \u00a0 \u00a0 \u00a0 Het \u00fee god beodan, \n bearn waldendes, \u00a0 \u00a0 \u00a0 \u00a0 \u00fe\u00e6t \u00fee burge \u00fea.\"\n \u00f0a w\u00e6s seo f\u00e6mne \u00a0 \u00a0 \u00a0 \u00a0 for \u00feam f\u00e6rspelle\n egsan geaclad, \u00a0 \u00a0 \u00a0 \u00a0 \u00fee hyre se agl\u00e6ca,\n wuldres wi\u00feerbreca, \u00a0 \u00a0 \u00a0 \u00a0 wordum s\u00e6gde.\n- 270\n- \n Ongan \u00fea f\u00e6stlice \u00a0 \u00a0 \u00a0 \u00a0 fer\u00f0 sta\u00feelian, \n geong grondorleas, \u00a0 \u00a0 \u00a0 \u00a0 to gode cleopian\n \"Nu ic \u00feec, beorna hleo, \u00a0 \u00a0 \u00a0 \u00a0 biddan wille\n ece \u00e6lmihtig, \u00a0 \u00a0 \u00a0 \u00a0 \u00feurh \u00fe\u00e6t \u00e6\u00feele gesceap\n \u00fee \u00feu, f\u00e6der engla, \u00a0 \u00a0 \u00a0 \u00a0 \u00e6t fruman settest,\n- 275\n- \n \u00fe\u00e6t \u00feu me ne l\u00e6te \u00a0 \u00a0 \u00a0 \u00a0 of lofe hweorfan \n \u00feinre eadgife, \u00a0 \u00a0 \u00a0 \u00a0 swa me \u00fees ar boda\u00f0\n frecne f\u00e6rspel, \u00a0 \u00a0 \u00a0 \u00a0 \u00fee me fore stonde\u00f0.\n Swa ic \u00fee, bilwitne, \u00a0 \u00a0 \u00a0 \u00a0 biddan wille\n \u00fe\u00e6t \u00feu me gecy\u00f0e, \u00a0 \u00a0 \u00a0 \u00a0 cyninga wuldor,\n- 280\n- \n \u00ferymmes hyrde, \u00a0 \u00a0 \u00a0 \u00a0 hw\u00e6t \u00fees \u00feegn sy, \n lyftlacende, \u00a0 \u00a0 \u00a0 \u00a0 \u00fee mec l\u00e6re\u00f0 from \u00fee\n on stearcne weg.\" \u00a0 \u00a0 \u00a0 \u00a0 Hyre stefn oncw\u00e6\u00f0\n wlitig of wolcnum, \u00a0 \u00a0 \u00a0 \u00a0 word hleo\u00ferade:\n \"Forfoh \u00feone fr\u00e6tgan \u00a0 \u00a0 \u00a0 \u00a0 ond f\u00e6ste geheald,\n- 285\n- \n o\u00fe\u00fe\u00e6t he his si\u00f0f\u00e6t \u00a0 \u00a0 \u00a0 \u00a0 secge mid ryhte, \n ealne from orde, \u00a0 \u00a0 \u00a0 \u00a0 hw\u00e6t his \u00e6\u00feelu syn.\"\n \u00f0a w\u00e6s \u00fe\u00e6re f\u00e6mnan \u00a0 \u00a0 \u00a0 \u00a0 fer\u00f0 geblissad,\n domeadigre. \u00a0 \u00a0 \u00a0 \u00a0 Heo \u00fe\u00e6t deofol genom\n ...... \"ealra cyninga cyning \u00a0 \u00a0 \u00a0 \u00a0 to cwale syllan.\n- 290\n- \n \u00f0a gen ic gecr\u00e6fte \u00a0 \u00a0 \u00a0 \u00a0 \u00fe\u00e6t se cempa ongon \n waldend wundian, \u00a0 \u00a0 \u00a0 \u00a0 weorud to segon\n \u00fe\u00e6t \u00fe\u00e6r blod ond w\u00e6ter \u00a0 \u00a0 \u00a0 \u00a0 bu tu \u00e6tg\u00e6dre\n eor\u00fean sohtun. \u00a0 \u00a0 \u00a0 \u00a0 \u00f0a gen ic Herode\n in hyge bisweop \u00a0 \u00a0 \u00a0 \u00a0 \u00fe\u00e6t he Iohannes bibead\n- 295\n- \n heafde biheawan, \u00a0 \u00a0 \u00a0 \u00a0 \u00f0a se halga wer \n \u00fe\u00e6re wiflufan \u00a0 \u00a0 \u00a0 \u00a0 wordum styrde,\n unryhtre \u00e6. \u00a0 \u00a0 \u00a0 \u00a0 Eac ic gel\u00e6rde\n Simon searo\u00feoncum \u00a0 \u00a0 \u00a0 \u00a0 \u00fe\u00e6t he sacan ongon\n wi\u00fe \u00fea gecorenan \u00a0 \u00a0 \u00a0 \u00a0 Cristes \u00feegnas,\n- 300\n- \n ond \u00fea halgan weras \u00a0 \u00a0 \u00a0 \u00a0 hospe gerahte \n \u00feurh deopne gedwolan, \u00a0 \u00a0 \u00a0 \u00a0 s\u00e6gde hy dryas w\u00e6ron.\n Ne\u00fede ic nearobregdum \u00a0 \u00a0 \u00a0 \u00a0 \u00fe\u00e6r ic Neron bisweac,\n \u00fe\u00e6t he acwellan het \u00a0 \u00a0 \u00a0 \u00a0 Cristes \u00feegnas,\n Petrus ond Paulus. \u00a0 \u00a0 \u00a0 \u00a0 Pilatus \u00e6r\n- 305\n- \n on rode aheng \u00a0 \u00a0 \u00a0 \u00a0 rodera waldend, \n meotud meahtigne \u00a0 \u00a0 \u00a0 \u00a0 minum larum.\n Swylce ic Egias \u00a0 \u00a0 \u00a0 \u00a0 eac gel\u00e6rde\n \u00fe\u00e6t he unsnytrum \u00a0 \u00a0 \u00a0 \u00a0 Andreas het\n ahon haligne \u00a0 \u00a0 \u00a0 \u00a0 on heanne beam,\n- 310\n- \n \u00fe\u00e6t he of galgan his \u00a0 \u00a0 \u00a0 \u00a0 g\u00e6st onsende \n in wuldres wlite. \u00a0 \u00a0 \u00a0 \u00a0 \u00feus ic wra\u00fera fela\n mid minum bro\u00ferum \u00a0 \u00a0 \u00a0 \u00a0 bealwa gefremede,\n sweartra synna, \u00a0 \u00a0 \u00a0 \u00a0 \u00fee ic asecgan ne m\u00e6g,\n rume areccan, \u00a0 \u00a0 \u00a0 \u00a0 ne gerim witan,\n- 315\n- \n heardra hete\u00feonca.\" \u00a0 \u00a0 \u00a0 \u00a0 Him seo halge oncw\u00e6\u00f0 \n \u00feurh g\u00e6stes giefe, \u00a0 \u00a0 \u00a0 \u00a0 Iuliana:\n \"\u00feu scealt fur\u00feor gen, \u00a0 \u00a0 \u00a0 \u00a0 feond moncynnes,\n si\u00fef\u00e6t secgan, \u00a0 \u00a0 \u00a0 \u00a0 hwa \u00feec sende to me.\"\n Hyre se agl\u00e6ca \u00a0 \u00a0 \u00a0 \u00a0 ageaf ondsware,\n- 320\n- \n forhtafongen, \u00a0 \u00a0 \u00a0 \u00a0 fri\u00fees orwena: \n \"Hw\u00e6t, mec min f\u00e6der \u00a0 \u00a0 \u00a0 \u00a0 on \u00feas fore to \u00fee,\n hellwarena cyning, \u00a0 \u00a0 \u00a0 \u00a0 hider onsende\n of \u00feam engan ham, \u00a0 \u00a0 \u00a0 \u00a0 se is yfla gehw\u00e6s\n in \u00feam grornhofe \u00a0 \u00a0 \u00a0 \u00a0 geornfulra \u00feonne ic.\n- 325\n- \n \u00feonne he usic sende\u00f0 \u00a0 \u00a0 \u00a0 \u00a0 \u00fe\u00e6t we so\u00f0f\u00e6stra \n \u00feurh misgedwield \u00a0 \u00a0 \u00a0 \u00a0 mod oncyrren,\n ahwyrfen from halor, \u00a0 \u00a0 \u00a0 \u00a0 we beo\u00f0 hygegeomre,\n forhte on fer\u00f0\u00fee. \u00a0 \u00a0 \u00a0 \u00a0 Ne bi\u00fe us frea milde,\n egesful ealdor, \u00a0 \u00a0 \u00a0 \u00a0 gif we yfles noht\n- 330\n- \n gedon habba\u00fe; \u00a0 \u00a0 \u00a0 \u00a0 ne durran we si\u00fe\u00fean \n for his onsyne \u00a0 \u00a0 \u00a0 \u00a0 ower geferan.\n \u00feonne he onsende\u00f0 \u00a0 \u00a0 \u00a0 \u00a0 geond sidne grund\n \u00feegnas of \u00feystrum, \u00a0 \u00a0 \u00a0 \u00a0 hate\u00f0 \u00fer\u00e6ce r\u00e6ran,\n gif we gemette sin \u00a0 \u00a0 \u00a0 \u00a0 on moldwege,\n- 335\n- \n o\u00fe\u00fee feor o\u00fe\u00fee neah \u00a0 \u00a0 \u00a0 \u00a0 fundne weor\u00feen, \n \u00fe\u00e6t hi usic binden \u00a0 \u00a0 \u00a0 \u00a0 ond in b\u00e6lwylme\n suslum swingen. \u00a0 \u00a0 \u00a0 \u00a0 Gif so\u00f0f\u00e6stra\n \u00feurh myrrelsan \u00a0 \u00a0 \u00a0 \u00a0 mod ne o\u00f0cyrre\u00f0,\n haligra hyge, \u00a0 \u00a0 \u00a0 \u00a0 we \u00fea heardestan\n- 340\n- \n ond \u00fea wyrrestan \u00a0 \u00a0 \u00a0 \u00a0 witu ge\u00feolia\u00f0 \n \u00feurh sarslege. \u00a0 \u00a0 \u00a0 \u00a0 Nu \u00feu sylfa meaht\n on sefan \u00feinum \u00a0 \u00a0 \u00a0 \u00a0 so\u00f0 gecnawan,\n \u00fe\u00e6t ic \u00feisse no\u00fee w\u00e6s \u00a0 \u00a0 \u00a0 \u00a0 nyde geb\u00e6ded,\n \u00feragm\u00e6lum ge\u00feread, \u00a0 \u00a0 \u00a0 \u00a0 \u00fe\u00e6t ic \u00fee sohte.\"\n- 345\n- \n \u00fea gen seo halge ongon \u00a0 \u00a0 \u00a0 \u00a0 h\u00e6le\u00fea gewinnan, \n wrohtes wyrhtan, \u00a0 \u00a0 \u00a0 \u00a0 wordum frignan,\n fyrnsynna fruman: \u00a0 \u00a0 \u00a0 \u00a0 \"\u00feu me fur\u00feor scealt\n secgan, sawla feond, \u00a0 \u00a0 \u00a0 \u00a0 hu \u00feu so\u00f0f\u00e6stum\n \u00feurh synna slide \u00a0 \u00a0 \u00a0 \u00a0 swi\u00feast sce\u00fe\u00fee,\n- 350\n- \n facne bifongen.\" \u00a0 \u00a0 \u00a0 \u00a0 Hyre se feond oncw\u00e6\u00f0, \n wr\u00e6cca w\u00e6rleas, \u00a0 \u00a0 \u00a0 \u00a0 wordum m\u00e6lde:\n \"Ic \u00fee, ead m\u00e6g, \u00a0 \u00a0 \u00a0 \u00a0 yfla gehwylces\n or gecy\u00f0e \u00a0 \u00a0 \u00a0 \u00a0 o\u00f0 ende for\u00f0\n \u00feara \u00fee ic gefremede, \u00a0 \u00a0 \u00a0 \u00a0 nal\u00e6s feam si\u00f0um,\n- 355\n- \n synna wundum, \u00a0 \u00a0 \u00a0 \u00a0 \u00fe\u00e6t \u00feu \u00fey sweotolicor \n sylf gecnawe \u00a0 \u00a0 \u00a0 \u00a0 \u00fe\u00e6t \u00feis is so\u00f0, nales leas.\n Ic \u00fe\u00e6t wende \u00a0 \u00a0 \u00a0 \u00a0 ond witod tealde\n \u00feriste ge\u00feoncge, \u00a0 \u00a0 \u00a0 \u00a0 \u00fe\u00e6t ic \u00fee meahte\n butan earfe\u00feum \u00a0 \u00a0 \u00a0 \u00a0 anes cr\u00e6fte\n- 360\n- \n ahwyrfan from halor, \u00a0 \u00a0 \u00a0 \u00a0 \u00fe\u00e6t \u00feu heofoncyninge \n wi\u00f0soce, sigora frean, \u00a0 \u00a0 \u00a0 \u00a0 ond to s\u00e6mran gebuge,\n ons\u00e6gde synna fruman. \u00a0 \u00a0 \u00a0 \u00a0 \u00feus ic so\u00f0f\u00e6stum\n \u00feurh mislic bleo \u00a0 \u00a0 \u00a0 \u00a0 mod oncyrre.\n \u00fe\u00e6r ic hine finde \u00a0 \u00a0 \u00a0 \u00a0 fer\u00f0 sta\u00feelian\n- 365\n- \n to godes willan, \u00a0 \u00a0 \u00a0 \u00a0 ic beo gearo sona \n \u00fe\u00e6t ic him monigfealde \u00a0 \u00a0 \u00a0 \u00a0 modes g\u00e6lsan\n ongean bere \u00a0 \u00a0 \u00a0 \u00a0 grimra ge\u00feonca,\n dyrnra gedwilda, \u00a0 \u00a0 \u00a0 \u00a0 \u00feurh gedwolena rim.\n Ic him geswete \u00a0 \u00a0 \u00a0 \u00a0 synna lustas,\n- 370\n- \n m\u00e6ne modlufan, \u00a0 \u00a0 \u00a0 \u00a0 \u00fe\u00e6t he minum hra\u00fee, \n leahtrum gelenge, \u00a0 \u00a0 \u00a0 \u00a0 larum hyre\u00f0.\n Ic hine \u00fe\u00e6s swi\u00fee \u00a0 \u00a0 \u00a0 \u00a0 synnum on\u00e6le\n \u00fe\u00e6t he byrnende \u00a0 \u00a0 \u00a0 \u00a0 from gebede swice\u00f0,\n stepe\u00f0 stronglice, \u00a0 \u00a0 \u00a0 \u00a0 sta\u00feolf\u00e6st ne m\u00e6g\n- 375\n- \n fore leahtra lufan \u00a0 \u00a0 \u00a0 \u00a0 lenge gewunian \n in gebedstowe. \u00a0 \u00a0 \u00a0 \u00a0 Swa ic brogan to\n la\u00f0ne gel\u00e6de \u00a0 \u00a0 \u00a0 \u00a0 \u00feam \u00fee ic lifes ofonn,\n leohtes geleafan, \u00a0 \u00a0 \u00a0 \u00a0 ond he larum wile\n \u00feurh modes myne \u00a0 \u00a0 \u00a0 \u00a0 minum hyran,\n- 380\n- \n synne fremman, \u00a0 \u00a0 \u00a0 \u00a0 he si\u00fe\u00fean sceal \n godra gumcysta \u00a0 \u00a0 \u00a0 \u00a0 geasne hweorfan.\n Gif ic \u00e6nigne \u00a0 \u00a0 \u00a0 \u00a0 ellenrofne\n gemete modigne \u00a0 \u00a0 \u00a0 \u00a0 metodes cempan\n wi\u00f0 flan\u00fer\u00e6ce, \u00a0 \u00a0 \u00a0 \u00a0 nele feor \u00feonan\n- 385\n- \n bugan from beaduwe, \u00a0 \u00a0 \u00a0 \u00a0 ac he bord ongean \n hefe\u00f0 hygesnottor, \u00a0 \u00a0 \u00a0 \u00a0 haligne scyld,\n g\u00e6stlic gu\u00f0reaf, \u00a0 \u00a0 \u00a0 \u00a0 nele gode swican,\n ac he beald in gebede \u00a0 \u00a0 \u00a0 \u00a0 bidsteal gife\u00f0\n f\u00e6ste on fe\u00f0an, \u00a0 \u00a0 \u00a0 \u00a0 ic sceal feor \u00feonan\n- 390\n- \n heanmod hweorfan, \u00a0 \u00a0 \u00a0 \u00a0 hro\u00fera bid\u00e6led, \n in gleda gripe, \u00a0 \u00a0 \u00a0 \u00a0 geh\u00f0u m\u00e6nan,\n \u00fe\u00e6t ic ne meahte \u00a0 \u00a0 \u00a0 \u00a0 m\u00e6gnes cr\u00e6fte\n gu\u00f0e wi\u00f0gongan, \u00a0 \u00a0 \u00a0 \u00a0 ac ic geomor sceal\n secan o\u00feerne \u00a0 \u00a0 \u00a0 \u00a0 ellenleasran,\n- 395\n- \n under cumbolhagan, \u00a0 \u00a0 \u00a0 \u00a0 cempan s\u00e6nran, \n \u00fee ic onbryrdan m\u00e6ge \u00a0 \u00a0 \u00a0 \u00a0 beorman mine,\n ag\u00e6lan \u00e6t gu\u00fee. \u00a0 \u00a0 \u00a0 \u00a0 \u00feeah he godes hw\u00e6t\n onginne g\u00e6stlice, \u00a0 \u00a0 \u00a0 \u00a0 ic beo gearo sona,\n \u00fe\u00e6t ic ingehygd \u00a0 \u00a0 \u00a0 \u00a0 eal geondwlite,\n- 400\n- \n hu gef\u00e6stnad sy \u00a0 \u00a0 \u00a0 \u00a0 fer\u00f0 innanweard, \n wi\u00f0steall geworht. \u00a0 \u00a0 \u00a0 \u00a0 Ic \u00fe\u00e6s wealles geat\n ontyne \u00feurh teonan; \u00a0 \u00a0 \u00a0 \u00a0 bi\u00f0 se torr \u00feyrel,\n ingong geopenad, \u00a0 \u00a0 \u00a0 \u00a0 \u00feonne ic \u00e6rest him\n \u00feurh eargfare \u00a0 \u00a0 \u00a0 \u00a0 in onsende\n- 405\n- \n in breostsefan \u00a0 \u00a0 \u00a0 \u00a0 bitre ge\u00feoncas \n \u00feurh mislice \u00a0 \u00a0 \u00a0 \u00a0 modes willan,\n \u00fe\u00e6t him sylfum \u00a0 \u00a0 \u00a0 \u00a0 selle \u00feynce\u00f0\n leahtras to fremman \u00a0 \u00a0 \u00a0 \u00a0 ofer lof godes,\n lices lustas. \u00a0 \u00a0 \u00a0 \u00a0 Ic beo lareow georn\n- 410\n- \n \u00fe\u00e6t he mon\u00feeawum \u00a0 \u00a0 \u00a0 \u00a0 minum lifge \n acyrred cu\u00f0lice \u00a0 \u00a0 \u00a0 \u00a0 from Cristes \u00e6,\n mod gemyrred \u00a0 \u00a0 \u00a0 \u00a0 me to gewealde\n in synna sea\u00f0. \u00a0 \u00a0 \u00a0 \u00a0 Ic \u00fe\u00e6re sawle ma\n geornor gyme \u00a0 \u00a0 \u00a0 \u00a0 ymb \u00fe\u00e6s g\u00e6stes forwyrd\n- 415\n- \n \u00feonne \u00fe\u00e6s lichoman, \u00a0 \u00a0 \u00a0 \u00a0 se \u00fee on legre sceal \n weor\u00f0an in worulde \u00a0 \u00a0 \u00a0 \u00a0 wyrme to hro\u00feor,\n bifolen in foldan.\" \u00a0 \u00a0 \u00a0 \u00a0 \u00f0a gien seo f\u00e6mne spr\u00e6c:\n \"Saga, earmsceapen, \u00a0 \u00a0 \u00a0 \u00a0 uncl\u00e6ne g\u00e6st,\n hu \u00feu \u00feec ge\u00feyde, \u00a0 \u00a0 \u00a0 \u00a0 \u00feystra stihtend,\n- 420\n- \n on cl\u00e6nra gemong? \u00a0 \u00a0 \u00a0 \u00a0 \u00feu wi\u00f0 Criste geo \n w\u00e6rleas wunne \u00a0 \u00a0 \u00a0 \u00a0 ond gewin tuge,\n hogdes wi\u00fe halgum. \u00a0 \u00a0 \u00a0 \u00a0 \u00fee wear\u00f0 helle sea\u00f0\n ni\u00feer gedolfen, \u00a0 \u00a0 \u00a0 \u00a0 \u00fe\u00e6r \u00feu nydbysig\n fore oferhygdum \u00a0 \u00a0 \u00a0 \u00a0 eard gesohtes.\n- 425\n- \n Wende ic \u00fe\u00e6t \u00feu \u00fey w\u00e6rra \u00a0 \u00a0 \u00a0 \u00a0 weor\u00fean sceolde \n wi\u00f0 so\u00f0f\u00e6stum \u00a0 \u00a0 \u00a0 \u00a0 swylces gemotes\n ond \u00fey unbealdra, \u00a0 \u00a0 \u00a0 \u00a0 \u00fee \u00fee oft wi\u00f0stod\n \u00feurh wuldorcyning \u00a0 \u00a0 \u00a0 \u00a0 willan \u00feines.\"\n Hyre \u00fea se werga \u00a0 \u00a0 \u00a0 \u00a0 wi\u00f0 \u00feingade,\n- 430\n- \n earm agl\u00e6ca: \u00a0 \u00a0 \u00a0 \u00a0 \"\u00feu me \u00e6rest saga, \n hu \u00feu gedyrstig \u00a0 \u00a0 \u00a0 \u00a0 \u00feurh deop gehygd\n wurde \u00feus wig\u00ferist \u00a0 \u00a0 \u00a0 \u00a0 ofer eall wifa cyn,\n \u00fe\u00e6t \u00feu mec \u00feus f\u00e6ste \u00a0 \u00a0 \u00a0 \u00a0 fetrum gebunde,\n \u00e6ghw\u00e6s orwigne. \u00a0 \u00a0 \u00a0 \u00a0 \u00feu in ecne god,\n- 435\n- \n \u00ferymsittendne, \u00a0 \u00a0 \u00a0 \u00a0 \u00feinne getreowdes, \n meotud moncynnes, \u00a0 \u00a0 \u00a0 \u00a0 swa ic in minne f\u00e6der,\n hellwarena cyning, \u00a0 \u00a0 \u00a0 \u00a0 hyht sta\u00feelie.\n \u00feonne ic beom onsended \u00a0 \u00a0 \u00a0 \u00a0 wi\u00f0 so\u00f0f\u00e6stum,\n \u00fe\u00e6t ic in manweorcum \u00a0 \u00a0 \u00a0 \u00a0 mod oncyrre,\n- 440\n- \n hyge from halor, \u00a0 \u00a0 \u00a0 \u00a0 me hwilum bi\u00fe \n forwyrned \u00feurh wi\u00feersteall \u00a0 \u00a0 \u00a0 \u00a0 willan mines,\n hyhtes \u00e6t halgum, \u00a0 \u00a0 \u00a0 \u00a0 swa me her gelamp\n sorg on si\u00fee. \u00a0 \u00a0 \u00a0 \u00a0 Ic \u00fe\u00e6t sylf gecneow\n to late micles, \u00a0 \u00a0 \u00a0 \u00a0 sceal nu lange ofer \u00feis,\n- 445\n- \n scyldwyrcende, \u00a0 \u00a0 \u00a0 \u00a0 scame \u00ferowian. \n For\u00feon ic \u00feec halsige \u00a0 \u00a0 \u00a0 \u00a0 \u00feurh \u00fe\u00e6s hyhstan meaht,\n rodorcyninges giefe, \u00a0 \u00a0 \u00a0 \u00a0 se \u00fee on rode treo\n ge\u00ferowade, \u00a0 \u00a0 \u00a0 \u00a0 \u00ferymmes ealdor,\n \u00fe\u00e6t \u00feu miltsige \u00a0 \u00a0 \u00a0 \u00a0 me \u00feearfendum,\n- 450\n- \n \u00fe\u00e6t uns\u00e6lig \u00a0 \u00a0 \u00a0 \u00a0 eall ne forweor\u00fee, \n \u00feeah ic \u00feec gedyrstig \u00a0 \u00a0 \u00a0 \u00a0 ond \u00feus dolwillen\n si\u00fee gesohte, \u00a0 \u00a0 \u00a0 \u00a0 \u00fe\u00e6r ic swi\u00fee me\n \u00feyslicre \u00e6r \u00a0 \u00a0 \u00a0 \u00a0 \u00ferage ne wende.\"\n \u00f0a seo wlitescyne \u00a0 \u00a0 \u00a0 \u00a0 wuldres condel\n- 455\n- \n to \u00feam w\u00e6rlogan \u00a0 \u00a0 \u00a0 \u00a0 wordum m\u00e6lde: \n \"\u00feu scealt ondettan \u00a0 \u00a0 \u00a0 \u00a0 yfeld\u00e6da ma,\n hean helle g\u00e6st, \u00a0 \u00a0 \u00a0 \u00a0 \u00e6r \u00feu heonan mote,\n hw\u00e6t \u00feu to teonan \u00a0 \u00a0 \u00a0 \u00a0 \u00feurhtogen h\u00e6bbe\n micelra manweorca \u00a0 \u00a0 \u00a0 \u00a0 manna tudre\n- 460\n- \n deorcum gedwildum.\" \u00a0 \u00a0 \u00a0 \u00a0 Hyre \u00fe\u00e6t deofol oncw\u00e6\u00f0: \n \"Nu ic \u00fe\u00e6t gehyre \u00a0 \u00a0 \u00a0 \u00a0 \u00feurh \u00feinne hleo\u00feorcwide,\n \u00fe\u00e6t ic nyde sceal \u00a0 \u00a0 \u00a0 \u00a0 ni\u00fea geb\u00e6ded\n mod meldian, \u00a0 \u00a0 \u00a0 \u00a0 swa \u00feu me beodest,\n \u00fereaned \u00feolian. \u00a0 \u00a0 \u00a0 \u00a0 Is \u00feeos \u00ferag ful strong,\n- 465\n- \n \u00fereat orm\u00e6te. \u00a0 \u00a0 \u00a0 \u00a0 Ic sceal \u00feinga gehwylc \n \u00feolian ond \u00feafian \u00a0 \u00a0 \u00a0 \u00a0 on \u00feinne dom,\n womd\u00e6da onwreon, \u00a0 \u00a0 \u00a0 \u00a0 \u00fee ic wideferg\n sweartra gesyrede. \u00a0 \u00a0 \u00a0 \u00a0 Oft ic syne ofteah,\n ablende bealo\u00feoncum \u00a0 \u00a0 \u00a0 \u00a0 beorna unrim\n- 470\n- \n monna cynnes, \u00a0 \u00a0 \u00a0 \u00a0 misthelme forbr\u00e6gd \n \u00feurh attres ord \u00a0 \u00a0 \u00a0 \u00a0 eagna leoman\n sweartum scurum, \u00a0 \u00a0 \u00a0 \u00a0 ond ic sumra fet\n forbr\u00e6c bealosearwum, \u00a0 \u00a0 \u00a0 \u00a0 sume in bryne sende,\n in liges locan, \u00a0 \u00a0 \u00a0 \u00a0 \u00fe\u00e6t him lasta wear\u00f0\n- 475\n- \n si\u00feast gesyne. \u00a0 \u00a0 \u00a0 \u00a0 Eac ic sume gedyde \n \u00fe\u00e6t him banlocan \u00a0 \u00a0 \u00a0 \u00a0 blode spiowedan,\n \u00fe\u00e6t hi f\u00e6ringa \u00a0 \u00a0 \u00a0 \u00a0 feorh aleton\n \u00feurh \u00e6dra wylm. \u00a0 \u00a0 \u00a0 \u00a0 Sume on y\u00f0fare\n wurdon on wege \u00a0 \u00a0 \u00a0 \u00a0 w\u00e6trum bisencte,\n- 480\n- \n on mereflode, \u00a0 \u00a0 \u00a0 \u00a0 minum cr\u00e6ftum \n under reone stream. \u00a0 \u00a0 \u00a0 \u00a0 Sume ic rode bifealh,\n \u00fe\u00e6t hi hyra dreorge \u00a0 \u00a0 \u00a0 \u00a0 on hean galgan\n lif aletan. \u00a0 \u00a0 \u00a0 \u00a0 Sume ic larum geteah,\n to geflite fremede, \u00a0 \u00a0 \u00a0 \u00a0 \u00fe\u00e6t hy f\u00e6ringa\n- 485\n- \n ealde \u00e6f\u00feoncan \u00a0 \u00a0 \u00a0 \u00a0 edniwedan, \n beore druncne. \u00a0 \u00a0 \u00a0 \u00a0 Ic him byrlade\n wroht of wege, \u00a0 \u00a0 \u00a0 \u00a0 \u00fe\u00e6t hi in winsele\n \u00feurh sweordgripe \u00a0 \u00a0 \u00a0 \u00a0 sawle forletan\n of fl\u00e6schoman \u00a0 \u00a0 \u00a0 \u00a0 f\u00e6ge scyndan,\n- 490\n- \n sarum gesohte. \u00a0 \u00a0 \u00a0 \u00a0 Sume, \u00fea ic funde \n butan godes tacne, \u00a0 \u00a0 \u00a0 \u00a0 gymelease,\n ungebletsade, \u00a0 \u00a0 \u00a0 \u00a0 \u00fea ic bealdlice\n \u00feurh mislic cwealm \u00a0 \u00a0 \u00a0 \u00a0 minum hondum\n searo\u00feoncum slog. \u00a0 \u00a0 \u00a0 \u00a0 Ic asecgan ne m\u00e6g,\n- 495\n- \n \u00feeah ic gesitte \u00a0 \u00a0 \u00a0 \u00a0 sumerlongne d\u00e6g, \n eal \u00fea earfe\u00feu \u00a0 \u00a0 \u00a0 \u00a0 \u00fee ic \u00e6r ond si\u00fe\n gefremede to facne, \u00a0 \u00a0 \u00a0 \u00a0 si\u00fe\u00fean fur\u00feum w\u00e6s\n rodor ar\u00e6red \u00a0 \u00a0 \u00a0 \u00a0 ond ryne tungla,\n folde gef\u00e6stnad \u00a0 \u00a0 \u00a0 \u00a0 ond \u00fea forman men,\n- 500\n- \n Adam ond Aeue, \u00a0 \u00a0 \u00a0 \u00a0 \u00feam ic ealdor o\u00f0\u00ferong, \n ond hy gel\u00e6rde \u00a0 \u00a0 \u00a0 \u00a0 \u00fe\u00e6t hi lufan dryhtnes,\n ece eadgiefe \u00a0 \u00a0 \u00a0 \u00a0 anforleton,\n beorhtne boldwelan, \u00a0 \u00a0 \u00a0 \u00a0 \u00fe\u00e6t him b\u00e6m gewear\u00f0\n yrm\u00feu to ealdre, \u00a0 \u00a0 \u00a0 \u00a0 ond hyra eaferum swa,\n- 505\n- \n mircast manweorca. \u00a0 \u00a0 \u00a0 \u00a0 Hw\u00e6t sceal ic ma riman \n yfel endeleas? \u00a0 \u00a0 \u00a0 \u00a0 Ic eall geb\u00e6r,\n wra\u00fee wrohtas \u00a0 \u00a0 \u00a0 \u00a0 geond wer\u00feeode,\n \u00fea \u00fee gewurdun \u00a0 \u00a0 \u00a0 \u00a0 widan feore\n from fruman worulde \u00a0 \u00a0 \u00a0 \u00a0 fira cynne,\n- 510\n- \n eorlum on eor\u00fean. \u00a0 \u00a0 \u00a0 \u00a0 Ne w\u00e6s \u00e6nig \u00feara \n \u00fe\u00e6t me \u00feus \u00feriste, \u00a0 \u00a0 \u00a0 \u00a0 swa \u00feu nu \u00fea,\n halig mid hondum, \u00a0 \u00a0 \u00a0 \u00a0 hrinan dorste,\n n\u00e6s \u00e6nig \u00fe\u00e6s modig \u00a0 \u00a0 \u00a0 \u00a0 mon ofer eor\u00fean\n \u00feurh halge meaht, \u00a0 \u00a0 \u00a0 \u00a0 heahf\u00e6dra nan\n- 515\n- \n ne witgena. \u00a0 \u00a0 \u00a0 \u00a0 \u00feeah \u00fee him weoruda god \n onwrige, wuldres cyning, \u00a0 \u00a0 \u00a0 \u00a0 wisdomes g\u00e6st,\n giefe unm\u00e6te, \u00a0 \u00a0 \u00a0 \u00a0 hw\u00e6\u00fere ic gong to \u00feam\n agan moste. \u00a0 \u00a0 \u00a0 \u00a0 N\u00e6s \u00e6nig \u00feara\n \u00fe\u00e6t mec \u00feus bealdlice \u00a0 \u00a0 \u00a0 \u00a0 bennum bilegde,\n- 520\n- \n \u00feream for\u00ferycte, \u00a0 \u00a0 \u00a0 \u00a0 \u00e6r \u00feu nu \u00fea \n \u00fea miclan meaht \u00a0 \u00a0 \u00a0 \u00a0 mine oferswi\u00f0dest,\n f\u00e6ste forfenge, \u00a0 \u00a0 \u00a0 \u00a0 \u00fee me f\u00e6der sealde,\n feond moncynnes, \u00a0 \u00a0 \u00a0 \u00a0 \u00fea he mec feran het,\n \u00feeoden of \u00feystrum, \u00a0 \u00a0 \u00a0 \u00a0 \u00fe\u00e6t ic \u00fee sceolde\n- 525\n- \n synne swetan. \u00a0 \u00a0 \u00a0 \u00a0 \u00fe\u00e6r mec sorg bicwom, \n hefig hondgewinn. \u00a0 \u00a0 \u00a0 \u00a0 Ic bihlyhhan ne \u00feearf\n \u00e6fter sarwr\u00e6ce \u00a0 \u00a0 \u00a0 \u00a0 si\u00f0f\u00e6t \u00feisne\n magum in gemonge, \u00a0 \u00a0 \u00a0 \u00a0 \u00feonne ic mine sceal\n agiefan gnorncearig \u00a0 \u00a0 \u00a0 \u00a0 gafulr\u00e6denne\n- 530\n- \n in \u00feam reongan ham.\" \u00a0 \u00a0 \u00a0 \u00a0 \u00f0a se gerefa het, \n gealgmod guma, \u00a0 \u00a0 \u00a0 \u00a0 Iulianan\n of \u00feam engan hofe \u00a0 \u00a0 \u00a0 \u00a0 ut gel\u00e6dan\n on hyge halge \u00a0 \u00a0 \u00a0 \u00a0 h\u00e6\u00fenum to spr\u00e6ce\n to his domsetle. \u00a0 \u00a0 \u00a0 \u00a0 Heo \u00fe\u00e6t deofol teah,\n- 535\n- \n breostum inbryrded, \u00a0 \u00a0 \u00a0 \u00a0 bendum f\u00e6stne, \n halig h\u00e6\u00feenne. \u00a0 \u00a0 \u00a0 \u00a0 Ongan \u00fea hreowcearig\n si\u00f0f\u00e6t seofian, \u00a0 \u00a0 \u00a0 \u00a0 sar cwanian,\n wyrd wanian, \u00a0 \u00a0 \u00a0 \u00a0 wordum m\u00e6lde:\n \"Ic \u00feec halsige, \u00a0 \u00a0 \u00a0 \u00a0 hl\u00e6fdige min,\n- 540\n- \n Iuliana, \u00a0 \u00a0 \u00a0 \u00a0 fore godes sibbum, \n \u00fe\u00e6t \u00feu fur\u00feur me \u00a0 \u00a0 \u00a0 \u00a0 frace\u00feu ne wyrce,\n edwit for eorlum, \u00a0 \u00a0 \u00a0 \u00a0 \u00feonne \u00feu \u00e6r dydest,\n \u00fea \u00feu oferswi\u00fedest \u00a0 \u00a0 \u00a0 \u00a0 \u00feone snotrestan\n under hlinscuan \u00a0 \u00a0 \u00a0 \u00a0 helwarena cyning\n- 545\n- \n in feonda byrig; \u00a0 \u00a0 \u00a0 \u00a0 \u00fe\u00e6t is f\u00e6der user, \n mor\u00feres manfrea. \u00a0 \u00a0 \u00a0 \u00a0 Hw\u00e6t, \u00feu mec \u00fereades\n \u00feurh sarslege! \u00a0 \u00a0 \u00a0 \u00a0 Ic to so\u00fee wat\n \u00fe\u00e6t ic \u00e6r ne si\u00f0 \u00a0 \u00a0 \u00a0 \u00a0 \u00e6nig ne mette\n in woruldrice \u00a0 \u00a0 \u00a0 \u00a0 wif \u00fee gelic,\n- 550\n- \n \u00feristran ge\u00feohtes \u00a0 \u00a0 \u00a0 \u00a0 ne \u00feweorhtimbran \n m\u00e6g\u00fea cynnes. \u00a0 \u00a0 \u00a0 \u00a0 Is on me sweotul\n \u00fe\u00e6t \u00feu unscamge \u00a0 \u00a0 \u00a0 \u00a0 \u00e6ghw\u00e6s wurde\n on fer\u00fee frod.\" \u00a0 \u00a0 \u00a0 \u00a0 \u00f0a hine seo f\u00e6mne forlet\n \u00e6fter \u00fer\u00e6chwile \u00a0 \u00a0 \u00a0 \u00a0 \u00feystra neosan\n- 555\n- \n in sweartne grund, \u00a0 \u00a0 \u00a0 \u00a0 sawla gewinnan, \n on wita forwyrd. \u00a0 \u00a0 \u00a0 \u00a0 Wiste he \u00fei gearwor,\n manes melda, \u00a0 \u00a0 \u00a0 \u00a0 magum to secgan,\n susles \u00feegnum, \u00a0 \u00a0 \u00a0 \u00a0 hu him on si\u00f0e gelomp.\n \"georne \u00e6r\n- 560\n- \n heredon on heah\u00feu \u00a0 \u00a0 \u00a0 \u00a0 ond his halig word, \n s\u00e6gdon so\u00f0lice \u00a0 \u00a0 \u00a0 \u00a0 \u00fe\u00e6t he sigora gehw\u00e6s\n ofer ealle gesceaft \u00a0 \u00a0 \u00a0 \u00a0 ana weolde,\n ecra eadgiefa.\" \u00a0 \u00a0 \u00a0 \u00a0 \u00f0a cwom engel godes\n fr\u00e6twum blican \u00a0 \u00a0 \u00a0 \u00a0 ond \u00fe\u00e6t fyr tosceaf,\n- 565\n- \n gefreode ond gefreo\u00f0ade \u00a0 \u00a0 \u00a0 \u00a0 facnes cl\u00e6ne, \n leahtra lease, \u00a0 \u00a0 \u00a0 \u00a0 ond \u00feone lig towearp,\n heorogiferne, \u00a0 \u00a0 \u00a0 \u00a0 \u00fe\u00e6r seo halie stod,\n m\u00e6g\u00fea bealdor, \u00a0 \u00a0 \u00a0 \u00a0 on \u00feam midle gesund.\n \u00fe\u00e6t \u00feam weligan w\u00e6s \u00a0 \u00a0 \u00a0 \u00a0 weorc to \u00feolianne,\n- 570\n- \n \u00fe\u00e6r he hit for worulde \u00a0 \u00a0 \u00a0 \u00a0 wendan meahte, \n sohte synnum fah, \u00a0 \u00a0 \u00a0 \u00a0 hu he sarlicast\n \u00feurh \u00fea wyrrestan \u00a0 \u00a0 \u00a0 \u00a0 witu meahte\n feorhcwale findan. \u00a0 \u00a0 \u00a0 \u00a0 N\u00e6s se feond to l\u00e6t,\n se hine gel\u00e6rde \u00a0 \u00a0 \u00a0 \u00a0 \u00fe\u00e6t he l\u00e6men f\u00e6t\n- 575\n- \n biwyrcan het \u00a0 \u00a0 \u00a0 \u00a0 wundorcr\u00e6fte, \n wiges womum, \u00a0 \u00a0 \u00a0 \u00a0 ond wudubeamum,\n holte bihl\u00e6nan. \u00a0 \u00a0 \u00a0 \u00a0 \u00f0a se hearda bibead\n \u00fe\u00e6t mon \u00fe\u00e6t lamf\u00e6t \u00a0 \u00a0 \u00a0 \u00a0 leades gefylde,\n ond \u00fea onb\u00e6rnan het \u00a0 \u00a0 \u00a0 \u00a0 b\u00e6lfira m\u00e6st,\n- 580\n- \n ad on\u00e6lan, \u00a0 \u00a0 \u00a0 \u00a0 se w\u00e6s \u00e6ghwonan \n ymbboren mid brondum. \u00a0 \u00a0 \u00a0 \u00a0 B\u00e6\u00f0 hate weol.\n Het \u00fea ofestlice \u00a0 \u00a0 \u00a0 \u00a0 yrre gebolgen\n leahtra lease \u00a0 \u00a0 \u00a0 \u00a0 in \u00fe\u00e6s leades wylm\n scufan butan scyldum. \u00a0 \u00a0 \u00a0 \u00a0 \u00fea toscaden wear\u00f0\n- 585\n- \n lig tolysed. \u00a0 \u00a0 \u00a0 \u00a0 Lead wide sprong, \n hat, heorogifre. \u00a0 \u00a0 \u00a0 \u00a0 H\u00e6le\u00f0 wurdon acle\n arasad for \u00fey r\u00e6se. \u00a0 \u00a0 \u00a0 \u00a0 \u00fe\u00e6r on rime forborn\n \u00feurh \u00fe\u00e6s fires fn\u00e6st \u00a0 \u00a0 \u00a0 \u00a0 fif ond hundseofontig\n h\u00e6\u00f0nes herges. \u00a0 \u00a0 \u00a0 \u00a0 \u00f0a gen sio halge stod\n- 590\n- \n ungewemde wlite. \u00a0 \u00a0 \u00a0 \u00a0 N\u00e6s hyre wloh ne hr\u00e6gl, \n ne feax ne fel \u00a0 \u00a0 \u00a0 \u00a0 fyre gem\u00e6led,\n ne lic ne leo\u00feu. \u00a0 \u00a0 \u00a0 \u00a0 Heo in lige stod\n \u00e6ghw\u00e6s onsund, \u00a0 \u00a0 \u00a0 \u00a0 s\u00e6gde ealles \u00feonc\n dryhtna dryhtne. \u00a0 \u00a0 \u00a0 \u00a0 \u00fea se dema wear\u00f0\n- 595\n- \n hreoh ond hygegrim, \u00a0 \u00a0 \u00a0 \u00a0 ongon his hr\u00e6gl teran, \n swylce he grennade \u00a0 \u00a0 \u00a0 \u00a0 ond gristbitade,\n wedde on gewitte \u00a0 \u00a0 \u00a0 \u00a0 swa wilde deor,\n grymetade gealgmod \u00a0 \u00a0 \u00a0 \u00a0 ond his godu t\u00e6lde,\n \u00fe\u00e6s \u00fee hy ne meahtun \u00a0 \u00a0 \u00a0 \u00a0 m\u00e6gne wi\u00festondan\n- 600\n- \n wifes willan. \u00a0 \u00a0 \u00a0 \u00a0 W\u00e6s seo wuldres m\u00e6g \n anr\u00e6d ond unforht, \u00a0 \u00a0 \u00a0 \u00a0 eafo\u00f0a gemyndig,\n dryhtnes willan. \u00a0 \u00a0 \u00a0 \u00a0 \u00fea se dema het\n aswebban sorgcearig \u00a0 \u00a0 \u00a0 \u00a0 \u00feurh sweordbite\n on hyge halge, \u00a0 \u00a0 \u00a0 \u00a0 heafde bineotan\n- 605\n- \n Criste gecorene. \u00a0 \u00a0 \u00a0 \u00a0 Hine se cwealm ne \u00feeah, \n si\u00fe\u00fean he \u00feone fintan \u00a0 \u00a0 \u00a0 \u00a0 fur\u00feor cu\u00fee.\n \u00f0a wear\u00f0 \u00fe\u00e6re halgan \u00a0 \u00a0 \u00a0 \u00a0 hyht geniwad\n ond \u00fe\u00e6s m\u00e6gdnes mod \u00a0 \u00a0 \u00a0 \u00a0 miclum geblissad,\n si\u00fe\u00fean heo gehyrde \u00a0 \u00a0 \u00a0 \u00a0 h\u00e6le\u00f0 eahtian\n- 610\n- \n inwitrune, \u00a0 \u00a0 \u00a0 \u00a0 \u00fe\u00e6t hyre endest\u00e6f \n of gewindagum \u00a0 \u00a0 \u00a0 \u00a0 weor\u00fean sceolde,\n lif alysed. \u00a0 \u00a0 \u00a0 \u00a0 Het \u00fea leahtra ful\n cl\u00e6ne ond gecorene \u00a0 \u00a0 \u00a0 \u00a0 to cwale l\u00e6dan,\n synna lease. \u00a0 \u00a0 \u00a0 \u00a0 \u00f0a cwom semninga\n- 615\n- \n hean helle g\u00e6st, \u00a0 \u00a0 \u00a0 \u00a0 hearmleo\u00f0 agol, \n earm ond unl\u00e6d, \u00a0 \u00a0 \u00a0 \u00a0 \u00feone heo \u00e6r gebond\n awyrgedne \u00a0 \u00a0 \u00a0 \u00a0 ond mid witum swong,\n cleopade \u00fea for cor\u00fere, \u00a0 \u00a0 \u00a0 \u00a0 ceargealdra full:\n \"Gylda\u00f0 nu mid gyrne, \u00a0 \u00a0 \u00a0 \u00a0 \u00fe\u00e6t heo goda ussa\n- 620\n- \n meaht forhogde, \u00a0 \u00a0 \u00a0 \u00a0 ond mec swi\u00feast \n geminsade, \u00a0 \u00a0 \u00a0 \u00a0 \u00fe\u00e6t ic to meldan wear\u00f0.\n L\u00e6ta\u00f0 hy la\u00fera \u00a0 \u00a0 \u00a0 \u00a0 leana hleotan\n \u00feurh w\u00e6pnes spor, \u00a0 \u00a0 \u00a0 \u00a0 wreca\u00f0 ealdne ni\u00f0,\n synne gesohte. \u00a0 \u00a0 \u00a0 \u00a0 Ic \u00fea sorge gemon,\n- 625\n- \n hu ic bendum f\u00e6st \u00a0 \u00a0 \u00a0 \u00a0 bisga unrim \n on anre niht \u00a0 \u00a0 \u00a0 \u00a0 earfe\u00f0a dreag,\n yfel orm\u00e6tu.\" \u00a0 \u00a0 \u00a0 \u00a0 \u00fea seo eadge biseah\n ongean gramum, \u00a0 \u00a0 \u00a0 \u00a0 Iuliana,\n gehyrde heo hearm galan \u00a0 \u00a0 \u00a0 \u00a0 helle deofol.\n- 630\n- \n Feond moncynnes \u00a0 \u00a0 \u00a0 \u00a0 ongon \u00fea on fleam sceacan, \n wita neosan, \u00a0 \u00a0 \u00a0 \u00a0 ond \u00fe\u00e6t word acw\u00e6\u00f0:\n \"Wa me forworhtum! \u00a0 \u00a0 \u00a0 \u00a0 Nu is wen micel\n \u00fe\u00e6t heo mec eft wille \u00a0 \u00a0 \u00a0 \u00a0 earmne gehynan\n yflum yrm\u00feum, \u00a0 \u00a0 \u00a0 \u00a0 swa heo mec \u00e6r dyde.\"\n- 635\n- \n \u00f0a w\u00e6s gel\u00e6ded \u00a0 \u00a0 \u00a0 \u00a0 londmearce neah \n ond to \u00fe\u00e6re stowe \u00a0 \u00a0 \u00a0 \u00a0 \u00fe\u00e6r hi stearcfer\u00fee\n \u00feurh cumbolhete \u00a0 \u00a0 \u00a0 \u00a0 cwellan \u00feohtun.\n Ongon heo \u00fea l\u00e6ran \u00a0 \u00a0 \u00a0 \u00a0 ond to lofe trymman\n folc of firenum \u00a0 \u00a0 \u00a0 \u00a0 ond him frofre gehet,\n- 640\n- \n weg to wuldre, \u00a0 \u00a0 \u00a0 \u00a0 ond \u00fe\u00e6t word acw\u00e6\u00f0: \n \"Gemuna\u00f0 wigena wyn \u00a0 \u00a0 \u00a0 \u00a0 ond wuldres \u00ferym,\n haligra hyht, \u00a0 \u00a0 \u00a0 \u00a0 heofonengla god.\n He is \u00fe\u00e6s wyr\u00f0e, \u00a0 \u00a0 \u00a0 \u00a0 \u00fe\u00e6t hine wer\u00feeode\n ond eal engla cynn \u00a0 \u00a0 \u00a0 \u00a0 up on roderum\n- 645\n- \n hergen, heahm\u00e6gen, \u00a0 \u00a0 \u00a0 \u00a0 \u00fe\u00e6r is help gelong \n ece to ealdre, \u00a0 \u00a0 \u00a0 \u00a0 \u00feam \u00fee agan sceal.\n For\u00feon ic, leof weorud, \u00a0 \u00a0 \u00a0 \u00a0 l\u00e6ran wille,\n \u00e6fremmende, \u00a0 \u00a0 \u00a0 \u00a0 \u00fe\u00e6t ge eower hus\n gef\u00e6stnige, \u00a0 \u00a0 \u00a0 \u00a0 \u00fey l\u00e6s hit ferbl\u00e6dum\n- 650\n- \n windas toweorpan. \u00a0 \u00a0 \u00a0 \u00a0 Weal sceal \u00fey trumra \n strong wi\u00festondan \u00a0 \u00a0 \u00a0 \u00a0 storma scurum,\n leahtra gehygdum. \u00a0 \u00a0 \u00a0 \u00a0 Ge mid lufan sibbe,\n leohte geleafan, \u00a0 \u00a0 \u00a0 \u00a0 to \u00feam lifgendan\n stane sti\u00f0hydge \u00a0 \u00a0 \u00a0 \u00a0 sta\u00feol f\u00e6stnia\u00f0,\n- 655\n- \n so\u00f0e treowe \u00a0 \u00a0 \u00a0 \u00a0 ond sibbe mid eow \n healda\u00f0 \u00e6t heortan, \u00a0 \u00a0 \u00a0 \u00a0 halge rune\n \u00feurh modes myne. \u00a0 \u00a0 \u00a0 \u00a0 \u00feonne eow miltse giefe\u00f0\n f\u00e6der \u00e6lmihtig, \u00a0 \u00a0 \u00a0 \u00a0 \u00fe\u00e6r ge frofre agun\n \u00e6t m\u00e6gna gode, \u00a0 \u00a0 \u00a0 \u00a0 m\u00e6ste \u00feearfe\n- 660\n- \n \u00e6fter sorgstafum. \u00a0 \u00a0 \u00a0 \u00a0 For\u00feon ge sylfe neton \n utgong heonan, \u00a0 \u00a0 \u00a0 \u00a0 ende lifes.\n W\u00e6rlic me \u00feince\u00f0 \u00a0 \u00a0 \u00a0 \u00a0 \u00fe\u00e6t ge w\u00e6ccende\n wi\u00f0 hettendra \u00a0 \u00a0 \u00a0 \u00a0 hildewoman\n wearde healden, \u00a0 \u00a0 \u00a0 \u00a0 \u00fey l\u00e6s eow wi\u00feerfeohtend\n- 665\n- \n weges forwyrnen \u00a0 \u00a0 \u00a0 \u00a0 to wuldres byrig. \n Bidda\u00f0 bearn godes \u00a0 \u00a0 \u00a0 \u00a0 \u00fe\u00e6t me brego engla,\n meotud moncynnes, \u00a0 \u00a0 \u00a0 \u00a0 milde geweor\u00fee,\n sigora sellend. \u00a0 \u00a0 \u00a0 \u00a0 Sibb sy mid eowic,\n symle so\u00fe lufu.\" \u00a0 \u00a0 \u00a0 \u00a0 \u00f0a hyre sawl wear\u00f0\n- 670\n- \n al\u00e6ded of lice \u00a0 \u00a0 \u00a0 \u00a0 to \u00feam langan gefean \n \u00feurh sweordslege. \u00a0 \u00a0 \u00a0 \u00a0 \u00fea se synsca\u00fea\n to scipe sceohmod \u00a0 \u00a0 \u00a0 \u00a0 scea\u00feena \u00fereate\n Heliseus \u00a0 \u00a0 \u00a0 \u00a0 ehstream sohte,\n leolc ofer laguflod \u00a0 \u00a0 \u00a0 \u00a0 longe hwile\n- 675\n- \n on swonrade. \u00a0 \u00a0 \u00a0 \u00a0 Swylt ealle fornom \n secga hlo\u00fee \u00a0 \u00a0 \u00a0 \u00a0 ond hine sylfne mid,\n \u00e6r\u00feon hy to lande \u00a0 \u00a0 \u00a0 \u00a0 geliden h\u00e6fdon,\n \u00feurh \u00feearlic \u00ferea. \u00a0 \u00a0 \u00a0 \u00a0 \u00fe\u00e6r XXX w\u00e6s\n ond feowere eac \u00a0 \u00a0 \u00a0 \u00a0 feores onsohte\n- 680\n- \n \u00feurh w\u00e6ges wylm \u00a0 \u00a0 \u00a0 \u00a0 wigena cynnes, \n heane mid hlaford, \u00a0 \u00a0 \u00a0 \u00a0 hro\u00fera bid\u00e6led,\n hyhta lease \u00a0 \u00a0 \u00a0 \u00a0 helle sohton.\n Ne \u00feorftan \u00fea \u00feegnas \u00a0 \u00a0 \u00a0 \u00a0 in \u00feam \u00feystran ham,\n seo geneatscolu \u00a0 \u00a0 \u00a0 \u00a0 in \u00feam neolan scr\u00e6fe,\n- 685\n- \n to \u00feam frumgare \u00a0 \u00a0 \u00a0 \u00a0 feohgestealda \n witedra wenan, \u00a0 \u00a0 \u00a0 \u00a0 \u00fe\u00e6t hy in winsele\n ofer beorsetle \u00a0 \u00a0 \u00a0 \u00a0 beagas \u00feegon,\n \u00e6pplede gold. \u00a0 \u00a0 \u00a0 \u00a0 Ungelice w\u00e6s\n l\u00e6ded lofsongum \u00a0 \u00a0 \u00a0 \u00a0 lic haligre\n- 690\n- \n micle m\u00e6gne \u00a0 \u00a0 \u00a0 \u00a0 to moldgr\u00e6fe, \n \u00fe\u00e6t hy hit gebrohton \u00a0 \u00a0 \u00a0 \u00a0 burgum in innan,\n sidfolc micel. \u00a0 \u00a0 \u00a0 \u00a0 \u00fe\u00e6r si\u00f0\u00f0an w\u00e6s\n geara gongum \u00a0 \u00a0 \u00a0 \u00a0 godes lof hafen\n \u00ferymme micle \u00a0 \u00a0 \u00a0 \u00a0 o\u00fe \u00feisne d\u00e6g\n- 695\n- \n mid \u00feeodscipe. \u00a0 \u00a0 \u00a0 \u00a0 Is me \u00feearf micel \n \u00fe\u00e6t seo halge me \u00a0 \u00a0 \u00a0 \u00a0 helpe gefremme,\n \u00feonne me ged\u00e6la\u00f0 \u00a0 \u00a0 \u00a0 \u00a0 deorast ealra,\n sibbe toslita\u00f0 \u00a0 \u00a0 \u00a0 \u00a0 sinhiwan tu,\n micle modlufan. \u00a0 \u00a0 \u00a0 \u00a0 Min sceal of lice\n- 700\n- \n sawul on si\u00f0f\u00e6t, \u00a0 \u00a0 \u00a0 \u00a0 nat ic sylfa hwider, \n eardes uncy\u00f0gu; \u00a0 \u00a0 \u00a0 \u00a0 of sceal ic \u00feissum,\n secan o\u00feerne \u00a0 \u00a0 \u00a0 \u00a0 \u00e6rgewyrhtum,\n gongan iud\u00e6dum. \u00a0 \u00a0 \u00a0 \u00a0 Geomor hweorfe\u00f0\n \u16b3 \u16a3 ond \u16be. \u00a0 \u00a0 \u00a0 \u00a0 Cyning bi\u00fe re\u00fee,\n- 705\n- \n sigora syllend, \u00a0 \u00a0 \u00a0 \u00a0 \u00feonne synnum fah \n \u16d6 \u16b9 ond \u16a2 \u00a0 \u00a0 \u00a0 \u00a0 acle bida\u00f0\n hw\u00e6t him \u00e6fter d\u00e6dum \u00a0 \u00a0 \u00a0 \u00a0 deman wille\n lifes to leane. \u00a0 \u00a0 \u00a0 \u00a0 \u16da \u16c7 beofa\u00f0,\n seoma\u00f0 sorgcearig. \u00a0 \u00a0 \u00a0 \u00a0 Sar eal gemon,\n- 710\n- \n synna wunde, \u00a0 \u00a0 \u00a0 \u00a0 \u00fee ic si\u00fe o\u00fe\u00fee \u00e6r \n geworhte in worulde. \u00a0 \u00a0 \u00a0 \u00a0 \u00fe\u00e6t ic wopig sceal\n tearum m\u00e6nan. \u00a0 \u00a0 \u00a0 \u00a0 W\u00e6s an tid to l\u00e6t\n \u00fe\u00e6t ic yfeld\u00e6da \u00a0 \u00a0 \u00a0 \u00a0 \u00e6r gescomede,\n \u00feenden g\u00e6st ond lic \u00a0 \u00a0 \u00a0 \u00a0 geador si\u00feedan\n- 715\n- \n onsund on earde. \u00a0 \u00a0 \u00a0 \u00a0 \u00feonne arna bi\u00feearf, \n \u00fe\u00e6t me seo halge \u00a0 \u00a0 \u00a0 \u00a0 wi\u00f0 \u00feone hyhstan cyning\n ge\u00feingige. \u00a0 \u00a0 \u00a0 \u00a0 Mec \u00fe\u00e6s \u00feearf mona\u00fe,\n micel modes sorg. \u00a0 \u00a0 \u00a0 \u00a0 Bidde ic monna gehwone\n gumena cynnes, \u00a0 \u00a0 \u00a0 \u00a0 \u00fee \u00feis gied wr\u00e6ce,\n- 720\n- \n \u00fe\u00e6t he mec neodful \u00a0 \u00a0 \u00a0 \u00a0 bi noman minum \n gemyne modig, \u00a0 \u00a0 \u00a0 \u00a0 ond meotud bidde\n \u00fe\u00e6t me heofona helm \u00a0 \u00a0 \u00a0 \u00a0 helpe gefremme,\n meahta waldend, \u00a0 \u00a0 \u00a0 \u00a0 on \u00feam miclan d\u00e6ge,\n f\u00e6der, frofre g\u00e6st, \u00a0 \u00a0 \u00a0 \u00a0 in \u00fea frecnan tid,\n- 725\n- \n d\u00e6da demend, \u00a0 \u00a0 \u00a0 \u00a0 ond se deora sunu, \n \u00feonne seo \u00ferynis \u00a0 \u00a0 \u00a0 \u00a0 \u00ferymsittende\n in annesse \u00a0 \u00a0 \u00a0 \u00a0 \u00e6lda cynne\n \u00feurh \u00fea sciran gesceaft \u00a0 \u00a0 \u00a0 \u00a0 scrife\u00f0 bi gewyrhtum\n meorde monna gehwam. \u00a0 \u00a0 \u00a0 \u00a0 Forgif us, m\u00e6gna god,\n- 730\n- \n \u00fe\u00e6t we \u00feine onsyne, \u00a0 \u00a0 \u00a0 \u00a0 \u00e6\u00feelinga wyn, \n milde gemeten \u00a0 \u00a0 \u00a0 \u00a0 on \u00fea m\u00e6ran tid.\n Amen.\nNotes\n \n - \n 6. MS god hergendra.<text>\n- \n 12. MS of.<text>\n- \n 16. MS b\u00e6rdon.<text>\n- \n 38. MS \u00fe\u00e6re.<text>\n- \n 46. MS in.<text>\n- \n 78. MS swor.<text>\n- \n 86. MS geweald.<text>\n- \n 91. MS gl\u00e6d mod.<text>\n- \n 116. MS \u00e6nig.<text>\n- \n 128. MS \u00ferea med lic.<text>\n- \n 151. MS g\u00e6ste.<text>\n- \n 171. MS yldo.<text>\n- \n 196. MS wi\u00feer hycgen de.<text>\n- \n 218. MS metet.<text>\n- \n 264. MS welgrim.<text>\n- \n 271. MS to cleopianne.<text>\n- \n 288. MS domeadigra, a late spelling.<text>\n- \n 294. MS bispeop.<text>\n- \n 313. MS asengan.<text>\n- \n 325. MS se.<text>\n- \n 334. MS ge mete.<text>\n- \n 338. MS neod cyrre\u00f0.<text>\n- \n 348. MS so\u00f0f\u00e6st at the end of one line,\n tum at the beginning of the next.<text>\n- \n 354. MS sindon.<text>\n- \n 371. MS hyra\u00f0.<text>\n- \n 456. MS ond (Tironian \"and\" ) dettan.<text>\n- \n 467. MS \u00fey.<text>\n- \n 468. MS of.<text>\n- \n 479. MS onweg.<text>\n- \n 485. MS eald.<text>\n- \n 486. MS drucne.<text>\n- \n 492. MS \u00feeah.<text>\n- \n 508. MS ge wordun.<text>\n- \n 521. MS miclam.<text>\n- \n 521. MS min.<text>\n- \n 544. MS helwerena.<text>\n- \n 545. MS his.<text>\n- \n 549. MS wi\u00fe.<text>\n- \n 555. MS gewinna.<text>\n- \n 559. A folio has been lost from the manuscript here.<text>\n- \n 560. missing; weorc supplied by Holthausen.<text>\n- \n 562. MS wolde.<text>\n- \n 577. MS bi l\u00e6nan.<text>\n- \n 577. hearda supplied by Thorpe.<text>\n- \n 586. MS \u00e6le\u00f0.<text>\n- \n 599. MS meahtum.<text>\n- \n 620. MS for hogd.<text>\n- \n 628. MS Iulianan.<text>\n- \n 630. MS flean.<text>\n- \n 658. a word is missing from the MS. frofre is supplied by\n Strunk and Krapp, but is metrically dubious. Trautmann supplied freme.<text>\n- \n 687. MS sele. Note that beorsetle is a nonce word.<text>\n- \n 701. MS uncy\u00f0\u00feu.<text>\n- \n 723. MS miclam.<text>","title":"Juliana","type":"page"}