{"collection":"Northern European Mythology","html_url":"https://unchartedknowledge.5gfusion.net/browse/neu/ascp/a03_10.htm","path":"neu/ascp/a03_10.htm","source_url":"https://sacred-texts.com/neu/ascp/a03_10.htm","text":"Hw\u00e6t, me frod wita on fyrndagum\ns\u00e6gde, snottor ar, sundorwundra fela.\nWordhord onwreah witgan larum\nbeorn boca gleaw, bodan \u00e6rcwide,\n5\n\u00fe\u00e6t ic so\u00f0lice si\u00fe\u00fean meahte\nongitan bi \u00feam gealdre godes agen bearn,\nwilgest on wicum, ond \u00feone wacran swa some,\nscyldum bescyredne, on gescead witan.\n\u00fe\u00e6t m\u00e6g \u00e6ghwylc mon ea\u00fee ge\u00feencan,\n10\nse \u00fee hine ne l\u00e6te\u00f0 on \u00feas l\u00e6nan tid\namyrran his gemyndum modes g\u00e6lsan\nond on his d\u00e6grime druncen to rice,\n\u00feonne monige beo\u00f0 m\u00e6\u00feelhegendra,\nwlonce wigsmi\u00feas winburgum in,\ncirm on cor\u00fere, cwide scralleta\u00fe\nmissenlice. Swa beo\u00fe modsefan\ndalum ged\u00e6led, sindon dryhtguman\nungelice. Sum on oferhygdo\n\u00ferymme \u00feringe\u00f0, \u00ferinte\u00f0 him in innan\n25\nungemedemad mod; sindan to monige \u00fe\u00e6t!\nBi\u00f0 \u00fe\u00e6t \u00e6f\u00feonca eal gefylled\nfeondes fligepilum, facensearwum;\nbreoda\u00f0 he ond b\u00e6lce\u00f0, bo\u00f0 his sylfes\nswi\u00feor micle \u00feonne se sella mon,\n30\n\u00feence\u00f0 \u00fe\u00e6t his wise welhwam \u00feince\neal unforcu\u00fe. Bi\u00fe \u00fe\u00e6s o\u00feer swice,\n\u00feonne he \u00fe\u00e6s facnes fintan sceawa\u00f0.\nWrence\u00fe he ond blence\u00fe, worn ge\u00feence\u00fe\nhinderhoca, hygegar lete\u00f0,\n35\nscurum sceote\u00fe. He \u00fea scylde ne wat\nf\u00e6h\u00fee gefremede, feo\u00fe his betran\neorl fore \u00e6fstum, l\u00e6te\u00f0 inwitflan\nbrecan \u00feone burgweal, \u00fee him bebead meotud\n\u00fe\u00e6t he \u00fe\u00e6t wigsteal wergan sceolde,\n40\nsite\u00fe symbelwlonc, searwum l\u00e6te\u00f0\nwine gew\u00e6ged word ut faran,\n\u00fer\u00e6fte \u00feringan \u00ferymme gebyrmed,\n\u00e6f\u00e6stum on\u00e6led, oferhygda ful,\nni\u00feum nearowrencum. Nu \u00feu cunnan meaht,\nwuldorcyninge. \u00fe\u00e6t se witga song,\ngearowyrdig guma, ond \u00fe\u00e6t gyd awr\u00e6c:\n\"Se \u00fee hine sylfne in \u00fea sli\u00fenan tid\n\u00feurh oferhygda up ahl\u00e6ne\u00f0,\nahefe\u00f0 heahmodne, se sceal hean wesan\nheardne heresi\u00fe, heofon widledan,\nforsawan hyra sellan, \u00fea hi to swice \u00feohton\nond \u00ferymcyning \u00feeodenstoles\nricne beryfan, swa hit ryht ne w\u00e6s,\nond \u00feonne gesettan on hyra sylfra dom\n65\nwuldres wynlond. \u00fe\u00e6t him wige forstod\nf\u00e6der frumsceafta; wear\u00f0 him seo feohte to grim.\n\u00f0onne bi\u00f0 \u00feam o\u00ferum ungelice\nse \u00fee her on eor\u00fean ea\u00f0mod leofa\u00f0,\nond wi\u00fe gesibbra gehwone simle healde\u00f0\n70\nfreode on folce ond his feond lufa\u00f0,\n\u00feeah \u00fee he him abylgnesse oft gefremede\nwillum in \u00feisse worulde. Se mot wuldres dream\nin haligra hyht heonan astigan\non engla eard. Ne bi\u00fe \u00feam o\u00ferum swa,\n75\nse \u00fee on ofermedum eargum d\u00e6dum\nleofa\u00fe in leahtrum, ne beo\u00f0 \u00fea lean gelic\nmid wuldorcyning.\" Wite \u00fee be \u00feissum,\ngif \u00feu ea\u00f0modne eorl gemete,\n\u00feegn on \u00feeode, \u00feam bi\u00f0 simle\n80\ng\u00e6st geg\u00e6derad godes agen bearn\nwilsum in worlde, gif me se witega ne leag.\nFor\u00feon we sculon a hycgende h\u00e6lo r\u00e6des\ngemunan in mode m\u00e6la gehwylcum\n\u00feone selestan sigora waldend.","title":"Vainglory","type":"page"}