{"collection":"Northern European Mythology","html_url":"https://unchartedknowledge.5gfusion.net/browse/neu/ascp/a03_21.htm","path":"neu/ascp/a03_21.htm","source_url":"https://sacred-texts.com/neu/ascp/a03_21.htm","text":"Sacred Texts\u00a0\n Legends and Sagas\u00a0\n WordGumbo: Old English Dictionaries [External Site]\n Index\u00a0\n Previous\u00a0\n Next\u00a0\n \n \n Wulf and Eadwacer\n Verse Indeterminate Saxon\n \n - \n Leodum is minum \u00a0\u00a0\u00a0\u00a0 swylce him mon lac gife; \n willa\u00f0 hy hine a\u00feecgan, \u00a0\u00a0\u00a0\u00a0 gif he on \u00fereat cyme\u00f0.\n Ungelic is us.\n Wulf is on iege, \u00a0\u00a0\u00a0\u00a0 ic on o\u00feerre.\n- 5\n- \n F\u00e6st is \u00fe\u00e6t eglond, \u00a0\u00a0\u00a0\u00a0 fenne biworpen. \n Sindon w\u00e6lreowe \u00a0\u00a0\u00a0\u00a0 weras \u00fe\u00e6r on ige;\n willa\u00f0 hy hine a\u00feecgan, \u00a0\u00a0\u00a0\u00a0 gif he on \u00fereat cyme\u00f0.\n Ungelice is us.\n Wulfes ic mines widlastum \u00a0\u00a0\u00a0\u00a0 wenum dogode;\n- 10\n- \n \u00feonne hit w\u00e6s renig weder \u00a0\u00a0\u00a0\u00a0 ond ic reotugu s\u00e6t, \n \u00feonne mec se beaducafa \u00a0\u00a0\u00a0\u00a0 bogum bilegde,\n w\u00e6s me wyn to \u00feon, \u00a0\u00a0\u00a0\u00a0 w\u00e6s me hw\u00e6\u00fere eac la\u00f0.\n Wulf, min Wulf, \u00a0\u00a0\u00a0\u00a0 wena me \u00feine\n seoce gedydon, \u00a0\u00a0\u00a0\u00a0 \u00feine seldcymas,\n- 15\n- \n murnende mod, \u00a0\u00a0\u00a0\u00a0 nales meteliste. \n Gehyrest \u00feu, Eadwacer? \u00a0\u00a0\u00a0\u00a0 Uncerne earne hwelp\n bire\u00f0 wulf to wuda.\n \u00fe\u00e6t mon ea\u00fee toslite\u00f0 \u00a0\u00a0\u00a0\u00a0 \u00fe\u00e6tte n\u00e6fre gesomnad w\u00e6s,\n uncer giedd geador.","title":"Wulf and Eadwacer","type":"page"}